ടൂറിൻ∙ മുൻ ക്ലബ് മാഞ്ചസ്റ്റർ യുണൈറ്റഡിനെതിരെ ഗോളടിക്കാൻ സൂപ്പർ താരം ക്രിസ്റ്റ്യാനോ റൊണാൾഡോയ്ക്ക് വീണ്ടും അവസരം. ചാംപ്യൻസ് ലീഗ് ഗ്രൂപ്പ് ഘട്ടത്തിലെ പോരാട്ടത്തിൽ സ്വന്തം മൈതാനത്തു വിരുന്നെത്തുന്ന മാഞ്ചസ്റ്റർ യുണൈറ്റഡിനെതിരെ ക്രിസ്റ്റ്യാനോ ഇന്നു പന്തു തട്ടുമ്പോൾ മുൻ ക്ലബ് യുവെന്റസിനെതിരെ ഗോളടിക്കാൻ കോപ്പുകൂട്ടി മാഞ്ചസ്റ്റർ യുണൈറ്റഡ് താരം പോൾ പോഗ്ബയും ഇറങ്ങും.
രണ്ട് ആഴ്ച മുൻപ് ഇരു ടീമുകളും ഓൾഡ് ട്രാഫഡിൽ ഏറ്റുമുട്ടിയപ്പോൾ പൗലോ ഡിബാലയുടെ ഗോളിൽ 1–0നു യുവെന്റസാണു ജയിച്ചു കയറിയത്. ഇന്നു ജയിച്ചാൽ തുടർച്ചയായി 4–ാം ജയത്തോടെ ഗ്രൂപ്പ് ചാംപ്യൻമാരായി യുവെന്റസിനു പ്രീ ക്വാർട്ടർ സ്ഥാനം ഉറപ്പിക്കാം. ഗ്രൂപ്പിലെ രണ്ടാം സ്ഥാനക്കാരായി നോക്കൗട്ടിലേക്കു കടക്കാൻ യുണൈറ്റഡിനു സമനിലയെങ്കിലും അനിവാര്യമാണ്.
×
