News +

അഞ്ചാം ഘട്ടത്തിൽ ബിജെപിക്ക് 12 കോട്ടകൾ; മറാത്ത മണ്ണിൽ കരുത്താർക്ക്? കോൺഗ്രസ് തന്ത്രം ഫലിക്കുമോ?

49ൽ 32 സീറ്റുകളിലും വിജയിച്ച 2019ലെ നേട്ടം ബിജെപി ആവർത്തിക്കുമോ? ഒന്നു മാത്രം ലഭിച്ച കോൺഗ്രസിന് എത്ര സീറ്റുകൾ വർധിപ്പിക്കാനാകും? 20നു നടക്കുന്ന അഞ്ചാംഘട്ട വോട്ടെടുപ്പിലെ ചോദ്യമിതാണ്. യുപിഎ തുടർഭരണം നേടിയ 2009ൽ ഈ 49 മണ്ഡലങ്ങളിൽ 14 ഇടത്തു ജയം കോൺഗ്രസിനൊപ്പമായിരുന്നു. കഴിഞ്ഞതവണ ജയം റായ്ബറേലിയിൽ ഒതുങ്ങി. ആ സീറ്റിലേക്കു മാറി രാഹുൽ ഗാന്ധി മത്സരിക്കുന്നതും ഗാന്ധികുടുംബത്തിന്റെ തട്ടകമായിരുന്ന അമേഠി ബിജെപിയിൽനിന്നു തിരിച്ചുപിടിക്കാനുള്ള കോൺഗ്രസിന്റെ ശ്രമവും ഈ ഘട്ടത്തെ സവിശേഷമാക്കുന്നു. എസ്പി, തൃണമൂൽ കോൺഗ്രസ്, ബിജെഡി, ശിവസേന എന്നീ പാർട്ടികൾക്കും അഞ്ചാം ഘട്ടം പ്രധാനമാണ്. 7 ഘട്ടമായി നടക്കുന്ന ലോക്സഭാ തിരഞ്ഞെടുപ്പിൽ ഏറ്റവും കുറച്ച് സീറ്റുകളിൽ വോട്ടെടുപ്പു നടക്കുന്നത് ഈ ഘട്ടത്തിലാണ്.
വിങ് വേവ് നൽകി മറഞ്ഞ പക്ഷി, 'ആഗ്ര'യെ ആക്രിവിലയ്ക്ക് വിറ്റതെന്തിന്? മനസ്സിൽ മായില്ല ബോയിങ് 747 ചരിത്രം

ഏപ്രിൽ 22, രാവിലെ 10.47 മുംബൈ ഛത്രപതി ശിവാജി വിമാനത്താവളത്തിലെ റൺവേയിൽ നിന്ന് ‘ആഗ്ര’പറന്നുയർന്നു. ആകാശത്തേക്ക് കുതിച്ചതും എയർ ഇന്ത്യയുടെ ആ വമ്പൻ ഡബിൾഡെക്കർ ബോയിങ് 747 വിമാനത്തിന്റെ വിമാനച്ചിറകുകൾ ആദ്യം ഇടത്തേക്ക് ചരിഞ്ഞു, പിന്നെ വലത്തേക്കും. പതിയെ പറന്നുയർന്ന് അവൾ ആകാശത്തിന്റെ ഉയരങ്ങളിൽ ലക്ഷ്യത്തെ മുന്നിൽ കണ്ട് അപ്രത്യക്ഷയായി. കാഴ്ചയിൽ നിന്ന് മറയും വരെ അവളെ നോക്കി എയർഇന്ത്യയുടെ ജീവനക്കാർ കൈവീശിക്കൊണ്ടിരുന്നു. അതെ, ഒരു കാലത്ത് ആകാശം കീഴക്കിയ, ലോക വ്യോമയാന ചരിത്രത്തിലെ ഗെയിം ചെയ്ഞ്ചർ എന്നുവിളിച്ചിരുന്ന ‘ആകാശത്തിലെ റാണി’ക്ക് വിടചൊല്ലുകയായിരുന്നു അവർ.
ആദ്യം ‘ബോണ്ട്’, പിന്നാലെ സ്ഥാനാർഥി: പലരും കൊതിച്ച സീറ്റിൽ ഒടുവിൽ ശതകോടീശ്വരി; ബിജെപിയുടെ ‘പൊൻ’ പല്ലവി– വിഡിയോ

45 ദിവസം, ഏഴു ഘട്ടം, 543 മണ്ഡലങ്ങൾ, 260 പാർട്ടികൾ, 10 ലക്ഷത്തോളം പോളിങ് സ്റ്റേഷനുകൾ, 96.8 കോടി വോട്ടർമാർ– കന്യാകുമാരി മുതൽ കശ്മീർ വരെ പടർന്നു കിടക്കുന്ന, ജനസംഖ്യയിൽ 140 കോടിയും കടന്ന് ലോകത്തെ ഒന്നാം നമ്പർ രാജ്യമായ ഇന്ത്യയിലെ തിരഞ്ഞെടുപ്പിനെ കുറിച്ചു പറയുമ്പോൾ ഇതൊന്നും വലിയ സംഖ്യകളേയല്ല. ലോകത്തെ ഏറ്റവും വലിയ ജനാധിപത്യ രാജ്യം അതിന്റെ ഏറ്റവും വലിയ മഹോത്സവം കൊണ്ടാടുകയാണ്. പതിനെട്ടാം ലോക്സഭാ തിരഞ്ഞെടുപ്പ്. ഉത്സവം കെങ്കേമമാക്കാൻ പണം ഒഴുക്കുന്നത് സ്വഭാവികം. എന്നാൽ ലോകം ഇതുവരെ കണ്ടതിൽ വച്ച് ഏറ്റവും വിലയേറിയ, ചെലവേറിയ തിരഞ്ഞെടുപ്പായി 2024ലെ പൊതു തിരഞ്ഞെടുപ്പ് മാറിയിരിക്കുന്നു. വികസിത രാജ്യങ്ങളുടെ പോലും തിരഞ്ഞെടുപ്പു ബജറ്റിനെ മറികടന്നാണ് ഇന്ത്യയിലെ ചെലവ് കുതിച്ചു കയറിയത്. ലോകറെക്കോർഡെന്നുതന്നെ പറയാം. 2019ലെ ലോക്സഭാ തിരഞ്ഞെടുപ്പ് നടത്തിപ്പിന് 60,000 കോടിയാണ് ചെലവായിരുന്നതെങ്കിൽ ഇത്തവണ അത് 1.20 ലക്ഷം കോടിയിലധികം രൂപയാകുമെന്നാണ് ഡൽഹി ആസ്ഥാനമായി പ്രവർത്തിക്കുന്ന സെന്റർ ഫോർ മീഡിയ സ്റ്റഡീസ് കണക്കാക്കുന്നത്. ഇത്രയേറെ പണം ചെലവാക്കാൻ തക്ക ധനികരാണോ നമ്മുടെ രാഷ്ട്രീയക്കാർ? അവിടെയുമുണ്ട് വൈരുധ്യങ്ങളേറെ.
ബിജെപിക്ക് 400 കടക്കാൻ ദക്ഷിണേന്ത്യ കനിയണം; 56 സീറ്റില്‍ കണ്ണെറിഞ്ഞ് കോൺഗ്രസ്: ‘ഇന്ത്യ’യ്ക്ക് പ്രതീക്ഷയേറെ

400 സീറ്റ് എന്ന ലക്ഷ്യം കൈവരിക്കണമെങ്കിൽ ബിജെപി ദക്ഷിണേന്ത്യയിൽ കർണാടകയ്ക്കപ്പുറം സാന്നിധ്യമറിയിച്ചേ തീരൂ. കർണാടകയിൽ നിലവിലെ ആധിപത്യം നിലനിർത്തുകയും വേണം. ഹിന്ദി ഹൃദയഭൂമിയിൽ ബിജെപിക്കുള്ള ആധിപത്യം മറികടക്കണമെങ്കിൽ ദക്ഷിണേന്ത്യയിൽ 56 സീറ്റെങ്കിലും നേടണമെന്നാണു കോൺഗ്രസിന്റെ കണക്ക്; കഴിഞ്ഞതവണ ഈ മേഖലയിൽനിന്നു കിട്ടിയതിന്റെ ഇരട്ടി. ആന്ധ്രപ്രദേശ്, തെലങ്കാന, കർണാടക, കേരളം, തമിഴ്നാട്, പുതുച്ചേരി, ലക്ഷദ്വീപ് എന്നിവിടങ്ങളിലായി 131 സീറ്റിലും വോട്ടെടുപ്പു കഴിഞ്ഞ സാഹചര്യത്തിൽ കാറ്റു വീശുന്നത് ആർക്ക് അനുകൂലമായാണ്? കണക്കുകൾ എന്താണ് ഒളിപ്പിച്ചു വച്ചിരിക്കുന്നത്?
ഭർത്താവിന്റെ ദുരൂഹമരണം: സീതയുടെ ബിജെപി ‘എൻട്രി’ ഭയന്നിട്ട്? ‘ഗുരുജി’യുടെ അനുഗ്രഹത്തോടെ കൽപന: മുഖ്യമന്ത്രിയാകാൻ ‘ബഹു’യുദ്ധം!

2009 മേയ് 21ന് രാവിലെയാണ് ദുർഗ സോറൻ മരിച്ചതായി ബൊക്കോറോ സദർ ഹോസ്പിറ്റൽ അധികൃതർ സ്ഥിരീകരിക്കുന്നത്. ജാർഖണ്ഡ് സംസ്ഥാന രൂപീകരണത്തിന്റെ അമരക്കാരനായ ഷിബു സോറന്റെ രാഷ്ട്രീയ പിന്തുടർച്ചാവകാശിയായി ജാർഖണ്ഡിന്റെ മുഖ്യമന്ത്രിപദത്തിലേക്ക് വരുമെന്ന് കരുതിയിരുന്ന മകൻ ദുർഗ സോറന്റെ 39–ാം വയസ്സിലെ അപ്രതീക്ഷിത മരണം സോറൻ കുടുംബത്തിൽ വരാനിരിക്കുന്ന രാഷ്ട്രീയ കലഹങ്ങളുടെ തുടക്കം മാത്രമായിരുന്നു. ഉറക്കത്തിൽ മസ്തിഷ്കാഘാതം വന്ന് മരിച്ചതാണെന്നായിരുന്നു ആദ്യം പുറത്തുവന്ന വാർത്തകൾ. പിന്നീട് തലയ്ക്ക് പിന്നിൽ മുറിവുണ്ടായിരുന്നുവെന്നും കിടക്കയിൽ രക്തക്കറ ഉണ്ടായിരുന്നുവെന്നുമുള്ള മൊഴികൾ വെളിപ്പെട്ടു. ദുർഗ സോറന്റെ മരണത്തിൽ കൃത്യമായ അന്വേഷണം വേണമെന്ന ആവശ്യം അക്കാലത്ത് ആദ്യം ഉന്നയിച്ചത് ബിജെപി ആയിരുന്നു. മരണം നടന്ന് 14 വർഷം കഴിയുമ്പോൾ, ദുർഗ സോറന്റെ ചോരയും നീരുമായിരുന്ന ജാർഖണ്ഡ് മുക്തി മോർച്ച (ജെഎംഎം) വിട്ട് ബിജെപിയിലേക്ക് കൂടുമാറിയ ഭാര്യ സീത സോറനും അതേ ആവശ്യം മുന്നോട്ടുവച്ചു; ‘ഭർത്താവിന്റെ മരണത്തിൽ ദുരൂഹതയുണ്ട്. അന്വേഷിക്കണം’. സ്കൂൾ വിദ്യാഭ്യാസം മാത്രമുള്ള സീത സോറൻ ദുർഗയുടെ മരണശേഷം ആദ്യമായി രാഷ്ട്രീയത്തിലേക്കിറങ്ങുമ്പോൾ 35 വയസ്സായിരുന്നു പ്രായം.
ADVERTISEMENT

Get ad-lite experience. Subscribe now.
‘കൈ’ വിടാത്ത പാർട്ടി ഗ്രാമങ്ങൾ; വോട്ട് ചെയ്യാൻ പഠിപ്പിച്ച് പ്രിയങ്ക; ഉടക്ക് മാറാതെ ബിജെപി ക്യാംപ്; റായ്ബറേലി തുടരുമോ ഗാന്ധി ബന്ധം?

മഴക്കാലത്തു വയനാടൻ ചുരം കയറുമ്പോൾ കാണുന്നതുപോലെ ആകാശം ഇരുണ്ടുമൂടി കിടക്കുന്നുണ്ട് റായ്ബറേലിയിലും. പക്ഷേ, വയനാട്ടിലെ കാറ്റല്ല, ഇവിടെ. കാലാവസ്ഥ കൊടുംചൂടിലേക്ക് എത്തിയില്ലെങ്കിലും തിരഞ്ഞെടുപ്പു ചൂട് കത്തിക്കയറുന്നു. അമേഠിയെക്കാൾ നഗരസ്വഭാവമുള്ള മണ്ഡലമാണ് റായ്ബറേലി. വലിയ കെട്ടിടങ്ങൾ, തെരുവുകൾ, വാഹനങ്ങൾ, വ്യവസായശാലകൾ. ഈയിടെ പ്രധാനമന്ത്രി നരേന്ദ്ര മോദി ഇവിടെ എയിംസും ഉദ്ഘാടനം ചെയ്തു. 8 ദേശീയപാതകളുടെ ജോലികളും നടക്കുന്നുണ്ട്. തലമുറകളായി ഗാന്ധികുടുംബത്തിന്റെ കുത്തകമണ്ഡലമായ ഇവിടെ സോണിയയ്ക്കു പകരം രാഹുൽ ഗാന്ധിയെ ഇറക്കിയ കോൺഗ്രസ് ഉത്തരേന്ത്യൻ ഹൃദയഭൂമിയെ കൈവിട്ടിട്ടില്ലെന്നു പറയുകയാണ്. കോൺഗ്രസിൽനിന്ന് 2018ൽ കൂറുമാറിയെത്തി യുപി സംസ്ഥാന മന്ത്രിയായ ദിനേഷ് പ്രതാപ് സിങ്ങിലൂടെ അമേഠി ആവർത്തിക്കുമെന്ന പ്രതീക്ഷയിലാണ് ബിജെപി.
രണ്ടു കിലോമീറ്ററിന് 40 മിനിറ്റ്; വേണാട് വഴിമാറ്റിയപ്പോൾ ഒഴിവായത് കാത്തിരിപ്പുകൾ; പിന്നാലെ പ്രതിഷേധം, വിവാദം

എറണാകുളം സൗത്തിൽ പോകാതെ നോർത്ത് വഴി വേണാട് എക്സ്പ്രസ് തിരിച്ചു വിടാൻ തുടങ്ങി ആഴ്ച രണ്ടായി. പക്ഷേ ഇപ്പോഴും അതിനെ ചുറ്റിപ്പറ്റിയുള്ള കോലാഹലങ്ങൾ അവസാനിച്ചിട്ടില്ല. നോർത്തും സൗത്തും തമ്മിൽ റോഡ് ദൂരം, എംജി റോഡ് വഴിയാണെങ്കിലും ചിറ്റൂർ റോഡ് വഴിയാണെങ്കിലും 3 കിലോമീറ്ററിൽ കൂടാൻ വഴിയില്ല. റെയിൽ ദൂരം 2 കിലോമീറ്ററും. ഈ 2 കിലോമീറ്റർ തല തിരിഞ്ഞു പോകാൻ വേണാട് എക്സ്പ്രസ് എടുക്കുന്നത് യാത്രക്കാരന്റെ വിലയേറിയ 40 മിനിറ്റാണ്. ഇതിൽ ഏറിയ പങ്കും എറണാകുളം സൗത്തിലെ പ്ലാറ്റ്‌ഫോം ഒഴിയുന്നതും കാത്ത് മാർഷലിങ് യാഡിനു സമീപം ചേമ്പിൻ കാട്ടിൽ കിടക്കുന്ന സമയമാണ്. സൗത്തിലെത്തിയാൽ എൻജിൻ അഴിച്ചു ദിശ മാറ്റി ഘടിപ്പിക്കണം. രാവിലെ 8.00 മുതൽ 11.15 വരെയുള്ള സമയമാണ് എറണാകുളം സൗത്തിലെ ഏറ്റവും തിരക്കേറിയ സമയം. ചെന്നൈ–ആലപ്പി, യോഗനഗരി റിഷികേശ്–കൊച്ചുവേളി, നിസാമുദ്ദീൻ–എറണാകുളം മംഗള, കൊച്ചുവേളി–ഗോരഖ്പുർ രപ്തിസാഗർ, പാലക്കാട്–എറണാകുളം മെമു, എറണാകുളം–ബെംഗളൂരു ഇന്റർസിറ്റി...
മറന്നു വച്ച താക്കോലും ഗൂഗിളിൽ ‘സേർച്ച്’ ചെയ്യാം; 25 വർഷത്തിനിടയിലെ വമ്പൻ മാറ്റം; പിച്ചൈ പറയുന്നു: ‘ഇത് ലോകം കീഴടക്കും’

‘ഗൂഗിൾ ഇനി പൂർണമായും ജെമിനി (എഐ) യുഗത്തിലാണ്’, എന്നു പറഞ്ഞുകൊണ്ടായിരുന്നു കലിഫോർണിയയിലെ മൗണ്ടൻ വ്യൂവിൽ നടക്കുന്ന ഐ/ഒ 2024 കോൺഫറന്‍സിലെ വാക്കുകൾക്ക് ഗൂഗിൾ മേധാവി സുന്ദർ പിച്ചൈ തുടക്കമിട്ടത്. ഇനി എല്ലാം ജെമിനി മയം, എഐ യുഗം എന്നുതന്നെ പറയേണ്ടി വരും. അത്തരത്തിലുള്ള പരിഷ്കരിച്ച 12 ഉൽപന്നങ്ങളാണ് മേയ് 14ന് ഗൂഗിൾ മേധാവി ലോകത്തിനു മുന്നില്‍ അവതരിപ്പിച്ചത്. എല്ലാം ഭാവിയിൽ ടെക് ലോകത്ത് അദ്ഭുതങ്ങൾ സൃഷ്ടിക്കാന്‍ ശേഷിയുള്ളവ. 25 വര്‍ഷത്തെ ഗൂഗിൾ സേർച്ച് ചരിത്രത്തിൽ വലിയൊരു മാറ്റത്തിനാണ് ഇത്തവണ തുടക്കമിട്ടിരിക്കുന്നത്. ഗൂഗിളിന്റെ ഉൽപന്നങ്ങളിലും സേവനങ്ങളിലുമെല്ലാം ഇനി നിര്‍മിത ബുദ്ധി (എഐ) കൂടി ഉണ്ടാകുമെന്ന് പിച്ചൈ വ്യക്തമാക്കിക്കഴിഞ്ഞു. എഐ ഇല്ലാതെതന്നെ ഗൂഗിളിനെ ആശ്രയിച്ചാണ് ജനകോടികൾ ഇന്നു ജീവിതത്തിലും ജോലിയിലും മുന്നോട്ടു പോകുന്നത്. ആ സേർച്ച് എൻജിനിലേക്ക് നിർമിത ബുദ്ധിയുടെ (ആർട്ടിഫിഷ്യൽ ഇന്റലിജൻസ്) മാജിക് കൂടി എത്തുന്നതോടെ എന്തു സംഭവിക്കുമെന്നതിന്റെ വ്യക്തമായ സൂചനകള്‍ പിച്ചൈയുടെ വാക്കുകളിലുണ്ടായിരുന്നു. ഭാവിയുടെ പ്രതീക്ഷയായ എഐ ഇനി ലോകം കീഴടക്കുമെന്ന് ഉറപ്പാക്കുന്ന വിധത്തിലായിരുന്നു അദ്ദേഹത്തിന്റെ അവതരണം.
പഞ്ചായത്തിൽ പിണങ്ങിയവർ ഇടതിൽ അടങ്ങുമോ? സിപിഎമ്മിന് തലവേദന: ഒരൊറ്റ സീറ്റില്‍ ബന്ധം തകരും?

