Sports+

VIDEO STORY

ക്രിക്കറ്റ് കളിച്ചാലും മക്കൾ ‘ജയിക്കും’: വീട്ടിൽ ടർ‌ഫൊരുക്കി അച്ഛൻ; ‘ഡോക്ടറാവുന്നത് അത്ര സുരക്ഷിതമല്ല’

വലുതാകുമ്പോൾ ആരാകണം? കുട്ടികളോടുള്ള ചോദ്യമാണെങ്കിലും ഇതിന്റെ ഉത്തരത്തിന്റെ വലിയ പങ്കും മാതാപിതാക്കളുടെ കയ്യിലാണ്. കുട്ടിയെ ‘ആരാക്കണം’ എന്നതിന്റെ അടിത്തറ ഇടുന്നത് മാതാപിതാക്കൾ തന്നെയാണ്. കാലം എത്ര മാറിയാലും സ്വന്തം മക്കൾക്ക് സ്ഥിരതയുള്ള ഒരു തൊഴിൽ മേഖലയായി മിക്ക മാതാപിതാക്കളും തിരഞ്ഞെടുക്കുന്നത് മെഡിസിനും എൻജിനീയറിങ്ങും ഒക്കെ തന്നെയാണ്. പാലായിലെ മരിയൻ മെഡിക്കൽ സെന്ററിലെ ലാപ്രോസ്കോപ്പിക് സർജൻ ഡോ.ജികുപാൽ എം. തോമസ് മൂന്ന് കുട്ടികളുടെ അച്ഛനാണ്. എന്നാൽ തന്റെ മക്കൾ ഡോക്ടറാകാൻ പഠിക്കണ്ട, ക്രിക്കറ്റ് കളിക്കാ‍ൻ പഠിച്ചാൽ‍ മതി എന്നതാണ് ഈ അച്ഛന്റെ ആഗ്രഹം. വെറുതെ ആഗ്രഹം മാത്രമല്ല, സ്വന്തം വീട്ടിൽ സ്വന്തം ചെലവിൽ മക്കൾക്കു വേണ്ടി ഒരു ടർഫും അവർക്ക് വർക്കൗട്ട് ചെയ്യാനുള്ള ഉപകരണങ്ങളും സൗകര്യങ്ങളും ഒരുക്കുകയും ചെയ്തു. അങ്ങനെ ആ മൂന്നു മക്കളും കളിച്ചു പഠിച്ചു. അങ്ങനെ ഇത്തവണത്തെ അണ്ടർ 14 സ്റ്റേറ്റ് ക്രിക്കറ്റ് ടീമിലേക്ക് തിരഞ്ഞെടുക്കപ്പെട്ടവരിലൊരാൾ ജികുപാലിന്റെ മൂത്ത മകനാണ്; ജൊഹാൻ എം.ജികുപാൽ. കുട്ടികൾക്ക് അമിതവും അനാവശ്യവുമായി പഠന സമ്മർദം കൊടുക്കുന്ന മാതാപിതാക്കളുടെ ഇടയിൽ വ്യത്യസ്തനാവുകയാണ് ഈ ഡോക്ടർ. എന്തുകൊണ്ട് ക്രിക്കറ്റ് പോലെ ലക്ഷത്തിലൊരാൾക്ക് മാത്രം സാധ്യമായ ഒരു സ്വപ്നം പിന്തുടരാൻ മക്കൾക്ക് അവസരം ഒരുക്കി? ഡോക്ടർ പോലെ സ്ഥിരതയുള്ള ഒരു ജോലിക്ക് മക്കളെ നിർബന്ധിക്കാമായിരുന്നിട്ടും ആ വഴി വേണ്ട എന്ന തീരുമാനത്തിനു പ്രേരിപ്പിച്ചത് എന്താണ്? ഡോ.ജികുപാൽ മനോരമ ഓൺലൈൻ പ്രീമിയത്തിൽ മനസ്സു തുറക്കുന്നു.
‘എക്സ്ട്രാ’ അത്ര ചെറിയ പുള്ളിയല്ല; വിജയം വഴിതിരിച്ചത് 60ൽ ഏറെ തവണ; സഞ്ജുവും ചെഹലും പുതിയ ഉയരങ്ങളിൽ

ഐപിഎലിൽ ടീമുകൾ വഴങ്ങുന്ന ഓരോ റൺസിനും പലപ്പോഴും എണ്ണിയെണ്ണി വിലപറയേണ്ടി വരുന്നത് മത്സരത്തിന്റെ അവസാന നിമിഷങ്ങളിലാകും. ഇത്തരം സാഹചര്യങ്ങളിൽ ഏറ്റവും കൂടുതൽ പഴിക്കുന്നതും നിരാശപ്പെടുന്നതും വിട്ടുനൽകിയ എക്സ്ട്രാ റൺസിനെ ഓർത്താകും. മത്സര ഫലത്തിൽ പലപ്പോഴും വലിയ വില നൽകേണ്ടിവരുന്നതും ഇത്തരത്തിൽ വിട്ടുനൽകിയ എക്സ്ട്രാ റൺസുകൾ തന്നെയാകും. ഐപിഎൽ ചരിത്രത്തിൽ ഇതുവരെ 60 മത്സരങ്ങളാണ് 5 റൺസിലോ അതിൽ താഴെയോ വ്യത്യാസത്തിൽ വിധി നിർണയിക്കപ്പെട്ടിട്ടുള്ളത്. എന്നാൽ ഈ മത്സരങ്ങളിൽ ഒന്നിന്റെ പോലും ഫലം നിർണയിച്ചത് വിജയികളായ ടീമിലെ ബാറ്റർമാർ സംഭാവന ചെയ്ത റൺസ് മാത്രം ചേർത്തുവച്ചതുകൊണ്ടല്ല.
ഇരു ടീമുകളെയും തകർത്തത് ആ ഒരു മാറ്റമോ? ആദ്യ മൂന്നും നേടിയവർ ഇപ്പോൾ മുപ്പതിലും താഴെ!

ഹാർദിക് പാണ്ഡ്യ ക്യാപ്റ്റൻ സ്ഥാനം ഏറ്റെടുത്ത മുംബൈ ഇന്ത്യൻസിന് പ്ലേ ഓഫ് കാണാൻ വിധിയില്ലെന്ന ചർച്ചകളാണ് ആരാധകർക്കിടയിൽ. എന്നാൽ ഹാർദിക് ക്യാപ്റ്റൻസി ഒഴിഞ്ഞ ഗുജറാത്ത് ടൈറ്റൻസിന്റെ കാര്യമോ? അതും തഥൈവ. ഇത്തവണ പ്ലേ ഓഫ് കാണാമെന്ന ഐപിഎലിന്റെ ഈ ഘട്ടത്തിൽ ശുഭ്‌മൻ ഗില്ലിനുപോലും ഉണ്ടാകില്ല. എന്തുപറ്റി ഗുജറാത്തിന്, കാലെടുത്തു വച്ച സീസണിൽ തന്നെ ജേതാക്കൾ. തൊട്ടടുത്ത വർഷം റണ്ണേഴ്സ് അപ്. കുതിച്ചു ചാടിയ ടൈറ്റൻസിനും പരിശീലകൻ ആശിഷ് നെഹ്റയ്ക്കും കണക്കു പിഴച്ചതെവിടെ? ഹാർദിക് എന്ന ക്യാപ്റ്റന്റെ വിടപറച്ചിലാണോ തിരിച്ചടിയായത്?
ബഹുമാനത്തിന് മുന്നിൽ ആഘോഷം വഴിമാറി; തുടർച്ചയായി ‘സ്വർണ മുട്ടയിട്ട്’ ദുബെ; ഒന്നാം സ്ഥാനം നഷ്ടപ്പെട്ട് സഞ്ജു

‘വിക്കറ്റ് നേട്ടം ആഘോഷമാക്കാതിരുന്നത് അദ്ദേഹത്തോടുള്ള കടുത്ത ബഹുമാനം കാരണമാണ്’. ഡെത്ത് ഓവറുകളിലെ ചെന്നൈയുടെ പഞ്ച് ഹിറ്റർ എം.എസ്. ധോണിയെ ഗോൾഡൻ ‍ഡക്ക് ആക്കിയിട്ടുപോലും ആ സന്ദർഭം വലിയ ആഘോഷത്തിലേക്ക് എത്തിക്കാതിരുന്നതിനെപ്പറ്റി പഞ്ചാബ് ബോളർ ഹർഷൽ പട്ടേൽ പറഞ്ഞ വാക്കുകളാണിത്. ഐപിഎൽ 17–ാം സീസണിൽ ചെന്നൈ സൂപ്പർ കിങ്സ് 11 മത്സരങ്ങൾ പൂർത്തിയാക്കിയപ്പോൾ അതിൽ എം.എസ്.ധോണി ബാറ്റിങ്ങിനിറങ്ങിയത് 9 എണ്ണത്തിലാണ്. ഇതിൽ പുറത്തായത് രണ്ടേ രണ്ട് തവണ മാത്രവും. ഈ രണ്ട് പുറത്താകലുകളും കഴിഞ്ഞ 2 മത്സരങ്ങളിലായിരുന്നു. അതായത് പഞ്ചാബ് കിങ്സിന് എതിരെ നടന്ന ഹോം, എവേ മത്സരങ്ങളിൽ. ബാറ്റുമായി കളത്തിലെത്തിയ മറ്റ് 7 മത്സരങ്ങളിലും ധോണിയുടെ വിക്കറ്റ് സ്വന്തമാക്കാൻ മറ്റൊരു ടീമിനും സാധിച്ചില്ല. കഴിഞ്ഞ 17 സീസണുകളിലും ഐപിഎലിന്റെ ഭാഗമായിരുന്ന ധോണിയുടെ ചരിത്രത്തിലെ ഏറ്റവും ഉയർന്ന സ്ട്രൈക് റേറ്റിലാണ് (224.49) അദ്ദേഹം ഈ സീസണിൽ മുന്നേറിക്കൊണ്ടിരിക്കുന്നത്. ഐപിഎലിൽ കരിയറിൽ ഇതുവരെയുള്ള 261 മത്സരങ്ങളിൽ നിന്ന് ധോണിയുടെ ആകെ സ്ട്രൈക് റേറ്റ് 137.06 ആണ്. ഐപിഎൽ ചരിത്രത്തിൽ ആദ്യമായി ഒരു താരം 150 ക്യാച്ചുകൾ പിന്നിട്ട പോരാട്ടം കൂടിയായിരുന്നു ധരംശാലയിലെ പഞ്ചാബ് കിങ്സ് – ചെന്നൈ സൂപ്പർ കിങ്സ് മത്സരം. എം.എസ് ധോണി എന്ന ‘തല’യുടെ ഈ നേട്ടത്തിൽ വിക്കറ്റ് കീപ്പറിന്റെ ഗ്ലൗസിന് പിന്തുണയുമായി സാധാരണ ഫീൽഡറിന്റെ മികവും ഉണ്ടായിരുന്നു. 146 ക്യാച്ചുകൾ കീപ്പർ എന്ന നിലയിൽ സ്വന്തമാക്കിയിട്ടുള്ള ധോണി മറ്റു ക്യാച്ചുകൾ ഫീൽഡർ എന്ന നിലയിലാണ് പോക്കറ്റിലാക്കിയത്.
അവസാന അങ്കത്തിന് രോഹിത്തും കൂട്ടരും; ടീമിലെ ആ ഒഴിവ് ആര് നികത്തും? എതിരാളികളിൽ സൂക്ഷിക്കേണ്ടത് ഇവരെ

ഐപിഎൽ ഫോമാണോ അതോ സമീപകാല രാജ്യാന്തര ട്വന്റി20 പ്രകടനങ്ങളാണോ ട്വന്റി20 ക്രിക്കറ്റ് ലോകകപ്പിനുള്ള ഇന്ത്യൻ സ്ക്വാഡ് സിലക്‌ഷന് ആധാരമെന്നു ചോദിച്ചാൽ മറുപടി പറയുന്നതിനു മുൻപ് ചീഫ് സിലക്ടർ അജിത് അഗാർക്കർക്ക് രണ്ടുവട്ടം ചിന്തിക്കേണ്ടിവരും. ഐപിഎലിൽ മികവുതെളിയിച്ച ചിലരെ തഴഞ്ഞപ്പോൾ രാജ്യാന്തര ട്വന്റി20യിലെ പ്രകടനത്തിന്റെ ബലത്തിൽ ചിലർ ടീമിലെത്തി. രാജ്യാന്തര തലത്തിൽ മികവുതെളിയിച്ചിട്ടും ഐപിഎലിന്റെ പേരിലും ടീമിൽ ‘ഒഴിവില്ലെന്നു’ ചൂണ്ടിക്കാട്ടിയും ചിലരെ തഴയുകയും ചെയ്തു. സഞ്ജു സാംസണെ ടീമിലേക്കു പരിഗണിച്ചതിലൂടെ നീതി നടപ്പായെന്നു പറയുമ്പോഴും റിങ്കു സിങ്, ടി.നടരാജൻ തുടങ്ങിയവരെ തഴഞ്ഞതിനെതിരെ പ്രതിഷേധം ശമിച്ചിട്ടില്ല. ∙ ഗ്രേറ്റ് ഇന്ത്യൻ സ്ക്വാഡ് തലമുറ മാറ്റത്തിനു വേണ്ടി മുൻ താരങ്ങൾ ഉൾപ്പെടെ വാദിക്കുമ്പോഴും പരിചയസമ്പന്നരായ സീനിയർ താരങ്ങളിൽ ഊന്നിയാണ് ഇത്തവണയും ട്വന്റി20 ലോകകപ്പിനുള്ള ഇന്ത്യൻ ടീം പ്രഖ്യാപിച്ചിരിക്കുന്നത്. രാജ്യാന്തര ട്വന്റി20യിൽ നിന്ന് അടുത്തിടെ വിട്ടുനിന്ന രോഹിത് ശർമയും വിരാട് കോലിയുമാണ് ഈ ലോകകപ്പിൽ ഇന്ത്യയുടെ കീ ബാറ്റർമാർ. ട്വന്റി20 ക്രിക്കറ്റിൽ ഹാർദിക് പാണ്ഡ്യയ്ക്ക് ക്യാപ്റ്റൻസി കൈമാറിയ രോഹിത്, ഇത്തവണത്തെ ലോകകപ്പിൽ ഉണ്ടാകില്ലെന്ന് റിപ്പോർട്ടുകൾ പുറത്തുവന്നിരുന്നു. എന്നാൽ ഏകദിന ലോകകപ്പ് ഫൈനൽ തോൽവിയുടെ മുറിവുണക്കാൻ രോഹിത്തിന് ഒരവസരം കൂടി നൽണമെന്ന് ബിസിസിഐയും സെക്രട്ടറി ജയ് ഷായും തീരുമാനിച്ചു. അതോടെയാണ് ‘വൺ ലാസ്റ്റ് ഡാൻസിനായി’ രോഹിത് ഈ ട്വന്റി20 ലോകകപ്പിന്റെ നായകസ്ഥാനത്തെത്തിയത്.
ADVERTISEMENT
അവസാന ബോളിൽ ‘റെക്കോർഡ്’ ഇട്ട ഗിൽക്രിസ്റ്റ്; ജയ്സ്വാളിന്റെ ‘യശസ്സ്’ തകർത്ത ബോൾ; ചെഹൽ തിരുത്തുമോ കുംബ്ലെയുടെ റെക്കോർഡ്?

റെക്കോർഡുകളുടെ പെരുമഴക്കാലമാണ് ഓരോ ഐപിഎൽ സീസണും. ബാറ്റർമാർ െതളിഞ്ഞുവാഴുന്ന ഐപിഎൽ മൈതാനങ്ങളിൽ കൂടുതലായും പിറവിയെടുക്കുന്നതും തിരുത്തിക്കുറിക്കപ്പെടുന്നതും ബാറ്റുമായി ബന്ധപ്പെട്ട റെക്കോർ‍ഡുകളാണ്. ബോളർമാർക്ക് പലപ്പോഴും കിട്ടുന്നത് നാണക്കേടിന്റെ നെഗറ്റീവ് റെക്കോർഡുകളും. എന്നിരുന്നാലും ഐപിഎലിലെ ചില വ്യത്യസ്തമായ റെക്കോർഡുകളിലൂടെയും കൗതുകങ്ങളിലൂടെയും ഒരു യാത്ര നടത്തിയാലോ.... ∙ ബാറ്റുകൊണ്ട് നേടാനാകാത്ത ഇരട്ട സെഞ്ചറി ബോളിങ്ങിൽ ഐപിഎലിൽ സെഞ്ചറികളുടെ എണ്ണം സെഞ്ചറിയുടെ പടിവാതിൽക്കലാണ് (98). സെഞ്ചറി തികച്ച ബാറ്റർമാരുടെ എണ്ണം അർധ സെഞ്ചറി പിന്നിടുകയും (52) ചെയ്തു. അതേസമയം വിക്കറ്റുകൾക്കൊണ്ട് ഐപിഎലിൽ സെഞ്ചറി തികച്ചവരും കുറവല്ല. ഇതുവരെ 24 ബോളർമാരാണ് ഈ നേട്ടം കൈവരിച്ചത്. ബാറ്റുകൊണ്ട് 98 സെഞ്ചറികൾ പിറന്നിട്ടും ഒരിക്കൽ പേലും കൈവരിക്കാനാകാത്ത ഒരു നേട്ടമുണ്ട്. ഐപിഎലിൽ ഒരു ഇരട്ട സെഞ്ചറി. എന്നാൽ ബോളിങ് നിരയിൽ നിന്ന് ഈ റെക്കോർഡും സാധ്യമായിട്ടുണ്ട്. ക്രിസ് ഗെയ്‌ലിന്റെ പേരിലുള്ള 175 നോട്ടൗട്ട് (2013) ആണ് ഐപിഎൽ ചരിത്രത്തിലെ നാളിതുവരെയുള്ള ഉയർന്ന സ്കോർ.
ആദ്യം സഞ്ജുവിനെ എറിഞ്ഞിട്ടു, 'അവസാനം' രാജസ്ഥാനെയും: അന്ന് കരഞ്ഞത് അജിൻക്യ: എന്ന് തീരും ഈ ഒരു ബോൾ 2 റൺസ് ശാപം!

അവസാന പന്തുവരെ നീളുന്ന ആവേശം, ട്വന്റി20 ക്രിക്കറ്റിന്റെ, ഏറെ പ്രത്യേകിച്ച് ഐപിഎലിന്റെ ഏറ്റവും മനോഹര കാഴ്ചയാണിത്. ഒരു വശത്ത് ‍ഞൊടിയിടയിൽ വിജയവും പോയിന്റ് പട്ടികയിലെ നേട്ടങ്ങളും ആഘോഷമാക്കുന്ന ടീമും ആരാധകരും. മറുവശത്ത് കൺമുന്നിലൂടെ വിജയം പനറന്നകലുന്നത് കണ്ട് നെടുവീർപ്പെടുന്ന ടീമും ആരാധകരും. രണ്ടും രണ്ട് എക്സ്ട്രീമാണ്. ഒന്ന് വിജയത്തിന്റേത്, മറ്റൊന്നു പരാജയത്തിന്റേതും. ഇതിനോടകം ഒട്ടേറെ ആവേശപ്പോരാട്ടങ്ങൾക്ക് സാക്ഷ്യം വഹിച്ച 17–ാം സീസണിൽ തന്നെ ഇതിനുള്ള മികച്ച ഉദാഹരണങ്ങൾ ഒന്നിലേറെയാണ്... ഇതിൽ ഏറ്റവും കൂടുതൽ തോൽവിയുടെ നോവ് അറിയേണ്ടിവന്നത് സീസണിലെ ഒന്നാം നമ്പർ ടീമായ രാജസ്ഥാൻ റോയൽസിനും. അവശേഷിക്കുന്നത് ഒരു പന്ത്. വിജയിക്കാൻ വേണ്ടത് രണ്ട് റൺസ്. ഒരു റൺസ് നേടിയാൽ മത്സരം സമനിലയിൽ, റൺസ് ഒന്നും നേടാൻ കഴിഞ്ഞില്ലെങ്കിൽ ഒരു റൺ പരാജയം. ക്രിക്കറ്റ് ചരിത്രത്തിലെ ഏറ്റവും നിർണായക നിമിഷങ്ങളിൽ ഒന്നാണിത്. ഇത്തരം സാഹചര്യങ്ങളിൽ മിക്കപ്പോഴും വിജയം കൈവരിക്കാറുള്ളത് ബാറ്റിങ് ടീം തന്നെയാണ്. എന്നാൽ ഐപിഎൽ 17–ാം സീസണിന്റെ 50–ാം മത്സരത്തിൽ ഫലം തിരിച്ചായി. വിജയിക്കാൻ അവസാന പന്തിൽ 2 റൺസ് വേണ്ടിയിരുന്ന രാജസ്ഥാന്റെ റോവ്മാൻ‍ പവലിനെ അവസാന പന്തിൽ വിക്കറ്റിന് മുന്നിൽ കുടുക്കി വിജയം ഹൈദരാബാദ് പക്ഷത്തേക്ക് റാഞ്ചിയെടുത്തത് മറ്റാരുമല്ല, ഒരുകാലത്ത് ഇന്ത്യൻ ദേശീയ ടീമിന്റെ ഏറ്റവും വിശ്വസ്തനായ ബോളർ ആയിരുന്ന ഭുവനേശ്വർ കുമാറാണ് ആ മായാജാലം കാട്ടിയത്. അവസാന ഓവറിൽ രാജസ്ഥാനെ ചെറുക്കാൻ ഹൈദരാബാദിന്റെ കയ്യിൽ ആകെയുണ്ടായിരുന്നത് 13 റൺസാണ്...
ഇങ്ങനെയൊക്കെ റെക്കോർഡ് തിരുത്താമോ! തലയെടുപ്പോടെ 2024; തല കുനിച്ച് ആർസിബി; രോഹിത്, ധോണി ‘ഇൻ’; കോലി ‘ഔട്ട്’

ചരിത്രം ഒരിക്കലും തിരുത്തപ്പെടില്ല. എന്നാൽ, ചരിത്രത്തിന്റെ ഭാഗമായ വലിയ നേട്ടങ്ങളുടെ ചരിത്ര പുസ്തകം എപ്പോൾ വേണമെങ്കിലും തിരുത്തപ്പെടാം. അതും ഓരോ പന്തിലും അദ്ഭുതം ഒളിപ്പിച്ചുവയ്ക്കുന്ന ഐപിഎൽ പോലെയുള്ള പോരാട്ടങ്ങളിൽ. ഇത്തരത്തിൽ പലപ്പോഴും തിരുത്തപ്പെടുകയും ഇനിയും തിരുത്തപ്പെടാനുള്ളതുമായ ചില റെക്കോർഡുകളുണ്ട്. ആർപ്പുവിളികളൊഴിഞ്ഞ് ഒന്നു വിശ്രമിക്കാന്‍ പോലും ഗാലറിക്ക് അവസരം നൽകാതെ റെക്കോർഡുകൾ അടിച്ചുകൂട്ടിയ കഥകൾ പറയാനുണ്ട് ഐപിഎലിന്. ഒരു സിക്സറു പോലുമില്ലാതെ കണ്ണടച്ചു തുറക്കും മുൻപ് മത്സരം തീർത്ത് നിരാശപ്പെടുത്തിയ അവസരങ്ങളുമുണ്ട്. ചിലർ ഒരൊറ്റ മാച്ചുകൊണ്ട് റെക്കോർഡുകളുടെ തോഴനാകുന്നു. ചിലർ ഡക്കിലും ഗോൾഡൻ ഡക്കിലും റെക്കോർഡിട്ട് നിരാശപ്പെടുത്തുന്നു. കുട്ടിക്രിക്കറ്റിൽ പിറന്ന വമ്പൻ റെക്കോർഡുകൾ ഇങ്ങനെ എത്രയെത്ര! ഐപിഎൽ ടീമുകൾക്ക് പറയാനുള്ള രസകരമായ അത്തരം ചില വാഴ്ചകളുടെയും വീഴ്ചകളുടെയും റെക്കോർഡ് കഥകളറിഞ്ഞാലോ...
അന്നവർ ചോദിച്ചു, സഞ്ജു വീണ്ടും പഴയ ശൈലിയിലേക്കോ? 4000 അടിച്ച് മറുപടി: ‘മലയാളി’ ഭാഗ്യം തെളിയുമോ ലോകകപ്പിൽ!

‘വിയർപ്പു തുന്നിയിട്ട കുപ്പായം’. ട്വന്റി20 ലോകകപ്പിനുള്ള ദേശീയ ടീമിൽ ഇടം ഉറപ്പിച്ച ശേഷം സഞ്ജു സാംസൺ ഇൻസ്റ്റഗ്രാമിൽ പങ്കുവച്ച വരികളാണിത്. സമീപകാലത്ത് ഏറ്റവും ഹിറ്റായ മലയാള സിനിമയിലെ ഈ വരികൾ പോലെ തന്നെയാണ് സഞ്ജുവിന്റെ രാജ്യാന്തര കരിയറും. ഒഴിവാക്കാൻ ഒരു കാരണമെങ്കിലും കണ്ടെത്താൻ കാത്തിരിക്കുന്നവർക്ക് മുന്നിലേക്ക് കണ്ണടയ്ക്കാൻ കഴിയാത്ത നൂറിലേറെ കാരണങ്ങൾ വച്ചുനീട്ടുന്ന തീപ്പൊരി താരം. വർഷങ്ങൾ നീണ്ട, തോറ്റ് പിന്മാറാൻ തയാറാക്കാത്ത കഠിന പ്രയത്നത്തിന്റെ വിയർപ്പ് പറ്റിയതാണ് ഇത്തവണത്തെ ട്വന്റി20 ലോകകപ്പിലേക്കുള്ള സഞ്ജുവിന്റെ ദേശീയ കുപ്പായം. ലോകകപ്പുകളിലെ ടീം ഇന്ത്യയുടെ വിജയ സാന്നിധ്യമാകാൻ വീണ്ടും ഒരു മലയാളി, സഞ്ജു സാംസൺ. ഏതൊക്കെ ലോകകപ്പ് ടീമുകളിൽ മലയാളി സാന്നിധ്യമുണ്ടായിരുന്നോ അന്നൊക്കെ ഇന്ത്യ കപ്പിൽ മുത്തമിട്ടതാണ് ചരിത്രം. ആ ചരിത്രം സഞ്ജുവിലൂടെയും ആവർത്തിക്കപ്പെടുമെന്നുതന്നെയാണ് മലയാളി ക്രിക്കറ്റ് ആരാധകരുടെ പ്രതീക്ഷയും. 2015 ജൂലൈയിൽ സിംബാബ്‍വെയ്ക്കെതിരെയാണ് സഞ്ജു സാംസണ്‍ ഇന്ത്യയ്ക്കായി ട്വന്റി20യിൽ അരങ്ങേറിയത്. 25 രാജ്യാന്തര മത്സരങ്ങളിൽ നിന്ന് 374 റൺസ് നേടിയിട്ടുള്ള താരം ഐസിസിയുടെ ഒരു പരമ്പരയിൽ പോലും ടീം ഇന്ത്യയുടെ നീലക്കുപ്പായത്തിൽ ഇതുവരെ കളത്തിലിറങ്ങിയിട്ടില്ലായിരുന്നു.
26ൽ സച്ചിന് കപ്പ് സമ്മാനിച്ച ' ക്യാപ്റ്റൻസി: ഇന്ന് മൂല്യം 178.6 കോടി! സലാം രോഹിത് ഭായ്... ആ റെക്കോർഡുകൾക്ക് 37ന്റെ ചെറുപ്പം

2013 മേയ് 26. വേദി ഇന്ത്യൻ ക്രിക്കറ്റിന്റെ തറവാടായ കൊൽക്കത്ത ഈഡൻ ഗാർഡൻസ്. ഐപിഎൽ ആറാം സീസണിന്റെ ഫൈനൽ പോരാട്ടത്തിൽ ധോണിയുടെ ചെന്നൈ വീഴുകയും രോഹിത്തിന്റെ മുംബൈ വാഴുകയും ചെയ്ത ദിവസം. ക്രിക്കറ്റ് ഇതിഹാസങ്ങളായ സച്ചിൻ തെൻഡുൽക്കറിനും റിക്കി പോണ്ടിങ്ങിനും കിരീട നേട്ടത്തിന്റെ തൃപ്തിയോടെ ഐപിഎൽ താരങ്ങളുടെ കുപ്പായം അഴിച്ചുവയ്ക്കാൻ അവസരമൊരുക്കിയ രാവ്. ടൂർണമെന്റ് വിജയികൾക്കുള്ള ട്രോഫിയുമായി അന്നത്തെ ബിസിസിഐ പ്രസിഡന്റ് എൻ.ശ്രീനിവാസൻ മുന്നോട്ടുവരുന്നു. ട്രോഫി ഏറ്റുവാങ്ങാനായി ഒരു 26 വയസ്സുകാരൻ വേദിയിലേക്ക് ഓടിയെത്തുന്നു. എന്നാൽ, ട്രോഫി ഏറ്റുവാങ്ങുന്നതിന് മുൻപ് ഒരു നിമിഷം പിന്നിലേക്ക് നോക്കിയ ശേഷം രണ്ടുപേരെക്കൂടി വേദിയിലേക്ക് ക്ഷണിക്കുന്നു. മുന്നിലേക്കുവന്ന സച്ചിൻ തെൻഡുൽക്കറിന്റെ സാന്നിധ്യത്തിൽ റിക്കി പോണ്ടിങ്ങിനൊപ്പം ചേർന്ന് ശ്രീനിവാസനിൽ നിന്ന് ട്രോഫി ഏറ്റുവാങ്ങുന്നു.ഒരു മുംബൈ ഇന്ത്യൻസ് ആരാധകർക്ക് ഒരിക്കലും മറക്കാനാകാത്ത നിമിഷം, ഐപിഎലിലെ അവരുടെ കന്നി കിരീട നേട്ടം.
നൂറിൽ നൂറടിക്കാൻ ഇനി 2 കൂടി: നിലവിൽ കോലി തന്നെ 'കിങ്', 'ജസ്റ്റ്‌ മിസ്സും' ഏറെ: എന്നാണിനി 'തല'യ്ക്കൊരു സെഞ്ചറി!

