ന്യൂഡൽഹി ∙ പ്രാഥമിക വിദ്യാലയങ്ങളിലെ അധ്യാപകർക്കു കുറഞ്ഞ യോഗ്യത നേടാൻ 2019 വരെ സമയമനുവദിക്കാൻ അവസരമൊരുക്കി വിദ്യാഭ്യാസാവകാശ നിയമ ഭേദഗതി ബിൽ സർക്കാർ ലോക്സഭയിൽ അവതരിപ്പിച്ചു.
2010ൽ നിലവിൽവന്ന നിയമപ്രകാരം അഞ്ചു വർഷത്തിനുള്ളിൽ അധ്യാപകർ യോഗ്യത നേടണമെന്നായിരുന്നു വ്യവസ്ഥ. 2015ൽ ഈ കാലാവധി അവസാനിച്ചു.
എന്നാൽ പല സംസ്ഥാന സർക്കാരുകൾക്കും നിലവിലുള്ള അധ്യാപകർക്കു പരിശീലനം നൽകി യോഗ്യത നേടാൻ അവസരമുണ്ടാക്കാൻ കഴിഞ്ഞില്ല. സംസ്ഥാനങ്ങളുടെ ആവശ്യപ്രകാരമാണ് ഇപ്പോൾ കാലാവധി നീട്ടി ഭേദഗതി കൊണ്ടുവന്നത്.
×