രാജ്യസഭാ സീറ്റിലേക്കു മത്സരം വരുമ്പോൾ എക്കാലവും പൊട്ടിത്തെറി യുഡിഎഫിലാണെങ്കിൽ ഇത്തവണ അങ്ങനെയൊരു സാഹചര്യം നേരിടുന്നത് എൽഡിഎഫാണ്. മുന്നണിയി‍ൽ രണ്ടാമനാര് എന്ന കാര്യത്തിൽ പരസ്പരം മത്സരിക്കുന്ന സിപിഐയുടെയും കേരളാ കോൺഗ്രസിന്റെയും സീറ്റുകളാണൊഴിയുന്നത്. അതും രണ്ടു പാർട്ടികളുടെയും കേരള അധ്യക്ഷരുടേത്. സീറ്റിൽ അവകാശവാദമുന്നയിക്കുമെന്നു രണ്ടു പാർട്ടികളും പരസ്യമായിത്തന്നെ പ്രഖ്യാപിച്ച സാഹചര്യത്തിൽ ഇനി തലവേദന മുന്നണിയെ നയിക്കുന്ന സിപിഎമ്മിനാണ്. ഒരു ജില്ലാ പഞ്ചായത്ത് പ്രസിഡന്റ് സ്ഥാനത്തെച്ചൊല്ലിയുണ്ടായ തർക്കത്തിനൊടുവിൽ യുഡിഎഫ് വിട്ട ചരിത്രമുള്ള കേരളാ കോൺഗ്രസിനെ(എം) കൈകാര്യം ചെയ്യുകയെന്നതാകും വലിയ വെല്ലുവിളി.
യോഗിക്കറിയാം, യുപി വിട്ടാൽ എല്ലാം തീർന്നു; ബംഗാളിൽ ഒന്നും തീർച്ചയില്ല, ബിഹാറിലെ ‘കൂട്ട്’ തിരിച്ചടി? നിർണായകം ‘210 സീറ്റ്’

ഇന്ത്യ ആരു ഭരിക്കുമെന്ന ചോദ്യത്തിന്റെ ഉത്തരത്തിലേക്ക് ഇനി മൂന്നാഴ്ചയിൽ താഴെ മാത്രമാണ് ബാക്കി. ആ ഉത്തരത്തിൽ നിർണായകമാവുന്ന സംസ്ഥാനങ്ങളാവട്ടെ തിരഞ്ഞെടുപ്പിന്റെ പോരാട്ടച്ചൂടിലാണ്. ഏറ്റവും അധികം ലോക്സഭ സീറ്റുകളുള്ള യുപി, ബിഹാർ, മഹാരാഷ്ട്ര, ബംഗാൾ എന്നിവിടങ്ങളിലെ 210 സീറ്റുകൾ എങ്ങോട്ടു ചായുമെന്നതിനെ അനുസരിച്ചിരിക്കും തിരഞ്ഞെടുപ്പ് ചിത്രം തെളിയുക. സീറ്റുകൾ കൂടുതലുള്ളത് കൊണ്ടുതന്നെ പലഘട്ടങ്ങളിലായി തിരഞ്ഞെടുപ്പ് നടന്നുവരുന്ന ഈ സംസ്ഥാനങ്ങളിൽ രണ്ട് മാസത്തിനിടെ കാറ്റ് മാറി വീശുന്നുണ്ടോ?
‘ഇപ്പോൾ അത് സാധ്യമായിരിക്കുന്നു’: ഗൂഗിളിനോട് മുട്ടാനില്ല, ഒപ്പം കൂടാൻ ആപ്പിൾ; ആൾട്ട്മാന്റെ ചാറ്റ് ജിപിടിയിൽ എന്താണ് ‘മാജിക്കൽ’?

ആഴ്ചകളോളം നീണ്ട ഊഹോപോഹങ്ങൾക്കും ചർച്ചകൾക്കും ശേഷം ഓപ്പൺഎഐയുടെ പുതിയ ഉൽപന്നങ്ങളായ എഐ മോഡലും ഡെസ്‌ക്‌ടോപ്പ് പതിപ്പും അവതരിപ്പിക്കപ്പെട്ടിരിക്കുകയാണ്. ഗൂഗിൾ, ഫെയ്സ്ബുക് ഉൾപ്പെടെയുള്ള സിലിക്കൺ വാലിയിലെ മുൻനിര ടെക് കമ്പനികളെല്ലാം ഏറെ ആകാംക്ഷയോടെയും ആശങ്കയോടെയും കാത്തിരുന്ന ഒന്നായിരുന്നു മേയ് 13ലെ ഓപ്പൺഎഐയുടെ പുതിയ ഉൽപന്നങ്ങളെ പരിചയപ്പെടുത്തൽ ചടങ്ങ്. ഭാവിയുടെ പ്രതീക്ഷയായ നിർമിത ബുദ്ധിയിൽ വരുന്ന ഓരോ മാറ്റവും ലോകവും ഏറെ ആകാംക്ഷയോടെയാണ് വീക്ഷിക്കുന്നത്. സ്മാർട് ഫോൺ ക്യാമറ ഉപയോഗിച്ചു പോലും മനുഷ്യ വികാരങ്ങളെ മനസ്സിലാക്കാനുള്ള ജിപിടിയുടെ ശേഷി പ്രകടിപ്പിക്കുന്നതായിരുന്നു പുതിയ അവതരണം. ടെക്‌സ്‌റ്റ്, ഓഡിയോ, ഇമേജുകൾ എന്നിവ പ്രോസസ് ചെയ്യാനും ശേഷിയുള്ളതാണ് പുതിയ ചാറ്റ്ജിപിടി. “മനുഷ്യരും യന്ത്രങ്ങളും തമ്മിലുള്ള ഇടപെടലിന്റെ ഭാവിയാണ് ഞങ്ങൾ നോക്കികാണുന്നത്’’ എന്നാണ് കമ്പനിയുടെ ചീഫ് ടെക്‌നോളജി ഓഫിസർ മിറാ മുറാതി ചടങ്ങിനിടെ പറഞ്ഞത്. എന്തൊക്കെയാണ് ഓപ്പൺഎഐയുടെ പുതിയ ഉൽപന്നങ്ങൾ? ഇത് ആര്‍ക്കൊക്കെ, എപ്പോൾ ലഭിക്കും? വിശദമായി പരിശോധിക്കാം.
മധ്യപ്രദേശിൽ ‘മോഹൻ’ വേണ്ട, മോദി മതി! ആ ‘75%’ പേരോടും ബിജെപിക്ക് താൽപര്യമില്ല; തള്ളിപ്പറഞ്ഞ് ഞെട്ടിച്ച് വിക്രവും

ഓരോ പാലം കടക്കുമ്പോഴും താഴെ എല്ലാം നഷ്ടപ്പെട്ടൊരാൾ ദയനീയമായി തേങ്ങുന്നുണ്ടായിരുന്നു– പാ‍ർവതി നദി. മഴ പെയ്താൽ പ്രളയംകൊണ്ട് ഇരുകരകളെയും മുക്കിക്കൊല്ലുമെങ്കിലും കൃഷിയെ ഉപാസിക്കുന്ന മധ്യപ്രദേശുകാരുടെ ജീവനദി. കൊടുംചൂടിൽ ഏതാണ്ട് ഫോസിൽ പരുവത്തിലാണിപ്പോൾ പാർവതി. ദേവാസ് ജില്ലയുടെ ഒാരത്തുള്ള പിപ്പിലിയ നാൻകർ എന്ന ഗ്രാമത്തെ ലക്ഷ്യമാക്കിയാണു മൂന്നരമണിക്കൂറിലേറെ പിന്നിട്ടുള്ള ഈ യാത്ര. മുഖ്യമന്ത്രിപദത്തിലിരുന്നു മധ്യപ്രദേശിനെ ഏറ്റവും കൂടുതൽ കാലം ഭരിച്ച ശിവ്‌രാജ് സിങ് ചൗഹാൻ മത്സരിക്കുന്ന വിദിശ മണ്ഡലത്തിലേക്ക്. ചൗഹാന്റെ, ഇവിടുത്തുകാരുടെ ഭാഷയിൽ പറഞ്ഞാൽ ‘മാമാജിയുടെ’, പര്യടനം അവസാനിക്കുന്നത് നാ‍ൻകറിലാണെന്ന് അറിയിപ്പു കിട്ടിയതു പ്രകാരമാണ് അവിടേക്കു പോകുന്നത്. രാത്രി 9നു പറഞ്ഞ പരിപാടിക്ക് അദ്ദേഹം ഇനിയും എത്തിയിട്ടില്ല.
ശ്രീലേഖയ്ക്ക് കുരുക്കായത് ‘ടിഒഡി ബില്ലിങ്’? സോളർ പാനലിനും വേണം നിലവാരം; ‘പ്രൊസ്യൂമർ’ക്ക് ലാഭമുണ്ടാക്കാൻ ഈ വഴികൾ

വീടിന്റെ മേൽക്കൂരയിലെ സോളർ പദ്ധതികളെ കെഎസ്ഇബി ഗ്രിഡുമായി ബന്ധിപ്പിക്കുന്ന ഓൺ ഗ്രിഡ് പ്ലാന്റുകൾ സംബന്ധിച്ച് ഉയരുന്നത് ഒട്ടേറെ പരാതികളും സംശയങ്ങളും. മൂന്നു കിലോവാട്ട് മുതലുള്ള പ്ലാന്റുകളാണ് ഭൂരിഭാഗംപേരും വീടുകളിൽ സ്ഥാപിക്കുന്നത്. മേൽക്കൂരയിൽ സ്ഥാപിക്കുന്ന, ഗാർഹിക ആവശ്യത്തിനുള്ള ഓൺ ഗ്രിഡ് സോളർ പ്ലാന്റുകൾക്കു മാത്രമേ കേന്ദ്രസർക്കാരിന്റെ സബ്സിഡിയുള്ളൂ. കേന്ദ്ര സർക്കാരിന്റെ ‘പിഎം– സൂര്യ ഘർ’ പദ്ധതി പ്രകാരം 78,000 രൂപയാണ് പരമാവധി ലഭിക്കുന്നത്. സോളർ പ്ലാന്റിൽ ഉൽപാദിപ്പിക്കുന്ന വൈദ്യുതി വീട്ടിലെ ആവശ്യത്തിന് ഉപയോഗിച്ചശേഷം ബാക്കിയുള്ളതാണ് നെറ്റ് മീറ്ററിലൂടെ കെഎസ്ഇബി ഗ്രിഡിലേക്കു പോകുന്നത്. വൈദ്യുതി ഉപയോഗിക്കുന്നവരെ ഉപയോക്താവ് (കൺസ്യൂമർ) എന്നു വിളിക്കുമ്പോൾ ഓൺഗ്രിഡ് സോളർ പ്ലാന്റുള്ളവരെ പ്രൊസ്യൂമർ (പ്രൊഡ്യൂസർ + കൺസ്യൂമർ) എന്നാണു വിളിക്കുന്നത്.
‘മമത ഒരു ‘കൾട്ടാ’ണ്; മോദിക്ക് ഒരു ഗാരന്റിയും നൽകാനില്ല’: കീർത്തി കപ്പടിക്കുമോ ബംഗാളിലും?

ബർധ്മാൻ-ദുർഗാപുർ മണ്ഡലം തിരിച്ചുപിടിക്കാൻ മമതാ ബാനർജി ഇറക്കുമതി ചെയ്തതാണ് 1983 ലോകകപ്പ് ക്രിക്കറ്റ് കിരീടം നേടിയ ഇന്ത്യൻ ടീമിലെ കീർത്തി ആസാദിനെ. ബിജെപിയിൽ നിന്ന് കോൺഗ്രസ് വഴി തൃണമൂലിൽ എത്തിയ ആസാദിനു മുൻപിൽ ബിജെപിയുടെ സംസ്ഥാനത്തെ മുതിർന്ന നേതാവായ ദിലീപ് ഘോഷിന് അടിപതറുമോയെന്ന് ഇന്ന് ജനം വിധിയെഴുതും. ഒരു ലക്ഷം വോട്ടിനെങ്കിലും ജയിക്കുമെന്ന് കീർത്തി ആസാദ് പറയുന്നു. കഴിഞ്ഞ തവണ 18 സീറ്റാണ് ബിജെപിക്ക് ബംഗാളിൽ ലഭിച്ചിരുന്നത്. മികച്ച സ്ഥാനാർഥികളെ നിർത്തി ബിജെപിയ്ക്ക് തടയിടാനുള്ള ദീദിയുടെ ശ്രമത്തിന്റെ ഭാഗമായാണ് ബിഹാറുകാരനായ ആസാദ് വ്യവസായമേഖലയായ ബർധ്മാൻ-ദുർഗാപുർ മണ്ഡലത്തിൽ എത്തിയത്. മുൻ കേന്ദ്രമന്ത്രി എസ്.എസ്.അലുവാലിയ കഴിഞ്ഞ തവണ ജയിച്ച മണ്ഡലമാണിത്. ഡൽഹിയിലും ബിഹാറിലും ബിജെപിക്കു വേണ്ടി മൽസരിച്ചു ജയിച്ച ആസാദ് മുൻ കേന്ദ്രമന്ത്രി അരുൺ ജയ്റ്റ്ലിക്കെതിരേ വിമർശനമുന്നയിച്ചാണ് പാർട്ടിയിൽ നിന്നു പുറത്താകുന്നത്.
‘മോദിയുടെ ആ പ്രസംഗത്തിന് നടപടി എടുത്തോ? ബിജെപി രണ്ടക്കം കടക്കില്ല; കേരളം എന്റെ വോട്ടർമാരിൽ മാറ്റം വരുത്തി’

ബംഗാളിൽ മറ്റാരു ജയിച്ചാലും തൃണമൂൽ കോൺഗ്രസ് നിരയിൽ നിന്ന് മഹുവ മൊയ്ത്ര ജയിക്കരുതെന്ന് ബിജെപി ആഗ്രഹിക്കുന്നു. പാർലമെന്റിൽ ബിജെപിയെയും നരേന്ദ്ര മോദിയെയും നിർഭയം ആക്രമിക്കുന്ന മഹുവയെ തോൽപ്പിക്കുന്നതിനായി പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തരമന്ത്രി അമിത് ഷാ തുടങ്ങിയവർ വരെ കൃഷ്ണനഗറിലെത്തി. പാർലമെന്റിൽ നിന്നും പുറത്താക്കപ്പെട്ട മഹുവയുടെ വീട്ടിലും ഓഫിസിലും തിരഞ്ഞെടുപ്പിനു തൊട്ടുമുൻപ് വരെ സിബിഐ റെയ്ഡ് നടത്തി. പക്ഷേ ഇതുകൊണ്ടൊന്നും മഹുവ കുലുങ്ങുന്നില്ല. കൃഷ്ണനഗർ ബൂത്തിലേക്ക് നടക്കുമ്പോൾ മഹുവ പറയുന്നു, ‘‘ബിജെപി ഇത്തവണ ബംഗാളിൽ രണ്ടക്കം കടക്കാൻ കഷ്ടപ്പെടും. നിങ്ങൾ നോക്കിക്കോളൂ’’. സാധാരണ രാഷ്ട്രീയക്കാരുടെ പ്രചാരണം പോലെയായിരുന്നില്ല മഹുവ മൊയ്ത്ര എന്ന ഇന്ത്യൻ രാഷ്ട്രീയത്തിലെ റോക്ക് സ്റ്റാറിന്റെ തിരഞ്ഞെടുപ്പു പ്രചാരണം. സെലിബ്രിറ്റി എന്ന സ്റ്റാറ്റസ് മഹുവയ്ക്കുണ്ട്. എന്നാൽ പത്തു വർഷത്തിലധികം കൃഷ്ണനഗറിൽ പാർട്ടി പ്രവർത്തനം നടത്തിയ പരിചയവുമുണ്ട്. മറ്റു സെലിബ്രിറ്റി രാഷ്ട്രീയക്കാർ തിരഞ്ഞെടുപ്പു പ്രഖ്യാപനത്തിനു ശേഷം മണ്ഡലത്തിലെത്തി റോഡ് ഷോ നടത്തി മടങ്ങുമ്പോൾ മണ്ഡലത്തിലെ ജനങ്ങളെ പേരെടുത്ത് വിളിക്കാനുള്ള പരിചയമുണ്ട് മഹുവയ്ക്ക്. ബൂത്ത് തലത്തിൽ വരെ മഹുവ അറിയാതെ ഒന്നും നടക്കില്ല. തൃണമൂൽ ജില്ലാ പ്രസിഡന്റ് കൂടിയായ മഹുവയെ വീഴ്ത്താൻ കൃഷ്ണനഗർ രാജകുടുംബാംഗമായ രാജമാതാ എന്ന വിളിപ്പേരുള്ള അമൃത റോയിയെയാണ് ബിജെപി നിയോഗിച്ചിരിക്കുന്നത്.
‘വരൂ, നോട്ടയ്ക്ക് വോട്ട് ചെയ്യൂ’വെന്ന് കോൺഗ്രസ്, പ്രചാരണം നിർത്തി നേതാക്കൾ; ഇൻഡോറിലേക്കോ ആ റെക്കോർഡ്?

