ഗോൾഡ് എത്തി, മുകുന്ദൻ ഉണ്ണി പുതുവത്സര ദിനത്തിൽ: ഈ ആഴ്ചയിലെ ഒടിടി റിലീസുകൾ
അൽഫോൻസ് പുത്രന്റെ ഗോൾഡ്, വിനീത് ശ്രീനിവാസന്റെ മുകുന്ദൻ ഉണ്ണി അസ്സോസിയേറ്റ്സ്, ഐശ്വര്യ ലക്ഷ്മിയുടെ ഗാട്ടാ കുസ്തി, വിജയ് സേതുപതിയുടെ ഡിഎസ്പി, ടോം ക്രൂസിന്റെ ടോപ് ഗൺ മാവെറിക് എന്നിവയാണ് ഈ ആഴ്ച ഒടിടി റിലീസിനെത്തുന്ന പ്രധാന സിനിമകൾ.
അൽഫോൻസ് പുത്രന്റെ ഗോൾഡ്, വിനീത് ശ്രീനിവാസന്റെ മുകുന്ദൻ ഉണ്ണി അസ്സോസിയേറ്റ്സ്, ഐശ്വര്യ ലക്ഷ്മിയുടെ ഗാട്ടാ കുസ്തി, വിജയ് സേതുപതിയുടെ ഡിഎസ്പി, ടോം ക്രൂസിന്റെ ടോപ് ഗൺ മാവെറിക് എന്നിവയാണ് ഈ ആഴ്ച ഒടിടി റിലീസിനെത്തുന്ന പ്രധാന സിനിമകൾ.
അൽഫോൻസ് പുത്രന്റെ ഗോൾഡ്, വിനീത് ശ്രീനിവാസന്റെ മുകുന്ദൻ ഉണ്ണി അസ്സോസിയേറ്റ്സ്, ഐശ്വര്യ ലക്ഷ്മിയുടെ ഗാട്ടാ കുസ്തി, വിജയ് സേതുപതിയുടെ ഡിഎസ്പി, ടോം ക്രൂസിന്റെ ടോപ് ഗൺ മാവെറിക് എന്നിവയാണ് ഈ ആഴ്ച ഒടിടി റിലീസിനെത്തുന്ന പ്രധാന സിനിമകൾ.
അൽഫോൻസ് പുത്രന്റെ ഗോൾഡ്, വിനീത് ശ്രീനിവാസന്റെ മുകുന്ദൻ ഉണ്ണി അസ്സോസിയേറ്റ്സ്, ഐശ്വര്യ ലക്ഷ്മിയുടെ ഗാട്ടാ കുസ്തി, വിജയ് സേതുപതിയുടെ ഡിഎസ്പി, ടോം ക്രൂസിന്റെ ടോപ് ഗൺ മാവെറിക് എന്നിവയാണ് ഈ ആഴ്ച ഒടിടി റിലീസിനെത്തുന്ന പ്രധാന സിനിമകൾ.
ബേസിൽ ജോസഫിന്റെ സൂപ്പർഹിറ്റ് ചിത്രം ജയ ജയ ജയ ജയ ഹേ, അമല പോളിന്റെ ടീച്ചർ, പെപ്പെയുടെ ആനപ്പറമ്പിലെ വേൾഡ് കപ്പ്, സമാന്ത–ഉണ്ണി മുകുന്ദൻ എന്നിവർ പ്രധാന വേഷങ്ങളിലെത്തിയ തെലുങ്ക് ആക്‌ഷൻ ത്രില്ലർ യശോദ, സുരാജ് വെഞ്ഞാറമ്മൂട് ചിത്രം റോയ്, ശ്രദ്ധ ശ്രീനാഥിന്റെ വിറ്റനസ്, മോഹൻലാലിന്റെ മോൺസ്റ്റർ, ജീത്തു ജോസഫ്–ആസിഫ് അലി ചിത്രം കൂമൻ, തമിഴ് ചിത്രം ലൗവ് ടുഡേ എന്നിവയാണ് ഡിസംബർ മാസം ഒടിടി റിലീസിനെത്തിയ മറ്റ് പ്രധാന സിനിമകൾ. മോൺസ്റ്റർ ഹോട്ട്സ്റ്റാറിലൂടെയും ലൗ ടുഡേ നെറ്റ്ഫ്ലിക്സിലൂടെയും റിലീസ് ചെയ്തു.
ഗോൾഡ്: ഡിസംബർ 29: ആമസോൺ പ്രൈം
പ്രേമം എന്ന സൂപ്പർഹിറ്റിനു ശേഷം അൽഫോൻസ് പുത്രൻ സംവിധാനം ചെയ്ത സിനിമ. പൃഥ്വിരാജ്, നയൻതാര എന്നിവരാണ് പ്രധാന കഥാപാത്രങ്ങളായി എത്തുന്നത്. തിയറ്ററുകളിൽ സമ്മിശ്ര പ്രതികരണമായിരുന്നു ചിത്രത്തിന് ലഭിച്ചത്.
ഗാട്ടാ കുസ്തി: ജനുവരി 1: നെറ്റ്ഫ്ലിക്സ്
ഐശ്വര്യ ലക്ഷ്മി, വിഷ്ണു വിശാൽ എന്നിവർ പ്രധാന കഥാപാത്രങ്ങളാകുന്ന കോമഡി എന്റർടെയ്നർ. തിയറ്ററുകളിലും മികച്ച പ്രതികരണം ചിത്രം സ്വന്തമാക്കിയിരുന്നു.
