ജോബി മാത്യു, കെ.പി.രാഹുൽ
തിരുവനന്തപുരം∙ പരിശീലനത്തിനും മറ്റും ധനസഹായം അനുവദിക്കണമെന്ന് ആവശ്യപ്പെട്ട് നിവേദനം നല്‍കിയ രാജ്യാന്തര കായികതാരം ജോബി മാത്യുവിന് മൂന്നു ലക്ഷം രൂപ നല്‍കാന്‍ കായിക മന്ത്രി എ.സി.മൊയ്തീന്‍ നിര്‍ദേശം നല്‍കി. 2017ലെ ലോക ഡ്വാര്‍ഫ് ഒളിംപിക്‌സില്‍ പവര്‍ലിഫ്റ്റിങ്, ബാഡ്മിന്റൻ ഡബിൾസ്, ഷോട്ട്പുട്ട്, ജാവലിന്‍, ഡിസ്‌കസ് തുടങ്ങിയ മത്സരങ്ങളില്‍ ജോബി മാത്യു മെഡലുകള്‍ നേടിയിട്ടുണ്ട്.
25 വര്‍ഷമായിട്ടുള്ള ജോബിയുടെ കായികമേഖലയിലെ മികവിനും തുടര്‍പരിശീലനത്തിനുമാണ് പണം അനുവദിക്കുന്നതെന്ന് മന്ത്രി പറഞ്ഞു. ഇതോടൊപ്പം അണ്ടര്‍-17 ലോകകപ്പ് ഫുട്‌ബോള്‍ താരം കെ.പി.രാഹുലിന് ഒരു ലക്ഷം രൂപയും കായിക വികസനനിധിയില്‍നിന്ന് അനുവദിച്ചു.
×
