Opinion And Analysis

ശല്യക്കാർക്കു കീഴടങ്ങണോ?

മിക്കവരും പറയാൻ മടിക്കുന്ന വിഷയമാണ്. ദുഃസ്സഹമായ അന്തരീക്ഷത്തിലും സാഹചര്യത്തിലും യാതന അനുഭവിക്കേണ്ടി വരുന്ന അവസ്ഥ. ഉള്ളതു പറഞ്ഞുപോയാൽ വ്യക്തിബന്ധങ്ങൾ തകരും. ചിലപ്പോൾ മാനഹാനിയാകും ഫലം. എന്താണു ചെയ്യുക എന്നത് പലരെയും അലട്ടുന്ന പ്രശ്നം. ഉദാഹരണങ്ങൾ പലതുമുണ്ട്. നാം ട്രെയിൻ യാത്രയിലാണ്. അഞ്ചു മണിക്കൂർകൊണ്ടേ ലക്ഷ്യസ്ഥാനത്ത് എത്തുകയുള്ളൂ. തൊട്ടടുത്ത സീറ്റിലുള്ള അപരിചിതനും അതേ സ്ഥലത്തേക്കു തന്നെ. ഒന്നു ചിരിച്ചു. അദ്ദേഹവും ചിരിച്ചു. അതോടെ നമ്മുടെ നേർക്കു ചോദ്യങ്ങളുടെ കുത്തൊഴുക്കായി. ഏതു ക്രിമിനൽ വക്കീലും നാണിച്ചുപോകുന്ന ചോദ്യശൈലി. വീട്ടുകാര്യമടക്കം സർവതും പറയാതെ രക്ഷയില്ല. എല്ലാം നാരുകീറി ചോദിച്ചുകൊണ്ടേയിരിക്കുകയാണ്. അത്ര വലിയ സൗഹൃദമൊന്നും ആവശ്യമില്ലാത്തതിനാൽ ക്ഷമകെട്ട് ഒടുവിൽ ഉത്തരം പറയാതിരുന്നു. അതോടെ അയാളുടെ മുഖം കറുത്തു. ചോദ്യമഴയിൽനിന്നു രക്ഷപ്പെട്ടെന്ന് ആശ്വസിച്ചു. അറ്റ കൈയ്ക്ക് ചോദ്യങ്ങളോടു വിമുഖത കാട്ടിയില്ലെങ്കിൽ അഞ്ചു മണിക്കൂർ നേരം നിരന്തരം ചോദ്യവർഷങ്ങളിൽ നനഞ്ഞുകുളിച്ചു തളർന്നുപോയേനേ. ഈ സാഹചര്യത്തിൽ കീഴടങ്ങിയിരുന്നെങ്കിലോ?
Scientwist

ഇടംവലം നോക്കിയാൽ

രണ്ടു കയ്യും ഒരുപോലെ കൈകാര്യം ചെയ്യാൻ കഴിവുള്ളവർ ചുരുക്കം. നൂറിൽ 90 പേരും വലംകൈ ഉപയോഗിക്കുന്നു; 10 പേർ ഇടംകയ്യും. ന്യൂനപക്ഷമായ ഇടതരിൽ പ്രതിഭാശാലികൾ ഏറെയുണ്ട്. ലിയനാർദോ ഡ വീഞ്ചി, ഐസക് ന്യൂട്ടൻ, ആൽബർട് ഐൻസ്റ്റൈൻ, മേരി ക്യൂറി, മകൾ ഐറിൻ ക്യൂറി, നൊബേൽ ജേതാക്കളായ റീതാ ലെവി മെ‍ാൺടാച്ചിനി, ക്രിസ്ത്യാനെ വോൾഹാർട്, ആഡാ യൂനഥ്, ബാർബറ മക്‌ലിൻ ടോക്, ടുയൂയോ...നിര നീളുന്നു. എങ്ങനെയാണ് ഇടംകൈ സ്വാധീനം ഉരുത്തിരിയുന്നത്? ജനിതക ഭാഷയിൽ മറുപടി പറഞ്ഞാൽ ബീറ്റാ ട്യൂബുലിൻ ജീൻ (TUBB4B) എന്നതാണ് ഉത്തരം. ഇടംകയ്യരിൽ ഇത് 2.7% കൂടുതലാണ്. കോശത്തിന്റെ ഉൾഭാഗം സൂക്ഷ്മ കുഴലുകൾ (MICRO TUBES) എന്ന പ്രോട്ടീൻ തന്തുക്കളാണ്. ആ പ്രോട്ടീൻ നിർമിക്കാൻ നിർദേശം നൽകുന്ന ജീനാണിത്. നമ്മുടെ മസ്തിഷ്കത്തിനു രണ്ട് അർധഗോളങ്ങളുണ്ട്. അവ രണ്ടും ഒരുപോലെയല്ല. ഘടനയിലും പ്രവർത്തനത്തിലും വ്യത്യാസമുണ്ട്. ഇടം മസ്തിഷ്കമാണു വലംകയ്യെ നിയന്ത്രിക്കുന്നത്. ഭാഷാശേഷിയുടെ ആധാരം ഇതാണ്. സ്ഥലങ്ങൾ തിരിച്ചറിയാനുള്ള ദൃശ്യശേഷി കുടികെ‍ാള്ളുന്നത് വലത്തേ അർധഗോളത്തിലാണ്. മസ്തിഷ്കാർധ ഗോളങ്ങളുടെ സങ്കീർണമായ അസമത്വമാണ് ഇടം, വലം കൈകളുടെ വ്യത്യാസത്തിനു കാരണം. ചില കുടുംബങ്ങളിൽ കൂടുതൽ ഇടംകയ്യരെ കാണുന്നു. അച്ഛനമ്മമാരിൽ ഒരാൾക്ക് ഇടംകൈ സ്വാധീനമാണുള്ളതെങ്കിൽ കുട്ടിക്കും അതുണ്ടാകാനുള്ള സാധ്യതയുണ്ട്. ഉദാ: മേരി ക്യൂറിയും ഐറിനും. അച്ഛനും അമ്മയും ഇടംകയ്യരാണെങ്കിൽ കുട്ടിക്ക് അതുണ്ടാകാനുള്ള സാധ്യത നാലിലൊന്നായി കൂടുന്നു. പത്തിലൊരാൾക്ക് ഇടംകൈ എന്നാണു പ്രമാണമെങ്കിലും 1994ൽ 32 രാജ്യങ്ങളിൽ 24 ലക്ഷം പേർ പങ്കെടുത്ത സർവേയിൽ 9.3% മുതൽ 18.1% വരെ ഇടതരെ തിരിച്ചറിഞ്ഞു. ഏഷ്യയിലും ആഫ്രിക്കയിലും മധ്യപൗരസ്ത്യ ദേശങ്ങളിലും ഇടതരുടെ എണ്ണം പൊതുവേ കുറവാണ്. ഇവിടങ്ങളിൽ കുട്ടികളെ വലംകയ്യരായി വളർത്തുന്ന പതിവുമുണ്ട്. 5,13,303 പുരുഷന്മാർ പങ്കെടുത്ത അമേരിക്കൻ സർവേയിൽ 12.6% ഇടംകയ്യരുണ്ടായിരുന്നു. 6,64,114 സ്ത്രീകളുടെ സർവേയിൽ അത് 9% ആയിരുന്നു.
കച്ചത്തീവിൽ കലങ്ങി ശ്രീലങ്ക; മാലദ്വീപിന്റെ ചങ്കിൽ ചൈന; ഇന്ത്യയുടെ അയൽപക്കനയത്തിൽ ‌സംഭവിച്ചത്?

2023ൽ തന്നെ ഇന്ത്യയെ പുറത്താക്കാൻ മാലദ്വീപ് ശക്തമായ നീക്കം തുടങ്ങിയിരുന്നു. ‘ഇന്ത്യ ഔട്ട്’ എന്ന ക്യാംപെയ്ൻ ഇന്ത്യയുടെ അയൽ രാജ്യങ്ങൾക്കിടയിലെ ഒറ്റപ്പെട്ട സംഭവമായിരുന്നില്ല. നേപ്പാൾ മുതൽ ബംഗ്ലദേശ്, ശ്രീലങ്ക വരെയുള്ള രാജ്യങ്ങളിൽ സമീപകാലത്ത് ഇന്ത്യാ വിരുദ്ധ വികാരങ്ങൾ വർധിച്ചുവരികയാണ്. ഈ രാജ്യങ്ങളിൽ നടക്കുന്ന സംഭവവികാസങ്ങളെല്ലാം സംഭവിച്ച സാഹചര്യങ്ങൾ വ്യത്യസ്തമായിരിക്കാം, എന്നാൽ എല്ലാ സാഹചര്യങ്ങളിലും അവരുടെ രോഷത്തിന്റെ കേന്ദ്രബിന്ദു ഇന്ത്യയാണെന്നാണ് നിരീക്ഷകർ പറയുന്നത്. ഈ രാജ്യങ്ങൾക്കിടയിൽ ഇന്ത്യാ വിരുദ്ധ വികാരം പ്രോത്സാഹിപ്പിക്കുന്നതിൽ ചൈനയുടെ പങ്ക് സംശയാസ്പദമാണെങ്കിലും, ഇന്ത്യയുടെ അസ്വാരസ്യം അതിന് ഗുണം ചെയ്തു എന്നതിൽ സംശയമില്ല.
PEN DRIVE

ആൻ ടെസ പറയുന്നത്

മലയാളിയുടെ കുടിയേറ്റത്തെപ്പറ്റിയുള്ള തമാശകൾ അനവധിയാണ്, വളരെ പഴഞ്ചനുമാണ്: ആംസ്ട്രോങ് ചന്ദ്രനിലെത്തിയപ്പോൾ മലയാളിയുടെ ചായക്കട അവിടെക്കണ്ടു തുടങ്ങിയവ. പക്ഷേ, അവ വിരൽചൂണ്ടുന്നത് ജീവിതമാർഗം തേടി ഭൂമിയുടെ അറ്റങ്ങളിലേക്കുള്ള നമ്മുടെ യാത്രകൾ എത്രയോ കാലം മുൻപു തുടങ്ങിയിരുന്നു എന്നതിലേക്കാണ്. ഇന്നിതാ ഇറാൻ പിടിച്ചെടുത്ത, ഇസ്രയേൽ ഉടമസ്ഥനുള്ള കപ്പലിൽ ആൻ ടെസ എന്ന മലയാളി പെൺകുട്ടിയുണ്ടായിരുന്നു എന്നു നാം അറിയുന്നു. 25 ജീവനക്കാരുള്ള കപ്പലിലെ ഏക വനിത. മലയാളികളുടെ ജീവിതസമരയാത്രകൾ, അഥവാ കുടിയേറ്റം, അഥവാ പലായനം, എത്തിനിൽക്കുന്ന പുതുലോകങ്ങളുടെ പ്രതിനിധിയാണ് ആൻ ടെസ എന്ന യുവതി. അതിനുമപ്പുറത്ത് അവൾ‍ താനറിയാതെ പ്രതിനിധീകരിക്കുന്ന ഒരു ലളിത വാസ്തവമുണ്ട്: മലയാളിപ്പെൺകുട്ടികൾ നിശ്ശബ്ദമായി നടത്തിക്കൊണ്ടിരിക്കുന്ന ഉയരങ്ങളിലേക്കുള്ള കാൽവയ്പുകളുടെ പ്രതിനിധിയാണ് അവൾ. അത്യാധുനിക സൗകര്യങ്ങളും സ്വാതന്ത്ര്യങ്ങളുമുള്ള മഹാനഗരങ്ങളുടെ കുഞ്ഞല്ല ആൻ ടെസ. തൃശൂരിന്റെ ഗ്രാമീണ പ്രാന്തപ്രദേശങ്ങളിലൊന്നിൽ ജനിച്ച് പഠിച്ചുവളർന്ന കുട്ടിയാണ്. കപ്പൽ ഉദ്യോഗസ്ഥനായ പിതാവിന്റെ വഴി പിന്തുടർന്ന് കൊച്ചിയിൽ നോട്ടിക്കൽ സയൻസ് പഠിച്ച് ക്യാംപസ് സിലക്‌ഷൻ കിട്ടി ഇസ്രയേൽ കപ്പലിൽ ജോലി നേടി. ആൻ ടെസ പുതിയ പ്രതിഭാസമല്ല. 1960–കളിലും ’70–കളിലും ഗൾഫിലേക്കും യൂറോപ്പിലേക്കും പഴ്സിന്റെ ഉള്ളറയിലെ അഞ്ചു ഡോളറും ആത്മധൈര്യവും തന്നെയും കുടുംബത്തെയും രക്ഷപ്പെടുത്തണമെന്ന നിശ്ചയദാർഢ്യവും മാത്രം കൈമുതലായി െപട്ടിയും കിടക്കയുമായി നഴ്സിങ്ങിനു പുറപ്പെട്ടുപോയ പെൺകുട്ടികളുടെ പിന്തുടർച്ചക്കാരിയാണ് അവൾ. അതുപോലെതന്നെ, അതേകാലത്ത് സർക്കാർ ഉദ്യോഗത്തിനായി (പ്രധാനമായും അധ്യാപനം) വയനാട്ടിലെയും ഉത്തര മലബാറിലെയും കിഴക്കൻ മലകളിലെയും പിന്നാക്ക പ്രദേശങ്ങളിലേക്കു കടന്നുചെന്ന ആയിരക്കണക്കിനു യുവതികളും അവൾക്കു മുൻ‍പുണ്ട്. സാമ്പത്തികവും രാഷ്ട്രീയവും സാമൂഹികവുമായി പിന്തള്ളപ്പെട്ട സമൂഹങ്ങളുടെ ചരിത്രത്തിൽ അപൂർവമാണ് ഇങ്ങനെയൊരു സ്ത്രീ മുന്നേറ്റം.
രണ്ടാമതും ‘തോൽവി’; നയതന്ത്രത്തിൽ മോദി പരാജയമോ? മാലദ്വീപിൽ ചൈനയ്‌ക്കൊപ്പം പുതിയ ‘ശത്രു’

2024, പുതുവർഷത്തിലെ ആദ്യ ആഴ്ച ഇന്ത്യയും മാലദ്വീപും തമ്മിലുള്ള ബന്ധത്തിൽ വലിയ ഉലച്ചിലാണ് സംഭവിച്ചത്. രാമക്ഷേത്രവും പൊതു തിരഞ്ഞെടുപ്പുമായി ബന്ധപ്പെട്ട ചർച്ചകൾ നിറഞ്ഞു നിൽക്കുന്നിടത്തേയ്ക്കാണ് അന്ന് മാലദ്വീപും ലക്ഷദ്വീപും അതിവേഗം കടന്നുവന്നത്. പിന്നീട് ദിവസങ്ങളോളം ജനശ്രദ്ധ കവർന്ന വിഷയങ്ങളായി ഇവ മാറി. രാഷ്ട്രീയത്തിന് അതീതമായി ദേശീയതയ്ക്ക് ജനമനസ്സുകളിൽ സ്ഥാനമുണ്ടെന്ന് ഇതിന് മുൻപും ഇന്ത്യയിൽ തെളിഞ്ഞിട്ടുണ്ട്. 2019ലെ പൊതുതിരഞ്ഞെടുപ്പിന് ആഴ്ചകള്‍ക്ക് മുൻപ് പാക്കിസ്ഥാനിലേക്ക് കടന്നു കയറിയുള്ള ഇന്ത്യൻ വ്യോമസേനയുടെ തിരിച്ചടി, ബാലക്കോട്ട് ആക്രമണം, അത്തരത്തിലൊന്നായിരുന്നു. ആഭ്യന്തരമായ അനേകം വിഷയങ്ങൾ തുടർഭരണമെന്ന മോദിസ്വപ്നത്തിന് മുകളിൽ കരിനിഴൽ പടർത്തിയ സമയമാണ് ബാലക്കോട്ട് ആക്രമണം സംഭവിച്ചത്. ദേശീയതയെന്ന വികാരമുണർത്തിയാണ് അന്ന് ബിജെപി വോട്ടു തേടിയതെന്ന ആരോപണം പ്രതിപക്ഷം ഇപ്പോഴും ഉന്നയിക്കുന്നുണ്ട്. അതേസമയം, ഇക്കുറി തിരഞ്ഞെടുപ്പിലേക്ക് രാജ്യം കടന്നിരിക്കെ അത്തരമൊരു വിഷയമായി കേന്ദ്ര സർക്കാർ പ്രതീക്ഷിച്ചിരുന്നത് മാലദ്വീപിലെ പാര്‍ലമെന്റ് തിരഞ്ഞെടുപ്പായിരുന്നു. അതിലെ ഫലം തിരിച്ചടിക്കുകയും ചെയ്തു. ഇന്ത്യയിലെ ഭരണകക്ഷിക്ക് ഒട്ടും അനുകൂലായ വിധത്തിലായിരുന്നില്ല ആ ഫലം. മാലദ്വീപ് എങ്ങനെയാണ് ഇന്ത്യയിലെ തിരഞ്ഞെടുപ്പ് വിഷയമായി മാറുന്നത്? അതിനെ എങ്ങനെയാവും ബിജെപി പ്രതിരോധിക്കുക? മാലദ്വീപിൽ രണ്ടാമതും ചൈനീസ് മോഹങ്ങൾ തിരഞ്ഞെടുപ്പിലൂടെ ജയം നേടുമ്പോൾ അത് ഇന്ത്യയുടെ താൽപര്യങ്ങളെ ബാധിക്കുക എപ്രകാരമായിരിക്കും? വിശദമായി പരിശോധിക്കാം.
ADVERTISEMENT
സംശയിച്ച നടിയോട് മമ്മൂട്ടി, ‘നതിങ്, ഇറ്റ് ഈസ് പൊളിറ്റിക്സ്’: രണ്ടു തവണ ‘ആത്മഹത്യ’ ചെയ്യാനില്ലെന്ന് സാനു മാഷും

സ്വതന്ത്ര സ്ഥാനാർഥികളുടെ യഥാർഥ വേദന പലപ്പോഴും അവർക്ക് അനുവദിച്ചു കിട്ടുന്ന ചിഹ്നങ്ങളായിരിക്കും. കാരണം സ്വതന്ത്ര സ്ഥാനാർഥിക്ക് സ്വന്തം പേര് മാത്രം വോട്ടറുടെ മനസ്സിൽ പതിപ്പിച്ചാൽ പോരാ, ചിഹ്നം കൂടി പഠിപ്പിക്കണം. ഒരിക്കൽ ലഭിച്ച ചിഹ്നം അടുത്ത തവണ മത്സരിക്കുമ്പോൾ ലഭിക്കുമോ എന്ന ആശങ്കയും സ്വതന്ത്രർക്കുണ്ട്. ചിഹ്നം മാറ്റിയതു മൂലം പരാജയം നേരിട്ടവരും കേരള രാഷ്ട്രീയത്തിലുണ്ട്. മറ്റൊരു കൂട്ടർ പ്രമുഖ രാഷ്ട്രീയ പാർട്ടികളുടെ പിന്തുണയോടെ സ്വതന്ത്രരായി മത്സരിക്കുന്നവരാണ്. ഇവിടെ സ്ഥാനാര്‍ഥിയെ പരിചയപ്പെടുത്തുന്നതിനേക്കാളും പിന്തുണ നൽകുന്ന പാർട്ടി വിയർക്കുന്നത് വോട്ടർമാർക്ക് മുന്നിൽ ചിഹ്നം പരിചയപ്പെടുത്താനാവും. കേരള രാഷ്ട്രീയത്തിൽ നിയമസഭാ, ലോക്സഭാ തിരഞ്ഞെടുപ്പുകളിൽ മത്സരിച്ച സിനിമാ, സാഹിത്യ മേഖലയിലെ പ്രമുഖരായ വ്യക്തികളുടെ ജയപരാജയങ്ങളെ കുറിച്ചും അതിൽ ചിഹ്നങ്ങൾ വഹിച്ച വലിയ പങ്കും വളരെ വലുതാണ്. കൗതുകം നിറഞ്ഞ ആ കഥകളിൽ മമ്മൂട്ടിയും ശോഭനയും കെ. കരുണാകരനും മാധവിക്കുട്ടിയും കടമ്മനിട്ടയും ഒഎൻവിയുമെല്ലാമുണ്ട്.
Tattoo Times

നമ്മുടെ ചിഹ്നം ഇയർഫോൺ

നല്ല അർഥത്തിൽത്തന്നെ ബുദ്ധിജീവിയെന്നു വിളിക്കാവുന്ന കുറച്ചുപേരെ അടുത്തറിയാം. എന്നാൽ, ഇവരിൽ പലരും വികാരജീവികളെന്ന നിലയിൽ തീർത്തും പരാജയമാണെന്നു പറയേണ്ടി വരും; ഉദാഹരണത്തിന് കുശുമ്പ്, കുന്നായ്മ എന്നിവയുടെ കാര്യത്തിൽ. ബുദ്ധിജീവിതവും വികാരജീവിതവും തമ്മിലുള്ള ബാലൻസിങ് എളുപ്പമല്ല. വിദ്യാഭ്യാസം വിവരക്കേടിനു വിലങ്ങുതടിയല്ല എന്ന് കോവിലന്റെയും ഉജാലയുടെയും നാടായ കണ്ടാണശ്ശേരിയിൽവച്ച് പണ്ടേ കേട്ടിട്ടുണ്ട്. ജീവിതവിജയത്തിലെ പ്രധാന ചേരുവ ഐക്യു (ബുദ്ധിമികവ്) അല്ല, ഇക്യു (വൈകാരിക മികവ്) ആണെന്ന വാദം ബലപ്പെട്ടതും ഈയിടെയാണല്ലോ. ഞങ്ങളുടെ കൂടെ സ്‌കൂളിലും കോളജിലുമുണ്ടായിരുന്ന പഠിപ്പിസ്റ്റുകളിൽ ഭൂരിപക്ഷവും ജീവിതത്തിൽ (ഒരർഥത്തിലും) വിജയിച്ചില്ലല്ലോ എന്നും ഉഴപ്പന്മാർ പലരും വിജയിച്ചല്ലോ എന്നും ഓർക്കുമ്പോൾ ഈ വാദം ശരിയാണെന്നു തോന്നും. അടുത്തു പരിചയമുള്ള ബുദ്ധിജീവികളിൽ വികാരജീവി എന്ന നിലയിലും ബാലൻസുള്ള അപൂർവം ഒരാളെ കഴിഞ്ഞദിവസം കണ്ടു. അദ്ദേഹം പറഞ്ഞ ഒരു കാര്യം പറയാനാണു വന്നത്; ആ കാര്യംപോലെ തന്നെ പ്രധാനമാണ് അദ്ദേഹമാണല്ലോ അതു പറഞ്ഞത് എന്നതും. അതുകൊണ്ടാണ് ഇങ്ങനെ തുടങ്ങിയത്.
മുന്നറിയിപ്പാകുമോ പൊന്നാനി, മലപ്പുറം ഫലം? മുസ്‌ലിം ലീഗ്– സമസ്ത ‘ഭിന്നത’ ആർക്ക് ഗുണം ചെയ്യും?

ലോക്സഭാ തിരഞ്ഞെടുപ്പ് പടിവാതിൽക്കൽ എത്തി നിൽക്കേ മലപ്പുറം ജില്ലയിലെയും മലബാറിലെയും തിരഞ്ഞെടുപ്പിലെ പ്രധാന വിഷയങ്ങളിലൊന്ന് മുസ്‌ലിം ലീഗും സമസ്തയും തമ്മിലുള്ള അഭിപ്രായ വ്യത്യാസങ്ങളാണ്. അഭിപ്രായ വ്യത്യാസം പാർട്ടിയെ തിരഞ്ഞെടുപ്പിൽ ബാധിക്കില്ലെന്ന് ലീഗും എന്നാൽ എൽഡിഎഫിന് ഇത് അനുകൂലമാവുമെന്ന് ഇടതുമുന്നണിയും വിലയിരുത്തുന്നു. പൊന്നാനി ലോക്സഭ മണ്ഡലത്തിലെ ഇടതു സ്ഥാനാർഥിയായി കെ.എസ്.ഹംസ വരുന്നത് പോലും ഈ ഭിന്നത മുതലാക്കാൻ ഉറപ്പിച്ചായിരുന്നു. ലീഗിന്റെ നിലവിലെ എംപിമാർ മണ്ഡലം മാറുന്നതിലും ഈ അഭിപ്രായവ്യത്യാസങ്ങൾ പങ്കു വഹിച്ചിട്ടുണ്ട് . മുസ്‌ലിം സമുദായത്തിലെ ഏറ്റവും വലിയ മത സംഘടനയായ സമസ്തയും രാഷ്ട്രീയ സംഘടനയായ മുസ്‌ലിം ലീഗും തമ്മിലുള്ള പ്രശ്നങ്ങൾ എന്തൊക്കെയാണ്? ഇത് തിരഞ്ഞെടുപ്പിൽ ഉണ്ടാക്കുന്ന മാറ്റങ്ങൾ എന്തൊക്കെയാകും? വിശദമായി പരിശോധിക്കാം.
കേരളത്തിൽ വേണമായിരുന്നോ ഇത്! അവസാന അടവോ ഇരട്ട വോട്ടും കള്ള വോട്ടും...? പിടിമുറുക്കുമോ കേന്ദ്ര സേന?

സംസ്ഥാനത്തെ 20 ലോക്സഭാ മണ്ഡലങ്ങളിലായി 2,77,49,159 വോട്ടർമാർ ഏപ്രിൽ 26ന് പോളിങ് ബൂത്തിലേക്ക് പോകുകയാണ്. ഏതാണ്ട് ഒന്നര– രണ്ട് മാസത്തോളം കേരളക്കരയാകെ ഇളക്കിമറിച്ച അതിതീവ്ര പ്രചാരണത്തിനു കലാശക്കൊട്ട് ഉയരുമ്പോൾ അവസാന അടവുകളിലൊന്നായി കള്ളവോട്ടുകൾ കടന്നു വരുമോ? കള്ളവോട്ടുകളെച്ചൊല്ലി സംഘർഷ സാധ്യത ഉണ്ടാകാൻ സാധ്യതയുള്ള ബൂത്തുകളിൽ കേന്ദ്ര സേനയെ ഇറക്കുമോ? ആകെയുള്ള രണ്ടേമുക്കാൽ കോടിയിലേറെ വരുന്ന വോട്ടർമാരിൽ പതിവുപോലെ സംസ്ഥാനത്ത് സ്ത്രീ വോട്ടർമാരാണ് കൂടുതൽ– 1,43,33,449. പുരുഷ വോട്ടർമാർ 1,34,15,293. ട്രാൻസ്ജെൻഡർ വോട്ടർമാർ 367. ഏറ്റവും കൂടുതൽ വോട്ടർമാർ ഉള്ള ജില്ല മലപ്പുറമാണ്– 33,93,884. കുറവ് രാഹുൽ ഗാന്ധി മത്സരിക്കുന്ന വയനാട്ടിൽ– 6,35,930. രണ്ടേ മുക്കാൽ കോടി വോട്ടർമാർ പോളിങ് ബൂത്തിലേക്ക് പോകുമ്പോൾ ജനാധിപത്യ പ്രക്രിയയുടെ സർവ സൗന്ദര്യവും ഇല്ലാതാക്കി കള്ളവോട്ടുകൾ ഇക്കുറി പെരുകുമോ? വിവിധ മണ്ഡലങ്ങളിൽനിന്നു ലഭ്യമാകുന്ന കണക്കുകൾ ആ വഴിക്കുള്ള ആശങ്കകൾ പങ്കുവയ്ക്കുന്നുണ്ട്. രാഷ്ട്രീയ പാർട്ടികൾ ഇതിനെതിരെ കർശന ജാഗ്രതയ്ക്ക് പ്രവർത്തകർക്കും അണികൾക്കും നിർദേശം നൽകിയിട്ടുണ്ട്. പോളിങ് ബൂത്തുകളിൽ കേന്ദ്ര സേനയെ നിയോഗിക്കണമെന്ന ആവശ്യം ഈ സാഹചര്യത്തിലാണ് ഉയർന്നിട്ടുള്ളത്.
‘പശുവിന്റെ പേരിൽ വോട്ടു മതി; ‘ഗോസേവ’യിൽ താൽപര്യമില്ല; ‘ഡബിൾ എൻജിനു’ കീഴിൽ ഇപ്പോഴും മഹാദേവ് ആപ്പുണ്ട്’

ഛത്തീസ്ഗഡ് മുൻമുഖ്യമന്ത്രി ഭൂപേഷ് ബാഗേല്‍ മത്സരിക്കുന്ന രാജ്നന്ദ്ഗാവ് മണ്ഡലത്തിലേക്കുള്ള യാത്രയിൽ വീടുകളുടെ സമീപത്ത് ചാണകം കൂട്ടിയിട്ടിരിക്കുന്നതു കാണാം. ചാണകം മെഴുകിയ മതിലുകള്‍ ഇരുവശവുമുള്ള ഇടുങ്ങിയ വഴികളിലൂടെ വേണം പ്രചാരണം നടക്കുന്ന ചോഭറിലും രാംപുറിലുമെത്താൻ. ചാണകത്തെക്കുറിച്ച് എന്താ ഇത്ര പറയാൻ കാര്യമെന്നു ചോദിക്കാൻ വരട്ടെ. ഛത്തീസ്ഗഡ് രാഷ്ട്രീയത്തിൽ ചാണകത്തിനുള്ള പ്രാധാന്യം വലുതാണ്. കോൺഗ്രസിന്റെ രാഷ്ട്രീയ പ്രസംഗങ്ങളിൽ ഉയർന്നു കേൾക്കുന്നതും ചാണകവിഷയം തന്നെ. ഭൂപേഷ് ബാഗേൽ മുഖ്യമന്ത്രിയായപ്പോഴാണ് കർഷകരിൽ നിന്നു ചാണകം സംഭരിക്കുന്ന ‘ഗോധൻ ന്യായ്’ പദ്ധതി ആരംഭിച്ചത്. പശുവുമായി ബന്ധപ്പെട്ട ഹിന്ദുത്വ രാഷ്ട്രീയത്തിന്റെ അടയാളമായി കൂടിയാണ് ഈ പദ്ധതിയെ പലരും കണ്ടത്. 2020 ജൂലൈ 20 മുതലാണ് സർക്കാർ ചാണകം വാങ്ങാൻ തുടങ്ങിയത്. മൂന്നു വർഷത്തിനിടെ മാത്രം കിലോയ്ക്ക് രണ്ടു രൂപ നിരക്കിൽ 1.24 കോടി ക്വിന്റൽ ചാണകം വാങ്ങി. ഇത് വനിതാസ്വാശ്രയ സംഘങ്ങൾ വഴി വെർമി കംപോസ്റ്റ് ആക്കി മാറ്റുകയാണ് ചെയ്യുന്നത്. ചാണകം സംഭരിച്ച വകയിൽ 250 കോടിയിലേറെ രൂപ കർഷകർക്ക് കോൺഗ്രസ് സർക്കാർ നൽകി.
‘വയനാട്ടിൽ വൃന്ദ കൊടിവീശട്ടെ, സിപിഐ എന്തിന് ഒപ്പം നിൽക്കണം? ആ ‘പോസ്റ്റർ’ സിപിഎം ബിഹാറിൽ ഉപയോഗിക്കുമോ!’