ഒരു വശത്ത് ഐപിഎൽ ചരിത്രത്തിലെ അഞ്ചാമത്തെ വേഗമേറിയ സെഞ്ചറിയുമായി റോയൽ ചാലഞ്ചേഴ്സ് ബെംഗളൂരുവിന്റെ വിൽ ജാക്സ് (41 പന്തിൽ 100). മറുവശത്ത് 2 റൺസ് അകലെ സീസണിലെ രണ്ടാം സെഞ്ചറി നഷ്ടമായ ചെന്നൈ നായകൻ ഋതുരാജ് ഗെയ്ക്‌വാദ്. സന്തോഷവും ദുഖവും ആവേശവും നിരാശയും എല്ലാം മിന്നിമറയുന്ന ഐപിഎൽ വേദികളിൽ നിന്ന് ആരാധകർക്ക് സമിശ്രമായ വികാരങ്ങൾ നൽകിക്കൊണ്ടാണ് 2024 ഏപ്രിൽ 28 കടന്നുപോയത്. വെടിക്കെട്ട് അടികളുടെ പൂരമായ ഐപിഎലിൽ സെഞ്ചറികൾക്കും സെഞ്ചറി നഷ്ടങ്ങൾക്കും പറയാൻ ഒട്ടേറെ കഥകളുണ്ട്. 2008 ഏപ്രിൽ 18ന് ബെംഗളൂരുവിൽ നടന്ന ഉദ്ഘാടന മത്സരത്തിൽ തുടങ്ങി 17–ാം സീസണിന്റെ പകുതി വരെ എത്തിനിൽക്കുമ്പോൾ വരെയുള്ള അവസാനിക്കാത്ത മൂന്നക്കങ്ങളുടെ 98 കഥകൾ. ജാക്സ് നേടിയ 100 റൺസ് ഐപിഎൽ ചരിത്രത്തിലെ 98–ാം സെഞ്ചറി ആയിരുന്നു. 98ൽ പുറത്തായ ഋതുരാജിന് നഷ്ടമായത് 99–ാം സെഞ്ചറിയും. ഐപിഎലിലെ 17 സീസണുകൾക്കിടയിൽ ഏറ്റവും അധികം സെഞ്ചറികൾ പിറന്നത് കഴിഞ്ഞ വർഷമാണ്, 12 എണ്ണം. എന്നാൽ ഈ സീസണിലെ കുതിപ്പിന് മുന്നിൽ ആ 12ന്റെ തലപ്പൊക്കം താഴാൻ അധിക മണിക്കൂറുകൾപോലും വേണ്ടിവരില്ല. 17–ാം സീസണ്‍ പകുതി ദൂരം പിന്നിട്ടപ്പോൾ തന്നെ 11 സെഞ്ചറികൾ‍ അക്കൗണ്ട് ബുക്കിൽ ചേർത്തുകഴിഞ്ഞു. കഴിഞ്ഞ വർഷത്തെ റെക്കോർഡിനൊപ്പമെത്താൻ വേണ്ടത് കേവലം ഒരു സെഞ്ചറി മാത്രം. പുതിയ റെക്കോർഡ് സ്ഥാപിക്കാൻ വേണ്ടത് 2 സെഞ്ചറികളും. 46 മത്സരങ്ങൾക്കിടയിൽ 11 സെഞ്ചറികൾ പിറന്നെങ്കിൽ ശേഷിക്കുന്ന 28 മത്സരങ്ങള്‍ക്കിടയിൽ 2 സെഞ്ചറികൾ എന്നത് അസാധ്യമായ കാര്യമേയല്ല.
ഐപിഎലിൽ തല്ലുമാല: റൺമഴയിൽ വിറച്ച് ബോളർമാർ; അടുത്തെത്തി ആ മാജിക്കൽ നമ്പർ

‘ടീം ടോട്ടലിനു മുന്നിൽ 3 എന്ന നമ്പർ കാണാനുള്ള കാത്തിരിപ്പിലാണ് ഞങ്ങൾ’– റോയൽ ചാലഞ്ചേഴ്സ് ബെംഗളൂരുവിനെതിരെ 20 ഓവറിൽ 287 റൺസ് നേടി, ഐപിഎൽ ചരിത്രത്തിലെ ഏറ്റവും ഉയർന്ന ടീം ടോട്ടൽ സ്വന്തം പേരിൽ കുറിച്ച ശേഷം സൺറൈസേഴ്സ് ഹൈദരാബാദ് താരം ട്രാവിസ് ഹെഡ് പറഞ്ഞു. 287 റൺസ് നേടാൻ സാധിച്ച തങ്ങൾക്ക് 300 റൺസ് എന്ന മാജിക്കൽ നമ്പറിലേക്ക് എത്താൻ അധികം സമയം വേണ്ടെന്ന സൂചന കൂടി ഹെഡിന്റെ വാക്കുകളിൽ ഉണ്ടായിരുന്നു. കഴിഞ്ഞ സീസൺ വരെ 200 റൺസ് എന്നത് ഐപിഎലിലെ മികച്ച ടോട്ടലായിരുന്നെങ്കിൽ ഈ സീസണിൽ 250 റൺസ് പോലും സേഫ് അല്ലെന്നതാണ് വാസ്തവം. കഴിഞ്ഞ ദിവസം കൊൽക്കത്ത നൈറ്റ് റൈഡേഴ്സ് മുന്നോട്ടുവച്ച 262 റൺസ് വിജയലക്ഷ്യം 8 പന്ത് ബാക്കി നി‍ർത്തിയാണ് പഞ്ചാബ് കിങ്സ് മറികടന്നത്. 42 സിക്സറുകളായിരുന്നു ആ മത്സരത്തിൽ ആകെ പിറന്നത്. ട്വന്റി20 ചരിത്രത്തിൽ തന്നെ ഇത് റെക്കോർഡാണ്. ഇത്തരത്തിൽ റൺമഴ നിർത്താതെ പെയ്യുന്ന ഈ ഐപിഎൽ സീസണിൽ ബോളർമാരുടെ സ്ഥിതിയാണ് കഷ്ടം. ബാറ്റർമാർ ഒന്നിനു പുറകേ ഒന്നായി റെക്കോർഡുകൾ വാരിക്കൂട്ടുമ്പോൾ നാണക്കേടിന്റെ റെക്കോർഡുകൾ മുഴുവൻ ബോളർമാർ ഏറ്റുവാങ്ങുകയാണ്.
42 സിക്സറുകൾ, ഒരു സെഞ്ചറി, 4 അർധ സെഞ്ചറി; കൊൽക്കത്തയിൽ ‘ബാറ്റിങ്’ ചുഴലി; പഞ്ചാബ് പിന്തുടർന്ന് നേടിയത് ചരിത്രം

ലോക ട്വന്റി20 ക്രിക്കറ്റിന്റെ ചരിത്രത്തിലെ ഏറ്റവും വിജയകരമായ റൺ ചേസിനാണ് ഇന്ത്യൻ ക്രിക്കറ്റിന്റെ ഈറ്റില്ലമായ ഈഡൻ ഗാർഡൻസ് സാക്ഷ്യം വഹിച്ചത്. 19–ാം ഓവറിന്റെ നാലാം പന്തിൽ ശശാങ്ക് സിങ്ങിന്റെ ബാറ്റിൽ നിന്ന് കൊൽക്കത്ത നൈറ്റ് റൈസേഴ്സിന് എതിരായ വിജയ റൺ പിറന്നപ്പോൾ അത് പഞ്ചാബ് കിങ്സിന് പുതിയ ചരിത്രത്തിലേക്കുള്ള ചുവടുവയ്പ്പായി. 2023ൽ വെസ്റ്റ് ഇൻഡീസ് മുന്നോട്ടുവച്ച 259 റൺസ് വിജയലക്ഷ്യം 4 വിക്കറ്റ് നഷ്ടത്തിൽ വിജയകരമായി പിന്തുടർന്ന ദക്ഷിണാഫ്രിക്കൻ ദേശീയ ടീമിന്റെ പേരിൽ ഉണ്ടായിരുന്ന റെക്കോർഡാണ് പഞ്ചാബ് കിങ്സ് സ്വന്തം പേരിലേക്ക് മാറ്റി എഴുതിയത്. 250 മുകളിലുള്ള ലക്ഷ്യം വിജയകരമായി കീഴടക്കിയ മറ്റൊരു ട്വന്റി20 മത്സരം നടന്നതും 2023ൽ തന്നെയാണ്. വൈറ്റാലിറ്റി ബ്ലാസ്റ്റിൽ സറേ മുന്നോട്ടുവച്ച 253 റൺസിന്റെ വിജയലക്ഷ്യം മൂന്ന് വിക്കറ്റ് നഷ്ടത്തിൽ 254 റൺസ് നേടിക്കൊണ്ടാണ് മിഡിൽസെക്സ് മറികടന്നത്. രണ്ട് ഇന്നിങ്സുകളിലുമായി ഈഡൻ ഗാർഡന്റെ ഗാലറിയിലേക്ക് പറന്നിറങ്ങിയത് 42 സിക്സറുകളാണ്. ഇതും പുതിയ റെക്കോർഡാണ്. ഒരു ട്വന്റി20 മത്സരത്തിൽ നിന്ന് പിറക്കുന്ന ഏറ്റവും കൂടുതൽ സിക്സറുകൾ എന്ന റെക്കോർഡ്. കൊൽക്കത്ത നൈറ്റ് റൈഡേഴ്സ് ബാറ്റർമാർ 18 സിക്സറുകൾ പറത്തിയപ്പോൾ മറുപടി ബാറ്റിങ്ങിൽ പഞ്ചാബ് നിരയിൽ നിന്ന് പറന്നത് 24 സിക്സറുകളാണ്. ഒരു മാസം മുൻപ്, 2024 മാർച്ച് 27ന് സൺറൈസേഴ്സ് ഹൈദരാബാദ് – മുംബൈ ഇന്ത്യൻസ് മത്സരത്തിൽ പിറക്കുകയും 2024 ഏപ്രിൽ 15ന് സൺറൈസേഴ്സ് – റോയൽ ചാലഞ്ചേഴ്സ് ബെംഗളൂരു മത്സരത്തിൽ പുതുക്കപ്പെടുകയും ചെയ്ത 38 സിക്സറുകളുടെ റെക്കോർഡാണ് ഈഡൻ ഗാർഡൻസിൽ പഴങ്കതയായത്.
പക, അത് വീട്ടാനുള്ളതാണ്... പവർപ്ലേയിൽ ‘പവറായി’ ബോളർമാർ; ജീവൻ നിലനിർത്തി ബെംഗളൂരു

വീട്ടിൽ കയറി അടിച്ച ഹൈദരാബാദിനെ അതേ നാണയത്തിൽ തിരിച്ചടിച്ച് ബെംഗളൂരു. സീസണിൽ മുഖാമുഖം വന്ന ആദ്യ മത്സരത്തിൽ ബെംഗളൂരുവിൽ സൺറൈസേഴ്സ് സ്വന്തമാക്കിയതിലും വലിയ വിജയവുമായി ഹൈദരാബാദിൽ റോയൽ ചാലഞ്ചേഴ്സ് പകരം വീട്ടി. ആദ്യ മത്സരത്തില്‍ എസ്ആർഎച് മുന്നോട്ടുവച്ച 288 റൺസിന്റെ പടുകൂറ്റൻ വിജയലക്ഷ്യം പിന്തുടർന്ന ബെംഗവൂരു ബാറ്റർമാർക്ക് കാലിടറിയത് വിജയത്തിന് 26 റൺസ് അകലെയാണ്. എന്നാൽ, രണ്ടാം മത്സരത്തിൽ ആർസിബി ബോളർമാർ ഹൈദരാബാദിനെ എറിഞ്ഞിട്ടത് വിജയത്തിന് 36 റൺസ് അകലെ. സ്കോർ: ബെംഗളൂരു– 20 ഓവറിൽ 7ന് 206. ഹൈദരാബാദ്– 20 ഓവറിൽ 8ന് 171. സീസണില്‍ മുൻപ് കളത്തിലിറങ്ങിയ 7ൽ 4 മത്സരങ്ങളിലും സ്കോർ 200 കടത്തിയ, അതില്‍ തന്നെ 3 തവണ ഐപിഎൽ ചരിത്രത്തിലെ ഏറ്റവും ഉയർന്ന സ്കോറുകളുടെ പട്ടികയിലെ ആദ്യ നാലിൽ ഇടംപിടിച്ചുകൊണ്ട് 250ന് മുകളിൽ സ്കോർ കണ്ടെത്തിയ സൺറൈസേഴ്സിനെയാണ് അവരുടെ തട്ടകത്തിൽ ബെംഗളൂരു അടിച്ചിട്ടതെന്നത് ആർസിബി ആരാധകർക്ക് ഇരട്ടി സന്തോഷം നൽകുന്നു. 207 റൺസ് വിജയലക്ഷ്യം ഹൈദരാബാദിന്റെ തീപ്പൊരി ബാറ്റിങ് ലൈനപ്പിന് അനായാസം കീഴട‌ക്കാമെന്ന പ്രതീക്ഷയിലാണ് അവർ മറുപടി ബാറ്റിങ്ങിനിറങ്ങിയത്.
ഫോമില്‍ കസറുന്ന സഞ്ജുവിനെ ഒഴിവാക്കുമോ? ഇനിയും കാത്തിരിക്കണോ അഭിയും ദുബെയും; മറക്കരുത് സച്ചിൻ ചെയ്തത്...

സൺറൈസേഴ്സ് ഹൈദരാബാദിന്റെ ഇത്തവണത്തെ ബാറ്റിങ് ആരും അസൂയയോടെ നോക്കിപ്പോകും. ബോളർമാരെ ഒട്ടും ബഹുമാനിക്കാതെ, തലങ്ങും വിലങ്ങും അടിയോടടി. ടീമിനായി ഓസ്ട്രേലിയയുടെ ലോകകപ്പ് ജേതാവ് ട്രാവിസ് ഹെഡ് ഒരറ്റത്ത് സംഹാര താണ്ഡവമാടുമ്പോൾ എതിർവശത്ത് അതിമനോഹരമായി സിക്സറുകൾ പറത്തുന്നത് ഒരു അൺക്യാപ്‌ഡ് ഇന്ത്യൻ താരമാണ്... അഭിഷേക് ശർമ. യുവ്‌രാജ് സിങ്ങിന്റെ ശിഷ്യനായ ഈ പഞ്ചാബി താരം, യുവിയെ അനുസ്മരിപ്പിക്കുന്ന പ്രകടനമാണ് പുറത്തെടുക്കുന്നത്. ബാറ്റിങ് പറുദീസയായ ഫ്ലാറ്റ് പിച്ചുകൾ എന്ന കുറ്റം പറയാമെങ്കിലും ഭയമില്ലാതെ അത്രയേറെ അനായാസമായാണ് അഭിഷേകിന്റെ ബാറ്റ് ചലിക്കുന്നത്. അഭി ക്രീസിലുള്ള മിക്ക കളികളിലും സ്ട്രൈക് റേറ്റ് ഹെഡിനും മുകളിലായിരുന്നു. ഏതു ടീമും കൊതിക്കുന്ന ഈ ഓപ്പണർ, ട്വന്റി 20 ലോകകപ്പ് നടക്കുന്ന വർഷം ഇന്ത്യൻ ടീമിലേക്കുള്ള ചർച്ചയിൽപോലും വരുന്നില്ല എന്നതാണ് കഷ്ടം. വെറുമൊരു സീസണിലെ സ്പാർക് കണ്ട് ടീമിലെടുക്കണമെന്ന് പറയുകയാണോ. സംശയം തോന്നാം? എന്നാൽ അഭിഷേകിന്റെ കാര്യത്തിൽ അങ്ങനെയൊരു ശങ്ക വേണ്ട. ആഭ്യന്തര മത്സരങ്ങളിലെ ‘കില്ലാടി’യാണ് താരം.
ടോസിൽ ‘പാസാകാതെ’ ഋതുരാജ്; ഹോമും കൈവിട്ട് സിഎസ്കെ; ഇത് മാർകസ് സ്റ്റോയ്നിസിന്റെ വിജയഗാഥ

നിർണായകഘട്ടങ്ങളിലെല്ലാം സൂപ്പർ കിങ്സിനൊപ്പം നിന്നിട്ടുള്ള ചെപ്പോക്ക് സ്റ്റേഡിയവും ഒടുവിൽ ചെന്നൈയെ കൈവിട്ടു. ഐപിഎൽ 17–ാം സീസണിൽ സിഎസ്കെയ്ക്ക് ആദ്യ ഹോം ഗ്രൗണ്ട് തോൽവി. നേരത്തേ നടന്ന മൂന്ന് മത്സരങ്ങളിലും ചെന്നൈയ്ക്ക് വിജയം സമ്മാനിച്ച മൈതാനമാണ് മാർകസ് സ്റ്റോയ്നിസിന്റെ അപരാജിത സെഞ്ചറിക്ക് മുന്നിൽ മുട്ടുമടക്കിയത്. ഇതോടെ പോയിന്റ് പട്ടികയിൽ ചെന്നൈ ആദ്യ നാലിൽ നിന്ന് പുറത്തായി അഞ്ചാം സ്ഥാനത്തെത്തി. ഈ സീസണിൽ ഹോം ഗ്രൗണ്ടിന് പുറത്ത് ചെന്നൈ ഒറ്റ മത്സരം മാത്രമേ വിജയിച്ചിട്ടുള്ളൂ. വാങ്കഡെയിൽ മുംബൈ ഇന്ത്യൻസിനെതിരെ. ∙ ചെന്നൈയെ കൈവിട്ട് എം.എ.ചിദംബരം സ്റ്റേഡിയവും 2008 ഏപ്രിൽ 23, ചെന്നൈ സൂപ്പർ കിങ്സ് ചെപ്പോക്ക് സ്റ്റേഡിയത്തിൽ തങ്ങളുടെ ആദ്യ ഹോം മാച്ചിനിറങ്ങിയ ദിവസം. 16 വർഷങ്ങൾക്കിപ്പുറം മറ്റൊരു ഏപ്രിൽ 23ന് ചെന്നൈ ടീം വീണ്ടും ചെപ്പോക്കിൽ എത്തി, അവരുടെ ഹോം മത്സരത്തിനായി. എതിരാളികളിലും മത്സര ഫലത്തിലുമെല്ലാം ഈ രണ്ട് മത്സരങ്ങൾ തമ്മിൽ വ്യത്യാസങ്ങൾ ഒട്ടേറെയുണ്ടെങ്കിലും ചെന്നൈ സ്കോർ ബോർഡും ഈ രണ്ട് മത്സരങ്ങളും തമ്മിൽ കൗതുകകരമായ ചില സമാനതകളുണ്ട്. രണ്ട് മത്സരങ്ങളിലും ടോസ് നഷ്ടപ്പെട്ട് ബാറ്റിങ്ങിനിറങ്ങിയ ചെന്നൈ സ്കോർ 200 കടത്തി. രണ്ട് തവണയും സ്കോർ 100 കടന്നത് 11.3 ഓവറുകളിൽ നിന്ന്. ടീം ടോട്ടൽ 150ൽ എത്താൻ 2008ൽ 15.3 ഓവറുകൾ വേണ്ടിവന്നപ്പോൾ 2024ൽ കേവലം ഒരു പന്തിന്റെ വ്യത്യാസത്തിൽ 15.4 ഓവറിൽ 150 പൂർത്തിയായി.
യശസ് ഉയർത്തി ‘ജയ്’സ്വാൾ; ‘നടു’നിവർത്തിയ മുംബൈയുടെ തലയും വാലും തകർത്ത് സന്ദീപ്; ‘ഒന്നാമനായി’ ചെഹൽ

സീസണിൽ മുഖാമുഖമെത്തിയ രണ്ടാം മത്സരത്തിലും സഞ്ജുവിന്റെ രാജസ്ഥാന് ഹാർദിക്കിന്റെ മുംബൈയോട് പറയാന്‍ ഒന്നേ ഉണ്ടായിരുന്നുള്ളു, ‘‘ഞങ്ങളെ പിടിച്ചുകെട്ടാന്‍ ആകില്ല മക്കളേ...’’ വാങ്കഡെയിൽ സ്വന്തം തട്ടകത്തിൽ ഏറ്റ പരാജയത്തിന് കണക്കു ചോദിക്കാൻ ജയ്പുരിലെത്തിയ മുംബൈ സംഘത്തിന് തോൽവിയുടെ രാവ് സമ്മാനിച്ച രാജസ്ഥാൻ പോയിന്റ് പട്ടികയിലെ തങ്ങളുടെ ഒന്നാം സ്ഥാനം ഒരിക്കൽക്കൂടി അരക്കിട്ട് ഉറപ്പിച്ചു. കളത്തിലിറങ്ങിയ 8ൽ 7 മത്സരങ്ങളിലും വെന്നിക്കൊടിപാറിച്ച ‘റോയൽസ്’ 14 പോയിന്റുമായാണ് പട്ടികയിൽ ഒന്നാം സ്ഥാനത്ത് തുടരുന്നത്. രാജസ്ഥാൻ നിരയിൽ ഫോമിൽ അല്ലാതിരുന്ന ഏക ബാറ്റർ യശസ്വി ജയ്സ്വാളിന്റെ തിരിച്ചുവരവിനും മുംബൈ ബോളർമാർ വഴിയൊരുക്കി. 4 ഓവറിൽ 18 റൺസ് വഴങ്ങി 5 വിക്കറ്റ് വീഴ്ത്തി മുംബൈ ബാറ്റിങ് നിരയുടെ വീര്യം കെടുത്തിയ സന്ദീപ് ശർമയ്ക്ക് പിന്നാലെ ഐപിഎൽ കരിയറിൽ തന്റെ രണ്ടാം സെഞ്ചറിയോടെ നിറഞ്ഞുനിന്ന ജയ്സ്വാളിന്റെ ബാറ്റിങ് മികവിലൂടെയുമാണ് രാജസ്ഥാൻ മുംബൈയ്ക്കെതിരെ 9 വിക്കറ്റിന്റെ ആധികാരിക ജയം സ്വന്തമാക്കിയത്. ∙ ‘ജയ്’സ്വാളിനെ രാജസ്ഥാന് തിരികെകിട്ടി 14 മത്സരങ്ങൾ, ഒരു സെഞ്ചറി ഉൾപ്പെടെ 625 റൺസ്. 2023 സീസണിൽ രാജസ്ഥാൻ റോയൽസിനുവേണ്ടി യശസ്വി ജയ്സ്വാളിന്റെ സംഭാവന ആയിരുന്നു ഇത്. പിന്നാലെ ദേശീയ ടീമിനായി ക്രീസിലെത്തിയപ്പോഴെല്ലാം മിന്നും പ്രകടനങ്ങൾ. എന്നാൽ, ഇത്രയും മിന്നുന്ന ഫോമിൽ കളിക്കുന്ന യശസ്വിയെ പ്രതീക്ഷിച്ച് ഇത്തവണത്തെ ഐപിഎൽ വേദികളിലേക്കെത്തിയ ആരാധകർ തീർത്തും നിരാശരായിരുന്നു. കളിച്ച 7 മത്സരങ്ങളില്‍ നിന്ന് ആകെ സ്കോർ ചെയ്തത് വെറും 121 റൺസ്. ഉയർന്ന സ്കോർ 39 റൺസും. ഇതെല്ലാം മുബൈ ഇന്ത്യൻസ് – രാജസ്ഥാൻ റോയൽസ് മത്സരത്തിന് മുൻപുവരെയുള്ള കഥ.
നിറം മാറിയെങ്കിലും കളി മാറിയില്ല, ‘പച്ച’പിടിക്കാതെ ആർസിബി; ബോളിങ് പോരിൽ ടൈറ്റൻസ് മിന്നി

സീസണിന്റെ തുടക്കത്തിൽ ടീമിന്റെ പേരിൽ മാറ്റം വരുത്തി ഭാഗ്യപരീക്ഷണം നടത്തിയ റോയൽ ചാലഞ്ചേഴ്സിന് പുതിയ നിറത്തിലുള്ള രണ്ടാം ജഴ്സിയും രാശിയായില്ല. തുടർ തോൽവികളുടെ ട്രാക്ക് മാറാൻ കഴിയാതെ പോയിന്റ് പട്ടികയിൽ അവസാന സ്ഥാനത്തു തുടരുന്ന റോയൽ ചാലഞ്ചേഴ്സിന്റെ പ്ലേ ഓഫ് സാധ്യതകളും ഏറക്കുറെ അവസാനിച്ചു. തുടർച്ചയായ 17–ാം വർഷവും ‘കിങ്’ കോലിക്ക് കപ്പില്ല. ഭാഗ്യക്കേട് മുഖമുദ്രയായ റോയൽ ചാലഞ്ചേഴ്സ് ബെംഗളൂരു കൊൽക്കത്തയ്ക്കെതിരെ വിജയം അടിയറവച്ചത് കേവലം ഒരു റൺസിന്. സ്കോർ: കൊൽക്കത്ത– 20 ഓവറിൽ 6ന് 222. ബെംഗളൂരു– 20 ഓവറിൽ 221ന് ഓൾഔട്ട്. തുടർച്ചയായ രണ്ടാം സീസണിലും കൊൽക്കത്ത നൈറ്റ് റൈഡേഴ്സിനെതിരെ വിജയം കാണാനാകാതെ റോയൽ ചാലഞ്ചേഴ്സ് ബെംഗളൂരു. 16–ാം സീസണിലെ 2 മത്സരങ്ങളിലും എന്നപോലെ 17–ാം സീസണിലെ 2 മത്സരങ്ങളിലും കെകെആറിനോട് ആർസിബി അടിയറവ് പറഞ്ഞു. ഈ സീസണിൽ ഇരു ടീമുകളും മുഖാമുഖം വന്ന ആദ്യ മത്സരത്തിൽ റോയൽ ചാലഞ്ചേഴ്സ് ഉയർത്തിയ 183 റൺസിന്റെ വിജയലക്ഷ്യം 7 വിക്കറ്റുകളും 19 പന്തുകളും ബാക്കിവച്ചാണ് കൊൽക്കത്ത മറികടന്നത്. എന്നാൽ, രണ്ടാം മത്സരത്തിൽ കെകെആറിന് കാര്യങ്ങൾ അത്ര എളുപ്പമായിരുന്നില്ല. പൊരിഞ്ഞ പോരട്ടത്തിനൊടുവിലാണ് ഒരു റൺ വിജയം സ്വന്തമാക്കിയത്. 2023ൽ ആദ്യ മത്സരത്തിൽ 81 റൺസിന്റെ വൻ മാർജിനിലാണ് കെകെആറിന് മുന്നിൽ ബെംഗളൂരു മുട്ടുമടക്കിയത്. രണ്ടാം മത്സരത്തിലും കൊൽക്കത്ത സ്കോർ 200ൽ എത്തിയിരുന്നു. അന്ന് ബെംഗളൂരുവിന്റെ പരാജയം 21 റൺസിനും. കെകെആറും ആർസിബിയും നേർക്കുനേർ വന്ന അവസാന 5 മത്സരങ്ങളി‍ൽ നാലിലും വിജയം കൊൽക്കത്തയ്ക്കൊപ്പം ആയി.
റെക്കോർഡുകൾ, സൺറൈസേഴ്സിന് അതൊരു ശീലമാണ്; ഈ ഓസീസ് താരങ്ങൾക്ക് ആര് മണികെട്ടും?

ഓരോ മത്സരം കഴിയുമ്പോഴും ‘സ്വയം തിരുത്തി’ മുന്നേറുന്ന സൺഹൈസേഴ്സ് ഹൈദരാബാദിന്റെ കുതിപ്പ് തുടരുന്നു. കളിക്കളത്തിനൊപ്പം പോയിന്റ് ടേബിളിലും ആ കുതിപ്പിന്റെ പ്രകമ്പനം പ്രകടം. കഴിഞ്ഞ 4 മത്സരങ്ങളിലും തുടർച്ചായായി വിജയിച്ച ടീം നിലവിൽ പോയിന്റ് ടേബിളിൽ സഞ്ജുവിന്റെ രാജസ്ഥാൻ റോയൽസിന് പിന്നാലെ രണ്ടാം സ്ഥാനത്താണ്. ടോപ് സ്കോറിങ് ബാറ്റർമാരുടെ പട്ടികയിലെ രണ്ടാം സ്ഥാനവും അവർക്ക് സ്വന്തമാണ്. 324 റൺസ് സ്വന്തമായുള്ള ട്രാവിസ് ഹെഡ് ആണ് ഹൈദരാബാദിന്റെ ‘അഹങ്കാരം’. പട്ടികയിലെ ഒന്നാം സ്ഥാനക്കാരനായ വിരാട് കോലി (361) ഉൾപ്പെടെയുള്ള ആദ്യ 5 സ്ഥാനക്കാരിൽ മറ്റെല്ലാവരും 7 മത്സരങ്ങളിലെ 7 ഇന്നിങ്സും ബാറ്റ് ചെയ്തിട്ടുണ്ടെങ്കിൽ ഹെഡ് മാത്രം 6 മത്സരങ്ങളിലൂടെയാണ് പട്ടികയിൽ ഇടംപിടിച്ചത്.
രണ്ടക്കം കാണാതെ 13 ഓവറുകൾ; ‘തല – ദളപതി’ കൂട്ടുകെട്ട് വിഫലം; ജയന്റ് ‘സ്ട്രൈക്കുമായി’ രാഹുൽ

‘തല – ദളപതി’മാരുടെ പോരാട്ടം വിഫലം, ക്ലാസിക് ഇന്നിങ്സിലൂടെ ചെന്നൈയിൽ നിന്ന് വിജയം തട്ടിയെടുത്ത് ലക്നൗ നായകൻ കെ.എൽ.രാഹുൽ. അവസാന ഓവറിൽ റൺ കൊടുങ്കാറ്റായ ‘തല’ ധോണിയും നങ്കൂരമിട്ട് മുന്നേറിയ ‘ദളപതി’ ജഡേജയുടെയും കരുത്തിൽ പടുത്തുയർത്തിയ 177 റൺസിന്റെ വിജയലക്ഷ്യം ലക്നൗ സൂപ്പർ ജയന്റ്സ് മറികടന്നത് 19 ഓവറിൽ 2 വിക്കറ്റ് മാത്രം നഷ്ടത്തിൽ. ലക്നൗവിന്റെ ഹോം ഗ്രൗണ്ടായ എ.ബി.വാജ്പേയി ഇകാന സ്റ്റേഡിയത്തിൽ നടന്ന മത്സരത്തിൽ ചെന്നൈയ്ക്കെതിരെ ലക്നൗവിന് 8 വിക്കറ്റ് വിജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ചെന്നൈ 20 ഓവറിൽ 6 വിക്കറ്റ് നഷ്ടത്തിൽ 176 റൺസ് നേടിയപ്പോൾ ലക്നൗ 19 ഓവറിൽ 180 റൺസ് നേടി വിജയം വശത്താക്കി. ബാറ്റിങ് കരുത്തിൽ ടീമിനെ മുന്നിൽ നിന്ന് നയിച്ച രാഹുലാണ് പ്ലെയർ ഓഫ് ദ് മാച്ച്...
മുംബൈയ്ക്കായി ‘സൂര്യ’ താണ്ഡവം; പഞ്ചാബിന് തണലായി അശുതോഷും ശശാങ്കും; ദയയില്ലാതെ ബുമ്ര; ഹിറ്റ്മാൻ@ 250*

മത്സര മികവിനൊപ്പം ഭാഗ്യ– നിർഭാഗ്യങ്ങളും മാറിമറിഞ്ഞ, വിജയ സാധ്യതകൾ ചാ‍ഞ്ചാടിക്കളിച്ച മത്സരത്തിൽ പഞ്ചാബ് കിങ്സിനെതിരെ മുംബൈ ഇന്ത്യൻസിന് ത്രസിപ്പിക്കുന്ന ജയം. സൂര്യകുമാർ യാദവിന്റെ വെടിക്കെട്ടിനൊപ്പം (53 പന്തിൽ 78) രോഹിത് (25 പന്തിൽ 36), തിലക് വർമ (18 പന്തിൽ 34 നോട്ടൗട്ട്) എന്നിവരുടെ ബാറ്റിങ് മികവുകൾക്കൂടി സമാസമം ചേർന്നപ്പോൾ പഞ്ചാബിനു മുന്നിൽ മുംബൈ കെട്ടിപ്പൊക്കിയത് 193 റൺസിന്റെ വിജയലക്ഷ്യം. തുടക്കത്തിൽ പോരാട്ടത്തിനു പോലും ഇല്ലെന്ന് തോന്നിപ്പിച്ച പഞ്ചാബ് പിന്നീട് ആഞ്ഞടിച്ചപ്പോൾ മുംബൈയും കിടുങ്ങി. ഒടുവിൽ കളിമികവിനൊപ്പം ഭാഗ്യ– നിർഭാഗ്യങ്ങൾകൂടി കളംവാണതോടെ അവസാന ഓവറിൽ പഞ്ചാബിന് കാലിടറി. മുംബൈ വിജയം 9 റൺസിന്. സ്കോർ: മുംബൈ – 20 ഓവറിൽ 7ന് 192. പഞ്ചാബ്– 19.1 ഓവറിൽ 183. നാല് ഓവറിൽ 21 റൺസ് മാത്രം വഴങ്ങി 3 വിക്കറ്റ് നേടിയ ജസ്പ്രീത് ബുമ്രയാണ് പ്ലെയർ ഓഫ് ദ് മാച്ച്. ആകെ 13 വിക്കറ്റ് നേട്ടത്തോടെ പർപ്പിൾ ക്യാപും ബുമ്ര സ്വന്തമാക്കി. ∙ സാം കരണിന്റെ പ്രതീക്ഷകൾക്ക് തിരിച്ചടി പരുക്കിൽ നിന്ന് മേചിതനാകാത്ത ശിഖർ ധവാന് പകരം ഇന്നലെയും പഞ്ചാബിനെ നയിച്ചത് സാം കറൻ ആണ്. ട‌ോസ് നേടിയിട്ടും ബോളിങ് തിരഞ്ഞെടുത്ത സാമിന്റെ തീരുമാനം ശരിവച്ചുകൊണ്ട് മൂന്നാം ഓവറിന്റെ ആദ്യ പന്തിൽ തന്നെ ഇഷാൻ കിഷന്റെ (8) വിക്കറ്റ് കഗീസോ റബാദ സ്വന്തമാക്കി. എന്നാൽ, തുടർന്നുള്ള 9 ഓവറുകൾക്കിടയിൽ മുംബൈയുടെ ഒരു വിക്കറ്റ് പോലും സ്വന്തമാക്കാൻ പഞ്ചാബ് ബോളർമാർക്ക് കഴഞ്ഞില്ല. ഹിറ്റ്മാനും സ്കൈയും ചേർന്ന ബൗണ്ടറികളുടെ മാലപ്പടക്കത്തിന് തീകൊളുത്തിയതോടെ പവർപ്ലേ ഓവറുകളിൽ നിന്ന് മുംബൈ സ്കോർ ബോർഡിൽ 54 റൺസ് ചേർക്കപ്പെടുകയും ചെയ്തു.
എറിഞ്ഞു വീഴ്ത്തി, അടിച്ചൊതുക്കി ‘ക്യാപിറ്റൽ’ പണിഷ്മെന്റ്; ഗുജറാത്തിനെ വീഴ്ത്തിയത് 67 പന്തുകൾ ബാക്കി നിർത്തി

ദേ വന്നു, ദാ പോയി... ലോകത്തിലെ ഏറ്റവും വലിയ ക്രിക്കറ്റ് സ്റ്റേഡിയത്തിൽ സീസണിലെ ഏറ്റവും ചെറിയ സ്കോറിൽ (89) പുറത്തായ ഗുജറാത്ത് ടൈറ്റൻസിന്റെ അവസ്ഥയാണിത്. മറുപടി ബാറ്റിങ്ങിൽ മിന്നൽ വേഗത്തിൽ 92 റൺസ് അടിച്ചെടുത്ത് പന്തും പടയും വിജയ വഴിയിൽ മുന്നേറുകകൂടി ചെയ്തതോടെ മത്സരം കാണാനിരുന്നവരും‌ പറഞ്ഞു, ദേ വന്നു, ദാ പോയി... ഐപിഎൽ ചരിത്രത്തിലെ ഏറ്റവും വേഗമേറിയ ഏഴാമത്തെ വിജയം സ്വന്തമാക്കാൻ ഡൽഹി ക്യാപിറ്റൽസിനു വേണ്ടിവന്നത് വെറും 53 പന്തുകൾ. ടോസ് നഷ്ടപ്പെട്ട് ആദ്യം ബാറ്റ് ചെയ്ത ഗുജറാത്തിന്റെ 10 വിക്കറ്റുകളും ഞൊടിയിടയിൽ എറിഞ്ഞു വീഴ്ത്തിയ ഡൽഹി ക്യാപ്റ്റൽസ് പിന്നാലെ മിന്നൽ വേഗത്തിൽ ലക്ഷ്യത്തിലേക്ക് പാഞ്ഞുകയറിയത് 6 വിക്കറ്റുകൾ ബാക്കിവച്ച്. 17.3 ഓവറിൽ ഗുജറാത്ത് നേടിയ 89 റൺസ് ഡൽഹി മറികടന്നത് വെറും 8.5 ഓവറിൽ 4 വിക്കറ്റ് മാത്രം നഷ്ടപ്പെടുത്തി...
ഈഡൻ ഗാർഡന് ആദ്യ ഹോം സെഞ്ചറി സമ്മാനിച്ച് നരെയ്ൻ; വിജയം ഉറപ്പിച്ച് കൊൽക്കത്ത; ബട്ട്... ബട്‌ലർ...