കുറച്ചു വർഷങ്ങളായി രാജ്യത്തെ വിവിധ ഭാഗങ്ങളിൽ നിന്നും ഒരു രഹസ്യം തേടി മധ്യപ്രദേശിലെ ഇൻഡോറിലേക്ക് ഉദ്യോഗസ്ഥരും ജനപ്രതിനിധികളും എത്താറുണ്ട്. 2017 മുതൽ ‘വൃത്തിയുടെ നഗരം’ എന്ന നേട്ടം സ്വന്തമാക്കിയ ഇൻഡോറിൽനിന്ന്, ആ നേട്ടത്തിന് പിന്നിലുള്ള വിജയമന്ത്രം കണ്ടു പഠിച്ച് അവരുടെ നാട്ടിൽ നടപ്പിലാക്കാനാണ് ഈ യാത്ര. തുടർച്ചയായി ഏഴാം വട്ടവും ഇൻഡോർ ഒന്നാം സ്ഥാനത്തുനിന്ന് പുറത്തായില്ല. പക്ഷേ ഇത്തവണ ചെറിയൊരു മാറ്റമുണ്ടായി, ഒന്നാം സ്ഥാനം ഗുജറാത്തിലെ വജ്രനഗരമെന്ന വിശേഷണമുള്ള സൂറത്തുമായി ഇൻഡോറിനു പങ്കുവയ്ക്കേണ്ടി വന്നു. രാജ്യം ലോക്സഭാ തിരഞ്ഞെടുപ്പിലേക്ക് പോകുമ്പോൾ വീണ്ടും ഇൻഡോറും സൂറത്തും വാർത്തകളിൽ നിറയുകയാണ്. വൃത്തിയുടെ കാര്യത്തിലല്ലെന്നു മാത്രം. ജനാധിപത്യത്തിൽ ഒരിക്കലും ആവർത്തിക്കാൻ പാടില്ലാത്ത ചില ശീലങ്ങളുടെ കേന്ദ്രമായിട്ടാണ് സൂറത്തും തൊട്ടുപിന്നാലെ ഇൻഡോറും കടന്നുവന്നത്. തിരഞ്ഞെടുപ്പിന് മുൻപ് ബിജെപി സ്ഥാനാർഥി എതിരില്ലാതെ തിരഞ്ഞെടുക്കപ്പെട്ടു എന്നതിലൂടെയാണ് സൂറത്ത് വാർത്തകളിൽ നിറഞ്ഞത്. കോൺഗ്രസ് സ്ഥാനാർഥിയുടെ പത്രിക തള്ളുകയും ബിജെപി സ്ഥാനാർഥിയൊഴികെ മറ്റെല്ലാ സ്ഥാനാർഥികളും ദുരൂഹമായി അവരുടെ പത്രിക പിൻവലിക്കുകയും ചെയതതോടെയാണ് സൂറത്തിൽ ബിജെപി വോട്ടെടുപ്പിനു മുൻപുതന്നെ എതിരില്ലാ ജയം സ്വന്തമാക്കിയത്.
സോളർ വൈദ്യുതി: വീട്ടിൽ ഏത് സൗരോർജ പാനൽ വയ്ക്കണം? താരം ഹൈബ്രിഡ് പ്ലാന്റ്, ഷോക്കടിപ്പിക്കും ബില്ലും കുറയ്ക്കാം

കേന്ദ്ര സർക്കാർ സബ്സിഡി തുക വർധിപ്പിച്ചതോടെ വീട്ടിൽ സൗരോർജ പാനൽ സ്ഥാപിക്കുന്നവരുടെ എണ്ണം കൂടിയിരിക്കുകയാണ്. പക്ഷേ, എങ്ങനെയുള്ള പാനലുകളാണ് വീട്ടിൽ സ്ഥാപിക്കേണ്ടത്? ഓൺഗ്രിഡ്, ഓഫ് ഗ്രിഡ്, ഹൈബ്രിഡ് എന്നിങ്ങനെയുള്ളവയിൽ ഏതാണു വീട്ടിൽ സ്ഥാപിക്കേണ്ടതെന്ന സംശയം പലർക്കുമുണ്ട്. ഇപ്പോൾ കൂടുതൽ ശുപാർശ ചെയ്യുന്നത് ഹൈബ്രിഡ് സോളർ പ്ലാന്റുകളാണ്. എന്നാൽ സോളർ വൈദ്യുതി വൻ ലാഭകരമാകുമെന്ന പ്രതീക്ഷയോടെ രംഗത്തിറങ്ങിയ ചില ഉപഭോക്താക്കൾക്ക് തിരിച്ചടി നേരിട്ട റിപ്പോർട്ടുകളും വരുന്നുണ്ട്. വൈദ്യുതി ചാർജ് കുറയ്ക്കാമെന്നു കരുതി സോളർ പ്ലാന്റ് സ്ഥാപിച്ചവരിൽ പലർക്കും അമിത വൈദ്യുതി ബിൽ ലഭിച്ചതാണ് വിവാദമായത്. സോളർ സ്ഥാപിച്ചിട്ടും ഉയർന്ന വൈദ്യുതി നിരക്ക് നൽകേണ്ടി വന്നത് സംബന്ധിച്ച് മുൻ ഡിജിപി ആർ ശ്രീലേഖ നടത്തിയ വെളിപ്പെടുത്തലും വലിയ ചർച്ചയായി. വീട്ടിലെ വൈദ്യുതി ബില്‍ കുറയ്ക്കാൻ സോളർ പാനൽ സ്ഥാപിക്കുമ്പോൾ എന്തൊക്കെയാണ് ശ്രദ്ധിക്കേണ്ടത്? ഓൺഗ്രിഡ്, ഓഫ് ഗ്രിഡ്, ഹൈബ്രിഡ്... ഇതിന്റെ നേട്ടങ്ങളും കോട്ടങ്ങളും എന്താണ്? വിശദമായി പരിശോധിക്കാം.
‘നോക്കൂ, ഇങ്ങനെയൊരു ആശങ്കയുണ്ട്’: ഇഡി വാദം പാളിയതെവിടെ? കേജ്‌രിവാളിന് എങ്ങനെ ജാമ്യം ലഭിച്ചു? കോടതിയിൽ നടന്നത്...

ഇടക്കാല ജാമ്യത്തെ എതിർത്ത് ഇഡി ഉയർത്തിയ പ്രധാന വാദങ്ങളിലൊന്ന് അംഗീകരിച്ചുകൊണ്ടാണ് സുപ്രീംകോടതി കേജ്‌രിവാളിന് അനുകൂലമായി നിലപാട് എടുത്തത്. മദ്യനയക്കേസിൽ ഹാജരാകാൻ 9 തവണ നോട്ടിസ് നൽകിയിട്ടും കേജ്‌രിവാൾ ഹാജരായില്ലെന്നായിരുന്നു ഇഡിയുടെ പ്രധാന വാദങ്ങളിലൊന്ന്. അതിൽ ആദ്യത്തേത് 2023 ഒക്ടോബറിലായിരുന്നു. കേജ്‌രിവാളിനു ജാമ്യം അനുവദിക്കുന്നതിന് ഇക്കാര്യം എതിരാണെങ്കിലും മറ്റനേകം അനുകൂല ഘടകങ്ങളുണ്ടെന്നു കോടതി വിലയിരുത്തി. ജാമ്യം നൽകുന്നതു രാഷ്ട്രീയക്കാർക്കു പ്രത്യേക പരിഗണന നൽകുന്നതാകുമെന്ന് ഇഡി വാദിച്ചെങ്കിലും കേസിലെ മറ്റു സാഹചര്യങ്ങൾക്കു മുൻതൂക്കം നൽകേണ്ടതുണ്ടെന്നു കോടതി വ്യക്തമാക്കി. കുറച്ചുകൂടി ഉദാരവും സമഗ്രവുമായ സമീപനം കേജ്‌രിവാളിന്റെ കാര്യത്തിലെടുക്കുന്നതു നീതികരിക്കപ്പെടുമെന്നും കോടതി വിലയിരുത്തി.
ബംഗാളിലെ ‘മിനി കേരളം’: മമതയെ വെട്ടിലാക്കിയ സന്ദേശ്ഖലിയിലെ ‘ബായിജാൻ’; ബിജെപിയുടെ നന്ദിഗ്രാം ആകുമോ ഈ ദ്വീപ്?

മിനി കേരളമാണ് സുന്ദർബൻ ടൈഗർ റിസർവിൽനിന്ന് അധികം ദൂരെയല്ലാത്ത സന്ദേശ്ഖലി. ഒരുകാലത്ത് കണ്ടൽ കാടുകൾ തഴച്ചുവളർന്ന പ്രദേശങ്ങളിൽ ഇന്ന് ചെമ്മീൻ കെട്ടുകൾ മാത്രം. ബംഗാൾ രാഷ്ട്രീയം തിളച്ചുമറിയുന്നത് സന്ദേശ്ഖലി എന്ന ഈ ചെറിയ ദ്വീപിനെച്ചുറ്റിപ്പറ്റിയാണ്. മാ, മാട്ടി, മാനുഷ് (അമ്മ, മണ്ണ്, മനുഷ്യൻ) എന്ന മുദ്രാവാക്യവുമായി ബംഗാളിൽ പടയോട്ടം നടത്തുന്ന മമതയ്ക്കെതിരെ ഉയർന്ന രാഷ്ട്രീയ കൊടുങ്കാറ്റായിരുന്നു തൃണമൂൽ കോൺഗ്രസ് നേതാവ് ഷെയ്ഖ് ഷാജഹാനെതിരെ സന്ദേശ്ഖലിയിലെ വനിതകൾ ഉയർത്തിയ പീഡനപരാതികൾ. സന്ദേശ്ഖലി അടക്കി ഭരിച്ചിരുന്ന ഷെയ്ഖ് ഷാജഹാനെ ഇഡി അറസ്റ്റ് ചെയ്തതതോടെ ബിജെപിയുടെ ഏറ്റവും വലിയ രാഷ്ട്രീയ ആയുധമായി സന്ദേശ്ഖലി പ്രക്ഷോഭം മാറി. സന്ദേശ്ഖലി ഉൾപ്പെടുന്ന ബാസിർഹട്ട് ലോക്സഭ മണ്ഡലത്തിൽ പ്രക്ഷോഭത്തിന്റെ മുൻനിരയിലുണ്ടായിരുന്ന രേഖ പത്രയെ സ്ഥാനാർഥിയാക്കി നിർത്തിക്കൊണ്ട് ബിജെപി മമതയ്ക്കെതിരെ നയം വ്യക്തമാക്കുകയും ചെയ്തു. ബംഗാൾ ഗവർണർ ഡോ.സി.വി.ആനന്ദബോസിനു നേരേയുള്ള ആരോപണങ്ങൾക്കു പിന്നിലും സന്ദേശ്ഖലി ഉണ്ടെന്നാണ് പ്രതിപക്ഷപാർട്ടികളുടെ ആരോപണം. സന്ദേശ്ഖലിയിലെ പീഡനപരാതികൾ കെട്ടിച്ചമച്ചതാണെന്നും ബിജെപിയുടെ ഗൂഢാലോചനയാണ് ഇതിനു പിന്നിലെന്നുമാണ് തൃണമൂൽ കോൺഗ്രസിന്റെ വാദം. ബംഗാളിലെ ബിജെപി ബൂത്ത് പ്രസിഡന്റുമാരിൽ ഒരാളായ ഗംഗാധർ കോയൽ, സന്ദേശ്ഖലി പരാതികൾ കെട്ടിച്ചമച്ചതാണെന്ന് പറയുന്ന വിഡിയോയും ഇതിനിടെ പുറത്തുവന്നു. തൃണമൂൽ കോൺഗ്രസ് ‘എഐ’ ഉപയോഗിച്ച് നിർമിച്ച വിഡിയോ ആണ് അതെന്നായിരുന്നു ബിജെപിയുടെ മറുവാദം. തൃണമൂൽ കോൺഗ്രസിന്റെ പാർട്ടി നേതാക്കൾ പാർട്ടി ഓഫിസിൽ വച്ച് പീഡനത്തിനിരയാക്കിയെന്ന് മൂന്ന് സ്ത്രീകൾ പരാതി നൽകിയതോടെ വിവാദം വീണ്ടും പടർന്നു.
മന്ത്രി നടപ്പാക്കുന്നത് കേന്ദ്രം പറഞ്ഞ ‘‍ഡ്രൈവിങ് ടെസ്റ്റ്’? ഇനി പാടുപെടും ലൈസൻസ് എടുക്കാൻ; പരിശീലനത്തിന് വേണം ഒരേക്കർ

10 ലക്ഷം പേർ ഡ്രൈവിങ് ലൈസൻസിനും ടെസ്റ്റിനുമായി കാത്തു നിൽക്കേണ്ട അവസ്ഥയിലേക്കു കേരളത്തെ തള്ളിയിട്ടതിനു കാരണമെന്താണ്? കൃത്യമായ ആസൂത്രണമില്ലാതെ കേന്ദ്ര വിജ്ഞാപനത്തിന്റെ പേരിൽ മറ്റൊരു രീതി നടപ്പാക്കാൻ ശ്രമിച്ചതും വിജ്ഞാപനത്തിന്റെ അന്തസത്ത മനസ്സിലാക്കാത്തതുമാണെന്നാണ് ഒരു വിഭാഗത്തിന്റെ വിലയിരുത്തൽ. കേന്ദ്രം നിഷ്കർഷിച്ചിരിക്കുന്ന രീതിയിൽ ഡ്രൈവിങ് ടെസ്റ്റ് സംവിധാനം നടപ്പായാൽ ടെസ്റ്റ് നടത്താനുള്ള അധികാരവും അതു വഴി ലഭിക്കുന്ന ‘കിമ്പളവും’ കൈയ്യിൽ നിന്നു പോകുമെന്നു ഭയക്കുന്ന ഒരു വിഭാഗം ഉദ്യോഗസ്ഥർക്കും നിലവിലെ രീതി തന്നെ തുടരാൻ ആഗ്രഹിക്കുന്ന ചില ഡ്രൈവിങ് സ്കൂളുകൾക്കും ജനങ്ങളെ അക്രഡിറ്റഡ് ഡ്രൈവിങ് ട്രെയിനിങ് സെന്റർ എന്ന കേന്ദ്ര ഗതാഗത വകുപ്പിന്റെ ആശയത്തിന് എതിരാക്കാനും കഴിഞ്ഞു. ഇന്ത്യയിൽ 78 ശതമാനം റോഡ് അപകടങ്ങൾക്കും കാരണം ഡ്രൈവർമാരുടെ ഭാഗത്തു നിന്നുണ്ടാകുന്ന വീഴ്ചയാണെന്നു കണ്ടെത്തിയതിന്റെ അടിസ്ഥാനത്തിൽ കേന്ദ്ര സർക്കാർ 2021 ജൂൺ 7നു മോട്ടർ വാഹന ചട്ടം ഭേദഗതി ചെയ്തിരുന്നു. തുടർന്ന് ഡ്രൈവിങ് ടെസ്റ്റ് നടത്തുന്നതിനു രാജ്യത്ത് അക്രഡിറ്റഡ് ഡ്രൈവിങ് ട്രെയിനിങ് സെന്റർ എന്ന സ്വതന്ത്ര സ്ഥാപനം രൂപീകരിക്കുന്നതായി വിജ്ഞാപനം ചെയ്തു. മറ്റു മിക്ക സംസ്ഥാനങ്ങളും കേന്ദ്ര സർക്കാർ വിജ്ഞാപനം അനുസരിച്ചു പുതിയ രീതിയിലേക്കു ഡ്രൈവിങ് ടെസ്റ്റ് മാറ്റുകയും ചെയ്തു. പുതിയ രീതിയിലേക്കു മാറുന്നതിനു സംസ്ഥാനത്തെ കേന്ദ്ര സർക്കാർ നിർബന്ധിച്ചുകൊണ്ടിരിക്കുകയുമാണ്.
അന്ന് ഓഹരി വിപണി ഇടിച്ച രാജി! കെവിഎസ് മണിയന്റെ ദൗത്യമെന്ത്; ഫെഡറൽ ബാങ്കും കേരളത്തിന് നഷ്ടമാകുമോ?

