ഇന്ത്യൻ നേവിയിൽ 910 ഒഴിവ്; ബിഎസ്‌സി, എൻജിനീയറിങ് ബിരുദക്കാർക്ക് അപേക്ഷിക്കാം, പത്താം ക്ലാസുകാർക്കും അവസരം
Mail This Article
ഇന്ത്യൻ നേവിയുടെ വിവിധ കമാൻഡുകളിലും യൂണിറ്റുകളിലും ഗ്രൂപ്പ് ബി, സി തസ്തികകളിലായി 910 ഒഴിവ്. ഇന്ത്യൻ നേവി സിവിലിയൻ എൻട്രൻസ് ടെസ്റ്റ് (INCET- 01/2023) മുഖേനയാണു തിരഞ്ഞെടുപ്പ്. ഡിസംബർ 31 വരെ ഒാൺലൈനായി അപേക്ഷിക്കാം.
തസ്തിക, യോഗ്യത, പ്രായം:
∙ചാർജ്മാൻ (അമ്യൂണിഷൻ വർക്‌ഷോപ്): ബിഎസ്‌സി (ഫിസിക്സ്/കെമിസ്ട്രി/മാത്‌സ്) അല്ലെങ്കിൽ കെമക്കൽ എൻജിനീയറിങ് ഡിപ്ലോമ; 18-25.
∙ചാർജ്മാൻ (ഫാക്ടറി): ബിഎസ്‌സി (ഫിസിക്സ്/കെമിസ്ട്രി/മാത്‌സ്) അല്ലെങ്കിൽ ഇലക്ട്രിക്കൽ/ഇലക്ട്രോണിക്സ്/മെക്കാനിക്കൽ/കംപ്യൂട്ടർ എൻജിനീയറിങ് ഡിപ്ലോമ; 18-25.
∙സീനിയർ ഡ്രാഫ്റ്റ്സ്മാൻ (ഇലക്ട്രിക്കൽ, മെക്കാനിക്കൽ, കൺസ്ട്രക്‌ഷൻ, ആർമമെന്റ്, കാർട്ടോഗ്രാഫിക്): പത്താം ക്ലാസ് ജയം/തത്തുല്യം, ഡ്രാഫ്റ്റ്സ്മാൻഷിപ്പിൽ 2വർഷ ഡിപ്ലോമ/സർട്ടിഫിക്കറ്റ്, 3 വർഷ പരിചയം; 18-27.
∙ട്രേഡ്സ്മാൻ മേറ്റ്: പത്താം ക്ലാസ് ജയം, ബന്ധപ്പെട്ട ട്രേഡിൽ ഐടിഐ സർട്ടിഫിക്കറ്റ്; 18-25.
∙ശമ്പളം: ട്രേഡ്സ്മാൻമേറ്റ്: 18,000-56,900; മറ്റുള്ളവയിൽ: 35,400-1,12,400.
∙തിരഞ്ഞെടുപ്പ്: കംപ്യൂട്ടർ അധിഷ്ഠിത ഒാൺലൈൻ എഴുത്തുപരീക്ഷ മുഖേന.
വിവരങ്ങൾ www.joinindiannavy.gov.in, www.indiannavy.nic.in വെബ്സൈറ്റുകളിൽ പ്രസിദ്ധീകരിക്കും.