ആർആറിന് ആറാം വിജയം. ഇത്തവണ വിജയം ഇന്ത്യൻ ക്രിക്കറ്റിന്റെ തറവാടായ ഈഡൻ ഗാർഡനിൽ. ശരിക്കും ‘ഒന്നാമൻ’ ആരെന്ന് അറിയാനുള്ള മത്സരത്തിൽ തകർത്തത് സീസണിലെ ഏറ്റവും മികച്ച എതിരാളികളായ കൊൽക്കത്ത നൈറ്റ് റൈഡേഴ്സിനെ. പോയിന്റ് പട്ടികയിലെ ഒന്നാം സ്ഥാനം രാജസ്ഥാൻ റോയൽസ് നിലനിർത്തുമോ, അതോ കൊൽക്കത്തയ്ക്കു മുന്നിൽ അടിയറവയ്ക്കുമോ എന്ന ചോദ്യവുമായി തുടങ്ങിയ പോരിൽ പട നയിച്ചത് സഞ്ജു, പട വെട്ടിയത് ജോസ് ബട്‌ലറും. ഒടുവിൽ അവസാന പന്തിൽ വിജയ റൺ പിറന്നപ്പോൾ, നൈറ്റ് റൈഡേഴ്സിന്റെ വിജയത്തിനായി ആർപ്പുവിളിച്ച ഈഡൻ ഗാർഡനിലെ ഗാലറിക്ക് ഒന്നേ പറയാനുണ്ടായിരുന്നുള്ളു, ‘വെൽ പ്ലെയ്ഡ് കെകെആർ. ബട്ട്... ബട്‌ലർ....’ സുനിൽ നരെയ്ന്റെ തകർപ്പൻ സെഞ്ചറിയുടെ കരുത്തിൽ കൊൽക്കത്ത മുന്നോട്ടുവച്ച 224 റൺസിന്റെ വിജയലക്ഷ്യം പിന്തുടർന്ന രാജസ്ഥാൻ റോയൽസ് ഒരുഘട്ടത്തിൽ 121‌ന് 6 വിക്കറ്റ് എന്ന നിലയിലേക്ക് കൂപ്പുകുത്തിയിരുന്നു. മുൻനിരയിൽ ഉണ്ടായിരുന്ന കൂട്ടാളികൾ എല്ലാം വീണുപോയെങ്കിലും ബട്‌ലർ തളർന്നില്ല. വീറോടെ പോരാടി അവസാന പന്തുവരെ. സ്കോർ: കൊൽക്കത്ത: 223‌/6, രാജസ്ഥാൻ: 224/8. ഇംപാക്ട് പ്ലെയറായി എത്തി സീസണിലെ രണ്ടാം സെഞ്ചറിയുമായി രാജസ്ഥാൻ ഇന്നിങ്സിനെ മുന്നിൽനിന്നു നയിച്ച് വിജയം സമ്മാനിച്ച ബട്‌ലർ തന്നെയാണ് പ്ലെയർ ഓഫ് ദ് മാച്ചും.
പൊരുതി തോറ്റിട്ടും ‘ചരിത്രം’ എഴുതി ബെംഗളൂരു; സ്വയം ‘തിരുത്തി’ ഹൈദരാബാദ്; റെക്കോർഡുകളുടെ പെരുമഴ പെയ്ത രാവ്

ബെംഗളൂരു ചിന്നസ്വാമി സ്റ്റേഡിയത്തിൽ രാത്രി വൈകിയും സൂര്യൻ അസ്തമിച്ചിരുന്നില്ല. ഹൈദരാബാദിന്റെ വെടിക്കെട്ട് ഇന്നിങ്സിന് അതേ നാണയത്തിൽ മറുപടി കൊടുക്കുന്ന തിരക്കിലായിരുന്നു ബെംഗളൂരുവും ചിന്നസ്വാമിയിലെ ആരാധകരും. ഒടുവിൽ പൊരുതി വീണെങ്കിലും ബെംഗളൂരു താരങ്ങളും ആരാധകരും തല ഉയർത്തി തന്നെയാണ് ചിന്നസ്വാമി സ്റ്റേഡിയം വിട്ടത്. ആർസിബി പരാജയപ്പെട്ടത് ഐപിഎൽ ചരിത്രത്തിലെ ഏറ്റവും വലിയ സ്കോറിനോട് പടപൊരുതിയാണ്. സൺറൈസേഴ്സ് ഹൈദരാബാദ് ഉയർത്തിയ 288 റൺസ് എന്ന പടുകൂറ്റൻ വിജയലക്ഷ്യത്തിന് 25 റൺസിന് പിന്നിൽ മത്സരം അവസാനിച്ചെങ്കിലും ബെംഗളൂരു സ്വന്തമാക്കിയത് ഐപിഎലിലെ ഏറ്റവും ഉയർന്ന അഞ്ചാമത്തെ ടോട്ടൽ ആണ് (262 റൺസ്). ∙ ഹൈദരാബാദിന്റെ ‘തല’ 41 പന്തിൽ 102 റൺസെടുത്ത ട്രാവിസ് ഹെഡാണു ഹൈദരാബാദ് ഇന്നിങ്സിന്റെ നെടുനായകൻ. 39 പന്തുകളിൽ നിന്നാണ് ട്രാവിസ് സെഞ്ചറി പൂർത്തിയാക്കിയത്. ഐപിഎൽ ചരിത്രത്തിലെ വേഗമേറിയ നാലാം സെഞ്ചറിയും ഈ സീസണിലെ ഏറ്റവും വേഗമേറിയ സെഞ്ചറിയുമാണ് ട്രാവിസിന്റേത്. 30 പന്തുകളിൽ നിന്ന് സെഞ്ചറി കണ്ടെത്തിയിട്ടുള്ള ക്രിസ് ഗെയിലാണ് ഈ പട്ടികയിലെ ഒന്നാമൻ. 8 സിക്സറുകളും 9 ഫോറുകളും ഉൾപ്പെടുന്നതായിരുന്നു ട്രാവിസിന്റെ ചിന്നസ്വാമിയിലെ ഇന്നിങ്സ്. അഭിഷേക് ശർമയുമായി (22 പന്തിൽ 34) ചേർന്ന് പവർ പ്ലേ ഓവറുകളിൽ നിന്ന് ടീം സ്കോർബോർഡിൽ 75 റൺസാണ് ട്രാവിസ് ഹെഡ് എഴുതിച്ചേർത്തത്. ഇവരുടെ ഒന്നാം വിക്കറ്റ് കൂട്ടുകെട്ടിൽ ആകെ പിറന്നത് 108 റൺസാണ്. അതും 49 പന്തുകളിൽ നിന്ന്.
500 സ്ട്രൈക് റേറ്റിൽ ധോണി! 502 സിക്സറുകളുമായി രോഹിത്! ഉയർന്ന് നിന്നത് ‘മുൻ തലകൾ’; പത്തിവിടർത്തി പതിരാന

ഐപിഎലിലെ കൊമ്പൻമാർ തമ്മിലുള്ള പോരാട്ടം, വേദി, ഇന്ത്യൻ ക്രിക്കറ്റിന്റെ ഈറ്റില്ലങ്ങളിൽ ഒന്നായ വാങ്ക‍ഡെ സറ്റേഡിയം. 5 തവണ വീതം ഐപിഎൽ കിരീടത്തിൽ മുത്തമിട്ടിട്ടുള്ള മുംബൈ ഇന്ത്യൻസും ചെന്നൈ സൂപ്പർ കിങ്സും പഴയ ‘പകയോടെ’ നേർക്കുനേർ എത്തിയത് പുതിയ നായകൻമാരുടെ നേതൃത്വത്തിൽ. എന്നാൽ, ഗാലറിയിൽ നിറഞ്ഞുകവിഞ്ഞ നീലകുപ്പായക്കാർക്കും മഞ്ഞപ്പടയ്ക്കും ആഹ്ലാദിക്കാനുള്ള നിമിഷങ്ങൾ സമ്മാനിക്കാൻ മുന്നിൽ നിന്നത് ഇരു ടീമുകളുടെയും മുൻ നായകൻമാരായ ‘തല’ ധോണിയും ‘ഹിറ്റ്മാൻ’ രോഹിത്തും. ധോണി, വെറും 4 പന്തുകൾ മാത്രം നീണ്ട ഇന്നിങ്സിലൂടെ തന്റെ ആരാധകരുടെ മനം നിറച്ചപ്പോൾ, 20 ഓവറും ക്രീസിൽ നിന്ന് അപരാജിത സെഞ്ചറി നേട്ടത്തോടെയായിരുന്നു ഹിറ്റ്മാന്റെ ഹിറ്റ് ഇന്നിങ്സ്. ബാറ്റർമാർക്കൊപ്പം ബോളർമാരും മിന്നുന്ന ഫോമിലായതോടെ ട്വന്റി 20 ക്രിക്കറ്റിന്റെ എല്ലാ ഭാവങ്ങളും വാങ്കഡെയിലെ ചരടിൽ കോർത്തു, നീലയും മഞ്ഞയും മുത്തുകൾക്കൊണ്ട് തീർത്ത മാല പോലെ... അവസാന ഓവറിലെ ധോണിയുടെ ഫിനിഷിങ് ടച്ചിലൂടെ ചെന്നൈ ഉയർത്തിയ 207 റൺസ് വിജയലക്ഷ്യം പിന്തുടർന്ന മുംബൈയുടെ ഇന്നിങ്സ് 20 ഓവറിൽ 6 വിക്കറ്റ് നഷ്ടത്തിൽ 186 റൺസിൽ അവസാനിച്ചു. ചെന്നൈയ്ക്ക് 20 റൺസ് വിജയം. ധോണിക്ക് പുറമേ ക്യാപ്റ്റൻ ഋതുരാജ് ഗെയ്‌ക്‌വാദ് (40 പന്തിൽ 69), ശിവം ദുബെ (38 പന്തിൽ 66*) എന്നിവരുടെ ബാറ്റിങ് മികവിലാണ് ചെന്നൈ മികച്ച സ്കോർ പടുത്തുയർത്തിയത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ചെന്നൈ പരീക്ഷണാടിസ്ഥാനത്തിൽ കളത്തിലിറക്കിയ ഓപ്പണർ അജിൻക്യ രഹാനെ (8 പന്തിൽ 5) തുടക്കത്തിൽ തന്നെ പുറത്തായെങ്കിലും മൂന്നാമനായി എത്തിയ ക്യാപ്റ്റൻ ഋതുരാജ് ഗെയ്‌ക്‌വാദും രചിൻ രവീന്ദ്രയും (16 പന്തിൽ 21) ചേർന്ന് രണ്ടാം വിക്കറ്റ് കൂട്ടുകെട്ടിൽ 52 റൺസും (37 പന്തിൽ) ശിവം ദുബെ – ഋതുരാജ് ഗെയ്‌ക്‌വാദ് മൂന്നാം വിക്കറ്റ് കൂട്ടുകെട്ട് 90 റൺസും (45 പന്തിൽ) സ്വന്തമാക്കിയിരുന്നു. ഇതായിരുന്നു ചെന്നൈ ഇന്നിങ്സിന്റെ നട്ടെല്ല്. മുംബൈയ്ക്കായി 4 ഓവറിൽ 27 റൺസ് മാത്രം വഴങ്ങിയ ജസ്പ്രീത് ബുമ്രയും 3 ഓവറിൽ 19 റൺസ് മാത്രം വഴങ്ങിയ മുഹമ്മദ് നബിയും ബോളിങ്ങിൽ തിളങ്ങി. ഹാർദിക് പാണ്ഡ്യ രണ്ടു വിക്കറ്റും ജെറാൾഡ് കോട്ട്‌സി, ശ്രേയസ് ഗോപാൽ എന്നിവർ ഓരോ വിക്കറ്റ് വീതവും വീഴ്ത്തി.
ഗുജറാത്തിനോടുള്ള കലിപ്പ് പഞ്ചാബിനോട് തീർത്ത് ഹെറ്റ്മയർ; ഇംപാക്ട് നൽകി ജയ്സ്വാൾ; വീണ്ടും ‘തലപൊക്കി’ ചെഹൽ

വീണ്ടും അവസാന ഓവർ ത്രില്ലർ. ഇത്തവണ വിജയം ‍സഞ്ജുവിന്റെ രാജസ്ഥാനൊപ്പം. ഗുജറാത്തിനെതിരായ മത്സരത്തിൽ 20–ാം ഓവറിന്റെ അവസാന പന്തിൽ റാഷിദ് ഖാൻ തട്ടിയെടുത്ത വിജയത്തിന് രാജസ്ഥാൻ പകരം ചോദിച്ചത് പഞ്ചാബിനോട്. 20–ാം ഓവറിന്റെ അഞ്ചാം പന്തിൽ ഹെറ്റ്മയർ പറത്തിയ സിക്സറിൽ രാജസ്ഥാൻ വീണ്ടെടുത്തത്
'ആർക്കും വേണ്ടാത്തവന'ല്ല, ഇനി ജെയ്ക്കിനെ ഡൽഹി വിടില്ല! ഇങ്ങനെ റണ്ണടിച്ചു കൂട്ടാനാണോ പന്ത് 'ഗ്യാപ്' എടുത്തത്!

കുൽദീപ് യാദവിന്റെ മാന്ത്രികതയിൽ ലക്നൗ സൂപ്പർ ജയന്റ്സിന്റെ മുൻനിര മയങ്ങി വീണപ്പോൾ ഡൽഹിക്ക് സീസണിൽ രണ്ടാം ജയം. തുടക്കത്തിലെ വൻ വീഴ്ചയിലും പതറാതെ ലക്നൗവിനെ മുന്നിൽ നിന്ന് നയിച്ച് ആയുഷ് ബദോനിയുടെ പോരാട്ടം വിഫലം. ലക്നൗവിന്റെ ഹോം ഗ്രൗണ്ടിൽ ഡൽഹിയുടെ വിജയം 11 പന്തുകൾ ശേഷിക്കെ 6 വിക്കറ്റിന്. സ്കോർ: ലക്നൗ സൂപ്പർ ജയന്റ്സ്: 20 ഓവറിൽ 7 വിക്കറ്റിന് 167. ഡൽഹി ക്യാപിറ്റൽസ്: 18.1 ഓവറിൽ 4 വിക്കറ്റിന് 170. ഐപിഎൽ താര ലേലത്തിൽ ആർക്കും വേണ്ടാതെ തഴയപ്പെട്ടവൻ. ഡൽഹിയിലേക്ക് എത്തിയത് പകരക്കാരന്റെ വേഷത്തിൽ. ആദ്യ മത്സരത്തിൽ നേരിട്ട രണ്ടാം പന്തിൽ സിക്സർ പായിച്ചുകൊണ്ട് റൺവേട്ടയ്ക്ക് തുടക്കം. അരങ്ങേറ്റ മത്സരത്തിൽ തന്നെ അർധ സെഞ്ചറി നേട്ടത്തോടെ ടീമിന്റെ വിജയശിൽപി ആയ താരം. ഈ വിശേഷണങ്ങളെല്ലാം ഒരാൾക്ക് അവകാശപ്പെട്ടതാണ്. ഈ സീസണിൽ ഇതുവരെ കളത്തിലിറങ്ങിയ നാലിൽ മൂന്ന് മത്സരങ്ങളിലും വിജയിച്ച് പോയിന്റ് പട്ടികയിൽ മൂന്നാം സ്ഥാനത്ത് നിലയുറപ്പിച്ചിരുന്ന ലക്നൗ സൂപ്പർ ജയന്റ്സിനെ അവരുടെ ഹോം ഗ്രൗണ്ടിൽ ചെന്ന് പഞ്ഞിക്കിട്ട യുവ താരം ജെയ്ക് ഫ്രേസർ മക്കര്‍ഗാണ് ശരിക്കും ഡൽഹിയുടെ വിജയശിൽപി. ക്രുനാൽ പാണ്ഡ്യ പന്തെടുത്ത 13–ാം ഓവറിൽ തുടരെത്തുടരെ അടിച്ചു പറത്തിയ 3 സിക്സറുകൾ കണ്ട ആരും ജെയ്ക്കിനെ ഒരിക്കലും മറക്കില്ല. അത്ര മികച്ചതായിരുന്നു ആ ഓരോ സിക്സറുകളും. 35 പന്തിൽ നിന്ന് ആകെ 5 സിക്സറുകളും 2 ഫോറുകളും സഹിതം ജെയ്ക് അടിച്ചെടുത്തത് 55 റൺസ് ആണ്. മൂന്നാമനായി ക്രീസിലെത്തിയ ജെയ്ക് തന്നെയാണ് ഡൽഹിയുടെ ടോപ് സ്കോററും. സ്ട്രൈക് റേറ്റ് 157.14.
പാണ്ഡ്യയുടെ മായാജാലക്കാരൻ: 'ഇവൻ എറിഞ്ഞ് കാലൊടിക്കും'; തിരിച്ചെത്തി ഡുപ്ലെസി , ഡക്ക് റെക്കോർഡിട്ട് മാക്സ്‌വെൽ

ബോളിങ്ങിൽ ബുമ്ര, ബാറ്റിങ്ങിൽ ഇഷാൻ, സൂര്യ, രോഹിത്, ഹാർദിക്... മുംബൈ ഇന്ത്യൻസിനായി ഈ ഇന്ത്യൻ താരങ്ങളെല്ലാം ഒന്നിച്ച് മിന്നിക്കത്തിയപ്പോൾ പരാജയമല്ലാതെ മറ്റൊന്നും ബെംഗളൂരുവിന് മുന്നിൽ ഇല്ലായിരുന്നു. അത് എത്ര വൈകിപ്പിക്കാം എന്നു മാത്രമായിരുന്നു അവരുടെ ചിന്ത. എന്നാൽ തുടക്കം മുതൽ ഒടുക്കം വരെ മുംബൈ ഇന്ത്യൻസ് ബാറ്റർമാർ എല്ലാം സംഹാരരൂപികളായപ്പോൾ ബെംഗളൂരു ഉയർത്തിയ 197 റൺസ് വിജയലക്ഷ്യം 27 പന്തും 7 വിക്കറ്റുകളും ബാക്കി നിൽക്കെ മുംബൈ മറികട‌ന്നു. സ്കോർ: ബെംഗളൂരു– 20 ഓവറിൽ 8ന് 196. മുംബൈ– 15.3 ഓവറിൽ 3ന് 199. ‘ജസ്പ്രീത് ബുമ്ര ടീമിലുള്ളത് എനിക്ക് അനുഗ്രഹമാണ്. എപ്പോഴെല്ലാം പന്തേൽപ്പിക്കുന്നോ അപ്പോഴെല്ലാം എന്തെങ്കിലും മായാജാലം അദ്ദേഹം ഒരുക്കിവച്ചിട്ടുണ്ടാകും’ – മുംബൈ ഇന്ത്യൻസ് – റോയൽ ചാലഞ്ചേഴ്സ് ബെംഗളൂരു മത്സരത്തിന് ശേഷം മുംബൈ നായകൻ ഹാർദിക് പാണ്ഡ്യ പറഞ്ഞ വാക്കുകളാണിത്.
ആദ്യം സഞ്ജു മൂന്നിൽ, പിന്നാലെ സ്ഥാനം 'അടിച്ചെടുത്ത്' ഗിൽ; നായകനായും വില്ലനായും സെൻ; വൈഡിന് വേണ്ടിയും 'അടി'

മഴ വൈകിപ്പിച്ച മത്സരത്തിന്റെ ഫലവും വൈകി, അവസാന പന്തുവരെ. അവേശ് ഖാൻ എറിഞ്ഞ 20–ാം ഓവറിന്റെ അവസാന പന്ത് റാഷിദ് ഖാൻ ബൗണ്ടറി ലൈൻ കടത്തുന്നതുവരെയും ആരാധകർ അക്ഷമരായി കാത്തിരുന്നു, വിജയി ആരെന്നറിയാൻ. മുല്ലാംപുരിൽ നടന്ന ഹൈദരാബാദ് – പഞ്ചാബ് മത്സരത്തിന്റെ ആവേശം അവസാന പന്തിന് തൊട്ടുമുൻപുവരെ ആയിരുന്നെങ്കിൽ ജയ്പുരിൽ നടന്ന രാജസ്ഥാൻ – ഗുജറാത്ത് മത്സരത്തിന്റെ ആവേശം മത്സരത്തിന്റെ അവസാന പന്തുവരെ ആയിരുന്നു. അവസാന ഓവറുകളിൽ കാറ്റ് മാറി വീശിയ മത്സരത്തിനൊടുവിൽ സീസണിലെ രാജസ്ഥാൻ റോയൽസിന്റെ അപരാജിത കുതിപ്പിനും തിരശ്ശീല വീണു, ഗുജറാത്ത് ടൈറ്റൻസിന് 3 വിക്കറ്റ് വിജയം. സ്കോർ: രാജസ്ഥാൻ– 20 ഓവറിൽ 3ന് 196. ഗുജറാത്ത് 20 ഓവറിൽ 7ന് 199. മത്സരത്തിന്റെ അവസാന പന്തിൽ അവേശ് ഖാനെതിരെ ബൗണ്ടറി നേടി ഗുജറാത്തിന്റെ വിജയം ഉറപ്പിച്ച ശേഷം ഗാലറിയിലേക്ക് നോക്കി റാഷിദ് ഖാൻ ബാറ്റ് ഉയർത്തി. ‘ഞാൻ ഇവിടെത്തന്നെയുണ്ട്, ഏത് പ്രതിസന്ധിഘട്ടത്തിലും ഗുജറാത്തിന് തുണയായി’ എന്ന് ഉറക്കെ പ്രഖ്യാപിക്കുന്നത് പോലെ ആയിരുന്നു റാഷിദിന്റെ ആ പ്രകടനം. ജയ്പുരിലെ ഇളകി മറിയുന്ന പിങ്ക് ഗാലറിയുടെ മുന്നിൽ, അസാധ്യം എന്നു തോന്നിച്ച വിജയമാണ് റാഷിദ് ഖാൻ ഗുജറാത്തിന് സാധ്യമാക്കി നൽകിയത്. ഗുജറാത്തിന് വിജയം ഉറപ്പിക്കാൻ 2 റൺസ് വേണ്ടിയിരുന്ന അവസാന പന്തിൽ ഫോർ അടിച്ചാണ് റാഷിദ് ‌അത് സാധ്യമാക്കിയത്. 15 പന്തിൽ 40 റൺസ് എന്ന വിജയ ലക്ഷ്യം മുന്നിലുള്ളപ്പോഴാണ് റാഷിദ് ഖാൻ ബാറ്റിങ്ങിനായി ക്രീസിലെത്തുന്നത്. പിന്നീട് അങ്ങോട്ട് ജയ്പുരിലെ ആരാധകർ സാക്ഷ്യംവഹിച്ചത് റാഷിദ് ഖാൻ – രാഹുൽ തെവാത്തിയ (11 പന്തിൽ 22) സഖ്യത്തിന്റെ പടയോട്ടത്തിനാണ്. അവിടെ നിന്ന് ഗുജറാത്തിന്റെ വിജയം വരെ 11 പന്തുകളിൽ നിന്ന് 4 ഫോറുകൾ സഹിതം 24 റൺസാണ് റാഷിദ് ഖാൻ അടിച്ചുകൂട്ടിയത്. സ്ട്രൈക് റേറ്റ് 218.18. വെടിക്കെട്ട് ബാറ്റിങ്ങിന് മുൻപ് അറുപിശുക്കൻ ബോളിങ്ങിലൂടെയും റാഷിദ് തിളങ്ങിയിരുന്നു.
'പവർ' വന്ന ഇരുപതാം ഓവർ: കാവ്യയ്ക്ക് 'മിസ്സ്‌' ഈ ആവേശപ്പോരാട്ടം, ഒടുവിൽ ക്യാപ്റ്റൻ കമിൻസിന്റെ ആ ചിരി

ഭാഗ്യത്തേക്കാളേറെ ഭാഗ്യദോഷങ്ങൾ മാറിമറിഞ്ഞ ആവേശപ്പോരിനാണ് മുല്ലാംപുർ സാക്ഷ്യംവഹിച്ചത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ സൺറൈസേഴ്സ് ഹൈദരാബാദിനൊപ്പം തുടക്കം മുതൽ ഭാഗ്യദോഷവും കൂടെക്കൂടി. കണ്ണടച്ച് തുറക്കും മുൻപ് മുൻനിര ബാറ്റർമാർ ക്രീസിലേക്ക് പോയതിനേക്കാൾ വേഗത്തിൽ ഡ്രസിങ് റൂമിലേക്ക് മടങ്ങി. ഹൈദരാബാദിന്റെ ഭാഗ്യദോഷത്തെ ചെറുത്തു നിന്നുകൊണ്ട് ടീമിന് മാന്യമായി ടോട്ടൽ സമ്മാനിക്കാൻ വഴിയൊരുക്കിയത് യുവതാരം നിതീഷ് റെഡ്ഡിയുടെ (37 പന്തിൽ 64) ഒറ്റയാൾ പോരാട്ടമാണ്. മറുപടി ബാറ്റിങ്ങിനായി കളത്തിലിറങ്ങിയ പഞ്ചാബ് കിങ്സും ഭാഗ്യദോഷത്തോട് മല്ലിട്ടാണ് മുന്നോട്ടു പോയത്. ഒടുവിൽ പഞ്ചാബിന്റെ കഴിഞ്ഞ കളിയിലെ ‘രക്ഷകരായ’ ശശാങ്ക് സിങ്– അശുതോഷ് ശർമ കൂട്ടുകെട്ട് വീണ്ടും ഒന്നിച്ചു. പിന്നീട് അറിയാനുണ്ടായിരുന്നത് ഒന്നുമാത്രം, വിജയം എന്ന ഭാഗ്യം ആർക്കൊപ്പം നിൽക്കും? ജയദേവ് ഉനദ്കട്ട് എറിഞ്ഞ 20–ാം ഓവറിന്റെ അഞ്ചാം പന്തിന് ശേഷം ഹൈദരാബാദ് നായകൻ പാറ്റ് കമിൻസിന്റെയും ഉനദ്കട്ടിന്റെയും മുഖത്ത് വിരിഞ്ഞ പുഞ്ചിരിക്ക് തൊട്ടുമുൻപുവരെ ആ ചോദ്യത്തിനുള്ള ഉത്തരം ആർക്കും അറിയില്ലായിരുന്നു. ഒടുവിൽ മുല്ലാംപുരിൽ വെറും 2 റൺസിന് ഹൈദരാബാദിന്റെ വിജയ സൂര്യൻ ഉദിച്ചതോടെ ഒന്നുറപ്പിച്ചു, ഭാഗ്യദോഷത്തിന്റെ ഗ്രഹണം പിടികൂടിയത് ആതിഥേയരെ ആയിരുന്നു...
ഋതുരാജിനെ ഭാഗ്യം തുണച്ചത് ആദ്യമായി; മാറ്റം വഴിത്തിരിവാക്കി ദേശ്പാണ്ഡെ; മഞ്ഞക്കടലിൽ ഈ തോണി ഭദ്രം