ഇന്ത്യയിലെ മുൻനിര സ്വകാര്യ ബാങ്കായ കോട്ടക് മഹീന്ദ്ര ബാങ്ക്, ഫെഡറൽ ബാങ്കിനെ ഏറ്റെടുക്കുമെന്ന അഭ്യൂഹം ഒരു ഇടവേളയ്ക്ക് ശേഷം വീണ്ടും ഉയർന്നു വരികയാണ്. അതിനു പ്രധാന കാരണം കോട്ടക് ബാങ്കിന്റെ ജോയിന്റ് മാനേജിങ് ഡയറക്ടറായിരുന്ന കെവിഎസ്. മണിയൻ ഫെഡറൽ ബാങ്കിലെ പുതിയ സാരഥിയായി സ്ഥാനമേൽക്കുമെന്ന വാർത്തകളാണ്. ഫെഡറൽ ബാങ്കിന്റെ ചീഫ് എക്സിക്യൂട്ടിവ് ഓഫീസറും മാനേജിങ് ഡയറക്ടറുമായ ശ്യാം ശ്രീനിവാസന്റെ കാലാവധി 2024 സെപ്റ്റംബറോടെ അവസാനിക്കുകയാണ്. ആ സ്ഥാനത്തേയ്ക്ക് മൂന്നു പേരുടെ ചുരുക്കപ്പട്ടിക ഫെഡറൽ ബാങ്ക് റിസർവ് ബാങ്ക് ഓഫ് ഇന്ത്യയുടെ (ആർബിഐ) അനുമതിക്കായി സമർപ്പിച്ചിട്ടുണ്ടെങ്കിലും അതിൽ ഏറ്റവും കൂടുതൽ സാധ്യത കൽപ്പിക്കുന്നത് കെവിഎസ് മണിയനു തന്നെയാണ്. പുതിയ സാരഥി ആരായിരിക്കുമെന്നതിനെ കുറിച്ചുള്ള ചോദ്യങ്ങൾക്ക് അധികൃതർ ഇതുവരെ പ്രതികരിച്ചിട്ടില്ലെങ്കിലും ആ സ്ഥാനത്തേയ്ക്ക് ഫെഡറൽ ബാങ്കിന്റെ പ്രഥമ പരിഗണന മണിയനു തന്നെയാണെന്ന് ബാങ്കിങ്– വിപണി വൃത്തങ്ങൾ വിലയിരുത്തുന്നു. ആർബിഐയുടെ അംഗീകാരം കിട്ടിയാൽ ഉടൻ പുതിയ എംഡി– സിഇഒ യുടെ പ്രഖ്യാപനവും ഉണ്ടാകും.
ബിജെപിയുടെ ‘സ്വന്തം’ നൈനാർ പണക്കെണിയിൽ: 6 ബാഗിൽ 3.98 കോടി: ചതിച്ചത് പാർട്ടി തന്നെയോ?

കേന്ദ്രത്തിലെ ബിജെപിയുടെ കഴിഞ്ഞ 10 വർഷത്തെ ഭരണത്തിനിടയ്ക്ക് മുൻപൊരിക്കലും നടക്കാത്തൊരു സംഭവം ഇത്തവണ തമിഴ്നാട്ടിൽ നടന്നു. പ്രധാനമന്ത്രി നരേന്ദ്രമോദി 2 മാസത്തിനിടെ 8 തവണ തമിഴ്നാട്ടിലെത്തി. ദക്ഷിണേന്ത്യ ഒരിക്കലും ബിജെപിക്കു പിടിതരാത്ത മേഖലയല്ലെന്നു തെളിയിക്കുകയായിരുന്നു ലക്ഷ്യം. തീപാറുന്ന വാക്കുകളുമായി ഭരണകക്ഷിയായ ഡിഎംകെയെ തലങ്ങും വിലങ്ങും ആക്രമിച്ചാണ് ഓരോ യോഗത്തിലും മോദി മുന്നോട്ടു പോയത്. ഇതിനൊപ്പം ഡിഎംകെയ്ക്കെതിരെ തകർപ്പൻ സ്ഥാനാർഥി നിരയെയും പ്രധാന മണ്ഡലങ്ങളിൽ നിയോഗിച്ചു. ഇതിൽ പ്രധാനി ബിജെപി സംസ്ഥാന അധ്യക്ഷനായ കെ.അണ്ണാമലൈയായിരുന്നു. പാർട്ടിക്ക് ഏറെ വോട്ടർമാരുണ്ടെന്നു വിശ്വസിക്കുന്ന കൊങ്കുനാട് ഉൾപ്പെടുന്ന കോയമ്പത്തൂരിൽ അണ്ണാമലൈ ഇറങ്ങിയപ്പോൾ നാടിളക്കി പ്രചാരണം നടത്താൻ ബിജെപി കേന്ദ്ര നേതാക്കളും ഒഴുകിയെത്തി. പിന്നാലെ, ചെന്നൈ സൗത്തിൽ മുൻ തെലങ്കാന ഗവർണറും പുതുച്ചേരി ലഫ്.ഗവർണറുമായ തമിഴിസൈ സൗന്ദർരാജനെയും തിരുനെൽവേലിയിൽ ബിജെപി നിയമസഭാ കക്ഷി നേതാവും എംഎൽഎയുമായ നൈനാർ നാഗേന്ദ്രനെയും കളത്തിലിറക്കി. പക്ഷേ, തിരഞ്ഞെടുപ്പിനു ദിവസങ്ങൾ മാത്രം ശേഷിക്കേ ഉണ്ടായ ട്വിസ്റ്റ് ബിജെപിയെ ആകെ ഞെട്ടിച്ചു കളഞ്ഞു.
കനയ്യയുടെ ‘കയ്യിൽ’ കാശില്ല, വണ്ടിയില്ല, ബിജെപി എതിരാളി കോടിപതി: ഡൽഹിയിലെ ‘ബിഹാറി’ ഏറ്റുമുട്ടൽ

‘ഹാഥി ഘോടാ പാൽക്കി, ജയ് കനയ്യ ലാൽ കി...’. ആനയും കുതിരയും പല്ലക്കുകളുമെത്തി, കനയ്യ ലാൽ ജയിക്കട്ടെ എന്ന ഭജൻ പാടിയാണു കോൺഗ്രസ് സ്ഥാനാർഥി കനയ്യ കുമാറിനെ ആൾക്കൂട്ടം ആനയിച്ചുകൊണ്ടു പോകുന്നത്. ദ്വാരകയിലേക്കു വരുന്ന ശ്രീകൃഷ്ണനാണു വടക്കേയിന്ത്യൻ പാട്ടിലെ നായകൻ. ആരവങ്ങൾക്കു നടുവിൽ നിന്ന് 'ഐ ആം കനയ്യ കുമാർ, ലോർഡ‍് കൃഷ്ണ വാസ് ബോൺ ഇൻ ജയിൽ. യു ആൾസോ സെന്റ് മി ടു ജയിൽ' എന്നു കനയ്യ കുമാർ വിളിച്ചു പറയുന്നു. മുൻപ് രാജ്യദ്രോഹക്കുറ്റം ചുമത്തി ജയിലിലടച്ചതിനു മോദിയെ ചൂണ്ടിയാണു പരാമർശം. അതു കേട്ടതോടെ ധം ധം ധം ധാണ്ഡിയാരെ, ദേഘോ ആയാ കനയ്യാരെ, സബ്കാ പ്യാരാ...എന്നാർത്തു വിളിക്കുന്ന ജനക്കൂട്ടം. ‘ജോർ സെ ബോലോ ആസാദി’ എന്നാവർത്തിച്ചു പാടി രാജ്യമൊട്ടാകെ ആരാധകരെ സൃഷ്ടിച്ച പഴയ കനയ്യ കുമാറല്ല ഇപ്പോൾ ഈസ്റ്റ് ഡൽഹിയിലെ കോൺഗ്രസ് സ്ഥാനാർഥിയായ കനയ്യ കുമാർ. ഭരണഘടനയെ സംരക്ഷിക്കാൻ സർവമത പ്രാർഥന നടത്തിയിറങ്ങിയ കനയ്യ കുമാറാണിത്. ഹിന്ദു, സിഖ്, മുസ്‌ലിം, ക്രൈസ്തവ, ബുദ്ധ പുരോഹിതൻമാരുടെ സാന്നിധ്യത്തിൽ സവർമത പ്രാർഥനയും ഹവനവും നടത്തിയാണു കനയ്യ കഴിഞ്ഞ ദിവസം പത്രിക നൽകാനിറങ്ങിയത്. അഞ്ചു വർഷം മുൻപ് ചെങ്കൊടിയേന്തിയ ചുവപ്പു പടയുടെ ആവേശക്കുതിപ്പിനൊപ്പം അരിവാൾ നെൽക്കതിരുള്ള ഷാൾ തോളിൽ ചുറ്റി ബിഹാറിൽ വോട്ട് തേടിയ ഒരു കനയ്യ കുമാറുണ്ട്. അതിൽനിന്നു പാടെ മാറി കോൺഗ്രസ്, ആം ആദ്മി പാർട്ടി ചിഹ്നങ്ങൾ പതിച്ച ഷാളുകൾ ഇഴപരിച്ചു കഴുത്തിൽ ചുറ്റിയ കനയ്യ കുമാറിനെയാണ് ഡൽഹിയിൽ കണ്ടത്. വിദ്യാർഥി രാഷ്ട്രീയത്തിൽ നിന്നുയർന്നു വന്ന് രണ്ടാം തവണയും ലോക്സഭാ തിരഞ്ഞെടുപ്പിൽ മത്സരിക്കുന്ന കനയ്യ കുമാറിന്റെ രണ്ടു തിരഞ്ഞെടുപ്പു കാലങ്ങളിലൂടെയാണ് ഈ യാത്ര.
ഇനി ആ ‘ബുക്കിങ്’ ഇല്ല: ശബരിമലയിൽ കടുത്ത നിയന്ത്രണങ്ങൾ: തീർഥാടകരെ എങ്ങനെ ബാധിക്കും?

സമഭാവനയുടെ സന്നിധിയായ ശബരിമലയിൽ തിരക്കു കുറയ്ക്കാൻ തിരുവിതാംകൂർ ദേവസ്വം ബോർഡ് കൊണ്ടുവരുന്ന കടുത്ത നിയന്ത്രണങ്ങൾ തീർഥാടകരെ ദോഷകരമായി ബാധിക്കുമോ? അയ്യപ്പ ഭക്തരുടെ ഇടയിലെ പ്രധാന ചർച്ച ഇതാണ്. അടുത്ത മണ്ഡല മകരവിളക്കു കാലത്തു നടപ്പാക്കാൻ 2 തീരുമാനമാണ് ദേവസ്വം ബോർഡ് എടുത്തത്. അതിൽ ഏറ്റവും പ്രധാനം സ്പോട് ബുക്കിങ് നിർത്തലാക്കുന്നതാണ്. രണ്ടാമത്തേത് ഒരു ദിവസം ദർശനം നടത്താവുന്ന തീർഥാടകരുടെ എണ്ണം പരമാവധി 80,000 മാത്രമാക്കി പരിമിതപ്പെടുത്തുന്നതും. ശബരിമല തീർഥാടകരിൽ ഏറെയും ഇതര സംസ്ഥാനങ്ങളിൽ നിന്നുള്ളവരാണ്. ഗുരുസ്വാമിമാരുടെ നേതൃത്വത്തിൽ വലിയ സംഘങ്ങളായാണ് ഇവർ എത്തുന്നത്. 41 ദിവസത്തെ കഠിന വ്രതം നോക്കിയാണ് വരുന്നത്. വെർച്വൽ ക്യൂ ബുക്കു ചെയ്യുമെങ്കിലും മിക്കപ്പോഴും ഒന്നും രണ്ടും പേർ ബുക്കിങ് ഇല്ലാതെ സംഘത്തിൽ ഉണ്ടാകും. ചെങ്ങന്നൂർ റെയിൽവേ സ്റ്റേഷൻ‌, പന്തളം വലിയകോയിക്കൽ ക്ഷേത്രം, എരുമേലി ക്ഷേത്രം, നിലയ്ക്കൽ, പമ്പ ഗണപതികോവിൽ, വണ്ടിപ്പെരിയാർ–സത്രം എന്നിവിടങ്ങളിൽ ഇവർക്കായി ദേവസ്വം ബോർഡ് നേരത്തെ സ്പോട് ബുക്കിങ് സൗകര്യം ഏർപ്പെടുത്തിയിരുന്നു. ആയിരക്കണക്കിനു തീർഥാടകരാണ് ഇത് പ്രയോജനപ്പെടുത്തി ദർശനം നടത്തിവന്നത്. വെർച്വൽ ക്യൂ ബുക്കു ചെയ്യുന്ന എല്ലാവരും ദർശനത്തിന് എത്താറില്ല. ഇതിനു പകരമാണ് സ്പോട് ബുക്കിങ് വഴി മറ്റുള്ളവർക്ക് അവസരം നൽകി വന്നത്.
ഇടതിന്റെ ഇരട്ടി വോട്ട് നോട്ടയ്ക്ക്; ഇവർ ഗുജറാത്തിലെ പറ്റിക്കപ്പെട്ട ജനം; സ്ഥാനാര്‍ഥിയെയും ഇനി ഒളിപ്പിക്കണോ?

ബിജെപിയുടെ തിരഞ്ഞെടുപ്പ് പ്രചാരണ യോഗങ്ങളിലേക്ക് എത്തുമ്പോൾ നരേന്ദ്ര മോദിക്ക് ഒരു ശീലമുണ്ട്. സ്വാഗത പ്രാസംഗികൻ സംസാരിക്കുമ്പോള്‍ മോദി വിടരാറായ ഒരു താമരമൊട്ട് കൈയ്യിലെടുക്കും, പതിയെ അതിലെ ഇതളുകൾ ഓരോന്നായി വിടർത്തും. തുടർന്ന് പ്രസംഗിക്കാനായി എഴുന്നേൽക്കുമ്പോഴേക്കും മുന്നിലെ ചെറുമേശയിലേക്ക് വിടർന്ന താമര പൂവായിരിക്കും അദ്ദേഹം വയ്ക്കുക. സ്വയം വിടരാനുള്ള സമയം നൽകാതെ ഫലത്തിനായി ഒരുപടി മുന്നിൽ നിൽക്കുന്ന ഈ തന്ത്രമാണോ ഇക്കുറി സൂറത്തിലും ബിജെപി പരീക്ഷിച്ചത്. എതിരാളികളില്ലാതെ സൂറത്ത് മണ്ഡലത്തിൽ വോട്ടെടുപ്പിന് മുൻപേ ബിജെപി സ്ഥാനാർഥി ജയിച്ചു കയറിയത് രാജ്യം ദിവസങ്ങളെടുത്ത് വിശദമായി ചർച്ച ചെയ്തു. അവിടെ സംഭവിച്ച അസ്വഭാവികതയിൽ ബിജെപിയെ പ്രതിസ്ഥാനത്ത് നിർത്തുന്നവർ കേവലം സ്ഥാനാർഥിയെ പിന്തുണയ്ക്കുന്ന മൂന്ന് വിശ്വസ്തരെ ഉറപ്പിക്കാൻ കോൺഗ്രസിന് കഴിയാതെ പോയതിനെ കുറിച്ച് പക്ഷേ അധികം ചർച്ച ചെയ്തു കണ്ടില്ല.
ഇനി ‘ലാൻഡ് ഫോണുകൾ’ വേറെ ലെവൽ; ഇന്റർനെറ്റിന് അതിവേഗം; അറിഞ്ഞോ ‘മിഷൻ ബിഎസ്എൻഎൽ’?

