ഏപ്രിൽ പ്രീമിയർ; ലോനപ്പന്റെ മാമോദീസ സൗജന്യമായി കാണാം

മഴവിൽ മനോരമയുടെ ഏപ്രിൽ പ്രീമിയർ ജയറാമിന്റെ ഹിറ്റ് ചിത്രം ലോനപ്പന്റെ മാമോദീസ. മഴവിൽ മനോരമ ഔദ്യോഗിക പേജിലും ഇൻസ്റ്റാഗ്രാം അക്കൗണ്ടിലുമായി നടന്ന വോട്ടെടുപ്പിലൂടെയാണ് ഏപ്രിൽ പ്രീമിയർ മൂവി തിരഞ്ഞെടുത്തത്. 'ലോനപ്പന്റെ മാമോദീസ' 'ഓട്ടോർഷ ' എന്നീ പുത്തൻ  സിനിമകളാണ് പോളിങ്ങിൽ ഉൾപ്പെടുത്തിയിരുന്നത്. ടെലിവിഷൻ പ്രീമിയറിനു മുൻപ് ചിത്രം സൈറ്റിൽ ലഭ്യമാകുന്നു എന്ന സവിശേഷതയും പ്രീമിയറിനു ഉണ്ട്.

പച്ചമരത്തണലില്‍, പയ്യന്‍സ്, ഒരു സിനിമാക്കാരന്‍ എന്നീ ചിത്രങ്ങള്‍ക്ക് ശേഷം ലിയോ തദ്ദേവൂസ് രചനയും സംവിധാനവും നിര്‍വഹിച്ച ചിത്രമാണ് ലോനപ്പന്റെ മാമോദീസ. നിരാശയിൽനിന്ന് ഉയർത്തെഴുന്നേൽക്കാൻ പ്രചോദിപ്പിക്കുന്ന ഒരു ഫീൽ ഗുഡ് ഫാമിലി ഡ്രാമയാണ് ചിത്രം. നിഷ സാരംഗ്, ലിച്ചി, ഹരീഷ് കണാരന്‍, ജോജു ജോര്‍ജ്ജ്, ദിലീഷ് പോത്തന്‍, അലന്‍സിയര്‍ എന്നിവരാണ് ചിത്രത്തിലെ താരങ്ങൾ.

സിനിമ കാണാൻ ഇവിടെ ക്ലിക്ക് ചെയ്യൂ...

മഴവിൽ  മൾട്ടിപ്ലെക്സിൽ പ്രേക്ഷർക്ക് സൗജന്യമായി സിനിമകൾ ആസ്വദിക്കാം.  ചാലക്കുടിക്കാരൻ ചങ്ങാതി, ക്വീൻ, രാമലീല, മാസ്റ്റർപീസ്, വിക്രം വേദ , ഗോദ  തുടങ്ങി എഴുപത്തിലതികം ബ്ലോക്ക്ബസ്റ്റർ  ചിത്രങ്ങളാണ് നിലവിൽ ഉള്ളത്. ടോപ് ട്രെൻഡിങ്ങ്, ന്യൂ റിലീസെസ്, ഫാമിലി എന്റെർടെയ്നേർസ്, ഡ്രാമ, ഡബ്ബ്ഡ് ഫിലിംസ് എന്നീ വിഭാഗങ്ങളിലാണ് ചിത്രങ്ങളെ തരംതിരിച്ചിരിക്കുന്നത്.