പിടിച്ചുകെട്ടാനാകാത്ത ബാറ്റിങ് കരുത്ത്, തടുത്ത് നിൽക്കാനാകാത്ത ബോളിങ് മികവ്. 17–ാം സീസണിലെ ആദ്യ 3 മത്സരങ്ങിലും കൊൽക്കത്ത നൈറ്റ് റൈഡേഴ്സിന്റെ മുഖമുദ്രയായിരുന്ന ഈ ഖ്യാതിക്കാണ് ചെന്നൈ ബോളർമാർ കോട്ടംതട്ടിച്ചത്. സീസണിൽ അപരാജിതരായി കുതിപ്പു തുടർന്ന കെകെആറിന് ചെപ്പോക്കിൽ കാലിടറി. ചെന്നൈ സൂപ്പർ കിങ്സ് ബോളർമാരുടെ ആധിപത്യം തിളങ്ങിനിന്ന മത്സരത്തിൽ കൊൽക്കത്തയ്ക്കെതിരെ 7 വിക്കറ്റ് വിജയമാണ് ഋതുരാജ് ഗെയ്ക്‌വാദിന്റെ സംഘം സ്വന്തമാക്കിയത്. കൊൽക്കത്ത ഉയർത്തിയ 138 റൺസ് വിജയലക്ഷ്യം 17.4 ഓവറിൽ ചെന്നൈ മറികടന്നു. സ്കോർ: കൊൽക്കത്ത 20 ഓവറിൽ 9ന് 137. ചെന്നൈ 17.4 ഓവറിൽ 3ന് 141. ∙ മുന്നിൽ നയിച്ച് നായകന്‍മാർ ചെന്നൈയിൽ ഇരു ടീമുകളുടെയും ബാറ്റിങ് നിരയുടെ നെടുന്തൂണുകൾ ആയതും ടോപ് സ്കോറർമാരായതും നായകൻമാരാണ്. ആദ്യം ബാറ്റ് ചെയ്ത കൊൽക്കത്ത നൈറ്റ് റൈഡേഴ്സിനായി അവരുടെ നായകൻ ശ്രേയസ്സ് അയ്യർ 32 പന്തുകളിൽ 34 റൺസ് സ്വന്തമാക്കി ടോപ് സ്കോറർ ആയപ്പോൾ ചെന്നൈക്കായി 58 പന്തിൽ 67 റൺസ് നേടിയാണ് ഋതുരാജ് ഗെയ്ക്‌വാദ് ഇന്നിങ്സിലെ ടോപ് സ്കോറർ ആയത്. വമ്പൻ അടികൾക്ക് മുതിരുന്നതിനേക്കാൾ വിക്കറ്റ് നഷ്ടപ്പെടാതെ ടീം ടോട്ടൽ മുന്നോട്ടുകൊണ്ടുപോകാൻ ശ്രദ്ധിച്ച ഇരുവരുടെയും ഇന്നിങ്സുകൾ തമ്മിലുള്ള പ്രധാന സാമ്യങ്ങളിലൊന്ന് രണ്ട് ഇന്നിങ്സുകളിലും സിക്സറുകൾ ഒന്നും ഇല്ലായിരുന്നെന്നതാണ്.
ഇനിയും മറികടക്കാനാകാതെ ലക്നൗവിന്റെ ‘160 വിക്ടറി’; യഷോ ക്രുനാലോ? രണ്ടായാലും ഗുജറാത്ത് തവിടുപൊടി

ബാറ്റർമാരുടെ വമ്പൻ അടികളുടെ കളി എന്നാണ് ഐപിഎലിന്റെ എഴുതപ്പെടാത്ത വിശേഷണങ്ങളിലൊന്ന്. എന്നാൽ ഇന്നലെ ലക്നൗവിൽ ആഞ്ഞടിച്ചത് ബോളർമാരാണ്. ലക്നൗ സൂപ്പർ ജയന്റ്സിനായി യഷ് ഠാക്കൂറും ക്രുനാൽ പാണ്ഡ്യയും സംഹാര രൂപികളായപ്പോൾ ഗുജറാത്ത് ടൈറ്റൻസിന്റെ പരാജയം 33 റൺസിന്. സ്കോർ: ലക്നൗ– 20 ഓവറിൽ 5ന് 163. ഗുജറാത്ത്– 20 ഓവറിൽ 130. ഐപിഎലിലെ ഇളമുറ ടീമുകളായ ഗുജറാത്തും ലക്നൗവും ഇതുവരെ 5 കളികളിൽ നേർക്കുനേർ വന്നെങ്കിലും ഇത് ആദ്യമായാണ് വിജയം ലക്നൗ പക്ഷത്ത് എത്തിയത്. ഈ വിജയത്തോടെ തുടർച്ചയായ 3 കളികളിൽനിന്ന് നേടിയ 6 പോയിന്റുമായി പോയിന്റ് പട്ടികയിൽ മൂന്നാം സ്ഥാനത്തേയ്ക്കും ലക്നൗ ഉയർന്നു. ആദ്യ ഇന്നിങ്സിൽ 160 റൺസിന് മുകളിൽ സ്കോർ കണ്ടെത്തിയാൽ ലക്നൗവിനെ പരാജയപ്പെടുത്താനാകിലെന്ന പതിവും അവർ ആവർത്തിച്ചു. ആദ്യം ബാറ്റ് ചെയ്ത് 160ന് മുകളിൽ സ്കോർ കണ്ടെത്തിയ 12 മത്സരങ്ങളിലും എൽഎസ്‌ജി പരാജയം അറിഞ്ഞിട്ടില്ല.
പാണ്ഡ്യയ്ക്ക് സിക്സർ വേണ്ട ‘കരുതൽ’ മതി; മാറി മധ്യനിര ശാപം; വഴിത്തിരിവായത് 20–ാം ഓവർ; 8 ബോളിൽ സൂനാമി

ഇതാണ് ടീം മുംബൈ ഇന്ത്യൻസ്. ആരാധകർ കാണാന്‍ ആഗ്രഹിച്ച ‘ദൈവത്തിന്റെ പോരാളികൾ’. തുടർച്ചയായ 3 പരാജയങ്ങൾക്ക് ശേഷം സ്വന്തം മണ്ണിൽ വെന്നിക്കൊടി പാറിച്ചുകൊണ്ട് മുംബൈ വരവറിയിച്ചുകഴിഞ്ഞു. ആദ്യ 3 മത്സരങ്ങൾക്കൊടുവിലും തലകുനിച്ച് മൈതാനംവിട്ട മുംബൈ ടീമിന്റെ നിഴലിനെപ്പോലും വാങ്കഡെയിൽ എവിടെയും കാണാനുണ്ടായിരുന്നില്ല. ഗാലറിയിൽ നിറഞ്ഞ 18,000 കുരുന്നുകളുടെ മനസ്സ് നിറയ്ക്കുന്ന റൺ വിരുന്ന് ഒരുക്കാനുള്ള തിരക്കിലായിരുന്നു ഹാർദിക് പാണ്ഡ്യയും കൂട്ടരും. എല്ലാ പൊസിഷനുകളിലും ബാറ്റർമാർ താളംകണ്ടെത്തിയോടെ മുംബൈ അക്കൗണ്ടിലേക്ക് ഇടതടവില്ലാതെ റൺസ് ഒഴുകുകയായിരുന്നു. ബാറ്റർമാർ സമ്മാനിച്ച 234 റൺസിന്റെ കോട്ടകാക്കാൻ ബോളർമാരും കരുത്ത് കാട്ടിയപ്പോൾ ഡൽഹി ക്യാപിറ്റൽസിനെ 29 റൺസിന് പരാജയപ്പെടുത്തി മുംബൈ ഇന്ത്യൻസിന് ഐപിഎൽ 17–ാം സീസണിലെ ആദ്യ വിജയം. രോഹിത്തും ഇഷൻ കിഷനും ചേർന്ന് തുടങ്ങിവച്ച വെടിക്കെട്ട് മധ്യ ഓവറുകളിൽ നായകൻ ഹാർദിക് പാണ്ഡ്യയും ടിം ഡേവിഡും തുടർന്നുകൊണ്ടു പോയപ്പോൾ അവസാന ഓവറിൽ അത് ആളിക്കത്തിച്ച റൊമാരിയോ ഷെപ്പേഡ് മുംബൈയ്ക്ക് സമ്മാനിച്ചത് സമാനതകളില്ലാത്ത റൺ മഴ. പക്ഷേ, മുംബൈ ഇന്ത്യന്‍സ് മുന്നോട്ടുവച്ച 234 റൺസിന്റെ കൂറ്റൻ വിജയലക്ഷ്യം പിന്തുടർന്ന ഡൽഹി ക്യാപ്പിറ്റൽസും അവസാനംവരെ പൊരുതിയാണ് വീണത്.
ചരിത്രം തിരുത്തിയ രോഹിത്തിനോട് ഇത് വേണമായിരുന്നോ? പാണ്ഡ്യയുടെ പ്രാർഥന ഫലം കാണുമോ?

‘ദൈവത്തിന്റെ പടയാളികൾ’. ഐപിഎൽ ചരിത്രത്തിലെ ഏറ്റവും കരുത്തരായ ടീം മുംബൈ ഇന്ത്യൻസിന്റെ വിളിപ്പേരാണിത്. ഏത് പ്രതിസന്ധിയിലേക്ക് കൂപ്പുകുത്തിയാലും അവിടെനിന്ന് ഉയിർത്തെഴുന്നേറ്റ് കപ്പടിക്കാൻ കരുത്തുള്ള ടീം. ഇത്രയും പറഞ്ഞത് ചരിത്രം. ഇനി വർത്തമാനത്തിലേക്ക്. ഒരു ഐപിഎൽ ടീമിന്റെ ആരാധകർക്കിടയിൽ 2 ഗ്രൂപ്പുകൾ എന്നത് കേട്ടുകേൾവി പോലും ഇല്ലാത്ത കാര്യങ്ങളായിരുന്നു. എന്നാൽ ഇപ്പോൾ മുംബൈ ഇന്ത്യന്‍സിന്റെ കാര്യത്തിൽ അതും സംഭവിച്ചിരിക്കുന്നു. ട്രോളൻമാരുടെ ഭാഷയിൽ പറഞ്ഞാൽ മുംബൈ ഇന്ത്യൻസ് (ആർ) ഘടകവും മുംബൈ ഇന്ത്യന്‍സ് (എച്ച്) ഘടകവും. ഒരു ക്യാപ്റ്റൻസി മാറ്റം വരുത്തിവച്ച വിനയാണിതെല്ലാം. അപ്പോൾ സ്വാഭാവികമായും ഉയരുന്ന ഒരു ചോദ്യമുണ്ട് ‘ഐപിഎൽ ചരിത്രത്തിൽ മറ്റൊരു ടീമിലും ഇതുവരെ ക്യാപ്റ്റന്‍സി മാറിയിട്ടില്ലേ?. അതിനുള്ള ഉത്തരം ‘അതെ’ എന്നുതന്നെയാണ്. ഇത്തവണ ചെന്നൈ സൂപ്പർ കിങ്സിന്റെ എല്ലാമെല്ലാമായ തല ധോണിയെ വരെ ക്യാപിറ്റന്‍സിയിൽനിന്ന് ഒഴിവാക്കിയിട്ടുണ്ട്. എന്നാൽ എറ്റവും കൂടുതൽ ആരാധക പിന്തുണയുള്ള ചെന്നൈ ആരാധകർക്കിടയിൽ അതൊരു പ്രശ്നമേ ആയില്ല. അതും ചെന്നൈ ടീം ആരാധകരിൽ 90 ശതമാനവും ധോണി ആരാധകരായിട്ടുകൂടി.
റൺസിനും മുന്നേ വിക്കറ്റ്, പിന്നാലെ നായകൻ സഞ്ജു, 'നൂറിൽ' നൂറടിച്ച് ബട്‌ലറും; ഈ കളിക്ക് 'സോളർ തിളക്കം'

പിങ്ക് സിറ്റിയിലെ പിങ്ക് തുരുത്തായി മാറിയ എസ്എംഎസ് സ്റ്റേഡിയത്തിൽ രാജസ്ഥാൻ റോയൽസിന് വിജയത്തുടർച്ച. രാജസ്ഥാനിലെ 78 വീടുകളിൽ സോളർ തിളക്കവും. സീസണിൽ പരാജയം അറിയാതെ മുന്നേറുന്ന സഞ്ജുവിന്റെ രാജസ്ഥാൻ പോയന്റ് പട്ടികയിലെ ഒന്നാം സ്ഥാനവും തിരികെപ്പിടിച്ചു. വിരാട് കോലിയുടെ 8–ാം ഐപിഎൽ സെഞ്ചറി (72 പന്തിൽ 113 നോട്ടൗട്ട്) നേട്ടത്തെ ജോസ് ബട്‌ലറുടെ അപരാജിത സെഞ്ചറി (58 പന്തിൽ 100) നിറംമങ്ങിച്ചപ്പോൾ സ്വന്തം ആരാധകർക്ക് മുന്നിൽ നടന്ന മത്സരത്തിൽ റോയൽ ചാലഞ്ചേഴ്സ് ബെംഗളൂരുവിനെ 6 വിക്കറ്റിനാണ് രാജസ്ഥാൻ തോൽപിച്ചത്. സ്കോർ: ബെംഗളൂരു 20 ഓവറിൽ 3ന് 183. രാജസ്ഥാൻ 19.1 ഓവറിൽ 4ന് 189. ബട്‌ലറാണ് പ്ലെയർ ഓഫ് ദ് മാച്ച്.
ഹൈദരാബാദിൽ സൂര്യോദയം; 'തല' താഴ്ന്നു ‘ഹെഡ്’ ഉയർന്നു; പ്രകാശം പരത്തിയെത്തി തെലങ്കാന ‘സിഎം’

ബന്ദിയും ജമന്തിയും ഇടകലർന്ന പൂക്കളം പോലൊരു ഗാലറി. നടുവിൽ നാക്കിലയിൽ തെളിച്ച നിലവിളക്കിലെ തിരികൾപോലെ മിന്നിക്കത്തുന്ന താരങ്ങളും. ചെന്നൈയുടെ മഞ്ഞയും ഹൈദരാബാദിന്റെ ഓറഞ്ചും സമാസമം വാരിവിതറിയ ഹൈദരാബാദ് രാജീവ് ഗാന്ധി രാജ്യാന്തര സ്റ്റേഡിയത്തിലെ സൺറൈസേഴ്സ് – സൂപ്പർ കിങ്സ് മത്സരം കണ്ട ഏതൊരു മലയാളിയുടെ മനസ്സിലേക്കും ഓടിവന്ന ചിത്രം ഇതാകും. കാര്യം ഹൈദരാബാദിന്റെ ഹോം ഗ്രൗണ്ട് ആണെങ്കിലും അവിടെ തിങ്ങിക്കൂടിയ 36,000 കാഴ്ചക്കാരിൽ പകുതിയും ചെന്നൈയുടേയും ധോണിയുടെയും ആരാധകരായിരുന്നു.
എങ്ങനെ കൈവിടാൻ തോന്നി ആ 2 ക്യാച്ചുകൾ! പഞ്ചാബിന് ‘ഹരം’ 200; കാണികളും കയ്യടിച്ചു: ‘സായ് ഒരു മാന്യനാണ്’

എത്ര ഉയർന്നു പറന്ന ലക്ഷ്യത്തെയും പിന്നാലെ പാഞ്ഞു ചെന്ന് കൊത്തിയെടുക്കാൻ പഞ്ചാബിനെ ആരും പഠിപ്പിക്കേണ്ട കാര്യമില്ല, അത് അവരുടെ രക്തത്തിൽതന്നെയുള്ള കാര്യമാണ്. ലോക പുരുഷ ട്വന്റി20 ക്രിക്കറ്റിൽതന്നെ 200 റൺസിനു മുകളിലുള്ള ലക്ഷ്യത്തിന് പിന്നാലെ പാഞ്ഞ് വിജയം സ്വന്തമാക്കുന്ന കാര്യത്തിൽ ഒന്നാമതുള്ള ടീമാണ് പഞ്ചാബ് കിങ്സ്. ഗുജറാത്തിനെതിരായ വിജയത്തോടെ ഇക്കാര്യത്തിലെ മേൽക്കോയ്മ അവർ അരക്കിട്ടുറപ്പിച്ചു. 6 മത്സരങ്ങളിലാണ് 200 റൺസോ അതിനു പുറത്തോ ഉള്ള ലക്ഷ്യം പഞ്ചാബ് വിജയകരമായി പൂർത്തിയാക്കിയത്. മുന്നിലുള്ളത് വലിയ ലക്ഷ്യം, പിന്തുടർന്നത് ഒരേ പാതയിൽ, ഒടുവിൽ വിജയം സ്വന്തമാക്കിയത് മുടിനാരിഴ വ്യത്യാസത്തിൽ. ഐപിഎൽ 17–ാം സീസണിലെ ഏറ്റവും വിജയകരമായ റൺ ചേസ് നടത്തിയ പഞ്ചാബ് കിങ്സിന്റെ കഥയാണിത്. ആദ്യം ബാറ്റ് ചെയ്ത ഗുജറാത്ത് മുന്നോട്ടുവച്ച 200 റൺസ് എന്ന ലക്ഷ്യത്തിലേയ്ക്ക് മത്സരത്തിന്റെ ഓരോ ഘട്ടത്തിലും അതീവ ശ്രദ്ധയോടെയാണ് പഞ്ചാബ് ബാറ്റ് വീശിയത്. ഗുജറാത്ത് 5.4 ഓവറിൽ (34 പന്തുകൾ) 50 റൺസ് പൂർത്തിയാക്കിയപ്പോൾ പഞ്ചാബ് 50 റൺസ് പൂർത്തിയാക്കിയത് 5.4 ഓവറിൽ (34 പന്തുകൾ) നിന്നുതന്നെ. ഗുജറാത്തിന് 6 എക്സ്ട്രാ റൺസിന്റെ പിന്തുണ ഉണ്ടായിരുന്നെങ്കിൽ, പഞ്ചാബിന് ഉണ്ടായിരുന്നത് ഒരു എക്സ്ട്രാ റൺ മാത്രമായിരുന്നു എന്നത് മാത്രമാണ് ഏക വ്യത്യാസം.
മരണത്തെ മുഖാമുഖം കണ്ട പന്ത്, ലിൻഡയെ തോൽപിക്കാനെത്തിയ കാൻസർ...: ‘നീ തിരിച്ചുവരും, ഞങ്ങൾ കാത്തിരിക്കും’

ഐപിഎൽ ക്രിക്കറ്റിന്റെ രണ്ടാം മത്സരം. വെയിൽ ചാഞ്ഞിറങ്ങിയ ചണ്ഡീഗഡിലെ മുല്ലൻപുർ ക്രിക്കറ്റ് സ്റ്റേഡിയത്തിൽ ഡൽഹി ക്യാപിറ്റൽസിനെ നേരിടുന്നത് പഞ്ചാബ് കിങ്സ്. ഹർഷൽ പട്ടേലിന്റെ പന്തിൽ പുറത്തായി ഡൽഹി ഓപണർ ഡേവിഡ് വാർണർ ഡഗ്ഔട്ടിലേക്കു തിരികെ നടന്നപ്പോൾ അതിർത്തിവര മറികടന്നു ക്രീസിലേക്കു വന്ന താരത്തെ കണ്ടു സ്റ്റേഡിയം ആർത്തിരമ്പി. 15 മാസങ്ങൾക്കു മുൻപ് കാർ അപകടത്തെത്തുടർന്നു മരണത്തെ മുഖാമുഖം കണ്ട, ഇന്ത്യയുടെ യുവതാരവും ഡൽഹി നായകനുമായ ഋഷഭ് പന്തിന്റെ അത്യപൂർവ തിരിച്ചുവരവിനാണ് കാണികൾ സാക്ഷികളായത്. 23 മിനിറ്റും 13 പന്തുകളും നീണ്ട തന്റെ ‘രണ്ടാം ഇന്നിങ്സിലെ’ ആദ്യ ഇന്നിങ്സിൽ പന്ത് നേടിയത് 18 റൺസ്. പക്ഷേ, ആ റൺസുകളുടെ മൂല്യം വിലമതിക്കാനാവാത്തതായിരുന്നു. 2022 ഡിസംബർ 22നു പുലർച്ചെ ഡൽഹി– ഡെറാഡൂൺ ഹൈവേയിലുണ്ടായ അപകടത്തിൽ, പന്ത് സഞ്ചരിച്ചിരുന്ന ആഡംബര കാർ പൂർണമായും തകർന്നു. ഗുരുതരമായ പരുക്കുകളോടെ അദ്ദേഹം മരണത്തിൽനിന്ന് അദ്ഭുതകരമായി രക്ഷപെട്ടു. ഡൽഹിയിൽ നിന്നു വീട്ടിലേക്കു മടങ്ങുകയായിരുന്നു താരം. ഹൈവേയുടെ ഡിവൈഡറിൽ ഇടിച്ചു തകർന്ന കാറിനു തൽക്ഷണം തീപിടിച്ചു. ഡ്രൈവറുടെ സമയോചിതമായ ഇടപെടൽ മൂലം പന്തിനെ അതിവേഗം ആശുപത്രിയിലെത്തിച്ചതു രക്ഷയായി. നെറ്റിയിൽ രണ്ടു വലിയ മുറിവുകൾ. വലതു കാൽമുട്ടിന്റെ ലിഗ്‌മെന്റിനും തലയ്ക്കും മുതുകിലും സാരമായ പരുക്കുകൾ. വലതു കൈത്തണ്ടയ്ക്കും കണങ്കാലിനും കാൽവിരലിനും പരുക്കേറ്റു. മുഖത്തും ഉരച്ചിലും മുറിവുകളുമുണ്ടായി. മാസങ്ങൾ നീണ്ട ആശുപത്രിവാസവും ചികിത്സയും മൂലം കളിക്കളത്തിലേയ്ക്കുള്ള മടങ്ങിവരവു ചിന്തിക്കാൻ പോലുമാകാത്ത ദിനങ്ങൾ. കാൽ നിലത്തുറപ്പിച്ചു നിർത്താൻ പോലും കഴിയാതെ ആശുപത്രിക്കിടക്കയിൽ വീണുപോയ പന്തിനു കഴിഞ്ഞ ഐപിഎലും ലോകകപ്പ് ക്രിക്കറ്റും നഷ്ടമായി; ഇംഗ്ലണ്ടിനെതിരായ പരമ്പരയിലും കളിക്കാനായില്ല.
അടിയോടടി! നിലം തൊടാതെ 'പന്തും' ഡൽഹിയും; ആ 5 റൺ കൂടി ഉണ്ടായിരുന്നെങ്കിൽ..; എന്ന് തീരും 'എൺപതിന്റെ' ശാപം?

ഫീൽഡിങ് വിടവുകളും തീരുമാനത്തിലെ പിഴവുകളും പണി കൊടുത്ത മത്സരത്തിനൊടുവിൽ ഡൽഹി ക്യാപിറ്റൽസിന് രണ്ടാം ഹോം ഗ്രൗണ്ടിൽ വമ്പൻ തോൽവി. കൊൽക്കത്ത നൈറ്റ് റൈഡേഴ്സ് ബാറ്റർമാർ പടുത്തുയർത്തിയ ഐപിഎൽ ചരിത്രത്തിലെ രണ്ടാമത്തെ ഉയർന്ന ടീം ടോട്ടൽ (272 റൺസ്) പിന്തുടർന്ന ഡൽഹി ക്യാപിറ്റൽസിന് 106 റൺസ് അകലെ കാലിടറി. 17.2 ഓവറിൽ പത്താം വിക്കറ്റും നഷ്ടമായപ്പോൾ പരാജയത്തിന്റെ ആക്കം കുറയ്ക്കാൻ ഉപകരിക്കുമായിരുന്ന 16 പന്തുകൾ അവരുടെപക്കൽ ബാക്കിയായിരുന്നു. ആദ്യം ബാറ്റുകൊണ്ടും പിന്നീട് പന്തുകൊണ്ടും കൊൽക്കത്ത നൈറ്റ് റൈഡേഴ്സ് താരങ്ങൾ കുതിച്ചുകയറിയപ്പോൾ ഒന്നു ചെറുത്തുനിൽക്കാനുള്ള ശക്തിപോലും ഡൽഹിക്കുണ്ടായില്ല. ബാറ്റർമാരുടെ മികച്ച ഫോമിനൊപ്പം ഭാഗ്യവും കെകെആറിനൊപ്പമായിരുന്നു. വിശാഖപട്ടണത്ത് കഴിഞ്ഞ ദിവസം സിഎസ്കെയുടെ ‘തല’ എംഎസ് ധോണി ഫിനിഷ് ചെയ്യാതെ മടങ്ങിയ ബാറ്റിങ് വെടിക്കെട്ട് കെകെആർ ബാറ്റർമാർ കൂട്ടത്തോടെ ഏറ്റെടുക്കുകയായിരുന്നു. സുനിൽ നരെയ്ൻ (39 പന്തിൽ 85), അംഗ്ക്രിഷ് രഘുവംശി (27 പന്തിൽ 54), ആന്ദ്രെ റസൽ (19 പന്തിൽ പന്തിൽ 41), റിങ്കു സിങ് (8 പന്തിൽ 26) എന്നിങ്ങനെ ബാറ്റെടുത്ത എല്ലാവരും അങ്കക്കലിയിൽ ആയപ്പോൾ മറുവശത്ത് ഡൽഹിക്കായി പോരാടാൻ ആകെ ഉണ്ടായത് നായകൻ ഋഷഭ് പന്തും (25 പന്തിൽ 55), യുവതാരം ട്രിസ്റ്റൻ സ്റ്റബ്സും (32 പന്തിൽ 54) മാത്രമാണ്.
307 ദിവസത്തിന് ശേഷം ‘തല’യാട്ടം; ഇളകി മറിഞ്ഞ് ഗാലറി; അടുത്ത സീസണിലും തുടരുമോ ‘മഹീന്ദ്രജാലം’

‘മഹി കൂൾ ആണ്. അവൻ ഒരു കളിക്കാരനല്ല, ഒരു വികാരമാണ്, അവനിൽ എന്തോ പ്രത്യേകതയുണ്ട്. ഡൽഹിയുടെ വിജയത്തേക്കാൾ കൂടുതൽ ചെന്നൈ ടീമിനെക്കുറിച്ചാണ് എല്ലാവരും സംസാരിക്കുന്നത്, കാരണം എം.എസ്. ധോണി വീണ്ടും സജീവമായിരിക്കുന്നു,’ – ഡൽഹി–ചെന്നൈ മത്സരം വിലയിരുത്തിയ ആകാശ് ചോപ്രയുടെ വാക്കുകളാണിത്. ഡൽഹി ക്യാപിറ്റൽസിനെതിരായ തകർപ്പൻ ബാറ്റിങ് പ്രകടനത്തിനു ശേഷം ചെന്നൈ സൂപ്പർ കിങ്സ് മുൻ താരം സുരേഷ് റെയ്‌നയും ധോണിയെ പ്രശംസിച്ചു. ‘പ്രചോദനത്തിന് പ്രായമൊന്നുമില്ല! 42-ാം വയസ്സിൽ മഹി ഭായിയുടെ അസാമാന്യമായ ബാറ്റിങ് മികവ് വെളിപ്പെടുത്തുന്നത് അദ്ദേഹത്തിന്റെ സമാനതകളില്ലാത്ത സ്പിരിറ്റിന്റെയും അർപ്പണബോധത്തിന്റെയും തെളിവാണ്,’ – റെയ്‌ന എക്‌സിൽ കുറിച്ചിട്ടു.
കോലിക്ക് 'ക്യാപ്' ഉണ്ട്, കപ്പ് വേണ്ടേ! ആ താരം ഇനി എന്ന് ഫോം കണ്ടെത്തും? മായങ്ക് ‘ജാല’ത്തിൽ മയങ്ങി ആർസിബി

17 വർഷത്തിനിടയിൽ പേരും പോരാളികളും ഉൾപ്പെടെ പലതവണ മാറിമാറി വന്നിട്ടും റോയൽ ചാലഞ്ചേഴ്സ് ബെംഗളൂരുവിൽ മാറ്റമില്ലാതെ തുടരുന്നത് 2 കാര്യങ്ങൾക്കാണ്. ആദ്യത്തേത് കിങ് കോലി എന്ന സാക്ഷാൽ വിരാട് കോലിയും രണ്ടാമത്തേത് കിരീടനേട്ടം എന്ന ഇനിയും അവസാനിക്കാത്ത സ്വപ്നവും. 17–ാം സീസണിലും ബെംഗളൂരുവിനെ നയിക്കുന്നത് ഈ രണ്ട് കാര്യങ്ങള്‍ തന്നെയാണ്. ബെംഗളൂരുവിന്റെ പ്രതീക്ഷകൾക്കൊത്ത നിലയിലാണ് കോലിയുടെ ഇതുവരെയുള്ള മുന്നേറ്റം. 4 മത്സരങ്ങളിൽ നിന്ന് അടിച്ചുകൂട്ടിയ 203 റൺസിന്റെ പിന്‍ബലത്തിൽ ഓറ‍ഞ്ച് ക്യാപ് ഇപ്പോഴും കോലിയുടെ തലയിൽ തന്നെയുണ്ട്. എന്നാൽ, കപ്പ് എന്നത് ഇത്തവണയും സ്വപ്നമായി തന്നെ അവസാനിക്കുമോ എന്നാണ് ആരാധകരുടെ ആശങ്ക. ബെംഗളൂരുവിന്റെ ഹോം ഗ്രൗണ്ടായ ചിന്നസ്വാമിയിൽ കോലിയുടെ 100–ാം ഐപിഎൽ മത്സരത്തിലും തോൽവി വഴങ്ങിയതോടെ ആർസിബിയുടെ മുന്നോട്ടുള്ള പോക്ക് ശരിക്കും ആശങ്കയിലായിരിക്കുകയാണ്.
‘ബോൾട്ട്’ ഇളകി മുംബൈ ഇന്ത്യൻസ്; തുടർ തോൽവികൾക്കൊപ്പം നാണക്കേടിന്റെ പുതിയ റെക്കോർഡുകളും

അലയും ആരവവും നിലച്ച ഗാലറി, ഉയർന്നു പറക്കാനാകാതെ തല താഴ്ത്തി നിന്ന നീല പതാകകൾ, നിരാശയിൽ മുങ്ങിക്കുളിച്ച മുഖങ്ങൾ... 17–ാം സീസണിൽ ആദ്യമായി വാങ്കഡെയിലെ ഹോം ഗ്രൗണ്ടിൽ മത്സരത്തിനിറങ്ങിയ മുംബൈ ഇന്ത്യൻസിനായി നിറഞ്ഞുകവിഞ്ഞ നീലക്കടൽ ആദ്യ ഓവറിൽ തന്നെ നിശ്ചലമായി. 2023 ഏകദിന ക്രിക്കറ്റ് ലോകകപ്പിന്റെ കലാശപ്പോരാട്ടത്തിന് വേദിയായ അഹമ്മദാബാദ് നരേന്ദ്ര മോദി സ്റ്റോഡിയത്തിന്റെ തനിപ്പകർപ്പ്. രോഹിത് – ഹാർദിക് ഫാൻ ഫൈറ്റ് മുൻകൂട്ടിക്കണ്ട് മുൻകരുതലുകൾ സ്വീകരിച്ച അധികൃതർപോലും അതെല്ലാം മറന്നുപോയ അവസ്ഥ. അത്ര നിരാശയിലായിരുന്നു ഗാലറി. ടോസ് നഷ്ടപ്പെട്ട് ബാറ്റിങ്ങിന് ഇറങ്ങേണ്ടിവന്ന ആദ്യ ഓവറിൽ തന്നെ 2 വിക്കറ്റുകൾ പിഴുതെറിഞ്ഞുകൊണ്ട് ട്രെന്റ് ബോൾട്ടിന്റെ രൂപത്തിൽ പിങ്ക് കൊടുങ്കാറ്റ് വീശിത്തുടങ്ങിയപ്പോഴെ മുംബൈ ആരാധകരുടെ പ്രതീക്ഷകൾ ആടിയുലഞ്ഞു.
പഴകുംതോറും വീര്യം കൂടി ‘ധോണി’; തോൽവിയിലും ‘തല’ ഉയർത്തി ചെന്നൈ ആരാധകർ

വിജയിച്ചത് ‍ഡൽഹി ക്യാപിറ്റൽസ് ആണെങ്കിലും ആരാധകരുടെ ആവേശം ചെന്നൈക്കൊപ്പമായിരുന്നു. അതിന് ഒരേ ഒരു കാരണമേ ഉണ്ടായിരുന്നുള്ളു, സാക്ഷാൽ മഹേന്ദ്ര സിങ് ധോണി. സീസണിലെ ആദ്യ രണ്ട് മത്സരങ്ങളിലും ബാറ്റിങ്ങിന് ഇറങ്ങേണ്ടി വരാതിരുന്ന ധോണി ഇന്നലെ വിശാഖപട്ടണത്താണ് ആദ്യമായി ബാറ്റേന്തിയത്. പതിവിന് വിപരീതമായി ചെന്നൈ വിക്കറ്റുകൾ ഒന്നിനു പിന്നാലെ അടുത്തതെന്ന നിലയിൽ കൊഴിഞ്ഞുകൊണ്ടിരുന്നപ്പോൾ, എട്ടാമനായാണ് ‘തല’ ക്രീസിൽ എത്തിയത്. അപ്പോഴേക്കും ചെന്നൈ ഏറക്കുറെ കളി കൈവിട്ടിരുന്നു. 23 പന്തിൽ 72 റൺസായിരുന്നു ചെന്നെയുടെ വിജയ ലക്ഷ്യം. നേരിട്ട ആദ്യ പന്തുതന്നെ ബൗണ്ടറി പായിച്ചുകൊണ്ട് തുടങ്ങിയ ധോണിക്കായി ഗാലറി ഇളകി മറിഞ്ഞു. എന്നാൽ രണ്ടാം പന്തിൽ ധോണി നൽകിയ സുവർണാവസരം ഖലീൽ അഹമ്മദ് കൈവിട്ടപ്പോൾ അതിന് നൽകേണ്ടി വരുന്ന വില എത്ര വലുതായിരിക്കുമെന്ന് ഒരു പക്ഷേ ഡൽഹി ടീം ചിന്തിച്ചിട്ടുകൂടി ഉണ്ടാകില്ല.
ആരും തടഞ്ഞില്ല ആ ക്വിന്റൻ ഷോട്ടുകൾ; 'രാജാക്കൻമാരെ' പിടിച്ചുകെട്ടി മായങ്കും; ലക്നൗവിന് സൂപ്പർ ജയം

ക്വിന്റൻ ഡി കോക്ക്, നിക്കോളാസ് പുരാൻ, ക്രുനാൽ പാണ്ഡ്യ, മായങ്ക് യാദവ് – ഐപിഎൽ 17–ാം സീസണിലെ ആദ്യ ജയത്തിന് ലക്നൗ സൂപ്പർ ജയന്റ്സ് നന്ദി പറയുന്നത് ഈ 4 താരങ്ങൾക്കാണ്. താൽകാലിക ക്യാപ്റ്റന്റെ തൊപ്പിയണിഞ്ഞ പുരാനൊപ്പം ഡി കോക്കും ബാറ്റുകൊണ്ട് വെടിക്കെട്ട് തീർത്തപ്പോൾ ബാറ്റുകൊണ്ടും ബോളുകൊണ്ടും ഒരുപോലെ തിളങ്ങിയാണ് ക്രുനാൽ ശ്രദ്ധനേടിയത്. ബാറ്റർമാർ സമ്മാനിച്ച ‘ജയന്റ്’ ഇന്നിങ്സിനൊടുവിൽ മായങ്ക് യാദവ് ബോളുകൊണ്ടും ലക്നൗവിന് അവരുടെ ഹോം ഗ്രൗണ്ടിൽ ‘സൂപ്പർ’ വിജയം സമ്മാനിക്കുകയായിരുന്നു.
ഒടുവിൽ ‘ഹോമും’ കൈവിട്ടു: കോലിയുടെ ആ സ്വപ്നത്തിലേക്ക് ഇനിയും ദൂരം: ‘ഒരു ഓവർ കൂടി ബാക്കിയുണ്ടായിരുന്നെങ്കിൽ...’