സ്‌മാർട് ഫോണുകളുടെയും മിന്നൽ വേഗത്തിലുള്ള ഇന്റർനെറ്റ് കണക്‌ഷനുകളുടെയും യുഗത്തിൽ, പഴയ ബിഎസ്എൻഎൽ ലാൻഡ്‌ലൈനുകൾക്ക് വിചിത്രവും ഗൃഹാതുരവുമായ ചിലത് ഉണ്ട്. പലർക്കും ഇത് ആശയവിനിമയത്തിനുള്ള ഒരു ഉപാധി മാത്രമായിരുന്നില്ല; ജീവിതത്തിന്റെ ഭാഗം കൂടിയായിരുന്നു. ഇടനാഴിയിലെ മേശപ്പുറത്ത് അഭിമാനത്തോടെ ഇരിക്കുന്ന കറുത്ത ഫോൺ, ഓരോ നമ്പറും ഡയൽ ചെയ്യുമ്പോൾ ഉണ്ടാകുന്ന ശബ്ദം ഇപ്പോഴും ഓർക്കുന്നുവരുണ്ടാകും. പരിചിതമായ ആ റിങ്ടോണിനായി കാത്തിരിക്കുമ്പോൾ വലിയ പ്രതീക്ഷകളായിരുന്നു. പുറം ലോകവുമായി ബന്ധം സ്ഥാപിക്കാൻ അന്ന് റിസീവറിലൂടെ ലഭിച്ചിരുന്ന ആ ശബ്ദം മാത്രമായിരുന്നു. ലാൻഡ്‌ലൈൻ ഒരു ആശയവിനിമയ ഉപകരണം മാത്രമായിരുന്നില്ല അത്, പ്രത്യേകിച്ച് ദൂരെ താമസിക്കുന്നവർക്ക് ഒരു ജീവനാഡി ആയിരുന്നു. ഇന്ന് ബിഎസ്എൻഎൽ ലാൻഡ്‌ലൈനിന് പകരം കൂടുതൽ നൂതനമായ സാങ്കേതിക വിദ്യകൾ വന്നിട്ടുണ്ടാകാം, എങ്കിലും ആ പഴയ ലാൻഡ്ഫോൺ ഇനി പുതിയ രൂപത്തിൽ അവതരിപ്പിക്കാൻ പോകുകയാണ് ബിഎസ്എൻഎൽ. നിങ്ങളുടെ വീട്ടിലെ ബിഎസ്എൻഎൽ ലാൻഡ്ഫോൺ ഇനി പഴയ ഫോണല്ല– സീൻ മാറുകയാണ്. ഈ വർഷം അവസാനത്തോടെ കേരളത്തിലെ ഒൻപതു ലക്ഷത്തോളം വരുന്ന ലാൻഡ്ഫോണുകളും അടുത്ത ലെവലിലേക്കു മാറും. ഒപ്റ്റിക്കൽ ഫൈബർ കേബിളിലേക്ക് ലാൻഡ് ഫോണുകൾ മാറ്റുന്ന മിഷൻ കൺവർഷൻ അവസാന ഘട്ടത്തിലേക്ക് കടക്കുകയാണ്. ആകെയുള്ള ലാൻഡ്ഫോണുകളിൽ മൂന്നിൽ ഒന്നു മാത്രമാണ് ഇനി പുതുതലമുറയിലേക്കു മാറാനുള്ളത്.
മോദി പറഞ്ഞ '400 സീറ്റിന്' എന്തുപറ്റി? മലയാളിക്ക് സന്തോഷിക്കാൻ രണ്ട് കാര്യങ്ങൾ; പേടിക്കണോ കോവിഷീൽഡിനെ?

കോവിഡ് മഹാമാരിക്കാലത്ത് അമൃതായി അവതരിച്ച കോവിഷീൽഡിന് വേണ്ടി വരി നിന്നവർക്ക് ഒട്ടും ആശ്വാസ്യകരമായിരുന്നില്ല പോയവാരം. കോവിഷീൽഡ് വാക്സീന് പാർശ്വഫലങ്ങളുണ്ടെന്ന കമ്പനിയുടെ പ്രസ്താവനയെ പൊടിപ്പും തൊങ്ങലും വച്ച് സമൂഹമാധ്യമ ഗ്രൂപ്പുകളിൽ ജനം ചർച്ചയാക്കിയതോടെ കോവിഷീൽഡ് വില്ലനായി. ഈ വിഷയത്തിൽ ആരോഗ്യ വിദഗ്ധരുടെ അഭിപ്രായങ്ങൾ ഉൾപ്പെടുത്തിയുള്ള പ്രീമിയം വാർത്ത കഴിഞ്ഞയാഴ്ച ഏറെ ശ്രദ്ധിക്കപ്പെട്ടു. കേരളത്തിൽ ചൂടിന്റെ തലസ്ഥാനം പാലക്കാടാണ്. മേയ്മാസമായിട്ടും വേനൽച്ചൂട് പിടിവിടാൻ തയാറാവുന്നില്ല. കൊടുംചൂട് പാലക്കാടിന്റെ ജീവിതത്തെ എത്രമാത്രമാണ് മാറ്റിയതെന്നും എന്തൊക്കെ മാർഗങ്ങളാണ് ചൂട് പ്രതിരോധിക്കാനായി അവിടെ ജനം ഉപയോഗിക്കുന്നതെന്നും വിശദീകരിച്ച പ്രീമിയം റിപ്പോർട്ടും ഏറെ ശ്രദ്ധിക്കപ്പെട്ടു. പാലക്കാടൻ ജീവിതം തൊട്ടറിഞ്ഞ വേനൽച്ചിത്രങ്ങളും ചേർന്നതായിരുന്നു റിപ്പോർട്ട്.
‘അതിവേഗം’ മോദി ഭൂട്ടാനിൽ: ഇന്ത്യയെ കൈവിടാൻ വയ്യ, ചൈനയെ വെറുപ്പിക്കാനും; 2 ആണവ ശക്തികൾക്കിടയിൽ കുരുങ്ങി ഈ ‘കുഞ്ഞൻ’

അഞ്ചുദിവസത്തെ ഇന്ത്യാ സന്ദർശനത്തിനുശേഷം ഭൂട്ടാൻ പ്രധാനമന്ത്രി ഷെറിങ് ടോബ്‌ഗേ മാർച്ച് 18നാണ് തിരികെപ്പോയത്. കൃത്യം നാലാം ദിവസം പ്രധാനമന്ത്രി നരേന്ദ്രമോദി തിരക്കിട്ട് ഭൂട്ടാനിലേക്കും പറന്നു. അതും ലോക്‌സഭാ തിരഞ്ഞെടുപ്പ് വിജ്ഞാപനം പുറത്തുവന്നതിനുശേഷം! അസാധാരണ നടപടിയാണിത്. ഭൂട്ടാന്റെ പരമോന്നത ബഹുമതിയായ ഓർഡർ ഓഫ് ഡ്രുക് ക്യാൽപോ സ്വീകരിക്കാനും ഇന്ത്യയുടെ സഹായത്തോടെ ഭൂട്ടാൻ നിർമിച്ച ആശുപത്രിയുടെ ഉദ്ഘാടനത്തിനുമായാണ് യാത്രയെന്ന് പറയാമെങ്കിലും ഇതിനേക്കാളെല്ലാമുപരി മോദിയെ ഭൂട്ടാനിലെത്തിച്ച മറ്റൊരു പ്രേരകശക്തിയുണ്ട്. ചൈനയുമായി ഭൂട്ടാൻ നടത്തുന്ന അതിർത്തി ചർച്ച! അതിർത്തി തർക്കം പരിഹരിച്ച് ഭൂട്ടാനുമായി നയതന്ത്രബന്ധം സ്ഥാപിക്കാനുള്ള ചൈനീസ് ശ്രമങ്ങൾ ഇന്ത്യയ്ക്ക് എങ്ങനെയാണ് വെല്ലുവിളിയാകുന്നത്? അതിനുള്ള ഉത്തരം അടുത്തിടെ ഇന്ത്യയ്ക്കു ലഭിച്ചിരുന്നു. ഭൂട്ടാനെ വരുതിയിലാക്കി വടക്കുകിഴക്കൻ അതിർത്തിയിൽ ഇന്ത്യയ്ക്ക് വെല്ലുവിളി ശക്തമാക്കാനൊരുങ്ങുകയാണ് ചൈന. അരുണാചൽ പ്രദേശിലെ സ്ഥലങ്ങൾക്ക് ചൈനീസ് പേരുകൾ നൽകിയും ഭൂപടം തിരുത്തിവരച്ചും ചൈന നടത്തുന്ന പ്രകോപനത്തെ ഇതുമായി ചേർത്തുവായിക്കേണ്ടതുണ്ട്. മേയ്ആദ്യവാരം മറ്റൊന്നു കൂടി സംഭവിച്ചു. ഇന്ത്യയ്ക്കു കീഴിലുള്ള ഷാക്‌സ്ഗാം താഴ്‌വരയിൽ ചൈന നിർമാണ പ്രവൃത്തികൾ ആരംഭിച്ചു. പാക്ക് അധിനിവേശ കശ്മീരിലാണ് ഈ ഭാഗമെന്നാണു പാക്കിസ്ഥാൻ പറയുന്നത്. 1963ലെ ചൈന–പാക്കിസ്ഥാൻ അതിർത്തി കരാർ പ്രകാരമാണ് നിലവിൽ ഷാക്‌സ്ഗാമിൽ നിർമാണ പ്രവൃത്തികൾക്ക് പാക്കിസ്ഥാൻ ചൈനയ്ക്ക് അനുവാദം നൽകിയത്. സമാനമായ കരാറുകൾ ചൈന ഭൂട്ടാനുമായും ഒപ്പിടുമോയെന്ന ആശങ്ക ഇന്ത്യയ്ക്കുണ്ട്. അങ്ങനെ സംഭവിച്ചാൽ അതിർത്തിയിൽ ഇന്ത്യയ്ക്ക് അത് പുതിയ ഭീഷണി സൃഷ്ടിക്കുകയും ചെയ്യും. ഇന്ത്യയുടെ ആശങ്ക അസ്ഥാനത്തല്ലെന്നാണ് സമീപകാല സംഭവവികാസങ്ങൾ വ്യക്തമാക്കുന്നതും. എങ്ങനെയാണ് ചൈന ഭൂട്ടാനുമായി അടുക്കുന്നതും ഇന്ത്യയ്ക്ക് തലവേദന സൃഷ്ടിക്കുന്നതും?
സ്മൃതിയെ പേടിച്ചാണോ രാഹുൽ അമേഠി വിട്ടത്? വാധ്‌ര വന്നില്ല, പ്രിയങ്കയും! എത്ര സുരക്ഷിതം റായ്ബറേലി?

20 വർഷം നീണ്ടുനിന്ന റായ്ബറേലി എന്ന മേൽവിലാസം ഉപേക്ഷിച്ച് രാജ്യസഭയിലേക്ക് സോണിയ ഗാന്ധി ചുവടുമാറ്റുമ്പോൾ, റായ്ബറേലിയിലെ വോട്ടർമാർക്ക് എഴുതിയ അതിവൈകാരികമായ കത്തിൽ ഒരു വരിയുണ്ടായിരുന്നു. ‘‘എന്റെ ഹൃദയവും ആത്മാവും എക്കാലവും നിങ്ങൾക്കൊപ്പമുണ്ടാകും. പഴയതുപോലെ എന്നും എനിക്കും എന്റെ കുടുംബത്തിനുമൊപ്പമുണ്ടാകണം’’. ഗാന്ധി കുടുംബത്തിൽ നിന്നു തന്നെയൊരാൾ റായ്ബറേലിയിൽ മത്സരിച്ചേക്കും എന്ന് പറയാതെ പറഞ്ഞ ആ പ്രസ്താവന ശരിവച്ചുകൊണ്ട് കോൺഗ്രസ് റായ്ബറേലിയിലെ സ്ഥാനാർഥിയായി പ്രഖ്യാപിച്ചിരിക്കുന്നത് രാഹുൽ ഗാന്ധിയെയാണ്. അമേഠിയിലും റായ്ബറേലിയിലും രാഹുലും പ്രിയങ്കയും മത്സരിക്കും എന്ന പ്രചാരണങ്ങൾക്ക്, അമേഠിയിലെ സ്ഥാനാർഥിയായി ഗാന്ധി കുടുംബത്തിന്റെ വിശ്വസ്തനായ കെ.എൽ.ശർമ്മയെ പ്രഖ്യാപിച്ചുകൊണ്ട് കോണ്‍ഗ്രസ് വിരാമമിടുകയും ചെയ്തു. വരുൺ ഗാന്ധിയുടെയും റോബർട്ട് വാന്ധ്രയുടെയും പേരു വരെ അമേഠിയിലെയും റായ്ബറേലിയിലെയും സ്ഥാനാർഥികളുടെ സാധ്യതാ പട്ടികയിൽ സമൂഹ മാധ്യമങ്ങളിൽ നിറഞ്ഞിരുന്നു.
‘മോദിക്കെതിരെ യോഗി, ഇന്ത്യയില്‍ സംവരണം ‘നിരോധിച്ച്’ അമിത് ഷാ’! ഈ തിരഞ്ഞെടുപ്പിൽ ഇതല്ല ഇതിനപ്പുറവും സംഭവിക്കും... കാരണമുണ്ട്!

2023 നവംബർ 30ന് രാവിലെ. തെലങ്കാന നിയമസഭാ തിരഞ്ഞെടുപ്പിൽ വോട്ട് രേഖപ്പെടുത്താൻ വോട്ടർമാർ വരിനിൽക്കുകയാണ്. ആ സമയത്ത് വോട്ടർമാരുടെ വാട്സാപ്പുകളിൽ ഒരു വിഡിയോ പ്രത്യക്ഷപ്പെട്ടു. അന്നത്തെ മുഖ്യമന്ത്രിയും ഭാരത് രാഷ്ട്ര സമിതി (ബിആർഎസ്) നേതാവുമായ കെ.ടി. രാമറാവു കോൺഗ്രസിന് അനുകൂലമായി വോട്ട് ചെയ്യാൻ ജനങ്ങളോട് ആഹ്വാനം ചെയ്യുന്നതായിരുന്നു അത്. വിഡിയോ വ്യാജമായിരുന്നു. തിരഞ്ഞെടുപ്പിൽ കോൺഗ്രസ് വിജയിക്കുകയും സംസ്ഥാനത്തിന്റെ മുഖ്യമന്ത്രിയായി രേവന്ത് റെഡ്ഡി അധികാരമേൽക്കുകയും ചെയ്തു. അതായത്, ആ എഐ നിര്‍മിത വ്യാജ വിഡിയോ നിരവധി വോട്ടര്‍മാരെ സ്വാധീനിച്ചിട്ടുണ്ടാകാം എന്നാണ് നിഗമനം. 2024ലെ ലോക്‌സഭാ തിരഞ്ഞെടുപ്പിൽ ജനാധിപത്യത്തിന്റെ മറ്റൊരുത്സവത്തിന് രാജ്യം സാക്ഷ്യം വഹിക്കുമ്പോൾ സമാനമായ നിരവധി വെല്ലുവിളികളാണ് മുന്നിലുള്ളത്. കോൺഗ്രസ് നേതാവ് രാഹുൽ ഗാന്ധി ബിജെപി സ്ഥാനാർഥി നരേന്ദ്ര മോദിക്ക് വോട്ട് ചെയ്യാൻ പറയുന്ന വിഡിയോകൾ വരെ രംഗത്തിറങ്ങിയേക്കാം. സാധാരണക്കാരായ കുറച്ചു പേരെങ്കിലും ഇത്തരം വിഡിയോകൾ വിശ്വസിക്കുകയും കൂടുതൽ പേരിലേക്ക് കൈമാറ്റം ചെയ്യുകയും ചെയ്തേക്കാം. നിർണായകമായ തിരഞ്ഞെടുപ്പിന് തൊട്ടുമുൻപ് വോട്ടർമാരുടെ അഭിപ്രായങ്ങളെ രൂപപ്പെടുത്തുന്നതിനോ സ്വാധീനിക്കുന്നതിനോ ഉള്ള ഒരു രീതി എന്ന നിലയിൽ ഡീപ്ഫേക്കുകളുടെ ഉപയോഗം വലിയ വെല്ലുവിളികൾ നേരിടുന്നുണ്ട്. തിരഞ്ഞെടുപ്പ് പ്രചാരണങ്ങളിൽ നിർമിതബുദ്ധി (എഐ) ദുരുപയോഗം ചെയ്യപ്പെടാൻ സാധ്യതയുള്ളത് ജനാധിപത്യ പ്രക്രിയകളുടെ സമഗ്രതയെക്കുറിച്ചും ആശങ്കകൾ ഉയർത്തുന്നു.
ഉടനെ മായില്ല വോട്ടിട്ട 'വിരൽ വര'; പക്ഷേ മാറും സുമലതയുടെ തലവര? രണ്ട് കൊക്കോയുണ്ടേല്‍ കോളടിച്ചു!

രണ്ട് ദിവസം മുൻപ് വോട്ടിട്ടപ്പോൾ നമ്മുടെ കൈ വിരലി‍ൽ പോളിങ് ഉദ്യോഗസ്ഥൻ വരച്ച ആ വര ഇപ്പോഴും മാഞ്ഞില്ല. ജൂൺ 4ന് ഫലം വരുമ്പോഴും അത് പൂർണമായും മാഞ്ഞ് തീരില്ല. അപ്പോൾ എന്താവും ഈ ‘മായാ മഷി’യുടെ രഹസ്യം? ആരാണ് ഈ രഹസ്യക്കൂട്ട് കണ്ടെത്തിയത്? ഇതൊക്കെ നിങ്ങൾ ഒരിക്കലെങ്കിലും ഓർത്തുകാണില്ലേ? മനോരമ ഓൺലൈൻ പ്രീമിയം സന്ദർശിച്ച പതിനായിരങ്ങൾക്ക് ഇപ്പോൾ ഈ രഹസ്യമറിയാം. അതുപോലെ ഇപ്പോഴത്തെ ഈ കൊടും ചൂടിനെ പറ്റിയും ആശ്വസിക്കാവുന്ന ഒരു കാര്യമുണ്ട്... മാസങ്ങളായി നമ്മളെ ബുദ്ധിമുട്ടിക്കുന്ന ചൂടിന്റെ കാഠിന്യം അവസാനിക്കാൻ പോകുന്നു, ഒപ്പം വരാൻ പോകുന്ന മഴ വിശേഷവും. എൽ നിനോ’ ‘ലാ നിന’ പ്രതിഭാസം എന്നൊക്കെ പലകുറി നാം കേട്ടിട്ടുണ്ടെങ്കിലും ഇതെല്ലാം സാധാരണക്കാരന് മനസ്സിലാവുന്ന രീതിയിലാണ് കുസാറ്റിലെ അഡ്വാൻസ്ഡ് സെന്റർ ഫോർ അറ്റ്മോസ്ഫറിക് റഡാർ ഡയറക്ടർ ഡോ. എസ്. അഭിലാഷ് വിവരിച്ചത്. യുഎഇ വെള്ളപ്പൊക്കത്തിന് ശേഷം തുടർച്ചയായി രണ്ടാം ആഴ്ചയും കാലാവസ്ഥയെ കുറിച്ചുള്ള പ്രീമിയം റിപോർട്ട് പോയവാരത്തെ ടോപ് 5ൽ ഇടം നേടി.
കാശ് വേണോ, കേന്ദ്രം പറയുന്നത് കേരളം കേൾക്കണം! കുട്ടികളുടെ പഠനം വച്ചു വേണോ ഇത്? അഞ്ചാം വയസ്സിൽ ഇനി ഒന്നിൽ ചേർക്കാനാവില്ലേ!