തിരഞ്ഞെടുപ്പ് പ്രചാരണത്തിനായി വയനാട്ടിലെത്തിയ സിപിഎം നേതാവ് വൃന്ദ കാരാട്ട് ഐഎൻഎല്ലിന്റെ പതാക വേദിയിലേക്ക് വരുത്തിയത് മാധ്യമങ്ങളിൽ വലിയ ചർച്ചയും വാർത്തയുമായി. ഇത് ഗൗരവമില്ലാത്ത, വിലകുറഞ്ഞ രാഷ്ട്രീയ വേലയായിപ്പോയെന്ന് കരുതുന്നവരിൽ ഇടതുപക്ഷക്കാർ തന്നെയാണ് ഏറെയും. ഇടതു പാർട്ടികൾ ഇന്ന് രാഷ്ട്രീയ നിലനിൽപിനായി കോൺഗ്രസിനെ ആശ്രയിച്ചുകൊണ്ടിരിക്കുന്ന സന്ദർഭത്തിലാണ് ഇത്തരമൊരു സംഭവമുണ്ടായത്. വർഗീയ ഫാഷിസത്തിനെതിരെ കോൺഗ്രസിന്റെ നേതൃത്വത്തിൽ ദേശീയതലത്തിൽ മതനിരപേക്ഷ - ജനാധിപത്യ പാർട്ടികൾ ജീവന്മരണ പോരാട്ടത്തിലാണെന്ന കാര്യം വൃന്ദയ്ക്കും അവർക്കൊപ്പം വേദിയിലുണ്ടായിരുന്ന ബിനോയ് വിശ്വത്തിനും വയനാട് സ്ഥാനാർഥി ആനി രാജയ്ക്കും അറിയാത്തതല്ലല്ലോ? കോൺഗ്രസ്‌ പിന്തുണയോടെ രാജസ്ഥാനിലെ സികാർ സീറ്റിൽ സിപിഎം സംസ്ഥാന സെക്രട്ടറി അംറ റാമും ബംഗാളിൽ മുർഷിദാബാദ് സീറ്റിൽ പൊളിറ്റ് ബ്യൂറോ അംഗവും സംസ്ഥാന സെക്രട്ടറിയുമായ മുഹമ്മദ്‌ സലീമും ബിജെപിക്കെതിരെ വാശിയേറിയ മത്സരത്തിലാണ്. അവിടെ കമ്യൂണിസ്റ്റ് പാർട്ടികളുടെ ചുവന്ന കൊടിയും കോൺഗ്രസിന്റെ ത്രിവർണ പതാകയും കൂട്ടികെട്ടി നടത്തുന്ന പ്രചാരണത്തിന്റെ കാഴ്ചകൾ ഇന്ന് സാമൂഹ്യ മാധ്യമങ്ങളിൽ സുലഭമാണ്. അപ്പോഴാണ് വൃന്ദ കാരാട്ട് വയനാട്ടിൽ വന്ന് ഇത്തരത്തിലൊരു ‘പ്രകടനം’ നടത്തിയത്.
INDIA FILE

ബഹുജനം പലമനം

എന്താണ് മായാവതിയുടെ ഉദ്ദേശ്യമെന്നു ചോദിക്കുന്നവരെ കുറ്റം പറയാനാവില്ല. കാരണം, ലോക്സഭാ തിരഞ്ഞെടുപ്പിൽ ആരോടും ചങ്ങാത്തമില്ലാതെ മത്സരിക്കുന്ന മറ്റൊരു പാർട്ടിയെയും പോലെയല്ല ബഹുജൻ സമാജ് പാർട്ടി (ബിഎസ്പി). അതു രാജ്യത്തെ വലിയൊരു വിഭാഗത്തിന്റെ പ്രതീക്ഷയുടെ ഭാഗമാണ്. സത്യത്തിൽ അങ്ങനെ പറയുന്നതു ഭംഗിവാക്കാണ്. ഇപ്പോൾ പ്രതീക്ഷയല്ല എന്നതാണു വസ്തുത. ബിജെപിയുമായും ഇന്ത്യാ മുന്നണിയുമായും കൂട്ടുകെട്ട് ബിഎസ്പി താൽപര്യപ്പെടുന്നില്ല. സഖ്യങ്ങൾക്കൊണ്ടു പ്രയോജനമല്ല നഷ്ടം മാത്രമാണു ബിഎസ്പിക്ക് ഉണ്ടായതെന്നാണു മായാവതി പറയുന്നത്; ബിഎസ്പിയുടെ നഷ്ടങ്ങൾ മറ്റുള്ളവർ മുതലാക്കുന്നുവെന്നും. തങ്ങൾക്കു തനിച്ച് വലിയ കരുത്തുണ്ട്, അതിന്റെ ബലത്തിൽ മത്സരിച്ചു ജയിക്കുമെന്നാണു പ്രഖ്യാപനം. ബിജെപിയെയും 2019ൽ തങ്ങളുമായി സഖ്യമുണ്ടായിരുന്ന സമാജ്‌വാദി പാർട്ടിയെയും (എസ്പി) ദലിത് നേതാവ് ചന്ദ്രശേഖർ ആസാദിന്റെ ആസാദ് സമാജ് പാർട്ടിയെയുമാണു ബിഎസ്പി ഏറെ വിമർശിക്കുന്നത്. എസ്പി – കോൺഗ്രസ് സഖ്യത്തിന്റെ വോട്ടുകൾ പിളർത്തുക എന്നതിനപ്പുറം മറ്റൊരു ഉദ്ദേശ്യം മായാവതിക്കില്ലെന്നു ചിലർ പറയുന്നത് യുപിയിലെ ബിഎസ്പി സ്ഥാനാർഥിപ്പട്ടിക കണ്ടിട്ടാണ്. കഴിഞ്ഞദിവസംവരെ പ്രഖ്യാപിച്ച 64 പേരിൽ 18 മുസ്‌ലിംകളുണ്ടെന്നതാണ് അതിനു പ്രധാന കാരണം. മുസ്‌ലിംകളുടെ വോട്ടത്രയും ഇത്തവണ പ്രതിപക്ഷമുന്നണിക്കു ലഭിക്കേണ്ടതാണ്. അങ്ങനെ സംഭവിക്കുന്നതു തടയാൻ മാത്രമാണ് ബിഎസ്പിയുടെ നടപടിയെന്നാണു വിമർശനം.
‘എൽഡിഎഫും ബിജെപിയും എന്തുകൊണ്ട് തോൽക്കണം?’ ഇന്ദിര തൊട്ട് ‘ഓസി’ വരെ; ഫലം പ്രവചിച്ചും എ.കെ. ആന്റണി

ലോക്സഭാ തിരഞ്ഞെടുപ്പിൽ കേന്ദ്ര–കേരള വികാരം ശക്തമാണെന്നു മുൻ മുഖ്യമന്ത്രിയും കോൺഗ്രസ് പ്രവർത്തകസമിതി അംഗവുമായ എ.കെ.ആന്റണി വിലയിരുത്തുന്നു. അത് എന്തുകൊണ്ടാണെന്ന് അദ്ദേഹം ഇവിടെ വിശദമാക്കുന്നു. കോൺഗ്രസിനൊപ്പം ആന്റണി എക്കാലത്തും ചേർത്തു പിടിക്കുന്നതും സ്നേഹിക്കുന്നതും നെഹ്‌റു കുടുംബത്തെയാണ്. ആ സ്നേഹത്തിനു പിന്നിലെ കാരണങ്ങളും അദ്ദേഹം വിശദീകരിക്കുന്നു. ഇന്ദിര മുതൽ പ്രിയങ്ക വരെ ഉള്ളവരെ ഏറെ അടുത്തു കണ്ട വ്യക്തി എന്ന നിലയിൽ എ.കെ.ആന്റണിയുടെ ആ നിരീക്ഷണങ്ങൾക്ക് ഏറെ മൂല്യമുണ്ട്. തനിക്ക് എന്തായിരുന്നു കെ.കരുണാകരനും ഉമ്മൻചാണ്ടിയുമെന്നും വ്യക്തമാക്കുകയാണ് അദ്ദേഹം. കേരളത്തിലെ തിരഞ്ഞെടുപ്പു ഫലവും പ്രവചിക്കുന്നു. മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരുമായി എ.കെ.ആന്റണി സംസാരിച്ചപ്പോൾ...
ഷീല, ജയഭാരതി, നസീർ വന്നു, വോട്ടു മാത്രം വന്നില്ല! പൂവു ചൂടുന്നത് സ്വഭാവദൂഷ്യമുള്ള പെണ്ണുങ്ങളെന്ന് പ്രസംഗം, ഉള്ള വോട്ടും പോയി!

അംഗീകൃത രാഷ്ട്രീയ പാർട്ടികളുടെ സ്ഥാനാർഥികൾക്ക് തിരഞ്ഞെടുപ്പിൽ മത്സരിക്കുമ്പോൾ ഒരു ചിഹ്നം ഉറപ്പുണ്ട്. എന്നാൽ അങ്ങനെയല്ല സ്വതന്ത്രരുടെ സ്ഥിതി. ഒരു ചിഹ്നം തേടി നടക്കണം. പലപ്പോഴും അവർ മുന്നോട്ടു വയ്ക്കുന്ന ചിഹ്നം കിട്ടണമെന്നില്ല. കിട്ടുന്നതു ജനം അംഗീകരിക്കണമെന്നുമില്ല. അംഗീകരിക്കപ്പെടാത്ത രാഷ്ട്രീയ പാർട്ടിയുടെ സ്ഥാനാർഥികളുടെ സ്ഥിതിയും ഇതുതന്നെ. പക്ഷേ കിട്ടിയ ചിഹ്നം ഉയർത്തിക്കാട്ടി വിജയിച്ചു വന്നവരുമുണ്ട്. ചിലർ സ്വന്തം നിലയിൽ. മറ്റുചിലർ ഏതെങ്കിലും മുന്നണിയുടെയോ പാർട്ടിയുടെയോ പിന്തുണയോടെ. ഇതെല്ലാം ഉണ്ടായിട്ടും കാലിടറിയവരുമുണ്ട്. തിരഞ്ഞെടുപ്പു രാഷ്ട്രീയവും പ്രശസ്തിയും സമാന്തര രേഖകളാണെന്ന് തിരിച്ചറിയുന്ന നിമിഷങ്ങളാണത്. സ്വതന്ത്ര സ്ഥാനാർഥികളാണ് നമ്മുടെ തിരഞ്ഞെടുപ്പു ചരിത്രത്തെ വൈവിധ്യപൂർണമാക്കിയിട്ടുള്ളത്. കണ്ടു മടുത്ത ചിഹ്നങ്ങൾക്കു പകരം പുതിയ ചിലതൊക്കെ കാണാൻ അവസരം ലഭിച്ചിട്ടുള്ളതും ഇത്തരം സന്ദർഭങ്ങളിലാണ്. അത്തരം ചില തിരഞ്ഞെടുപ്പു കഥകളിലേക്ക്.
പിണറായിക്ക് രാഹുൽ നൽകി ‘മോദി ചാലഞ്ച്’: എന്തുകൊണ്ട് മിണ്ടുന്നില്ല? ഞെട്ടിത്തരിച്ച് സിപിഎം കേന്ദ്രങ്ങൾ

ദേശീയതലത്തിൽ ബിജെപിക്കെതിരായ പോരാട്ടത്തിൽ ഒപ്പം നിൽക്കുന്ന സിപിഎമ്മിനെ കേരളത്തിലെത്തിയാൽ വിമർശിക്കുന്ന പതിവ് കോൺഗ്രസ് നേതാവ് രാഹുൽ ഗാന്ധിക്ക് ഉണ്ടായിരുന്നില്ല. പക്ഷേ, ഈ ലോക്സഭാ തിരഞ്ഞെടുപ്പിൽ കേരള പര്യടനത്തിനിടെ രാഹുലിന്റെ മറ്റൊരു മുഖം കേരളം കണ്ടു. സിപിഎം വല്ലാതെ പകച്ചുപോയ നിമിഷങ്ങളിലൊന്നായിരുന്നു അത്. 2019ലെ ലോക്സഭാ തിരഞ്ഞെടുപ്പിലോ 2021ലെ നിയമസഭാ തിരഞ്ഞെടുപ്പിലോ കേരളത്തിൽ പര്യടനം നടത്തിയ രാഹുൽ പൊതുവേ മുഖ്യമന്ത്രി പിണറായി വിജയനെ പേരെടുത്തു പറഞ്ഞൊരു വിമർശനം നടത്തിയിരുന്നില്ല. പക്ഷേ ഇക്കുറി സിപിഎമ്മിന്റെ ചങ്കിടിപ്പേറ്റി പിണറായിയെ പേരെടുത്തു പറഞ്ഞ് രാഹുൽ കണക്കറ്റു വിമർശിച്ചു. അതേ ദിവസം കേരളത്തിലെത്തിയ പ്രധാനമന്ത്രി നരേന്ദ്ര മോദിയും പിണറായിക്കെതിരെ ആക്രമണം അഴിച്ചുവിട്ടപ്പോൾ അതിനെ എങ്ങനെ പ്രതിരോധിക്കണം എന്നറിയാതെ കുഴങ്ങുകയാണ് വോട്ടെടുപ്പിനു ദിവസങ്ങൾ ബാക്കി നിൽക്കെ സിപിഎം. പാർട്ടിക്കു വേണ്ടി പ്രതിരോധം തീർത്ത സിപിഎം സംസ്ഥാന സെക്രട്ടറി എം.വി ഗോവിന്ദന്റെ വാദമുഖങ്ങൾക്ക് വേണ്ടത്ര മൂർച്ച പോരെന്നു പറയുന്നത് പാർട്ടിക്കുള്ളിൽ ഉള്ളവർതന്നെ. മകൾ വീണാ വിജയന്റെ എക്സാലോജിക് കമ്പനിയും കരിമണൽ കമ്പനിയായ സിഎംആർഎലും തമ്മിലുള്ള സാമ്പത്തിക ഇടപാടുകളെക്കുറിച്ച് എൻഫോഴ്സ്മെന്റ് ഡയറക്ടറേറ്റും സീരിയസ് ഫ്രോഡ് ഇൻവെസ്റ്റിഗേഷൻ ഏജൻസിയും നടത്തുന്ന അന്വേഷണങ്ങളുടെയും കരുവന്നൂർ സഹകരണ ബാങ്ക് തട്ടിപ്പ് ഉൾപ്പെടെയുള്ള അഴിമതിക്കേസുകളുടെയും പശ്ചാത്തലത്തിൽ രാഹുലും മോദിയും നടത്തിയ വിമർശനങ്ങൾക്ക് മുഖ്യമന്ത്രി പിണറായി വിജയൻ എന്തു മറുപടി പറയും എന്ന ആകാംക്ഷയിലാണ് തിരഞ്ഞെടുപ്പ് രംഗം.
ഇതാണ് ബിജെപി തന്ത്രം, ലക്ഷ്യമിടുന്നത് ആ 4 സീറ്റ്: അറിഞ്ഞുകളിച്ച് സ്റ്റാലിൻ; ‘ജയയ്ക്കൊപ്പം പോയ’ വോട്ടുതേടി പളനിസാമിയും

ലോക്സഭാ തിരഞ്ഞെടുപ്പിന്റെ ഒന്നാം ഘട്ടത്തിൽതന്നെയാണ് തമിഴ്നാട്ടിലെ 39 സീറ്റുകളും ജനവിധി തേടിയത്– ഏപ്രിൽ 19ന്. കനിമൊഴി– ഡിഎംകെ (തൂത്തുക്കുടി), തമിഴിസൈ സൗന്ദർരാജൻ– ബിജെപി (ചെന്നൈ സൗത്ത്), കെ.അണ്ണാമലൈ– ബിജെപി (കോയമ്പത്തൂർ), ദയാനിധി മാരൻ–ഡിഎംകെ (‌ചെന്നൈ സെൻട്രൽ), ഒ.പനീർസെൽവം– ബിജെപി പിന്തുണയുള്ള സ്വതന്ത്രൻ (രാമനാഥപുരം) തുടങ്ങിയ പ്രമുഖരുടെ പോരാട്ടത്തിലേയ്ക്ക് ഉറ്റുനോക്കുകയാണ് എല്ലാവരും. എന്തായിരിക്കും ഈ ദക്ഷിണേന്ത്യൻ സംസ്ഥാനത്തിന് ഇത്രയേറെ പ്രാധാന്യം ഇത്തവണ ലഭിക്കാനുള്ള കാരണം? ദ്രാവിഡ പാർട്ടികളായ ഡിഎംകെയും അണ്ണാഎഡിഎംകെയും ഉഴുതുമറിച്ച രാഷ്ട്രീയഭൂമികയിലേക്ക്, തമിഴ്നാടിന്റെ രാഷ്ട്രീയ സംസ്കൃതിയിലേക്ക് നുഴഞ്ഞുകയറാൻ സർവ സന്നാഹങ്ങളുമായിട്ടാണ് ഇത്തവണ ബിജെപി പട നയിക്കുന്നത്. അതിനെ പ്രതിരോധിച്ച് മുഖ്യമന്ത്രി എം.കെ.സ്റ്റാലിന്റെ നേതൃത്വത്തിൽ ‘ഇന്ത്യ’ സഖ്യത്തിനു കരുത്തു പകരാനുള്ള തീവ്ര ശ്രമത്തിലാണ് ഡിഎംകെ. നിലനിൽപ്പിനായുള്ള പോരാട്ടത്തിലാണ് അണ്ണാഡിഎംകെ.
‘ഈ 3 രാജ്യങ്ങൾ ഇന്ത്യയ്ക്കൊപ്പം നിന്നാല്‍ ചൈന വിയർക്കും: ‘വ്യാളിക്കെണി’യിൽ കുടുങ്ങിയാൽ അനുഭവിക്കേണ്ടതും അവർ’

അയൽ രാജ്യങ്ങൾക്ക് മുൻഗണന നൽകുക എന്നത് ഇന്ത്യയുടെ വിദേശ നയത്തിന്റെ കേന്ദ്ര തത്വമാണ്. ഏഷ്യയിലും രാജ്യാന്തര തലത്തിലും ഇന്ത്യയുടെ സ്വാധീനം വിപുലീകരിക്കുന്നതിന് ഉപഭൂഖണ്ഡത്തിലെ തൊട്ടടുത്ത പ്രദേശങ്ങൾ ഫലപ്രദമായി, തന്ത്രപരമായി കൈകാര്യം ചെയ്യുന്നത് ഇന്ത്യയ്ക്ക് നിർണായവും. അയൽ രാജ്യങ്ങളിലെ പതിവ് രാഷ്ട്രീയമോ സാമ്പത്തികമോ ആയ വെല്ലുവിളികൾ പലപ്പോഴും ഇന്ത്യയുടെ ശ്രദ്ധ ഉപഭൂഖണ്ഡത്തിലേക്ക് തിരിച്ചുവിടുകയും വിശാലമായ പ്രാദേശികവും രാജ്യാന്തരവുമായ പ്രശ്‌നങ്ങളെ അഭിമുഖീകരിക്കാനുള്ള ശേഷി പരിമിതപ്പെടുത്തുകയും ചെയ്യുന്നു. എന്നാൽ പാക്കിസ്ഥാനെ കൂടാതെ ഭൂട്ടാനുമായും നേപ്പാളുമായും മ്യാൻമറുമായുമുള്ള ഇന്ത്യയുടെ ഉഭയകക്ഷി ബന്ധങ്ങളിൽ ചെറുതല്ലാത്ത വിള്ളലുകൾ ഉണ്ടായിട്ടുണ്ട്. ഇന്ത്യയുമായി അകലുംതോറും അവിടങ്ങളിൽ ചൈനീസ് വ്യാളി പിടിമുറുക്കുന്നു. അതിനൊപ്പം അരുണാചൽ പ്രദേശിലും ചൈന പ്രകോപനം ശക്തമാക്കിയിട്ടുമുണ്ട്. അയൽ രാജ്യങ്ങൾക്കിടയിൽ രാജ്യാന്തരവും ആഭ്യന്തരവുമായ രാഷ്ട്രീയ, സാമ്പത്തിക ഭൂപ്രകൃതികളിലെ സമീപകാല മാറ്റങ്ങളോടെ, ഇന്ത്യയ്ക്ക് അയൽപക്ക പ്രഥമ നയം (Neighbourhood First Policy ) ഉത്തേജിപ്പിക്കാനുള്ള ഏറ്റവും മികച്ച അവസരമാണ് ഇപ്പോൾ കൈവന്നിരിക്കുന്നത്. കൃത്യമായ നീക്കത്തിലൂടെ അയൽക്കാരെ കൂടെ നിർത്താൻ ഇന്ത്യയ്ക്ക് കഴിഞ്ഞാൻ ചൈനയ്ക്ക് വൻ തിരിച്ചടി നൽകാനും സാധിക്കും. ഈ മേഖലയിലെ ചൈനയുടെ കുതന്ത്രത്തെ ചെറുക്കാനാണ് ഇന്ത്യ ലക്ഷ്യമിടുന്നതെങ്കിൽ ബംഗ്ലദേശുമായി ബന്ധം നിലനിർത്തുന്നത് പോലെ സൗഹൃദം മറ്റ് അയൽ രാജ്യങ്ങളിലേക്കും വ്യാപിപ്പിക്കേണ്ടതുണ്ട്. ഇപ്പോൾ ബംഗ്ലദേശ് മാത്രമാണ് ഇന്ത്യയോട് ഏറെ അടുപ്പം കാണിക്കുന്ന അയൽക്കാർ. ശേഷിക്കുന്നവരെയും ഇന്ത്യയ്‌ക്കൊപ്പം ചേര്‍ത്തുപിടിച്ച് ചൈനയെ നിലയ്ക്കുനിർത്താൻ കഴിയണം.
PRATHIVADHAM

തൊഴിലുറപ്പിന് പിന്നിൽ

സ്വതന്ത്രഇന്ത്യയുടെ നയരൂപീകരണചരിത്രത്തിലെ ഏറ്റവും സാർഥക അധ്യായമായിരുന്നു മഹാത്മാഗാന്ധി ദേശീയ ഗ്രാമീണതൊഴിലുറപ്പു പദ്ധതി. 2006 ഫെബ്രുവരി രണ്ടിനാണ് ആന്ധ്രപ്രദേശിലെ അനന്തപുർ ജില്ലയിൽ അന്നത്തെ പ്രധാനമന്ത്രി മൻമോഹൻ സിങ് പദ്ധതി ഉദ്ഘാടനം ചെയ്തത്. ലോകത്തിലെ ഏറ്റവും ബൃഹത്തും ഫലപ്രദവുമായ ദാരിദ്ര്യനിർമാർജന പരിപാടിയായി ലോകബാങ്ക് വിശേഷിപ്പിച്ച പദ്ധതി ഇതിനകം ഇന്ത്യൻ ഗ്രാമീണരുടെ ജീവനാഡിയായി മാറി. തൊഴിൽ ചെയ്യാനാഗ്രഹിക്കുന്ന ഏതൊരാൾക്കും 100 ദിവസത്തെ തൊഴിൽ ‘നീതിയുക്തമായ ഒരവകാശമാക്കി’ ഉറപ്പുവരുത്തുന്നു എന്നതാണ് തൊഴിലുറപ്പു പദ്ധതിയുടെ സവിശേഷത. തൊഴിലുറപ്പു പദ്ധതിയുടെ യഥാർഥചരിത്രം ഈ തിരഞ്ഞെടുപ്പുകാലത്ത് ഏറെ പ്രസക്തമാകുന്നത് ഇടതുപാർട്ടികൾ അതിന്റെ പൈതൃകം ‘ഹൈജാക്ക്’ ചെയ്യുന്നതുകൊണ്ടാണ്. ‘ഇടതുപക്ഷ’ ആശയമായ പദ്ധതി അവരുടെ ആവശ്യപ്രകാരമാണ് യുപിഎയുടെ പൊതു മിനിമം പരിപാടിയിൽ ഉൾപ്പെടുത്തി നടപ്പാക്കിയതെന്നാണ് കേരളത്തിലെ ഇടതുപക്ഷം അവകാശപ്പെടുന്നത്. ‘തൊഴിലുറപ്പ്’ എന്ന ആശയത്തിന്റെ ചരിത്രത്തെയും പദ്ധതിയുടെ സാക്ഷാത്കാരത്തിനു നിലകൊണ്ട കോൺഗ്രസ്- സിവിൽ സൊസൈറ്റി പ്രസ്ഥാനങ്ങളുടെ പങ്കിനെയും തമസ്കരിക്കുന്ന വസ്തുതാവിരുദ്ധ വാദമാണിത്. കാരണം, ‘തൊഴിലുറപ്പിന്റെ’ ചരിത്രം ഇടതുപാർട്ടികൾ യുപിഎ സർക്കാരിനെ പിന്തുണയ്ക്കാൻ തീരുമാനിച്ച 2004ൽ മാത്രം തുടങ്ങുന്ന ഒന്നല്ല.
KERALA MAIL

‘ഇന്ത്യ’ സിപിഎമ്മിനെ കുരുക്കുമ്പോൾ

ലോക്സഭാ തിരഞ്ഞെടുപ്പിനെക്കുറിച്ചു ദൂരദർശനിലും ആകാശവാണിയിലും മുഖ്യമന്ത്രി പിണറായി വിജയൻ ഈ മാസം 22,23 തീയതികളിൽ സംസാരിക്കുന്നുണ്ട്. സിപിഎം നേതാക്കളുടെ ഏഴംഗ പട്ടികയിൽ കേരളത്തിൽനിന്നു പിണറായി മാത്രമേയുള്ളൂ. പക്ഷേ, ജനറൽ സെക്രട്ടറി സീതാറാം യച്ചൂരിയും ബംഗാൾ സംസ്ഥാന സെക്രട്ടറി മുഹമ്മദ് സലീമും അടക്കമുള്ളവർക്കു പറയാനുള്ളതാകില്ല പിണറായിക്കു പറയാനുള്ളത്. പൊളിറ്റ്ബ്യൂറോ അംഗമായ സലീം ബംഗാളിലെ മുർഷിദാബാദ് സീറ്റിൽ കോൺഗ്രസ് പിന്തുണയോടെ മത്സരിക്കുന്നയാളാണ്. യച്ചൂരി അടക്കമുള്ള ദേശീയ നേതാക്കൾ കോൺഗ്രസ് നേതൃത്വം നൽകുന്ന ഇന്ത്യാസഖ്യത്തിനുവേണ്ടിയാണ് വോട്ടു തേടുന്നതും. ബംഗാളിൽ മുതിർന്ന നേതാവും ഇടതുമുന്നണി ചെയർമാനുമായ ബിമൻ ബോസ് കഴിഞ്ഞ ദിവസം കൈപിടിച്ചു നടന്നത് ബംഗാൾ പിസിസി മുൻ അധ്യക്ഷനും കൊൽക്കത്ത നോർത്തിലെ ഇന്ത്യാ സഖ്യ സ്ഥാനാർഥിയുമായ പ്രദീപ് ഭട്ടാചാര്യയ്ക്കൊപ്പമാണ്. എന്നിട്ടു ബിമൻ പറഞ്ഞു: ‘ ഈ കൊൽക്കത്ത നോർത്ത് പോലെ ബംഗാളിലെ 41 സീറ്റിലും കോൺഗ്രസും ഇടതുപക്ഷവും ചേർന്നു ബിജെപിക്കും തൃണമൂലിനും എതിരെ പൊരുതും’’.
പാർട്ടി ഓഫിസിലെ മുഖ്യമന്ത്രിയുടെ പേര് മറച്ചു; എങ്ങും ഫഹദിന്റെ പോസ്റ്ററുകൾ ! അകമ്പടിക്ക് 700 രൂപ

“നെല്ലൈ എനതു എല്ലൈ; കുമാരി എനതു തൊല്ലൈ" (തിരുനെൽവേലി എന്റെ അതിർത്തി, കന്യാകുമാരി എന്റെ പ്രശ്നവും). കേരളത്തിനോട് ചേർന്ന് കിടക്കുന്ന കന്യാകുമാരിയെ കുറിച്ചുള്ള അന്തരിച്ച എം. കരുണാനിധിയുടെ വാക്കുകളാണ് ഇത്. ലോക്സഭ തിരഞ്ഞെടുപ്പിൽ കന്യാകുമാരി ജയിപ്പിച്ചു വിട്ടവരുടെ രാഷ്ട്രീയം പരിശോധിച്ചാൽ കരുണാനിധിയുടെ വാക്കുകളുടെ അർഥം മനസ്സിലാവും. ലോക്സഭ തിരഞ്ഞെടുപ്പുകളിൽ ദേശീയപാർട്ടികളെ നെഞ്ചേറ്റുന്ന കന്യാകുമാരി കൂടുതലും കോൺഗ്രസ്സിനോടാണ് ചായ്‍വ് കാട്ടിയിട്ടുള്ളത്. എന്നാൽ 1999ലും 2014ലും രണ്ടു വട്ടം ബിജെപിയെയും ജയിപ്പിച്ചു. ഇതൊക്കെ മനസ്സിലുള്ളതിനാലാണ് പ്രചാരണത്തിന്റെ അന്തിമഘട്ടത്തിൽ അയൽനാട്ടിലെ പോരാട്ടം നേരിട്ടറിയാനായി കന്യാകുമാരിയിലേക്ക് വണ്ടികയറിയത്. വരുന്ന വെള്ളിയാഴ്ച നടക്കുന്ന ആദ്യഘട്ട തിരഞ്ഞെടുപ്പിലാണ് തമിഴ്നാട്ടിലെ വോട്ടർമാർ പോളിങ് ബൂത്തിലേക്ക് എത്തുക.
‘പോരി’ൽ തകർന്ന് രൂപ, കത്തിക്കയറി ഇന്ധന, സ്വർണവില: മോദിയുടെ 10 വർഷത്തിൽ രൂപയ്ക്ക് സംഭവിച്ചതെന്ത്?

ലോക്സഭാ തിരഞ്ഞെടുപ്പിന് ദിവസങ്ങൾ മാത്രം ശേഷിക്കെ രാജ്യത്തെ സാമ്പത്തിക മേഖലയെ ഒന്നടങ്കം പ്രതിസന്ധിയിലാക്കി രൂപയുടെ മൂല്യം കുത്തനെ ഇടിഞ്ഞിരിക്കുന്നു. യുഎസ് ഡോളറുമായുള്ള വിനിമയത്തിൽ രൂപയുടെ മൂല്യം ചരിത്രത്തിലെ ഏറ്റവും താഴ്ന്ന നിലവാരത്തിലേക്ക് കൂപ്പുകുത്തിയത് കേന്ദ്രത്തിനു വൻ തലവേദനയാകും. രാജ്യം നേരിടുന്ന വലിയ സാമ്പത്തിക വെല്ലുവിളികൾ മറച്ചുവച്ച് വോട്ടുപിടിക്കാൻ ഇറങ്ങുന്നവരെ രൂപയുടെ ഇടിവ് പിടികൂടുമെന്നാണ് രാഷ്ട്രീയ– സാമ്പത്തിക നിരീക്ഷകരും വ്യക്തമാക്കുന്നത്. രൂപയുടെ മൂല്യം പിടിച്ചുനിർത്താനായി റിസർവ് ബാങ്ക് ഓഫ് ഇന്ത്യ (ആർബിഐ) തുടർച്ചയായി നടത്തിവരുന്ന തീവ്രശ്രമങ്ങൾക്കു പോലും ഇപ്പോഴത്തെ ഡോളറിന്റെ മുന്നേറ്റത്തെ തളയ്ക്കാൻ കഴിയുന്നില്ല. മധ്യ പൗരസ്ത്യ ദേശത്തെ ഇറാൻ–ഇസ്രയേൽ സംഘർഷമാണ് ഇപ്പോഴത്തെ പ്രതിസന്ധിക്ക് കാരണമെന്ന് പറയാമെങ്കിലും ഇത് ഏറെക്കാലമായി തുടരുന്ന പ്രതിസന്ധിയാണ്. ഇതോടൊപ്പംതന്നെ യുഎസ് ഫെഡറൽ റിസർവ് പലിശനിരക്ക് കുറയ്ക്കാൻ വൈകുന്നതും രൂപയ്ക്ക് തിരിച്ചടിയായി. രൂപ മാത്രമല്ല ഏഷ്യയിലെ മറ്റു കറൻസികളുടെയെല്ലാം മൂല്യം ഇടിഞ്ഞിട്ടുണ്ട്. ഡോളറിന്റെ മുന്നേറ്റം രാജ്യത്തെ ഓഹരി വിപണിയേയും കാര്യമായി ബാധിക്കുമോ എന്ന ആശങ്ക നിലനിൽക്കുന്നുണ്ട്. ഇപ്പോൾ രൂപയുടെ മൂല്യം ഇടിയാൻ കാരണമെന്താണ്? എന്താണ് നേരിടാൻ പോകുന്ന പ്രതിസന്ധികൾ?
‘പാക്കിസ്ഥാനിൽ കയറിയും വധിക്കും’; ഫലം കാണാതെ പോയ മോദിയുടെ ‘സാരി–ഷോൾ’ ‌തന്ത്രം; വോട്ടാകുമോ ‘അയൽപക്ക കലഹം’?

