കരിക്ക് താരം നിലീൻ സാന്ദ്രയുടെ ഫോട്ടോഷൂട്ട് വൈറൽ

വെബ് സീരിസിലൂടെ അഭിനയ രംഗത്തെത്തി പിന്നീട് സിനിമയിൽ സജീവമായ നടി നിലീൻ സാന്ദ്രയുടെ ഫോട്ടോഷൂട്ട് ചിത്രങ്ങളാണ് ശ്രദ്ധേയമാകുന്നത്. അനീഷ് ബാബുവാണ് ഫൊട്ടോഗ്രാഫർ. റിന്റു ആൻ തോമസ് മേക്കപ്പ്. എൽ 3 ഡിസൈൻ സ്റ്റുഡിയോയ്ക്കു വേണ്ടിയായിരുന്നു ഫോട്ടോഷൂട്ട്.

‘കരിക്ക്’ വെബ് സീരീസിലൂടെയാണ് നിലീൻ സാന്ദ്ര പ്രേക്ഷകരുടെ ഇഷ്ടതാരമായത്. നിരവധി പുരസ്‌കാരങ്ങൾ വാരിക്കൂട്ടിയ ‘ആവാസവ്യൂഹം’ എന്ന ചിത്രത്തിൽ നായികാ വേഷത്തിലെത്തിയ താരത്തിനു നിരൂപക പ്രശംസയും ലഭിച്ചു.

‘2018’ എന്ന ചിത്രത്തിലൂടെ വീണ്ടും പ്രേക്ഷകരുടെ കയ്യടി നേടി. 2018 ൽ നരേൻ അവതരിപ്പിച്ച മൽസ്യത്തൊഴിലാളിയുടെ ഭാര്യയുടെ വേഷത്തിലാണ് നിലീൻ എത്തിയത്.

അഭിനയം മാത്രമല്ല തിരക്കഥാ രംഗത്തും നിലീൻ തന്റെ കഴിവു തെളിയിച്ചിരുന്നു. റോക്ക് പേപ്പർ സിസേഴ്സ്, സാമർഥ്യശാസ്ത്രം എന്നീ വെബ് സീരീസുകൾ എഴുതിയത് നിലീന്‍ ആണ്. പുതിയ ചില തിരക്കഥകളുടെ പണിപ്പുരയിലാണ് ഇപ്പോൾ നിലീൻ.

എറണാകുളത്ത് അരൂർ ആണ് സ്ഥലം. അച്ഛൻ ജൂഡി തഹസിൽദാർ ആയി റിട്ടയർ ചെയ്തു. അമ്മ മേരി ഹൈക്കോടതിയിൽ ജോലി ചെയ്യുന്നു. ഒരു സഹോദരനാണ് നിലീനുള്ളത്.