ഒന്നാം ക്ലാസ് പ്രവേശനത്തിനുള്ള പ്രായപരിധി സംസ്ഥാനത്ത് അഞ്ച് വയസ്സായി തന്നെ തുടരുമോ? അടുത്ത അധ്യയനവർഷം പുതിയ തീരുമാനങ്ങൾ വന്നാൽ ഒരു വർഷം നഷ്ടപ്പെടുമോ? വീണ്ടും ക്ലാസുകൾ ആരംഭിക്കാൻ 2 മാസം ശേഷിക്കെ സംസ്ഥാനത്തെ ഒരു കൂട്ടം മാതാപിതാക്കളുടെ ആധിയാണിത്. ദേശീയ വിദ്യാഭ്യാസ നയം 2020 അനുസരിച്ച് ഒന്നാം ക്ലാസ് പ്രവേശനത്തിനുള്ള പ്രായപരിധി 6 വയസ്സ് ആക്കണം എന്നാണ് കേന്ദ്രസർക്കാർ പറയുന്നത്. സംസ്ഥാനത്ത് അത് നടപ്പാക്കില്ല എന്ന് സർക്കാർ പറയുന്നുണ്ടെങ്കിലും കേന്ദ്രസർക്കാരിന്റെ സമ്മർദം തുടർന്നാൽ 5 വയസ്സിൽ ഒന്നാം ക്ലാസ് പ്രവേശനം നിഷേധിക്കപ്പെടുമോ എന്നാണ് ആശങ്ക. ദേശീയ വിദ്യാഭ്യാസ നയം പൂർണമായും സംസ്ഥാനത്ത് നടപ്പാക്കേണ്ടി വരുമോ? 5 വയസ്സിൽ തന്നെ പഠനം തുടരാൻ സാധ്യതകളുണ്ടോ? എന്തുകൊണ്ടാണ് കേന്ദ്രം ഇക്കാര്യത്തില്‍ നിർബന്ധം പിടിക്കുന്നത്? കേരളത്തിലെ സാഹചര്യങ്ങളിൽ ഇത് എത്രത്തോളം പ്രാവർത്തികമാണ്?
സ്വന്തമായി സ്വർണഖനികൾ, രാജാവിന്റെ ജോലിക്കാർക്ക് റോൾസ് റോയ്സ്: ആ ‘മായാ മഷി’യുടെ രഹസ്യം ഇന്നും അറിയുക 2 പേർക്ക്!

കോടീശ്വരനായ ഒരു രാജാവ്. അദ്ദേഹത്തിനു കീഴിലുള്ള സ്വർണഖനികളിൽനിന്നുള്ള വരുമാനം തന്നെ എണ്ണിയാലൊടുങ്ങില്ല. റോൾസ് റോയ്സ് കാറുകളോടായിരുന്നു പ്രിയം. അവ വിദേശത്തുനിന്ന് ഇറക്കുമതി ചെയ്ത് കൊട്ടാരത്തിലെ ജീവനക്കാർക്കു യാത്രയ്ക്കു വേണ്ടി നൽകുന്നതും രാജാവിന്റെ ‘ഹോബി’യായിരുന്നു. മൈസൂരു പ്രവിശ്യയിലെ നാൽവഡി കൃഷ്ണരാജ വൊഡയാർ നാലാമനെപ്പറ്റിയാണ് (1884–1940) ഈ പറയുന്നത്. മൈസൂരുവിന്റെ ഇരുപത്തിനാലാമത്തെ രാജാവായിരുന്നു കൃഷ്ണരാജ വൊഡയാർ. 1902ൽ രാജകിരീടം ഏറ്റുവാങ്ങുമ്പോൾ അദ്ദേഹത്തിനു പ്രായം വെറും 18. പിന്നീട് അൻപത്തിയാറാമത്തെ വയസ്സിൽ വിട പറയുമ്പോഴേക്കും മൈസൂരുവിന്റെ മുഖച്ഛായ തന്നെ മാറ്റിയിരുന്നു കൃഷ്ണരാജ. അതിനാൽത്തന്നെ അദ്ദേഹം അറിയപ്പെടുന്നതാകട്ടെ ആധുനിക മൈസൂരുവിന്റെ പിതാവ് എന്നും. സ്റ്റേറ്റ് ബാങ്ക് ഓഫ് മൈസൂർ ഉൾപ്പെടെ ഒട്ടേറെ സ്ഥാപനങ്ങൾ ഇദ്ദേഹത്തിന്റെ കാലത്താണ് ആരംഭിക്കുന്നത്. വികസന നയങ്ങളാലും ജനത്തിനോടുള്ള സ്നേഹത്താലും എല്ലാവരും അദ്ദേഹത്തെ വിശേഷിപ്പിച്ചിരുന്നത് ‘സാത്വികനായ രാജാവ്’ എന്നായിരുന്നു. മഹാത്മാഗാന്ധിയുടെ വരെ പ്രീതി പിടിച്ചുപറ്റിയ കൃഷ്ണരാജ ഇന്നും നമ്മുടെയെല്ലാം മനസ്സിൽ ഒരിക്കലും മായാത്ത മഷി പോലെ പറ്റിച്ചേർന്നിരിപ്പുണ്ട്. അതിനു കാരണമായതും ഒരു മഷിയാണ്. പറഞ്ഞുവരുന്നത് കൃഷ്ണരാജ ആരംഭിച്ച മൈസൂർ പെയിന്റ്സ് ആൻഡ് വാർണിഷ് ലിമിറ്റഡിനെപ്പറ്റിയാണ് (എംപിവിഎൽ). 1937ലാണ് ഈ കമ്പനിയുടെ തുടക്കം. ആരംഭത്തിലെ പേര് മൈസൂർ ലാക് ആൻഡ് പെയിന്റ് വർക്സ് ലിമിറ്റഡ്. ലാക് എന്നാൽ അരക്ക്. അന്ന് മൈസൂരുവിലെ കാടുകളിൽനിന്ന് വൻതോതിൽ പല തരത്തിലുള്ള ഉൽപന്നങ്ങള്‍ ശേഖരിച്ചിരുന്നു. ഇവയ്ക്ക് മികച്ച വില ലഭ്യമാക്കി ജനങ്ങളുടെ ജീവിതനിലവാരം മെച്ചപ്പെടുത്താനുള്ള ശ്രമത്തിലായിരുന്നു രാജാവ്. അതിനു വേണ്ടിയാണ് കമ്പനി സ്ഥാപിച്ചതും.
ഇവിഎമ്മിൽ നമ്മളിട്ട വോട്ടിന്റെ ‘ലൈഫ്’ എത്ര? കറന്റ് പോയാൽ യന്ത്രത്തിലെ വോട്ടും മായുമോ?

രാജ്യത്ത് ഓരോ തിരഞ്ഞെടുപ്പ് വരുമ്പോഴും ഇലക്ട്രോണിക് വോട്ടിങ് യന്ത്രം (ഇവിഎം) വലിയ ചർച്ചാ വിഷയമാകാറുണ്ട്. ഇതുമായി ബന്ധപ്പെട്ട സാങ്കേതിക കാര്യങ്ങളിലുള്ള ആശങ്ക പല പാർട്ടികളും വ്യക്തികളും ഉന്നയിക്കാറുമുണ്ട്. ഇത്തവണ വിഷയം സുപ്രീംകോടതി കയറുകയും ചെയ്തു. എന്നാൽ സംശയങ്ങൾക്കെല്ലാം തിരഞ്ഞെടുപ്പ് കമ്മിഷന്റെ ഔദ്യോഗിക വെബ്സൈറ്റ് വഴി വിശദീകരണം നൽകിയിട്ടുണ്ട്. അപ്പോഴും, ചില വിഷയങ്ങളിൽ വിശദീകരണം ലഭ്യമായിട്ടില്ലെന്നാണ് കോടതിയിൽ ഫയൽ ചെയ്ത കേസുകളിൽനിന്ന് വ്യക്തമാകുന്നത്. ഇവിഎമ്മിനെ കുറിച്ച് പതിവായി ചോദിക്കുന്ന ചോദ്യങ്ങൾക്ക് തിരഞ്ഞെടുപ്പു കമ്മിഷൻ 2024ൽതന്നെ രണ്ടു തവണ മറുപടി നൽകിയിരുന്നു. തിരഞ്ഞെടുപ്പുമായി ബന്ധപ്പെട്ട പുതിയ ചോദ്യങ്ങൾ ഉൾപ്പെടെയായി ഫെബ്രുവരി 7നാണ് കമ്മിഷന്റെ ഔദ്യോഗിക വെബ്‌സൈറ്റിൽ അവസാനമായി അപ്‌ഡേറ്റും ചെയ്തു. എങ്ങനെയാണ് ഇവിഎമ്മിന്റെ പ്രവർത്തനം? ഇതിൽ സ്ഥാനാർഥിയുടെ പേരും ചിഹ്നവും ഉൾപ്പെടെ ചേർക്കുന്നത് എങ്ങനെയാണ്? ഇവിഎമ്മിനെ പുറത്തുനിന്ന് നിയന്ത്രിക്കാനാകുമോ?
‘മത്സരിക്കാതിരുന്നാൽ മന്ത്രിയാക്കാം’: ഒടുവിൽ പിന്മാറ്റം; ‘ഇനി മോദിക്കൊപ്പം’; സുമലത സഹായിച്ചാൽ മാണ്ഡ്യയിൽ രക്ഷ

സുമലത എന്നാൽ മലയാളികൾക്ക് മഴ തോർന്നൊലിക്കും പോലെ കണ്മുന്നിൽനിന്ന് യാത്ര പറഞ്ഞകന്ന, പത്മരാജന്റെ ക്ലാരയാണ്. 1980ൽ പുറത്തിറങ്ങിയ ‘മൂർഖൻ’ എന്ന ജയൻ ചിത്രത്തിൽ തുടങ്ങി പത്ത് വർഷക്കാലം മലയാള സിനിമയുടെ അവിഭാജ്യഘടകമായിരുന്നു അവർ. ഇന്നും മലയാളികൾ ഓർത്തിരിക്കുന്ന ഒരു പിടി ചിത്രങ്ങളെടുത്താൽ അതിലുണ്ടാകും തൂവാനത്തുമ്പികളിലെ ക്ലാരയും ന്യൂഡൽഹിയിലെ മരിയ ഫെർണാണ്ടസുമെല്ലാം. ഇസബെല്ല എന്ന ചിത്രത്തിലെ ടൂർ ഗൈഡ്, ‘ഇടവേളയ്ക്കു ശേഷ’ത്തിലെ സിന്ധു, ‘തേനും വയമ്പും’ ചിത്രത്തിലെ ശ്രീദേവി എന്നിങ്ങനെ പിന്നെയും എത്രയെത്ര കഥാപാത്രങ്ങള്‍. 1990ല്‍ താഴ്‌വാരം, പുറപ്പാട്, ഈ തണുത്ത വെളുപ്പാൻ കാലത്ത്, പരമ്പര, നമ്പർ 20 മദ്രാസ് മെയിൽ എന്നീ ചിത്രങ്ങളിലൂടെ മലയാള സിനിമയിൽ കത്തി നിൽക്കുന്ന സമയത്താണ് പെട്ടെന്ന് അവർ അപ്രത്യക്ഷയായത്. പിന്നീട് ചുരുക്കം ചില കന്നഡ സിനിമകളും തെലുങ്ക് സിനിമകളുമായി ചുരുങ്ങിക്കൂടി. അതിനിടെ കന്നഡ താരം അംബരീഷിനെ വിവാഹം ചെയ്തു. കന്നഡ, തെലുങ്ക്, മലയാളം, തമിഴ്, ഹിന്ദി ഭാഷകളിലായി ഇരുനൂറിലേറെ ചിത്രങ്ങളിൽ അഭിനയിച്ച സുമലത പക്ഷേ വീണ്ടും തലക്കെട്ടുകളിൽ നിറഞ്ഞത് സിനിമയുടെ പേരിലായിരുന്നില്ല, കഴിഞ്ഞ ലോക്സഭാ തിരഞ്ഞെടുപ്പ് കാലത്തായിരുന്നു.
വഴിയിലെമ്പാടും വണ്ടി പരിശോധന; പക്ഷേ, ജോഷിയുടെ വജ്രവും സ്വർണവും പോയത് കണ്ടില്ല! ‘കാറ്റിന്’ 90 രൂപ, കാടുവെട്ടാൻ 310!

തിരഞ്ഞെടുപ്പ് പ്രഖ്യാപനത്തിനു പിന്നാലെ കേരളത്തിൽ ഹിറ്റായ ഒരു ട്രോൾ ഉണ്ട്. കാറിന്റെ ഡിക്കി തുറന്നുവച്ചുകൊണ്ട് പോകുന്ന ഒരാൾ. എന്താണു സംഗതിയെന്നു ചോദിച്ചാൽ മറുപടി ഉടനെത്തി: ‘‘രാവിലെ വണ്ടിയെടുത്ത് പുറത്തിറങ്ങിയാൽ വഴിനീളെ പരിശോധനയാണ്. ഒരു പത്തുനൂറിടത്തെയെങ്കിലും പരിശോധന കഴിഞ്ഞിട്ടേ യാത്ര അവസാനിപ്പിക്കാനാകുകയുള്ളൂ. ഓരോ തവണയും വണ്ടി നിർത്തി പുറത്തിറങ്ങി ഡിക്കി തുറന്നുകൊടുക്കുന്നതിനേക്കാൾ നല്ലതല്ലേ അത് തുറന്നിട്ട് യാത്ര ചെയ്യുന്നത്..?’’ തിരഞ്ഞെടുപ്പു കാലത്തെ ഈ പരിശോധനയിൽ പെടാത്തവർ അപൂർവമായിരിക്കുമെന്ന് നിസ്സംശയം പറയാം. പക്ഷേ ഒന്നും ചെയ്യാനാകില്ല, കാരണം തിരഞ്ഞെടുപ്പുചെലവിൽ അനിയന്ത്രിതമായി പണമൊഴുകുന്നുണ്ടോയെന്നു പരിശോധിക്കാൻ അത്രയേറെ സുരക്ഷാ ഉദ്യോഗസ്ഥരെയാണ് സംസ്ഥാനത്ത് നിയോഗിച്ചിരിക്കുന്നത്. അപ്പോഴും ഒരു ചോദ്യം ബാക്കി; സംവിധായകൻ ജോഷിയുടെ വീട്ടിൽ മോഷണം നടത്തി ഒരു കോടിയോളം വില വരുന്ന സ്വർണ, വജ്രാഭരണങ്ങളുമായി മോഷ്‌ടാവ് കൊച്ചിയിൽനിന്ന് കർണാടകയിലെ ഉഡുപ്പി വരെ വണ്ടിയോടിച്ചു പോയപ്പോൾ ആരും പരിശോധിച്ചില്ലേ?
ജാതി സെൻസസ്, ജനസംഖ്യാനുപാതിക സംവരണം: കോൺഗ്രസിനെ അവഗണിച്ച് ബിജെപി; ഇന്ത്യാ സഖ്യത്തിലും മുറുമുറുപ്പ്

ഒന്നാംഘട്ട വോട്ടെടുപ്പു തുടങ്ങാൻ നാലു ദിവസം മാത്രം ശേഷിക്കെ, നിലവിൽ അധികാരത്തിലുള്ള ഭാരതീയ ജനതാ പാർട്ടി (ബിജെപി) ഏപ്രിൽ 15ന് പുറത്തിറക്കിയ പ്രകടനപത്രിക ശ്രദ്ധേയമാകുന്നത് ബോധപൂർവമുള്ള മറവിയുടെ പേരിലാണ്. അതിന് 10 ദിവസം മുൻപ് ഏപ്രിൽ 5ന് മുഖ്യ പ്രതിപക്ഷ പാർട്ടിയായ കോൺഗ്രസ് പ്രകടനപത്രിക പ്രസിദ്ധീകരിച്ചിരുന്നു. യുവാക്കൾക്കും വനിതകൾക്കും സാമൂഹികമായി പിന്നാക്കം നിൽക്കുന്ന വിഭാഗങ്ങൾക്കും നിരവധി വാഗ്ദാനങ്ങൾ ലോഭംകൂടാതെ നൽകിയ കോൺഗ്രസിനുള്ള മറുപടിയാവും ബിജെപിയുടെ പ്രഖ്യാപനം എന്നു കരുതിയവർ നിരാശരായി. 2019ൽ നടന്ന ലോക്സഭാ തിരഞ്ഞെടുപ്പിൽ, ഫ്രഞ്ച് സാമ്പത്തിക വിദഗ്ധൻ തോമസ് പിക്കറ്റിയുമായി ചർച്ച ചെയ്ത് കോൺഗ്രസ് മുന്നോട്ടുവച്ച ‘മിനിമം വരുമാനം ഉറപ്പു നൽകുന്ന പദ്ധതി’ ഉൾപ്പെടെ പിന്നീട് ബിജെപി പ്രസിദ്ധീകരിച്ച പത്രികയിലെ വാഗ്ദാന പ്രഭയിൽ മങ്ങിപ്പോയിരുന്നു. ഇത്തവണ ബിജെപി വിട്ടുകളഞ്ഞതോ അവഗണിച്ചതോ ആയ വിഷയങ്ങളിൽ പ്രധാനം ജാതി സെൻസസും അതിന്റെ അടിസ്ഥാനത്തിലുള്ള ജനസംഖ്യാനുപാതിക സംവരണവുമാണ്. 2023 അവസാനം 5 സംസ്ഥാന നിയമസഭകളിലേക്കു നടന്ന തിരഞ്ഞെടുപ്പിൽത്തന്നെ ജാതി സെൻസസ് മുഖ്യ അജൻഡയാക്കാൻ രാഹുൽ ഗാന്ധി ശ്രമിച്ചിരുന്നു.
‘വടേരേന്റെ ഷാഫി’യും ‘നാട്യങ്ങളില്ലാതെ ടീച്ചറമ്മ’യും ‘മോദി ഗാരന്റി’യും: വടകരയിലെ ആ വോട്ടുകളിലാണ് എല്ലാ കണ്ണും

