2023ലെ ഏറ്റവും മികച്ച സ്മാർട്ഫോണായി പിക്സൽ 8; ആപ്പിളും സാംസങും പിന്നിൽ , വിശദമായറിയാം

ഗൂഗിൾ പിക്‌സൽ 8, ഐഫോൺ 15, ഗാലക്‌സി എസ് 23(Samsung Galaxy S23 ); ഫോണുകളിലെ ഒന്നാം സ്ഥാനത്തിനായി മത്സരിച്ച ഈ മോഡലുകളിൽ വിജയി ഏതായിരിക്കും. സംശയമേതും വേണ്ട എഐ ഫീച്ചറുകളും ക്യാമറ ശേഷിയും ഒരേപോലെ മികവുറ്റതാക്കിയ പിക്സൽ 8 തന്നെ.ഇതാദ്യമായാണ് ഒരു ഗൂഗിൾ ഫോൺ എംഡബ്ല്യുസിയിൽ ഈ കിരീടം നേടുന്നത് എന്നോർക്കുക.സ്‌പെയിനിലെ ബാര്‍സിലോനയിൽ  ഇത്തവണ നടന്ന മൊബൈൽ വേൾഡ് കോൺഗ്രസിൽ (എംഡബ്ല്യുസി) 2023-ലെ ഫോൺ ഓഫ് ദ ഇയർ അവാർഡ് പിക്സൽ 8 ആണ് നേടിയത്.

ഐഫോൺ 15 പ്രോ ലൈനപ്പ്(iPhone 15 Pro ), സാംസങിന്റെ ഗാലക്‌സി എസ് 23 സീരീസ്(Samsung Galaxy S23 ), സെഡ് ഫ്ലിപ്പ് 5(Samsung Galaxy Z Flip 5), വൺപ്ലസ് ഓപ്പൺ(Oneplus Open) എന്നിവയുൾപ്പെടെ മറ്റ് നിരവധി മുൻനിര ഉപകരണങ്ങളെ പിന്തള്ളിയാണ് പിക്‌സൽ 8, 8 പ്രോ എന്നിവ 'മികച്ച സ്മാർട്ട്‌ഫോൺ' അവാർഡ് സ്വന്തമാക്കിയിരിക്കുന്നത്. കഴിഞ്ഞ തവണത്തെ മത്സരങ്ങളിൽ കപ്പുയർത്തിയിരുന്നത് ആപ്പിളും സാംസങുമൊക്കെയായിരുന്നു.

Read More: ഒരാഴ്ച ബാറ്ററി ലൈഫ്, കയ്യിൽ ധരിക്കാവുന്ന ഫോണുകൾ, നിറം മാറുന്ന 'നായ്ക്കുട്ടി'; അദ്ഭുതങ്ങളുടെ എംഡബ്ല്യുസി

2022ൽ ഐഫോൺ 13 പ്രോയും മികച്ച സ്‌മാർട്ട്‌ഫോൺ അവാർഡ് നേടിയപ്പോൾ, 2021ൽ സാംസംഗ് ഗ്യാലക്‌സി എസ്21 അൾട്രാ പുരസ്‌കാരം നേടി. ഇതാദ്യമായാണ് ഗൂഗിൾ ഈ അഭിമാനകരമായ അവാർഡ് നേടുന്നത്. ക്വാൽകോം അതിൻ്റെ പുതിയ സ്‌നാപ്ഡ്രാഗൺ 8 ജെൻ 3 ചിപ്‌സെറ്റിനായി 'ബ്രേക്ക്‌ത്രൂ ഡിവൈസ് ഇന്നൊവേഷൻ' അവാർഡും സ്വന്തമാക്കിയത് ഇരട്ടി മധുരമായി മാറി.

2023ൽ 10 ദശലക്ഷം ഉപകരണങ്ങളാണ് പിക്സൽ സീരിസിൽ വിറ്റഴിച്ചത്. 2023ന്റെ അവസാന മാസങ്ങളിൽ വടക്കേ അമേരിക്കയിൽ വിറ്റുപോയ സ്മാർട്ട്‌ഫോണുകളുടെ ഏകദേശം 3% ഗൂഗിൾ പിക്സലാണ്.ഗൂഗിളിന്റെ ഏറ്റവും കരുത്താർന്ന എഐ മോഡലിന്റെ പിന്തുണയോടെ എത്തുന്ന പിക്സൽ 8 മോഡലുകളിൽ 50 എംപി ക്യാമറയാണ് വരുന്നത്. ഗൂഗിളിന്റെ പുതിയ ടെൻസർ ജി3 ചിപ്‌സെറ്റാണ് ഫോണിലുള്ളത്.

അവാർഡുകൾ ഇങ്ങനെ

മികച്ച സ്മാർട്ട്ഫോൺ : ഗൂഗിൾ പിക്സൽ 8 സീരീസ്

ബ്രേക്ക്‌ത്രൂ ഡിവൈസ് ഇന്നൊവേഷൻ : ക്വാൽകോം സ്നാപ്ഡ്രാഗൺ 8 ജെൻ 3

മികച്ച കണക്റ്റഡ് ഉപഭോക്തൃ ഉപകരണം : സാംസങ് ഗാലക്സി ടാബ് എസ് 9 അൾട്ര

ഷോയിലെ ഏറ്റവും മികച്ചത് : ഹോണർ മാജിക് V2 RSR പോർഷെ ഡിസൈൻ

Google Pixel 8, Pixel 8 Pro സവിശേഷതകൾ

ഗൂഗിൾ പിക്സൽ 8(Google Pixel 8)

∙60Hz-120Hz പുതുക്കൽ നിരക്കുള്ള 6.2 ഇഞ്ച് AMOLED ഡിസ്‌പ്ലേ

∙10.5 മുൻ ക്യാമറ

∙1,400nits പീക്ക് ബ്രൈറ്റ്​നെസ്

∙50MPപിൻ ക്യാമറ

∙Google ടെൻസർ G3 പ്രൊസസർ

∙ആൻഡ്രോയിഡ് 14

∙4,485 എംഎഎച്ച് ബാറ്ററി, 24W ഫാസ്റ്റ് ചാർജിങ്,20W വയർലെസ് ചാർജിങ്

പിക്സൽ 8 പ്രോ

∙1Hz-120Hz പുതുക്കൽ നിരക്കുള്ള 6.7-ഇഞ്ച് QHD + OLED ഡിസ്‌പ്ലേ

∙10.5എംപി മുൻ ക്യാമറ

∙50MP+48MP(അൾട്രാവൈഡ്)+48എംപി ടെലിഫോട്ടോ സൂം പിൻ ക്യാമറകൾ

∙Google ടെൻസർ G3 പ്രൊസസർ

∙ആൻഡ്രോയിഡ് 14

∙4950 എംഎഎച്ച് ബാറ്ററി, 27W ഫാസ്റ്റ് ചാർജിങ്

∙ഇൻ-ഡിസ്‌പ്ലേ ഫിംഗർപ്രിന്റ് സ്കാനർ