2024 മാർച്ച് 31ന് പ്രധാനമന്ത്രി നരേന്ദ്ര മോദി ‘എക്സിൽ’ ഒരു കുറിപ്പ് പങ്കുവച്ചു. അതുവരെ അധികമാരുടെയും ശ്രദ്ധയിൽപ്പെടാതെ കിടന്നിരുന്ന ‘കച്ചത്തീവ്’ ദ്വീപിൽ വിവാദത്തീ കൊളുത്തുന്നതായിരുന്നു ആ കുറിപ്പ്. അതിനും മുൻപേ മാലദ്വീപില്‍നിന്ന് അസ്വാരസ്യങ്ങളുടെ അലയൊലികളെത്തിയിരുന്നു. ഇത്തരത്തിൽ, ഇന്ത്യയുടെ വിദേശനയം എല്ലാക്കാലവും നേരിട്ട വെല്ലുവിളിയാണ്‌ അയൽപക്കരാജ്യങ്ങളുമായുള്ള ബന്ധങ്ങൾ. ദക്ഷിണേഷ്യയിലെ രാജ്യങ്ങൾ കൂടാതെ ഇന്ത്യയുമായി അതിർത്തി പങ്കിടുന്ന ചൈനയും മ്യാൻമറുമെല്ലാം ഈ ഗണത്തിൽപ്പെടും. പക്ഷേ, പൊതുതിരഞ്ഞെടുപ്പുകാലത്തെ പ്രചാരണവിഷയങ്ങളിൽ സാധാരണ രാജ്യത്തിന്റെ വിദേശനയം കാര്യമായി പ്രതിഫലിക്കാറില്ല. പ്രകടനപത്രികകളിൽ ഇത് സംബന്ധിച്ച ചില നിലപാടുകളും സൂചനകളും രാഷ്ട്രീയപാർട്ടികൾ നൽകാറുണ്ടെന്നു മാത്രം. എന്നാൽ, വിദേശനയത്തിന്റെ കാര്യത്തിൽ തങ്ങള്‍ വളരെ വ്യത്യസ്തമാണെന്ന് വരുത്തിത്തീർക്കാൻ എൻഡിഎ സർക്കാർ ശ്രമിക്കുന്നുണ്ട്. അപ്പോഴും വിദേശകാര്യനിരീക്ഷകർ വിലയിരുത്തുന്ന ഒരു കാര്യമുണ്ട്. നരേന്ദ്ര മോദി സർക്കാരിന്റെ ഒരു പതിറ്റാണ്ടു പിന്നിടുന്ന ‘അയൽപക്കനയം’ (Neighbourhood policy) വലിയ സംഘർഷങ്ങളിലൂടെയും തിരിച്ചടികളിലൂടെയുമാണ് കടന്നുപൊയ്ക്കൊണ്ടിരുന്നത് എന്നതാണത്, ജി20 കൂട്ടായ്മയിൽ നിർണായകമായ സ്ഥാനംവഹിച്ചും പുതിയ ആർട്ടിക് നയവും അന്റാര്‍ട്ടിക് നിയമവും ആവിഷ്‌കരിച്ചും ഇന്ത്യ ലോകഭൗമഭൂപടത്തില്‍ പുതിയ തന്ത്രങ്ങൾ രൂപപ്പെടുത്തുമ്പോൾ, തൊട്ടടുത്ത അയൽരാജ്യങ്ങളുമായുള്ള ബന്ധങ്ങൾ കലുഷിതമാകുന്ന സാഹചര്യമാണ്. ഇത് ഒട്ടേറെ ചോദ്യങ്ങളും ഉയർത്തുന്നുണ്ട്‌. ഏറ്റവുമൊടുവിൽ, പാക്കിസ്ഥാനുള്ളിലേയ്ക്ക് കടന്നുചെന്ന് ഭീകരരെ ഇല്ലായ്മ ചെയ്യുമെന്ന പ്രഖ്യാപനവും മാലദ്വീപുമായി കലഹിക്കേണ്ടി വന്നതും കച്ചത്തീവ് വിഷയം അസമയത്ത് ഉയർത്തിക്കാട്ടി ശ്രീലങ്കയുമായി മറ്റൊരു സംഘർഷത്തിന് വഴിമരുന്നിട്ടതും വളരെ അപക്വമായ നയതന്ത്രത്തിന്റെ ദൃഷ്ടാന്തങ്ങളായി കാണുന്നുണ്ട്.
കേന്ദ്രം മടക്കിക്കൊണ്ടു പോകുമോ കേരളത്തിന് കിട്ടിയ പുതിയ വന്ദേഭാരത്? 2 റൂട്ടിലും വൻ ലാഭമായിട്ടും അട്ടിമറി; ആരാണ് പിന്നിൽ?

‘‘എന്തു പ്രഹസനമാണ് റെയിൽവേ അധികൃതരേ ഇത്?’’ ഇങ്ങനെ കേരളത്തിലെ ആരെങ്കിലും ചോദിച്ചാൽ കുറ്റം പറയാൻ പറ്റുമോ. വന്ദേഭാരത് കേരളത്തിന് അനുവദിക്കുന്നതിന് റെയിൽവേ നിരത്തുന്ന തടസ്സവാദങ്ങൾ കേട്ടാൽ ഇങ്ങനെ തോന്നും. പുതിയ വന്ദേഭാരത് ട്രെയിൻ കേരളത്തിലെത്തിച്ച് തിരിച്ചു കൊണ്ടുപോയത് മാർച്ചിലാണ്. ഏപ്രിലിൽ മറ്റൊരു വന്ദേഭാരത് ട്രെയിൻ കേരളത്തിലെത്തിയിട്ട് ഒരാഴ്ചയിൽ അധികമാകുന്നു. അതിവേഗ ട്രെയിനായ വന്ദേഭാരത് പോലും ‘സിഗ്നൽ കിട്ടാതെ’ യാർഡിൽ കിടക്കുന്ന അവസ്ഥയാണെന്നു ചുരുക്കം. കേരളത്തിലേക്ക് വന്ദേഭാരത് ഉൾപ്പെടെ കൂടുതൽ ട്രെയിനുകൾ അനുവദിക്കണമെന്ന ആവശ്യം ഒരു വശത്ത്. അതേസമയം അതിനു വേണ്ട സൗകര്യങ്ങൾ ദക്ഷിണ റെയിൽവേ ഒരുക്കുന്നുമില്ല. ഇനി കിട്ടിയ വന്ദേഭാരത് കേരളത്തിൽ ഒാടിക്കാൻ കഴിയുമോ അതോ മടക്കി നൽകേണ്ടി വരുമോയെന്ന ചോദ്യങ്ങൾക്ക് കൃത്യമായ ഉത്തരം ലഭിച്ചിട്ടില്ല. ഇന്ത്യയിൽതന്നെ ഏറ്റവും തിരക്കുള്ള 2 വന്ദേഭാരത് ട്രെയിനുകൾ കേരളത്തിലാണ് സർവീസ് നടത്തുന്നത്. എന്നാൽ പുതിയ വന്ദേഭാരത് ഓടിക്കാൻ അനുമതി റെയിൽവേ നൽകുന്നുമില്ല. എന്തായിരിക്കും കാരണം?
INDIA FILE

അന്നും ഇന്നും

തമ്മിൽ ഏതാണ്ട് അരനൂറ്റാണ്ടിന്റെ അകലമുണ്ടെങ്കിലും, ലോക്സഭാ തിരഞ്ഞെടുപ്പിനു മുൻപ് 1977ഉം 2024ഉം തമ്മിലുള്ള ചില പൊരുത്തങ്ങൾ നോക്കുന്നതു നല്ലതാണ്. 1977ൽ, അടിയന്തരാവസ്ഥയിലായിരുന്നു തിരഞ്ഞെടുപ്പു പ്രഖ്യാപനവും വോട്ടെടുപ്പും. തോൽവി പ്രതീക്ഷിച്ചുതന്നെയാണ് ഇന്ദിരാഗാന്ധി തിരഞ്ഞെടുപ്പിനു തീരുമാനിച്ചത്. ഇന്ദിരയുടെ ഭരണം അവസാനിപ്പിക്കാൻ പ്രതിപക്ഷം ഒന്നിച്ചു. ഏകാധിപത്യം അവസാനിപ്പിക്കുക; ജനാധിപത്യം പുനഃസ്ഥാപിക്കുക എന്നതായിരുന്നു പ്രതിപക്ഷത്തിന്റെ പ്രധാന മുദ്രാവാക്യം. തനിച്ചു മൂന്നിൽ രണ്ടു ഭൂരിപക്ഷം എന്ന ലക്ഷ്യം പറഞ്ഞാണ് ബിജെപി ഇപ്പോൾ തിരഞ്ഞെടുപ്പിനെ നേരിടുന്നത്. രാജ്യം അപ്രഖ്യാപിത അടിയന്തരാവസ്ഥയിലെന്നും ഏകകക്ഷി – ഏകവ്യക്തി ഏകാധിപത്യത്തിലേക്കു വഴുതുന്നുവെന്നുമാണ് പ്രതിപക്ഷം പറയുന്നത്.നരേന്ദ്ര മോദിയുടെ ഭരണം അവസാനിപ്പിക്കുകയാണ് അവരുടെ ലക്ഷ്യം. പുരോഗമനപരമായ നയങ്ങളെ എതിർക്കാനാണ് വർഗീയവാദികളും തീവ്ര ഇടതുപക്ഷക്കാരുമൊക്കെ ഒരുമിച്ചിരിക്കുന്നതെന്ന് ’77ൽ കോൺഗ്രസ് പറഞ്ഞു; കാടൻ ഭരണത്തിന്റെ വക്താക്കളാണ് ജനാധിപത്യത്തെ രക്ഷിക്കാനെന്നുപറഞ്ഞ് അവതരിച്ചിരിക്കുന്നതെന്ന് ഇന്ദിരയും പറഞ്ഞു. രാജ്യത്തിന്റെ വികസനം തടയാനാണ് പ്രതിപക്ഷം തന്നെ എതിർക്കുന്നതെന്നും നിർധനൻ പ്രധാനമന്ത്രിയാകുമ്പോൾ അവർ ജനാധിപത്യം അപകടത്തിലെന്നു പറയുമെന്നുമാണ് കഴിഞ്ഞ ദിവസം പ്രധാനമന്ത്രി മോദി പറഞ്ഞത്.
‘ആന്റണിയുടെ ശത്രു എസ്എഫ്ഐ, ബിജെപിയല്ല; ഒരു സീറ്റും ഉറച്ചതല്ല; അരുണാചൽ മോഡലിലേക്ക് കെപിസിസി’

പിണറായി മന്ത്രിസഭയുടെ രാഷ്ട്രീയ മുഖങ്ങളിൽ ഒന്നാണ് മന്ത്രി പി.രാജീവ്. എൽഡിഎഫ് സർക്കാരിലെ വ്യവസായ–നിയമ മന്ത്രി എന്നതിനൊപ്പം ഉയർന്നു വരുന്ന രാഷ്ട്രീയ പ്രശ്നങ്ങളിൽ പാർട്ടിയുടെയും സർക്കാരിന്റെയും നിലപാട് വ്യക്തമാക്കുന്നവരിൽ പ്രധാനി. സിപിഎം കേന്ദ്രകമ്മിറ്റി അംഗമായ രാജീവ് കഴിഞ്ഞ തവണ എറണാകുളം ലോക്സഭാ മണ്ഡലത്തിലെ സ്ഥാനാർഥിയായിരുന്നു. ഇത്തവണ എറണാകുളത്തും ചാലക്കുടിയിലും പാർട്ടിയുടെ പ്രചാരണത്തിനു ചുക്കാൻ പിടിക്കുന്നു. എൽഡിഎഫിന്റെ ജയസാധ്യതകളെക്കുറിച്ചും സിപിഎമ്മിന് മുന്നിൽ ഉള്ള വെല്ലുവിളികളെക്കുറിച്ചുമാണ് ഈ അഭിമുഖത്തിൽ രാജീവ് വിശദീകരിക്കുന്നത്. മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരുമായി ക്രോസ് ഫയറിൽ മന്ത്രി പി.രാജീവ് സംസാരിക്കുന്നു.
ഇടയ്ക്കു ചെഷർപ്പൂച്ചയും വേണ്ടേ?

എക്കാലത്തെയും മികച്ച ബാലസാഹിത്യകൃതികളിലൊന്നായ ‘ആലിസസ് അഡ്വഞ്ചേഴ്സ് ഇൻ വണ്ടർലാൻഡ്’ എന്ന ലഘുനോവലിലെ വിചിത്ര കഥാപാത്രമാണ് ചെഷർപ്പൂച്ച (Cheshire Cat). ലൂവിസ് കാരൾ (1832–1898) എന്ന ഗണിതശാസ്ത്രാധ്യാപകൻ ഭാവനാശാലിയായ ബാലസാഹിത്യകാരനെന്ന നിലയിൽ അനശ്വരയശസ്സു നേടി. അദ്ദേഹം ചെഷർപ്പൂച്ചയെയും കണ്ടെത്തി. 1865ൽ ആയിരുന്നു ഗ്രന്ഥം പ്രസിദ്ധപ്പെടുത്തിയത്. ചെഷർപ്പൂച്ചയുെട സവിശേഷത, മുഖംനിറഞ്ഞ പരിഹാസച്ചിരിയാണ്. കൂടാതെ, എപ്പോൾ വേണമെങ്കിലും അപ്രത്യക്ഷമാകാനും വീണ്ടും പ്രത്യക്ഷമാകാനും ഉള്ള കഴിവുമുണ്ട്. അതിൽത്തന്നെ അദ്ഭുതപ്പെടുത്തുന്ന മറ്റൊന്നുമുണ്ട്. ശരീരത്തിന്റെ ഓരോ ഭാഗമായും അപ്രത്യക്ഷമാക്കാം. കഥയിലെ നായികയായ ആലിസ് എന്ന പെൺകുട്ടി ഒരിക്കൽ പൂച്ചയുടെ ചിരി മാത്രം കണ്ടു. ചിരിയില്ലാതെ പൂച്ചയെ കാണാമെങ്കിലും, പൂച്ചയില്ലാതെ അതിന്റെ ചിരി മാത്രം കാണുകയെന്നത് എത്ര രസകരമാണ്! കുഞ്ഞുങ്ങൾക്കു വേണ്ടി ലൂവിസ് കാരളിന്റെ ഭാവന വികസിച്ച രീതി എത്ര വിസ്മയകരം! എത്ര ആഴത്തിലുള്ള മാർജാരഫലിതം!
‘അവരുടെ കയ്യിലൊരു വാഷിങ് മെഷീൻ ഉണ്ട്; ശോഭയുടെ മണ്ഡലം മാറ്റിയത് പേടിച്ച്; ബിജെപി അല്ല ജയിൽ മതി’

പ്രതിസന്ധി ഘട്ടങ്ങളിൽ കോൺഗ്രസിന്റെ ട്രബിൾ ഷൂട്ടറാണു ഡി.കെ.ശിവകുമാർ. രാഷ്ട്രീയത്തിലും ജീവിതത്തിലും ലക്ഷണമൊത്ത പോരാളി. 2002ൽ മഹാരാഷ്ട്രയിലെ കോൺഗ്രസ് എംഎൽഎമാരെ ബെംഗളൂരുവിൽ കൊണ്ടുവന്നു താമസിപ്പിച്ചു വിലാസ് റാവു ദേശ്മുഖ് സർക്കാരിനെ താഴെ വീഴാതെ കാത്ത ഡികെ 2017 ഓഗസ്റ്റിലെ രാജ്യസഭാ തിരഞ്ഞെടുപ്പിൽ ഗുജറാത്തിലെ 42 കോൺഗ്രസ് എംഎൽഎമാരെ ബെംഗളുരൂവിലെത്തിച്ച് അഹമ്മദ് പട്ടേലിന്റെ വിജയം ഉറപ്പിച്ചു. 66 എംഎൽഎമാരുണ്ടായിരുന്ന കോൺഗ്രസ് 2023 ലെ നിയമസഭാ തിരഞ്ഞെടുപ്പിൽ 135 സീറ്റുമായി കർണാടകയിൽ അധികാരത്തിലെത്തിയതു കർണാടക പിസിസി അധ്യക്ഷനായ ഡികെയുടെ ചിറകിലേറിയാണ്. കർണാടകയിൽ മാത്രമല്ല, ആന്ധ്രയിലും തെലങ്കാനയിലുമെല്ലാം കോൺഗ്രസിന്റെ സുപ്രധാന കരുനീക്കങ്ങൾക്കു നേതൃത്വം നൽകുന്ന ഡി.കെ.ശിവകുമാർ തിരഞ്ഞെടുപ്പിൽ കോൺഗ്രസിന്റെ പ്രതീക്ഷകളെക്കുറിച്ചും അന്വേഷണ ഏജൻസികളെ ഉപയോഗിച്ച് പ്രതിപക്ഷത്തെ വേട്ടയാടുന്നതിനെക്കുറിച്ചും സംസാരിക്കുകയാണിവിടെ. ലോക്‌സഭാ തിരഞ്ഞെടുപ്പിൽ കോൺഗ്രസ് പ്രചാരണത്തിന്റെ ഭാഗമായി കേരളത്തിലെത്തിയ ശിവകുമാർ മനോരമ ഓൺലൈൻ പ്രീമിയത്തിൽ നയം വ്യക്തമാക്കുന്നു.
Tattoo Times

നമുക്കുള്ള ശിക്ഷ ആര് ഏൽക്കും ?

നിങ്ങൾ ആരെയെങ്കിലും ആത്മഹത്യയിൽനിന്നു പിന്തിരിപ്പിച്ചിട്ടുണ്ടോ? നിങ്ങൾ അറിഞ്ഞോ അറിയാതെയോ ചെയ്ത എന്തെങ്കിലും കാര്യം മറ്റൊരാളെ ആത്മഹത്യ ചെയ്യുന്നതിൽനിന്നു പിന്തിരിപ്പിച്ചിട്ടുണ്ടാകാം. പിന്തിരിപ്പിച്ച കാര്യം ചിലപ്പോൾ നിങ്ങൾ അറിയണമെന്നില്ലെന്നു മാത്രം. ഈ ചോദ്യത്തിനു മൂർച്ചയുള്ള ഒരു മറുവശവുമുണ്ട്. നിങ്ങൾ ഒരാളെ ആത്മഹത്യയ്ക്കു പ്രേരിപ്പിച്ചിട്ടുണ്ടോ? അതും ചിലപ്പോൾ അറിഞ്ഞോ അറിയാതെയോ ആകാം. ഇന്ത്യൻ പീനൽ കോഡ് 306-ാം വകുപ്പുപ്രകാരം പത്തു വർഷം വരെ തടവുശിക്ഷ ലഭിക്കാവുന്ന കുറ്റമാണ് ആത്മഹത്യാപ്രേരണ. ആത്മഹത്യാപ്രേരണയ്ക്കു ശിക്ഷിക്കപ്പെടുന്നതു പക്ഷേ, അതൊരു വ്യക്തിയോ ഏതാനും വ്യക്തികളോ ചെയ്യുമ്പോഴാകും. സമൂഹം വിവിധതരം സമ്മർദങ്ങൾ നൽകി കാലക്രമേണ ഒരാളെ ആത്മഹത്യ ചെയ്യിപ്പിക്കുമ്പോൾ സമൂഹത്തെ ശിക്ഷിക്കുക സാധ്യമല്ല എന്നതാകാം ഇഞ്ചിഞ്ചായും കൂട്ടായും കുറ്റം ചെയ്യാൻ മനുഷ്യജന്തുക്കളെ പ്രേരിപ്പിക്കുന്നത്. സമൂഹത്തിന്റെ ആ കുറ്റകൃത്യത്തിൽ സമൂഹത്തിലെ ഓരോ അംഗത്തിനും ഏറിയും കുറഞ്ഞുമുള്ള ഉത്തരവാദിത്തമുണ്ട്. അങ്ങനെയൊരു ഉത്തരവാദിത്തവുമായാണ് തലകുനിച്ച് ഇതെഴുതാനിരിക്കുന്നത്.
ഒരു അദ്ഭുത പ്രവചനം

അടുത്തുവരുന്ന തിരഞ്ഞെടുപ്പ് ഇന്ത്യയെ സംബന്ധിച്ചിടത്തോളം അതിപ്രധാന സംഭവവികാസമാണ്. സ്വതന്ത്രഇന്ത്യ അതിന്റെ ചരിത്രത്തിൽ ഇത്രമാത്രം ജീവന്മരണ പ്രാധാന്യമുള്ള ഒരു തിരഞ്ഞെടുപ്പു നേരിട്ടിട്ടില്ല. പാർട്ടികൾ വഴിയാണ് നാം വോട്ടു രേഖപ്പെടുത്തുന്നതെങ്കിലും ഈ തിരഞ്ഞെടുപ്പിൽ അവയുടെ ഊതിവീർപ്പിച്ച സ്വരൂപങ്ങൾ അപ്രസക്തമാകുകയാണ്. നമ്മുടെ വോട്ട് പാർ‍ട്ടികൾക്കു വേണ്ടിയല്ല, അവയുടെ പാഴ്‌വാക്കുകൾ നിറഞ്ഞ പ്രത്യയശാസ്ത്രങ്ങൾക്കു വേണ്ടിയുമല്ല, ഇന്ത്യയ്ക്കു വേണ്ടിയാണ്. നാം സ്നേഹിക്കുകയും ജാതിമതഭാഷാഭേദമെന്യേ നമ്മുടേതെന്ന് അഭിമാനിക്കുകയും ചെയ്യുന്ന ഇന്ത്യയുടെ നിലനിൽപിനുവേണ്ടി. ഈ തിരഞ്ഞെടുപ്പിൽ ഇന്ത്യ തേടുന്നത് തുടർച്ച മാത്രമാണ്: ജനാധിപത്യ ഇന്ത്യയുടെ തുടർച്ച; ബഹുസ്വര ഇന്ത്യയുടെ തുടർച്ച; മതനിരപേക്ഷ ഇന്ത്യയുടെ തുടർച്ച.
സിപിഎമ്മിന് ചൈന ‘സമ്മാനിച്ച’ നക്ഷത്രം? റഷ്യയിൽനിന്ന് ഇന്ത്യയിലെത്തിയ അരിവാൾ ചുറ്റിക; ‘ചരിത്രപരമായ വിഡ്ഢിത്ത’വും

ഇന്ത്യയിലെ കമ്യൂണിസ്റ്റ് പാർട്ടികളെ സംബന്ധിച്ച് ഒരു കൗതുകമുണ്ട്. തുടർച്ചയായി ഒരേ ചിഹ്നത്തിൽ ജനവിധി തേടാനുള്ള അവസരം ലഭിച്ച പാർട്ടികൾ എന്നതാണത്. മത്സരിച്ച ആദ്യത്തെ ലോക്സഭാ തിരഞ്ഞെടുപ്പു മുതൽ അരിവാളും ധാന്യക്കതിരും ചിഹ്നത്തിൽത്തന്നെയാണ് സിപിഐ സ്ഥാനാർഥികൾ മത്സരിച്ചിട്ടുള്ളത്. 1964ൽ അവിഭക്ത കമ്യൂണിസ്റ്റ് പാർട്ടി പിളർന്നു. സിപിഎം രൂപപ്പെട്ടു. പിന്നീടുള്ള തിരഞ്ഞെടുപ്പുകളിലൊക്കെ അരിവാൾ ചുറ്റിക നക്ഷത്രം ചിഹ്നത്തിലാണ് സിപിഎം സ്ഥാനാർഥികൾ തുടർച്ചയായി മത്സരിച്ചത്. ഇടതു ജനാധിപത്യ മുന്നണി രൂപപ്പെട്ട ശേഷം രണ്ടു ചിഹ്നങ്ങളും ഇന്ത്യൻ ഇടതുപക്ഷത്തിന്റെ പ്രതീകമായിക്കഴിഞ്ഞു. തിരഞ്ഞെടുപ്പു രംഗത്തും അവ സ്വന്തമായ സ്ഥാനം ഉറപ്പിച്ചു കഴിഞ്ഞിരിക്കുന്നു. എങ്ങനെയാണ് ഈ ചിഹ്നങ്ങൾ പാർട്ടികൾക്കു ലഭിച്ചത്? എന്താണു അതിനു പിന്നിലെ കഥ? അത് ഇന്ത്യൻ കമ്യൂണിസ്റ്റ് പാർട്ടികളുടെ കൂടി ചരിത്രമാണ്. ആ കഥയാണ് ഇനി... ഇന്ത്യയ്ക്കു സ്വാതന്ത്ര്യം ലഭിച്ചു കഴിഞ്ഞപ്പോൾ അതിൽ പരിപൂർണ സ്വാതന്ത്ര്യമായിട്ടല്ല കമ്യൂണിസ്റ്റ് പാർട്ടി കണ്ടത്. ബ്രിട്ടിഷാധിപത്യത്തിന്റെയും മൂലധന ശക്തികളുടെയും നിഴൽ വീണ ഭരണകൂടത്തിനാണ് ജവാഹർലാൽ നെഹ്റു നേതൃത്വം നൽകുന്നതെന്നായിരുന്നു കമ്യൂണിസ്റ്റ് പാർട്ടി വിലയിരുത്തിയത്. അന്നത്തെ ജനറൽ സെക്രട്ടറി ബി.ടി. രണദിവെയുടെ നേതൃത്വത്തിൽ സായുധ കലാപത്തിനു ശ്രമം നടന്നു. ഇതേത്തുടർന്നുണ്ടായ കർഷക കലാപമായിരുന്നു തെലങ്കാനയിൽ നടനന്നത്. പിൽക്കാലത്ത് അജയ് ഘോഷ് ജനറൽ സെക്രട്ടറി സ്ഥാനത്തേക്കെത്തിയതോടെ സായുധ കലാപത്തിന്റെ സ്ഥാനത്ത് പാർലമെന്ററി ജനാധിപത്യം പാർട്ടി അംഗീകരിച്ചു. ഇതിനിടയിലാണ് 1951–52 കാലഘട്ടത്തിൽ പാർലമെന്റിലേക്ക് ആദ്യത്തെ തിരഞ്ഞെടുപ്പു നടന്നത്.
ഇനി മണിക്കൂറുകൾ മാത്രം; ഈ ഫയലിൽ ഒന്നല്ല ഒരായിരം ജീവനുകൾ, കാണാൻ അനുവദിക്കാത്ത മുഖ്യൻ കനിയുമോ ?

കത്തുന്ന വെയിലിൽ പുറത്തിറങ്ങുന്നതെങ്ങനെ എന്നു നാം ആലോചിക്കുമ്പോൾ 60 ദിവസമായി രാപകൽ ചൂടും മഞ്ഞും വകവയ്ക്കാതെ ആയിരക്കണക്കിന് യുവാക്കൾ പിടയുന്ന മനസ്സുമായി കഴിയുകയാണ്. വിദേശത്തേക്ക് എങ്ങനെ ‘രക്ഷപ്പെടാം’ എന്നു യുവത്വം ചിന്തിക്കുമ്പോൾ അർഹതപ്പെട്ട സർക്കാർ ജോലിക്കായി നാട്ടിൽ ജീവിതം തുടരാനാണ് അവർ ആഗ്രഹിക്കുന്നത്. പറഞ്ഞുവരുന്നത് പൊലീസ് കോൺസ്റ്റബിൾ റാങ്ക് ലിസ്റ്റിലുള്ള ഉദ്യോഗാർഥികളെ കുറിച്ചാണ്. അവരുടെ സമരവീര്യം മാധ്യമങ്ങളിൽ പലവട്ടം വാർത്തയായിട്ടും, സെക്രട്ടേറിയറ്റിന് മുന്നിലുണ്ടായിട്ടും ഒരുതവണ പോലും മുഖ്യമന്ത്രിയെ നേരിട്ട് കാണാനുള്ള അവസരം ലഭിച്ചില്ല. നാളെ( എപ്രിൽ 12) പിഎസ്‌സി ലിസ്റ്റിന്റെ കാലാവധി അവസാനിക്കാനിരിക്കെ, ഉദ്യോഗാർഥികളുടെ ഏക പ്രതീക്ഷ ‘മുഖ്യമന്ത്രി ഇടപെടും’ എന്നതു മാത്രമാണ്. റാങ്ക് ലിസ്റ്റ് കാലാവധി തീരാൻ ഒരു ദിവസം മാത്രം ശേഷിക്കെ, കേരള പൊലീസ് കോൺസ്റ്റബിൾ റാങ്ക് ഹോൾഡേഴ്സ് പ്രതിനിധി കെ.വി. മനുറാം സമരക്കാരുടെ ആശങ്കകളും കഴിഞ്ഞ 60 ദിവസത്തെ സമരാനുഭവങ്ങളും മനോരമ ഓൺലൈൻ പ്രീമിയത്തിലെ ‘ഇഷ്യു ഒപീനിയനി’ലൂടെ പങ്കുവയ്ക്കുന്നു. ഭരണനേതൃത്വം കേട്ടില്ലെന്നു നടിക്കുകയാണോ ഇവരുടെ ശബ്ദം? ‘‘ഇനി ഒരു ദിവസം കൂടി മാത്രമാണുള്ളത്. കഴിഞ്ഞ 60 ദിവസങ്ങളായി സെക്രട്ടേറിയറ്റിന് മുന്നിൽ രാപകൽ സമരം നടത്തിയിട്ടും അനുകൂലമായ ഒരു നടപടിയും ഇതുവരെയുണ്ടായിട്ടില്ല. പിഎസ്‌സിയുടെ റാങ്ക് ലിസ്റ്റിൽ 13,975 പേരാണ് ഉൾപ്പെട്ടിട്ടുള്ളത്. ഇതിൽനിന്ന് കേവലം 24 ശതമാനം പേർക്ക് മാത്രമാണ് നിയമന ശുപാർശ അയച്ചിട്ടുള്ളത്. മുൻ ലിസ്റ്റിൽ 51 ശതമാനം പേർക്ക് നിയമനം നൽകിയ സ്ഥാനത്താണ് അതിന്റെ പകുതിയിൽ താഴെ നിയമനം ഇക്കുറി നടന്നത്.
രാജ്യത്തെ ‘പട്ടിണി’ക്കിട്ട് സ്വന്തമാക്കാൻ പണിമുടക്കിയ പാർട്ടി; ബോംബ് സിപിഎമ്മിന്റെ ‘അടവ്’: ആന്റണി ഓർമിപ്പിച്ചത്...

ഏതാണ്ട് മൂന്നര പതിറ്റാണ്ട് മുൻപ് റിലീസ് ചെയ്ത ‘സന്ദേശം’ എന്ന സിനിമയിൽ പ്രഭാകരൻ കോട്ടപ്പള്ളി എന്ന സഖാവ് സ്വന്തം പെങ്ങളുടെ ഭർത്താവായ പൊലീസുകാരനോടു പറയുന്ന ഒരു മാസ് ഡയലോഗ് ഉണ്ട്. ‘‘വേണ്ടി വന്നാൽ ഒരു കലാപം വരെ ഇവിടെ പൊട്ടിപ്പുറപ്പെട്ടേക്കാം. സായുധ സമരം ഞങ്ങൾക്ക് പുത്തരിയില്ല...’’ മുതിർന്ന കോൺഗ്രസ് നേതാവ് എ.കെ. ആന്റണി ഇക്കഴിഞ്ഞ ദിവസം ഇന്ത്യൻ ഭരണഘടന ഉയർത്തിക്കാട്ടി സിപിഎമ്മിനോടും മുഖ്യമന്ത്രി പിണറായി വിജയനോടും ചോദിച്ച ചോദ്യം കൂടി ഇവിടെ ചേർത്തു വായിക്കണം. ഇന്ത്യയ്ക്ക് കിട്ടിയ സ്വാതന്ത്ര്യം സ്വാതന്ത്ര്യമല്ലെന്നു പറഞ്ഞ കമ്യൂണിസ്റ്റുകാർ ഇന്ത്യൻ ഭരണഘടനയെ അട്ടിമറിക്കാനാണ് 1948ലെ കൊൽക്കത്ത തീസിസിലൂടെ ശ്രമിച്ചതെന്നും ആന്റണി ആഞ്ഞടിച്ചു. കൊൽക്കത്ത തീസിസിന്റെ എഴുപത്തിയഞ്ചാം വാർഷികം കടന്നുപോയിട്ട് മാസങ്ങളേ ആയിട്ടുള്ളൂ. സിപിഎമ്മിന്റെ സായുധ വിപ്ലവ മോഹവും എ.കെ. ആന്റണി പറഞ്ഞ കൊൽക്കത്ത തീസിസും തന്നെയാകട്ടെ ഈ ആഴ്ചത്തെ വിശേഷം. കാലം ഇത്ര കഴിഞ്ഞിട്ടും ‘സന്ദേശം’ എന്ന ആ സത്യൻ അന്തിക്കാട് സിനിമ ഇന്നും ചർച്ച ചെയ്യപ്പെടുന്നു. തിരഞ്ഞെടുപ്പ് വേളകളിൽ പ്രത്യേകിച്ചും. ആനന്ദൻ എന്ന മാള അരവിന്ദന്റെ കഥാപാത്രം, സായുധ സമരത്തെക്കുറിച്ചു വാചാലനായ പ്രഭാകരൻ കോട്ടപ്പള്ളിയോടു ചോദിക്കുന്നുണ്ട്.
INDIA FILE

കൂറോ എന്റെ കഴുത്തോ?