2021 നിയമസഭാ തിരഞ്ഞെടുപ്പിൽ സംസ്ഥാനത്ത് ഏറ്റവും അധികം ഭൂരിപക്ഷം നേടിയ കെ.കെ.ശൈലജ ഒരു വശത്ത്, കേരളത്തെ മുഴുവൻ ആകാംക്ഷയുടെ മുൾമുനയിൽ നിർത്തി അവസാന ലാപ്പിൽ പാലക്കാട് ജയിച്ചു കയറിയ ഷാഫി പറമ്പിൽ മറുവശത്ത്. പോരാട്ടത്തിന്റെ കനൽക്കാറ്റ് വീശുന്ന വടകരയിൽ ആര് ജയിക്കുമെന്നത് പ്രവചനാതീതം. തിരഞ്ഞെടുപ്പ് പ്രചാരണങ്ങൾക്ക് മുന്‍പ് തന്നെ ആരോപണ പ്രത്യാരോപണങ്ങൾ കൊണ്ട് ചൂടുപിടിച്ച മണ്ഡലമായി മാറിക്കഴിഞ്ഞിരുന്നു വടകര. ജനവിധിക്ക് ദിവസങ്ങൾ ബാക്കിനിൽക്കെയും വിവാദങ്ങൾക്ക് വടകരയിൽ പഞ്ഞമില്ല. വടകര തിരിച്ചുപിടിക്കാനുള്ള അഭിമാനപ്പോരാട്ടത്തിന് എൽഡിഎഫും സീറ്റ് നിലനിർത്തുക എന്ന വാശിയിൽ യുഡിഎഫും ഇറങ്ങുമ്പോൾ മണ്ഡലം ആരെ പിന്തുണയ്ക്കും? കോഴിക്കോടും കണ്ണൂരുമായി നീണ്ടുനിവർന്നു കിടക്കുന്ന വടകര ലോക്സഭാ മണ്ഡലത്തിൽ എംപിയാകാൻ, എംഎൽഎമാർ തമ്മിലുള്ള നേർക്കുനേർ പോരാട്ടമാണ് നടക്കുന്നത്. ജനം തിരഞ്ഞെടുക്കുന്ന ‘വിജയ ഫോർമുല’യെ സ്വാധീനിക്കുന്ന ഘടകങ്ങളിൽ ടിപി മുതല്‍ പാനൂരിലെ കുഴിബോംബും സിഎഎയും വിവാദ ചിത്രങ്ങളും വിഡിയോയും വരെയുണ്ട്. അടിമുടി രാഷ്ട്രീയം പറയുന്ന വടകരയില്‍ ചരിത്രമെഴുതുന്നത് ആരാകും?
Top Five

ദക്ഷിണേന്ത്യ വിടാതെ മോദിയും രാഹുലും; ചിത്ര പറഞ്ഞു അപൂർവ പ്രണയ കഥ; ആ രാത്രി സംഭവിച്ചത്

രാജ്യം കാത്തിരുന്ന ലോക്സഭാ തിരഞ്ഞെടുപ്പിന്റെ ആദ്യഘട്ടത്തിന്റെ വോട്ട് പെട്ടിയിലായിരിക്കുന്നു. ഇനി ആറ് ഘട്ടമാണ് ബാക്കിയുള്ളത്. കേരളം പോളിങ് ബൂത്തിലേക്ക് മാർച്ച് ചെയ്യുന്ന ദിനം അടുത്തിരിക്കെ മനോരമ ഓൺലൈൻ പ്രീമിയം ഒട്ടേറെ തിരഞ്ഞെടുപ്പ് റിപ്പോർട്ടുകളാണ് പോയവാരം പ്രിയ വായനക്കാരിലേക്ക് എത്തിച്ചത്. തിരഞ്ഞെടുപ്പ് വാർത്തകളിൽ ഏറെ ശ്രദ്ധേയമായത് ദക്ഷിണേന്ത്യയിൽ നരേന്ദ്ര മോദി പ്രചാരണത്തിനായി സ്ഥിരമായി വരുന്നതിനും രാഹുൽ ഗാന്ധി വയനാട്ടിൽ മത്സരിക്കുന്നതിനും പിന്നിലെ കാരണം വിവരിച്ച റിപ്പോർട്ടായിരുന്നു. എന്തു കൊണ്ടാണ് വോട്ട് തേടി എല്ലാ കണ്ണുകളും ദക്ഷിണേന്ത്യയിലേക്ക് വരുന്നത് എന്നതിന്റെ കാരണമറിയാൻ മലയാളി ഏറെ താത്പര്യം കാട്ടി.
അത് കൃത്രിമ മഴയല്ല; ദുബായിലെ പെരുമഴയ്ക്കും മുംബൈയിലെ കൊടുംചൂടിനും കാരണം ഒന്ന് ! ഇത് കേരളത്തിന് മുന്നറിയിപ്പ്

ഈ ഡിസംബറിൽ ലോക കാലാവസ്ഥാ ഉച്ചകോടിയുടെ 28–ാം സമ്മേളനത്തിന് (കോപ്–28) ആതിഥേയത്വം വഹിച്ച് നാലു മാസം കഴിയുന്നതിനു മുൻപേ ആഗോള താപനഫലമായ തീവ്രമഴയിൽ ദുബായ് മുങ്ങി എന്നത് ചരിത്രത്തിനു നേരിട്ടു പ്രകൃതി നൽകിയ ഒരു മുന്നറിയിപ്പാകാം. യുഎഇയിൽ കാലാവസ്ഥാ നിരീക്ഷണം ആരംഭിച്ചതിന്റെ പ്ലാറ്റിനം ജൂബിലി വർഷമാണ് ഇത് എന്നതാണ് മറ്റൊരു പ്രത്യേകത. മഴ കുറവുള്ള ഇവിടെ വല്ലപ്പോഴും പെയ്യുന്ന മഴ അടയാളപ്പെടുത്തി വയ്ക്കാൻ തുടങ്ങിയത് 1949 ലാണ്. ബ്രിട്ടീഷ് പാരമ്പര്യം പിന്തുടരുന്നതിനാൽ ഇത്തരം വിവരങ്ങൾ രേഖപ്പെടുത്തുന്ന പതിവ് നേരത്തെ തുടങ്ങാനായി. യുഎഇ നിലവിൽ വരുന്നത് 1971 ൽ ആണെങ്കിലും പെട്രോളിയം ഖനനം ആരംഭിക്കുന്നതിനും മുൻപേ ഈ മേഖലയിൽ കാലാവസ്ഥാ നിരീക്ഷണത്തിനു തുടക്കമിട്ടിരുന്നതായി കാണാം. യുഎഇയുടെ ഒമാൻ അതിർത്തിയോടു ചേർന്നുള്ള അൽ ഐൻ നഗരത്തിൽ ഈ ചൊവ്വാഴ്ച 24 മണിക്കൂറിൽ രേഖപ്പെടുത്തിയ 254 മില്ലീമീറ്റർ മഴയാണ് സർവകാല റെക്കോഡുകളെ ഭേദിച്ച് കാലാവസ്ഥാ നിരീക്ഷണത്തിന്റെ 75–ാം വർഷത്തെ സംഭവബഹുലമാക്കിയത്. ഒന്നര വർഷം കൊണ്ടു കിട്ടേണ്ട മഴ ഏതാനും മണിക്കൂറുകൾക്കുള്ളിൽ പെയ്തിറങ്ങി. ഇന്ത്യൻ കാലാവസ്ഥാ വകുപ്പിന് 150 വർഷം തികയുന്ന വേളയുമാണിത്.
ഒരിറ്റു ചോര വീണില്ല! നടുക്കടലിൽ 40 മണിക്കൂർ യുദ്ധം; ലോകത്തെ ഞെട്ടിച്ച് ഇന്ത്യൻ നാവികസേനയും ‘മാർക്കോസും’

2023 ഡിസംബർ 14നാണ് മാൾട്ട റജിസ്ട്രേഷനുള്ള എംവി റുവൻ എന്ന വാണിജ്യ കപ്പലിൽ നിന്ന് ഇന്ത്യൻ നാവികസേനയ്ക്ക് സഹായത്തിനായി ഒരു കോൾ ലഭിക്കുന്നത്. സൊമാലിയൻ കടൽക്കൊള്ളക്കാരുടെ വെടിയേറ്റ് പരുക്കേറ്റ കപ്പൽ ജീവനക്കാരനെ രക്ഷിക്കണമെന്നായിരുന്നു ആ ഫോൺ സന്ദേശം. തൊട്ടുപിന്നാലെ, പരുക്കേറ്റ ജീവനക്കാരനെ നാവികസേനയുടെ ഐഎൻഎസ് കൊച്ചി പടക്കപ്പലെത്തി രക്ഷിക്കുകയും ചെയ്തു. കടൽക്കൊള്ളക്കാരുമായി നടന്ന ചർച്ചകൾക്ക് ശേഷമാണ് ജീവനക്കാരനെ രക്ഷിച്ച് ചികിത്സയ്ക്കായി ഒമാനിലെത്തിക്കാൻ ഇന്ത്യൻ നാവികസേനയ്ക്ക് സാധിച്ചത്. കപ്പൽ മോചിപ്പിക്കാണോ മറ്റു ജീവനക്കാരെ രക്ഷിക്കാനോ അന്ന് സാധിച്ചില്ല. പക്ഷേ മൂന്നു മാസങ്ങൾക്കിപ്പുറം എംവി റുവൻ കപ്പലിനെയും അതിലെ ജീവനക്കാരെയും പ്രത്യേക ദൗത്യത്തിലൂടെ ഇന്ത്യൻ നാവിക സേന രക്ഷിച്ചു. എന്തായിരുന്നു ആ ദൗത്യത്തിൽ സംഭവിച്ചത്? കടൽക്കൊള്ളക്കാരെ നേരിടാൻ എന്തൊക്കെ സംവിധാനങ്ങളും ഒരുക്കങ്ങളുമാണ് ഇന്ത്യൻ നാവികസേന സജ്ജീകരിച്ചത്? പരിശോധിക്കാം. ലോകത്തിലെ ഏറ്റവും മികച്ച സേനകളിൽ ഒന്നാണ് ഇന്ത്യൻ നാവികസേന. ചൈനയേയും പാക്കിസ്ഥാനെയും നിലയ്ക്കു നിർത്താൻ അത്യാധുനിക പടക്കപ്പലുകളും ആയുധങ്ങളുമായി കടലിൽ പ്രതിരോധം ശക്തമാക്കിയിട്ടുള്ള ഇന്ത്യൻ നാവികസേന കടൽക്കൊള്ളക്കാരുടെയും പേടിസ്വപ്നമാണ്. വാണിജ്യ കപ്പലുകളെയും വ്യാപാര പാതകളെയും സംരക്ഷിക്കുന്നതിൽ നാവികസേന പ്രധാന പങ്ക് വഹിക്കുന്നു. നിരീക്ഷണം, പട്രോളിങ്, പ്രത്യാക്രമണങ്ങൾ എന്നിവ വഴി കടൽക്കൊള്ളക്കാരുടെ ഭീഷണികളെ ഫലപ്രദമായി തടയുന്നതിനായും ഇന്ത്യൻ നാവിക സേന സജീവമായി പ്രവർത്തിക്കുന്നുണ്ട്.
‘ആ സിനിമകള്‍ക്കായി ഇറക്കുന്നത് ‘ടൺ കണക്കിന്’ പണം: ഷഹലയും കനയ്യയും മാത്രമല്ല ജെഎൻയുവിലെ ഇടതുപക്ഷം’

‘ഒരു വിദ്യാഭ്യാസ സ്ഥാപനത്തിനു രാജ്യത്തെ പിളർത്താനാവുമോ’ എന്ന ചോദ്യം ഉന്നയിച്ചുകൊണ്ടായിരുന്നു ജെഎൻയു എന്ന സിനിമയുടെ പ്രഖ്യാപനം. പക്ഷേ സിനിമയിലെ ‘ജെഎൻയു’വിന് നൽകിയ മുഴുവൻ പേര് ‘ജഹാംഗിർ നാഷനൽ യൂണിവേഴ്സിറ്റി’ എന്നായിരുന്നു. ചിത്രത്തിന്റെ പ്രഖ്യാപനത്തിനു തൊട്ടുപിന്നാലെ ഡൽഹി ജവാഹർലാൽ നെഹ്‌റു യൂണിവേഴ്സിറ്റി സ്റ്റുഡന്റ് യൂണിയനിലേക്ക് തിരഞ്ഞെടുപ്പു നടന്നു. ആ ക്യാംപസിലെ യഥാർഥ സംഭവവികാസങ്ങളെ ആസ്പദമാക്കിയാണ് സിനിമ ഒരുക്കിയതെന്ന് പിന്നാമ്പുറ സംസാരമുണ്ടെങ്കിലും, ജെഎൻയുവിൽ പഠിക്കുന്നവരും പഠിച്ചിറങ്ങിയവരും ഒരേസ്വരത്തിൽ അതിനെ എതിര്‍ക്കും. ആ ക്യാംപസിന്റെ ചുമരുകളിൽ ആ ശബ്ദം പ്രതിധ്വനിക്കും. അതാണ് ജെഎൻയു. ഇത്തവണ ജെഎൻയു സ്റ്റുഡന്റ്സ് യൂണിയൻ സെൻട്രൽ പാനലിലുള്ള നാല് സീറ്റുകളിലും എബിവിപിയെ പൂർണമായും തൂത്തെറിഞ്ഞ് വമ്പിച്ച ഭൂരിപക്ഷത്തോടെയാണ് ഇടതുപക്ഷ പാർട്ടികൾ ഭരണം നേടിയത്. നാല് വർഷത്തെ നീണ്ട കാലയളവിന് ശേഷം നടക്കുന്ന തിരഞ്ഞെടുപ്പ് ചരിത്രം കുറിച്ചത് ഭൂരിപക്ഷത്തിനപ്പുറം നിലപാടുകളിലെ കടുംപിടിത്തങ്ങളിലൂടെയും പ്രതിരോധ പ്രവർത്തനങ്ങളിലൂടെയുമായിരുന്നു. 27 വർഷങ്ങൾക്ക് ശേഷം സ്റ്റുഡന്റ് യൂണിയൻ പ്രസിഡന്റായി ഒരു ദലിത് വിദ്യാർഥി എത്തുന്നുവെന്ന പ്രത്യേകതയുമുണ്ടായിരുന്നു- ഓൾ ഇന്ത്യ സ്റ്റുഡന്റ് അസോസിയേഷൻ അംഗം ധനഞ്ജയ് സങ്വാരി.
ഇന്ധനവില കുതിക്കുമോ? സ്വർണവിലയും ഞെട്ടലിലേക്ക്? ആ രാത്രി സംഭവിച്ചതെന്ത്? നെഞ്ചിടിപ്പോടെ കേന്ദ്ര സർക്കാരും

ഏപ്രിൽ 13ന് രാത്രി, ഇസ്രയേലിലുടനീളം സൈറണുകൾ മുഴങ്ങി, രാജ്യം വലിയൊരു പ്രതിസന്ധിയെ നേരിടാൻ പോകുകയാണെന്ന് മനസ്സിലുറപ്പിച്ച് ജനം പുറത്തിറങ്ങാതെ സുരക്ഷിത താവളങ്ങളിലേക്ക് ഓടി. ഇസ്രയേലിന്റെ തെക്ക്, വടക്ക് പ്രദേശങ്ങളിലുള്ള സൈനിക താവളങ്ങൾക്ക് സമീപവും ജറുസലേമിനു പരിസരത്തുമാണ് സൈറൻ മുഴങ്ങിയത്. ഇറാൻ ഇസ്രയേലിനെ ആക്രമിക്കാൻ പദ്ധതിയിടുന്നതായി ദിവസങ്ങൾക്ക് മുൻപേ മുന്നറിയിപ്പ് ലഭിച്ചിരുന്നു. ഇതിനാൽ തന്നെ എല്ലാ ഒരുക്കങ്ങളും രാജ്യം നടത്തിയിട്ടുണ്ടാകുമെന്ന വിശ്വാസം ജനങ്ങൾക്കുണ്ടായിരുന്നു, ആ വിശ്വാസത്തോടെയാണ് പലരും ഉറങ്ങാൻ പോയത്. രാജ്യത്തെ പൗരൻമാരുടെ ആ വിശ്വാസം സംരക്ഷിക്കാൻ ഇസ്രയേൽ സൈന്യത്തിന് സാധിക്കുകയും ചെയ്തു. യുഎസ് സൈന്യത്തിന്റെ ശക്തമായ പിന്തുണയാണ് ഇസ്രയേലിനെ രക്ഷിച്ചതെന്നാണ് റിപ്പോർട്ടുകൾ. ഇറാന്റെ അത്യാധുനിക സായുധ ഡ്രോണുകളും മിസൈലുകളുമാണ് ഇസ്രയേലിലേക്ക് പറന്നതെത്തിയത്. എന്നാൽ എല്ലാം ഭംഗിയായി, കൃത്യമായ സമയത്ത് നേരിടാൻ സാധിച്ചുവെന്ന് തന്നെയാണ് രാജ്യാന്തര മാധ്യമങ്ങൾ റിപ്പോർട്ട് ചെയ്യുന്നത്. അതേസമയം, ഇറാനെതിരെ ഇസ്രയേലിന്റെ തിരിച്ചടി എങ്ങനെയായിരിക്കുമെന്ന് നിരീക്ഷിക്കുകയാണ് ലോകം. ഇതിനിടെ ഇസ്രയേലിന്റെ ചരക്കുകപ്പൽ ഇറാന്റെ നാവിക സേന പിടിച്ചെടുത്തതോടെ സംഘർഷം രൂക്ഷമാകുകയാണ്. ഇറാൻ–ഇസ്രയേൽ സംഘർഷം ജിസിസി രാജ്യങ്ങൾക്കും രാജ്യന്തര വിപണികൾക്കും വലിയ ആശങ്കയാണ് സൃഷ്ടിക്കുന്നത്. സംഘര്‍ഷം ശക്തമായാൽ ഇറാൻ–ഇസ്രയേൽ മിസൈലിന്റെ ചൂട് ഇങ്ങ് കേരളീയരുടെ അടുക്കളയിൽ വരെ അനുഭവിക്കേണ്ടിവരും. എന്താണ് കഴിഞ്ഞ ദിവസങ്ങളിൽ ഇസ്രയേലിൽ സംഭവിച്ചത്? പരിശോധിക്കാം.
മോദി ‘വിടില്ല’ ദക്ഷിണേന്ത്യ, രാഹുല്‍ വയനാടും, ഇതാണ് കാരണം: ആ ‘വ്യവസ്ഥ’ കേന്ദ്രം നടപ്പാക്കുമോ? കേരളം കൈവിടും 8 ലോക്സഭാ സീറ്റ്!

