വീടിന് തീപിടിച്ചു; 5 ലക്ഷം രൂപയുടെ നഷ്ടം

കുടിയാന്മല∙ അടുപ്പിൽ നിന്ന് തീപടർന്ന് വീട്  കത്തി നശിച്ചു. കവരപ്ലാവിലെ  മുത്തേടത്ത് ചാണ്ടിയുടെ വീടാണ് കത്തി നശിച്ചത്. വീടിന്റെ ഒന്നാംനില അടക്കം കുറെ ഭാഗം നശിച്ചു. 5 ക്വിന്റലോളം റബർ ഷീറ്റും വീട്ടുപകരണങ്ങളും കത്തി നശിച്ചു. തീ പടരുന്നത് കണ്ട് വീട്ടുകാർ തീ അണയ്ക്കാൻ ശ്രമിച്ചെങ്കിലും റബറിനു പിടിച്ചതിനാൽ തീ നിയന്ത്രിക്കാനായില്ല. അതേസമയം വീട്ടിൽ തീയാളുന്നത് കണ്ട്  നാട്ടുകാർ  ഫയർഫോഴ്സിനെ വിവരം അറിയിച്ചെങ്കിലും അവർ എത്തിയപ്പോഴേക്കും  നാട്ടുകാർ തന്നെ തീ അണച്ചു. 5 ലക്ഷം രൂപയുടെ നഷ്ടം കണക്കാക്കുന്നു.