എയർപോർട്ടുകളിൽ വമ്പൻ അവസരം; പത്താം ക്ലാസോ ബിരുദമോ മതി, അരലക്ഷം രൂപ ശമ്പളം വാങ്ങാം
Mail This Article
എയർപോർട്സ് അതോറിറ്റി ഒാഫ് ഇന്ത്യ സതേൺ റീജനു കീഴിലെ കേരള, തമിഴ്നാട്, അന്ധ്രപ്രദേശ്, തെലങ്കാന, കർണാടക, പുതുച്ചേരി, ലക്ഷദ്വീപ് എന്നിവിടങ്ങളിലെ എയർപോർട്ടുകളിൽ 119 ജൂനിയർ/സീനിയർ അസിസ്റ്റന്റ് ഒഴിവ്. ജനുവരി 26 വരെ ഒാൺലൈനായി അപേക്ഷിക്കാം.
തസ്തിക, ഒഴിവ്, യോഗ്യത, ശമ്പളം:
∙ജൂനിയർ അസിസ്റ്റന്റ്-ഫയർ സർവീസസ് (73): പത്താം ക്ലാസ് ജയം, മൂന്നു വർഷ ഡിപ്ലോമ (മെക്കാനിക്കൽ/ഒാട്ടമൊബീൽ/ഫയർ) അല്ലെങ്കിൽ പ്ലസ് ടു ജയം; ഹെവി/ മീഡിയം/ലൈറ്റ് മോട്ടർ വെഹിക്കിൾ ഡ്രൈവിങ് ലൈസൻസ്; 31,000-92,000.
∙സീനിയർ അസിസ്റ്റന്റ്-ഇലക്ട്രോണിക്സ് (25): ഡിപ്ലോമ ഇൻ ഇലക്ട്രോണിക്സ്/ ടെലികമ്യൂണിക്കേഷൻ/റേഡിയോ എൻജിനീയറിങ്, 2 വർഷ പരിചയം; 36,000-1,10,000.
∙സീനിയർ അസിസ്റ്റന്റ്-അക്കൗണ്ട്സ് (19): ബിരുദം (ബികോം മുൻഗണന), 2 വർഷ പരിചയം; 36,000-1,10,000
∙ജൂനിയർ അസിസ്റ്റന്റ്-ഒാഫിസ്(2): ബിരുദം; 31,000-92,000.
∙പ്രായം: 18-30. അർഹർക്ക് ഇളവ്
∙ഫീസ്: 1000. ഒാൺലൈനായി അടയ്ക്കണം. സ്ത്രീകൾ, പട്ടികവിഭാഗം, വിമുക്തഭടൻ, ഭിന്നശേഷിക്കാർ, എയർപോർട്ട് അതോറിറ്റി ഒാഫ് ഇന്ത്യയിൽ ഒരു വർഷ അപ്രന്റിസ്ഷിപ് പരിശീലനം പൂർത്തിയാക്കിയ അപ്രന്റിസുകൾ എന്നിവർക്ക് ഫീസില്ല.
∙പരീക്ഷാകേന്ദ്രം: കൊച്ചി, കോഴിക്കോട് എന്നിവിടങ്ങളിൽ. www.aai.aero