റെയിൽവേ വർക്ഷോപ്പുകളിൽ 3093 ഒഴിവ്; പ്രായം 24 കവിയരുത്, യോഗ്യതയായി പത്താം ക്ലാസും ഐടിഐയും മാത്രം
Mail This Article
റെയിൽവേയുടെ വിവിധ ഒഴിവിലേക്ക് പത്താം ക്ലാസും ഐടിഐയുമുള്ളവർക്ക് അപേക്ഷിക്കാം. ന്യൂഡൽഹി ആസ്ഥാനമായ നോർത്തേൺ റെയിൽവേയുടെ യൂണിറ്റ്/ഡിവിഷൻ/ വർക്ഷോപ്പുകളിലായി 3093 അപ്രന്റിസ് ഒഴിവുകളാണുള്ളത്. ജനുവരി 11 ഓൺലൈനായി അപേക്ഷിക്കാം. പ്രായം 24 കവിയരുത്.
∙ഇലക്ട്രീഷ്യൻ, ഫിറ്റർ, ഡീസൽ മെക്കാനിക്, വെൽഡർ (ഗ്യാസ് ആൻഡ് ഇലക്ട്രിക്), മെഷിനിസ്റ്റ്, ടർണർ, വയർമാൻ, കാർപെന്റർ, പെയിന്റർ (ജനറൽ),മെറ്റീരിയൽ ഹാൻഡ്ലിങ് എക്യുപ്മെന്റ് മെക്കാനിക് കം ഓപ്പറേറ്റർ, മേസൺ (ബിൽഡിങ് ആൻഡ് കൺസ്ട്രക്ടർ), മോട്ടോർ വെഹിക്കിൾ മെക്കാനിക്, മെക്കാനിക് (മെഷീൻ ടൂൾ മെയിന്റനൻസ്), റഫ്രിജറേഷൻ ആൻഡ് എയർകണ്ടിഷനിങ്, ഫോർജർ ആൻഡ് ഹീറ്റ് ട്രീറ്റർ, വെൽഡർ (സി ആൻഡ് ജി, വെൽഡർ സ്ട്രക്ചറൽ, എംഎംവി, ട്രിമ്മർ, ബ്ലാക്ക് /സ്മിത്ത്, റിവെറ്റർ തുടങ്ങിയ ട്രേഡുകളിലാണ് അവസരം.
∙യോഗ്യത: 50% മാർക്കോടെ പത്താം ക്ലാസ് ജയം/തത്തുല്യം, ബന്ധപ്പെട്ട ട്രേഡിൽ ഐടിഐ ജയം.
∙പ്രായം: 15–24. പട്ടികവിഭാഗത്തിന് അഞ്ചും മറ്റു പിന്നാക്കവിഭാഗത്തിനു മൂന്നും അംഗപരിമിതർക്കു 10 വർഷവും ഇളവ്.
യോഗ്യത 2023 ഡിസംബർ 4 അടിസ്ഥാനമാക്കിയും പ്രായം 2024 ജനുവരി 11 അടിസ്ഥാനമാക്കിയും കണക്കാക്കും.
∙സ്റ്റൈപെൻഡ്: ചട്ടപ്രകാരം.
∙തിരഞ്ഞെടുപ്പ്: യോഗ്യതാപരീക്ഷയിലെ മാർക്കിന്റെ അടിസ്ഥാനത്തിൽ.
∙ഫീസ്: 100. ഓൺലൈനായി ഫീസ് അടയ്ക്കണം. പട്ടികവിഭാഗം, ഭിന്നശേഷിക്കാർ, സ്ത്രീകൾ എന്നിവർക്കു ഫീസില്ല.