ചെന്നൈ∙ ജാതിമാറി വിവാഹം ചെയ്യാനൊരുങ്ങിയ സഹോദരിയുടെ കാമുകനെ കൊലപ്പെടുത്തിയ പതിനഞ്ചുകാരനും ആറു സഹപാഠികളും അറസ്റ്റിൽ. തിരുനെൽവേലിയിൽ ഇതര ജാതിക്കാരിയെ പ്രണയിച്ച ബാങ്ക് ജീവനക്കാരൻ ഇസക്കി ശങ്കർ (32) ആണു കൊല്ലപ്പെട്ടത്. തുടർന്ന് കാമുകി സത്യഭാമ (20) ജീവനൊടുക്കി.
വിവാഹത്തിനു ബന്ധുക്കൾ സമ്മതം നൽകിയെങ്കിലും സഹോദരന് എതിർപ്പുണ്ടായിരുന്നു. ജാതി മാറിയുള്ള വിവാഹത്തിന്റെ പേരിൽ സഹപാഠികൾ കളിയാക്കിയതോടെ ശങ്കറിനെ കൊല്ലാൻ തീരുമാനിക്കുകയായിരുന്നെന്നു പൊലീസ് പറഞ്ഞു. തുടർന്നു സഹപാഠികളുടെ സഹായത്തോടെയായിരുന്നു കൊല.
×
