നഗരത്തിലെ കനാൽ റോഡിൽ ചിതറിക്കിടക്കുന്ന മീൻ. ചിത്രം: ജാക്സൻ ആറാട്ടുകുളം
ആലപ്പുഴ ∙ നഗരത്തിലെ കനാൽ റോഡിൽ ‘മീൻ ചാകര’. സന്ധ്യാസമയത്ത് ആരോ അഴുകിയ മീൻ റോഡിൽ തള്ളിയിട്ടു പോയതാണ് ‘മീൻ ചാകര’യ്ക്കു കാരണം. മീൻ ചിതറിയതു കാരണം വഴുതിക്കിടന്ന റോഡിൽ രണ്ടു ബൈക്കുകാർ വീണു. സമീപ പ്രദേശത്തെ ഫാക്ടറിയിൽ നിന്നു പുറംതള്ളിയ മീനുകൾ ആരോ കനാൽ റോഡിൽ ഉപേക്ഷിച്ചിട്ടു പോയതാണെന്നാണു കരുതുന്നത്.
ആലപ്പുഴ കനാൽ റോഡിൽ മീൻ ചിതറിയ നിലയിൽ.നാട്ടുകാരുടെ പരാതിയെ തുടർന്നു പൊലീസും അഗ്നിശമന സേനയും എത്തി മീൻ നീക്കം ചെയ്തു. ദേശീയപാതയുടെ സമാന്തരമായാണ് എഎസ് കനാൽ റോഡ്.
×
