തിരുവനന്തപുരം∙ വൊക്കേഷനൽ ഹയർ സെക്കൻ‍ഡറി/എൻഎസ്ക്യുഎഫ് ഒന്നാംവർഷ ഏകജാലക പ്രവേശനത്തിനുള്ള ഒന്നാം അലോട്മെന്റ് www.vhscap.kerala.gov.in എന്ന വെബ്സൈറ്റിൽ ഇന്നു പ്രസിദ്ധീകരിക്കും.
First Allotment Results എന്ന ലിങ്കിൽ അപേക്ഷാ നമ്പറും ജനനത്തീയതിയും ടൈപ്പ് ചെയ്ത് അപേക്ഷകർക്ക് അലോട്മെന്റ് വിവരങ്ങൾ മനസ്സിലാക്കി സ്ലിപ് ഡൗൺലോ‍ഡ് ചെയ്യാം.
ഒന്നാം അലോട്മെന്റിന്റെ അടിസ്ഥാനത്തിൽ ഇന്നു മുതൽ 13നു മൂന്നു വരെ സ്കൂളുകളിൽ പ്രവേശനം നേടാം. ഒന്നാം ഓപ്ഷനിൽ അലോട്മെന്റ് ലഭിച്ചവർക്കു സ്ഥിര പ്രവേശനമാണു ലഭിക്കുന്നത്. താഴ്ന്ന ഓപ്ഷനിലാണ് അലോട്മെന്റ് ലഭിച്ചിട്ടുള്ളതെങ്കിൽ ഉയർന്ന ഓപ്ഷനു വേണ്ടി കാത്തിരിക്കാൻ വിദ്യാർഥിക്കു താൽക്കാലിക പ്രവേശനം നേടാം.
×
