നോൺ ക്രീമിലെയർ സർട്ടിഫിക്കറ്റ് ആവശ്യപ്പെടുന്നതെപ്പോൾ?

പിഎസ്‌സി തിരഞ്ഞെടുപ്പിന്റെ ഏതു ഘട്ടത്തിലാണ് നോൺ ക്രീമിലെയർ സർട്ടിഫിക്കറ്റ് ആവശ്യപ്പെടുന്നത്?

റാങ്ക് ലിസ്റ്റ് പ്രസിദ്ധീകരിക്കും മുൻപു നടത്തുന്ന സർട്ടിഫിക്കറ്റ് പരിശോധനാ വേളയിലാണു നോൺ ക്രീമിലെയർ സർട്ടിഫിക്കറ്റ് ആവശ്യപ്പെടാറുള്ളത്. ചില സന്ദർഭങ്ങളിൽ ഷോർട്/സാധ്യതാ ലിസ്റ്റ് പ്രസിദ്ധീകരിക്കുംമുൻപും നോൺ ക്രീമിലെയർ സർട്ടിഫിക്കറ്റ് ആവശ്യപ്പെടാറുണ്ട്. നിശ്ചിത യോഗ്യതകളുള്ള ഉദ്യോഗാർഥികളെ മാത്രം ലിസ്റ്റിൽ ഉൾപ്പെടുത്താനാണിത്. ലിസ്റ്റിൽ ഉൾപ്പെടുത്താൻ തീരുമാനിച്ചതിനേക്കാൾ കൂടുതൽ പേരോടു സർട്ടിഫിക്കറ്റ് ആവശ്യപ്പെടാറുണ്ട്.