മതത്തിന്റെ പേരിൽ വോട്ട് ചോദിച്ചു; തേജസ്വിക്ക് എതിരെ കേസ്

ബെംഗളൂരു∙ മതത്തിന്റെ പേരിൽ വോട്ടു ചോദിച്ച് സമൂഹ മാധ്യമത്തിൽ വിഡിയോ പോസ്റ്റ് ചെയ്തതിന് ബെംഗളൂരു സൗത്തിലെ ബിജെപി സ്ഥാനാർഥിയും യുവമോർച്ച ദേശീയ പ്രസിഡന്റുമായ തേജസ്വി സൂര്യയ്ക്കെതിരെ പൊലീസ് കേസെടുത്തു. 

തിരഞ്ഞെടുപ്പു കമ്മിഷന്റെ പരാതിയെ തുടർന്നാണ് ജയനഗർ പൊലീസ് നടപടി. ഗതാഗത മന്ത്രി രാമലിംഗ റെഡ്ഡിയുടെ മകളും കോൺഗ്രസ് സ്ഥാനാർഥിയുമായ സൗമ്യ റെഡ്ഡിയെയാണ് തേജസ്വി നേരിടുന്നത്.