ബൂത്ത് ഏജന്റായിരുന്ന കോളജ് അധ്യാപകനെ ആക്രമിച്ചെന്നു പരാതി
Mail This Article
×
കണ്ണൂർ ∙ കോൺഗ്രസിന്റെ ബൂത്ത് ഏജന്റായി പ്രവർത്തിച്ച കോളജ് അധ്യാപകനെ സിപിഎം ബ്രാഞ്ച് സെക്രട്ടറിയുടെ നേതൃത്വത്തിൽ ആക്രമിച്ചെന്ന് പരാതി. മാടായി കോളജ് അധ്യാപകൻ പി. രജിത് കുമാറിനെയാണ് ബുധൻ രാത്രി പത്തുമണിയോടെ ഇരുചക്ര വാഹനത്തിൽ വീട്ടിലേക്കു മടങ്ങുമ്പോൾ മാരകായുധങ്ങളുമായി എട്ടോളം പേർ ആക്രമിച്ചത്. ലോക്സഭാ തിരഞ്ഞെടുപ്പിൽ കോൺഗ്രസിന്റെ ബൂത്ത് ഏജന്റായിരുന്ന രജിത് കുമാർ കള്ളവോട്ടു തടയാൻ ശ്രമിച്ചെന്നും അതിന്റെ പ്രതികാരമായാണ് ആക്രമണമെന്നും പൊലീസിനു നൽകിയ പരാതിയിൽ പറയുന്നു. പൊലീസ് ഇടപെടൽ ഉണ്ടായില്ലെങ്കിൽ നിയമപരമായി നേരിടുമെന്ന് കെപിസിടിഎ മേഖലാ കമ്മിറ്റി അറിയിച്ചു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.