തിരുവനന്തപുരം∙ ഒന്നാം വർഷ വൊക്കേഷനൽ ഹയർ സെക്കൻഡറി പ്രവേശനം തുടങ്ങി. 389 സ്കൂളുകളിലായി 33,000 സീറ്റുകളാണുള്ളത്. www.vhscap.kerala. gov.in, www.hscap.kerala.gov.in എന്നീ വെബ്സൈറ്റുകൾ വഴിയോ വിഎച്ച്എസ്ഇ സ്കൂളുകളിൽ നേരിട്ടോ അപേക്ഷ നൽകാം. അവസാന തീയതി 21.
ഈ വർഷം മുതൽ 66 സ്കൂളുകളിലെ 147 ബാച്ചുകളിൽ നാഷനൽ സ്കിൽ ക്വാളിറ്റി ഫ്രെയിംവർക് (എൻഎസ്ക്യുഎഫ്) പാഠ്യപദ്ധതിയാണു നടപ്പാക്കുന്നത്. ഈ സ്കൂളുകളിലെ പ്രവേശനത്തിനും ഇതേരീതിയിലാണ് അപേക്ഷിക്കേണ്ടത്. എൻഎസ്ക്യുഎഫ് സ്കൂളുകളുടെ വിവരങ്ങളും കോഴ്സുകളുടെ പട്ടികയും വെബ്സൈറ്റിൽ ലഭ്യമാണ്. മറ്റു സ്കൂളുകളിൽ നിലവിലുള്ള പാഠ്യപദ്ധതി തുടരും.
×
