അസം റൈഫിൾസിൽ ഡ്രാഫ്റ്റ്സ്മാൻ, പേഴ്സനൽ അസിസ്റ്റന്റ് ഉൾപ്പെടെ നിയമനം, മാർച്ചിൽ റിക്രൂട്ട്മെന്റ് റാലി; സ്ത്രീകൾക്കും അവസരം
Mail This Article
അസം റൈഫിൾസിൽ 44 ഒഴിവുകളിൽ ആശ്രിത നിയമനത്തിന് റിക്രൂട്മെന്റ് നടത്തുന്നു. സർവീസിലിരിക്കെ മരിക്കുകയോ കാണാതാവുകയോ മെഡിക്കൽ കാരണങ്ങളാൽ സർവീസിൽ നിന്നു വിരമിക്കുകയോ ചെയ്തവരുടെ ആശ്രിതർക്കാണ് അവസരം. ജനുവരി 28 വരെ അപേക്ഷിക്കാം.
2024 മാർച്ച് 4 മുതൽ അസം റൈഫിൾസ് ഡയറക്ടറേറ്റ് ജനറൽ ഹെഡ്ക്വാട്ടേഴ്സ്, ലെയ്ത്കോർ, മേഘാലയയിലെ ഷില്ലോങ്, ഗുവാഹത്തിയിലെ എൻആർഎസ് എന്നിവിടങ്ങളിലാണ് റിക്രൂട്മെന്റ് റാലി.
റൈഫിൾമാൻ/റൈഫിൾ വുമൺ ജനറൽ ഡ്യൂട്ടി, വാറന്റ് ഓഫിസർ പേഴ്സനൽ അസിസ്റ്റന്റ്, വാറന്റ് ഓഫിസർ ഡ്രാഫ്റ്റ്സ്മാൻ, റൈഫിൾമാൻ എൽഎംഎൻ ഫീൽഡ്, റൈഫിൾമാൻ റിക്കവറി വെഹിക്കിൾ മെക്കാനിക്, റൈഫിൾമാൻ പ്ലംബർ, റൈഫിൾമാൻ എക്സ്–റേ അസിസ്റ്റന്റ് തസ്തികയിലാണ് അവസരം. റൈഫിൾമാൻ ജനറൽ ഡ്യൂട്ടി, വാറന്റ് ഓഫിസർ പേഴ്സനൽ അസിസ്റ്റന്റ് തസ്തികകളിൽ സ്ത്രീകൾക്കും അപേക്ഷിക്കാം. www.assamrifles.gov.in