സ്വാർഥതാൽപര്യങ്ങൾ കാരണം എംപിമാരും എംഎൽഎമാരും കൂറുമാറുന്നത് ജനാധിപത്യത്തിന്റെ ആരോഗ്യത്തിനു ഹാനികരമാണ്, തർക്കമില്ല. കൂറുമാറുന്ന ക്ഷണത്തിൽ സഭയിലെ അംഗത്വം നഷ്ടപ്പെടുമെന്ന വ്യവസ്ഥയുൾപ്പെടുത്തി ഭരണഘടനയിലെ പത്താം പട്ടിക ഭേദഗതി ചെയ്യുമെന്നു പ്രകടനപത്രികയിൽ ‘ഭരണഘടനയുടെ സംരക്ഷണം’ എന്ന തലക്കെട്ടിനു താഴെ കോൺഗ്രസ് പറയുന്നതിലും സ്വാർഥതയുണ്ട്. ജനാധിപത്യവും ഭരണഘടനയുമെന്നപോലെ, തങ്ങളും നിലനിൽക്കണമെന്നു കോൺഗ്രസ് ആഗ്രഹിക്കുന്നു. കഴിഞ്ഞ ഏതാനും വർഷങ്ങളിൽ ഓരോരോ കാരണങ്ങൾ പറഞ്ഞ് പാർട്ടിയിൽനിന്ന് ഇറങ്ങിയവരിൽ ഭൂരിപക്ഷവും ചെന്നുകയറിയതു ബിജെപിയിലാണ്. 2014 മുതൽ, അഴിമതിക്കേസുകളിലുൾപ്പെട്ട 25 പ്രതിപക്ഷ നേതാക്കൾ ബിജെപിയിൽ േചർന്നെന്നും അതിൽ 23 പേർക്കും അവരാഗ്രഹിച്ച ആശ്വാസം ലഭിച്ചെന്നുമാണ് ഡൽഹിയിലെ ഒരു പത്രം കണ്ടെത്തിയത്. ചുരുക്കപ്പേരുകൊണ്ടു നമുക്കു മനസ്സിലാവുന്ന ഏതാണ്ട് എല്ലാ പാർട്ടികളിൽനിന്നും, ബിജെപിയുടെതന്നെ ഭാഷയിൽ പറഞ്ഞാൽ ‘എമിനന്റ് പഴ്സനാലിറ്റീസ്’ ബിജെപിയിൽ ചേർന്നിട്ടുണ്ട്. കേസുകെട്ടുകളുള്ളവരും അല്ലാത്തവരുമായി ഏറ്റവും കൂടുതൽപേർ ബിജെപിയിലെത്തിയതു കോൺഗ്രസിൽനിന്നാണ്. പഴയ കോൺഗ്രസാണു പുതിയ ബിജെപിയെന്നു സംഘപരിവാറിൽ അടക്കംപറച്ചിലുള്ളതു ദുഃഖപ്രകടനമായാണു കരുതേണ്ടത്. കാരണം, കോൺഗ്രസുകാർ ആർഎസ്എസിനോടു കൂറുപ്രഖ്യാപിച്ചല്ല ബിജെപിയിൽ ചേരുന്നത്; ബിജെപിയോടുപോലും കൂറുപറയുമോയെന്നതു ന്യായമായ സംശയവുമാണ്.
അവരുടെ വീഴ്ച എന്റെ തലയിൽ കെട്ടിവയ്ക്കുന്നു; ആരോഗ്യമന്ത്രി ഫോണെടുത്തില്ല: പോരാട്ടം തുടരുമെന്ന് അനിത

കോഴിക്കോട് മെഡിക്കൽ കോളജിൽ ശസ്ത്രക്രിയ കഴിഞ്ഞ രോഗിയെ ജീവനക്കാരൻ പീഡിപ്പിച്ച സംഭവത്തിൽ അതിജീവിതയ്ക്ക് അനുകൂലമായ റിപ്പോർട്ട് നൽകിയതിന്റെ പേരിൽ വേട്ടയാടപ്പെട്ട സീനിയർ നഴ്‌സിങ് ഓഫിസർ പി.ബി.അനിതയുടെ പോരാട്ടം ഫലം കാണുന്നു. തനിക്കൊപ്പം നിന്നത് അനിത മാത്രമാണെന്ന് അതിജീവിത മൊഴിനൽകിയിട്ടുപോലും സർക്കാർ കൈയൊഴിഞ്ഞതിൽ പ്രതിഷേധിച്ചായിരുന്നു അനിതയുടെ പോരാട്ടം. അനിതയെ ഇടുക്കിയിലേക്ക് സ്ഥലംമാറ്റിയ ഉത്തരവ് ഹൈക്കോടതി റദ്ദാക്കിയതിനുശേഷവും കോഴിക്കോട് മെഡിക്കൽ കോളജിൽ ജോലിക്ക് പ്രവേശിക്കാൻ അനുവദിക്കാതിരുന്ന സർക്കാർ ഒടുവിൽ തീരുമാനം മയപ്പെടുത്തി. ജോലി തിരികെക്കിട്ടാൻ മാത്രമായിരുന്നില്ല, അതിജീവിതയ്ക്ക് നീതി ഉറപ്പു വരുത്താൻ കൂടിയാണ് തന്റെ പോരാട്ടമെന്ന് അനിത വ്യക്തമാക്കുന്നു. നീതിക്കൊപ്പം നിന്നതിന്റെ പേരിൽ കടന്നുപോകേണ്ടി വന്ന കനൽ വഴികളെപ്പറ്റി മനോരമ ഓൺലൈൻ പ്രീമിയത്തിൽ അനിത മനസ്സ് തുറക്കുന്നു...
Science Block

സിനിമ ഡിഎൻഎയിൽ

എൺപതുകളുടെ അവസാനത്തിലാണു കേരളത്തിൽ ടേപ്പ് റിക്കോർഡറുകൾ പ്രചാരത്തിലായത്. വീട്ടിൽ ആദ്യമായി ടേപ്പ് റിക്കോർഡർ കിട്ടിയതു ഗൾഫിൽനിന്ന് അവധിക്കുവന്ന കുടുംബസുഹൃത്തായ ‘കരോട്ടു വീട്ടിലെ’ കുരുവിള ജോർജ് എന്ന രാജൻ ചേട്ടനിൽനിന്നാണ്. അന്നൊക്കെ ടേപ്പ് റിക്കോർഡർ വലിയ അദ്ഭുതമാണ്. വൈകുന്നേരങ്ങളിൽ വീട്ടിൽ എല്ലാവരും കൂടിയിരുന്നു പാട്ടുകളും കഥയും കഥാപ്രസംഗങ്ങളും ഒക്കെ റിക്കോർഡ് ചെയ്യും. അതു വീണ്ടും കേൾക്കുന്നതും ഒരു ഹരമായിരുന്നു. ഡേറ്റ ഇന്നു നമ്മുടെയെല്ലാം നിത്യജീവിതത്തിന്റെ ഭാഗമായിക്കഴിഞ്ഞു. നമ്മൾ മൊബൈലിലെടുത്ത ചിത്രങ്ങൾ, വാട്സാപ്പിലൂടെ അയച്ചുകിട്ടിയവ, സിനിമകൾ, സംഗീതം തുടങ്ങി തൊടുന്നതെല്ലാം ഡേറ്റ തന്നെ. ഇതിന്റെ സംഭരണം വലിയൊരു കാര്യമാണ്. പെൻഡ്രൈവും ഹാർഡ് ഡിസ്ക്കും തൊട്ട് ക്ലൗഡിൽ വരെ ഡേറ്റ സംഭരിക്കാം. എന്നാൽ നമ്മൾ തീരെ പ്രതീക്ഷിക്കാത്ത ഒരിടത്തും ഡേറ്റ സംഭരണം സാധ്യമാണെന്നറിയാമോ? കൃത്രിമമായി തയാറാക്കുന്ന, ജനിതക ഘടനയുടെ അടിസ്ഥാന യൂണിറ്റുകളിലും.
അതിൽ സന്തോഷിക്കുകയോ?

ഗോവിന്ദ് ക്ലാസിലെ ഏറ്റവും സമർഥനായ വിദ്യാർഥി. പരീക്ഷ ഏതായാലും ഏറ്റവും ഉയർന്ന മാർക്ക് ഗോവിന്ദിനുതന്നെ. അയാളെ അങ്ങനെ വിടരുതെന്നു പല കുട്ടികൾക്കും തോന്നൽ. അതിന്റെ മുൻനിരയിൽ രണ്ടും മൂന്നും സ്ഥാനങ്ങൾ നേടാറുള്ള ചാർലിയും ഷീലയുമാണ്. അങ്ങനെയിരിക്കെ അർധവാർഷിക പരീക്ഷയെത്തി. ഗോവിന്ദിന്റെ ഒന്നാം സ്ഥാനം കളയണമെന്നു കരുതി പലരും കഠിനപ്രയത്നം ചെയ്തു. ആദ്യദിവസത്തെ പരീക്ഷ തുടങ്ങി. ഗോവിന്ദ് വന്നിട്ടില്ല. അയാൾ വന്ന വണ്ടി ഏതോ ട്രാഫിക് കുരുക്കിൽപ്പെട്ടു. ഗോവിന്ദ് ഹാളിലെത്തിയത് 25 മിനിറ്റ് താമസിച്ച്. ഗോവിന്ദിന് അന്നത്തെ പരീക്ഷയിൽ ഒന്നാമനാകാൻ കഴിയില്ലെന്നു തീർച്ച. ചാർലിയും ഷീലയും പരസ്പരം നോക്കി, അമർത്തിച്ചിരിച്ചു. ആ സന്തോഷം വേണമായിരുന്നോ? മരുമകൾ എത്ര നന്നായി പാചകം ചെയ്താലും അമ്മായിയമ്മ നല്ല വാക്കു പറയില്ല. എന്നല്ല, എന്തെങ്കിലും കുറ്റം കണ്ടുപിടിക്കും. ‘എങ്ങനെ വേണമെന്നു ഞാൻ ക‌ാണിച്ചുതരാം’ എന്നു പറഞ്ഞ് ഒരുനാൾ അവർ അടുക്കളയുടെ ചുമതല ഏറ്റെടുത്തു. ഒരു കറിക്ക് ഉപ്പു വളരെ കൂടുകയും മറ്റൊന്ന് വല്ലാതെ കരിയുകയും ചെയ്തു. മരുമകൾക്ക് സന്തോഷംകൊണ്ട് ഇരിക്കാനും നിൽക്കാനും വയ്യ. ഇടവഴിയുെട വശത്തു താമസിക്കുന്ന അയൽക്കാർ തമ്മിൽ പാർക്കിങ്ങിന്റെ കാര്യത്തിൽ എന്നും കശപിശയാണ്. ഒരു ദിവസം അവരിലൊരാളുടെ പുതിയ കാർ തിരികെയെത്തിയപ്പോൾ മറ്റേതോ വണ്ടി തട്ടി വശം മുഴുവൻ ചളുങ്ങി നാശമായിരിക്കുന്നു. അയൽക്കാരന്റെയുള്ളിൽ പൂത്തിരി കത്തി. വലിയ ഫുട്ബോൾ ടൂർണമെന്റിന്റെ നിർണായക ഫൈനലെത്തി.
‘കച്ചത്തീവ് തിരിച്ചെടുക്കണമെങ്കിൽ യുദ്ധം’: മോദി ലക്ഷ്യമിടുന്നത് എന്താണ്? തിരിച്ചടിക്കും ‘ലോ ഓഫ് ദ് സീ’

285 ഏക്കർ മാത്രമുള്ള, ജനവാസമില്ലാത്ത ഒരു ദ്വീപിന്റെ പേരിൽ ഇന്ത്യൻ രാഷ്ട്രീയം വാക്‌പോര് നടത്താൻ തുടങ്ങിയിട്ട് ദിവസങ്ങളായി. തമിഴ്‌നാട്ടിൽ മാത്രം ഒതുങ്ങിനിന്നിരുന്ന ‘കച്ചത്തീവ്’ എന്ന കുഞ്ഞൻ ദ്വീപുവിവാദം രാജ്യം മുഴുവൻ ചർച്ചയാകുന്നു. മാർച്ച് 31ന് പ്രധാനമന്ത്രി നരേന്ദ്ര മോദി ‘എക്സിൽ’ പോസ്റ്റ് ചെയ്ത കുറിപ്പാണ് വിവാദത്തിനാധാരം. കച്ചത്തീവിനെ കോൺഗ്രസ് നിർദയമായി ശ്രീലങ്കയ്ക്ക് വിട്ടുനൽകിയെന്നും ആ പാർട്ടിയെ ഒരിക്കലും വിശ്വസിക്കാനാകില്ലെന്നുമാണ്, ‘കച്ചത്തീവിനെ ഇന്ദിരാഗാന്ധി എങ്ങനെയാണ് ശ്രീലങ്കയ്ക്ക് വിട്ടുനൽകിയത്’എന്ന തലക്കെട്ടിലുള്ള മാധ്യമവാർത്ത പങ്കുവച്ചുകൊണ്ട് മോദി ആരോപിച്ചത്. തമിഴ്‌നാട് ബിജെപിയുടെ അധ്യക്ഷൻ കെ. അണ്ണാമലൈയ്ക്ക് വിവരാവകാശ നിയമപ്രകാരം ലഭിച്ച മറുപടിയുടെ അടിസ്ഥാനത്തിലായിരുന്നു വാർത്ത. കച്ചത്തീവിനെക്കുറിച്ചുള്ള ചർച്ചകൾ അപ്രസക്തമാണെന്ന് പ്രഥമ പ്രധാനമന്ത്രി ജവാഹർലാൽ നെഹ്റു അഭിപ്രായപ്പെട്ടെന്നും അണ്ണാമലൈയ്ക്ക് ലഭിച്ച മറുപടിയിൽ പറയുന്നു. എന്താണ് കച്ചത്തീവിന്റെ പ്രസക്തി? പ്രധാനമന്ത്രി ആരോപിച്ചതുപോലെ കച്ചത്തീവിനെ ശ്രീലങ്കയ്ക്ക് വെറുതേ വിട്ടുനൽകുകയായിരുന്നോ ഇന്ദിരാഗാന്ധി? തമിഴ്‌നാട് കച്ചത്തീവിനെ തിരികെ ആവശ്യപ്പെടുന്നത് എന്തുകൊണ്ടാണ്?
Prathivadam

അതിജീവിക്കട്ടെ ഇന്ത്യയെന്ന ആശയം– സുധാമേനോൻ എഴുതുന്നു

ഭൂമിശാസ്ത്രപരമായ അസ്തിത്വം എന്നതിലുപരി ‘ഇന്ത്യ ഒരു ആശയം’ ആണെന്ന് ആദ്യമായി വിശേഷിപ്പിച്ചത് രബീന്ദ്രനാഥ് ടഗോർ ആയിരുന്നു. 1921ൽ ആത്മസുഹൃത്ത് സി.എഫ്.ആൻഡ്രൂസിന് അയച്ച നീണ്ട കത്തിൽ, ജാതി-മത-ദേശ അതിർത്തികളെ ഭേദിക്കുന്ന വിശാലവും മാനവികവും സാർവലൗകികവുമായ രാഷ്ട്രഭാവനയായാണ് ടഗോർ ഇന്ത്യയെന്ന ആശയത്തെ
പുതുചിന്തയുടെ മാനങ്ങൾ

വാതിൽപ്പുറത്തെ കളികൾ അസാധ്യമാക്കുന്ന ദീർഘശൈത്യത്തിൽ യുവാക്കൾക്ക് രസകരമായി പങ്കെടുക്കാവുന്ന ഇൻഡോർ ഗെയിം കണ്ടുപിടിക്കുകയെന്ന വെല്ലുവിളി അമേരിക്കയിലെ മാസച്യൂസെറ്റ്സിലുള്ള സ്പ്രിങ്ഫീൽഡ് വൈഎംസിഎ ട്രെയിനിങ് സ്കൂളിലുയർന്നു. പുതുചിന്ത അനുഗൃഹിച്ച ജെയിംസ് നായിംസ്മിത്ത് എന്ന കായികാധ്യപകന്റെ മനസ്സിൽ വിരിഞ്ഞ പുതുപുത്തൻ ആശയം വളർന്നു പുഷ്പിച്ചതാണ് ഇന്ന് യുവാക്കളുടെ ഹരമായ ബാസ്കറ്റ് ബോൾ കളി.
KERALA MAIL

പ്രചാരണം ഭരണവിലാസം

തിരുവനന്തപുരത്ത് കുടുബശ്രീയുടെ പ്രാദേശിക വാട്സാപ് ഗ്രൂപ്പിൽ കഴിഞ്ഞ ദിവസം ഒരു അറിയിപ്പെത്തി: ‘നാളെ മൂന്നു മണിക്കു തിര‍ഞ്ഞെടുപ്പു കമ്മിറ്റി ഓഫിസിൽ ചെയർപഴ്സൻ, വൈസ് ചെയർപഴ്സൻ, അക്കൗണ്ടന്റ് എന്നിവരുടെ യോഗമുണ്ടെന്നു ജില്ലാ മിഷനിൽനിന്ന് അറിയിപ്പുണ്ട്. കൃത്യമായി പങ്കെടുക്കുക’. തിരഞ്ഞെടുപ്പു പ്രവർത്തനത്തിനായി ആശാവർക്കർമാരുടെ യോഗം എൽഡിഎഫ് പഞ്ചായത്ത് പ്രസിഡന്റ് പത്തനംതിട്ടയിൽ വിളിച്ചുചേർക്കുന്നതിന്റെ ശബ്ദസന്ദേശം തന്നെ പുറത്തുവന്നു. തലസ്ഥാനത്തു സാംസ്കാരിക സ്ഥാപനങ്ങളിലെ പ്രധാനികളുടെ യോഗം സിപിഎം സംസ്ഥാന സെക്രട്ടറി എം.വി.ഗോവിന്ദനും മന്ത്രി സജി ചെറിയാനും പങ്കെടുത്തുകൊണ്ടു ചേർന്നതിന്റെ ലക്ഷ്യവും തിരഞ്ഞെടുപ്പുതന്നെ. കുടുംബശ്രീ യോഗത്തിൽ പോയതിന്റെ പേരിൽ പത്തനംതിട്ടയിലെ എൽഡിഎഫ് സ്ഥാനാർഥി തോമസ് ഐസക്കിനു വരണാധികാരിയുടെ മുന്നറിയിപ്പു ലഭിച്ചു. ഭരണത്തെയും സർക്കാർ സംവിധാനത്തെത്തന്നെയും തിരഞ്ഞെടുപ്പിനുവേണ്ടി പ്രയോജനപ്പെടുത്താനുള്ള ഈ രാഷ്ട്രീയനീക്കം മുഖ്യമന്ത്രിയുടെ ആശയമായ നവകേരള സദസ്സിലൂടെയാണു പുറത്തുവന്നത്. ഭരണാനുകൂല്യങ്ങൾ ലഭിക്കുന്നവരുടെയും സർക്കാരിൽനിന്ന് ആവശ്യങ്ങൾ നേടിയെടുക്കാൻ ആഗ്രഹിക്കുന്നവരുടെയും കൂട്ടായ്മ സദസ്സുകളിൽ രൂപംകൊണ്ടു. എൽഡിഎഫിനു പുറത്തുള്ള ഈ വിഭാഗങ്ങളെ ചേർത്തുനിർത്താൻ തുടർനടപടികളുണ്ടായി. കുടുംബശ്രീ, ആശാവർക്കർമാർ, തൊഴിലുറപ്പു തൊഴിലാളികൾ, അങ്കണവാടി ജീവനക്കാർ തുടങ്ങിയവരുടെ യോഗങ്ങൾ സിപിഎം ഇതിനായി വ്യാപകമായി വിളിച്ചു ചേർക്കുന്നു. വാ‍ർഡ്, പഞ്ചായത്ത് തലങ്ങളിലെ കുടുംബശ്രീ ഭാരവാഹികളിലൂടെ ആനുകൂല്യങ്ങൾ നൽകിയവരുടെ വോട്ടുറപ്പിക്കലാണ് അവിടെ നടക്കുന്നത്.
സിപിഎം ‘കണ്ണുവച്ച’ ആ 46.5 ലക്ഷം വോട്ട്; ഒരൊറ്റച്ചോദ്യം: കുടുംബശ്രീയും എംപി ഫണ്ടും ആരുടെ തറവാട്ടു സ്വത്ത്...?

കുടുംബശ്രീ അംഗങ്ങളായ വീട്ടമ്മമാർ യോഗം കൂടുന്നിടത്ത് സ്ഥാനാർഥികൾക്കെന്താണ് കാര്യം ? അയൽക്കൂട്ട യോഗങ്ങളിൽ പങ്കെടുത്ത് സ്ത്രീകൾ അവരുടെ കൊച്ചുകൊച്ചു പദ്ധതികൾ ചർച്ച ചെയ്യുന്നിടത്ത് വെളുക്കെച്ചിരിച്ചു തൊഴുതോണ്ട് സ്ഥാനാർഥികൾ പോകേണ്ട കാര്യമുണ്ടോ ? അയൽക്കൂട്ടങ്ങളുടെ പേരിലോ സിഡിഎസിന്റെയോ എഡിഎസിന്റെയോ പേരിൽ നടക്കുന്ന യോഗങ്ങളിലോ കൂട്ടായ്മകളിലോ സ്ഥാനാർഥികൾ തൊഴുകൈകളോടെ ചെല്ലുന്നത് സ്ത്രീകളുടെ ക്ഷേമം അന്വേഷിക്കാനല്ലെന്ന് അരിയാഹാരം കഴിക്കുന്ന ആർക്കും മനസ്സിലാകും. കുടുംബശ്രീ യോഗങ്ങൾ നടക്കുന്നിടത്ത് സ്ഥാനാർഥി അഥവാ, വഴി തെറ്റിയാണെങ്കിലും ചെന്നെന്ന് ഇരിക്കട്ടെ. ചുമ്മാ ഒരു ചിരിയും ചിരിച്ചു തൊഴുകൈകളുമായി പോകുന്നതാകും ഉത്തമം. അല്ലാതെ അവിടെ ചുറ്റിക്കറങ്ങി നിന്ന് വോട്ടു ചോദിക്കുന്നത് മിനിമം ഭാഷയിൽ കുടുംബശ്രീയുടെ രാഷ്ട്രീയവത്ക്കരണം തന്നെ.
INDIA FILE

ജനാധിപത്യം ജയിക്കട്ടെ

ഈ മാസം 19നു തുടങ്ങുന്നത് രാജ്യത്തെ അവസാന തിരഞ്ഞെടുപ്പാണെന്നു ജനത്തിനിടയിൽ ആശങ്ക പരത്തുന്നത് പ്രധാനമായും രണ്ടു കൂട്ടരാണ്: പ്രതിപക്ഷവും ഭരണപക്ഷവും. പ്രതിപക്ഷം വാക്കുകളിലൂടെയും ഭരണപക്ഷം പ്രവൃത്തികളിലൂടെയും. തോന്നുന്ന ആശങ്ക പറയേണ്ടതു പ്രതിപക്ഷത്തിന്റെ ഉത്തരവാദിത്തമാണ്. ഭരണപക്ഷം എന്തിനിങ്ങനെ
മനസ്സാക്ഷി മരവിക്കുകയോ?

മഹാനഗരത്തിലെ ഫുട്‌പാത്തിൽനിന്നുകൊണ്ട് തൊട്ടുമുൻപിലുള്ള വലിയ ചെരിപ്പുകടയിലെ കണ്ണാടിക്കൂട്ടിലേക്കു കണ്ണുനട്ടു നിൽക്കുകയാണ് അച്ഛനില്ലാത്ത അഞ്ചുവയസ്സുള്ള തെരുവുബാലൻ. മുഷിഞ്ഞ വസ്ത്രവും നഗ്നപാദങ്ങളുമായി നിൽക്കുന്ന കുട്ടി തണുപ്പത്തു കുറേശ്ശെ വിറയ്ക്കുന്നുമുണ്ട്. അമ്മ കൂലിപ്പണിക്കു പോകുമ്പോൾ അവനും മൂന്നു സഹോദരങ്ങളും തെരുവുകളിൽ അലഞ്ഞുനടക്കും. അതുവഴി വന്ന അറുപതുകാരിക്കു ബാലന്റെ നിൽപ്പിൽ കൗതുകം തോന്നി. ‘‘മോനേ, നീ എന്തു നോക്കി നിൽക്കുകയാണ്?’’ ‘‘എനിക്ക് ഒരു ജോഡി ഷൂസ് തരണേയെന്നു ദൈവത്തോടു പ്രാർഥിക്കുകയാണ്’’ പുഞ്ചിരിച്ചുകൊണ്ട് അവർ കുട്ടിയെ കൈപിടിച്ചു കടയ്ക്കുള്ളിലേക്കു കൊണ്ടുപോയി. സെയിൽസ്മാനോട് ഒരു ടവൽ വാങ്ങി, കുട്ടിയുടെ കാൽ കഴുകിത്തുടച്ചു.
ഇലക്ടറൽ ബോണ്ട്: ഇടതുപാർട്ടികൾ കൊത്താത്തതോ ആരും പണം നൽകാത്തതോ! കേരളത്തിലുണ്ട് മറ്റു ‘വഴി’കൾ

സുപ്രീം കോടതി ആദ്യം കണ്ണുരുട്ടുകയും പിന്നെ വടിയെടുക്കുകയും ചെയ്തതോടെ ഇലക്ടറൽ ബോണ്ട് വാങ്ങിയ സ്ഥാപനങ്ങളുടെയും അത് സംഭാവനയായി സ്വീകരിച്ച് പണമാക്കി മാറ്റിയ രാഷ്ട്രീയകക്ഷികളുടെയും മുഴുവൻ വിവരങ്ങളും പുറത്തുവിടാൻ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) നിർബന്ധിതരായി. ഇതോടെ ആദർശരാഷ്ട്രീയത്തിന്റെ മേൽമുണ്ട് പുതച്ചുനിന്ന പല കക്ഷികളും നടുറോഡിൽ വച്ച് ഉടുതുണിയുരിഞ്ഞ സ്ഥിതിയിലായി. ചിലർ ന്യായവാദങ്ങൾ നിരത്തി, മറ്റുള്ളവർ മിണ്ടാതിരുന്നു. ഇതിനിടെ, മുഖംപൊത്തി ചിരിച്ചുകൊണ്ട് ഒരു ചെറിയവിഭാഗം മാറിനിന്നു. അവരാണ് ഇന്ത്യയിലെ ഇടതുപാർട്ടികൾ. ലോട്ടറി രാജാവ് സാന്റിയാഗോ മാർട്ടിന്റെ കയ്യിൽനിന്ന് പാർട്ടി പത്രത്തിനു വേണ്ടി രണ്ടു പതിറ്റാണ്ട് മുൻപ് രണ്ടു കോടി രൂപ സംഭാവന വാങ്ങുകയും വിവരം പുറത്തറിഞ്ഞപ്പോൾ അത് ബോണ്ട് ആയിരുന്നുവെന്നും പിന്നീടു തിരികെ നൽകിയെന്നു പ്രഖ്യാപിക്കുകയും ചെയ്ത സിപിഎമ്മിനെയാണ് ഇത്തരത്തിലുള്ള വിഭവസമാഹരണത്തിൽ ഗുരുസ്ഥാനത്തു കാണേണ്ടത്. ബിജെപിക്കു പോലും ബോണ്ട് എന്ന ആശയം കിട്ടിയത് സിപിഎമ്മിൽ നിന്നാവണം. എന്നിട്ടും രാഷ്ട്രീയ പാർട്ടികൾക്കു വ്യവസ്ഥാപിതമായി സംഭാവന സ്വീകരിക്കാനുള്ള മാർഗമായി ഇലക്ടറൽ ബോണ്ട് പദ്ധതി നടപ്പാക്കിയപ്പോൾ സിപിഎം ഉൾപ്പെടെയുള്ള ഇടതുപാർട്ടികൾ എന്തുകൊണ്ട് അതു വേണ്ടെന്നു തീരുമാനിച്ചു? ഈ ചോദ്യത്തിന് ഉത്തരം ലഭിക്കണമെങ്കിൽ ആര്, ആർക്കൊക്കെ വൻതുക സംഭാവന നൽകും എന്നാലോചിക്കേണ്ടിവരും.
മോദിയുടെ രണ്ടക്കം എത്ര? പി.സി.ജോർജ് അടങ്ങുമോ? രാജേന്ദ്രൻ വരുമോ? നയം വ്യക്തമാക്കി കെ. സുരേന്ദ്രൻ

മുഖവുര ആവശ്യമില്ലാത്ത നേതാവാണ് കെ.സുരേന്ദ്രൻ. ബിജെപിയുടെ കേരളത്തിലെ തിരഞ്ഞെടുപ്പ് പ്രവർത്തനങ്ങൾക്കു നേതൃത്വം കൊടുക്കുന്നതിനൊപ്പം വയനാട്ടിൽ രാഹുൽ ഗാന്ധിക്കെതിരെ മത്സരിക്കുക എന്ന വലിയ ദൗത്യം കൂടിയാണ് സംസ്ഥാന പ്രസിഡന്റായ കെ.സുരേന്ദ്രനു വന്നു ചേർന്നിരിക്കുന്നത്. പത്മജ വേണുഗോപാലിന്റെ ബിജെപിയിലേക്കുള്ള വരവു തൊട്ട് വയനാട്ടിലെ അപ്രതീക്ഷിത സ്ഥാനാർഥിത്വം വരെയുള്ള ഒരു പിടി സംഭവങ്ങളെ സംബന്ധിച്ചു നടക്കുന്ന പ്രചാരണങ്ങൾക്ക് ഈ അഭിമുഖത്തിൽ കെ.സുരേന്ദ്രൻ മറുപടി നൽകുന്നു. പ്രധാനമന്ത്രി നരേന്ദ്രമോദി പ്രഖ്യാപിച്ച ‘രണ്ടക്കം’ എന്തെന്ന് വ്യക്തമാക്കുന്നു. മറ്റു പാർട്ടികളിൽനിന്നു ബിജെപിയിലേയ്ക്കുളള വരവിനോടും അതിനെതിരെ ബിജെപിക്ക് അകത്ത് ഉയരുന്ന വിമർശനങ്ങളോടും പ്രതികരിക്കുന്നു. തിരഞ്ഞെടുപ്പിനു ശേഷമുള്ള തന്റെ ഭാവിയെക്കുറിച്ചുള്ള ചോദ്യങ്ങൾക്കും സുരേന്ദ്രന് ഉത്തരമുണ്ട്. ബിജെപിക്കു ചുറ്റും ഉയരുന്ന എല്ലാ ചോദ്യങ്ങളോടും പാർട്ടിക്കു പറയാനുള്ളത് അറിയാൻ ആഗ്രഹിക്കുന്നവർ ഈ അഭിമുഖം വായിക്കുക. മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരുമായി കെ.സുരേന്ദ്രൻ ‘ക്രോസ് ഫയറിൽ’ സംസാരിക്കുന്നു.
യുവാവിന്റെ കണ്ണിൽ ചുണ്ണാമ്പെഴുതി കാഴ്ച കളഞ്ഞ ക്രൂരത: ഗാന്ധി നേരിട്ടെത്തി: പണിക്കർ പറഞ്ഞു: ‘ഞാൻ ഇവർക്കൊപ്പമേ പോകൂ...’

