BMW
ഒരിക്കൽ പോലും വാഹനം നിർത്തിയില്ല, എട്ടുമണിക്കൂർ തുടർച്ചയായ ഡ്രിഫ്റ്റിങ്, പിന്നിട്ടത് 374 കിലോമീറ്ററുകൾ. ഡ്രിഫ്റ്റിങ്ങിൽ പുതിയ ചരിത്രം കുറിച്ചിരിക്കുകയാണ് ജർമൻ വാഹന നിർമാതാക്കളായ ബിഎംഡബ്ല്യു. റെക്കോർഡ് നേട്ടത്തിനിടെ ഒന്നല്ല രണ്ട് ഗിന്നസ് റെക്കോർഡുകളാണ് ബിഎംഡബ്ല്യ എം 5 സ്വന്തമാക്കിയത്.
Watch the ALL-NEW BMW M5 refuel mid-drift to take TWO GUINNESS WORLD RECORDS™ titles
ബിഎംഡബ്ല്യു ഡ്രൈവിങ് ഇൻട്രക്റ്റർ ജോൺ ഷ്വട്സാണ് പുതിയ റെക്കോർഡ് സ‍ൃഷ്ടിച്ചത്. അദ്ദേഹത്തിന്റെ തന്നെ 81.5 കിലോമീറ്റർ ഡ്രിഫ്റ്റ് ചെയ്തു എന്ന റെക്കോർഡാണ് പഴങ്കഥയാക്കി മാറ്റിയത്. 6.6 ലീറ്റർ എൻജിനുള്ള ഈ എം 5 ന് 600 ബിഎച്ച്പി കരുത്തുണ്ട്. എട്ടുമണിക്കൂറിനിടെ അഞ്ചു വട്ടമാണ് ബിഎംഡബ്ല്യു ഇന്ധനം നിറച്ചത്. വാഹനം നിർത്താതെ സമാന്തരമായി മറ്റൊരു എം 5 ഡ്രിഫ്റ്റ് ചെയ്തായിരുന്നു ഇന്ധനം നിറച്ചത്.
വെള്ളം നിറഞ്ഞ പ്രതലത്തിൽ ഏറ്റവും കൂടുതൽ ദൈർഘ്യം രണ്ട് വാഹനങ്ങൾ സമാന്തരമായി ഡ്രിഫ്റ്റ് ചെയ്തതായിരുന്നു രണ്ടാമത്തെ റെക്കോർഡ്. ഇന്ധനം നിറയ്ക്കാൻ ഉപയോഗിച്ച എം5 ആയിരുന്നു ആ റെക്കോർഡിനായി ഉപയോഗിച്ചത്. ഡ്രിഫ്റ്റിങ്ങിനായി പ്രത്യേകം ഘടിപ്പിച്ച ഇന്ധന ടാങ്കിൽ 50 സെക്കന്റിൽ 68 ലീറ്റർ ഇന്ധനം നിറയ്ക്കാനാകും.
