കായംകുളം കൊച്ചുണ്ണിക്ക് ശേഷം കേരളത്തിലെ ബോക്സ്ഓഫീസ് കൊള്ളയടിക്കാൻ ‘ആനക്കള്ളൻ’ എത്തുന്നു. ബിജുമേനോന്‍ പ്രധാനവേഷത്തിലെത്തുന്ന ചിത്രം ഈ വ്യാഴാഴ്ച റിലീസ് ചെയ്യും. മുഴുനീള എന്റർടെയ്നറായാണ് ചിത്രം അണിയിച്ചൊരുക്കിയിരിക്കുന്നത്.
പഞ്ചവര്‍ണ്ണതത്തയ്ക്ക് ശേഷം സപ്തതരംഗ് സിനിമ നിർമിക്കുന്ന ചിത്രം സംവിധാനം ചെയ്യുന്നത് സുരേഷ് ദിവാകറാണ്. ചിത്രത്തിന്റെ തിരക്കഥ ഉദയ്കൃഷ്ണയാണ്. പുലിമുരുകന്‍, മാസ്റ്റർപീസ് എന്നീ ചിത്രങ്ങൾക്കു ശേഷം ഉദയ്കൃഷ്ണ തിരക്കഥയൊരുക്കുന്ന ചിത്രം കൂടിയാണിത്.
അനുശ്രീ, ഷംന കാസിം എന്നിവരാണ് നായികമാരായി എത്തുന്നത്. കൂടാതെ പ്രിയങ്ക, ബിന്ദു പണിക്കര്‍, സിദ്ധിഖ്, ഹരീഷ് കണാരന്‍, ധര്‍മജന്‍, സുരാജ് വെഞ്ഞാറമൂട്, സുധീര്‍ കരമന, കൈലാഷ്, ബാല, സായികുമാര്‍, സുരേഷ് കൃഷ്ണ, ഇന്ദ്രന്‍സ് എന്നിവരും ചിത്രത്തില്‍ വേഷമിടുന്നു.
ചിത്രത്തിന്റെ ഛായാഗ്രഹണം ആല്‍ബിയാണ്. നാദിര്‍ഷ ഗാനങ്ങള്‍ ഒരുക്കുന്നു. ജോണ്‍കുട്ടിയാണ് എഡിറ്റിങ്ങ്.
