രാഹുൽ നീതികേട് കാട്ടി: ആനിരാജ

ന്യൂഡൽഹി ∙ മറ്റൊരു മണ്ഡലത്തിൽക്കൂടി മത്സരിക്കുന്നുണ്ടെന്ന വിവരം രാഹുൽ ഗാന്ധി മറച്ചുവച്ചത് വയനാട്ടിലെ വോട്ടർമാരോടുള്ള നീതികേടാണെന്ന് എൽഡിഎഫ് സ്ഥാനാർഥിയും സിപിഐ നേതാവുമായ ആനി രാജ ആരോപിച്ചു. രണ്ടിടത്തും ജയിച്ചാൽ ഒന്നിൽ രാജിവയ്ക്കേണ്ടി വരും. രണ്ടാം സീറ്റ് പരിഗണനയിലുണ്ടെന്നു വയനാട്ടിലെ വോട്ടർമാരെ അറിയിച്ചുകൊണ്ടായിരുന്നു അദ്ദേഹം തിരഞ്ഞെടുപ്പിനെ നേരിടേണ്ടിയിരുന്നത്– ആനി രാജ പറഞ്ഞു.