വൈക്കം സത്യഗ്രഹം പെട്ടെന്നുണ്ടായ ഒരു സമരമായിരുന്നില്ല. ഒന്നേകാൽ നൂറ്റാണ്ടുകാലത്തെ നിരന്തരമായ ആശയപ്രചാരണവും അതിനും എത്രയോ നൂറ്റാണ്ടുകൾ മുൻപ് സ്ഥാപിച്ച ബൗദ്ധികാടിത്തറയും അതിനുണ്ടായിരുന്നു. 500 വർഷം മുൻപ് തുഞ്ചത്ത് രാമാനുജൻ എഴുത്തച്ഛൻ എഴുതിയ അധ്യാത്മരാമായണം കിളിപ്പാട്ടിൽ അതിന്റെ വേരുകളുണ്ട്. ‘ബ്രാഹ്‌മണോഹം നരേന്ദ്രോഹമാഢ്യോഹ മെന്നാമ്രേഡിതം കലർന്നീടും ദശാന്തരേ...’ എന്നു തുടങ്ങുന്ന വരികളിൽ അയിത്തത്തിനെതിരെയുള്ള ആദ്യവെടി പൊട്ടിയിരുന്നു. പിന്നീട് പഴശ്ശിരാജയുടെ നേതൃത്വത്തിൽ മലബാറിൽ നടന്ന ബ്രിട്ടിഷ് വിരുദ്ധകലാപത്തിൽ അയിത്തമില്ലാതാക്കേണ്ടതിന്റെ ആവശ്യകത പറയാതെ പറയുന്നുണ്ട്. 1809ൽ തെക്കൻ തിരുവിതാംകൂറിൽ ജനിച്ച അയ്യാ വൈകുണ്ഠസ്വാമിയുടെ സമത്വപ്രസ്ഥാനത്തിൽ അയിത്തത്തിനെതിരെയുള്ള പ്രത്യക്ഷ ഇടപെടലുകൾ സംഭവിച്ചു. തമിഴ് നാട്ടിലെ ഗുരുപരമ്പരയിൽപെട്ട തിരുമൂലരുടെ ദർശനങ്ങളാണ്, ചാന്നാർ സമുദായത്തിൽ പിറന്ന അയ്യാ വൈകുണ്ഠസ്വാമിക്ക് പ്രചോദനമായത്. തിരുവിതാംകൂർ രാജകൊട്ടാരത്തിലെ പ്രധാന ഉദ്യോഗസ്ഥനായിരുന്ന തൈക്കാട്ട് അയ്യാവു സ്വാമിയാണ് ഈ രണ്ടാം നവോത്ഥാനത്തിൽ രണ്ടാമതായി ഉയർന്നു വന്ന ഗുരു. അദ്ദേഹത്തിനും, തമിഴ്‌നാട്ടിലെ ശൈവ വെള്ളാളർക്കിടയിലുള്ള ചില ഉന്നത ചിന്താധാരകളാണ് ഊർജമേകിയത്.
Pen Drive

ഒരു അപ്രിയ വിഷയം

ഇവിടെ പരാമർശിക്കുന്ന വിഷയം സ്ത്രീകൾക്കുതന്നെ ഇഷ്ടപ്പെടണമെന്നില്ല. കാരണം, മലയാളിസ്ത്രീയുടെ മറ്റെല്ലാ പരിമിതികളെയും പിന്തള്ളുന്ന ഒരു പരിമിതിയാണു ചർച്ച ചെയ്യുന്നത്. അതായത്, സ്ത്രീകൾ ജനാധിപത്യാധികാരത്തിൽനിന്നു പുറത്താക്കപ്പെട്ട അവസ്ഥ. സ്ത്രീപക്ഷവാദം ചൂണ്ടിക്കാണിക്കുന്ന വളരെ വാസ്തവമായ അസമത്വങ്ങൾ ഒട്ടേറെയുണ്ട്. എന്നാൽ, രാഷ്ട്രീയമാണ് അവയുടെ ഈറ്റില്ലം എന്ന സത്യം അംഗീകരിക്കാൻ പൊതുവിൽ മടിയുണ്ട്. രാഷ്ട്രീയത്തെ മാറ്റിനിർത്തി മലയാളിസ്ത്രീയുടെ അസമത്വങ്ങളെ ചർച്ച ചെയ്യുന്നത് ഇരുട്ടുകൊണ്ട് ഓട്ടയടയ്ക്കലാണ്. കാരണം, രാഷ്ട്രീയാധികാരമാണ് കേരളത്തിൽ ഒട്ടേറെ തിന്മകളുടെയും ചിലപ്പോഴെല്ലാം നന്മകളുടെയും ഉറവിടം. അതിന്റെ സർവാധിപത്യത്തിൽനിന്നു യാതൊന്നിനും മോചനമില്ല. രാഷ്ട്രീയത്തിൽനിന്നു മലയാളിസ്ത്രീ മാറ്റിനിർത്തപ്പെട്ടത് യാദൃച്ഛികമല്ല. രാഷ്ട്രീയാധികാരം കേരളത്തിൽ പുരുഷാധികാരമാണ്. സ്ത്രീകൾക്കു പ്രതീകാത്മക സ്ഥാനമെങ്കിലും നൽകുമ്പോൾ പുരുഷാധികാരം വഴങ്ങുകയല്ല, സ്വയം വെള്ളപൂശുക മാത്രമാണ്.
Tattoo Times

തലവന് വേണം നല്ല അഭി‘പ്രായം’

ജോ ബൈഡനോ ഡോണൾഡ് ട്രംപോ ആകും നവംബറിൽ നടക്കാൻ പോകുന്ന തിരഞ്ഞെടുപ്പോടെ യുഎസ് പ്രസിഡന്റാവുകയെന്ന് ഉറപ്പായിക്കഴിഞ്ഞു. അതാണു രാഷ്ട്രത്തലവനെ തിരഞ്ഞെടുക്കുന്ന യുഎസ് രീതിയുടെ സവിശേഷത; ഇതൊക്കെ ഇങ്ങനെ നേരത്തേ ഉറപ്പിക്കാം. നമ്മൾ ഇന്ത്യക്കാർ അതിനും ഏറെ മുൻപേ ഏപ്രിൽ- ജൂണിൽ വോട്ടുചെയ്യും; പക്ഷേ, ആരാകും നമ്മുടെ ഭരണത്തലവനെന്ന് അതുകഴിഞ്ഞേ അറിവാകൂ.
‘ദേശീയ’ പ്രതിസന്ധിയിൽ സിപിഎം: അന്ന് സായുധ വിപ്ലവം സ്വപ്നം കണ്ടു, ഇന്ന് ഈനാംപേച്ചിയേയും മരപ്പട്ടിയേയും പേടി!

ഇന്ത്യയുടെ ജനാധിപത്യ പ്രക്രിയയുടെ ഭാഗമാകാതെ മാറിനിന്ന ചരിത്രമുണ്ട് കമ്യൂണിസ്റ്റ് പാർട്ടിക്ക്. സായുധ വിപ്ലവത്തിലൂടെ രാജ്യത്തിന്റെ അധികാരം പിടിച്ചെടുക്കാൻ രേഖ പുറത്തിറക്കുകയാണ് അന്ന് പാർട്ടി ചെയ്തത്. ഇന്ത്യയുടെ സ്വാതന്ത്ര്യം പോലും പാർട്ടി അംഗീകരിച്ചത് അടുത്തകാലത്താണ്. എന്നാലിപ്പോൾ ചരിത്രത്തിൽ ഇന്നേവരെയില്ലാത്ത ഒരു പ്രതിസന്ധിയുടെ ‘പേടി’യിലാണ് സിപിഎം. അക്കാര്യം തുറന്നു പറഞ്ഞതാകട്ടെ സിപിഎം കേന്ദ്ര കമ്മിറ്റി അംഗവും മുന്‍ മന്ത്രിയുമായ എ.കെ.ബാലനും. സൂക്ഷിച്ചില്ലെങ്കിൽ അധികം വൈകാതെ സിപിഎമ്മിന് ദേശീയ പാർട്ടിയെന്ന പദവിയും അരിവാൾ, ചുറ്റിക, നക്ഷത്രമെന്ന ചിഹ്നവും നഷ്ടമാകുമെന്ന ആശങ്കയാണ് ബാലൻ പങ്കുവച്ചത്. ലോക്സഭ, നിയമസഭ തിരഞ്ഞെടുപ്പുകളിൽ നിശ്ചിത ശതമാനം വോട്ടോ എംപിമാരെയോ കിട്ടിയില്ലെങ്കിലാണ് ദേശീയ പാർട്ടി എന്ന പദവിക്ക് ഇളക്കം തട്ടുക. അതു നഷ്ടപ്പെടാതിരിക്കാൻ എന്തു തന്ത്രവും പയറ്റുമെന്നാണോ ബാലൻ പറഞ്ഞതിന്റെ അർഥം? പാർട്ടിയുടെ നിലനിൽപുതന്നെ അപകടത്തിലാവുന്ന ഈ അവസ്ഥയിലേയ്ക്ക് എത്തുമോയെന്ന ആശങ്ക ബാലൻ പങ്കുവയ്ക്കാൻ എന്തായിരിക്കും കാരണം? ഒരു പാർട്ടിക്ക് ദേശീയ പാർട്ടിയെന്ന അംഗീകാരം ലഭിക്കാൻ ചില മാനദണ്ഡങ്ങളുണ്ട്. അതിലൊന്ന് തിരഞ്ഞെടുപ്പിൽ ലഭിക്കുന്ന വോട്ടാണ്.
വിഴിഞ്ഞത്തെ ‘ചെളിവെള്ളം’ വോട്ടിൽ കലരുമോ? അതിർത്തി കടന്നാൽ കോൺഗ്രസ്– സിപിഎം ‘വിൻ വിൻ’; പെട്രോളടിച്ചാൽ ഇവിടെ ‘ലോട്ടറി’!

നെടുവൻവിള ജംക്‌ഷനിൽ മണികണ്ഠൻ നിർത്തിയ ഓട്ടോറിക്ഷയിലേയ്ക്ക് ബസ് കാത്തു നിന്ന നാലു വിദ്യാർഥികൾ കയറി. ബസിലെന്നതു പോലെ ഓരോരുത്തരുടെയും വീതം പണം മണികണ്ഠന് കൈമാറി. ഇതെന്താ, ഓട്ടോറിക്ഷയാണോ അതോ ബസാണോ എന്നു സംശയം തോന്നരുത്. ഇതാണ് ഷെയർ ഓട്ടോ. യാത്രക്കാർ തുല്യമായി യാത്രാക്കൂലി പങ്കിട്ട് യാത്ര ചെയ്യുന്ന അതിർത്തിയിലെ കുട്ടിബസാണ് ‘ഷെയർ’ ഓട്ടോ. കേരളവും തമിഴ്നാടും അതിർത്തി ഷെയർ ചെയ്യുന്ന പാറശാലയ്ക്കു സമീപമാണ് നെടുവൻവിള. ഷെയർ ഓട്ടോ മാത്രമല്ല കേരളവും തമിഴ്നാടുമായി പല കാര്യങ്ങളും പങ്കു വയ്ക്കുന്നവരാണ് നെടുവൻവിളക്കാർ. അതു കൊണ്ടു തന്നെ ഇവർ രണ്ടു സംസ്ഥാനങ്ങളിലെ തിരഞ്ഞെടുപ്പാണ് ചർച്ച ചെയ്യുന്നത്. അതിർത്തിയിലേക്ക് ഷെയർ ഓട്ടോ ഓടിയെത്തിയതിനും കാരണമുണ്ട്. തമിഴ്നാടിനോട് ചേർന്ന് കിടക്കുന്ന അതിർത്തി ഗ്രാമങ്ങളിലുള്ളവർ പ്രധാനമായും കെട്ടിട നിര്‍മാണ മേഖലയിലാണ് പണിയെടുത്തിരുന്നത്. ഇവിടെനിന്ന് തിരുവനന്തപുരം നഗരത്തിലെത്തി പണിയെടുത്ത അവരിൽ മിക്കവരും ഇന്ന് തൊഴിൽരഹിതരാണ്. കെട്ടിടനിർമാണം അവസാനിപ്പിച്ചവരിൽ മിക്ക യുവാക്കളും ഇന്ന് ഓട്ടോറിക്ഷ ഓടിച്ചാണ് ജീവിക്കുന്നതെന്ന് ഓട്ടോ ‍ഡ്രൈവർമാരായ എ. മണികണ്ഠൻ, എ. രമേശ്, റസലയ്യൻ, സ്റ്റീഫൻ എന്നിവർ പറയുന്നു. തർക്കം തിരതല്ലിയ വിഴിഞ്ഞത്തും ചർച്ച തൊഴിൽനഷ്ടമാണ്.
‘ആ പെൺകുട്ടിക്ക് കാലു താഴ്ത്തി ഇടേണ്ടി വന്നു; രാമകൃഷ്ണൻ മാഷ് അനുഭവിച്ചത് ഞങ്ങളുടെ തലമുറയ്ക്ക് സംഭവിച്ചില്ല’

‘‘കാക്കയുടെ നിറം, കണ്ടാൽ പെറ്റ തള്ള സഹിക്കില്ല’’ ആർഎൽവി രാമകൃഷ്ണനെ അധിക്ഷേപിക്കാൻ കലാമണ്ഡലം സത്യഭാമ പറഞ്ഞ വാക്കുകൾ. മോഹിനിയാട്ടം ആർക്കൊക്കെ അവതരിപ്പിക്കാം? എന്താണ് നൃത്തം അവതരിപ്പിക്കാൻ വേണ്ട സൗന്ദര്യം? തുടങ്ങിയ ചോദ്യങ്ങളൊക്കെ തൊട്ടടുത്ത ദിവസങ്ങളിൽ വൻ വിവാദമായി കത്തിപ്പടർന്നു. ഇതിനിടയിൽ തന്നെയാണ് മദ്രാസ് മ്യൂസിക് അക്കാദമിയുടെ സംഗീത കലാനിധി പുരസ്കാരം ടി.എം.കൃഷ്ണ ഏറ്റുവാങ്ങിയതിനെതിരെ ഗായികമാരായ രഞ്ജിനി- ഗായത്രിമാർ രംഗത്തുവന്നത്. കർണാടിക് സംഗീതത്തിന്റെ ആഭിജാത്യം നശിപ്പിച്ച ബ്രാഹ്മണ വിരോധിയായ കൃഷ്ണ പുരസ്കാരത്തിന് അയോഗ്യനാണെന്നു പ്രഖ്യാപിച്ച ഇവർ പ്രതിഷേധസൂചകമായി അക്കാദമി പരിപാടികളിൽ നിന്ന് പിൻവാങ്ങുകയാണെന്നും അറിയിച്ചു. തൊട്ടടുത്ത ദിവസങ്ങളിൽ നടന്ന സംഭവങ്ങൾ കലാരംഗത്ത് നിലനിൽക്കുന്ന ജാതീയതയുടെയും വർഗീയതയുടെയും നേർക്കാഴ്ചകളാവുകയാണ്. സത്യഭാമ വലിയ വിമർശനങ്ങൾ ഏറ്റുവാങ്ങിയപ്പോഴും ടി.എം.കൃഷ്ണയ്ക്കെതിരായ വിമർശനങ്ങൾക്ക് പൊതു പിന്തുണ കുറഞ്ഞു പോകുന്നത് എന്തുകൊണ്ടാണ്? എങ്ങനെയാണ് ക്ലാസ്സിക്കൽ കലാരൂപങ്ങൾ ഇത്തരം സവർണ ബോധങ്ങളെ കൊണ്ടുനടക്കുന്നതെന്ന് പരിശോധിക്കുകയാണ് മോഹിനിയാട്ടം കലാകാരനും വിദ്യാർഥിയുമായ അമിത്. കടന്നുവന്ന വഴികളെക്കുറിച്ച്, നൃത്തവേദികളുടെ രാഷ്ട്രീയത്തെക്കുറിച്ച്, മോഹിനിയാട്ടത്തിൽ തേടുന്ന പുതുവഴികളെക്കുറിച്ച് മനോരമ ഓൺലൈൻ പ്രീമിയത്തിൽ അമിത് മനസ്സു തുറക്കുന്നു..
INDIA FILE

സർക്കാരാണേ സത്യം

കഴിഞ്ഞദിവസം, കൃത്യമായി പറഞ്ഞാൽ കഴിഞ്ഞ 20നു രാത്രി 10.30ന് ന്യൂഡൽഹിയിലെ രാജേന്ദ്ര പ്രസാദ് റോഡിലുള്ള ശാസ്ത്രി ഭവന്റെ മുന്നിൽ ഒരു പരിശോധന നടത്തി. മന്ദിരത്തിന്റെ പേര് ‘മിനിസ്ട്രി ഓഫ് ട്രൂത്ത്’ അഥവാ ‘സത്യത്തിന്റെ മന്ത്രാലയം’ എന്നു മാറ്റിയിട്ടുണ്ടോ എന്നായിരുന്നു പരിശോധന. ഇല്ലെന്നു മനസ്സിലായി. പ്രസ് ഇൻഫർമേഷൻ ബ്യൂറോ (പിഐബി) സ്ഥിതി ചെയ്യുന്ന ശാസ്ത്രിഭവന്റെ പേരു മാറ്റിയോ എന്നു നോക്കാൻ പ്രേരിപ്പിച്ചത് രണ്ടു കാരണങ്ങളാണ്: ഒന്ന് – അന്നേദിവസം ഐടി മന്ത്രാലയം ഇറക്കിയ വിജ്ഞാപനം. കേന്ദ്ര സർക്കാരിനെക്കുറിച്ചു സമൂഹമാധ്യമങ്ങളിൽ‍ പ്രചരിക്കുന്ന വിവരങ്ങൾ വ്യാജമോ തെറ്റോ വഴിതെറ്റിക്കുന്നതോ ആണോയെന്നു പരിശോധിക്കാനുള്ള ഏജൻസിയായി പിഐബിയെ ഐടി ചട്ടപ്രകാരം ചുമതലപ്പെടുത്തിയെന്നായിരുന്നു വിജ്ഞാപനം. രണ്ട് – സർക്കാരുമായി ബന്ധപ്പെട്ട് മാധ്യമങ്ങളിലും മറ്റും വരുന്ന പരാമർശങ്ങളിലെ തെറ്റുകൾ തിരുത്തി, ഭരണകൂട സത്യം പ്രചരിപ്പിക്കാൻ ചുമതലയുള്ള മന്ത്രാലയത്തെക്കുറിച്ചു ജോർജ് ഓർവലിന്റെ ‘1984’ എന്ന നോവലിൽ പറയുന്നുണ്ട്. ബിഹാറിൽ ജനിച്ച ഓർവൽ 1947–48ൽ എഴുതിയ നോവലിലെ നായകൻ വിൻസ്റ്റൺ സ്മിത്ത് ജോലി ചെയ്തിരുന്ന ആ മന്ത്രാലയത്തിന്റെ പേര് മിനിസ്ട്രി ഓഫ് ട്രൂത്ത് എന്നായിരുന്നു. പ്രവചനസ്വഭാവമുള്ളതെന്നു വിശേഷിപ്പിക്കപ്പെടുന്ന ‘1984’ലെ ആ പേര് 2024ൽ പകർത്താൻ മോദി സർക്കാർ തീരുമാനിച്ചെങ്കിലോ എന്നതൊരു ദുഷ്ചിന്തയാവാം.
പാക്കിസ്ഥാൻ ‘തോറ്റു’, ചൈന ഞെട്ടി: രഹസ്യ കപ്പൽ വന്നിട്ടും ‘അഗ്നി’യായ് ആക്രമിച്ച് ഇന്ത്യ; ഇത് ഏറ്റവും മാരകം

ലോകത്തെ ഏറ്റവും വലിയ പ്രതിരോധ ശക്തികളിലൊന്ന് ഇന്ത്യയാണെന്ന് വ്യക്തമാക്കുന്ന പരീക്ഷണമാണ് മാർച്ച് 11ന് ഒഡീഷയിലെ അബ്ദുൽ കലാം ദ്വീപിൽ നടന്നത്. ഒരുകാലത്ത് ലോകശക്തികൾ മാത്രം അവകാശപ്പെട്ടിരുന്ന മൾട്ടിപ്പിൾ ഇൻഡിപെൻഡന്റ്‌ലി-ടാർജെറ്റബ്‌ൾ റീഎൻട്രി വെഹിക്കിൾ (എംഐആർവി) മിസൈൽ സാങ്കേതിക വിദ്യ ഇന്ത്യയും സ്വന്തമാക്കിയിരിക്കുന്നു എന്ന് പ്രധാനമന്ത്രി നരേന്ദ്ര മോദി തന്നെയാണ് എക്സിലൂടെ വെളിപ്പെടുത്തിയത്. ചൈനയ്ക്കും പാക്കിസ്ഥാനും കൃത്യമായ മുന്നറിയിപ്പു നൽകാൻ ശേഷിയുള്ള മിസൈൽ പരീക്ഷണം കൂടിയായിരുന്നു ഇത്. ഒന്നിലധികം പോർമുനകൾ വഹിക്കാൻ ശേഷിയുള്ള അത്യാധുനിക അഗ്നി-5 ബാലിസ്റ്റിക് മിസൈലാണ് ഇന്ത്യ വിജയകരമായി പരീക്ഷിച്ചത്. എന്താണ് ഇതിന്റെ പ്രത്യേകത? വർഷങ്ങളായുള്ള ഗവേഷണങ്ങൾക്കും നിരീക്ഷണങ്ങൾക്കും ശേഷം നടത്തിയ ഈ പരീക്ഷണം ഇന്ത്യയുടെ ദീർഘകാലമായി കാത്തിരിക്കുന്ന ബാലിസ്റ്റിക് മിസൈൽ നവീകരണത്തിലെ നിർണായക നേട്ടം കൂടിയാണ്. അണ്വായുധ മിസൈൽ നിർമാണത്തിലെ ഇന്ത്യയുടെ അതിവേഗ കുതിപ്പ് കൂടിയാണിത് വ്യക്തമാക്കുന്നതും. അഗ്നി-5 ഭൂഖണ്ഡാനന്തര ആണവ ബാലിസ്റ്റിക് മിസൈലിന്‍റെ പരിഷ്കരിച്ച പതിപ്പ് ചൈനയുടെ മുഴുവൻ പ്രദേശങ്ങളെയും ലക്ഷ്യമിടാന്‍ തക്ക ശേഷിയുള്ളതാണ്. 5000 കിലോമീറ്റര്‍ ശേഷിയുള്ള മിസൈലിന്‍റെ പരിധില്‍ ചൈനീസ് തലസ്ഥാനമായ ബെയ്ജിങ്ങിനു പുറമെ റഷ്യൻ തലസ്ഥാനമായ മോസ്കോയും ഉൾപ്പെടും. ഇന്ത്യയുമായി അത്ര സ്വരച്ചേര്‍ച്ചയിലല്ലാത്ത ചൈന, മിസൈൽ പരീക്ഷണം സസൂക്ഷ്മം നിരീക്ഷിക്കാൻ രഹസ്യക്കപ്പലുകൾ വരെ വിന്യസിച്ചിരുന്നു എന്നും റിപ്പോര്‍ട്ടുകളുണ്ട്. എന്താണ് അഗ്നി–5 മിസൈലിൽ പുതുതായി ഒളിപ്പിച്ചുവച്ചിരിക്കുന്ന എംഐആർവി സാങ്കേതികത? ഇതുകൊണ്ടുള്ള അധികനേട്ടങ്ങളെന്തെല്ലാമാണ്? വിശദമായി പരിശോധിക്കാം.
ഫോണിൽ വിളിച്ച് സത്യഭാമ കളിയാക്കി, ‘എന്നാണ് മോഹനനായത്’: ശിഷ്യയെ മനഃപൂർവം ഒഴിവാക്കി; മണിച്ചേട്ടനുണ്ടായിരുന്നെങ്കിൽ...

‘ഇയാളെ കണ്ടുകഴിഞ്ഞാൽ കാക്കയുടെ നിറം. ആൺപിള്ളേർക്കു മോഹിനിയാട്ടം പറ്റണമെങ്കിൽ അതുപോലെ സൗന്ദര്യമുണ്ടാകണം...’ നൃത്തത്തെ ഉപാസിക്കുന്ന ഒരാളുടെ വായിൽനിന്നാണോ ഇത്രയും മോശം വാക്കുകൾ വന്നതെന്ന് ആരും ചോദിച്ചു പോകും വിധമായിരുന്നു കഴിഞ്ഞ ദിവസം കലാമണ്ഡലം സത്യഭാമയുടെ പ്രതികരണം. ഒരിക്കൽ താൻ പറഞ്ഞതിനെ വീണ്ടും വീണ്ടും സത്യഭാമ ന്യായീകരിക്കുന്നതും കേരളം കണ്ടു. ആ വാക്കുകൾ വന്നുകൊണ്ടത് ആർഎൽവി രാമകൃഷ്ണൻ എന്ന ചെറുപ്പക്കാരന്റെ, മികച്ച ഒരു നർത്തകന്റെ നെഞ്ചിലാണ്. സത്യഭാമ തന്നെ അപമാനിക്കാൻ കച്ചകെട്ടിയിറങ്ങിയത് ആദ്യമായിട്ടല്ലെന്നും അദ്ദേഹം പറയുന്നു. അന്തരിച്ച നടൻ കലാഭവൻ മണിയുടെ സഹോദരൻ കൂടിയായ രാമകൃഷ്ണൻ തനിക്കേറ്റ വിവേചനത്തിനെതിരെ പ്രതിഷേധിക്കാനൊരുങ്ങുകയാണ്. തെരുവുകളിൽ മോഹിനിയാട്ടം അവതരിപ്പിച്ചായിരിക്കും പ്രതിഷേധം. കറുത്തവർ എല്ലാ കലകളും പഠിച്ചോട്ടെ പക്ഷേ മത്സരിക്കേണ്ട എന്ന സത്യഭാമയുടെ അഭിപ്രായം വച്ചു പൊറിപ്പിക്കാവില്ലെന്നും രാമകൃഷ്ണൻ വ്യക്തമാക്കുന്നു. യഥാർഥത്തിൽ കലാരംഗത്ത് നിറത്തിന്റെ പേരിൽ വിവേചനമുണ്ടോ? സത്യഭാമയുടെ പരാമർശങ്ങൾക്ക് എന്തു മറുപടിയാണ് നൽകാനുള്ളത്? ‘മനോരമ ഓൺലൈൻ പ്രീമിയ’ത്തിൽ തുറന്നു പറയുകയാണ് ആൽഎൽവി രാമകൃഷ്ണൻ.
‘എനിക്കു മാത്രം എല്ലാം കിട്ടണം’

അടുത്തകാലത്തു കേട്ട കഥ: കടൽക്കരയിലെ ചാരുബെഞ്ചിലിരുന്ന് അസ്തമയസൂര്യന്റെ കിരണങ്ങളേറ്റ്, എൺപതിനോടടുത്ത സുഹൃത്തുക്കളായ രവിയും ചന്ദ്രനും കുശലം പറയുകയാണ്. ആനന്ദം പകർന്നുകൊണ്ട് ഉപ്പിന്റെ മണമുള്ള ഇളംകാറ്റ് ഇരുവരെയും തൊട്ടുതലോടിപ്പോകുന്നു. രവി: താൻ കണ്ടുകാണില്ല, മുംബൈയിൽ കഴിയുന്ന എന്റെ ചെറുമകളെ. ബാലന്റെ മകളാണ്. ഈ പ്രായത്തിലുള്ള ഇപ്പോഴത്തെ പല കുട്ടികളെയുംപോലെ അവളും ബിടെക് കഴിഞ്ഞ് സോഫ്റ്റ്‌വെയറിൽ ജോലി ചെയ്യുന്നു. കൊച്ചുസുന്ദരിയാണവൾ. കൂടെക്കൂടെ അവളുടെ വിഡിയോ കോൾ വരും. അവളുടെ കല്യാണം നടത്തണം. തന്റെ മനസ്സിൽ ഏതെങ്കിലും നല്ല പയ്യനുണ്ടെങ്കിൽ അറിയിക്കണേ... ചന്ദ്രൻ: ആ കുട്ടിക്ക് പ്രത്യേക താൽപര്യം വല്ലതുമുണ്ടോ? രവി: ഓ, അങ്ങനെ ശാഠ്യമൊന്നുമില്ല. പയ്യന് എംടെക്കുണ്ടായിരിക്കണം. എസിയടക്കം എല്ലാ സൗകര്യങ്ങളുമുള്ള സ്വന്തം വീടും നല്ല കാറും വേണം. ജോലി നല്ല കമ്പനിയിലായിരിക്കണം. അവളുടെ ശമ്പളംവച്ചു നോക്കുമ്പോൾ പയ്യന് മാസം ഒരു ലക്ഷമായാലും മതി.
അകത്തും പുറത്തും

കർണാടകയിലെ ബിജെപി സ്ഥാനാർഥിപ്പട്ടിക പ്രഖ്യാപിച്ചപ്പോൾ ബെംഗളൂരു റൂറൽ മണ്ഡലത്തിൽ അപ്രതീക്ഷിതമായതു സംഭവിച്ചു: മുൻ പ്രധാനമന്ത്രിയും ജനതാദൾ(എസ്) ദേശീയ അധ്യക്ഷനുമായ എച്ച്.ഡി.ദേവെഗൗഡയുടെ മരുമകനും ഹൃദ്രോഗ വിദഗ്ധനുമായ ഡോ.സി.എൻ.മഞ്ജുനാഥ് ആ പട്ടികയിൽ. ‘ഇന്ത്യയെ നയിക്കാനുള്ള കഴിവ് മോദിക്കുമാത്രം’ എന്നു ബിജെപി സഖ്യത്തിന്റെ ഭാഗമായതിനെത്തുടർന്നു കഴിഞ്ഞ ദിവസം പ്രഖ്യാപിച്ച ആ ദേവെഗൗഡ തന്നെയാണ് കേരള ജെഡിഎസിന്റെയും ദേശീയ അധ്യക്ഷൻ. ഗൗഡബന്ധം വിഛേദിച്ചു എന്നെല്ലാം ആ പാർട്ടിയുടെ ഇവിടുത്തെ നേതാക്കൾക്ക് അവകാശവാദം മുഴക്കാം. പക്ഷേ, സാങ്കേതികമായി ഒരു ബന്ധവും വിഛേദിക്കപ്പെട്ടിട്ടില്ല. ഗൗഡ നൽകിയ പാർട്ടിപദവികൾപോലും അവരാരും രാജിവച്ചിട്ടില്ല.
സികെ പത്മനാഭൻ പറഞ്ഞ ‘ആയാറാം ഗയാറാം’: പത്മജ വന്നു, ബിജെപിയിൽ അടി പൊട്ടി...?

‘‘ചിലർക്ക് ചില കാര്യങ്ങൾ നേടിയെടുക്കാൻ അസാധ്യ കഴിവുണ്ട്. മറ്റു പാർട്ടികളിലിരുന്ന് എല്ലാ ആനുകൂല്യങ്ങളും സൗകര്യങ്ങളും നേടിയതിന് ശേഷം ഇനി ഒന്നും കിട്ടാനില്ല എന്ന് തിരിച്ചറിഞ്ഞ് വരുന്നവരാണവർ.’’ മുതിർന്ന ബിജെപി നേതാവ് സി.കെ.പദ്മനാഭൻ ബിജെപിയിലേക്ക് ചേക്കേറുന്നവരെ സംബന്ധിച്ച് പറഞ്ഞ വിമർശനമാണിത്. ആരുടേയും പേരെടുത്ത് പറഞ്ഞില്ലെങ്കിലും ഏറ്റവും ഒടുവിൽ ബിജെപിയിലേക്ക് കൂടു മാറിയ പത്മജ വേണുഗോപാലിന് നേരെയുള്ള അമ്പ് ആയിരുന്നു അതെന്ന് വ്യക്തം. ദേശീയ ജനാധിപത്യ സഖ്യത്തിന്റെ കാസർകോട് മണ്ഡലം തിരഞ്ഞെടുപ്പ് കൺവൻഷൻ സി.കെ.പദ്മനാഭനാണ് ഉദ്ഘാടനം ചെയ്യേണ്ടിയിരുന്നത്. അവസാന നിമിഷം പക്ഷേ, ഉദ്ഘാടക മാറി. ഇന്നലെ പാർട്ടിയിലേക്ക് എത്തിയ പദ്മജയെ ഉദ്ഘാടകയാക്കിയതിനു നേരെയുള്ള രോഷം പദ്മനാഭൻ പ്രകടിപ്പിക്കുകയും ചെയ്തു.
കേരളം കേന്ദ്രത്തിന് കൊടുക്കുന്നത് ‘മലയോളം’, കിട്ടുന്നത് എലിയോളം: കോടികൾ യുപിയിലേക്ക് ‘വഴിമാറ്റിയോ’?

