വിവാഹത്തിനായുള്ള കാത്തിരിപ്പ്; സുഹൃത്തുക്കൾക്കൊപ്പം ബ്രൈഡ് ടു ബി ആഘോഷമാക്കി മീര നന്ദൻ

കഴിഞ്ഞ വർഷമാണ് നടി മീര നന്ദന്റെ വിവാഹനിശ്ചയം കഴിഞ്ഞത്. ലണ്ടനിൽ ജോലി ചെയ്യുന്ന ശ്രീജുവാണ് വരൻ. കഴിഞ്ഞ കുറച്ച് ദിവസങ്ങൾക്കു മുമ്പ് നടി സുഹൃത്തുക്കൾക്കൊപ്പം അവധിക്കാലം ആഘോഷമാക്കാൻ സെർബിയയിൽ പോയിരുന്നു. സുഹൃത്തുക്കളോടൊപ്പം നടത്തിയ താരത്തിന്റെ ബ്രൈഡ് ടു ബി ചിത്രങ്ങളാണിപ്പോൾ സമൂഹ മാധ്യമങ്ങളിൽ വൈറലാകുന്നത്. 

സെർബിയയിൽ വച്ചാണ് ബ്രൈഡ് ടു ബി ആഘോഷമാക്കിയത്. മീര വെളുത്ത വസ്ത്രവും മറ്റുള്ളവർ കറുപ്പ് നിറത്തിലുള്ള വസ്ത്രവുമാണ് തിരഞ്ഞെടുത്തത്. നാലുപേർ മാത്രം പങ്കെടുത്ത ആഘോഷത്തിന്റെ ചിത്രങ്ങളാണ് പങ്കുവച്ചത്. ടീം ബ്രൈഡ് എന്നെഴുതിയ ചെരുപ്പും വസ്ത്രവുമാണ് സുഹൃത്തുക്കൾ ധരിച്ചത്. മീരയുടെ വസ്ത്രത്തിന്റെ പുറകിൽ ബ്രൈഡ് എന്നെഴുതിയിട്ടുണ്ട്. 

നിരവധി പേരാണ് മീരയ്ക്ക് ആശംസകൾ അറിയിക്കുന്നത്. മാട്രിമോണി സൈറ്റ് വഴിയാണ് ശ്രീജുവും മീരയും പരിചയപ്പെട്ടത്. കഴിഞ്ഞ വർഷം സമൂഹ മാധ്യമത്തിൽ വിവാഹ നിശ്ചയ ചിത്രങ്ങൾ പങ്കുവച്ചപ്പോൾ മാത്രമാണ് താരത്തിന്റെ വിവാഹമാണെന്ന  വിവരം പലരും അറിഞ്ഞത്. ഈ വർഷമാണ് വിവാഹം.