പാതിക്കു പണിനിർത്തി ദേശീയപാത; കുടുംബം ആശങ്കയിൽ

വടകര∙ ദേശീയപാത നിർമാണ പ്രവൃത്തി പാതിയിൽ നിർത്തിയത് വീട്ടുകാരെ ആശങ്കയിലാക്കി. ജനതാ– സിഎം ബസ് സ്റ്റോപ്പിന് സമീപത്തെ കുനിയിൽ രാജന്റെ വീടാണ് ഭീഷണിയിൽ. വീട്ടിലേക്കുള്ള വഴി തടസ്സപ്പെട്ട നിലയിലാണ്. ആഴത്തിൽ കുഴി എടുത്തതിനാൽ മഴയിൽ വെള്ളം കെട്ടി കിടക്കാനുള്ള സാധ്യത ഏറെയാണ്. അത് വീടിന് ഭീഷണിയാകും.

വലിയ ഓവ് പാലവും ഇവിടെ നിർമിക്കുന്നുണ്ട്. അതിന്റെ നിർമാണവും പാതി വഴിയിലാണ്. ഓവുപാലം വഴി വരുന്ന വെള്ളം എങ്ങോട്ട് പോകും എന്നതിന് ഒരു രൂപവും ഇല്ല. പാതയ്ക്കായി മതിൽ പൊളിച്ചു മാറ്റുകയും സ്ഥലം നൽകുകയും ചെയ്ത കുടുംബമാണ് ഇത്. കുറച്ചു നാളുകളായി പ്രവൃത്തി നിശ്ചലമാണ്.