കൂടുതൽ കടമെടുപ്പിന് അനുമതി തേടിയുള്ള കേരളത്തിന്റെ ഹർജിയിൽ മാർച്ച് 21ന് വിധി വരാനിരിക്കുകയാണ്. സുപ്രീം കോടതി ഇടപെടലിനെത്തുടർന്ന് കേന്ദ്ര സർക്കാർ അനുവദിച്ച 13,608 കോടി രൂപയിൽ 8742 കോടിയുടെ കടമെടുപ്പ് സംസ്ഥാന സർക്കാർ കഴിഞ്ഞ ദിവസം പൂർത്തിയാക്കി. വൈദ്യുതി മേഖലയിൽ പരിഷ്കാരങ്ങൾ നടപ്പാക്കിയതും കെഎസ്ഇബിയുടെ നഷ്ടം ഏറ്റെടുത്തതും കണക്കിലെടുത്ത് കേരളത്തിന് 4866 കോടി കൂടി കടമെടുക്കാൻ കേന്ദ്രം അനുമതി നൽകിയിട്ടുമുണ്ട്. മാർച്ച് 26ന് ഇൗ തുക കൂടി വായ്പയെടുക്കുന്നതോടെ ഇൗ വർഷം കടമെടുപ്പു പൂർത്തിയാകും. അതിനിടെയാണ് കൂടുതൽ കടമെടുപ്പിന് അനുമതി തേടിയുള്ള ഹർജി സുപ്രീം കോടതിക്കു മുന്നിലെത്തുന്നത്. വിധി പ്രതികൂലമായാൽ വർഷാവസാന ചെലവുകൾ പോലും നിറവേറ്റാൻ കഴിയാത്ത സാഹചര്യമായിരിക്കും. ലോക്സഭാ തിരഞ്ഞെടുപ്പു കൂടി വന്നതോടെ കേന്ദ്രവുമായുള്ള പോരാട്ടം കേരളം ശക്തമാക്കുകയും ചെയ്തു. അനുവദിക്കേണ്ട തുകകളിൽ പലതും കേന്ദ്രം അശാസ്ത്രീയ നടപടികളിലൂടെ തടഞ്ഞെന്നും അവയിൽ നിയന്ത്രണം കൊണ്ടുവന്നുവെന്നുമാണ് കേരളം വാദിക്കുന്നത്. അതിന് കേരളം ഉൾപ്പെടെയുള്ള ദക്ഷിണേന്ത്യൻ സംസ്ഥാനങ്ങൾ ചൂണ്ടിക്കാണിക്കുന്നത് പതിനഞ്ചാം ധനകാര്യ കമ്മിഷന്റെ നടപടിയും.
INDIA FILE

കടപ്പാടിന്റെ പത്രം

ഇടത്, വലത് വ്യത്യാസമില്ലാതെ സംഭാവന നൽകിയ കൊച്ചിൻ മിനറൽസ് ആൻഡ് റൂട്ടൈൽ ലിമിറ്റഡിന്റെ പേര് തിരഞ്ഞെടുപ്പു കടപ്പത്രം വാങ്ങിയവരുടെ പട്ടികയിലില്ല. കാരണം, ആ കമ്പനിയുടെ സംഭാവന കറൻസി നോട്ടുകളായാണ്; പാർ‍ട്ടികൾക്കല്ല, വ്യക്തികൾക്കാണു നൽകിയത്. അങ്ങനെ നൽകുന്നതും വാങ്ങുന്നതും നിയമവിരുദ്ധമാണ്. എങ്കിലും,
‘തൃശൂരിൽ മുരളി വരാൻ കാരണമുണ്ട്; കണ്ണൂർ തീരുമാനം സുധാകരന്റേത്; പത്തനംതിട്ടയിൽ ആന്റണി വരുമോയെന്ന് ചോദിച്ചില്ല’

ലോക്സഭാ തിരഞ്ഞെടുപ്പ് പടിവാതിൽക്കലെത്തി നിൽക്കേ, കേരളത്തിലെ പ്രവർത്തനങ്ങൾക്കു ചുക്കാൻ പിടിക്കാൻ കെപിസിസിയുടെ പ്രചാരണ സമിതി ചെയർമാനായി നിയോഗിച്ചത് മുൻ പ്രതിപക്ഷ നേതാവ് കൂടിയായ രമേശ് ചെന്നിത്തലയെയാണ്. 2019ൽ ഇരുപതിൽ 19 സീറ്റും സ്വന്തമാക്കിയാണ് കോൺഗ്രസ് മിന്നുംവിജയം സ്വന്തമാക്കിയത്. ഇത്തവണ 20 സീറ്റും ലക്ഷ്യമിടുമ്പോൾ ചെന്നിത്തലയ്ക്കു ചെയ്തു തീർക്കാൻ ജോലികളേറെയാണ്. ചെന്നിത്തലയുടെ നിയമസഭാ മണ്ഡലമായ ഹരിപ്പാട് ഉൾപ്പെട്ട ആലപ്പുഴ ലോക്സഭാ മണ്ഡലത്തിൽനിന്നാണ് നിലവിൽ സിപിഎമ്മിന്റെ ഒരേയൊരു എംപിയെന്നതും സമ്മർദമേറ്റുന്ന കാര്യമാണ്. അവിടെ ഇത്തവണ മത്സരിക്കുന്നതാകട്ടെ എഐസിസി ജനറൽ സെക്രട്ടറി കൂടിയായ കെ.സി.വേണുഗോപാലും. കേരളത്തോടൊപ്പം, ലോക്സഭാ സീറ്റുകളുടെ എണ്ണത്തിൽ രണ്ടാം സ്ഥാനത്തുള്ള മഹാരാഷ്ട്രയിലും തിരഞ്ഞെടുപ്പു ചുമതലയുണ്ട് ചെന്നിത്തലയ്ക്ക്. പ്രചാരണ രീതിയിൽ മാറ്റങ്ങളോടെയായിരിക്കുമോ അദ്ദേഹത്തിന്റെ നേതൃത്വത്തിൽ കോൺഗ്രസ് തിരഞ്ഞെടുപ്പിനെ നേരിടുക? പത്മജ പാർട്ടി വിട്ടതുൾപ്പെടെയുള്ള പ്രതിസന്ധികൾ കോൺഗ്രസിനെ ബാധിക്കുമോ? കോൺഗ്രസ് സ്ഥാനാർഥി നിർണയം, തിരഞ്ഞെടുപ്പിനു പിന്നാലെ പാർട്ടിയിലുണ്ടായ സ്ഥാനമാറ്റങ്ങൾ, പ്രമുഖ നേതാക്കളുടെ പാർട്ടി വിടൽ, എൽഡിഎഫ് പ്രചാരണം തുടങ്ങി ഒട്ടേറെ വിഷയങ്ങളിൽ മനസ്സു തുറക്കുകയാണ് രമേശ് ചെന്നിത്തല. മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരുമായി ‘ക്രോസ് ഫയർ’ അഭിമുഖ പരമ്പരയിൽ ചെന്നിത്തല സംസാരിക്കുന്നു.
ദക്ഷിണേന്ത്യയിലെ വോട്ടുകൾ ആദ്യം പെട്ടിയിലാക്കും; പതിവ് പോലെ യുപി; തീയതിയിലുണ്ട് ചില കാര്യങ്ങൾ

നന്നായി ബാറ്റുചെയ്യുമ്പോൾ റണ്ണൗട്ടാവുന്നതിനേക്കാൾ കഷ്ടമല്ലേ മത്സരത്തിന് തൊട്ട് മുൻപ് കളി നിയന്ത്രിക്കേണ്ട അംപയർ രാജി വയ്ക്കുന്നത്. ഏതാണ്ട് ഈ അവസ്ഥയാണ് കേന്ദ്ര തിരഞ്ഞെടുപ്പു കമ്മിഷണർ അരുൺ ഗോയൽ രാജിപ്രഖ്യാപനം നടത്തിയപ്പോൾ ഉണ്ടായത്. സ്വതന്ത്രമായി തിരഞ്ഞെടുപ്പ് നടത്തേണ്ട ഉത്തരവാദിത്തം മറന്ന് നിർണായക
Science Block

നമ്മിലുമുണ്ട് യന്ത്രങ്ങൾ

യന്ത്രയുഗമാണ് മനുഷ്യനെ ഇന്നു കാണുന്ന പുരോഗതിയിലേക്കു നയിച്ചത്. നമ്മുടെ ശരീരത്തിലുമുണ്ട് ചില കുഞ്ഞൻ യന്ത്രങ്ങൾ. കഴിഞ്ഞയാഴ്ച യുഎസിലെ യേൽ സർവകലാശാലാ ശാസ്ത്രജ്ഞർ രോഗപ്രതിരോധ ശേഷിയെ സഹായിക്കുന്ന കുറച്ചു പ്രോട്ടീനുകളുടെ ഘടന കണ്ടെത്തി. നവീനമായ ക്രയോ-ഇലക്ട്രോൺ മൈക്രോസ്കോപ്പി വിദ്യകളുപയോഗിച്ചായിരുന്നു ഈ കണ്ടെത്തൽ.
എന്തിനു ദുര്യോധനൻ ആകണം?

ജാനാമി ധർമം ന ച മേ പ്രവൃത്തിഃ ജാനാമി പാപം ന ച മേ നിവൃത്തിഃ (പാണ്ഡവഗീത–57) ദുര്യോധനന്റെ വാക്കുകൾ: ‘ധർമമെന്തെന്ന് എനിക്കറിയാം; പക്ഷേ അതു ചെയ്യാൻ എനിക്കു കഴിയുന്നില്ല. അധർമമെന്തെന്ന് എനിക്കറിയാം; പക്ഷേ അത് ഒഴിവാക്കാനും എനിക്കു കഴിയുന്നില്ല’. വ്യാസഭാരതത്തിലില്ലാത്ത ഈ വരികൾ പാണ്ഡവഗീതയിലേതാണ്. പാണ്ഡവരോടു യുദ്ധം ചെയ്യുന്നതു നീതിയല്ലെന്ന് ദുര്യോധനനെ കൃഷ്ണൻ ഉപദേശിക്കുമ്പോൾ നല്‍കിയ മറുപടിയാണിത്. ധർമമേത്, അധർമമേത് എന്നു നിശ്ചയമുള്ളയാൾക്ക് അധർമത്തിൽനിന്നു മാറി നിൽക്കാനാവാത്ത നിസ്സഹായത. ദുര്യോധനനെ കേവലം കഥാപാത്രമായല്ല കാണേണ്ടത്. നമ്മിൽ എല്ലാവരിലുമുണ്ട് ദുര്യോധനന്റെ അംശം. ചിലരിൽ അതു വളരെ കൂടുതലാകുമ്പോൾ അത്യാചാരങ്ങൾ ചെയ്യുന്നു. പക്ഷേ വലിയ തെറ്റുകൾ ചെയ്യുമ്പോഴും കുറ്റവാളിയുടെ ഉള്ളിന്റെയുള്ളിൽ താൻ ചെയ്യുന്നത് തെറ്റാണെന്ന തോന്നലുണ്ടാവും. അപ്പോഴും, തെറ്റിനോടും കുറ്റകൃത്യത്തോടും മുഖം തിരിക്കാനാവാത്ത അവസ്ഥ. കണക്കുകൂട്ടി കൊലപാതകം ചെയ്യുന്നയാൾക്കു നിശ്ചയമായും അറിയാം താൻ ചെയ്യുന്നത് കടുത്ത അപരാധമാണെന്ന്.
‘യുഎസ് സേനാഭ്യാസം പിന്തുണച്ച കേന്ദ്രം: പുട്ടിൻ–ഷി കൂട്ടുകെട്ടിൽ എന്തു സംഭവിക്കും? ഇന്ത്യയുടെ ഇടപെടലും നിർണായകം’

‘‘ലെനിന്റെ കാലഘട്ടത്തിൽ അല്ല റഷ്യ ഇന്ന്. റഷ്യ അവരുടേതായ ഒരു പുതിയ കാലഘട്ടത്തിലാണ് ജീവിക്കുന്നത്. അങ്ങനെ വരുമ്പോൾ അവർ പഴയ കാലത്തെ ഓർമിച്ചുകൊള്ളണം എന്ന് നിർബന്ധമില്ല’’. പ്രമുഖ ചരിത്രകാരനും മാർക്സിസ്റ്റ് ചിന്തകനുമായ ഡോ. കെ.എൻ. ഗണേഷിന്റേതാണ് ഈ നിരീക്ഷണം. ബോൾഷെവിക് വിപ്ലവത്തിന്റെ പിതാവും സോവിയറ്റ് യൂണിയന്റെ സ്ഥാപകനുമായ ലെനിന്റെ നൂറാം ചരമവാർഷികം റഷ്യയിൽ വലിയ ചലനങ്ങളൊന്നുമുണ്ടാക്കാതെയാണ് കടന്നുപോയത്. മോസ്കോയിലെ റെഡ് സ്ക്വയറിൽ പ്രത്യേക റാലികളോ അനുസ്മരണ പ്രഭാഷണങ്ങളോ ഉണ്ടായിരുന്നില്ലെന്നാണ് റിപ്പോർട്ടുകൾ. അതോടൊപ്പംതന്നെയാണ് വ്ളാഡിമിർ പുട്ടിനെ വീണ്ടും പ്രസിഡന്റായി തിരഞ്ഞെടുക്കുന്നതിനുള്ള വോട്ടെടുപ്പ് റഷ്യയിൽ നടക്കുന്നത്. സോവിയറ്റ് റഷ്യയുടെ ആദ്യ തലവനായ ലെനിന്റെ പിൻഗാമിയായി എത്തിയത് ജോസഫ് സ്റ്റാലിനായിരുന്നു. 1924 മുതൽ 1953 വരെ റഷ്യയുടെ തലപ്പത്തിരുന്ന സ്റ്റാലിന്റെ റെക്കോർഡ് മറികടക്കാനാണ് ഇപ്പോൾ പുട്ടിന്റെ ശ്രമം. അതിനായി പ്രതിപക്ഷത്തെപ്പോലും ഇല്ലാതെയാക്കിയാണ് റഷ്യൻ പ്രസിഡന്റിന്റെ മുന്നേറ്റം. ഇതിനിടെ, റഷ്യൻ വിപ്ലവശിൽപിയും ഇരുപതാം നൂറ്റാണ്ടിലെ ചരിത്ര പുരുഷനുമായ ലെനിനെ കുറ്റപ്പെടുത്താൻ പോലും പുട്ടിൻ മടിച്ചിട്ടില്ല. സാർ ചക്രവർത്തിമാരുടെ ഭരണത്തിൻ കീഴിലായിരുന്ന റഷ്യയുടെ അധികാരം ഒക്ടോബർ വിപ്ലവത്തിലൂടെ അട്ടിമറിച്ച വിപ്ലവകാരിയാണ് വ്ളാഡിമിർ ഇല്ലിച്ച് ഉല്യാനോവ് ലെനിൻ. ലോകത്തിന്റെ വിപ്ലവ സ്വപ്നങ്ങൾക്ക് ചുവപ്പേകിയ, കമ്യൂണിസ്റ്റ് പ്രത്യയശാസ്ത്രത്തെ പ്രായോഗികതയിലേയ്ക്കെത്തിച്ച ആ നേതാവിന്റെ നൂറാം ചരമവാർഷികം വലിയ ചലനങ്ങൾ ഉണ്ടാക്കാതെയാണ് കടന്നുപോയതെങ്കിലും പുട്ടിനെ വീണ്ടും തിരഞ്ഞെടുക്കാനുള്ള വോട്ടെടുപ്പ് വലിയ രാജ്യാന്തര ചർച്ചകൾക്കാണ് വഴിവെട്ടിയിരിക്കുന്നത്. മാർച്ച് 15 മുതൽ 17 വരെയാണ് വോട്ടെടുപ്പ്. വീണ്ടും പുട്ടിൻ വരുന്നതോടെ റഷ്യയിൽ എന്തു മാറ്റം വരുമെന്നും അത് ലോകക്രമത്തെ എങ്ങനെ മാറ്റിമറിക്കുമെന്നും കാത്തിരുന്നുതന്നെ കാണണം. ലെനിന്റെ ആശയങ്ങൾക്ക് എന്തു സംഭവിക്കുമെന്നും, നവസാമ്രാജ്യത്വത്തിലേയ്ക്ക് ലോകം പ്രവേശിച്ചു കഴിഞ്ഞുവെന്ന് ചരിത്രകാരന്മാർ അഭിപ്രായപ്പെടുന്ന ഇക്കാലത്ത് ലെനിൻ മുന്നോട്ടുവച്ച ആശയങ്ങളുടെ പ്രസക്തി ചർച്ച ചെയ്യുകയാണിവിടെ. ഈ വിഷയത്തില്‍ ‘മനോരമ ഓൺലൈൻ പ്രീമിയ’ത്തിൽ സംവദിക്കുകയാണ് ചരിത്രകാരനും അധ്യാപകനുമായ ഡോ. കെ.എൻ. ഗണേഷ്.
ശേഷം ചിന്ത്യം

അമേരിക്കയിൽ വാഷിങ്ടൻ ഡിസിയിൽ പ്രവർത്തിക്കുന്ന ‘ചിന്താകേന്ദ്ര’മാണ് (think-tank) പ്യൂ റിസർച് സെന്റർ (Pew Research Centre). നിഷ്പക്ഷം എന്നാണ് അതു സ്വയം വിശേഷിപ്പിക്കുന്നത്. ലാഭത്തിനുവേണ്ടി പ്രവർത്തിക്കുന്ന സ്ഥാപനമല്ല. സമൂഹങ്ങളെ പ്രബലമായി സ്വാധീനിക്കുന്ന പ്രതിഭാസങ്ങളെ (രാഷ്ട്രീയം, മതം, മാധ്യമങ്ങൾ, ശാസ്ത്ര–സാങ്കേതികവിദ്യ, കുടിയേറ്റം, വംശ–വർഗ മേഖലകളിലെ വ്യതിയാനങ്ങൾ തുടങ്ങിയവ) അഭിപ്രായ ശേഖരണത്തിലൂടെ അളക്കുകയും പഠിക്കുകയുമാണ് പ്യൂ ചെയ്യുന്നത്. പ്യൂവിന്റെ സർവേഫലങ്ങൾക്ക് ആഗോളമായി വിശ്വാസ്യത കൽപിക്കപ്പെടുന്നുണ്ട്. ഒരു അഭിപ്രായ സർവേയ്ക്കും പൂർണസത്യത്തിൽ എത്തിച്ചേരാൻ കഴിയില്ലെന്നതു വാസ്തവമാണെങ്കിലും അവ തീർച്ചയായും ഉപകരിക്കുന്ന കൈചൂണ്ടികളാണ്. വളച്ചൊടിച്ച അഭിപ്രായ സർവേകൾ ഉപയോഗിച്ചു ചിലർ സമൂഹത്തിൽ കുത്തിത്തിരിപ്പ് ഉണ്ടാക്കുന്നുവെന്നതും കുപ്രസിദ്ധമാണ്...
‘ഗണേഷ്‌കുമാറിന് ഫുൾ സപ്പോർട്ട്; പക്ഷേ ഡ്രൈവിങ് സ്കൂൾ നടത്താൻ കെഎസ്ആര്‍ടിസിക്കാവില്ല, നേട്ടം ഞങ്ങൾക്ക്’

ഡ്രൈവിങ് പരിശീലനം നൽകാൻ കെഎസ്ആർടിസി കേരളത്തിലെമ്പാടും സ്കൂളുകൾ ആരംഭിക്കുകയാണ്. ഇതിനെക്കുറിച്ച് ഡ്രൈവിങ് സ്കൂളുകളുടെ പ്രതികരണം എന്താകും? തിരുവനന്തപുരത്ത് 22 വർഷമായി പ്രവർത്തിക്കുന്ന ‘മേടയിൽ’ ഡ്രൈവിങ് സ്കൂൾ ഉടമ റോജിൻ സോമന്റെ പ്രതികരണം ഇങ്ങനെയായിരുന്നു. ‘‘ഗതാഗത മന്ത്രി ഗണേഷ്കുമാറിന് ഫുൾ സപ്പോർട്ട്, കെഎസ്ആർടിസി ഡ്രൈവിങ് സ്കൂൾ തുടങ്ങിയാൽ അതിന്റെ നേട്ടം എനിക്കുമുണ്ടാവും’’. പുതിയ ഡ്രൈവിങ് സ്കൂള്‍, അതും സർക്കാർതലത്തിൽ വന്നാൽ നിലവിലെ സ്കൂൾ നടത്തിപ്പുകാർക്ക് ആശങ്കയല്ലേ വേണ്ടത്, പിന്നെന്തുകൊണ്ടാണ് ഇത്തരമൊരു മറുപടി? അതിനുള്ള ഉത്തരവും റോജിന്റെ പക്കലുണ്ട്. നിലവിൽ കേരളത്തിലെ ഡ്രൈവിങ് സ്കൂളുകളുടെ അവസ്ഥയെ കുറിച്ചും പുതിയ മാറ്റങ്ങൾ നടപ്പിലായാൽ ഉണ്ടാവുന്ന ഗുണങ്ങളെ കുറിച്ചും മനോരമ ഓൺലൈൻ പ്രീമിയം ‘ഇഷ്യു ഒപിനിയനി’ൽ പ്രതികരിക്കുകയാണ് റോജിൻ സോമൻ.
‘ലീഗിനെ കൂട്ടി കോൺഗ്രസിനെ തകർക്കാൻ നീക്കം; ഇടതുപക്ഷം നാമാവശേഷമാകും; മറക്കരുത്, ഇന്തൊനീഷ്യയിൽ പാർട്ടി നശിച്ചത്’

ഇന്ത്യൻ കമ്യൂണിസ്റ്റ് പ്രസ്ഥാനം നെടുകെ പിളർന്നിട്ട് അറുപതാണ്ടുകൾ (1964-2024) പിന്നിട്ടിരിക്കുന്നു. അടിയന്തരാവസ്ഥയ്‌ക്ക് ശേഷം 1978 മുതൽ മുഖ്യധാര കമ്യൂണിസ്റ്റ് പാർട്ടികളായ സിപിഐയും സിപിഎമ്മും ഇടത് ഐക്യമെന്ന നിലപാടിന്റെ അടിസ്ഥാനത്തിൽ ദേശീയതലത്തിൽ യോജിപ്പിലാണെങ്കിലും രണ്ട്‌ പാർട്ടികളായിതന്നെ തുടരുന്നു. പ്രത്യയശാസ്ത്ര ഭിന്നതകൾ നിലനിൽക്കുന്നത് കൊണ്ട് ലയനത്തിന് ഇനിയും സമയമായില്ല പോലും! 1952ലെ പ്രഥമ പൊതു തിരഞ്ഞെടുപ്പിൽ അവിഭക്ത കമ്യൂണിസ്റ്റ് പാർട്ടിക്ക് ദേശീയ തലത്തിൽ 9 ശതമാനത്തിനടുത്ത് വോട്ട് ലഭിച്ചു. 2019ലെ തിരഞ്ഞെടുപ്പിൽ ഇരുപാർട്ടികൾക്കും കൂടി ലഭിച്ചത് 2 ശതമാനത്തിലും താഴെ വോട്ട്! 1964ൽ അവിഭക്ത പാർട്ടി പിളർന്നതിന്റെ തുടർ ചലനമെന്നോണം 1968ൽ പിറന്നു വീണ നക്സലൈറ്റ് പ്രസ്ഥാനവും ശിഥിലീകരിക്കപ്പെട്ട് ദുർബലാവസ്ഥയിൽ കിതയ്ക്കുന്നു.
Tattoo Times

ബെംഗളൂരു അകലെയല്ല

ദീവാളിക്ക് സ്വെറ്ററിടാം, ഹോളിക്ക് ഊരാം: ‍ഡൽഹിയിൽ ജീവിച്ച രണ്ടു കൊല്ലത്തിനിടെ (1990-1992) പറഞ്ഞുകേട്ട നാടൻ ചൊല്ലായിരുന്നു അത്. ഒക്ടോബർ-നവംബറിൽ തണുപ്പുകാലത്തിന്റെ തുടക്കത്തിലാണല്ലോ ഉത്തരേന്ത്യക്കാരുടെ ഏറ്റവും വലിയ ആഘോഷമായ ദീപാവലിയുടെ വരവ്. അതാണ് അപ്പോൾ സ്വെറ്ററിട്ടു തുടങ്ങാം എന്നു പറയുന്നത്. അതുപോലെ തണുപ്പില്ലാതായിത്തുടങ്ങുന്ന മാർച്ചിലാണ് ഹോളിയുടെ വരവ്, അതുകൊണ്ട് അന്നു കമ്പിളിക്കുപ്പായം ഊരാമെന്ന്. അതുപോലെ ഒരു ചൊല്ല് കേരളത്തിലും ചിലേടങ്ങളിലുണ്ട്: ശിവരാത്രിപ്പിറ്റേന്നു വീശുപാള എടുക്കാമെന്ന്. ശിവരാത്രി വരുന്ന ഫെബ്രുവരി-മാർച്ചിൽത്തന്നെയാണല്ലോ നമ്മുടെ ചൂടുകാലം തുടങ്ങുന്നത്. എന്നാൽ, ഈ വർഷം ശിവരാത്രിക്കും എത്രയോ മുൻപുതന്നെ നമ്മൾ എസിയും ഫാനും ഓണാക്കിത്തുടങ്ങി. കൊല്ലുന്ന ചൂടിനാൽ മാമരം വേവുന്നു, പുല്ലിന്റെ കാരിയം എന്തു ചൊൽവൂ എന്ന് വൈലോപ്പിള്ളി ചോദിച്ചപോലെ കുംഭംതന്നെ ഇങ്ങനെയാണെങ്കിൽ മീനവും മേടവും എന്തായിരിക്കും എന്നാണ് ഇപ്പോഴത്തെ പേടി.
ബിജെപി കേരളത്തിലിറക്കിയ കേന്ദ്രത്തിന്റെ ‘കെണി’: വീണത് കോൺഗ്രസ്? വീണയിൽനിന്ന് ‘രക്ഷപ്പെട്ട്’ സിപിഎമ്മും?

ഭരണത്തിൽ പത്തു വർഷം പൂർത്തിയാക്കിയ, കേന്ദ്രത്തിലെ ബിജെപി സർക്കാരിനെ നേരിടാൻ യുഡിഎഫും എൽഡിഎഫും നിരവധി വിഷയങ്ങളുമായാണ് കേരളത്തിൽ ലോക്സഭാ തിരഞ്ഞെടുപ്പ് പ്രചാരണത്തിനിറങ്ങുന്നത്. ഇന്ധനവില മുതൽ അയോധ്യ വരെയുണ്ട് ആ ചര്‍ച്ചയിൽ. അതേസമയം, യുഡിഎഫും എല്‍ഡിഎഫും പരസ്പരം പോരാടുക എന്തിന്റെ പേരിലായിരിക്കും? പിണറായി സർക്കാറിന്റെ ഏഴര വർഷത്തെ ഭരണത്തിന്റെ കുറ്റപത്രമായിരിക്കും യുഡിഎഫിന്റെ മുഖ്യ പ്രചരണായുധം. അതിൽ സ്വര്‍ണക്കടത്തുണ്ട്, ഡോളർ കള്ളക്കടത്തുണ്ട്, കരിമണൽ വിവാദവും മാസപ്പടിയും എക്സാലോജിക്കുമുണ്ട്. അവയ്ക്കൊപ്പം, ക്ഷേമ പെൻഷനും ശമ്പളവും മുടങ്ങിയതം പ്രതിപക്ഷത്തിന്റെ ആയുധങ്ങളാകും. അതേസമയം, സംസ്ഥാനത്തും കേന്ദ്രത്തിലും ഭരണമില്ലാത്ത കോൺഗ്രസിനെ നേരിടാൻ എൽഡിഎഫിന് കാര്യമായ വിഷയങ്ങളില്ലതാനും....
INDIA FILE

കഠിനാധ്വാനവും കല്ലിടലും

കഠിനാധ്വാനമാണ് പൊതുതിരഞ്ഞെടുപ്പിലെ ജയസാധ്യതയുടെ മാനദണ്ഡമെങ്കിൽ ഇപ്പോൾ ഒന്നാം സ്ഥാനത്തുള്ളതു പ്രധാനമന്ത്രി നരേന്ദ്ര മോദിയാണ്. പ്രകടിപ്പിക്കുന്ന ആത്മവിശ്വാസം, നൽകുന്ന വാഗ്ദാനങ്ങളുടെ വലുപ്പം തുടങ്ങിയവ അളവുകോലാക്കിയാലും അദ്ദേഹംതന്നെ മുന്നിൽ. കഠിനാധ്വാനം: കഷ്ടിച്ചു മൂന്നര മണിക്കൂറാണ് താൻ ഉറങ്ങുന്നതെന്നു മോദിയും ദിവസം 20 മണിക്കൂർ അദ്ദേഹം ജോലി ചെയ്യുന്നുവെന്നു പ്രചാരകരും സാക്ഷ്യപ്പെടുത്തിയിട്ടുണ്ട്. ഇതു മോദിയുടെ പുതിയ ശീലമല്ലെന്നു മാത്രമല്ല, ആരോഗ്യത്തിനു നല്ലതല്ലെന്നു ഡോക്ടർമാർ അദ്ദേഹത്തെ പലതവണ ഉപദേശിച്ചിട്ടുമുണ്ട്.
‘സർക്കാരിന്റെ നേട്ടം പ്രചരിപ്പിക്കാനാകരുത് ഓണാഘോഷം; കലയിൽ പോലും വെള്ളം ചേർക്കുന്നത് എന്തിന്?’

മിത്തും യാഥാർഥ്യവും തമ്മിലുള്ള അന്തരത്തെക്കുറിച്ചുള്ള സംവാദങ്ങൾ എല്ലാ കാലത്തുമുണ്ട്. ഈ ഓണക്കാലവും അതിൽ നിന്നു വ്യത്യസ്തമല്ല. മഹാബലിയും പരശുരാമനും തമ്മിലുള്ള ഐതിഹ്യപരമായ പൊരുത്തക്കേടുകൾ, ഓണത്തിന്റെ കേന്ദ്രബിന്ദു മഹാബലിയോ വാമനനോ തുടങ്ങിയ ചോദ്യങ്ങൾ പതിവുപോലെ ഇത്തവണയും ഉയരുന്നുണ്ട്. ഓണാഘോഷത്തിന് കേരളത്തിന്റെ പലഭാഗങ്ങളിലും വ്യത്യസ്ത മുഖങ്ങളാണ്. തലസ്ഥാനത്തേക്കെത്തുമ്പോൾ അതു ടൂറിസം വാരാഘോഷമാണ്. അതിന്റെ പരിമിതികളും സാധ്യതകളും എന്തൊക്കെയെന്ന ചോദ്യവും ഉയരുന്നു. ഈ വിഷയങ്ങളെപ്പറ്റി ചരിത്രകാരൻ ഡോ. എം.ജി. ശശിഭൂഷൺ മനോരമ ഓൺലൈൻ പ്രീമിയത്തോടു സംവദിക്കുന്നു.
ഗുളിക ചെമപ്പോ നീലയോ?

ഹോളിവുഡിൽ മട്രിക്സ് എന്ന ചിത്രം 1999 ൽ റിലീസ് ചെയ്തു. മട്രിക്സ് എന്നത് കംപ്യൂട്ടർ നിർമിതമായ കൃത്രിമലോകം. അതിൽ നിയോ എന്ന കഥാനായകൻ കഴിയുന്നു. മോർഫിയസ് എന്ന കംപ്യൂട്ടർ മഹാഗുരു പ്രത്യക്ഷപ്പെട്ട് നിയോയോടു ചോദിക്കുന്നു, ‘നിനക്ക് ചെമപ്പു ഗുളിക വേണോ, അതോ നീല ഗുളിക വേണോ?’ (Red pill or blue pill?). നീല ഗുളിക കഴിച്ചാൽ നിയോയ്ക്കു ഇപ്പോൾ കഴിയുന്ന മായാലോകത്തു കഴിയാം. ചെമപ്പുഗുളികയാണു കഴിക്കുന്നതെങ്കിൽ തനിക്കു സംഭവിക്കുന്നത് എന്തെന്നു തിരിച്ചറിയുകയും, മട്രിക്സെന്ന മായാലോകത്തിനു പുറത്തുള്ള യാഥാർഥ്യമെല്ലാം മനസ്സിലാക്കാൻ കഴിയുകയും ചെയ്യും. നിയോ ചെമപ്പുഗുളിക വാങ്ങി കഴിക്കുന്നു...
അന്ന് അവർ ഇരുവരും ബിജെപിയോട് സന്ധി ചെയ്തില്ല; അനിലിനു പിന്നാലെ പദ്മജയും! ഈ സർജിക്കൽ സ്ട്രൈക്കിന്റെ ലക്ഷ്യം ഇത്

കെ. കരുണാകരനും എ.കെ ആന്റണിയും. ഒരു കാലത്ത് കേരളത്തിലെ കോൺഗ്രസ് പാർട്ടിയുടെ രണ്ട് ദീപസ്തംഭങ്ങളായിരുന്നു ഇവർ. ഇണങ്ങിയും പിണങ്ങിയും അവർ ഏറെക്കാലം ദേശീയ തലത്തിൽ പോലും തിളങ്ങി നിന്നു. കരുണാകരൻ എല്ലാ സമുദായങ്ങളെയും ചേർത്തു പിടിക്കാൻ എപ്പോഴും ശ്രമിച്ചു. പഴയ തലമുറയിൽ പെട്ടവർ ഓർമിക്കുന്നുണ്ടാകും, നായർ സർവീസ് സൊസൈറ്റിക്കും (എൻഎസ്എസ്) എസ്എൻഡിപി യോഗത്തിനും പ്രത്യേക രാഷ്ടീയപാർട്ടികൾ കേരളത്തിലുണ്ടായിരുന്നു. എൻഎസ്എസിന് എൻഡിപി, എസ്എൻഡിപി യോഗത്തിന്റെ ആശിർവാദത്തോടെ എസ്ആർപി. ഇരു പാർട്ടികളും യുഡിഎഫിന്റെ ഘടകകക്ഷികളായിരുന്നു. രണ്ടു പാർട്ടികൾക്കും എംഎൽഎമാരും മന്ത്രിയുമൊക്കെ ഉണ്ടായിരുന്നു. കരുണാകരൻ സമുദായ മേൽവിലാസമുള്ള പാർട്ടികളെ ചിറകിൻകീഴിൽ സംരക്ഷിച്ചപ്പോൾ അത് മൃദു ഹിന്ദുത്വമായി ആരും വിശേഷിപ്പിച്ചില്ല. അക്കാലം ഈ പ്രയോഗം തന്നെ ഉണ്ടായിരുന്നില്ലല്ലോ. സമുദായങ്ങളുടെ വിദ്യാഭ്യാസ സ്ഥാപനങ്ങൾക്ക് വാരിക്കോരി സ്ഥലവും മറ്റും നൽകുന്നതിലും അദ്ദേഹം തൽപരനായിരുന്നു.
ഹാ ദൈവമേ,ഈ മനുഷ്യൻ മരിച്ചു പോയല്ലോ എന്ന്! ‘ഇല്ല, ജീവിച്ചിരിപ്പുണ്ടെന്ന് പറയേണ്ട കാര്യം എനിക്കില്ല’

നടനും സംവിധാകനുമായ മധുപാൽ ‘അന്തരിച്ചു’വെന്ന വാർത്ത അവസാനം പുറത്തുവന്നത് 2024 മാർച്ച് ആദ്യവാരമാണ്. സമൂഹമാധ്യമങ്ങളിൽ മധുപാൽ ‘മരിക്കുന്നത്’ ഇതാദ്യമല്ല. നരേന്ദ്രമോദി സർക്കാർ രണ്ടാമത് അധികാരത്തിൽ വന്നതിനെ തുടർന്ന് മധുപാൽ ആത്മഹത്യ ചെയ്തു എന്നാണ് മുൻപ് പ്രചരിച്ച വാർത്തകളിലൊന്ന്. മരണം മാത്രമല്ല, പറയാത്ത പരാമർശങ്ങളും മധുപാലിനെ കുടുക്കിയിട്ടുണ്ട്. ഗായിക കെ.എസ്.ചിത്ര പാടുന്ന സിനിമയുമായി താൻ സഹകരിക്കില്ലെന്ന് മധുപാൽ പറഞ്ഞതായി വൻ പ്രചാരണം ഉണ്ടായതിനെ തുടർന്ന് കുപ്രചരണങ്ങൾക്കെതിരെ മധുപാൽ പരാതി നൽകുകയും ചെയ്തിരുന്നു. ഓരോ വാർത്ത വരുമ്പോഴും, അടുപ്പമുള്ളവരോട് വരെ ഞാൻ ജീവിച്ചിരിപ്പുണ്ട് എന്ന് വിശദീകരിക്കേണ്ടി വരുന്നതിന്റെ വിഷമത്തിലാണ് മധുപാൽ. പക്ഷേ, ഇനി അത്തരം പരസ്യമായ സാക്ഷ്യപ്പെടുത്തലുകൾക്കൊന്നുമില്ലെന്നും കൂടി മധുപാൽ വ്യക്തമാക്കുന്നു. സ്വന്തം മരണവാർത്ത ഇടയ്ക്കിടെ കാണേണ്ടി വരുന്ന ഒരാൾ കടന്നുപോകുന്നത് എന്ത് അനുഭവങ്ങളിലൂടെയാണ്? ഈ വാർത്തകൾ നിർമിക്കുന്നവരോടും ‘ആദരാജ്ഞലികൾ’ അർപ്പിക്കുന്നവരോടും എന്താണ് പറയാനുള്ളത്? മനോരമ ഓൺലൈൻ പ്രീമിയത്തിൽ മധുപാൽ മനസ്സു തുറക്കുന്നു....
കാസാ കുറയുന്നു, പണം മ്യൂച്വൽ ഫണ്ടിലേയ്ക്ക്; ഇന്ത്യൻ ബാങ്കുകൾ പ്രതിസന്ധിയിലോ? വായ്പാ പലിശ കുതിക്കുമോ?

