അമേഠിയിലെ കോൺഗ്രസ് ഓഫിസിനു നേരെ അക്രമം; പരാജയഭീതി മൂലമെന്ന് ആരോപണം

ലക്നൗ ∙ അമേഠി ഗൗരിഗഞ്ചിലെ കോൺഗ്രസ് ഓഫിസിനു നേരെ അക്രമം. ഓഫിസിനു സമീപം നിർത്തിയിട്ടിരുന്ന ഒട്ടേറെ കാറുകളും കഴിഞ്ഞദിവസം രാത്രി നശിപ്പിച്ചു. ഏതാനും പേർക്കു പരുക്കേറ്റതായും കോൺഗ്രസ് നേതാക്കൾ പറഞ്ഞു. സംഭവത്തിനു പിന്നിൽ ബിജെപിയും അമേഠിയിലെ സിറ്റിങ് എംപി സ്മൃതി ഇറാനിയുമാണെന്നു കോൺഗ്രസ് ആരോപിച്ചു. പരാജയഭീതി മൂലം അക്രമിക്കുന്നുവെന്നാണ് കോൺഗ്രസിന്റെ ആരോപണം. കോൺഗ്രസ് അമേഠിയിൽനാടകം കളിക്കുകയാണെന്നും ബിജെപി വക്താവ് രാകേഷ് ത്രിപാഠി പ്രതികരിച്ചു.

ബാഗേലിനും ഗെലോട്ടിനും ചുമതല 

ന്യൂഡൽഹി ∙ കോൺഗ്രസ് മുൻ മുഖ്യമന്ത്രിമാരായ ഭൂപേഷ് ബാഗേലിനെയും അശോക് ഗെലോട്ടിനെയും യഥാക്രമം റായ്ബറേലി, അമേഠി മണ്ഡലങ്ങളുടെ തിരഞ്ഞെടുപ്പു ചുമതലയിലേക്ക് എഐസിസി നിയമിച്ചു.