ഇരട്ടക്കുട്ടികളുടെ അമ്മയായ ഇറ്റാലിയൻ ഫെൻസിങ് താരം പാരിസിലേക്ക്
Mail This Article
ടെന്നിസ് താരങ്ങളായ സെറീന വില്യംസ്, മാർഗരറ്റ് കോർട്ട്, സാനിയ മിർസ, ബോക്സിങ് ചാംപ്യൻ എം.സി.മേരി കോം, സ്പ്രിന്റ് റാണിമാരായ ഷെല്ലി ആൻ ഫ്രേസർ പ്രൈസ്, അലിസൻ ഫെലിക്സ്, കേരളത്തിന്റെ അഭിമാനമായ പി.ടി.ഉഷ, ഷൈനി വിൽസൺ... കായികലോകത്തെ വേറിട്ട മാതൃകകളായ ഈ വനിതാ രത്നങ്ങളെ ചേർത്തുനിർത്തുന്ന സവിശേഷമായ ഒരു കണ്ണിയുണ്ട്. അമ്മയായ ശേഷവും മത്സരത്തിനിറങ്ങി മെഡൽ നേടിയവരാണ് ഇവരെല്ലാം.
പാരിസ് ഒളിംപിക്സിൽ മെഡൽനേട്ടത്തിനായി ഇറ്റലിയിൽനിന്ന് ഇക്കുറി ഒരു താരമെത്തുന്നുണ്ട്; ഫെൻസിങ്ങിൽ ആറു തവണ ലോക ചാംപ്യനായ അരിയാന്ന എറിഗോ. ഒളിംപിക്സ് ഉദ്ഘാടനച്ചടങ്ങിൽ ഇറ്റലിയുടെ പതാകവാഹകയും അരിയാന്നയാണ്. ഇരട്ടക്കുട്ടികൾക്കു ജന്മം നൽകി അഞ്ചുമാസത്തിനുശേഷം കോർട്ടിലിറങ്ങി ലോക ചാംപ്യൻഷിപ്പിൽ സ്വർണം നേടിയ ‘പൊന്ന’മ്മയാണ് അരിയാന്ന.കഴിഞ്ഞ വർഷം മാർച്ച് 3നാണ് അരിയാന്നയ്ക്കു ഇരട്ട കുട്ടികൾ പിറന്നത്.