രാജ്യത്തെ ബാങ്കുകളിൽ പ്രതിസന്ധി സൃഷ്ടിച്ചുകൊണ്ട് കറന്റ് അക്കൗണ്ട്, സേവിങ്സ് അക്കൗണ്ടുകളിലെ കാസാ നിക്ഷേപം (CASA) ഗണ്യമായി കുറയുന്നു. ബാങ്കിങ് മേഖലയ്ക്ക് ഏറ്റവും ചെലവു കുറഞ്ഞ ഫണ്ട് ഉറപ്പാക്കുന്ന കാസയിലെ ഈ ഇടിവ് വായ്പ പലിശ കൂടുന്ന പ്രവണതയ്ക്ക് ആക്കം കൂട്ടും. പലിശ കൂടിയതോടെ നിക്ഷേപകർ സ്ഥിരനിക്ഷേപത്തിലേയ്ക്ക് ചുവടു മാറിയതു കൊണ്ടാണ് കാസ കുറയുന്നതെന്നാണ് വിശദീകരണമെങ്കിലും ബാങ്ക് സേവിങ്സ് അക്കൗണ്ടിലെ പണം മ്യൂച്വൽ ഫണ്ടിലേയ്ക്ക് ഒഴുക്കുന്നത് സമീപ ഭാവിയിൽ വലിയ പ്രതിസന്ധി സൃഷ്ടിക്കുമോ എന്ന കടുത്ത ആശങ്കയിലാണ് ബാങ്കിങ് രംഗം.
ആലുവ ശിവരാത്രിയും കോൺഗ്രസ് നേതാക്കളും തമ്മിലെന്ത്? ജംബോ കമ്മിറ്റികൾ പാർട്ടിയെ പഠിപ്പിക്കുന്ന പാഠം...

ആലുവ ശിവരാത്രിക്ക് കണ്ട പരിചയം പോലും ഇല്ല എന്ന് പറയാറില്ലേ? അതിശയോക്തിയോടെയാണെങ്കിലും ഈ അവസ്ഥയാവും കെപിസിസി ആസ്ഥാനത്ത് പാർട്ടി ഭാരവാഹികൾ ഒത്തുകൂടിയാൽ. ഭാരവാഹികളുടെ എണ്ണത്തിൽ കോൺഗ്രസിൽ ഒരു ക്ഷാമവുമില്ല, ഒരു പടയ്ക്കുള്ള ആളുണ്ടാവും. കഴിഞ്ഞ ദിവസം പത്രങ്ങളിൽ ഒരു വാർത്ത വന്നു കോൺ‍ഗ്രസ് 77 കെപിസിസി സെക്രട്ടറിമാരെ നിയമിച്ചു എന്നതാണത്. ജംബോ പട്ടികയിലെ പേരുകൾ വായിച്ചപ്പോൾ ഒരു കൗതുകം, ഈ നേതാക്കൻമാർ ഇപ്പോഴും പാർട്ടിയിലുണ്ടോ? അതോ പാർട്ടിവിടുകയോ രാഷ്ട്രീയം മതിയാക്കുകയോ ചെയ്തോ? സംശയം തീർക്കാൻ കെപിസിസി ഓഫീസിലേക്ക് ഫോൺ ചെയ്തു. അപ്പോൾ കിട്ടിയ മറുപടി കെപിസിസി സെക്രട്ടറിമാരുടെ എണ്ണം 78 ആയി ഉയർത്തി എന്നായിരുന്നു. അതെങ്ങനെ? നേരത്തെ പേര് ചേർക്കാൻ വിട്ടുപോയ ഒരാളുടെ കൂടി ചേർത്തപ്പോഴാണ് 78 ആയി സെക്രട്ടറിമാരുടെ എണ്ണം മാറിയത്. ഇതോടെ കെപിസിസിയിലെ മൊത്തം ഭാരവാഹികളുടെ എണ്ണം 150ന് അടുത്തായി. കെപിസിസിയിൽ എക്സിക്യൂട്ടീവ് യോഗം കൂടണമെങ്കിൽ മിനിമം ഒരു ഹോക്കി സ്റ്റേഡിയം എങ്കിലും വേണം
ആ പെൺകുട്ടി മുഖ്യപ്രതി, കേസുകൊടുക്കും; ആരാച്ചാരാണോ ഡീൻ? സിദ്ധാർഥന്റെ പിതാവ്

പൂക്കോട് വെറ്ററിനറി കോളജിൽ തൂങ്ങിമരിച്ച നിലയിൽ കണ്ടെത്തിയ രണ്ടാം വർഷ വിദ്യാർഥി സിദ്ധാർഥിന് കൂട്ടുകാരിൽനിന്ന് ക്രൂരമായി മർദനമേറ്റിരുന്നെന്നാണ് പോസ്റ്റുമോർട്ടം റിപ്പോർട്ട്. ദേഹത്ത് പലയിടത്തും 1.5 സെന്റീമീറ്റർവരെയുള്ള ചതവുണ്ടായിരുന്നു. ദേഹത്തുടനീളം ഒട്ടേറെ ഗുരുതര പരുക്കുകൾ. ഇവയ്ക്കെല്ലാം മൂന്നുദിവസം വരെ പഴക്കം. അക്രമത്തിൽനിന്ന് രക്ഷപ്പെടാന്‍ വീട്ടിലേക്ക് പോയ കൂട്ടുകാരനെയാണ് കൂട്ടുകാർ തന്നെ ബസ് സ്റ്റോപ്പിൽനിന്നും വിളിച്ചുവരുത്തി ഹോസ്റ്റലിലെത്തിച്ച് 3 ദിവസം ക്രൂരമായി മർദിച്ചത്. 3 ദിവസം ഭക്ഷണം പോലും കിട്ടാതെ മകൻ മരിക്കാനാണോ താൻ 15 വർഷം വിദേശത്ത് കഷ്ടപ്പെട്ടതെന്ന് വിലപിക്കുന്നു സിദ്ധാർഥിന്റെ പിതാവ്. ഒരു മാസം മുൻപും സിദ്ധാർഥിന്റെ വീട്ടിലെത്തി അമ്മയുടെ കയ്യിൽനിന്ന് ആഹാരം വാങ്ങി കഴിച്ചവരാണ് ക്രൂരമായി സിദ്ധാർഥിനെ മർദിച്ചത്. കുറ്റവാളികൾക്ക് ശിക്ഷ കിട്ടുന്നതുവരെ നിയമപോരാട്ടം നടത്തുമെന്ന് കുടുംബം പറയുന്നു. സിദ്ധാർഥിന് സംഭവിച്ച കാര്യങ്ങളെക്കുറിച്ച് അച്ഛൻ നെടുമങ്ങാട് കുറക്കോട് പവിത്രത്തിൽ ടി.ജയപ്രകാശ് ‘മനോരമ ഓൺലൈൻ പ്രീമിയത്തിൽ’ സംസാരിക്കുന്നു.
നിർണായകമായത് ആ റിപ്പോർട്ടുകൾ; ‘അനാവശ്യ’ ദയയില്ലെന്ന് കോടതി; ഇളവില്ലാത്ത ശിക്ഷ ടിപിയുടെ കൊലയാളികളെ നവീകരിക്കുമോ?

വർഷം 12 കഴിഞ്ഞിട്ടും ആർഎംപി നേതാവ് ടി.പി. ചന്ദ്രശേഖരനെ കൊലപ്പെടുത്തിയ സംഭവം കേരള സമൂഹം ഞെട്ടലോടെയാണ് ഓർക്കുന്നത്. ഈ കേസിൽ മുഖ്യ പ്രതികൾക്ക് ശിക്ഷ വർധിപ്പിക്കുമെന്ന് കഴിഞ്ഞ മാസം 19ന് ഹൈക്കോടതി വ്യക്തമാക്കിയിരുന്നു. പ്രതികൾക്ക് വിചാരണക്കോടതി ജീവപര്യന്തം തടവ് നൽകിയത് ഹൈക്കോടതി ശരിവയ്ക്കുകയും ഇവരിൽ 6 പ്രതികൾക്കെതിരെ ഗൂഢാലോചനക്കുറ്റം കൂടി കണ്ടെത്തുകയും ചെയ്തു. ഇതുകൂടാതെ വിചാരണക്കോടതി വിട്ടയച്ച രണ്ടു പേർക്കെതിരെയും ഹൈക്കോടതി ഗൂഢാലോചനക്കുറ്റം കണ്ടെത്തി. ഇതോടെ പ്രതികൾക്ക് പരമാവധി ശിക്ഷയായ വധശിക്ഷ വിധിക്കുമോയെന്നായിരുന്നു ഉയർന്ന അടുത്ത ചോദ്യം. എന്നാൽ ഹൈക്കോടതി നൽകിയത് ഇരട്ട ജീവപര്യന്തം. വധശിക്ഷ നൽകണമെന്നായിരുന്നു പ്രോസിക്യൂഷന്റെയും ടിപിയുടെ ഭാര്യ കെ.കെ.രമയുടെയും ആവശ്യം. നിഷ്ഠൂരമായ സംഭവമാണെന്നും പ്രതികൾ ദയ അർഹിക്കുന്നില്ലെന്നും അപൂർവങ്ങളിൽ അപൂർവങ്ങളായ കേസാണിതെന്നും അവർ വാദിച്ചു. എന്നിട്ടും ഇരട്ട ജീവപര്യന്തമാക്കി ശിക്ഷാ വിധി വന്നത് എന്തുകൊണ്ടാവും? ഇക്കാര്യത്തിൽ എന്തൊക്കെയാണ് ഹൈക്കോടതി ഡിവിഷൻ ബെഞ്ച് ആധാരമാക്കിയതെന്ന് അറിയാം വിശദമായി.
INDIA FILE

അവരിപ്പോഴും പരിധിക്കുപുറത്താണ്

കൊൽക്കത്തയ്ക്കടുത്തുള്ള ഗ്രാമത്തിൽനിന്നുവന്ന് ഡൽഹിയിൽ വീട്ടുജോലി ചെയ്തുജീവിക്കുന്ന റീന എന്ന സ്ത്രീയുടെ കാര്യമെടുക്കാം. അതിഥിത്തൊഴിലാളി എന്നതിനെക്കാൾ, ഇന്ത്യൻ ജനാധിപത്യത്തിൽ തീവ്രമായി വിശ്വസിക്കുന്നവരുടെ പ്രതിനിധിയെന്നതാവും റീനയ്ക്കു ചേരുന്ന വിശേഷണം. ലോക്സഭാ, നിയമസഭാ തിരഞ്ഞെടുപ്പുകളിൽ മാത്രമല്ല, പഞ്ചായത്തു തിരഞ്ഞെടുപ്പിലും വോട്ടു ചെയ്യാൻ റീന ബംഗാളിലേക്കു പോകും; സ്വന്തം പണംകൊണ്ടു ട്രെയിൻ ടിക്കറ്റെടുത്ത്. നമ്മുടെ പങ്കാളിത്ത ജനാധിപത്യത്തിൽ ജനത്തിന്റെ പങ്ക് തിരഞ്ഞെടുപ്പിൽ തുടങ്ങുകയും അവസാനിക്കുകയും ചെയ്യുന്നുവെന്നത് ഉദാഹരണങ്ങളുടെ സഹായം വേണ്ടാത്ത വസ്തുതയാണ്. അത്രയുമെങ്കിലുമുണ്ടല്ലോ, അതുതന്നെ വലിയ കാര്യമെന്നാവാം റീന കരുതുന്നത്. ..
ശമ്പളം തരാതെ എന്തിനാണ് ആ കള്ളം പറഞ്ഞത് ? ഞങ്ങളല്ല സർക്കാർ പണം കൊള്ളയടിക്കുന്നത്; വായിക്കണം ഈ കുറിപ്പ്

‘തിരുവിതാംകൂറിലെ ഇടത്തരം കുടുംബത്തിലെ യുവാവ്. സർക്കാർ ജോലി’ കാലങ്ങളായി കേരളത്തിൽ വിവാഹ പരസ്യങ്ങളിൽ ഏറ്റവും കൂടുതൽ ആവശ്യക്കാരുള്ള വാചകമാണിത്. ഇതൊരു വിശ്വാസമാണ്. സർക്കാർ ജോലി എന്ന രണ്ടു വാക്ക്. മക്കൾക്ക് ജീവിത പങ്കാളിയെ തേടുമ്പോൾ സുരക്ഷിതമായ ജോലിയുള്ള ഒരാളെ കണ്ടെത്താനാണ് മാതാപിതാക്കൾ ശ്രദ്ധിക്കുന്നത്. ഇവിടെ സുരക്ഷിതമായ ജോലി എന്നാൽ കൃത്യമായി ജീവിതകാലം മുഴുവൻ ശമ്പളവും പെൻഷൻ അടക്കമുള്ള ആനുകൂല്യങ്ങളും എന്നർഥം. എന്നാൽ മാർച്ചിൽ ഈ വിശ്വാസം കേരളത്തിന് നഷ്ടമായി. ..
കൊന്നുതിന്നവരാണ്, തരംതാഴ്ത്തരുത്

വയനാട് പൂക്കോട് വെറ്ററിനറി കോളജിലെ സിദ്ധാർഥന്റെകൂടി പ്രാണൻ പൊലിഞ്ഞതോടെ തങ്ങൾ പഠിപ്പിച്ചതൊന്നും കുഞ്ഞനുജന്മാർ പാഴാക്കിയില്ല എന്നുറപ്പാക്കി സിപിഎമ്മിലെ ഏട്ടന്മാർക്കു കൂടുതൽ തലയുയർത്തി നടക്കാം. ഉറ്റ കൂട്ടുകാരനായിരുന്ന ടി.പി.ചന്ദ്രശേഖരന്റെ തല ‘നടുറോഡിൽ പൂക്കുലപോലെ ചിതറു’മെന്നു പറഞ്ഞത് അക്ഷരംപ്രതി നടപ്പാക്കിയവരാണവർ. കൂട്ടുകാരനായ സിദ്ധാർഥനെ ഇഞ്ച ചതയ്ക്കുംപോലെ തല്ലി ഇളംമുറക്കാർ. വിവരം പുറത്തുപറഞ്ഞാൽ ‘കഴുത്തിൽ തല കാണില്ല’ എന്നു കൂടെയുള്ളവരെ വിരട്ടി. ‘തല ചിതറിക്കും’ എന്നു പറയുന്ന രാജാവിന്റെ മന്ത്രി ‘തല വെട്ടും’ എന്നേ പറയാവൂ. ചെടിച്ചട്ടികൊണ്ട് തലയ്ക്കടിക്കുമ്പോൾ ‘ജീവൻ രക്ഷാപ്രവർത്തനം’ എന്നു കയ്യടിച്ച പിണറായി വിജയനുണ്ടോ ചാരിതാർഥ്യത്തിനു വല്ല കുറവും. ‘ചോര തുടിക്കും ചെറുകയ്യുകളേ പേറുക വന്നീപ്പന്തങ്ങൾ’ എന്ന് കണ്ണുംപൂട്ടി വിളിച്ചു പറയാം.
‘ഇന്ത്യ’ സഖ്യ നേതാവ് കോൺഗ്രസല്ല, ബിന്ദു വീടിന്റെ ‘കേന്ദ്രബിന്ദു’, എസ്എഫ്ഐ തെറ്റിനോട് സമരസപ്പെടരുത്: വിജയരാഘവൻ

ലോക്സഭാ തിരഞ്ഞെടുപ്പിനുള്ള സിപിഎമ്മിന്റെ പതിനഞ്ചംഗ സ്ഥാനാർഥി പട്ടികയിൽ ഒരു പൊളിറ്റ്ബ്യൂറോ അംഗമേയുള്ളൂ: എ.വിജയരാഘവൻ. പാലക്കാട്ടു നിന്നു ജനവിധി തേടുന്ന വിജയരാഘവനെ അതുകൊണ്ട് എൽഡിഎഫിന്റെ തന്നെ സ്ഥാനാർഥി സംഘത്തിന്റെ നേതാവ് എന്നു വിശേഷിപ്പിക്കാം. ഇടക്കാലത്ത് എൽഡിഎഫ് കൺവീനറായും സിപിഎമ്മിന്റെ ആക്ടിങ് സെക്രട്ടറിയായും പ്രവർത്തിച്ച വിജയരാഘവൻ പിന്നീട് പിബി അംഗമായതോടെ പ്രവർത്തന കേന്ദ്രം വീണ്ടും ഡൽഹിയിലേക്കു മാറ്റി. എന്നാൽ കേരളത്തിലെ രാഷ്ട്രീയ–സംഘടനാ കാര്യങ്ങളിൽ വിജയരാഘവൻ ഇപ്പോഴും നേതൃപരമായ പങ്കു വഹിക്കുന്നു. ജീവിതപങ്കാളി ആർ.ബിന്ദു പിണറായി മന്ത്രിസഭയിലെ അംഗമായി കേരളത്തിലാണ് എന്നതു കൊണ്ടു കൂടി കേരളവുമായി ബന്ധപ്പെട്ടു തുടരുന്നതിനിടയിലാണ് പാലക്കാട് മത്സരിക്കാനുള്ള പാർട്ടി തീരുമാനം വരുന്നത്. കേരളത്തിലെ സിപിഎമ്മിന്റെ സ്ഥാനാർഥി ടീമിനു നേതൃത്വം നൽകുന്ന പൊളിറ്റ്ബ്യൂറോ അംഗമാണല്ലോ താങ്കൾ. എന്താണ് എൽഡിഎഫിന്റെ പ്രതീക്ഷ? ഇന്ത്യയുടെ ഭാഗധേയം നിർണയിക്കുന്ന തിരഞ്ഞെടുപ്പാണ് ഇത്. ഭരണനേട്ടങ്ങളുടെ ഗുണാംശങ്ങൾ സമ്പന്നർക്കു മാത്രം ലഭിക്കുകയും സാധാരണക്കാർ പ്രതിസന്ധികളിലൂടെ കടന്നു പോകുന്നതുമാണ് ഇപ്പോഴത്തെ ചിത്രം. മതന്യൂനപക്ഷങ്ങളുടെ മനസ്സിൽ ഭീതി ജനിപ്പിക്കുന്ന സംഭവങ്ങൾ നിരന്തരം ഉണ്ടാകുന്നു. ദേശീയ സ്വാതന്ത്ര്യസമരമൂല്യങ്ങൾ പിച്ചിച്ചീന്തപ്പെടുന്നു. പാർലമെന്ററി സംവിധാനത്തിന് അകത്തു നിന്നു കൊണ്ട് എങ്ങനെ ഈ പ്രതിസന്ധി ഘട്ടത്തെ അതിജീവിക്കാൻ കഴിയുമെന്ന ചോദ്യമാണ് ഈ തിരഞ്ഞെടുപ്പ് ഉയർത്തുന്നത്. ജനാധിപത്യത്തിനെതിരേയുളള കടന്നാക്രമണങ്ങളെ ചെറുക്കാൻ ഇടതുകക്ഷികളുടെ വർധിച്ച സാന്നിധ്യം പാ‍ർലമെന്റിൽ അനിവാര്യമാണ്. ഈ ബോധ്യം കേരളത്തിനു നല്ലതു പോലെ ഉണ്ട്. അതുകൊണ്ടു തന്നെ ഞങ്ങൾ പ്രതീക്ഷയിലാണ്....
രണ്ടാം വരവിൽ ഷഹബാസ് ചരിത്രം തിരുത്തുമോ? കൂട്ടുകെട്ട് മുന്നണിക്ക് വെല്ലുവിളികൾ പലത്

2022ന്റെ തനിയാവർത്തനമാണ് പാക്കിസ്ഥാനിൽ. പട്ടാളവുമായി ഇടഞ്ഞ ഇമ്രാൻ ഖാന്റെ പാക്കിസ്ഥാൻ തെഹ്രീകെ ഇൻസാഫ് (പിടിഐ) സർക്കാരിനെ പുറത്താക്കാൻ തട്ടിക്കൂട്ടിയ അതേ കൂട്ടുകക്ഷി സർക്കാരുമായാണ് 2024ലും പാക്കിസ്ഥാനിൽ ഷഹബാസ് ഷെരീഫ് സർക്കാർ 2.0 ഭരണമേൽക്കാനൊരുങ്ങുന്നത്. അന്ന് ഇമ്രാ‌നെ അധികാരത്തിൽ നിന്നിറക്കാനായിരുന്നു അവിയൽ മുന്നണി രൂപവൽക്കരിച്ചതെങ്കിൽ ഇന്ന് പിടിഐയെ അധികാരത്തിൽനിന്ന് അകറ്റിനിർത്താൻ എന്ന വ്യത്യാസം മാത്രം... ഇമ്രാനെ മാറ്റിനിർത്തുകയെന്ന ഒറ്റക്കാര്യത്തിലൊഴികെ മറ്റെല്ലാത്തിലും ബദ്ധവൈരികളായ പാക്കിസ്ഥാൻ മുസ്ലിം ലീഗ്–നവാസും (പിഎംഎൽഎൻ) പാക്കിസ്ഥാൻ പീപ്പിൾസ് പാർട്ടി(പിപിപി)യുമടങ്ങിയ പുതിയ കൂട്ടുകക്ഷി സർക്കാരിൻറെ ഭാവിയെന്തായിരിക്കും? പാക്കിസ്ഥാനിലെ പുതിയ സർക്കാരിനെ കാത്തിരിക്കുന്ന ‌വെല്ലുവിളികളെന്തെല്ലാമാണ്? അയൽനാട്ടിലെ പുതിയ ഭരണകൂടത്തിന് ഇന്ത്യയോടും ഇന്ത്യയ്ക്ക് തിരിച്ചുമുള്ള മനോഭാവമെന്തായിരിക്കും?
SCIENTWIST

ഇലയിട്ടോളൂ, കൊറിയയിൽ ഇറച്ചിച്ചോറ് വേവുന്നു

ഇറച്ചി കഴിക്കുന്ന മലയാളികൾക്കു പ്രിയപ്പെട്ട ആഹാരമാണ് ഇറച്ചിച്ചോറ്. ഇറച്ചിച്ചോറിന്റെ ആരാധകരേ, നിങ്ങൾക്കൊരു സന്തോഷവാർത്ത ദക്ഷിണ കെ‍ാറിയയിൽനിന്നു വരുന്നു. യോൻസോയ് സർവകലാശാലയിലെ ജനിതക, രസതന്ത്ര എൻജിനീയർമാരാണു കണ്ടുപിടിത്തത്തിനു പിന്നിൽ. കെമിക്കൽ എൻജിനീയർ സോഹിയോൻ പാർക്കാണ് നേതൃത്വം നൽകിയത്. അരി തന്നെയാണ് മുഖ്യ അസംസ്കൃതവസ്തു. രസതന്ത്രത്തിന്റെ കണ്ണിൽ അരി കാർബോഹൈഡ്രേറ്റാണ്. കാർബൺ, ഹൈഡ്രജൻ, ഓക്സിജൻ മൂലകങ്ങളുടെ അണുക്കൾ ചേർന്നാണ് ഇതുണ്ടാകുന്നത്. ഇതിൽ ഹൈഡ്രജന്റെയും ഓക്സിജന്റെയും അണുക്കളുടെ അനുപാതം വെള്ളത്തിലേതു പോലെയാണ്. ..
അന്ന് മോദി പറഞ്ഞു, തരാം 50 രൂപയ്ക്ക് പെട്രോൾ: തിരഞ്ഞെടുപ്പിന് മുൻപ് വരുമോ സർ‘പ്രൈസ്’; എണ്ണക്കമ്പനി ലാഭം ശതകോടികൾ

ഇന്ത്യയിൽ വാണിജ്യാടിസ്ഥാനത്തിലുള്ള പാചകവാതക സിലിണ്ടറിന് 25.50 രൂപ കൂട്ടിയെന്ന വാർത്തയുമായാണ് മാർച്ച് മാസത്തിന്റെ തുടക്കംതന്നെ. ഇത് ഓർമയിലേക്ക് കൊണ്ടുവരുന്നത് 2014ലെ പൊതുതിരഞ്ഞെടുപ്പു കാലമാണ്. അന്നും ബിജെപിയുടെ താരപ്രചാരകൻ നരേന്ദ്ര മോദിയായിരുന്നു. രാജ്യത്താകമാനം 270ലേറെ വേദികളിൽ പ്രസംഗിച്ച അദ്ദേഹം ഇന്ധനവിലക്കയറ്റത്തെ കുറിച്ച് പറയാൻ പ്രത്യേകം ശ്രദ്ധിച്ചു. 80 രൂപ 90 പൈസയായിരുന്നു അന്ന് ഒരു ലീറ്റർ പെട്രോളിന്റെ വില. മധ്യവർഗം നിർണായക വോട്ടുബാങ്കായ നഗരങ്ങളിൽ മാത്രമല്ല, ചെറുഗ്രാമങ്ങളിലും ഇന്ധനവില പ്രധാന തിരഞ്ഞെടുപ്പ് വിഷയമാക്കി മോദിയും ബിജെപിയും. അധികാരത്തിലെത്തിയാൽ പെട്രോളിന്റെ വില ലീറ്ററിന് 50 രൂപയും ഡീസിലിന്റെ വില അറുപതിൽ നിന്ന് നാൽപതുമാക്കി കുറയ്ക്കുമെന്നുമായിരുന്നു ബിജെപി ക്യാംപിലെ പ്രധാന വാഗ്ദാനം. തീർന്നില്ല 550–560 രൂപാ നിരക്കിൽ ലഭിച്ചുവന്ന പാചകവാതകത്തിന്റെ വില സിലിണ്ടറിന് 360 രൂപ, പരമാവധി കൂടിയാൽ 370 രൂപ, നിരക്കിൽ നൽകുമെന്നും പ്രഖ്യാപിച്ചു. ഇതോടെ ജനം കയ്യടിക്കുകയും ആറു ഘട്ടങ്ങളിലായി നടന്ന തിരഞ്ഞെടുപ്പിൽ താമര ചിഹ്നത്തിനു നേർക്ക് മഷിപുരണ്ട വിരലുകൾ ആഞ്ഞ് കുത്തുകയും ചെയ്തു. എന്നാൽ പത്തു വർഷങ്ങൾക്കിപ്പുറം രാജ്യം വീണ്ടുമൊരു പൊതു തിരഞ്ഞെടുപ്പിലേക്കു പോകുമ്പോൾ എണ്ണവിലയുടെ കാര്യത്തിൽ ഒരക്ഷരം മിണ്ടാൻ ഭരണപ്പാർട്ടിയിലെ നേതാക്കൾ മടിക്കുകയാണ്.
എത്ര അകലെയാവണം അടുപ്പം? - ബി.എസ്.വാരിയർ എഴുതുന്നു

‘ക്ഷണമില്ലാതെ എത്ര തവണയും ചെല്ലാവുന്ന വീട്, നിങ്ങളുടെ സാന്നിധ്യവും അച്ഛനമ്മമാരുടെ മുഖത്തോട്ടുള്ള നോട്ടവും പരമാനന്ദം പകരുന്ന വീട്, ചെല്ലാതിരുന്നാൽ ഉടമയുടെ ഹൃദയം വേദനിക്കുന്ന വീട്’ എന്നെല്ലാം അച്ഛനമ്മമാരുടെ വീടിനെ വാഴ്ത്തുകയാണ് ‘പേരന്റ്സ് ഹൗസ്’ എന്ന ചെറുകവിതയിൽ പ്രശസ്ത ലെബനീസ്–അമേരിക്കൻ കവി ഖലീൽ ജിബ്രാൻ (1883–1931). അതുവഴി അതിരില്ലാത്ത ഹൃദയബന്ധത്തെയും ജിബ്രാൻ സൂചിപ്പിക്കുന്നു. പക്ഷേ, ഇതേ ജിബ്രാൻതന്നെ ‘ഓൺ മാര്യേജ്’ എന്ന കവിതയിൽ ദാമ്പത്യബന്ധത്തിൽ പാലിക്കേണ്ട ബന്ധത്തെപ്പറ്റി പറയുന്നതു കേൾക്കുക. ‘പരസ്പരം സ്നേഹിക്കുക, പക്ഷേ സ്നേഹബന്ധനം വേണ്ട. നിങ്ങളുടെ ആത്മാക്കളുടെ തീരങ്ങൾക്കിടയിൽ ചലിക്കുന്ന സമുദ്രമാവട്ടെ സ്നേഹം. പരസ്പരം കപ്പുനിറച്ചുകൊടുക്കുക; പക്ഷേ ഒരേ കപ്പിൽനിന്നു കുടിക്കേണ്ട’. പൗരസ്ത്യസംസ്കാരം ഇതു പൂർണമായി അംഗീകരിക്കുന്നില്ലെന്നതു മറ്റൊരു കാര്യം.
ISSUE OPINION

അവർ എന്റെ തല പിടിച്ചു ഭിത്തിയിൽ ഇടിച്ചു! ക്യാംപസിൽ നടക്കുന്നത്: ആക്രമിക്കപ്പെട്ട വിദ്യാർഥിനി എഴുതുന്നു

ക്യാംപസുകളിൽ നടന്ന ക്രൂരമായ റാഗിങ്ങിന്റെ ഞെട്ടലിലാണ് കേരളം. ഒരുകാലത്ത് ക്യാംപസുകളുടെ പേടിസ്വപ്നമായിരുന്ന റാഗിങ് വീണ്ടും തലപൊക്കുകയാണോ? ക്യാംപസുകളിൽ സഹപാഠികളുടെ ആക്രമണത്തിന് ഇരയാകുന്ന വിദ്യാർഥികളുടെ മാനസികാവസ്ഥ എങ്ങനെയാണ്? ആ അനുഭവം മനോരമ ഓൺലൈൻ പ്രീമിയം ‘ഇഷ്യു ഒപിനിയനിൽ’ പങ്കു വയ്ക്കുകയാണ് നിള എസ്. പണിക്കർ. സമാന വിഷയത്തിൽ രണ്ട് വിദ്യാർഥികളോട് വ്യത്യസ്ത നിലപാട് സ്വീകരിച്ചതിന് എതിരെ പ്രതികരിച്ചതിന്റെ പേരിൽ സഹപാഠിയിൽനിന്ന് കഠിനമായ ആക്രമണം നേരിടേണ്ടിവന്ന അനുഭവമാണ് പത്തനംതിട്ട കടമ്മനിട്ട മൗണ്ട് സിയോൺ ലോ കോളജിലെ നിള എസ്.പണിക്കരുടേത്. 2023 ഡിസംബർ 20ന് നടന്ന സംഭവത്തിന്റെ ഞെട്ടലിൽ നിന്ന് ഈ മൂന്നാം വർഷ നിയമ വിദ്യാർഥിനി ഇപ്പോഴും മോചിതയായിട്ടില്ല. മാനസിക പീഡനത്തിനൊപ്പം ശക്തമായ ശാരീരിക ഉപദ്രവവും ഏൽക്കേണ്ടി വന്ന നിളയുടെ ഇരു ചെവികളുടെയും കേൾവി ശക്തിക്കും കാര്യമായ തകരാർ സംഭവിച്ചിരുന്നു. പൂക്കോട് വെറ്ററിനറി സർവകലാശാല ക്യാംപസിൽ നടന്ന അതിക്രൂരമായ റാഗിങ്ങും തുടർന്നുണ്ടായ മരണവും കേരളം ചർച്ച ചെയ്യുമ്പോൾ നിളയ്ക്കും പറയാനുണ്ട് ചില കാര്യങ്ങൾ. ആ വാക്കുകളിലേക്ക്...
ലീഗിന് മൂന്നാം സീറ്റില്ല: ആ തീരുമാനത്തിനു പിന്നിലുണ്ട് ഒരു ‘രഹസ്യ’ പ്രശ്നം; കോൺഗ്രസും തിരിച്ചറിയണം ആറിടത്തെ യാഥാർഥ്യം

