ടാങ്കർ ലോറിയിൽനിന്ന് ഭക്ഷ്യഎണ്ണ മറിഞ്ഞു; ഇരുചക്ര വാഹനങ്ങൾ തെന്നിമറിഞ്ഞു

പഴയങ്ങാടി∙  എരിപുരം തളിപ്പറമ്പ് റോഡ് (പഴയ ജെടിഎസ് റോഡ്) കയറ്റിറക്കത്തിൽ ടാങ്കർ ലോറി മറിഞ്ഞ ഭക്ഷ്യ എണ്ണ റോഡിൽ ഒഴുകി. ഇന്നലെ രാവിലെ 10 ഓടെയാണ് സംഭവം. എണ്ണ അരക്കിലോ മീറ്റർ ദൂരത്തിൽ ഒലിച്ചിറങ്ങി. ഇത് വഴിവന്ന ഇരു ചക്രവാഹനങ്ങൾ തെന്നി വീണ് ഒട്ടേറെ പേർക്ക് പരുക്കേറ്റു.അപകടം ഒഴിവാക്കാൻ ഇന്നലെ രാത്രിവരെ  ഇതുവഴിയുളള ഗതാഗതം നിരോധിച്ചു. പയ്യന്നൂരിൽ നിന്നെത്തിയ അഗ്നിരക്ഷാസേന, പഴയങ്ങാടി പൊലീസ്, നാട്ടുകാർ, ഏഴോം പഞ്ചായത്ത് പ്രസിഡന്റ് പി.ഗോവിന്ദൻ എന്നിവർ ചേർന്നാണ് രക്ഷാ പ്രവർത്തനം നടത്തിയത്.