തിരഞ്ഞെടുപ്പിന് ഇടയിലും ശുചിത്വ സന്ദേശവുമായി ജീവനക്കാരുടെ പ്രവർത്തനം
Mail This Article
×
മാനന്തവാടി ∙ ലോക്സഭാ തിരഞ്ഞെടുപ്പിന്റെ ഭാഗമായി തോൽപ്പെട്ടി ചെക് പോസ്റ്റിൽ ഡ്യൂട്ടിയിലുള്ള ജീവനക്കാരുടെ ശുചിത്വ പ്രവർത്തനങ്ങൾ ശ്രദ്ധേയമായി. ഒരു മാസത്തോളമായി തോൽപ്പെട്ടി ചെക് പോസ്റ്റിൽ തിരഞ്ഞെടുപ്പ് വിഭാഗം -പൊലീസ് - എക്സൈസ് വകുപ്പുകളുടെ സംയുക്ത സഹകരണത്തോടെ പ്രവർത്തിക്കുന്ന സ്റ്റാറ്റിക് സർവൈലൻസ് ടീം അംഗങ്ങളാണ് വിശ്രമവേളയിൽ ചെക് പോസ്റ്റ് പരിസര പ്രദേശങ്ങളിലെ അജൈവ മാലിന്യങ്ങൾ ശേഖരിച്ചത്. ശേഖരിച്ച അജൈവ മാലിന്യങ്ങൾ വേർതിരിച്ചു തിരുനെല്ലി ഹരിത കർമ സേനയ്ക്ക് എസ്എസ്ടി ചാർജ് ഓഫിസർ എം.പി. രാജേന്ദ്രൻ കൈമാറി. അസി. എക്സൈസ് ഇൻസ്പെക്ടർ ഹരിദാസൻ, കെ.എ. അജയ്, സീനിയർ സിപിഒ ജിൽജിത്ത്, കെ.എ. മിഥുൻ, എസ്എസ്ടി അംഗങ്ങളായ കെ.എസ്. ഫൈസൽ തുടങ്ങിയവർ ശുചിത്വ പ്രവർത്തനങ്ങളിൽ പങ്കാളികളായി.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.