മുകുന്ദൻ ഉണ്ണി അസ്സോസിയേറ്റ്സ്: ജനുവരി 1: ഹോട്ട്സ്റ്റാർ
വിനീത് ശ്രീനിവാസനെ നായകനാക്കി അഭിനവ് സുന്ദർ നായക് സംവിധാനം ചെയ്ത ക്രൈം ഡ്രാമ. മുകുന്ദൻ ഉണ്ണി എന്ന അഭിഭാഷകനായി വിനീത് എത്തുന്നു. ഈ വർഷം തിയറ്ററുകളിലും മികച്ച അഭിപ്രായം നേടിയ സിനിമകളിലൊന്നായിരുന്നു മുകുന്ദൻ ഉണ്ണി അസ്സോസിയേറ്റ്സ്.
ജയ ജയ ജയ ജയ ഹേ: ഡിസംബര്‍ 22: ഹോട്ട്സ്റ്റാർ
ബേസിൽ ജോസഫ്, ദർശന രാജേന്ദ്രൻ എന്നിവരെ പ്രധാന കഥാപാത്രങ്ങളാക്കി വിപിൻ ദാസ് സംവിധാനം ചെയ്ത ചിത്രം. തിയറ്ററുകളിലും വലിയ വിജയമാണ് ചിത്രം നേടിയത്.
ടീച്ചർ: ഡിസംബർ 23: നെറ്റ്ഫ്ലിക്സ്
അമല പോളിനെ നായികയാക്കി വിവേക് സംവിധാനം ചെയ്ത ചിത്രം. ദേവികയെന്ന സ്കൂൾ ടീച്ചർക്ക് നേരിടേണ്ടി വരുന്ന അസാധരണമായൊരു പ്രതിസന്ധിയും അതിൽ നിന്നുള്ള അതിജീവനുമാണ് ചിത്രത്തിൻറെ പ്രമേയം.
ആനപ്പറമ്പിലെ വേള്‍ഡ് കപ്പ്: ഡിസംബർ 23: സൺ നെക്സ്റ്റ്
ആന്റണി വർഗീസിനെ നായകനാക്കി നവാഗതനായ നിഖിൽ പ്രേംരാജ് സംവിധാനം ചെയ്ത ചിത്രമാണ് ആനപ്പറമ്പിലെ വേൾഡ് കപ്പ്. ഫുട്‌ബോൾ പശ്ചാത്തലത്തിലുള്ള ചിത്രമാണിത്. സൺ നെക്സ്റ്റിലാണ് ചിത്രം റിലീസ് ചെയ്യുന്നത്. ഡിസംബർ 23 മുതൽ സൺ നെക്സ്റ്റിൽ ചിത്രം കാണാം.
മോൺസ്റ്റർ: ഡിസംബർ 2: ഹോട്ട്സ്റ്റാർ
പുലിമുരുകന് ശേഷം മോഹൻലാലിനെ നായകനാക്കി വൈശാഖ് സംവിധാനം ചെയ്ത ത്രില്ലർ. ഉദയ് കൃഷ്ണയാണ് തിരക്കഥ. ലക്കി സിങ് എന്ന കഥാപാത്രമായി മോഹൻലാൽ എത്തുന്നു. ഹണി റോസ് ആണ് നായിക.
കൂമൻ: ഡിസംബർ 2: ആമസോൺ പ്രൈം
ആസിഫ് അലി–ജീത്തു ജോസഫ് കൂട്ടുകെട്ടിൽ പുറത്തിറങ്ങിയ സസ്പെൻസ് ത്രില്ലർ. ബാബുരാജ്, ഹന്ന റെജി, ജാഫർ ഇടുക്കി, രൺജി പണിക്കർ എന്നിവരാണ് സിനിമയിലെ മറ്റ് താരങ്ങൾ.
ലൗവ് ടുഡേ: ഡിസംബർ 2: നെറ്റ്ഫ്ലിക്സ്
കോമാളിക്കു ശേഷം പ്രദീപ് രംഗനാഥൻ സംവിധാനം ചെയ്ത കോമഡി എന്റർടെയ്നർ. പ്രദീപ് തന്നെയാണ് നായകൻ. മലയാളി നടി ഇവാന നായികയാകുന്നു. തമിഴിൽ 50 കോടി ക്ലബ്ബില്‍ ചിത്രം ഇടം നേടിയിരുന്നു.
നിതം ഒരു വാനം: ഡിസംബർ 2: നെറ്റ്ഫ്ലിക്സ്
അശോക് സെൽവൻ, റിതു വർമ, ശിവദ, അപർണ ബാലമുരളി എന്നിവരെ പ്രധാന കഥാപാത്രങ്ങളാക്കി ആർ.എ. കാർത്തിക് സംവിധാനം ചെയ്യുന്ന ചിത്രം. ഗോപിസുന്ദറാണ് സംഗീതം. മനോഹരമായ പ്രണയകഥയാണ് ചിത്രം പറയുന്നത്.
മിറൽ: ഡിസംബർ 2: ആഹാ
ഭരത്തിനെ നായകനാക്കി എം. ശക്തിവേൽ സംവിധാനം ചെയ്യുന്ന സൈക്കോ ത്രില്ലർ. വാണി ഭോജൻ ആണ് നായിക.
ഫ്രെഡി: ഡിസംബർ 2: ഹോട്ട്സ്റ്റാർ
കാർത്തിക് ആര്യനെ നായകനാക്കി ശശാങ്ക ഘോഷ് സംവിധാനം ചെയ്യുന്ന സൈക്കളോജിക്കൽ ത്രില്ലർ.