വാജ്‌പേയിയിലെ കവിമനസ്സിനു മരണം എന്നും പ്രിയപ്പെട്ട വിഷയമായിരുന്നു. ‘കാലം എങ്ങനെ പോകുന്നു?’ എന്ന കവിതയിൽ വാജ്‌പേയി എഴുതി:
ഞാൻ മരണത്തെ
വെല്ലുവിളിക്കുന്നു;
എന്നാൽ എനിക്കു
മരണത്തോട്
എതിരിടാൻ ഒരാഗ്രഹവുമില്ല;
ഞാൻ മരണത്തെ
നേരിൽക്കാണാമെന്ന്
വാക്കുകൊടുത്തിട്ടുമില്ല.
ജീവിതം ഇന്നലെ, ഇന്ന്, നാളെ
എന്നു നീങ്ങുന്നു– പക്ഷേ,
മരണം ഒരു നിമിഷം മാത്രം.
എനിക്കിഷ്‌ടമുള്ളപ്പോൾ
മരിക്കാൻ കഴിയണം.
മരണമേ, നിശബ്‌ദനായി
വരാതിരിക്കുക; പറയാതെ,
കള്ളനെപ്പോലെ.
നേരിട്ടൂ വരൂ ധീരനെപ്പോലെ
എന്നിട്ട് എന്നെ പരീക്ഷിക്കുക.’’
മറ്റൊരു കവിതയിൽ വാജ്‌പേയി മരണത്തെക്കുറിച്ച് ഇങ്ങനെയെഴുതി:
എന്തുകൊണ്ടു മരണം
ആഘോഷിക്കുന്നില്ല?
ജന്മദിനങ്ങൾപോലെ.
മരണമാണ്
ആഘോഷിക്കേണ്ടത്,
കാരണം നിങ്ങൾ
സ്വതന്ത്രനാവുകയാണ്.’’
×