ഏഴു വിക്കറ്റ് പരാജയത്തോടെ ഈ സീസണിൽ ആദ്യമായി ‘ഹോം ഗ്രൗണ്ടിൽ’ കളി കൈവിടുന്ന ടീമായെങ്കിലും ആർസിബി ആരാധകർ തീർത്തും നിരാശരായല്ല ചിന്നസ്വാമി സ്റ്റേഡിയത്തിന് പുറത്തുകടന്നത്. ആർസിബിക്കായി കിങ് കോലി നടത്തിയ ബാറ്റിങ് വെടിക്കെട്ട് തന്നെയാണ് തോൽവിക്കിടയിലും അവർക്ക് ആശ്വാസമായത്. ടോസ് നഷ്ടമായി ആദ്യം ബാറ്റിങ്ങിനിറങ്ങിയ റോയൽ ചാലഞ്ചേഴ്സ് ബെംഗളൂരു ടീം 6 വിക്കറ്റ് നഷ്ടത്തിൽ 182 റൺസ് നേടി. മറുപടി ബാറ്റിങ്ങിനിറങ്ങിയ കൊൽക്കത്ത നൈറ്റ് റൈഡേഴ്സ് താരങ്ങൾ 19 പന്തുകൾ ബാക്കി നിൽക്കെ മൂന്ന് വിക്കറ്റ് നഷ്ടത്തിൽ വിജയ ലക്ഷ്യം മറികടന്നു. ബാറ്റ് കയ്യിലെടുത്ത എല്ലാവരും അനായാസേന റൺസ് കണ്ടെത്തിയപ്പോൾ തുടർച്ചയായ രണ്ടാം വിജയവും പോയിന്റ് പട്ടികയിലെ രണ്ടാം സ്ഥാനവും കെകെആറിന് സ്വന്തം. രാജസ്ഥാൻ റോയൽസിനും 2 കളികളിൽ നിന്ന് 4 പോയിന്റ് ഉണ്ടെങ്കിലും നെറ്റ് റൺറേറ്റിലെ മികവിന്റെ പിന്തുണയിലാണ് പോയിന്റ് പട്ടികയിലെ രണ്ടാം സ്ഥാനത്ത് കെകെആറിന്റെ പേര് എഴുതിച്ചേർത്തത്. കരിയറിലെ 500-ാം ഐപിഎൽ മത്സരത്തിൽ 47 റൺസും ഒരു വിക്കറ്റും സ്വന്തമാക്കിയ സുനിൽ നരെയിൻ ആണ് പ്ലെയർ ഓഫ് ദ് മാച്ച്. കെകെആറിനായി അർധ സെഞ്ചറി നേടിയ വെങ്കിടേശ് അയ്യർ ഐപിഎല്ലിൽ വ്യക്തിഗത സ്കോർ 1000 പിന്നിട്ടു (1013 റൺസ്).
പതിയെത്തുടങ്ങി, പാഞ്ഞുകയറി പരാഗ്; ‘പന്തിന്റെ’ കാറ്റഴിച്ചുവിട്ട് രാജസ്ഥാൻ

9 - 0 ഐപിഎൽ 17–ാം സീസണിന്റെ സ്കോർ ബോർഡ് ഇപ്പോൾ ഇങ്ങനെയാണ്. ഹോം മത്സരങ്ങൾ കളിച്ച 9 ടീമുകൾക്കും വിജയം. എവേ മാച്ചുകൾക്കെത്തിയ 9 ടീമുകൾക്കും നിരാശയോടെ മടക്കം. ഇതിന്റെ അവസാന ഇര ഡൽഹി ക്യാപിറ്റൽസും. തുടര്‍ച്ചയായ രണ്ടാം പരാജയം. ആതിഥേയരായ രാജസ്ഥാന് തുടർച്ചയായ രണ്ടാം വിജയവും പോയിന്റ് പട്ടികയിൽ 2–ാം സ്ഥാനവും. ഡൽഹി ക്യാപിറ്റൽസ് - രാജസ്ഥാൻ റോയൽസ് മത്സരത്തിൽ ഏറ്റവും മനോഹരമായ കാഴ്ച രണ്ട് ഇന്നിങ്സുകളുടെയും അവസാന ഓവറുകളായിരുന്നു. രണ്ടിലും തിളങ്ങിയത് രാജസ്ഥാൻ താരങ്ങളും. ബാറ്റുകൊണ്ട് റിയാൻ പരാഗും പന്തുകൊണ്ട് ആവേശ് ഖാനും.
‌‘ഗെയിലാട്ടം’ ഇനി ഓർമ; ഹൈദരാബാദിൽ പിറന്നത് ഞെട്ടിക്കുന്ന റെക്കോർഡുകൾ: ട്വന്റി20 ചരിത്രത്തിലെ സ്റ്റാറായി ‘523’

ഹൈദരാബാദിന് ഇന്നലെ ഹൈ വോൾട്ടേജ് ആയിരുന്നു. ബാറ്റിന്റെ പരിസരത്തേക്ക് ചെല്ലുന്ന എല്ലാ പന്തുകളെയും ബൗണ്ടറി ലൈനിന് പുറത്തേക്ക് അടിച്ചു തെറിപ്പിക്കുന്ന അത്ര പവർ. ആ പവർ ഹിറ്റിങ്ങിന് ഒടുവിൽ പിറന്നത് ഒട്ടേറെ പുതിയ റെക്കോർഡുകൾ. ഇതിൽ ആദ്യത്തേത് ഐപിഎൽ ചരിത്രത്തിലെ ഏറ്റവും ഉയർന്ന സ്കോറിന് പുതിയ അവകാശികൾ വന്നിരിക്കുന്നു എന്നതാണ്. ടോസ് നഷ്ടപ്പെട്ടിടും ബാറ്റിങ്ങിന് ഇറങ്ങേണ്ടവന്ന ഹൈദരബാദ് ബാറ്റർമാർ കൂട്ടത്തോടെ ഫോമിലായതോടെ 2013ൽ ക്രിസ് ഗെയിലിന്റെ തേരോട്ടത്തിനൊടുവിൽ റോയൽ ചാലഞ്ചേഴ്സ് ബാംഗ്ലൂർ അടിച്ചുകൂട്ടിയ 263/5 എന്ന 11 വർഷം പഴക്കമുള്ള റെക്കോർഡ് രണ്ടാം സ്ഥാനത്തേക്ക് പിന്തള്ളപ്പെട്ടു.
ഹാർദികിന്റെ ക്യാപ്ടൻസിയും രോഹിത്തിന്റെ ധർമ സങ്കടവും- കാണാം ‘ഡഗൗട്ട്’ വിഡിയോ

എം.എസ്.ധോണിയുടെ അവസാന സീസൺ മുതൽ ശുഭ്മൻ ഗില്ലിന്റെ ക്യാപ്റ്റൻസി അരങ്ങേറ്റം വരെ നീളുന്ന ഒട്ടേറെ പ്രത്യേകതകളുമായാണ് ഐപിഎൽ 17–ാം സീസൺ ആരംഭിച്ചത്. അപ്രതീക്ഷിത അട്ടിമറികൾക്കും ചില സാംപിൾ വെടിക്കെട്ടുകൾക്കും ഒപ്പം ചില അസ്വാരസ്യങ്ങൾക്കും ഐപിഎലിന്റെ ആദ്യ ആഴ്ച സാക്ഷിയായി. മുംബൈ ഇന്ത്യൻസിലെ ക്യാപ്റ്റൻസി തർക്കവും ഹാർദിക് പാണ്ഡ്യയുമായിരുന്നു അതിൽ പ്രധാനം. മുൻ ക്യാപ്റ്റൻ രോഹിത് ശർമയോടുള്ള ഹാർദിക്കിന്റെ പെരുമാറ്റം സോഷ്യൽ മീഡിയയിലും ആരാധകർക്കിടയിലും വൻ വിമർശനങ്ങൾ നേരിട്ടു. മുംബൈ ആദ്യ മത്സരം തോൽക്കുക കൂടി ചെയ്തതോടെ ഹാർദിക്കിനോടുള്ള മുംബൈ ആരാധകരുടെ അരിശം ഇരട്ടിയായി.
പറന്ന് പിടിച്ച് ധോണി, അടിച്ചൊതുക്കി ദുബെ, മുന്നിൽ നയിച്ച് ഗെയ്ക്‌വാദ്... വിജയിക്കാതെ ചെന്നൈയ്ക്ക് തരമില്ലായിരുന്നു

സ്വന്തം മണ്ണിൽ വീണ്ടും മിന്നി ചെന്നൈ. ഹോം ഗ്രൗണ്ടിലെ തുടർച്ചയായ രണ്ടാം വിജയത്തോടെ പോയിന്റ് പട്ടികയിൽ ഒന്നാം സ്ഥാനത്തേത്ത് എത്തുകയും ചെയ്തു. തുടക്കം മുതൽ ഒടുക്കം വരെ പൊരുതിയ ചെന്നൈയും തുടക്കം മുതൽ ഒടുക്കം വരെ ഉഴപ്പിയ ഗുജറാത്തും. ഐപിഎൽ 17–ാം സീസണിലെ 7–ാം മത്സരത്തെ ഇതിലുമേറെ വിശദീകരിക്കാനാകില്ല. ഗില്ലിന്റെ യുവത്വത്തിനും നെഹ്‌റയുടെ തന്ത്രജ്‍ഞതയ്ക്കും കരിദിനം സമ്മാനിച്ചുകൊണ്ടാണ് ചെന്നൈയിലെ മഞ്ഞക്കടൽ ആർത്തിരമ്പിയത്. പവർ പ്ലേ ഓവറുകളിൽ പോലും ടൈറ്റൻസിന് പവർ കട്ടായിരുന്നു. ചെന്നൈയ്ക്ക് ഹൈ വോർട്ടേജും...
ബാറ്റിങ് വെടിക്കെട്ട്, ബെംഗളൂരുവിൽ കോലിയുടെ ഹോളി ‘ഷോ’; ആളിക്കത്തി ദിനേശ് കാർത്തിക്

‘വിരാട് കോലിയുടെ ക്യാച്ച് വിട്ടുകളഞ്ഞതിന്റെ വില ഞങ്ങൾക്ക് ശരിക്കും നൽകേണ്ടിവന്നു’ – ചിന്നസ്വാമി സ്റ്റേഡിയത്തിൽ നടന്ന റോയൽ ചാലഞ്ചേഴ്സ് – പഞ്ചാബ് കിങ്സ് മത്സരത്തിന് പിന്നാലെ പഞ്ചാബ് നായകൻ ശിഖർ ധവാൻ പറഞ്ഞ ഈ ഒറ്റ വാചകത്തിലുണ്ട് മത്സരത്തിന്റെ ആകെ ചിത്രം. തിളങ്ങിയും മങ്ങിയും വീണ്ടും തിളങ്ങിയും നീണ്ട ഇന്നിങ്സിന്റെ ഒടുവിൽ പഞ്ചാബ് കിങ്സ് വച്ചുനീട്ടിയ 177 റൺസ് വിജയലക്ഷ്യവുമായി കളത്തിലിറങ്ങിയ റോയൽ ചാലഞ്ചേഴ്സ് ബെംഗളൂരുവിന്റെ തുടക്കം അത്ര സുഖകരമായിരുന്നില്ല. സാം കറണിനെ ആദ്യ ഓവറിൽ നേരിടാൻ എത്തിയത് സാക്ഷാൽ കിങ് കോലി. ആദ്യ പന്ത് ഇരുടീമുകൾക്കും കര്യമായ നേട്ടങ്ങളോ കോട്ടങ്ങളോ ഉണ്ടാക്കാതെ കടന്നുപോയി. എന്നാൽ, രണ്ടാം പന്ത്, അതാണ് പിന്നീടുള്ള കളിയുടെ മുഴുവൻ ചിത്രം മാറ്റിമറിച്ചത്. കോലിയുടെ ബാറ്റിനെ തലോടി സ്ലിപ്പിൽ ജോണി ബെയർസ്റ്റോയുടെ നേർക്കെത്തിയെങ്കിലും പന്ത് കൈപ്പിടിയിൽ ഒതുക്കും മുൻപ് അത് ബൗണ്ടറി ലൈനിലേക്ക് പാഞ്ഞു പോയിരുന്നു. നിസാരമായി കൈപ്പിടിയിൽ ഒതുക്കാമായിരുന്ന ആ ക്യാച്ച് നഷ്ടപ്പെടുത്തുമ്പോൾ അതിന് നൽകേണ്ടിവരുന്ന വില എത്രത്തോളം വലുതായിരിക്കുമെന്ന് ബെയർസ്റ്റോ ചിന്തിച്ചിട്ടുണ്ടാകില്ല. കാരണം, ഭാഗ്യംകൊണ്ട് മാത്രം ജീവൻ തിരികെ കിട്ടിയ ആ ഇന്നിങ്സിൽ കോലി പിന്നീടങ്ങോട്ട് ബൗണ്ടറികൾക്കൊണ്ട് ചെറുപൂരം തന്നെയാണ് നടത്തിയത്. 11 ഫോറും 2 സിക്സുമാണ് 49 പന്തുകൾ നീണ്ട ഇന്നിങ്സിനിടെ കോലി അടിച്ചുകൂട്ടിയത്.
അഞ്ചാം തവണയും രാജപ്രൗഢിയിൽ സഞ്ജു; കടംവീട്ടി കരുത്തുകാട്ടി ബുമ്ര; പഴയ ‘ഹോമിൽ’ പതറി പാണ്ഡ്യ

ഐപിഎൽ 17–ാം സീസണിലെ അഞ്ചാം മത്സരത്തിലും ‘വീട്’ വിടാതെ വിജയം! ഇതുവരെ നടന്ന എല്ലാ മത്സരങ്ങളിലും വിജയം ഹോം ഗ്രൗണ്ടിൽ ഇറങ്ങുന്ന ടീമുകൾക്കും ഗാലറിയിൽ തിങ്ങിനിറയുന്ന ആരാധകർക്കുമൊപ്പം. ഉദ്ഘാടന മത്സരത്തിൽ ചെന്നൈ തുടങ്ങിവച്ച ശീലം പഞ്ചാബും കൊൽക്കത്തയും രാജസ്ഥാനും ഒടുവിൽ ഗുജറാത്തും തുടരുകയാണ്. സീസണിന്റെ മൂന്നാം ദിവസം ജയ്പുരിൽ ലക്നൗ സൂപ്പർ ജയന്റ്സിനെതിരെ രാജസ്ഥാൻ രാജകീയ വിജയം സ്വന്തമാക്കിയപ്പോൾ, അഹമ്മദാബാദിൽ ഗില്ലിന്റെ ഗുജറാത്ത് ടൈറ്റൻസ് മുട്ടുകുത്തിച്ചത് ഹാർദിക്കിന്റ മുംബൈ ഇന്ത്യൻസിനെ. രാജസ്ഥാനിലെ പോരാട്ടം വിക്കറ്റ് കീപ്പർ നായകൻമാരായ സഞ്ജു സാംസണിന്റെയും കെ.എൽ. രാഹുലിന്റെയും ടീമുകൾ തമ്മിലായിരുന്നെങ്കിൽ, അഹമ്മദാബാദിൽ മുഖാമുഖം നിന്നത് പുതുമുഖ നായകൻമാരായ ശുഭ്മൻ ഗില്ലിന്റെയും ഹാർദിക് പാണ്ഡ്യയുടേയും ടീമുകളായിരുന്നു. ടൂർണമെന്റിലെ ഏറ്റവും പ്രായം കുറഞ്ഞ നായകനായി ഗുജറാത്ത് ടൈറ്റൻസിനുവേണ്ടി ശുഭ്മൻ ഗിൽ അരങ്ങേറ്റം കുറിച്ചപ്പോൾ, മുംബൈ ഇന്ത്യൻസിന്റെ നായകനായി ഹാർദിക് പാണ്ഡ്യയുടെയും കന്നി മത്സരമായിരുന്നു ഇത്. നായകനായി അരങ്ങേറ്റംകുറിച്ച മത്സരത്തിൽ തന്നെ വിജയിച്ചതിന്റെ ത്രില്ലിലാണ് ശുഭ്മൻ ഗില്ലെങ്കിൽ, നായക സ്ഥാനം ഉപേക്ഷിച്ചുവന്ന ടീമിനോട് പരാജയപ്പെടേണ്ടി വന്നതിന്റെ നിരാശയിലാണ് ഹാർദിക് പാണ്ഡ്യ.
പതറാതെ പന്ത്; പൊരുതി ജയിച്ച് ഗബാർ പട; സിക്സർ ‘കുടമാറ്റവുമായി’ റസലും ക്ലാസനും

ഐപിഎൽ 17–ാം പതിപ്പിന്റെ രണ്ടാം ദിവസം ‘ഹോം’ വിജയങ്ങളുടേതായിരുന്നു. മുല്ലാൻപുരിലെ പുതിയ മൈതാനത്തിലെ കന്നി ഐപിഎൽ മത്സരത്തിൽ തന്നെ വിജയം സ്വന്തമാക്കാൻ കഴിഞ്ഞതാണ് പഞ്ചാബ് കിങ്സിന്റെ നേട്ടമെങ്കിൽ, വിജയ പരാജയ സാധ്യതകൾ മാറിയും മറിഞ്ഞുംനിന്ന മത്സരത്തിനൊടുവിൽ സ്വന്തം കാണികൾക്ക് മുന്നിൽ തല ഉയർത്തി നിൽക്കാനായതിന്റെ സന്തോഷമാണ് കൊൽക്കത്ത നൈറ്റ് റൈഡേഴ്സിന്.
ചെന്നൈയുടെ ‘തല’ ഉയർന്നുതന്നെ; ചേരുവകളെല്ലാം ചേർന്നിട്ടും കലമുടച്ച് കോലിയും കൂട്ടരും

ചാംപ്യൻമാർക്കൊത്ത കളി പുറത്തെടുത്ത ചെന്നൈയ്ക്ക് 17–ാം സീസണിലും വിജയത്തുടക്കം. ടോസ് നേടിയ റോയൽ ചാലഞ്ചേഴ്സ് ബെംഗളൂരു ബാറ്റിങ് തിരഞ്ഞെടുത്തെങ്കിലും ചെന്നൈയ്ക്ക് വെല്ലുവിളിയാകുന്ന സ്കോർ പടുത്തുയർത്താൻ അവർക്കായില്ല. ബോളിങ്ങിലും ഫീൽഡിങ്ങിലും ബാറ്റിങ്ങിലും ചെന്നൈ ക്ലാസ് തെളിയിച്ചപ്പോൾ, കോലിയും കൂട്ടരും
16ൽ പതിനൊന്നും സ്വന്തമാക്കി തലയും ഹിറ്റ്മാനും; ഒന്നെങ്കിലും കൊതിച്ച് കിങ് കോലി; റെക്കോർഡുകളുടെ പൂരം ഇനി പുതിയ ‘ട്രാക്കിൽ’

പൂരം!.. എത്രകണ്ടാലും പുതുമചോരാത്ത ദൃശ്യവിരുന്ന്. ഇന്ത്യൻ ക്രിക്കറ്റിന്റെ ആവേശമായ ഐപിഎൽ പൂരവും ഇക്കാര്യത്തിൽ വ്യത്യസ്തമല്ല. ഓരോ വർഷം കഴിയുന്തോറും ആരാധകരെ കൂടുതൽ കൂടുതൽ ആകർഷിച്ചുകൊണ്ടേയിരിക്കുന്നു അത്. 2008ൽ തിരിതെളിഞ്ഞ്, ഇന്ന് മധുരപ്പതിനേഴിൽ എത്തിനിൽക്കുന്ന ഈ ക്രിക്കറ്റ് മഹോത്സവത്തിന് പറയാൻ ഒട്ടേറെ കഥകളുണ്ട്. മത്സര ബാറ്റിങ് വെടിക്കെട്ടും ആരാധകരുടെ ആർപ്പുവിളികളുടെ ശിങ്കാരി മേളവും ഇഴുകിച്ചേർന്ന ആ കഥകളിൽ ചിലതിലൂടെ... കഴിഞ്ഞ 16 ഐപിഎൽ സീസണുകളിൽ അവിസ്മരണീയ പ്രകടനങ്ങളിലൂടെ കാഴ്ചയുടെ വർണവിസ്മയം തീർത്ത താരങ്ങളെയും ടീമുകളെയും അടുത്തറിയാം... 16 വർഷങ്ങൾക്ക് മുൻപ്, അന്നത്തെ ക്രിക്കറ്റ് മഹാരഥന്മാരായിരുന്ന സച്ചിൻ തെൻഡുൽക്കർ, സൗരവ് ഗാംഗുലി, രാഹുൽ ദ്രാവിഡ് എന്നിവരെയൊക്കെ മുൻനിർത്തിയാണ് ഐപിഎലിന് തിരശീല ഉയർന്നത്. അന്നുമുതൽ ഇന്നുവരെ ഇന്ത്യൻ ക്രിക്കറ്റിലെയും ലോക ക്രിക്കറ്റിലെയും ഒട്ടേറെ മഹാരഥൻമാർ ഐപിഎലിൽ തങ്ങളുടെ പേരുകൾ സുവർണ ലിപികളിൽ എഴുതിച്ചേർത്തിട്ടുണ്ടെങ്കിലും, ആ പേരുകൾക്കെല്ലാം ഇടയിൽ ഏറ്റവും ശക്തമായി തെളിഞ്ഞുനിൽക്കുന്നത് 3 പേരുകളാണെന്ന് നിസ്സംശയം പറയാം.
ന്യൂമറോളജി ‘ബെംഗളൂരുവിനെ’ തുണയ്ക്കുമോ? തലയ്ക്കും ‘ശിഷ്യൻമാർക്കും’ ഇത് അവസാന പൂരമോ?

ലോക ക്രിക്കറ്റിൽ തന്നെ ഒട്ടേറെ മാറ്റങ്ങൾക്ക് തുടക്കം കുറിച്ച ഇന്ത്യൻ പ്രീമിയർ ലീഗ് ഇത്തവണ എത്തുന്നത് ചരിത്രത്തിൽ തന്നെ ഇടംപിടിക്കാവുന്ന ഒട്ടേറെ കാര്യങ്ങളുമായാണ്. ചെന്നൈ സൂപ്പർ കിങ്സിന്റെ ‘തല’, എം.എസ്. ധോണിയുടെ ഭാവിയെ ചുറ്റിപ്പറ്റിത്തന്നെയാണ് ഇത്തവണയും ഐപിഎല്ലിന്റെ ആദ്യഘട്ടത്തിലെ ചർച്ചകൾ മുന്നേറുന്നത്. നാൽപത്തിരണ്ടാം വയസ്സിലും ഐപിഎൽ കളിക്കളങ്ങളോട് വേർപിരിയാനാകാതെ മുന്നോട്ട് പോയിക്കൊണ്ടിരിക്കുന്ന ധോണിയുടെ ജൈത്രയാത്രയ്ക്ക് ഇത്തവണ തിരശീലവീഴുമോ? ‘തല’ ആരാധകരും ടീം മാനേജ്മെന്റും അതിന് അദ്ദേഹത്തെ അനുവദിക്കുമോ? കണ്ട് തന്നെ അറിയേണ്ടിയിരിക്കുന്നു.
മുംബൈയ്ക്കും ചെന്നൈയ്ക്കും ‘തല’വേദന; പെൺപടയ്ക്കൊപ്പമെത്താന്‍ റോയൽ ചാലഞ്ച്; പറന്നുയരാൻ ‘പന്തും’ പടയും

ലോകത്തിലെ ഏറ്റവും വിപണിമൂല്യമുള്ള സ്പോർട്സ് ലീഗുകളിൽ ആദ്യ മൂന്നിലാണ് ഐപിഎലിന്റെ സ്ഥാനം. ഈ ‘പണക്കൊഴുപ്പിനെക്കാൾ’ ഐപിഎലിനെ മൂല്യമുള്ളതാക്കുന്നത്, യുവതാരങ്ങൾക്ക് ഈ ട്വന്റി20 ലീഗ് തുറന്നുകൊടുക്കുന്ന അവസരങ്ങളാണ്. ഇന്ത്യയുടെ പ്രീമിയം പേസർ ജസ്പ്രീത് ബുമ്ര മുതൽ യുവതാരം യശസ്വി ജയ്സ്വാൾ വരെ ‘ഐപിഎൽ മികവിലൂടെയാണ്’ ഇന്ത്യൻ ടീമിൽ എത്തിയത്. വിദേശതാരങ്ങൾക്കാവട്ടെ, ഐപിഎൽ എന്നാൽ ലോട്ടറിയാണ്. സ്വന്തം രാജ്യത്തിനായി ഒരു വർഷം മുഴുവൻ കളിച്ചാലും കിട്ടാത്ത തുക, രണ്ടു മാസത്തെ ഐപിഎൽ സീസണിലൂടെ ഇവർക്കു ലഭിക്കുന്നു. വെസ്റ്റിൻഡീസിലും മറ്റുമുള്ള പല താരങ്ങളും ദേശീയ ടീമിന്റെ കോൺട്രാക്ട് ഉപേക്ഷിച്ച് ഐപിഎൽ ഉൾപ്പെടെയുള്ള ട്വന്റി20 ലീഗുകളിൽ കളിക്കുന്നതും ഇതിനാലാണ്. ഇത്തരത്തിൽ ആവശ്യങ്ങൾ പലതാണെങ്കിലും അതെല്ലാം അവസാനം ചെന്നെത്തുന്നത് ഐപിഎൽ എന്ന ഒറ്റയടിപ്പാതയിലാണ്. 17–ാം സീസണിനായി ഒരുങ്ങുന്ന ഇന്ത്യൻ പ്രിമിയർ ലീഗിന്റെ ചില ‘പ്രിമിയം’ വിശേഷങ്ങളിലൂടെ...
നാൽപതുകളിൽ തിളങ്ങി ‘അങ്കിൾ താംബെ’; ചൂലിന് പകരം ബാറ്റെടുത്ത റിങ്കു; രണ്ടു വിരലിലൂന്നി ആഞ്ഞടിച്ച് ഗപ്റ്റിൽ

മൈതാനത്ത് മിന്നൽപിണർ തീർക്കുന്ന ബാറ്റിങ് വെടിക്കെട്ട്, അപ്രതീക്ഷിത നേരത്ത് വമ്പന്മാരെ കടപുഴക്കുന്ന ചടുലമായ ബോളിങ്, മൈതാനത്തിന് കോട്ടകെട്ടി പാറിപ്പറക്കുന്ന ഫീൽഡിങ് മികവ്... ഐപിഎൽ മത്സരം എന്നു കേൾക്കുമ്പോൾ ഏതൊരു ക്രിക്കറ്റ് ആരാധകന്റെ മനസ്സിലേക്കും വരുന്ന ചിത്രങ്ങൾ ഇവയാകും. എന്നാൽ, ഈ തിളക്കമുള്ള കാഴ്ചകളിൽ ഭ്രമിച്ചുപോകുന്ന ആരാധകരിൽ പലരും അറിയാത്ത ഒട്ടേറെ കഥകളുണ്ട്... ഈ വലിയ വേദികളിലേക്കെത്താൻ പല താരങ്ങളും ഒഴുക്കിയ വിയർപ്പിന്റെയും താണ്ടിയ കനൽവഴികളുടെയും കഥകൾ...
അടുക്കാതെ ആരാധകർ, പരസ്പരം അകന്ന് താരങ്ങൾ; ‘തല’മുറ മാറ്റം മുംബൈയുടെ തലവര മാറ്റുമോ?

