മുംബൈ ∙ ത്രിരാഷ്ട്ര വനിതാ ട്വന്റി20യിൽ ഇംഗ്ലണ്ടിനെതിരെ ഓസ്ട്രേലിയയ്ക്ക് എട്ടു വിക്കറ്റിന്റെ ഉജ്വല വിജയം. മുൻപ് ഏറ്റുമുട്ടിയപ്പോൾ ഇംഗ്ലണ്ടിനോടേറ്റ എട്ടു വിക്കറ്റ് തോൽവിക്കു മധുരപ്രതികാരം. 97 റൺസിന്റെ ലക്ഷ്യം 11.3 ഓവറിൽ ഓസ്ട്രേലിയ മറികടന്നു.
നേരത്തേ 96 റൺസിൽ ഇംഗ്ലണ്ട് പുറത്തായി. കിമ്മിൻസ് 20 റൺസിനു മൂന്നു വിക്കറ്റെടുത്തു. ജെസ് ജൊനാസ്സൻ 21 റൺസിനു രണ്ടു വിക്കറ്റും മെഗഗാൻ ഷുട് 13 റൺസിനു രണ്ടു വിക്കറ്റും സ്വന്തമാക്കി. ഓസ്ട്രേലിയൻ ബാറ്റിങ് നിരയിൽ എല്ലിസെ പെറി (32 പന്തുകളിൽ 47 നോട്ടൗട്ട്), ക്യാപ്റ്റൻ മെഗ് ലാന്നിങ് (28 പന്തുകളിൽ 41 നോട്ടൗട്ട്) എന്നിവർ തിളങ്ങി.
×
