മടിപിടിച്ചിരിക്കാനാഗ്രഹിക്കുന്നൊരു അവധി ദിനത്തിൽ നിങ്ങളുടെ കുഞ്ഞുങ്ങളെ സന്തോഷിപ്പിക്കാനുള്ള മാർഗമാണ് വളരെ എളുപ്പത്തിൽ തയ്യാറാക്കാവുന്ന ഈ ചേരുവ.
ഫയറി ചിക്കൻ ചേരുവകൾ
ചിക്കൻ ഡ്രംസ്റ്റിക്‌സ് (ചിക്കൻ കാൽ ) - 4എണ്ണം
ഇഞ്ചി ചതച്ചത് - 1/2 ടീസ്പൂൺ
വെളുത്തുള്ളി ചതച്ചത് - 1 ടീസ്പൂൺ
മുളക് പൊടി - 2 ടീസ്പൂൺ
മല്ലി പൊടി - 3/4 ടീസ്പൂൺ
മഞ്ഞ പൊടി - 1/2 ടീസ്പൂൺ
ഗരം മസാല - 1/4 ടീസ്പൂൺ
തൈര് - 1ടീ സ്പൂൺ
എണ്ണ ആവശ്യത്തിന്
അലങ്കരിക്കാൻ :
നാരങ്ങ
ഉള്ളി വട്ടത്തിൽ അരിഞ്ഞത്
കറിവേപ്പിലയും മല്ലിയിലയും
പാചകരീതി
• ചിക്കൻ കാലുകൾ കഴുകി വൃത്തിയാക്കി നന്നായി വെള്ളം കളഞ്ഞു വെക്കുക.
• അതിലേക്ക് ചതച്ചു വെച്ച ഇഞ്ചി, വെളുത്തുള്ളി, ഉപ്പ്, മുളക് പൊടി, മല്ലി പൊടി, മഞ്ഞ പൊടി, ഗരം മസാല, തൈര് എന്നിവ നന്നായി തേച്ച് പിടിപ്പിക്കുക.
• 1 മണിക്കൂർ ഫ്രിഡ്ജിൽ വെക്കുക.
• ഒരു പാനിൽ എണ്ണ ചൂടാക്കി ചിക്കൻ വറത്തു കോരുക.
• നാരങ്ങ നീര്, ഉള്ളി അരിഞ്ഞത്, കറിവേപ്പില, മല്ലിയില എന്നിവ കൊണ്ട് അലങ്കരിക്കുക.