മുംബൈ ഇന്ത്യൻസ് ആരാധകർ ആശങ്കയിലാണ്. ഹാർദിക് പാണ്ഡ്യ എന്ന പുതിയ ക്യാപ്റ്റനെയും രോഹിത് ശർമയെന്ന ഇഷ്ട ക്യാപ്റ്റനെയും ഓർത്താണ് വേവലാതി. രോഹിത്തിനെ മാറ്റി ഹാർദിക്കിനെ പ്രതിഷ്ഠിച്ചതിലെ നീറ്റൽ ഇനിയും വിട്ടുമാറാത്ത ആരാധകർ, ഹാർദിക് ഇനി എന്തൊക്കെ കാണിച്ചുകൂട്ടും എന്ന് അതിശയിക്കുകയാണ്. അതിനു കാരണങ്ങളുണ്ട് താനും. രോഹിത്തിന്റെ ക്യാപ്റ്റൻസിയിൽ ഇന്ത്യൻ ടീമിൽ കളിക്കുമ്പോൾ ഹാർദിക് രോഹിത്തിന്റെ തീരുമാനം ഇഷ്ടപ്പെടാതെ എതിർത്തു സംസാരിച്ച വിഡിയോ ഇന്നും ആരാധക മനസ്സുകളിലുണ്ട്. അന്നത്തെ ഹാർദിക്കിന്റെ ചീത്തവിളി പലരും മറന്നിട്ടില്ല. ഐപിഎല്ലിലെങ്കിലും രോഹിത്തിന്റെ കാലം മാറി. ഹാർദിക് മുംബൈ ഇന്ത്യൻസിന്റെ ക്യാപ്റ്റനായി അവതരിച്ചു കഴിഞ്ഞു. ഇനി ഹാർദിക് പറയും, രോഹിത് കേൾക്കും. മുംബൈ ഇന്ത്യൻസ് ടീമിൽ തിരിച്ചെത്തിയ ഉടൻ തന്നെ പുറത്തെത്തിയ ഹാർദിക്കിന്റെ ചിത്രം പോലും ആരാധകർക്ക് അത്ര രുചിച്ചിച്ചിരുന്നില്ല. ഐപിഎൽ ഇതിഹാസം കൂടിയായ ലസിത് മലിംഗയടക്കമുള്ള പരിശീലകർക്കു മുന്നിൽ അഡ്ജസ്റ്റബിൾ കട്ടിലിൽ കാലുയർത്തി ഇരിക്കുന്ന ‘ആറ്റിറ്റ്യൂഡ്’ ടീമിന് ദോഷം ചെയ്യുമെന്ന നിലപാടിലാണ് പലരും.
നൂറിലും വീറോടെ അശ്വിൻ; വെട്ടിത്തിരിഞ്ഞ് മുന്നേറിയ വഴിയറിയാം, ഇൻഫോഗ്രാഫിക്സിലൂടെ

ടെസ്റ്റ് പരമ്പരകളിൽ ഏറ്റവും കൂടുതൽത്തവണ ടീം ഇന്ത്യയ്ക്കായി പ്ലയർ ഓഫ് ദ് ടൂർണമെന്റുകൾ ഏറ്റുവാങ്ങിയ താരം, റെഡ്/ പിങ്ക് ബോൾ മത്സരങ്ങളിൽ നിന്ന് ഇന്ത്യയ്ക്കായി ഏറ്റവുമധികം വിക്കറ്റുകൾ സ്വന്തമാക്കിയിട്ടുള്ള രണ്ടാമത്തെ താരം, ഇന്ത്യൻ മണ്ണിൽ ഏറ്റവും അധികം ടെസ്റ്റ് വിക്കറ്റുകൾ പിഴുത താരം.... എണ്ണിയാൽ തീരില്ല ചെന്നൈക്കാരൻ ബോളറുടെ വിശേഷണങ്ങൾ. ഓരോ മലയാളി ക്രിക്കറ്റ് ആരാധകരുടെ മനസ്സിലും ‘പക്കത്തു വീട്ടിലെ പയ്യൻ’ എന്ന പോലെ ഇടംപിടിച്ചിട്ടുള്ള ആർ. അശ്വിൻ ടെസ്റ്റ് ക്രിക്കറ്റിലെ സുപ്രധാനമായ ഒരു നാഴികക്കല്ലുകൂടി പിന്നിട്ടിരിക്കുകയാണ്. ദേശീയ ടീമിനായി 100 ടെസ്റ്റുകളിൽ കളത്തിലിറങ്ങുക... ഏതൊരു ക്രിക്കറ്ററുടെയും ഏറ്റവും വലിയ സ്വപ്നങ്ങളിലൊന്നാകും അശ്വിൻ പൂർത്തീകരിച്ച ഈ നേട്ടം എന്നതിൽ സംശയമില്ല. 100–ാം ടെസ്റ്റിന്റെ ഒന്നാം ഇന്നിങ്സും 4 വിക്കറ്റ് നേട്ടത്തോടെയാണ് അശ്വിൻ ആഘോഷമാക്കിയത്. 14 വർഷം നീണ്ട ടെസ്റ്റ് കരിയറിൽ അശ്വിൻ കൈപ്പിടിയിലൊതുക്കിയ നേട്ടങ്ങൾ ഒട്ടേറെയാണ്. അവയിൽ പ്രധാനപ്പെട്ടവ നിങ്ങൾക്കായി അവതരിപ്പിക്കുന്നു, ഇൻഫോഗ്രാഫിക്സിലൂടെ...
99 ടെസ്റ്റ്, 507 വിക്കറ്റ്, 3309 റൺസ്, പ്ലയർ ഓഫ് ദ് മാച്ചുകളിൽ ‘ഒന്നാമൻ’; നായകനാകാൻ ഇതൊന്നും പോരെന്നോ?

ഇന്ത്യ– ഇംഗ്ലണ്ട് ടെസ്റ്റ് പരമ്പരയിലെ അവസാന മൽസരം ധരംശാലയിലെ ഹിമാചൽപ്രദേശ് ക്രിക്കറ്റ് അസോസിയേഷൻ സ്റ്റേഡിയത്തിൽ മാർച്ച് 7ന് തുടക്കമാകുമ്പോൾ ഇന്ത്യൻ ക്രിക്കറ്റ് പ്രേമികൾ ഉറ്റുനോക്കുന്നൊരു താരമുണ്ട്– രവിചന്ദ്രൻ അശ്വിൻ. ഹിമാലയൻ താഴ്‌വരയിലെ പിച്ചിൽ തന്റെ മാന്ത്രിക വിരലുകളിൽ ഈ സ്പിന്നർ എന്തൊക്കെയാണ് ഒളിപ്പിച്ചു വച്ചിരിക്കുന്നത് എന്നതുമാത്രമല്ല അശ്വിനെ മൽസരത്തിലെ കേന്ദ്രബിന്ദുവാക്കുന്നത്. അശ്വിന്റെ 100–ാം ടെസ്റ്റ് മൽസരത്തിനാണ് ധരംശാല ഇക്കുറി വേദിയൊരുക്കുന്നത്. ധരംശാലയിലെ ശൈത്യംനിറഞ്ഞ മൈതാനത്തിറങ്ങുന്നതോടെ 100 ടെസ്റ്റ് ക്ലബിൽ അംഗമാകുന്ന ലോകത്തിലെ 77–ാമത്തെ താരമാകും അശ്വിൻ. ടെസ്റ്റ് ക്രിക്കറ്റിൽ 100 മൽസരങ്ങൾ എന്ന മാന്ത്രിക സംഖ്യ പൂർത്തിയാക്കിയ ഇന്ത്യക്കാരുടെ എണ്ണം ഇതോടെ 14 ആകും. സുനിൽ ഗാവസ്കർ (ആകെ 125 മൽസരങ്ങൾ), കപിൽദേവ് (131), ദിലീപ് വെങ്സാർക്കർ (116), സച്ചിൻ തെൻഡുൽക്കർ (200), രാഹുൽ ദ്രാവിഡ് (164), അനിൽ കുംബ്ലെ (132),വി. വി. എസ്. ലക്ഷ്മൺ (134) സൗരവ് ഗാംഗുലി (113), വീരേന്ദ്ര സേവാഗ് (104), ഹർഭജൻ സിങ് (103), വിരാട് കോലി (113), ഇഷാന്ത് ശർമ (105), ചേതേശ്വർ പൂജാര (103) എന്നിവരാണ് അശ്വിനുമുൻപെ 100 എന്ന നാഴികകല്ല് പിന്നിട്ടവർ.
തോൽവിയുടെ മരണക്കിടക്കയിൽ നിന്ന് മടങ്ങിവരവ്; വാങ്ങിയ അടിക്ക് ഇരട്ടി തിരിച്ചു നൽകി ‘ദിമിയുഗം’

ഫെബ്രുവരി 12. അന്നൊരു തിങ്കളാഴ്ചയായിരുന്നു. സമയം രാത്രി 9.30. കലൂർ ജവാഹർലാൽ നെഹ്റു സ്റ്റേഡിയത്തിലെ പച്ച വിരിച്ച മൈതാനത്തു പാർശ്വ വരയ്ക്കു സമീപം വിയർത്തൊലിച്ച് അവർ നിന്നു; കുറ്റവാളികളെപ്പോലെ! കേരള ബ്ലാസ്റ്റേഴ്സ് ടീം. അവർക്കു മുന്നിൽ തൂവെള്ള ഷർട്ടും പാന്റ്സും ധരിച്ച ആറടി രണ്ടിഞ്ച് ഉയരമുള്ള ആ സെർബിയക്കാരനും; ടീമിന്റെ മുഖ്യ പരിശീലകൻ ഇവാൻ വുക്കോമനോവിച്ച്. ഈസ്റ്റ് ഗാലറിക്കു മുന്നിലായിരുന്നു ആ നിൽപ്. ബ്ലാസ്റ്റേഴ്സിന്റെ ആരാധകരുടെ ഔദ്യോഗിക കൂട്ടായ്മയായ ‘മഞ്ഞപ്പട’ക്കാർ ഇരിക്കുന്ന ഗാലറി. ടീമിലെ 12–ാമൻ എന്നു വിശേഷിപ്പിക്കപ്പെടുന്ന ആ ആരാധകക്കൂട്ടം ഗാലറികളിൽ എഴുന്നേറ്റു നിന്നു. ഗാലറികളിൽ നിന്നു പരിഭവങ്ങൾ ചിതറി വീണ ദിനം. ആരാധകരെ അഭിവാദ്യം ചെയ്യാൻ പോലും കഴിയാതെ, നനഞ്ഞ കണ്ണുകളോടെ ടീം നിശ്ചലം നിന്നു. ആ നിൽപു മിനിറ്റുകളോളം നീണ്ടു. പെട്ടെന്ന്, അക്കൂട്ടത്തിൽ നിന്ന് ഇവാൻ തിരിഞ്ഞു നടന്നു, വേഗത്തിൽ. ഡഗൗട്ടിലേയ്ക്കു മടങ്ങിയ അദ്ദേഹം വൈകാതെ അവിടം വിട്ടു. അൽപനേരം കൂടി ടീം ആരാധകർക്കു മുന്നിൽ നിന്നു. അഭിവാദ്യം ചെയ്തുവെന്നു വരുത്തി അവരും കളം വിട്ടു. ആരാധകരാകട്ടെ, ടീമിന്റെ തകർച്ചയിലെ വേദനയോടെ സ്റ്റേഡിയം വിട്ടു.
‘മുന്നോട്ടു നയിച്ചത് അപ്പ’: കഠിനവഴിയിലെ കഥ പറഞ്ഞ് ട്രീസ: ‘ഗായത്രിയുടെ ആ സ്വഭാവം എനിക്കിഷ്ടം’

കണ്ണൂർ ചെറുപുഴയിലെ വീട്ടുമുറ്റത്ത് ട്രീസയ്ക്കു ബാഡ്മിന്റൻ കളിക്കാനായി ഉണ്ടായിരുന്നത് ഒരു ‘മൺകോർട്ട്’ ആയിരുന്നു. പക്ഷേ ഇടയ്ക്കിടെ മഴ പെയ്യും, മണ്ണിൽ ചെളി നിറയും. കളിക്കാന്‍ വേറെ സ്ഥലങ്ങളുമില്ല. ടാർപൊളിൻ വലിച്ചു കെട്ടിയാണ് അന്ന് ട്രീസ മഴയെ പ്രതിരോധിച്ചത്. ആ പ്രയത്നം പിന്നീടുള്ള മത്സരങ്ങളിലെല്ലാം ട്രീസ പിന്തുടർന്നു. ഇരുപതാം വയസ്സിൽ അതിന്റെ ഫലവും കണ്ടു. മലേഷ്യയിൽ നടന്ന ഏഷ്യൻ ബാഡ്മിന്റന്‍ ടീം ചാംപ്യൻഷിപ്പിൽ ഡബിൾസിൽ ട്രീസ ജോളി– ഗായത്രി ഗോപീചന്ദ് സഖ്യം സുവർണനേട്ടമാണ് സ്വന്തമാക്കിയത്. ഇതാദ്യമായി ഇന്ത്യ ഏഷ്യൻ ടീം ബാഡ്മിന്റൻ ചാംപ്യൻഷിപ്പിൽ വനിതാ വിഭാഗത്തിൽ സ്വർണം നേടിയപ്പോൾ ആ സംഘത്തിലും ട്രീസയുടെ നേട്ടം തിളങ്ങിത്തന്നെ നിന്നു. വനിതാ ബാഡ്മിന്റനിൽ കാര്യമായ നേട്ടങ്ങളൊന്നും എടുത്തുപറയാനില്ലായിരുന്നു കേരളത്തിന്. ഇനിയത് മാറും. ഈ രാജ്യാന്തര താരം ഇനി കേരളത്തിനു സ്വന്തം. എന്നാൽ, സ്വർണത്തിളക്കം പോലെ എളപ്പമുള്ളതായിരുന്നില്ല ട്രീസയുടെ യാത്രാവഴി. ആത്മവിശ്വാസത്തെ മുറുകെ പിടിച്ച്, കഠിന പ്രയത്നത്തിലൂടെ ജീവിത വഴികളിലെ വെല്ലുവിളികളെ അതിജീവിക്കുകയായിരുന്നു ഈ കണ്ണൂരുകാരി. കോമൺവെൽത്ത് ഗെയിംസ് ബാഡ്മിന്റനിലും ഇരട്ട മെഡൽ നേടിയിരുന്നു ട്രീസ. അതിനു ശേഷം ലഭിക്കുന്ന രാജ്യാന്തര നേട്ടമാണ് മലേഷ്യയിലേത്. ജില്ലാ അണ്ടർ-11 വിഭാഗത്തിൽ പങ്കെടുക്കുമ്പോൾ വെറും ഏഴ് വയസ്സായിരുന്നു ട്രീസയ്ക്ക്. പുളിങ്ങോം എന്ന മലയോര ഗ്രാമത്തിൽ അന്ന് ബാഡ്മിന്റൻ കോർട്ടുകളോ മറ്റ് സൗകര്യങ്ങളോ ഒന്നുമുണ്ടായിരുന്നില്ല.
‘ക്ഷീണം’ തീർത്ത് യശസ്വി; ‘ബാസ് ബോൾ’ തകർത്ത് സർഫറാസ്, ധ്രുവ്, ഗിൽ...: ടെസ്റ്റില്‍ ഇന്ത്യ ഇനി ഭദ്രം; തെളിവാണ് ഇവർ...

ആറടി 9 ഇഞ്ച് പൊക്കമുള്ള ഫാസ്റ്റ് ബോളർ പാട്രിക് പാറ്റേഴ്സനും അഞ്ചടി നാലിഞ്ച് പൊക്കമുള്ള വിക്കറ്റ് കീപ്പർ ഡേവിഡ് വില്യംസും ഒരുമിച്ച് നിൽക്കുന്ന വെസ്റ്റ് ഇൻഡീസ് ടീമിന്റെ ചിത്രം കണ്ടാൽ ആരും ഒന്നു നോക്കിപ്പോകും. വെസ്റ്റ് ഇൻഡീസ് ടീമിന്റെ തൊണ്ണൂറുകളിലെ കരുത്തായിരുന്നു ഈ ‘വലിയ’ പാറ്റേഴ്സനും ‘ചെറിയ’ വില്യംസും ചേർന്നുള്ള കൂട്ടുകെട്ട്. ആ പഴയ കാഴ്ചയെ വെല്ലുന്ന കാഴ്ചയാണ് കഴിഞ്ഞ ദിവസം ഇന്ത്യൻ ടീം ഒരുക്കിയതെന്നു പറയാം. അനുഭവ സമ്പത്തിൽ പാറ്റേഴ്സന്റെ പൊക്കമുള്ള അശ്വിൻ തുടങ്ങിവച്ച വെടിക്കെട്ട് പൂർത്തിയാക്കിയത് പരിചയത്തിൽ വില്യംസിന്റെ പൊക്കത്തോളം വരുന്ന യശസ്വി ജയ്സ്വാളും സംഘവും.
കൈക്കരുത്തിലും തന്ത്രങ്ങളിലും മലയാളി ആധിപത്യം; കാലിക്കറ്റിന്റെ ചെമ്പടയും കൊച്ചിയുടെ നീലപ്പടയും കലാശപ്പോരിൽ കണ്ടുമുട്ടുമോ?

കിടിലോൽക്കിടിലൻ സ്മാഷുകളും ഇടിമിന്നൽ ജംപ് സർവീസുകളും നെഞ്ചു കിടുക്കുന്ന ബ്ലോക്കുകളും കടുകിട തെറ്റാത്ത പ്ലേസിങ്ങുകളുമൊക്കെയായി ചെന്നൈയിലെ ജവാഹർലാൽ നെഹ്റു ഇൻഡോർ സ്റ്റേഡിയത്തിൽ ഒരു പൂരം തുടങ്ങിക്കഴിഞ്ഞു; ഇനി, പ്രൈം വോളിബോൾ ലീഗിന്റെ പോരാട്ട കാലം! കൈക്കരുത്തു കൊണ്ടു കിരീടം അടിച്ചു നേടാൻ പട വെട്ടുന്നത് 9 ടീമുകൾ. കേരളത്തിന്റെ കണ്ണും കാതും രണ്ടു ടീമുകളിലേക്കാണ്. കേരളത്തിന്റെ മണ്ണിൽ പിറന്ന കൊച്ചി ബ്ലൂ സ്പൈക്കേഴ്സ്, കാലിക്കറ്റ് ഹീറോസ് ടീമുകൾ ലീഗിൽ പ്രകമ്പനം സൃഷ്ടിക്കുമെന്നാണ് ആരാധകരുടെ പ്രതീക്ഷ. എല്ലാം ഒത്തു വന്നാൽ കലാശക്കളിയിൽ കൊച്ചി – കാലിക്കറ്റ് പോരാട്ടവും അവർ കിനാവു കാണുന്നു. ഇന്നലെ ആരംഭിച്ച ലീഗിൽ, നിലവിലെ ജേതാക്കളായ അഹമ്മദാബാദ് ഡിഫൻഡേഴ്സും ബെംഗളൂരു ടോർപിഡോസും ആദ്യ ജയ മധുരം നുകർന്നു കഴിഞ്ഞു. കേരളം കാത്തിരിക്കുന്ന പോരാട്ടത്തിൽ സ്വന്തം ടീമുകളായ കാലിക്കറ്റും കൊച്ചിയും ആദ്യ പോരാട്ടത്തിൽ ഇന്നു പരസ്പരം ഏറ്റുമുട്ടും. രാത്രി 8.30 നാണു കേരള ഡാർബി! കളി ലൈവായി കാണാം, സോണി ടെൻ 1,3 ചാനലുകളിൽ.
ബ്ലാസ്റ്റേഴ്സിന്റെ ഗോൾ ഈ യുവാക്കളുടെ 'കാലിൽ'; ‘ഐഎസ്എൽ കളിക്കാർ ചേർന്നാൽ ഇന്ത്യൻ ടീം ആകില്ല’; മാതൃകയാകണം ഖത്തർ

‘‘സീസൺ തുടങ്ങുമ്പോൾ ഉണ്ടായിരുന്ന ബലതന്ത്രത്തിൽ പല മാറ്റങ്ങളും വന്നു. അഡ്രിയൻ ലൂണ ഉൾപ്പെടെ പ്രധാന താരങ്ങളുടെ പരുക്കുകൾ, പുതിയ കളിക്കാരുടെ വരവ്, മൂന്നും നാലും വട്ടം കളി ശൈലി മാറ്റേണ്ടി വരിക! ഫോർ എ കോച്ച്.. സം ടൈം ഇറ്റ്സ് ടൂ മച്ച്! പക്ഷേ, അപ്പോഴും ജയിക്കാൻ വഴി കണ്ടെത്തുക എന്നതാണ് ഒരു കോച്ചിന്റെ ജോലിയുടെ മനോഹാരിത’’ – ഐഎസ്എൽ ഫുട്ബോളിലെ സുപ്രധാന മത്സരത്തിൽ ഇന്നു പഞ്ചാബ് എഫ്സിയെ നേരിടുന്ന കേരള ബ്ലാസ്റ്റേഴ്സ് മുഖ്യപരിശീലകൻ ഇവാൻ വുക്കോമനോവിച്ചിന്റെ വാക്കുകളിൽ നിറയുന്നതു ഫുട്ബോൾ മാത്രമല്ല, തെല്ലു ഫിലോസഫിയും സാഹിത്യവും! സീസൺ തുടക്കത്തിൽ തപ്പിത്തടഞ്ഞ പഞ്ചാബ് എഫ്സി ലീഗ് അന്തിമ ഘട്ടത്തിലേക്കു നീങ്ങുമ്പോൾ കുറച്ചു കൂടി മെച്ചപ്പെട്ട നിലയിലാണ്. പോയിന്റ് പട്ടികയിൽ 12 ൽ 11 –ാം സ്ഥാനത്താണു നിൽപെങ്കിലും എതിരാളിയുടെ ‘അത്താഴം’ മുടക്കാൻ ശേഷിയുള്ള ടീം. അതുകൊണ്ടു തന്നെ പഞ്ചാബിനെ ഗൗരവത്തോടെയാണു വുക്കോമനോവിച്ച് കാണുന്നതെന്നു വ്യക്തം. പ്രത്യേകിച്ചും, ഫെബ്രുവരി രണ്ടിനു ഭുവനേശ്വറിൽ ഒഡീഷ എഫ്സിയോടേറ്റ തോൽവിയുടെ പശ്ചാത്തലത്തിൽ.
സൗഹൃദം പുതുക്കാനെത്തിയ പാക്കിസ്ഥാനെ എറി‍ഞ്ഞുവീഴ്ത്തിയ ‘മലയാളി’; കോലിയോട് പിണങ്ങി പടിയിറക്കം

അനിൽ രാധാകൃഷ്ണ കുംബ്ലെയുടെ മാന്ത്രിക വിരലുകളിൽ പിറന്ന ക്രിക്കറ്റിലെ പെർഫെക്ട് ടെസ്റ്റിന് 2024 ഫെബ്രുവരി 7ന് കാൽനൂറ്റാണ്ട് പൂർത്തിയായി. 1999ലെ പാക്കിസ്ഥാന്റെ ഇന്ത്യൻ പര്യടനത്തിലെ രണ്ടാം ടെസ്റ്റിന്റെ അവസാന ഇന്നിങ്സിലാണ് കുംബ്ലെ വിസ്മയം തീർത്തത്. ന്യൂഡൽഹി ഫിറോസ് ഷാ കോട്‌ല മൈതാനമാണ് (അരുൺ ജയ്റ്റ്ലി സ്റ്റേഡിയം) ആ റെക്കോർഡ് പ്രകടനത്തിന് സാക്ഷ്യം വഹിച്ചത്. ടെസ്റ്റ് ക്രിക്കറ്റിലെ ഒരു ഇന്നിങ്സിൽ 10 വിക്കറ്റുകളും നേടി അനിൽ കുംബ്ലെ അന്ന് ക്രിക്കറ്റിലെ മറ്റൊരു ഇതിഹാസമായി.
ഇടിക്കൂട്ടിലെ 'പൊൻമേരി', മൂന്ന് കുട്ടികളുടെ ‘മദർ മേരി’, പ്രായത്തെ ഇടിച്ചു തോൽപ്പിച്ച 'മണിപ്പുർകോട്ടൈ' വല്ലഭ

‘‘തകർക്കാനാകാത്തത് (Unbreakable) എന്നാണു ഞാൻ എന്റെ ആത്മകഥയ്ക്കു പേരിട്ടത്. ബോക്സിങ്ങിൽ നേടിയ വിജയങ്ങളോ മെഡലുകളോ അല്ല അതുകൊണ്ടു പ്രധാനമായി ഉദ്ദേശിച്ചത്. വെല്ലുവിളികൾക്കോ പ്രതിസന്ധികൾക്കോ എന്നെ തളർത്താനോ തകർക്കാനോ ആകില്ല എന്നാണ്. നമ്മുടെ ആത്മവിശ്വാസത്തെ ഉലയ്ക്കുന്ന പല പ്രശ്നങ്ങളും ഉണ്ടായേക്കാം. നമുക്കുതന്നെ നമ്മളിൽ ചിലപ്പോൾ സംശയം തോന്നാം. പക്ഷേ, അതിൽ നിന്ന് അതിവേഗം പുറത്തുകടക്കണം. ആത്മവിശ്വാസത്തെ തിരികെപ്പിടിക്കണം. Rest if you must, but don't quit. Don't give up, as there is always a next time. Don't let anyone tell you you’re weak because you are a woman.’’
തുണച്ചത് ആ ‘തലവരകളെന്ന്’ സബലേങ്ക; എതിരാളികളെ ‘അടിച്ചു വീഴ്ത്തി’ ടെന്നിസിലെ ഗ്ലാമർ ഗേൾ

യുക്രെയ്ൻ - റഷ്യ യുദ്ധം കാരണം കഴിഞ്ഞ തവണ സ്വന്തം രാജ്യത്തിന്റെ പേരോ പതാകയോ ഇല്ലാതെ ഓസ്ട്രേലിയൻ ഓപ്പണിൽ മത്സരിക്കേണ്ടിവന്ന താരമാണ് ബെലാറൂസിന്റെ അരീന സബലേങ്ക. കന്നി ഗ്രാൻസ്‍ലാം കിരീടം നേടിയിട്ടും ഒരു സ്വതന്ത്രതാരം എന്ന ലേബലിൽ ഒതുങ്ങിപ്പോകേണ്ടിവന്നതിന്റെ പ്രയാസം അവർക്കുണ്ടായിരുന്നു. ടൂർണമെന്റിൽ മത്സരശേഷം സബലേങ്കയ്ക്ക് കൈ നൽകാൻ യുക്രെയ്ൻ താരം വിസമ്മതിച്ചതും വിവാദമായിരുന്നു. ഒരു വർഷത്തിനു ശേഷം, ഓസ്ട്രേലിയൻ ഓപ്പൺ വനിതാ സിംഗിൾസ് കിരീടം നിലനിർത്താനായി വീണ്ടും മെൽബണിലെ റോഡ് ലവർ അരീനയിൽ എത്തിയപ്പോൾ സബലേങ്കയ്ക്ക് അതിജീവിക്കേണ്ടിവന്നത് എതിരാളികളെ മാത്രമല്ല, സ്വന്തം മനസാക്ഷി ഉയർത്തിയ വെല്ലുവിളികളെ കൂടിയായിരുന്നു. എന്നാൽ ഈ വെല്ലുവിളികളെല്ലാം ചിരിച്ച മുഖത്തോടെ നേരിട്ട സബലേങ്ക, ടൂർണമെന്റിൽ ഒരു സെറ്റുപോലും നഷ്ടപ്പെടാതെ സർവാധിപത്യത്തോടെ റോഡ് ലവർ അരീനയിൽ തുടർച്ചയായ രണ്ടാം വർഷവും കിരീടമുയർത്തി. വില്യം സഹോദരിമാരുടെ തേർവാഴ്ചയ്ക്കു ശേഷം വനിതാ ടെന്നിസിൽ ഇനി വരാനിക്കുന്നത് സബലേങ്കക്കാലം!
92 വർഷത്തെ പോരാട്ടം; ആദ്യ ജയത്തിന് കാത്തിരുന്നത് 2 പതിറ്റാണ്ട്; ഇംഗ്ലണ്ടിനെ എറിഞ്ഞിട്ട ചന്ദ്രശേഖർ

ഇന്ത്യ– ഇംഗ്ലണ്ട് ടെസ്റ്റ് പോരാട്ടങ്ങൾക്ക് 92 വർഷത്തെ പാരമ്പര്യമുണ്ട് പറയാൻ. പതിറ്റാണ്ടുകൾ ഇന്ത്യയെ അടക്കി ഭരിച്ച ഇംഗ്ലീകാർക്കെതിരെയാണ് ഇന്ത്യ രാജ്യാന്തരക്രിക്കറ്റിൽ ഹരിശ്രീ കുറിച്ചത് എന്നത് യാദൃശ്ചികം. ടെസ്റ്റ്, ഏകദിനം, ലോകകപ്പ്... മൽസരം ഏതുമാകട്ടെ ഇന്ത്യയുടെ ആദ്യ എതിരാളികൾ ഇംഗ്ലണ്ട് തന്നെയായിരുന്നു. ടെസ്റ്റ് ക്രിക്കറ്റ് ചരിത്രത്തിൽ ഇന്ത്യ ആദ്യമായി പടവെട്ടിയത് 1932 ജൂൺ 25ന് ലോർഡ്സിലാണ്, ഇംഗ്ലണ്ടിനെതിരെ. ഇന്ത്യയും ഇംഗ്ലണ്ടും ഇതുവരെ 131 ടെസ്റ്റ് മൽസരങ്ങളിൽ കൊമ്പുകോർത്തു. 50 മൽസരങ്ങളിൽ ഇംഗ്ലീഷുകാർ ജേതാക്കളായപ്പോൾ ഇന്ത്യൻ ജയങ്ങളുടെ എണ്ണം 31 മാത്രം. 50 മൽസരങ്ങൾ സമനിലയിൽ പിരിഞ്ഞു.
‘ഹിറ്റ്മാൻ’ മൈതാനം വിട്ടത് ആ ഒരൊറ്റ ബോളിൽ മാത്രം; രോഹിത്, കോലി, സഞ്ജു, ബിഷ്ണോയി..., ‘ഡബിൾ സൂപ്പർ’ മൂന്നാം മാച്ച്

ഒരു നിമിഷം മതി ജീവിതം മാറാൻ എന്ന് പറയുന്നതുപോലെയാണ് ക്രിക്കറ്റ് മത്സങ്ങളിലെ കാര്യവും, ഒരു ബോൾ മതി ഫലം മാറിമറിയാൻ. രാജ്യാന്തര ക്രിക്കറ്റിന്റെ ഏറ്റവും ചെറിയ പതിപ്പായ ട്വന്റി20 മത്സങ്ങൾക്കെന്ന പോലെ അതിന്റെ ആഘോഷങ്ങൾക്കും മണിക്കൂറുകൾ മാത്രമാണ് ആയുസുണ്ടാകാറുള്ളത്. എന്നാൽ, മത്സരം കഴിഞ്ഞ് ഒന്നിലേറെ സൂര്യാസ്തമനങ്ങൾ പിന്നിട്ടിട്ടും ആ മത്സരം ചര്‍ച്ചചെയ്യപ്പെടുന്നുണ്ടെങ്കിൽ അതിന് ഉത്തരം ഒന്നു മാത്രമായിരിക്കും. കഴിഞ്ഞത് വെറും ഒരു മത്സരം മാത്രമാകില്ല, ക്രിക്കറ്റിന്റെ ചരിത്ര പുസ്തകത്തിൽ എഴുതി ചേർക്കപ്പെടേണ്ട ഒരു മഹത്തായ അധ്യായം തന്നെയാകും. കഴിഞ്ഞ ദിവസം നടന്ന ഇന്ത്യ – അഫ്ഗാനിസ്ഥാൻ മത്സരം ഇപ്പോഴും ചര്‍ച്ച ചെയ്യപ്പെടുന്നതും അതിനാല്‍ തന്നെയാണ്. കേവലം ഒരു മത്സര ഫലത്തിനപ്പുറം ഒട്ടേറെ മഹത്തായ, മനോഹരങ്ങളായ നിമിഷങ്ങൾ സമ്മാനിച്ച മത്സരം.
ഒരിക്കൽ രാജ്യത്തെ നാണം കെടുത്തിയ 'വില്ലൻ': തിരിച്ചു വരവിൽ ഓസ്ട്രേലിയയുടെ സൂപ്പർ ഹീറോ: ഇൻഡിയുടെ അച്ഛൻ, നമ്മുടെ സ്വന്തം 'മല്ലു' വാർണർ

