ജയ്പൂർ ∙ വിവാഹച്ചടങ്ങുകളും സൽക്കാരവും നടക്കുന്നിടത്തു പാചകവാതക സിലിണ്ടർ പൊട്ടിത്തെറിച്ച് ആറു പേർ മരിച്ചു. മൂന്നു കുട്ടികളും രണ്ടു സ്ത്രീകളുമടക്കം ആറുപേരാണു മരിച്ചത്. അഞ്ചുപേർക്ക് ഗുരുതരമായി പരുക്കേറ്റു. അജ്മേറിനു സമീപം ബീവാറിലായിരുന്നു അപകടം.
ചടങ്ങു നടന്ന ഹോട്ടൽ കെട്ടിടവും സ്ഫോടനത്തിൽ തകർന്നു. ഇതിനടിയിൽപ്പെട്ടു കൂടുതൽ പേർ മരിച്ചിട്ടുണ്ടോ എന്നറിയാൻ തിരച്ചിൽ തുടരുകയാണ്. 13 പേരെ കാണാതായിട്ടുണ്ടെന്നും ഇവർക്കായി തിരച്ചിൽ തുടരുകയാണെന്നും അജ്മേർ കലക്ടർ ഗൗരവ് ഗോയൽ അറിയിച്ചു.