ലണ്ടൻ∙ എവർട്ടനെ 3–1നു കീഴടക്കിയ മാഞ്ചസ്റ്റർ സിറ്റി ഇംഗ്ലീഷ് പ്രീമിയർ ലീഗ് പോയിന്റ് പട്ടികയിലെ ഒന്നാം സ്ഥാനം തിരിച്ചുപിടിച്ചു. ബ്രസീൽ സ്ട്രൈക്കർ ഗബ്രിയേൽ ജിസ്യൂസ് ഇരട്ട ഗോൾനേട്ടത്തോടെ (22’,50’) തിളങ്ങി.
ലെറോയ് സനെയുടെ നീക്കങ്ങളിൽ നിന്നായിരുന്നു ജിസ്യൂസിന്റെ 2 ഗോളും. രണ്ടാം പകുതിയിൽ പകരക്കാരന്റെ റോളിൽ ഇറങ്ങി ഫസ്റ്റ് ടച്ചിൽ ഗോളടിച്ച റഹീം സ്റ്റെർലിങും (69’) ആരാധകരുടെ കയ്യടി വാങ്ങി. കാൽ‌വെർട് ലെവിനാണ് (65’) എവർട്ടൻ സ്കോറർ. ലിവർപൂളിനെ പിന്തള്ളിയാണു സിറ്റി ഒന്നാമത് എത്തിയത്.
×
