വിദ്യാർഥിനി കൈകാലുകൾ ബന്ധിച്ച് കണ്ണുകൾ മൂടിക്കെട്ടി പെരിയാർ ഒറ്റയ്ക്കു നീന്തിക്കടന്നു

ആലുവ∙ തേവയ്ക്കൽ വിദ്യോദയ സ്കൂൾ 10–ാം ക്ലാസ് വിദ്യാർഥി അനന്യ വലേരി കൈകാലുകൾ ബന്ധിച്ചു കണ്ണുകൾ മൂടിക്കെട്ടി പെരിയാർ ഒറ്റയ്ക്കു നീന്തിക്കടന്നു. മണപ്പുറം മണ്ഡപം കടവിൽ നടൻ സജി ഗോപു ഫ്ലാഗ്ഓഫ് ചെയ്തു. 45 മിനിറ്റ് കൊണ്ട് 780 മീറ്റർ പിന്നിട്ടു ദേശം കടവിൽ നീന്തിക്കയറിയപ്പോൾ കായിക താരം ഗീത മേനോനും സ്കൂൾ അധികൃതരും ചേർന്നു സ്വീകരിച്ചു. നീന്തൽ വിദഗ്ധൻ സജി വാളശേരിലാണ് അനന്യയെ നീന്തൽ പരിശീലിപ്പിച്ചത്.