ചിലർ അങ്ങനെയാണ്, ഏത് പ്രതിസന്ധിയിൽ നിന്നും അവർ മടങ്ങിവരും, അവിശ്വനീയമായ കരുത്തോടെ... ഡേവിഡ് ആൻഡ്രു വാർണർ എന്ന ഡേവിഡ് വാർണറിന്റെ ജീവിത കഥയും മറ്റൊന്നല്ല. രാജ്യാന്തര ക്രിക്കറ്റിൽ ഒരിക്കലും മറക്കാത്ത ഇരുൾ മൂടിയ അധ്യായമായി പോകേണ്ടിയിരുന്ന തന്റെ പേരിനെ കുത്തോടെ, നിശ്ചയ ദാർഢ്യത്തോടെ മാറ്റിയെഴുതിയ കളിക്കാരൻ. ‘‘മാപ്പർഹിക്കാത്ത തെറ്റാണു ഞാൻ ചെയ്തത്. ടീമിന്റെ വൈസ് ക്യാപ്റ്റൻ എന്ന നിലയിൽ കടമകൾ ഞാൻ മറന്നു. ക്രിക്കറ്റിലൂടെ രാജ്യത്തിന്റെ അഭിമാനമുയർത്തണമെന്നേ ഞാൻ എന്നും ആഗ്രഹിച്ചുള്ളൂ. അതിനിടയിൽ ചെയ്ത ഒരു പ്രവൃത്തി പക്ഷേ, വിപരീത ഫലമുണ്ടാക്കി’’ 2018ൽ മാധ്യമങ്ങൾക്കു മുന്നില്‍ നിറകണ്ണുകളോടെ വാർണർ പറഞ്ഞ വാക്കുകൾ ഒരു ക്രിക്കറ്റ് ആരാധകനും മറക്കാനാകില്ല. വർഷങ്ങൾക്ക് ശേഷം അദ്ദേഹത്തിന്റെ ആഗ്രഹപ്രകാരം തന്നെ സിഡ്നിയില്‍ തന്റെ അവസാന മത്സരം പൂർത്തിയാക്കി കളിക്കളത്തോട് യാത്ര പറഞ്ഞ വാർണറെ കാണുന്ന ഏതൊരു ക്രിക്കറ്റ് ആരാധകന്റെ മുന്നിലും അദ്ദേഹം ഹീറോ ആകുന്നതും ഈ ഏറ്റുപറച്ചിലിന്റെ ഓർമകൾക്കൂടി കൊണ്ടാണ്. അതിനു ശേഷം അദ്ദേഹം ബാറ്റ് കൊണ്ട് പറഞ്ഞ മറുപടികൾ മറക്കാനാകാത്തതുകൊണ്ടും...
അടക്കിവാണ ബ്രിട്ടനെ ‘അടിച്ചു വീഴ്ത്തിയ’ ഹോക്കി സ്റ്റിക്കിന്റെ ഉടമ; ഇന്ത്യയുടെ ആദ്യ ‘കായിക പത്മശ്രീ’

ഇന്ത്യൻ ഹോക്കി ഇതിഹാസം എന്ന വിശേഷണം ഹോക്കി മാന്ത്രികൻ ധ്യാൻചന്ദിന് അവകാശപ്പെട്ടതാണ്. എന്നാൽ അദ്ദേഹത്തിന് സമാനമായ രീതിയിൽ ഇന്ത്യൻ ഹോക്കിയെ വളർത്തിയ മറ്റൊരു മഹാനായ താരമാണ് ബൽബീർ സിങ് ധോസാഞ്ജ് എന്ന ബൽബീർ സിങ് സീനിയർ. ഒളിംപിക്സ് ഹോക്കിയിൽ 3 തവണ ഇന്ത്യയ്ക്ക് വിജയം സമ്മാനിക്കുകയും നായകനെന്ന നിലയിൽ ഒരിക്കൽ സ്വർണ നേട്ടത്തിലേക്ക് ദേശീയ ടീമിനെ നയിക്കുകയും ചെയ്ത താരമാണ് ധ്യാൻചന്ദ്. സ്വാതന്ത്ര്യലബ്ദിക്കു മുൻപായിരുന്നു ധ്യാൻചന്ദിന്റെ ഒളിംപിക്സ് (1928, 32, 36) നേട്ടങ്ങളെങ്കിൽ സ്വതന്ത്ര ഇന്ത്യയുടെ വിജയങ്ങളിലാണ് ബൽബീർ തിലകം ചാർത്തിയത്. ധ്യാൻചന്ദിന്റെ ഹോക്കിനാളുകൾക്കു ശേഷമാണ് ബൽബീർ സിങ് സീനിയറിന്റെ സുവർണകാലം ആരംഭിച്ചത്. ധ്യാൻചന്ദിനെപ്പോലെത്തന്നെ ലോക ഹോക്കി കണ്ട ഏറ്റവും മികച്ച സെന്റർ ഫോർവേഡുകളിൽ ഒരാളായിരുന്നു ബൽബീർ സിങ്ങും. പഞ്ചാബിലെ ഹരിപുർ ഖൽസയിൽ 1923 ഡിസംബർ 31ന് ജനിച്ച അദ്ദേഹം ഇപ്പോഴും ജീവിച്ചിരുന്നെങ്കിൽ ഇന്ന്, ഡിസംബർ 31ന്, നൂറു വയസ്സ് പൂർത്തിയാകുമായിരുന്നു.
ട്രാക്കിലെ മിന്നൽപ്പിണർ, മരണം മുന്നില്‍ക്കണ്ട വേഗരാജാവ്; മനസ്സിലിന്നും ഇരമ്പുന്നു, ആ ചുവപ്പൻ ഫെറാറി...

ഡച്ച് പ്രതിഭാസം മാക്സ് വേർസ്റ്റപ്പൻ ഫോർമുല വൺ ലോക കിരീടം മൂന്നാം തവണ നേടുമ്പോൾ ഞാൻ മൈക്കൽ ഷൂമാക്കറെ ഓർത്തു. 10 വർഷം മുൻപ് ഫ്രഞ്ച് ആൽപ്സിൽ മകനോടൊപ്പം സ്കീയിങ് നടത്തുമ്പോൾ പാറയിൽ ഇടിച്ചു വീഴുകയായിരുന്നു മൈക്കൽ. സുരക്ഷാ കവചം ധരിച്ച, പരിചയ സമ്പന്നനായ സ്കീയർ. പക്ഷേ പരുക്ക് ഗുരുതരമായിരുന്നു. ആറു മാസം ഡോക്ടർ നിശ്ചയിച്ച കോമയിൽ, പിന്നീട് പാതി ബോധത്തിൽ പരസഹായത്തോടെ നടത്തം. 2019ൽ പാരിസിൽ സ്റ്റെം സെൽ ശസ്ത്രക്രിയയ്ക്ക് വിധേയനായ ശേഷം, മാധ്യമങ്ങൾക്ക് മുഖം കൊടുക്കാതെ സ്വിറ്റ്സർലൻഡിലെ ജനീവ തടാകക്കരയിലെ വീട്ടിലേക്ക് അയാൾ മടങ്ങി. വിദഗ്ധ ചികിത്സയിലൂടെ സ്വയം നടക്കാനാകും എന്ന വിശ്വാസം പ്രബലമായി. ബോധത്തിനും അബോധത്തിനും ഇടയിലെവിടെയോ ആകുന്നു ഇപ്പോൾ 52 വയസ്സുള്ള ജർമൻ ഇതിഹാസത്തിന്റെ ജീവിതം. പിന്നീട് ആരോഗ്യ വിവരങ്ങൾ പുറത്തു വന്നത് അപൂർവമായി. കുടുംബവും ചികിത്സകരും മുൻ ചാംപ്യന്റെ സ്വകാര്യതയെ മാനിച്ചു.
ഏഴാം നമ്പർ ‘തല’യുടെ മാത്രം തിലകക്കുറി; ടെസ്റ്റിൽ നിന്നും വിരമിച്ചു, ഒരിക്കൽ പോലും കളത്തിലിറങ്ങാതെ

നിയന്ത്രിത ഓവർ ക്രിക്കറ്റിൽ രണ്ട് ലോകകപ്പുകൾ ഇന്ത്യയ്ക്ക് സമ്മാനിച്ച മുൻ നായകൻ മഹേന്ദ്ര സിങ് ധോണിക്ക് ബിസിസിഐയുടെ ആദരം. ധോണിയുടെ ജഴ്സി നമ്പറായിരുന്ന 7 എന്ന മാന്ത്രിക സംഖ്യയ്ക്കും മാന്യമായ വിടവാങ്ങൽ. ഏഴാം നമ്പർ ജഴ്സി ഇനി ഇന്ത്യൻ പുരുഷ ക്രിക്കറ്റ് ടീമിൽ ആർക്കും അനുവദിക്കില്ലെന്നാണ് ഇന്ത്യൻ ക്രിക്കറ്റ് കൺട്രോൾ ബോർഡ് (ബിസിസിഐ) പ്രഖ്യാപിച്ചിരിക്കുന്നത്. ടീം ഇന്ത്യയെ കൂടുതൽ ഉയരങ്ങളിലേക്ക് നയിച്ച ധോണിയോടുള്ള ബഹുമാന സൂചകമായാണ് ഏഴാം നമ്പർ ജഴ്സിക്ക് മറ്റൊരു അവകാശി ഉണ്ടാകില്ലെന്ന് ബിസിസിഐ തീരുമാനിച്ചത്. രാജ്യാന്തര ക്രിക്കറ്റിൽനിന്ന് ധോണി നേരത്തെ തന്നെ വിരമിക്കൽ പ്രഖ്യാപിച്ചെങ്കിലും പിന്നീട് ഇതുവരെയും മറ്റാർക്കും ബിസിസിഐ ഏഴാം നമ്പർ ജഴ്സി നൽകിയിരുന്നില്ല. ധോണിയുടെ ഏഴാം നമ്പർ ജഴ്സി ‘വിരമിക്കുന്നത്’ സംബന്ധിച്ച് ഏറെ നാളായി ഉൗഹാപോഹങ്ങൾ കേട്ടിരുന്നതാണ്. 2014 ഡിസംബറിൽ ടെസ്റ്റ് ക്രിക്കറ്റിനോട് വിടപറഞ്ഞ ധോണി 2019ൽ ആണ് തന്റെ അവസാന രാജ്യാന്തര ഏകദിന, ട്വന്റി 20 മത്സരങ്ങൾ കളിച്ചത്. ധോണി വിരമിച്ചപ്പോൾ അദ്ദേഹത്തിന്റെ ഏഴാം നമ്പർ മറ്റാർക്കും നൽകരുതെന്ന് ആരാധകർ ആവശ്യപ്പെട്ടിരുന്നു. ടെസ്റ്റ് ക്രിക്കറ്റിൽ നമ്പർ സംവിധാനം വരുന്നത് 2019ൽ ആണെങ്കിലും ധോണി നീലക്കുപ്പായത്തിൽ ഉണ്ടായിരുന്ന ഏഴാം നമ്പർ ടെസ്റ്റിലും മറ്റാർക്കും ബിസിസിഐ അനുവദിച്ചിരുന്നില്ല. ധോണിക്കൊപ്പം ഏഴാം നമ്പർ ജഴ്സിയെയും വിരമിക്കാൻ അനുവദിക്കണമെന്ന് അദ്ദേഹത്തിന്റെ സഹതാരങ്ങളായ ദിനേശ് കാർത്തിക്, മുഹമ്മദ് കൈഫ്, മുൻ വനിതാ ടീം നായിക മിതാലി രാജ് എന്നിവർ 2020 ഓഗസ്റ്റിൽ ബിസിസിഐയോട് ആവശ്യപ്പെട്ടിരുന്നു.
ഹാർദിക്കിന് വേണ്ടി രോഹിത്തിനെ മറന്നു; മുംബൈ ഇന്ത്യൻസ് നാശത്തിലേക്കെന്ന് ആരാധകർ; നിരാശരായി സഹതാരങ്ങളും

മുംബൈ ഇന്ത്യൻസ് ക്യാപ്റ്റൻ സ്ഥാനത്തുനിന്ന് രോഹിത് ശർമയെ മാറ്റി ഹാർദിക് പാണ്ഡ്യയെ പ്രതിഷ്ഠിച്ചത് അനിവാര്യമായ തലമുറമാറ്റമാണെങ്കിലും കടുത്ത മുംബൈ ആരാധകർക്ക് ഒട്ടും പിടിച്ചിട്ടില്ല. സമൂഹ മാധ്യമങ്ങളിൽനിന്ന് ടീമിനെ അൺഫോളോ ചെയ്യാനുള്ള ആഹ്വാനം മണിക്കൂറുകൾകൊണ്ടു തന്നെ പതിനായിരങ്ങളാണ് ഏറ്റെടുത്തത്. നായകനായിരുന്ന രോഹിത്തിനോടുള്ള ഇഷ്ടക്കൂടുതൽ പോലെ തന്നെ ഹാർദിക്കിനോടുള്ള ഇഷ്ടക്കുറവുമുണ്ട് ആരാധകരുടെ എതിർപ്പിനു പിന്നിൽ. ഹാർദിക്കിനെ മുംബൈ ഗുജറാത്ത് ടൈറ്റൻസിൽനിന്ന് തിരിച്ചു കൊണ്ടുവന്നതു തന്നെ പലർക്കും രുചിച്ചിരുന്നില്ല. എങ്കിലും രോഹിത്തിനു കീഴിൽ കളിക്കുമെന്നായിരുന്നു അവരുടെ കണക്കുകൂട്ടൽ. എന്നാൽ രോഹിത്, ഹാർദിക്കിനു കീഴിൽ കളിക്കുമെന്നറിഞ്ഞതോടെ അവർ ശാപവാക്കുകളുമായി സമൂഹ മാധ്യമങ്ങളിൽ നിറഞ്ഞു. ഹാർദിക്കിനും ടീമിനുമെല്ലാം പഴിയുണ്ട്. നാശത്തിന്റെ തുടക്കം... എന്നാണ് പലരും കുറിച്ചത്. ചിലർ ടീം ജഴ്സി കത്തിക്കുന്ന വിഡിയോ സമൂഹ മാധ്യമങ്ങളിലൂടെ പങ്കുവച്ചു. ആരാധകർ മാത്രമല്ല, ജോൺ റൈറ്റിനെപ്പോലുള്ള ക്രിക്കറ്റ് വിദഗ്ധരും രോഹിത്തിനെ താഴെയിറക്കിയതിനെതിരെ രംഗത്തുവന്നു. ക്യാപ്റ്റൻസി രോഹിത് സ്വയം തോന്നി ഉപേക്ഷിക്കേണ്ടതായിരുന്നുവെന്നും പിടിച്ചിറക്കിയത് ശരിയായില്ലെന്നുമാണ് അവരുടെ പക്ഷം.
കത്തിക്കയറി കളിക്കളങ്ങൾ; മിന്നിത്തിളങ്ങി ബിസിസിഐ; ചിലത് ഓർക്കാം, മറ്റു ചിലത് മറക്കാതിരിക്കാം...

ഏകദിന ലോകകപ്പ് ടൂർണമെന്റ് ബിസിസിഐ ഒറ്റയ്ക്ക് സംഘടിപ്പിച്ചത് ആദ്യമായിട്ടായിരുന്നു. മുൻപ് 3 തവണ ഇന്ത്യൻ മണ്ണില്‍ ഏകദിന ക്രിക്കറ്റ് ലോകകപ്പ് ടൂർണമെന്റുകള്‍ നടന്നിട്ടുണ്ടെങ്കിലും 1987ൽ പാക്കിസ്ഥാനുമായും 1996ൽ പാക്കിസ്ഥാനും ശ്രീലങ്കയുമായും 2011ൽ ശ്രീലങ്കയും ബംഗ്ലദേശുമായും േചന്നാണ് അവ സംഘടിപ്പിക്കപ്പെട്ടത്. ഇത്രയും വലിയ ടൂർണമെന്റ് ഒറ്റയ്ക്കു നടത്തുമ്പോഴുള്ള ചുമതലയുടെയും ഉത്തരവാദിത്തത്തിന്റെയും ഭാരം സ്വാഭാവികമായും കടുത്തതായിരിക്കുമല്ലോ. രാജ്യത്തിന്റെ വിവിധ ഭാഗങ്ങളിലുള്ള 10 നഗരങ്ങളിലെ മൈതാനങ്ങളിലായി 45 ദിവസങ്ങൾ നീണ്ടു നിന്ന ഈ കായിക പൂരം കുറ്റമറ്റ രീതിയിൽ സംഘടിപ്പിക്കുകവഴി ബിസിസിഐ തങ്ങളുടെ ഭരണപാടവവും അർപണബോധവും മികച്ച രീതിയിൽ പ്രകടിപ്പിച്ചു. ഇതുവഴി രാജ്യത്തിന്റെ യശസ്സ് ലോക കായികവേദിയിൽ ഉയർത്തിക്കാട്ടുന്നതിലും വിജയിച്ചു. ബഹുരാഷ്ട്രനേതാക്കളുടെയും ഡേവിഡ് ബെക്കാം, വിവിയൻ റിച്ചാർഡ്സ് തുടങ്ങി നമ്മുടെ സ്വന്തം സച്ചിൻ തെൻഡുൽക്കറുടെയും ഗവാസ്കറുടെയും കപിൽ ദേവിന്റെയും സാന്നിദ്ധ്യം ഈ കായിക ഉത്സവത്തിന് മാറ്റുകൂട്ടി. സിനിമാ ലോകത്തുനിന്നുള്ള പ്രമുഖരുടെ പ്രാതിനിധ്യം ഗാലറികള്‍ക്ക് ജീവനേകി.
ബേദി മുതൽ ദ്രാവിഡ് വരെ; നീലക്കുപ്പായക്കാരുടെ വിജയങ്ങൾക്ക് പിന്നിലെ ‘കോച്ചു’കഥകൾ

2023 ഏകദിന ലോകകപ്പ് മത്സരങ്ങൾ പൂർത്തിയായതോടെ ടീം ഇന്ത്യയുടെ മുഖ്യ പരിശീലകൻ രാഹുൽ ദ്രാവിഡുമായുള്ള ബിസിസിഐയുടെ കരാർ കാലാവധി അവസാനിച്ചിരുന്നു. പരിശീലകനായി തുടരുന്നതിന് രാഹുൽ താൽപര്യം പ്രകടിപ്പിക്കുകകൂടി ചെയ്യാതെ വന്നതോടെ മറ്റ് പല പേരുകളിലേക്കും ചർച്ചകൾ പോയിരുന്നു. എന്നാൽ, ഇപ്പോൾ ദ്രാവിഡ് ഇന്ത്യൻ ക്രിക്കറ്റ് ടീമിന്റെ മുഖ്യപരിശീലകനായി തുടരുമെന്ന വാർത്തയാണ് ബിസിസിഐയുടെ ഭാഗത്തു നിന്ന് ലഭിക്കുന്നത്. ദ്രാവിഡുമായുള്ള കരാർ ബിസിസിഐ നീട്ടാൻ തീരുമാനിച്ചതോടെ ഇന്ത്യയുടെ വൻമതിൽ, അടുത്ത വർഷം നടക്കുന്ന ടി20 ലോകകപ്പ് വരെയെങ്കിലും ടീം ഇന്ത്യയുടെ കൂടെയുണ്ടാകും എന്ന് ഉറപ്പായിരിക്കുകയാണ്.
1979ൽ ശ്രീലങ്ക തന്ന ‘പണിക്ക്’ 83ല്‍ മറുപടി പറഞ്ഞ് ഇന്ത്യ; സെമി വരെയെത്തി കെനിയൻ പോരാട്ടം

2023 ഏകദിന ക്രിക്കറ്റ് ലോകകപ്പിലെ ഏറ്റവും വലിയ അട്ടിമറി ഏതെന്നു ചോദിച്ചാല്‍, നിസംശയം പറയാം, അത് ഫൈനൽ മത്സരത്തിൽ ഇന്ത്യയെ തോൽപ്പിച്ച് ഓസ്ട്രേലിയ കപ്പ് നേടിയത് തന്നെയാണ്. ലോകകപ്പിൽ സെമി ഉൾപ്പെടെ അതുവരെ നടന്ന 10 മത്സരങ്ങളിൽ ഒന്നിൽപോലും പരാജയമറിയാതെ കുതിച്ചുകയറിയ ഇന്ത്യയെ ആണ് ഓസീസ് തകർത്തെറിഞ്ഞത്. ഏകദിന ക്രിക്കറ്റിന്റെ എക്കാലത്തെയും ചരിത്രം പരിശോധിച്ചാൽ, ഓസ്ട്രേലിയൻ ക്രിക്കറ്റ് ടീം ഇന്ത്യയുടെ എത്രയോ മേലെ ആണെന്നത് നിസംശയം പറയാം. എന്നാൽ, ഈ ലോകകപ്പിലെ പ്രകടനം വച്ചു നോക്കുമ്പോൾ ടീം ഓസീസ് ടീം ഇന്ത്യയെക്കാൾ വളരെ പിന്നിലായിരുന്നു. പ്രാഥമികഘട്ട മത്സരത്തിൽ ഓസീസിനെ ഉൾപ്പെടെ പരാജയപ്പെടുത്തി മുന്നേറിയ ടീം ഇന്ത്യയുടെ ഫൈനൽ പരാജയം ആർക്കും വിശ്വസിക്കാന്‍ പോലും പറ്റുന്നതിനും അപ്പുറമായിരുന്നു.
മോദിയുടെ സ്റ്റേഡിയത്തിൽ ജയ് ഷായുടെ ടീം! പി.ടി. ഉഷയ്ക്ക് വിമാനം നൽകിയ രാജീവ് ഗാന്ധി; ക്രിക്കറ്റിൽ രാഷ്ട്രീയം പറയണോ?

ക്രിക്കറ്റിൽ രാഷ്ട്രീയം പറയണോ ? -Sports | World Cup Cricket India | Manorama Online Premium
‘ഞാൻ തലയുയർത്തിയാൽ ഇന്ത്യയ്ക്ക് കപ്പ് കിട്ടില്ല’; കോളിസ് സിക്സ് അടിച്ചത് ബ്രാൻഡി അടിച്ച്; ഭാര്യയെ അലമാരയിലടച്ച് പാക്ക് സ്പിന്നർ

ആശങ്കകളുടെയും അനിശ്ചിത്വത്തിന്റെയും കളിയാണ് ക്രിക്കറ്റ്. ഒരു ദിവസം മുഴുവൻ നീണ്ടാലും ആവേശച്ചരടു പൊട്ടാതെ കാണികളെ ആവേശത്തിലാഴ്ത്തുന്ന കളിക്കളത്തിന്റെ മാന്ത്രികത ഒരുപക്ഷേ ഏകദിന ക്രിക്കറ്റിന് മാത്രം അവകാശപ്പെട്ടതാവും. 1975 ലെ ആദ്യ ലോകകപ്പ് മുതൽ 140 കോടി ഇന്ത്യൻ ജനതയെ കണ്ണീരിലാഴ്ത്തി അവസാനിച്ച 2023 ലോകകപ്പ് വരെ നോക്കിയാൽ കാണികളെ രസിപ്പിച്ചതും കരയിച്ചതുമായ നിമിഷങ്ങൾ ഒട്ടേറേ. കളിക്കളത്തിൽ നിന്ന് തലയുയർത്തി മടങ്ങിയവരും പൊരുതി വീണവരും ചേർന്ന് രചിച്ചതാണ് ക്രിക്കറ്റിന്റെ ജനകീയമായ ചരിത്രം. അത്തരം ചില മുഹൂർത്തങ്ങളിലൂടെ ഒരു യാത്ര...
എങ്ങനെ മറക്കും, ധോണിക്കായി ടീം ഇന്ത്യ നടത്തിയ മധുരപ്രതികാരം! രോഹിത്തിന്റെ മനസ്സിലും കെടാതെ ഒരു കനൽ

അഹമ്മദാബാദിൽ ഹൃദയഭേദകമായതു സംഭവിച്ചു! പക്ഷേ കോടിക്കണക്കിനു വരുന്ന ഇന്ത്യൻ ക്രിക്കറ്റ് പ്രേമികളുടെ ഹൃദയത്തിൽ ടീം ഇന്ത്യ ഉണ്ടാകും. കാരണം ഒന്നരമാസമായി അവർ കളിച്ചത് മഹത്തായ, മനോഹരമായ ക്രിക്കറ്റാണ്. ഈ ലോകകപ്പിൽ ഒരേ ഒരു കളിയെ ഇന്ത്യ പരാജയപ്പെട്ടുള്ളൂ. പക്ഷേ നിർഭാഗ്യവശാൽ അതു ഫൈനലായി.
ഇതു പരാജിതരുടെ സംഘമല്ല; തലയുയർത്തി തന്നെ ടീം ഇന്ത്യ; ഓസ്ട്രേലിയ വിശ്വജേതാക്കൾ

അഹമ്മദാബാദിൽ ഹൃദയഭേദകമായത് സംഭവിച്ചു! പക്ഷേ, കോടിക്കണക്കിനു വരുന്ന ഇന്ത്യൻ ക്രിക്കറ്റ് പ്രേമികളുടെ ഹൃദയത്തിൽ ഈ ടീം ഇന്ത്യ എന്നുമുണ്ടാകും. കാരണം ഒന്നരമാസമായി അവർ കളിച്ചത് മഹത്തായ, മനോഹരമായ ക്രിക്കറ്റാണ്. ഈ ലോകകപ്പിൽ ഒരേ ഒരു കളിയെ ഇന്ത്യ പരാജയപ്പെട്ടുള്ളു. പക്ഷേ നിർഭാഗ്യവശാൽ അതു ഫൈനലായി. ലീഗ് റൗണ്ടിൽ ഇതേ ഓസ്ട്രേലിയയെ നമ്മൾ തോൽപ്പിച്ചിരുന്നു. അങ്ങനെ നോക്കുമ്പോൾ സ്കോർ 1–1 ആണ്.
സച്ചിന്റെ വരെ ‘വില്ലൻ’; ഇന്ത്യ കരഞ്ഞ നാളുകൾ, ആഘോഷിച്ചതും; 20 വർഷത്തിപ്പുറം വീണ്ടും ഓസീസ്

ഓസ്ട്രേലിയയ്ക്ക് ആറാം ലോകകിരീടം. ലോകകപ്പിലെ തുടർച്ചയായ 10 വിജയങ്ങൾക്ക് ശേഷം ഇന്ത്യയ്ക്ക് ഒരു പരാജയം. ലോകത്തെ ഒന്നാം നമ്പർ ടീം, പ്രതിഭകളുടെ ധാരാളിത്തം, എന്നിട്ടും ഫൈനൽ പോരാട്ടത്തിൽ ഇന്ത്യയ്ക്ക് കാലിടറി. ഓസീസിന്റെ പ്രഫഷനൽ മികവിനു മുന്നിൽ.
പക, അത് വീട്ടാനുള്ളതാണ്, ‘ഇത് പുതിയ ടീം’; ആൺകുട്ടികളുടെ മാത്രം കളിയല്ല; കാലത്തിനൊപ്പം മാറുന്ന കളി

ലോകകപ്പിലെ കലാശപ്പോരിനു മുൻപായി നടന്ന പത്രസമ്മേളനത്തിലും ഇന്ത്യൻ നായകൻ രോഹിത് ശർമയ്ക്ക് ഒട്ടും സുഖകരമല്ലാത്ത ആ രണ്ട് ഓർമകളെ ചോദ്യ രൂപത്തിൽ നേരിടേണ്ടി വന്നു. ‘2003 ലോകകപ്പിന്റെ കലാശപ്പോരിൽ സൗരവ് ഗാംഗുലി നയിച്ച ഇന്ത്യയെ റിക്കി പോണ്ടിങിന്റെ ഓസ്ട്രേലിയ തകർത്തതിന് ഇത്തവണ കണക്കുതീർക്കുമോ?’, ‘ഇന്ത്യ ചാംപ്യൻമാരായ 2011 ലോകകപ്പിൽ ടീമിൽ ഉൾപ്പെടുത്താത്തതിൽ നിരാശനായി ഒരു മത്സരം പോലും കാണാൻ പോകാതെ വീട്ടിലിരുന്ന താങ്കൾ ഇപ്പോൾ മറ്റൊരു ലോകകപ്പ് ഫൈനലിൽ ടീമിനെ നയിക്കുമ്പോൾ എന്തു തോന്നുന്നു?’ പഴയ കാര്യങ്ങൾക്കൊന്നും ഇനി പ്രസക്തിയില്ലെന്ന് ചൂണ്ടിക്കാട്ടിയ രോഹിത് അത്തരം കാര്യങ്ങൾ ആലോചിക്കാൻ ഇപ്പോൾ ഒട്ടും സമയമില്ലെന്നും അടുത്ത കളിയെക്കുറിച്ചു മാത്രമാണ് ചിന്തിക്കുന്നതെന്നും ആവർത്തിച്ചു പറഞ്ഞൊഴിഞ്ഞു. അങ്കത്തട്ടിൽ നിൽക്കുമ്പോൾ പോരാളികൾ ആ നിമിഷത്തെക്കുറിച്ച് മാത്രമാകും ചിന്തിക്കുക. പക്ഷേ ക്രിക്കറ്റ് ഹൃദയവികാരമായ ഈ രാജ്യത്തിന് അങ്ങനെയല്ല. ക്രിക്കറ്റിലെ ഓരോ നേട്ടവും നാടിന് ആഘോഷമാണ്. ഓരോ വീഴ്ചയും മുറിവുകളും. രാജ്യത്തിനു വേണ്ടി കളിക്കുന്നവർ ജനതയ്ക്ക് എന്നും ആരാധിക്കേണ്ട താരങ്ങളാണ്. കഴിഞ്ഞ 12 ലോകകപ്പുകളിൽ 2 തവണ മാത്രം ചാംപ്യൻമാരായ ഇന്ത്യ അഹമ്മദാബാദ് നരേന്ദ്രമോദി സ്റ്റേഡിയത്തിൽ മൂന്നാം വട്ടവും ലോകകപ്പ് ഉയർത്തിയാൽ ഇന്ന് നാടുറങ്ങാത്ത ആഘോഷ രാവാണ്.
പേരു മാറി, തുടർ തോൽവികളുടെ പേരുദോഷവും; 'മോദി'യുടെ ക്രെഡിറ്റിലേക്ക് എത്തുമോ ലോകകപ്പും!