രാജ്യസഭാ സീറ്റ് നൽകിയതോടെ മൂന്നാം സീറ്റ് ആവശ്യമെന്ന ലീഗിന്റെ പ്രശ്നം പരിഹരിക്കപ്പെട്ടിരിക്കുന്നു. പക്ഷേ താൽക്കാലിക അടിസ്ഥാനത്തിലാണെന്ന് മാത്രം. ആവശ്യത്തിൽനിന്നു പിന്നാക്കം പോയെങ്കിലും പ്രശ്നത്തിന്റെ അലയൊലികൾ സമൂഹമാധ്യമങ്ങളിലും മറ്റും ഒതുങ്ങിയിട്ടില്ല. ലോക്സഭാ തിരഞ്ഞെടുപ്പിലെ മൂന്നാം സീറ്റ് വർഷങ്ങളായി ലീഗിന്റെ ആവശ്യമാണ്. പതിവിനു വിപരീതമായി, ഇത്തവണ ലീഗിനു വേണ്ടി വാദിക്കാൻ എൽഡിഎഫ് രംഗത്തെത്തിയതും ശ്രദ്ധേയമായിരുന്നു. ലോക്സഭാ തിരഞ്ഞെടുപ്പ് പടിവാതിൽക്കൽ എത്തിനിൽക്കെ എന്തുകൊണ്ടാണ് മൂന്നാം സീറ്റ് ലീഗ് ആവശ്യപ്പെട്ടത്? യുഡിഎഫിന്റെ കെട്ടുറപ്പിനെ ലീഗിന്റെ സീറ്റു വിവാദം ബാധിച്ചോ? ‌കാലങ്ങളായുള്ള ആവശ്യം ഇത്തവണ ശക്തമാക്കാൻ ലീഗ് തീരുമാനിച്ചത് എന്തുകൊണ്ടായിരിക്കും? രാജ്യസഭ സീറ്റായിരുന്നോ ശരിക്കും ലീഗിന്റെ പ്രധാന ആവശ്യം? പ്രധാനമായ ലോക്സഭാ തിരഞ്ഞെടുപ്പിൽ കോൺഗ്രസിന് ലീഗിന് കൂടുതൽ സീറ്റ് നൽകാൻ കഴിയുമായിരുന്നോ? ബിജെപിയും സിപിഎമ്മും മുതലെടുക്കാൻ ശ്രമിക്കുന്ന ഈ വിഷയത്തിൽ കോൺഗ്രസിന്റെ തീരുമാനം ശരിയാണോ? വിശദമായി പരിശോധിക്കാം.
Pen Drive

തിരഞ്ഞെടുപ്പ്, പ്രചാരണം, പീഡനം

കേരളത്തിലെ പരമ്പരാഗത രാഷ്ട്രീയപാർട്ടികളുടെ തിരഞ്ഞെടുപ്പു പ്രചാരണതന്ത്രങ്ങൾ കാലഹരണപ്പെട്ടതും പ്രാകൃതവും ജനാധിപത്യവിരുദ്ധവുമാണെന്ന് അവർ എന്നാണ് തിരിച്ചറിയുക? എന്നാണവർ ജനങ്ങളോടു വോട്ടു ചോദിക്കാൻ മര്യാദയുള്ള മാർഗങ്ങൾ കണ്ടെത്തുക? നിലവിലുള്ള അവരുടെ തന്ത്രങ്ങളെ, ആസൂത്രണപരമായും സമൂഹമാധ്യമ സാമർഥ്യത്തോടെയും കുശാഗ്രബുദ്ധിയോടെയും കവച്ചുവയ്ക്കുന്ന കൊടുംതന്ത്രങ്ങൾ ചിലരെങ്കിലും നടപ്പാക്കിക്കൊണ്ടിരിക്കുകയാണെന്നു മനസ്സിലാക്കാൻ അവർക്കു ത്രാണിയില്ലെന്നത് മറ്റൊരു ദുരന്തം.
അന്ന് 530 രൂപ, ഇന്ന് മൂല്യം 1175; മോദിയുടെ പ്രസ്താവനയ്ക്ക് പിന്നാലെ കുതിച്ച് എൽഐസി ഓഹരി; അദാനിയെ ‘രക്ഷിച്ചത്’ ഇരട്ടി നേട്ടം?

‘‘പൊതുമേഖലാ സ്ഥാപനങ്ങളുടെ കാര്യത്തിൽ ജനങ്ങളുടെ വിശ്വാസം മെച്ചപ്പെട്ടിരിക്കുന്നു. കഴിഞ്ഞ ഏതാനും വർഷങ്ങളിൽ പൊതുമേഖലാ സ്ഥാപനങ്ങളുടെ മൊത്തം മൂല്യം മുൻപെങ്ങുമില്ലാത്ത വിധം കുതിച്ചുയരുകയാണ്. പ്രതിപക്ഷം എൽഐസിയെക്കുറിച്ച് കിംവദന്തികൾ പ്രചരിപ്പിച്ചു, എന്നാൽ ഇന്ന് ആ കമ്പനിയുടെ ഓഹരികളിന്മേൽ റെക്കോർഡ് വിലയിലാണ് വ്യാപാരം നടക്കുന്നത്’’ 2024 ഫെബ്രുവരി 6 ന് രാജ്യസഭയെ അഭിസംബോധന ചെയ്ത് പ്രധാനമന്ത്രി നരേന്ദ്ര മോദി പറഞ്ഞ വാക്കുകളാണിത്. ഓഹരി വിപണിയിൽ ലൈഫ് ഇൻഷുറൻസ് കോർപറേഷൻ ഓഫ് ഇന്ത്യയുടെയും (എൽഐസി) മറ്റു പൊതു മേഖലാ കമ്പനികളുടെയും വൻ കുതിപ്പിന് ഈ പ്രസ്താവന കാരണമായി. എൽഐസിയുടെ മൂന്നാം പാദ റിപ്പോർട്ട് വരുന്നതിനു തൊട്ടു മുൻപായിരുന്നു മോദിയുടെ പ്രതികരണമെന്നതും ശ്രദ്ധേയമാണ്. ഇതോടെ ഫെബ്രുവരി ആദ്യ വാരത്തിൽ എൽഐസിയുടെ ഓഹരികൾ കുത്തനെ ഉയർന്നു. 2023 നവംബർ മുതൽ 2024 ഫെബ്രുവരി വരെയുള്ള നാല് മാസങ്ങളിൽ എൽഐസി ഓഹരികൾ വൻ കുതിപ്പാണ് നടത്തിയത്. 54 ആഴ്ചയിലെ കണക്കെടുത്താൽ എൽഐസി ഓഹരി വില ഏകദേശം 530 രൂപയിൽ നിന്ന് 1175 രൂപ വരെ ഉയർന്നു. ഈ സമയത്ത് ഏകദേശം 75 ശതമാനം കുതിപ്പാണ് രേഖപ്പെടുത്തിയത്. എൽഐസി ഓഹരി വിലയുടെ അതിവേഗ കുതിപ്പ് നിക്ഷേപകരെയും വിപണി നിരീക്ഷിക്കുന്നവരെയും ഒരുപോലെ ആകർഷിച്ചു, ഇത് രാജ്യത്തെ സാമ്പത്തിക രംഗത്ത് ശ്രദ്ധേയമായ ഒരു അധ്യായം അടയാളപ്പെടുത്തുകയും ചെയ്തു. ഇന്ത്യൻ ഇന്‍ഷുറൻസ് മേഖലയിലെ ഏറ്റവും വലുതും സ്വാധീനമുള്ളതുമായ കമ്പനികളിൽ ഒന്നായ എൽഐസി, രാജ്യത്തിന്റെ സാമ്പത്തിക മേഖലയെ രൂപപ്പെടുത്തുന്നതിൽ നിർണായക പങ്കാണ് വഹിക്കുന്നത്. 2022 ൽ മേയ്– ജൂലൈ മാസങ്ങളിൽ വിപണിയിൽ ഒന്നടങ്കം ആശങ്ക രേഖപ്പെടുത്തിയ എൽഐസിയാണ് പിന്നീട് കുതിപ്പിലേക്ക് ഉയർന്നത്. സർക്കാരിനു പോലും ആശങ്കയുണ്ടായിരുന്നു, തുടക്കത്തിൽ തന്നെ ‘ആങ്കർ’ നിക്ഷേപകർ കൈവിട്ടു. എന്നാൽ 2023 മാർച്ചിൽ വൻ ഇടിവ് രേഖപ്പെടുത്തിയ എൽഐസിക്ക് പിന്നീടുള്ള മാസങ്ങൾ കുതിപ്പിന്റേതായിരുന്നു. അതൊരു ചരിത്ര കുതിപ്പായിരുന്നു. എങ്ങനെയാണ് എൽഐസി കേവലം നാല് മാസത്തിനുള്ളിൽ രക്ഷപ്പെട്ടത്? വിപണിയിൽ മുന്നേറാൻ അവരെ സഹായിച്ച പ്രധാന ഘടകങ്ങൾ എന്തെല്ലാമാണ്? എൽഐഎസി ഓഹരികൾ വിശ്വസിച്ച് വാങ്ങാമോ? വിശദമായി പരിശോധിക്കാം.
50 വർഷത്തേയ്ക്ക് മൊബൈലും ലാപ്‌ടോപും ചാർജ് ചെയ്യേണ്ട; അദ്ഭുത ബാറ്ററി ചൈനയിൽ; അപകടമാകുമോ ‘ആണവം?’

ഒരിക്കൽ ബഗ്ദാദിൽ നിന്ന് ചെറിയൊരു ഭരണിപോലുള്ള വസ്തു കണ്ടെടുത്തു. നൂറ്റാണ്ടുകൾക്കു മുൻപ് നിർമിച്ചത്. ചെമ്പും ഇരുമ്പും ചേർന്ന സിലിണ്ടറാകൃതിയിലുള്ള ലോഹവസ്തുവും ആ ഭരണിയിലുണ്ടായിരുന്നു. 1936ലാണ് പുരാവസ്തുക്കൾക്കായുള്ള ഉദ്ഖനനത്തിനിടെ ഇതു കണ്ടെത്തുന്നത്. ഇതു പിന്നീട് ഇറാഖിലെ മ്യൂസിയത്തിലേക്കു മാറ്റി. ഒരു ജർമൻ ഗവേഷന്റെ ശ്രദ്ധയിൽപ്പെട്ടതോടെ ‘ഭരണി ബാറ്ററി’ ലോകം മുഴുവൻ പ്രശസ്തിനേടി. ധാരാളം ദുരൂഹതാ സിദ്ധാന്തങ്ങളും ഇതേക്കുറിച്ച് ഉയർന്നു. ഇതൊരു യഥാർഥ ബാറ്ററിയാണെന്നായിരുന്നു ഏറെ പ്രചാരം നേടിയ വാദം. എന്നാൽ ഇതു സ്ഥിതീകരിക്കപ്പെട്ടില്ല. 2003ൽ യുഎസ് നടത്തിയ അധിനിവേശത്തിൽ, ഇറാഖിലെ ദേശീയ മ്യൂസിയത്തിലിരുന്ന ഈ ചരിത്രവസ്തു അപ്രത്യക്ഷമായി. ഇന്നേവരെ അതു തിരിച്ചു കിട്ടിയിട്ടുമില്ല. പതിനെട്ടാം നൂറ്റാണ്ടിന്റെ മധ്യകാലം മുതൽക്കുതന്നെ ബാറ്ററികൾ നിർമിക്കാനുള്ള ശ്രമം വളരെ ഊർജിതമായിരുന്നു. 19-ാം നൂറ്റാണ്ടിന്റെ തുടക്കത്തിൽ ഇറ്റാലിയൻ ശാസ്ത്രജ്ഞനായ അലക്സാൻഡ്രോ വോൾട്ടയാണ് പക്ഷേ, ആദ്യത്തെ ലക്ഷണമൊത്ത ബാറ്ററി കണ്ടെത്തിയത്. ഇരുപത്തിയൊന്നാം നൂറ്റാണ്ടിലെത്തുമ്പോൾ ബാറ്ററികളിൽ അസാധാരണമായൊരു മാറ്റമാണ് സംഭവിച്ചിരിക്കുന്നത്!
Tattoo Times

തിമിലയെനിക്കൊന്ന് കൊട്ടണം കാന്താ

കേരളത്തിൽ കത്തുന്ന വെയിലിന്റെ മാത്രമല്ല പൂരങ്ങളുടെയും പെരുന്നാളുകളുടെയും കൂടി സീസണാണല്ലോ ഇത്. എല്ലാം മഴയില്ലാത്ത കാലം നോക്കി സെറ്റാക്കിയതാണെന്നർഥം. ഒരുവശത്ത് ഇന്റർനെറ്റും മറുവശത്ത് ന്യൂജനങ്ങളും ചേർന്ന് ജീവിതത്തിലെ മറ്റനേകം സംഗതികൾ അടിമുടി മാറ്റിയിട്ടും പൊതുഇടങ്ങളിൽ അരങ്ങേറുന്ന നമ്മുടെ ഈ വമ്പൻ ആഘോഷങ്ങൾ മാത്രം എങ്ങനെയാണ് ആണുങ്ങൾ മാത്രം ആസ്വദിക്കുന്ന ആഘോഷങ്ങളായി തുടരുന്നതെന്നു ചോദിക്കാൻ പോകുകയായിരുന്നു. ആൺമേളക്കാർ, ആൺകാണികൾ, ആണാനകൾ... എന്ന് എഴുതിവന്നപ്പോഴാണ് കഴിഞ്ഞ ദിവസം വായിച്ച ഒരു വാർത്ത ഓർമ വന്നത്.
ഗുജറാത്തിൽ സമ്പന്നർക്ക് പരവതാനി, കടം വാങ്ങി ഊട്ടുന്ന കേരളം; ഏതാണ് വികസന വഴിയിലെ നല്ല മാതൃക?

ഗുജറാത്തിന്റെയോ കേരളത്തിന്റെയോ വികസനത്തെ കുറിച്ച് പറഞ്ഞാൽ ‘യോദ്ധ’ സിനിമയിലെ തൈപ്പറമ്പിൽ അശോകനും അരശുമ്മൂട്ടിൽ അപ്പുക്കുട്ടനും ആകാനാണ് ചിലർക്ക് ഇഷ്ടം. ഇരുകൂട്ടരും പരസ്പരം ജയിക്കാനായി വാദിച്ചുകൊണ്ടേ ഇരിക്കും. ഉദാഹരണത്തിന് അടുത്തിടെ റിസർവ് ബാങ്ക് പുറത്തിറക്കിയ ഒരു റിപ്പോർട്ടിൽ രാജ്യത്ത് ദിവസ വേതനം കുറവുള്ള സംസ്ഥാനങ്ങളുടെ കൂട്ടത്തിലായിരുന്നു ഗുജറാത്ത്, കേരളമാകട്ടെ പട്ടികയിൽ ഒന്നാം സ്ഥാനത്തും. ഇക്കാര്യം പറഞ്ഞാൽ, കേരളത്തിൽ ജോലി തേടി വന്നവരിൽ ഏതെങ്കിലും ഗുജറാത്തിയെ കണ്ടിട്ടുണ്ടോ എന്നാകും മറുചോദ്യം? ഈ ചോദ്യത്തിനുള്ള ഉത്തരം ഇവിടെയുണ്ട്. ഗുജറാത്ത് മോഡൽ, കേരള മോഡൽ എന്ന് പൊതുവേ അറിയപ്പെടുന്ന രണ്ടു സംസ്ഥാനങ്ങളുടേയും സാമ്പത്തിക വികസന മാതൃകകൾ യഥാർഥത്തിൽ എന്താണ്? ഇവയുടെ ഗുണങ്ങളും ദോഷങ്ങളും എന്തെല്ലാമാണ്? വിവിധ കണക്കുകളുടെ അടിസ്ഥാനത്തിൽ വിശദമായി പരിശോധിക്കാം.
INDIA FILE

ഗർജിക്കുന്ന ഹർജി

ഇന്ത്യയെന്ന ഭാരതത്തെ സംബന്ധിച്ചിടത്തോളം പ്രാധാന്യമുള്ളതാണ് കൽക്കട്ട ഹൈക്കോടതിയുടെ ജയ്പാൽഗുഡി സർക്കീറ്റ് ബെഞ്ച് പരിഗണിച്ച 360/2024 നമ്പർ റിട്ട് ഹർ‍ജി. കാരണം, അതു കാര്യങ്ങൾ മൃഗശാലവരെ എത്തിനിൽക്കുന്നു എന്നു വ്യക്തമാക്കുന്നതും അടുത്തതെന്ത് എന്നു ചോദിക്കാൻ പ്രേരിപ്പിക്കുന്നതുമാണ്. അങ്ങനെ നോക്കുമ്പോൾ വിശ്വഹിന്ദു പരിഷത്ത് നൽകിയ ഹർജി ജനോപകാരപ്രദമാണ്; പൊതുതാൽപര്യ ഹർജിയായി അതിനെ മാറ്റണമെന്ന ഹൈക്കോടതിയുടെ നിർദേശം പ്രത്യേക പരാമർശം അർഹിക്കുന്നു.
കേന്ദ്ര അഴിമതിക്കെതിരെ സുരേന്ദ്രന്റെ പാട്ട്! ‘എല്ലാം മോദിയല്ലേ’; സുധാകരന്റെ ‘മ’യിൽ മറയുമോ പിണറായി വിഎസിനെ വിളിച്ചത്...

‘മനുഷ്യന്റെ ഓരോ യാത്രകളും ഒരു പാഠം പഠിക്കലാണെന്നാണ്’ കേട്ടിരിക്കുന്നത്. രാഷ്ട്രീയത്തിൽ അത് അച്ചട്ടാവുന്ന കാഴ്ചയാണ് കാണാനാകുന്നത്. യാത്രയിൽനിന്ന് ആദ്യ പാഠം പഠിച്ചത് കെപിസിസി പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനുമായിരുന്നു. ഇരുവരും നയിക്കുന്ന ‘സമരാഗ്നി ജനകീയ പ്രക്ഷോഭയാത്ര’ ആലപ്പുഴയിലെത്തിയപ്പോള്‍ നടന്ന ‘മ’ പ്രയോഗം നിമിഷനേരംകൊണ്ടാണ് വൈറലായത്. പിന്നെ ചാനൽ ചർച്ചയായി, പോസ്റ്റുകളായി, വിഡിയോകളായി... അവിടെയും തീർന്നില്ല. ബിജെപി സംസ്ഥാന അധ്യക്ഷന്‍ കെ. സുരേന്ദ്രൻ നടത്തിയ കേരള പദയാത്രയ്ക്കിടെ അദ്ദേഹത്തെ ‘പാഠം പഠിപ്പിച്ചത്’ ഒരു ഫ്ലെക്സായിരുന്നു. യാത്രയ്ക്കിടെ അണികളെ ആവേശഭരിതരാക്കാൻ ഒരുക്കിയ പാട്ടുംതന്നു മുട്ടനൊരു പണി. എന്തായാലും, നേതാക്കന്മാരുടെ ദേഷ്യവും സങ്കടവും നിരാശയുമെല്ലാം ഇത്തരത്തിൽ പുറത്തു വരുമ്പോൾ പരസ്പരം ചെളി വാരിയെറിയുന്നതിനു മാത്രം ഒരു കുറവുമില്ല. കോൺഗ്രസിനെയും ബിജെപിയെയും കണക്കിനു കളിയാക്കുന്ന സിപിഎം പക്ഷേ ചരിത്രം അവർക്കു മേലൊരു വാളായി നിൽക്കുന്നതു മാത്രം അറിയുന്നില്ല. പാർട്ടിയുടെ സമുന്നത നേതാവ് വി.എസ്. അച്യുതാനന്ദനു നേരെ ഒന്നരപ്പതിറ്റാണ്ട് മുൻപ് സിപിഎം നേതാക്കൾ നടത്തിയ പദപ്രയോഗങ്ങൾ അത്ര പെട്ടെന്നു മറക്കാനാകുമോ? രാഷ്ട്രീയ നേതാക്കളുടെ നാക്കുപിഴയിലും മനഃപൂർവമുള്ള പറച്ചിലിലും ആരും പിന്നിലല്ലെന്ന് ഉദാഹരണം സഹിതം വ്യക്തമാക്കുകയാണ് ‘ദ് പവർ പൊളിറ്റിക്സ്’.
ശൈലജയുടെ ‘ഹമാസ്’ പ്രസ്താവന ബിജെപി വോട്ടു ലക്ഷ്യമിട്ട്; സുധാകരനും സതീശനും സൗഹൃദമത്സരത്തിലെന്നും മുരളി

ലോക്സഭാ തിരഞ്ഞെടുപ്പിൽ കേരളം ഉറ്റുനോക്കുന്ന പോരാട്ടത്തിനാണ് വടകര വേദിയാകുന്നത്. കോൺഗ്രസിന്റെ കരുത്തനായ സ്ഥാനാർഥി കെപിസിസി മുൻ പ്രസിഡന്റ് കെ.മുരളീധരനെതിരെ സിപിഎം അവിടെ രംഗത്തിറക്കിയിരിക്കുന്നത് മുൻമന്ത്രിയും കേന്ദ്ര കമ്മിറ്റി അംഗവുമായ കെ.കെ.ശൈലജയെ. സിറ്റിങ് സീറ്റ് നിലനിർത്തുമെന്ന ആത്മവിശ്വാസത്തോടെ മുരളി കളത്തിലിറങ്ങിക്കഴിഞ്ഞു. സ്ഥാനാർഥിത്വം ഔദ്യോഗികമായി പ്രഖ്യാപിക്കാത്തത് മുരളിക്ക് ഒരു തടസ്സമല്ല. സംസ്ഥാനത്തെ കോൺഗ്രസിനെ നയിക്കുന്ന നേതാക്കളിൽ ഒരാളായ കെ.മുരളീധരൻ വടകരയിലെയും കേരളത്തിലെയും യുഡിഎഫ് സാധ്യതകൾ വിശകലനം ചെയ്യുന്നു. മലയാള മനോരമ തിരുവനന്തപുരം ചീഫ് ഓഫ് ബ്യൂറോ സുജിത് നായരുമായി ‘ക്രോസ് ഫയറിൽ’ മുരളീധരൻ സംസാരിക്കുന്നു.
ആ കൊലപാതകം സിപിഎമ്മിന്റെ ശൈലി; തിരുത്തിയില്ലെങ്കില്‍ ജനം തിരുത്തിക്കും; വീണയെ സംരക്ഷിക്കേണ്ട ബാധ്യത പാർട്ടിക്കുണ്ടോ?

കേരള മനഃസാക്ഷിയെ ഞെട്ടിച്ച ടി.പി.ചന്ദ്രശേഖരൻ കൊലപാതകക്കേസിൽ വിചാരണക്കോടതി വിധി വന്ന് പത്തുവർഷം തികയുമ്പോഴാണ് 12 പ്രതികൾ കുറ്റക്കാർ തന്നെയെന്ന ഹൈക്കോടതി വിധി വന്നത്. രണ്ടു സിപിഎം നേതാക്കളെ വിട്ടയച്ച വിചാരണക്കോടതി നടപടി ഹൈക്കോടതി റദ്ദാക്കുകയും ചെയ്തു. സിപിഎമ്മിനേറ്റ കനത്ത പ്രഹരമായിരുന്നു ഹൈക്കോടതി വിധി. സാക്ഷികളുടെ കൂറുമാറ്റവും അന്വേഷണ ഉദ്യോഗസ്ഥരെ വേട്ടയാടലും പ്രതികൾക്ക് ജയിലിൽ ലഭിച്ച സൗകര്യങ്ങളുമടക്കം കഴിഞ്ഞ 12 വർഷമായി വിവാദങ്ങളൊഴിഞ്ഞിട്ടില്ല ടി.പി.ചന്ദ്രശേഖരൻ കേസിൽ. കേരളത്തിലെ രാഷ്ട്രീയ കൊലപാതകങ്ങളുടെ പരമ്പരയിൽ സമാനതകളില്ലാത്ത ക്രൂരതയായി ടി.പി.ചന്ദ്രശേഖരന്റെ രക്തസാക്ഷിത്വം മാറി. ഏറ്റവുമൊടുവിൽ സിപിഎം കൊയിലാണ്ടി ലോക്കൽ കമ്മിറ്റി സെക്രട്ടറി വി.പി.സത്യനാഥന്റെ(62) കൊലപാതകത്തോടെ രാഷ്ട്രീയ കൊലപാതകങ്ങൾ വീണ്ടും ചർച്ചയാവുകയാണ്. പിടിയിലായ പ്രതിയെ മുൻപ് തന്നെ പാർട്ടിയിൽ നിന്ന് പുറത്താക്കിയതാണെന്ന് സിപിഎം വിശദീകരിക്കുമ്പോൾ രാഷ്ട്രീയ പ്രതിസന്ധി വരുമ്പോൾ കൊലപാതകം നടത്തുകയെന്നത് സിപിഎമ്മിന്റെ ശൈലിയാണെന്നാണ് പ്രതിപക്ഷ നേതാവ് വി.ഡി.സതീശനും കെപിസിസി പ്രസിഡന്റ് കെ.സുധാകരനും പ്രതികരിച്ചത്. ടിപി കേസിന്റെ തുടക്കം മുതൽ നൈതികതയേതുമില്ലാതെ കേസിനെ ദുർബലപ്പെടുത്താനും പ്രതികളെ സംരക്ഷിക്കാനും സിപിഎം കാണിച്ച വ്യഗ്രതയെ കുറിച്ച് മനോരമ ഓണ്‍ലൈൻ പ്രീമിയത്തിൽ തുറന്നുപറയുകയാണ് ആർഎംപി നേതാവും ടി.പി.ചന്ദ്രശേഖരന്റെ സഹയാത്രികനുമായിരുന്ന എൻ.വേണു. ∙ ടി.പി.ചന്ദ്രശേഖരൻ കൊല്ലപ്പെട്ടിട്ട് ഈ മേയ് നാലിന് 12 വർഷം പൂർത്തിയാകുകയാണ്. കേസ് അന്വേഷണവും നിയമനടപടികളും ഒരു വ്യാഴവട്ടത്തോട് അടുക്കുമ്പോഴാണ് ഹൈക്കോടതിയുടെ നിർണായകമായ വിധി വന്നിരിക്കുന്നത്. വിധിയെ ആർഎംപി എങ്ങനെ നോക്കിക്കാണുന്നു?
ആരെയാണു നാം വിശ്വസിക്കുക!

കായികരംഗത്തെന്നല്ല, പൊതുരംഗത്തും അസാധാരണപ്രചാരം കൈവരിച്ച ചിത്രമാണ് നിങ്ങൾ ഇക്കാണുന്നത്. 1986ലെ ഫുട്ബോൾ വേൾഡ് കപ്പുസമയത്തെടുത്ത ചിത്രം. മറഡോണ, പെലേ, പ്ലാറ്റിനി എന്നിവരാണ് ചിത്രത്തിൽ. മൂവരും രാജ്യാന്തര ഫുട്ബോളിൽ മഹാവിജയങ്ങൾ നേടിയ പ്രതിഭാശാലികൾ. അവരുടെ ഓരോ ചലനവും ആരാധകർ താൽപര്യത്തോടെ നോക്കിയിരുന്നു. അവർ മുന്നോട്ടുവച്ച മഹിതമായ ആദർശങ്ങൾ ജനങ്ങൾ കുറെയൊക്കെ സ്വീകരിക്കുകയും ചെയ്തു. മയക്കുമരുന്നിനെതിരെ മറഡോണ പൊരുതി. കുട്ടികളുടെ അവകാശങ്ങൾക്കു വേണ്ടി പെലേ വാദിച്ചു. അഴിമതിക്കെതിര പ്ലാറ്റിനി ശ്രദ്ധയാകർഷിച്ചു.
പ്രജകളല്ല, നാം പൗരരാണ്

രാഷ്ട്രീയപാർട്ടികളുടെ നിയന്ത്രണം വൻകിട കോർപറേറ്റുകളുടെ കൈകളിലേക്കു വഴുതിവീണേക്കാവുന്ന അപകടകരമായ പ്രതിസന്ധിയെക്കുറിച്ച് ആദ്യം പ്രവചിച്ച ഒരാൾ ഏബ്രഹാം ലിങ്കണായിരുന്നു. അതിവിദൂരമല്ലാത്ത ഭാവിയിൽ അമേരിക്കൻ റിപ്പബ്ലിക്കിന്റെ ഉന്മൂലനാശത്തിന് ഇടയാക്കുന്ന തരത്തിൽ രാഷ്ട്രീയരംഗത്തു പണം സുപ്രധാനഘടകമാവുകയും
5 വർഷത്തിനിടെ മനംമാറി സിപിഎം; അന്ന് സ്ഥാനാർഥിയായ പി.ജയരാജന് സ്ഥാനം പോയി, ഇന്ന് ‘സ്ഥാന’മുള്ള സ്ഥാനാർഥികൾ

ജില്ലാ സെക്രട്ടറി സ്ഥാനത്തുനിന്നു മാറ്റാതെതന്നെ മൂന്നു സെക്രട്ടറിമാരെയാണ് 2024ലെ ലോക്‌സഭാ തിരഞ്ഞെടുപ്പിൽ സിപിഎം മത്സരിപ്പിക്കുന്നത്. ഈ സാഹചര്യത്തിൽ ചർച്ചയാകുന്ന ഒന്നുകൂടിയുണ്ട്. കഴിഞ്ഞ തിരഞ്ഞെടുപ്പിൽ പി.ജയരാജനോടു കാണിച്ച സമീപനമാണത്. 2019ലെ ലോക്സഭാ തിരഞ്ഞെടുപ്പിൽ പി.ജയരാജനെ വടകരയിലെ സ്ഥാനാർഥിയായി പാർട്ടി തീരുമാനിച്ചു. ഇതിനു ശേഷമുള്ള ജില്ലാ കമ്മിറ്റിയിൽ കണ്ണൂർ ജില്ലാ സെക്രട്ടറി സ്ഥാനത്തുനിന്ന് അദ്ദേഹത്തെ മാറ്റുകയും ചെയ്തു. പകരം സെക്രട്ടറിയായി എം.വി.ജയരാജനെ നിയമിച്ചു. ഇത്തവണ വി.ജോയ് (തിരുവനന്തപുരം), എം.വി.ജയരാജൻ (കണ്ണൂർ), എം.വി.ബാലകൃഷ്ണൻ (കാസർകോട്) എന്നീ ജില്ലാ സെക്രട്ടറിമാരെയാണ് സിപിഎം മത്സരിപ്പിക്കുന്നത്. എന്നാൽ ഒരു പ്രത്യേകതയുണ്ട്; മൂന്നു പേരെയും ജില്ലാ സെക്രട്ടറി സ്ഥാനത്തു നിലനിർത്തിക്കൊണ്ടുതന്നെയാണ് മത്സരിപ്പിക്കുന്നത്. മൂന്നിടത്തും താൽകാലിക ചുമതലക്കാരെ വയ്ക്കുമെന്നു മാത്രം. 2019ൽനിന്ന് 2024ൽ എത്തുമ്പോൾ, ഈ അഞ്ചു വർഷത്തിനിടെ, സിപിഎമ്മിന്റെ മനസ്സു മാറ്റാൻതക്ക എന്താണു സംഭവിച്ചത്? എന്തുകൊണ്ടായിരിക്കും ജില്ലാ സെക്രട്ടറിമാരെ സ്ഥാനത്തുനിന്നു മാറ്റാതെതന്നെ മത്സരിപ്പിക്കുന്നത്? പി. ജയരാജനോട് പാർട്ടി ഇത്തരമൊരു സമീപനം കൈക്കൊള്ളാൻ എന്തായിരിക്കും കാരണം?

Results 1-100 of 637

Today's Epaper

MANORAMA APP

Opinion And Analysis

our sites

about

QUICK LINKS

EXPERIENCE MANORAMA ONLINE PREMIUM

Our Sites