ഇന്ത്യ ആദ്യമായി പൂർണ ആതിഥ്യം വഹിച്ച ലോകകപ്പിന്റെ പ്രധാന വേദിയായ അഹമ്മദാബാദ് നരേന്ദ്രമോദി സ്റ്റേഡിയത്തിന് പറയാൻ കഥകൾ ഒട്ടേറെയാണ്. ആ കഥകൾക്കും ഇന്ത്യയുടെ ആദ്യ ലോകകപ്പ് നേട്ടത്തിനും ഒരേ പ്രായമാണ്, 40 വയസ്സ്. ഒരു പകപോക്കലിന്റെ നീറുന്ന അധ്യായത്തോടെയാണ് സ്റ്റേഡിയത്തിലെ ക്രിക്കറ്റ് ചരിത്രത്തിന് തുടക്കം കുറിക്കുന്നത്. 1983, ക്രിക്കറ്റ് ലോകം അടക്കിവാണിരുന്ന ക്ലൈവ് ലോയ്ഡിന്റെ വെസ്റ്റ് ഇൻഡീസ് പടയെ മുട്ടുകുത്തിച്ച് കപിലിന്റെ ചെകുത്താൻമാർ ലോകകിരീടത്തില്‍ മുത്തംവച്ച വർഷം. എന്നാല്‍, കിരീട നഷ്ടത്തിന്റെ കനൽ അണയും മുൻപേ കരീബിയൻ പട പര്യടനത്തിനായി ഇന്ത്യയിലേക്കെത്തി. പിൽക്കാലത്ത് ‘റിവെഞ്ച് സീരീസ്’ എന്നറിയപ്പെട്ട ഈ പരമ്പരയിലെ മറ്റ് എല്ലാ മത്സരങ്ങളിലെന്നപോലെ മൊട്ടേരയിൽ നടന്ന മത്സരത്തിലും ഇന്ത്യയെ കാത്തിരുന്നത് കനത്ത തോൽവിയായിരുന്നു.
സച്ചിനും ഗാംഗുലിക്കും പിന്നിൽ മറഞ്ഞിരുന്നവൻ; ഇന്ത്യൻ ക്രിക്കറ്റിന്‍റെ എക്കാലത്തെയും മൂന്നാമൻ

1983ൽ കപിൽദേവും കൂട്ടരും ഇന്ത്യയ്ക്കായി ക്രിക്കറ്റ് ലോകകപ്പ് ഉയർത്തിയതോടെ ഒട്ടേറെ കുട്ടികളുടെ മനസ്സിലും നീലകുപ്പായത്തിലെ രാജകീയ കിരീടധാരണത്തിന് പങ്കാളികളാക്കണമെന്ന മോഹത്തിന് വിത്തിട്ടു. മുംബൈയിലും കൊൽക്കത്തയിലും ബെംഗളൂരുവിലും ഈ സ്വപ്നം തലയ്ക്ക് പിടിച്ച 3 കുട്ടികളുണ്ടായിരുന്നു. മൂവർക്കും അന്ന് 10 വയസ്സ് മാത്രം.
ഓസ്ട്രേലിയയ്ക്ക് എന്താണ് ഈ ടീമിനോട് ഇത്ര ‘ശത്രുത’? മഴയും ‘ടൈ’യും ബാക്കിയാകുന്ന ലോകകപ്പ് സ്വപ്നവും

ഒരിക്കലെങ്കിലും ക്രിക്കറ്റ് ലോകകപ്പിന്റെ ഫൈനലിൽ കടന്ന് കപ്പുമായി മടങ്ങാമെന്ന ദക്ഷിണാഫ്രിക്കയുടെ സ്വപ്‌നങ്ങൾക്ക് ഇനിയും ദൂരമേറെ. ലോകകപ്പിൽ ദുരന്തങ്ങൾ പിന്തുടരുന്ന ടീം എന്ന നാണക്കേടിൽനിന്ന് രക്ഷനേടാൻ ഇത്തവണയും അവർക്കായില്ല. ഏകദിന ക്രിക്കറ്റിലായാലും ട്വന്റി 20യിലായാലും സ്‌ഥിതി വ്യത്യസ്‌തമല്ല. ലോകകപ്പ് ചരിത്രത്തിലെ ഏറ്റവും ഭാഗ്യംകെട്ട ടീം എന്ന നാണക്കേടിൽനിന്ന് ‘മഴവില്ലിന്റെ നാട്ടിൽ’നിന്നുള്ള ദക്ഷിണാഫ്രിക്കയ്ക്ക് എന്നു മോചനം ലഭിക്കും! കെപ്ലർ വെസൽസും ഹാൻസി ക്രോണ്യയും അലൻ ഡൊണാൾഡും ലാൻസ് ക്ലൂസ്നറും ഷോൺ പൊള്ളോക്കും ഗാരി കിർസ്റ്റനും ഹെർഷൽ ഗിബ്സും ഫാഫ് ഡുപ്ലെസിയും ക്വിന്റൻ ഡിക്കോക്കുമൊക്കെ സമ്മാനിച്ച മനോഹര നിമിഷങ്ങൾക്കൊപ്പം വയ്ക്കാൻ ഒന്നുംതന്നെ നൽകാനാകാതെയാണു ടെംബ ബവുമയും സംഘവും ഇക്കുറി ഇന്ത്യയിൽനിന്നു മടങ്ങുന്നത്. ലോകോത്തര താരങ്ങളുടെ കുറവോ കളി മികവോ അല്ല ദക്ഷിണാഫ്രിക്കയെ കപ്പടിക്കുന്നതിൽനിന്ന് അകറ്റുന്നത്. സെമി ഫൈനലിൽ അടിപതറുന്ന ടീം എന്ന നാണക്കേടിന് ഇക്കുറിയും മാറ്റമുണ്ടായില്ല. സെമി ഫൈനലുകളിൽ എതിരാളികളോടുമാത്രമല്ല ദക്ഷിണാഫ്രിക്കയ്ക്ക് പോരാടേണ്ടിവന്നത്. മഴയും ഡക്ക്‌വർത്ത്–ലൂയിസ് നിയമവുമൊക്കെ പലപ്പോഴും വില്ലനായിട്ടുണ്ട്. നായകൻമാരുടെ കണക്കുകൂട്ടലുകൾ തെറ്റിയതും വിനയായിട്ടുണ്ട്. പലതവണ തലകുനിക്കേണ്ടിവന്നത് ഓസ്ട്രേലിയയുടെ മുന്നിലായിരുന്നു. ഇക്കുറിയും ഫൈനലിലേക്കുള്ള വഴിമുടക്കിയത് ബദ്ധശത്രുക്കളായ ഓസ്ട്രേലിയതന്നെ.
ഷമി എന്ന ഹീറോ, വിരാട് എന്ന താരം, ശ്രേയസ് എന്ന ഉദയം, രോഹിത് എന്ന ക്യാപ്റ്റൻ; കപ്പിൽ മുത്തമിടാൻ ഇനി ഒരു കളിയുടെ ദൂരം!

മുഹമ്മദ് ഷമിയുടെ കയ്യിൽ നിന്നു പാഞ്ഞ തീയുണ്ടകൾക്കുള്ളിൽ ഇന്ത്യയുടെ ഹൃദയമിടിപ്പ് ഉണ്ടായിരുന്നു. ഇന്ത്യയുടെ ക്രിക്കറ്റ് ജനതയെ തന്റെ കൈകളിലേക്ക് ആവാഹിച്ചാണ് കീവികളുടെ നെഞ്ച് ഷമി തകർത്തത്. മുംബൈ വാങ്കഡെ സ്റ്റേഡിയം അതോടെ ത്രസിച്ചു. കപ്പിലേക്ക് ഇനി ഒരേ ഒരു വിജയത്തിന്റെ ദൂരം മാത്രം. ഞായറാഴ്ച വരെ അതിനായുള്ള ആകാംക്ഷാഭരിതമായ കാത്തിരിപ്പ്. ഫൈനലിൽ എതിരാളി ഓസ്ട്രേലിയയോ ദക്ഷിണാഫ്രിക്കയോ? അത് ഇന്നറിയാം.
രോഹിത്തും കമ്പനിയും സ്ട്രോങ്ങാ, ഡബിൾ സ്ട്രോങ്; ഈ കുതിപ്പ് കപ്പിലേക്ക്; ഇത് ഇന്നേവരെ കാണാത്ത ‘ടീം ഇന്ത്യ’

‘‘ ഈ വിജയങ്ങൾ ടീമിലെ ഒന്നോ രണ്ടോ പേരുടെ നേട്ടമല്ല, കളത്തിലിറങ്ങുന്ന 11 പേരും അവരവരുടേതായ അവസരങ്ങളിൽ അവരവരുടെ റോൾ കൃത്യമായി നിർവഹിച്ചതിന്റെ വിജയമാണ്’’. 2023 ലോകകപ്പിലെ നെതർലൻഡ്സിനെതിരായ വിജയത്തിന് ശേഷം ഇന്ത്യൻ നായകൻ രോഹിത് ശർമ പറഞ്ഞ വാക്കുകളാണിത്. അതേ, ലോകകപ്പ് മത്സരങ്ങൾ സെമിഫൈനലിൽ പ്രവേശിക്കുന്നതിന് മുൻപുവരെയുള്ള കണക്കുകൾ പരിശോധിച്ചാൽ റെക്കോർഡ് പട്ടികകളിൽ പലതിലും ഇന്ത്യൻ താരങ്ങളാണ് മുന്നിൽ. എന്നാൽ, 9 വ്യത്യസ്ത എതിരാളികളുമായി ടീം ഇന്ത്യ കൊമ്പുകോർത്ത് നേടിയ വിജയങ്ങളിൽ ഒന്നു പോലും വ്യക്തിഗത മികവിന്റെ വിജയങ്ങളായിരുന്നില്ല. കളത്തിലിറങ്ങിയ 11 പേരും തങ്ങളുടെ ജോലികൾ മനോഹരമായി പൂർത്തിയാക്കിയതിലൂടെയാണ് ഓരോ വിജയവും ഇന്ത്യ കൈപ്പിടിയിൽ ഒതുക്കിയത്.
ഒറ്റമുറി വീട്ടിൽനിന്ന് കോടികൾ വിലയുള്ള ഇന്ത്യൻ നായകനിലേക്ക്; ഈ ലോകകപ്പ് രോഹിത്തിന്റെ ‘പ്രതികാരം’

‘‘കഴിഞ്ഞ മൂന്നു ലോകകപ്പുകളിലും ആതിഥേയ രാജ്യങ്ങളാണ് കപ്പുയർത്തിയത്. 2011ൽ ഇന്ത്യ, 2015ൽ ഓസ്ട്രേലിയ, 2019ൽ ഇംഗ്ലണ്ട്. അപ്പോൾപ്പിന്നെ ഇത്തവണത്തെ കാര്യം ഞാൻ പറയേണ്ടതില്ലല്ലോ’’- തന്റെ കുറ്റിത്താടിയിൽ വിരലോടിച്ച്, സ്വതസിദ്ധമായ ചിരിയോടെ ഇന്ത്യൻ ക്യാപ്റ്റൻ രോഹിത് ശർമയുടെ വാക്കുകൾ. അതെ, രോഹിത് ഉറപ്പിച്ചു തന്നെയാണ്. ഇത്തവണത്തെ ലോക കിരീടം ഇന്ത്യയ്ക്കു സമ്മാനിക്കുമെന്ന് ഉറപ്പിച്ച്. ക്യാപ്റ്റൻ എന്നതിനൊപ്പം ബാറ്റർ എന്ന നിലയിലും 2023 ലോകകപ്പിൽ മാരക ഫോം തുടരുന്ന രോ‘ഹിറ്റ്മാൻ’ ശർമയെ അടുത്തറിയാം.. ചരിത്രത്തിൽ ആദ്യമായി പൂർണമായും ഇന്ത്യ ആതിഥ്യമരുളുന്ന ഏകദിന ക്രിക്കറ്റ് ലോകകപ്പ്. പ്രാഥമികഘട്ടത്തിലെ 9 വ്യത്യസ്ത എതിരാളികളുമായുള്ള ഇന്ത്യയുടെ 9 മത്സരങ്ങളും രാജ്യത്തിന്റെ വിവിധ ഭാഗങ്ങളിലുള്ള സ്റ്റേഡിയങ്ങളിൽ. സ്വന്തം നാട്ടിൽ നടക്കുന്ന ടൂർണമെന്റ് എന്ന അവകാശവാദം ഉന്നയിക്കാമെങ്കിലും ടീം ഇന്ത്യയുടെ മുന്നിലെ വെല്ലുവിളികൾ വളരെ വലുതായിരുന്നു. എന്നാൽ, ഒക്ടോബർ 5ന് ചെന്നൈയിൽ ഓസീസിനെതിരെ തെളിഞ്ഞ വിജയത്തിന്റെ വെളിച്ചം നവംബർ 12ന് ദീപാവലി ദിവസം ബെംഗളൂരു ചിന്നസ്വാമി സ്റ്റേഡിയം വരെയും കെടാതെ കാക്കാൻ ടീം ഇന്ത്യയ്ക്കായി. തുടർച്ചയായ 9 വിജയങ്ങൾ. നീലക്കുപ്പായക്കാരുടെ (മെൻ ഇൻ ബ്ലു) ലോകകപ്പ് ചരിത്രത്തിലെ ഏറ്റവും വലിയ വിജയത്തുടർച്ച.
തോൽവിയില്ലാ കുതിപ്പ്, പ്രതീക്ഷ വാനോളം; നെതർലൻഡ്സും പിന്നിട്ടു; സെമി ഫൈനലിൽ കിവീസിന് മറുപടി നൽകുമോ ടീം ഇന്ത്യ?

9–0! ഫുട്ബോളിൽ ഒരു തകർപ്പൻ വിജയത്തിന്റെ സ്കോറാണിത്. ഇംഗ്ലിഷ് പ്രീമിയർ ലീഗിൽ ലിവർ പൂളും മാഞ്ചസ്റ്റർ യുണൈറ്റഡും നേടിയ 9–0 വിജയങ്ങൾ ലീഗിന്റെ ചരിത്രത്തിൽ ഇടം പിടിച്ചിട്ടുണ്ട്. 2023 ഏകദിന ലോകകപ്പ് ക്രിക്കറ്റിൽ ഇന്ത്യയും ചരിത്രത്തിൽ ഇടം പിടിക്കുകയാണ്. പ്രാഥമിക റൗണ്ടിലെ മത്സരങ്ങളിൽ ടൂർണമെന്റിലെ എല്ലാ ടീമുകളെയും ഇന്ത്യ പരാജയപ്പെടുത്തി. മറ്റൊരു ടീമിനും ഇത്തവണ അതിനു കഴിഞ്ഞില്ല.
മറക്കാനാകുമോ 99ലെ സെമി; ദക്ഷിണാഫ്രിക്കയുടെ ‘നിർഭാഗ്യം’ ചരിത്രമാകുമോ, ഒപ്പം തുടരുമോ?

ലോകകപ്പ് ക്രിക്കറ്റിൽ വീണ്ടുമൊരു ദക്ഷിണാഫ്രിക്ക – ഓസ്ട്രേലിയ സെമി ഫൈനൽ പോരാട്ടത്തിന് പിച്ചൊരുങ്ങുമ്പോൾ ഒരു ശരാശരി ആരാധകന്റെ മനസ്സിൽ മിന്നിമായുന്ന ഒരുപാട് ചിത്രങ്ങളുണ്ട്. അതിൽ സ്റ്റീവ് വോയുടെ ആത്മവീര്യവും ലാൻസ് ക്ലൂസ്നറുടെ പോരാട്ടവും ഹെർഷൽ ഗിബ്സിന്റെയും അലൻ ഡോണൽഡിന്റെയും മണ്ടത്തരങ്ങളുമെല്ലാം ഒളിമങ്ങാതെ ഉയർന്നു വരും. 1999, 2007 ഏകദിന ലോകകപ്പുകളിലാണ് ദക്ഷിണാഫ്രിക്കയും ഓസ്ട്രേലിയയും സെമിഫൈനലിൽ ഏറ്റുമുട്ടിയത്
പെനൽറ്റി പിടിക്കുന്ന, കാലിൻമേൽ കളിക്കുന്ന ‘ടെർസ്റ്റെഗൻ ഫാൻ’, ബ്ലാസ്റ്റേഴ്സിന്റെ ‘കാവൽ മാലാഖ’യായി ‘സച്ചിൻ.... സച്ചിൻ’

വാാാട്ട്?... ബ്ലാസ്റ്റേഴ്സ് ആരാധകർ ഒരുകാലത്തും മറക്കാൻ ഇടയില്ലാത്ത സ്പാനിഷ് സ്ട്രൈക്കർ അൽവാരോ വാസ്കസ് ഈസ്റ്റ് ബംഗാളിനെതിരായ മത്സരത്തിനു ശേഷം ഇൻ‍സ്റ്റഗ്രാമിൽ കുറിച്ചതാണീ ചോദ്യം. ഈസ്റ്റ് ബംഗാളിനെതിരെ തുടർച്ചയായി രണ്ടു പെനൽറ്റി കിക്കുകൾ സേവ് ചെയ്തു ബ്ലാസ്റ്റേഴ്സിനെ രക്ഷിച്ച പ്രകടനം കണ്ടു ‘ഞെട്ടി’ ഗോൾകീപ്പർ സച്ചിൻ സുരേഷിനോടുതന്നെയായിരുന്നു ഈ ചോദ്യം. രണ്ടു വർഷം മുൻപ് ബ്ലാസ്റ്റേഴ്സും കഴിഞ്ഞ സീസണോടെ ഐഎസ്എലും വിട്ട വാസ്കസ് മാത്രമല്ല, കേരള ടീമിന്റെ സമസ്ത ആരാധകരും ഇപ്പോൾ തെല്ലൊരു അതിശയത്തോടെയാണ് അരങ്ങേറ്റ സീസൺ മാത്രം കളിക്കുന്ന സച്ചിൻ സുരേഷിന്റെ പെനൽറ്റി ‘പിടിത്തത്തിനു’ കയ്യടിക്കുന്നത്. ഒഡീഷ എഫ്സിക്കെതിരെ കലൂർ സ്റ്റേഡിയത്തിലെ സച്ചിൻ തെൻഡുൽക്കർ പവലിയനു മുന്നിലും ഈസ്റ്റ് ബംഗാളിനെതിരെ അവരുടെ തട്ടകമായ കൊൽക്കത്ത സോൾട്ട് ലേക്ക് സ്റ്റേഡിയത്തിലെ ആരവങ്ങൾക്കു നടുവിലുമായി
ഈഡനിൽ വിരാടിന്റെ ബർത്ത് ഡേ പാർട്ടി! ഇതിഹാസ താരങ്ങളുടെ നിരയിലേക്കോ? ദക്ഷിണാഫ്രിക്കയെ ചുരുട്ടിക്കെട്ടി ജഡേജ

ആരാണ് മികച്ചത്? സച്ചിനോ കോലിയോ? ക്രിക്കറ്റ് പണ്ഡിതരും പ്രേമികളും തുടർച്ചയായി ഇതു ചോദിക്കുന്നുണ്ട്. വിരാട് ഒരു മഹാനായ കളിക്കാരനാണ്, സച്ചിൻ ഇതിഹാസവും. ഒരു പക്ഷേ നൽകാൻ സാധിക്കുന്ന യുക്തിഭദ്രമായ മറുപടി ഇതായിരിക്കും. മഹാനായ കളിക്കാരൻ എന്ന ലേബലിനും അതീതമായി ഇതിഹാസ താരമായി വിരാട് കോലിയെയും ക്രിക്കറ്റ് ലോകം വാഴ്ത്തും എന്നതിന്റെ സൂചനകളാണ് ഈഡൻഗാർഡൻസ് നൽകിയത്.
വ്യക്തി ജീവിതത്തിൽ പ്രതിനായകന്റെ ‘പരിവേഷം’; കളിക്കളത്തിൽ ഷമി ഹീറോയാ, ഹീറോ!!!

സ്വന്തം ഭാര്യയെ വഞ്ചിക്കാ‍ൻ മടിയില്ലാത്ത ആൾക്ക് രാജ്യത്തെ വഞ്ചിക്കാനും മടികാണില്ല! – ഇന്ത്യൻ ക്രിക്കറ്റ് താരം മുഹമ്മദ് ഷമിയെക്കുറിച്ച് ഭാര്യ സഹിൻ ജഹാൻ നടത്തിയ വിവാദ പരാമർശം ഷമിക്കും ഇന്ത്യൻ ക്രിക്കറ്റ് ടീമിനും ഉണ്ടാക്കിയ കളങ്കം ചെറുതല്ല. അതിനെ ചുറ്റിപ്പറ്റിയുള്ള അന്വേഷണങ്ങളും സുപ്രീം കോടതിവരെ എത്തിനിൽക്കുന്ന നിയമപോരാട്ടങ്ങളും നൽകിയ സമ്മർദത്തെ അതിജീവിച്ചാണ് ഏകദിന ക്രിക്കറ്റ് ലോകകപ്പിൽ മുഹമ്മദ് ഷമിയെന്ന മുപ്പത്തിമൂന്നുകാരൻ ഇന്ത്യൻ പേസർ വിക്കറ്റുകളും റെക്കോർഡുകളും ഒന്നൊന്നായി എറിഞ്ഞിടുന്നത്. യഥാർഥ വസ്തുതകൾ ഇനിയും പുറത്തുവരേണ്ടതുണ്ടെങ്കിലും സമീപകാലത്ത് ഇത്രയേറെ വേട്ടയാടപ്പെട്ട മറ്റൊരു ക്രിക്കറ്റ് താരം ഉണ്ടാകില്ല. നായകന്റെയും പ്രതിനായകന്റെയും വേഷം പലകുറി മാറിമാറിയണിഞ്ഞ മുഹമ്മദ് ഷമിയുടെ ജീവിതകഥ ഒരു ത്രില്ലർ സിനിമയെ വെല്ലുന്നതാണ്.
എന്തിനാണ് ഇവർ എന്നും ‘നടക്കു’ന്നത് ? അവർ എടുത്തുചാട്ടക്കാരാണ്; ഇതാണ് പാലക്കാടിന്റെ ‘കളി’ ; ഏഷ്യാഡ് കഴിഞ്ഞാൽ ഒളിംപിക്സോ!

സഹ്യപർവതത്തിന് അപ്പുറത്തുനിന്നു വാളയാർ ചുരത്തിലൂടെ കേരളത്തിലേക്ക് എത്തുന്ന കാറ്റിനെ പാലക്കാടൻ കാറ്റെന്ന് വിളിക്കുന്നു. അങ്ങനെയെങ്കിൽ സ്കൂൾ കായികമേളയിൽ ട്രോഫികളുമായി പറക്കുന്ന കായിക താരങ്ങളുടെ കാറ്റിനെ പാലക്കാടൻ കൊടുങ്കാറ്റെന്നു വിളിക്കാം. വർഷങ്ങളായി സ്കൂൾ കായിക മേളകളിലെ കൊടുങ്കാറ്റാണ് പാലക്കാടൻ താരങ്ങൾ. പാലക്കാടൻ കാറ്റ് കേരളത്തിലേക്കാണ് വരുന്നതെങ്കിൽ ഈ കൊടുങ്കാറ്റ് ചുരവും കടന്ന് ഏഷ്യൻ ഗെയിംസിന്റെ വേദികളിലും ആഞ്ഞടിക്കുകയാണ്. 2005ൽ പറളി സ്കൂളിൽ നിന്നു പുറപ്പെട്ട മന്ദമാരുതനാണ് 2019 മുതൽ സ്കൂൾ കായികമേളകളിൽ ഹാട്രിക് വിജയം നേടിയത്. ഏറെ പ്രത്യേകതകളുണ്ട് ഈ പാലക്കാടൻ കായികക്കാറ്റിന്. പറളി കൊളുത്തിയ ദീപശിഖ മറ്റുള്ളവർ ഏറ്റെടുത്തതോടെ കാറ്റിന് വേഗമേറി. ഇല്ലായ്മകളുടെ പല ഹർഡിലുകളും ചാടിക്കടന്ന് ഈ താരങ്ങൾ കുതിക്കുകയാണ്. ആ കാറ്റിന്റെ ചരിത്രം അറിയാം, അവരുടെ ജീവിതവും. വായിക്കാം മൈതാനങ്ങളിലെ പാലക്കാടൻ വീരഗാഥ.
ലങ്കയ്ക്ക് ഇന്ത്യൻ പേക്കിനാവ്; പേസർമാരുടെ സംഹാരതാണ്ഡവം; ടീം ഇന്ത്യയുടെ ‘കില്ലിങ് ഇൻസ്റ്റിംക്‌റ്റ്’

വാങ്കഡെ സ്റ്റേഡിയം ശ്രീലങ്കയ്ക്ക് ഭീതിയുടെ നിലവറയായി മാറി. ഇന്ത്യൻ പേസർമാരുടെ മൂളിപ്പറക്കുന്ന പന്തുകൾ അവരെ അക്ഷരാർഥത്തിൽ ഭയപ്പെടുത്തിക്കൊണ്ടിരുന്നു. ലോക ക്രിക്കറ്റിൽ ഇന്ത്യയുടെ ഫാസ്റ്റ് ബോളർമാർ ഇങ്ങനെ തലയുയർത്തി വിരാജിക്കുന്ന ചിത്രം ക്രിക്കറ്റിന്റെ ചരിത്രത്തിൽ ഉണ്ടായിട്ടില്ല. സ്പിന്നർമാരുടെ കറക്കിവീഴ്ത്തലുകളിൽ സ്വന്തം നാട്ടിൽ വിജയം കണ്ടെത്തുന്ന ടീം എന്ന പേരുദോഷം ജസ്പ്രീത് ബുമ്രയും മുഹമ്മദ് ഷമിയും മുഹമ്മദ് സിറാജും ചേർന്ന് മായ്ച്ചുകളയുകയാണ്. സ്പിന്നർമാരായ കുൽദീപ് യാദവിനോ രവീന്ദ്ര ജഡേജയ്ക്കോ ശ്രീലങ്കയ്ക്കെതിരെ പന്തെടുക്കേണ്ട കാര്യം തന്നെ ഉണ്ടായിരുന്നില്ല. ഈ ലോകകപ്പിലെ ഏറ്റവും മികച്ച രണ്ടു സ്പിന്നർമാരെ മാറ്റി നിർത്താമോ എന്നു വിചാരിച്ച് ക്യാപ്റ്റൻ രോഹിത് ശർമ ഇരുവർക്കുമായി മൂന്ന് ഓവർ നൽകി. അതിൽ തന്റെ ആദ്യ ഓവറിലെ നാലാം പന്തിൽ ജഡേജ ശ്രീലങ്കൻ ഇന്നിങ്സ് അവസാനിപ്പിച്ചു. മറിച്ചെങ്കിൽ 10 ശ്രീലങ്കൻ വിക്കറ്റുകളും ഇന്ത്യൻ പേസർമാർ പകുത്തെടുക്കുമായിരുന്നു.
ബാറ്റിങ്ങാണ് ‘മെയിൻ’; 6 മത്സരങ്ങൾക്കൊണ്ട് അടിച്ചുകൂട്ടിയത് 1998 റൺസ്; ഇത് അപശകുനച്ചരട് പൊട്ടിച്ചെറിഞ്ഞ് കുതിക്കുന്ന ‘പുതിയ ടീം’

വീണുടഞ്ഞ സ്വപ്നം പെറുക്കിയെടുത്ത് കരഞ്ഞു കലങ്ങിയ കണ്ണുകളുമായി പല തവണ ലോകകപ്പ് വേദികൾ വിടേണ്ടി വന്ന മുൻഗാമികൾക്ക് തുടർ വിജയങ്ങളാൽ ദക്ഷിണ വയ്ക്കുകയാണ് പുതുതലമുറ ദക്ഷിണാഫ്രിക്കൻ ക്രിക്കറ്റ് ടീം. ജയത്തിനു മുന്നിൽ കാലിടറി വീണ് ചോക്കർ എന്ന ടാഗ് ലൈൻ ടീമിനൊപ്പം ചേർത്ത ദക്ഷിണാഫ്രിക്ക, കഴുത്തിലെ അപശകുനച്ചരട് പൊട്ടിച്ചെറിയുന്ന കാഴ്ചയാണ് ചെന്നൈ ചെപ്പോക്ക് സ്റ്റേഡിയത്തിൽ കണ്ടത്. പാക്കിസ്ഥാനെതിരെ ചങ്കിടിച്ചു വീഴാതെ നേടിയ ഒരുവിക്കറ്റ് ജയം ടൂർണമെന്റിലെ ടീമിന്റെ പ്രകടനത്തോട് നീതി പുലർത്തുന്നതായിരുന്നു.
ബുൾഡോസറായി ബുമ്രയും ഷമിയും; ഏഴു ഡിഗ്രി തിരിച്ച് കുൽദീപ്; രോഹിത് നയിച്ചു, ടീം ഇന്ത്യ മുന്നോട്ട്

ലക്നൗവിൽ മുഹമ്മദ് ഷമിയും ജസ്പ്രിത് ബുമ്രയും ഇംഗ്ലണ്ടിന്റെ ഹൃദയം തകർത്തു. ലോകചാംപ്യന്മാർക്ക് നേരെ ഇരുവരും ചേർന്ന് ഒരു ബുൾഡോസർ ഓടിച്ചതു പോലെ! എന്തുകൊണ്ടാണ് ഈ ഇന്ത്യൻ ടീം തുടർച്ചയായ ആറാം ജയവും നേടി സ്വപ്നതുല്യ പടയോട്ടം നടത്തുന്നതെന്നു ചോദിച്ചാൽ ബോളിങ് നിരയിലേക്കു കൈ ചൂണ്ടിക്കാട്ടേണ്ടിവരും. സമീപകാല ചരിത്രത്തിൽ ഇന്ത്യയുടെ ഒരു ബോളിങ് നിര ഇത്രയും നാശവും ഭീതിയും എതിർ ടീമുകളിൽ വിതച്ചിട്ടില്ല. അവരിൽ ആരും തന്നെ എതിർടീമിന് ശ്വാസം വിടാൻ അനുവാദം നൽകുന്നില്ല. ലക്നൗവിൽ വീണ 10 ഇംഗ്ലിഷ് വിക്കറ്റുകളിൽ ഏഴും ബുമ്രയും ഷമിയും നേടി– 54 റൺസിന് ഏഴ്! ഒരു ഘട്ടത്തിൽ നാലു റൺസിന് രണ്ട് വിക്കറ്റ് എന്നതായിരുന്നു ഷമിയുടെ ബോളിങ് ഫിഗർ. ബുമ്രയോ? 5–2–17.
കുത്തിത്തിരിയുന്ന പന്തുകളും വളവില്ലാത്ത വാക്കുകളും ബാക്കിയാക്കി ബേദി മടങ്ങി; ലോകകപ്പിൽ തിരുത്താനാകില്ല, ആ റെക്കോർഡ്

മാന്ത്രിക വിരലുളിൽ പിറന്ന പന്തുകൾ. അവ പിഴുത വിക്കറ്റുകളിലൂടെ ഇന്ത്യയ്ക്ക് ഒരു പിടി ജയങ്ങൾ. സ്പിൻ ബോളിങ്ങിന് പുതിയ മാനങ്ങൾ സമ്മാനിച്ച ബിഷൻ സിങ് ബേദി ഇനി ഓർമത്താളുകളിൽ. 4 പതിറ്റാണ്ടു മുൻപുവരെ ഏറ്റവും കൂടുതൽ ടെസ്റ്റ് വിക്കറ്റുകൾ സ്വന്തമാക്കിയ ഇന്ത്യക്കാരൻ എന്ന നേട്ടം ബേദിയുടെ പേരിലായിരുന്നു. ആഭ്യന്തര ക്രിക്കറ്റിലും ടെസ്റ്റ് ക്രിക്കറ്റിലും ഇന്നും ബേദി ബാക്കിവയ്ക്കുന്നത് ഒരുപിടി റെക്കോർഡുകൾ. ഒപ്പം മറക്കാനാവാത്ത ‘ചില്ലറ’ വിവാദങ്ങളും. ലോകം കണ്ട മികച്ച ഇടങ്കയ്യൻ സ്പിന്നർമാരിൽ ഒരാളായ ബേദിയുടെ അനശ്വര ഓർമകളിലൂടെ....

Results 1-100 of 134

Today's Epaper

MANORAMA APP

Sports+

our sites

about

QUICK LINKS

EXPERIENCE MANORAMA ONLINE PREMIUM

Our Sites