ലോക്സഭാ തിരഞ്ഞെടുപ്പു പ്രചാരണം നിർണായക ഘട്ടത്തിലേക്കു കടക്കുമ്പോൾ രാജ്യം ഭരിക്കുന്ന ബിജെപി മുന്നണിയും (എൻഡിഎ) പ്രതിപക്ഷമായ കോൺഗ്രസ് മുന്നണിയും (ഇന്ത്യാസഖ്യം) കൂടുതൽ ശ്രദ്ധകേന്ദ്രീകരിക്കുന്നത് ദക്ഷിണേന്ത്യയിലാണ്. പ്രധാനമന്ത്രി നരേന്ദ്ര മോദി 10 ആഴ്ചയ്ക്കിടെ 7 തവണ തമിഴ്നാട്ടിലും 5 തവണ കേരളത്തിലും പ്രചാരണത്തിന് എത്തിയത് ബിജെപി ദക്ഷിണേന്ത്യയ്ക്കു നൽകുന്ന പ്രാധാന്യം വ്യക്തമാക്കുന്നു. കേരളം, തമിഴ്നാട്, കർണാടക, തെലങ്കാന, ആന്ധ്രപ്രദേശ്, പോണ്ടിച്ചേരി എന്നീ സംസ്ഥാനങ്ങളിലെ 130 മണ്ഡലങ്ങളിൽ ഇപ്പോൾ ഇന്ത്യാസഖ്യത്തിലുള്ള പാർട്ടികൾ 2019 ൽ 64 സീറ്റ് നേടി. എൻഡിഎ സഖ്യകക്ഷികൾക്ക് ഇതിൽ 34 സീറ്റേ ലഭിച്ചുള്ളൂ. ഉത്തരേന്ത്യയിലെ ശക്തികേന്ദ്രങ്ങളായ യുപി, മധ്യപ്രദേശ്, രാജസ്ഥാൻ, ഗുജറാത്ത് എന്നീ സംസ്ഥാനങ്ങളിൽ ഇത്തവണ കൂടുതൽ സീറ്റ് നേടാൻ സാധ്യതയില്ലെന്നിരിക്കെ, ദക്ഷിണേന്ത്യയിൽ നിന്നു കൂടുതൽ സീറ്റുകൾ ലഭിച്ചാലേ രാഷ്ട്രീയപദ്ധതികൾ ഉദ്ദേശിച്ചവിധം നടപ്പാക്കാൻ കഴിയൂ എന്ന് ബിജെപി കരുതുന്നു. ഇതേസമയം, ദക്ഷിണേന്ത്യൻ സംസ്ഥാനങ്ങൾ ഈവിധം പ്രസക്തമാകുന്ന അവസാനത്തെ ലോക്സഭാ തിരഞ്ഞെടുപ്പായിരിക്കും ഇതെന്ന സന്ദേഹം ഉയരുന്നു. ബിജെപി നേതൃത്വത്തിന്റെ ഉള്ളിലിരിപ്പറിയാവുന്ന സ്വതന്ത്രനിരീക്ഷകരും ഈ ആശങ്ക പങ്കുവയ്ക്കുന്നുണ്ട്. ഓരോ ജനസംഖ്യാകണക്കെടുപ്പിന് (സെൻസസ്) ശേഷവും ലോക്സഭാ മണ്ഡലങ്ങളും സംസ്ഥാനങ്ങളിലെ നിയമസഭാ മണ്ഡലങ്ങളും ജനസംഖ്യാനുപാതികമായി പുനർനിർണയിക്കണമെന്ന ഭരണഘടനാവ്യവസ്ഥ അക്ഷരാർഥത്തിൽ നടപ്പാക്കിയാൽ ഈ ആശങ്ക യാഥാർഥ്യമാകും.
ജയിച്ചാൽ ഇത്രയും ലക്ഷം കോടി കോണ്‍ഗ്രസ് എങ്ങനെയുണ്ടാക്കും? ഇന്ത്യയിലെ ഓരോ വീട്ടിലും ‘സ്വർണഖനി’; നിർമലയുടെ ‘നോ’ എന്തിന്?

ലോക്സഭാ തിരഞ്ഞെടുപ്പിന് ഇനി ദിവസങ്ങൾ മാത്രമാണ് ശേഷിക്കുന്നത്. ഇതിനിടെ ചില പാർട്ടികളുടെ പ്രകടന പത്രികകൾ പുറത്തുവന്നു കഴിഞ്ഞു. അത്യാകർഷകമായ 25 വാഗ്ദാനങ്ങളുമായാണ് കോൺഗ്രസിന്റെ പ്രകടനപത്രിക പുറത്തിറങ്ങിയിരിക്കുന്നത്. കർഷകർ, തൊഴിലാളി, സ്ത്രീകൾ,യുവാക്കൾ എന്നിങ്ങനെ എല്ലാ വിഭാഗക്കാരെയും ലക്ഷ്യമിടുന്ന പദ്ധതികളും പ്രഖ്യാപിച്ചിട്ടുണ്ട്. എന്നാൽ ഇത്രയും പദ്ധതികൾ നടപ്പിലാക്കാൻ രാജ്യത്തിന് എത്ര ലക്ഷം കോടി രൂപ ചെലവ് വരുമെന്നും ഇത്രയും തുക എവിടെ നിന്ന് ലഭ്യമാക്കുമെന്ന കാര്യങ്ങൾ വിശദമായി പരിശോധിക്കുന്ന മനോരമ ഓൺലൈൻ പ്രീമിയം സ്റ്റോറിക്ക് മികച്ച സ്വീകാര്യതയാണ് ലഭിച്ചത്. പോയവാരത്തിൽ ട്രെന്റിങ് വിഷയമായിരുന്നു കുതിച്ചുയരുന്ന സ്വർണവില. സ്വർണവിലയിൽ വൻ വർധന കണ്ട മാസമായിരുന്നു 2024 മാർച്ച്. ഏറ്റവും കൂടുതൽ റെക്കോർഡുകളും പിറന്ന മാസം. മാർച്ചിൽ 8 തവണയാണ് സ്വർണവില റെക്കോർഡ് നിരക്ക് പുതുക്കിയത്. ഭാവിയിൽ സ്വർണ വിലയിൽ എന്തു സംഭവിക്കും? ഇപ്പോഴത്തെ വില കുതിപ്പിന് പിന്നിലെന്ത് ? തുടങ്ങി കാര്യങ്ങൾ വിശകലനം ചെയ്ത സ്റ്റോറിയും പ്രീമിയം പ്രസിദ്ധീകരിച്ചു. തിരഞ്ഞെടുപ്പിനോടനുബന്ധിച്ച് കള്ളപ്പണവും മദ്യവും വലിയ ചർച്ചയാകാറുണ്ട്. 2019 ലോക്സഭാ തിരഞ്ഞെടുപ്പിൽ മേയ് 20 വരെ രാജ്യത്താകമാനം പിടിച്ചെടുത്ത 3456 കോടിയുടെ മൂല്യമുള്ള പണം, ലഹരിമരുന്ന്, മദ്യം, സ്വർണം, വെള്ളി തുടങ്ങിയ വസ്തുക്കളാണ്. 2024 ലോക്സഭാ തിരഞ്ഞെടുപ്പിന് മുന്നോടിയായും പരിശോധനകള്‍ ശക്തമാക്കിയിട്ടുണ്ട്. പിടിച്ചെടുത്ത വസ്തുക്കളെ കണക്കുകളും ഇപ്പോഴത്തെ ചില പരിശോധനാ റിപ്പോർട്ടുകളും വിലയിരുത്തുന്ന പ്രീമിയം സ്റ്റോറി ട്രെന്റിങ്ങായിരുന്നു.
ജമ്മുവിൽ ബിജെപിക്ക് അണക്കെട്ടും ‘ആയുധം’: ഇന്ത്യയിലെ വെള്ളം കുടിച്ച് പാക്ക് തീവ്രവാദം വളർത്തേണ്ട! ഇത് മോദിയുടെ ‘ഡാം സ്ട്രൈക്ക്’

‘രക്തവും വെള്ളവും ഒരുമിച്ച് ഒഴുകില്ല’ രാജ്യതലസ്ഥാനത്ത് കേന്ദ്രജല മന്ത്രാലയത്തിലെ ഉന്നത ഉദ്യോഗസ്ഥരുമായുള്ള ചർച്ചയ്‌ക്കെത്തിയ പ്രധാനമന്ത്രി നരേന്ദ്ര മോദി ആമുഖമായി പറഞ്ഞ വാക്കുകൾ. 2016 സെപ്റ്റംബർ 26ന് യോഗത്തിലെത്തിയ ഉദ്യോഗസ്ഥർക്കെല്ലാം ഈ വാക്കുകളുടെ അർഥം വേഗത്തിൽ മനസ്സിലായി. കാരണം ജമ്മു കശ്മീരിലെ ഉറി ഭീകരാക്രമണത്തിൽ 19 ഇന്ത്യൻ സൈനികർ വീരമൃത്യു വരിച്ചിട്ട് പത്ത് ദിനങ്ങൾ തികയുന്ന ദിവസമാണ് പ്രധാനമന്ത്രി മോദി യോഗം വിളിച്ചത്. പ്രധാനമന്ത്രിക്കൊപ്പം ദേശീയ സുരക്ഷാ ഉപദേഷ്ടാവ് അജിത് ഡോവൽ, വിദേശകാര്യ സെക്രട്ടറി എസ്. ജയശങ്കർ എന്നിവരും പങ്കെടുത്തതോടെ പാക്കിസ്ഥാനുള്ള ഇന്ത്യയുടെ മറുപടി ജലം ഉപയോഗിച്ചാവും എന്ന അഭ്യൂഹം ഉയര്‍ന്നു. 1960ൽ ഇന്ത്യയും പാക്കിസ്ഥാനും ഒപ്പുവച്ച സിന്ധു നദീജല കരാറിൽനിന്ന് ഇന്ത്യ ഏകപക്ഷീയമായി പിന്മാറും എന്നായിരുന്നു പ്രചരിച്ച വാർത്തകൾ. ഭീകരതയില്ലാത്ത സമാധാന അന്തരീക്ഷത്തിൽ മാത്രമേ കരാറുകൾ പാലിക്കാനാവൂ എന്ന സന്ദേശം യോഗത്തില്‍ കൈക്കൊണ്ടുവെന്ന വാർത്ത പുറത്തുവന്നത് പ്രചാരണത്തിന് ബലം നൽകി. ഡൽ‍ഹിയിൽ ഈ യോഗം കഴിഞ്ഞു മൂന്ന് ദിവസങ്ങൾക്കകമായിരുന്നു ഇന്ത്യയുടെ സർജിക്കൽ സ്ട്രൈക്ക്. ഉറിയില്‍ ഇന്ത്യയ്‌ക്കേറ്റ മുറിവിനുള്ള മറുപടി അതിർത്തി കടന്നുള്ള തിരിച്ചടി എന്ന് ലോകം അറിഞ്ഞു. ഇതോടെ കേന്ദ്ര ജല മന്ത്രാലയത്തിലെ ചർച്ചയ്ക്കു നൽകിയ പരിഗണന മാധ്യമങ്ങളടക്കം അവസാനിപ്പിച്ചു. എന്നാൽ 2024 ഫെബ്രുവരി അവസാന വാരം, പാക്കിസ്ഥാനിലേക്ക് ഒഴുകുന്ന രവി നദിയിലെ ജലം ഇന്ത്യ പൂർണമായും തടഞ്ഞു എന്ന റിപ്പോർട്ട് പുറത്തുവന്നു. രവി നദിയിൽ ഇന്ത്യ നിർമിച്ച ഷാഹ്പുർകാണ്ടി അണക്കെട്ടിന്റെ നിർമാണം പൂർത്തിയായി എന്ന തലക്കെട്ടിലായിരുന്നു ആ റിപ്പോർട്ട്. പതിറ്റാണ്ടുകളായി ഇഴഞ്ഞു നീങ്ങിയ പദ്ധതിക്ക് കേന്ദ്രം ഇടപെട്ട് പുതുവേഗം നൽകിയതോടെയാണ് ഇത് സാധ്യമായതെന്നും അവകാശവാദമുയർന്നു. ഈ അണക്കെട്ടിന്റെ നിർമാണം ലോക്സഭാ തിരഞ്ഞെടുപ്പു പ്രചാരണത്തിലും ബിജെപി ആയുധമാക്കി.
പരീക്ഷിച്ചത് മീനുകളിൽ! കേന്ദ്രം കണ്ണടച്ചു, പ്രധാനമന്ത്രിക്ക് പരാതി നൽകിയിട്ടും രാംദേവ് ‘പരസ്യ’മായി രംഗത്ത്: ശിക്ഷയെന്ത്?

സുപ്രീംകോടതിയിൽനിന്ന് തുടരെത്തുടരെ പ്രഹരമേറ്റുവാങ്ങിക്കൊണ്ട് വാർത്തകളിൽ നിറയുകയാണ് ബാബാ രാംദേവും അദ്ദേഹത്തിന്റെ ഉടമസ്ഥതയിലുള്ള പതഞ്ജലി ആയുർവേദയും. തെറ്റിദ്ധരിപ്പിക്കുന്ന പരസ്യങ്ങൾ മാധ്യമങ്ങളിൽ പ്രസിദ്ധീകരിച്ചതുമായി ബന്ധപ്പെട്ട കേസിലാണ് രാംദേവിനെയും പതഞ്ജലി എംഡി ആചാര്യ ബാലകൃഷ്ണയെയും കോടതി വിമർശിച്ചിരിക്കുന്നത്. അതും രൂക്ഷമായ ഭാഷയിൽ. മാപ്പു പറഞ്ഞ് തടിയൂരാൻ രാംദേവും ബാലകൃഷ്ണയും ശ്രമിച്ചെങ്കിലും വിടാതെ പിടികൂടിയിരിക്കുകയാണ് കോടതി. യോഗ ഗുരുവെന്ന് ഇന്ത്യയൊട്ടാകെ സൃഷ്ടിച്ചെടുത്ത പ്രതിച്ഛായയിൽനിന്ന് രാംദേവ് പടുത്തുയർത്തിയ ‘പതഞ്ജലി’ എന്ന ബ്രാൻഡ് വിവാദത്തിൽപ്പെട്ടത് എങ്ങനെയാണ്? പതഞ്ജലിയും ഇന്ത്യൻ മെഡിക്കൽ അസോസിയേഷനും (ഐഎംഎ) തമ്മിലുള്ള പ്രശ്നമെന്താണ്? എന്തിനായിരുന്നു പതഞ്ജലിക്ക് സുപ്രീംകോടതിയുടെ രൂക്ഷവിമർശനമേറ്റത്? കേസ് തിരിച്ചടിച്ചാൽ എന്തു ശിക്ഷയാണ് ബാബാ രാംദേവിനെയും ബാലകൃഷ്ണയെയും കാത്തിരിക്കുന്നത്? വിശദമായിട്ടറിയാം.
നിർമലയുടെ ‘നോ’യും പിടിച്ചെടുത്ത 3,456,22,00,000 രൂപയും; മഞ്ജു വാരിയരെ തമിഴ്‍നാട്ടിൽ ‘വളഞ്ഞതും’ വെറുതെയല്ല!

തിരഞ്ഞെടുപ്പിൽ മത്സരിക്കാനുള്ള പാർട്ടി ടിക്കറ്റിന് നേതാക്കൾ പലവഴികൾ പയറ്റിനോക്കുമ്പോഴാണ് ധനമന്ത്രി നിർമല സീതാരാമനെ ബിജെപി ദേശീയ അധ്യക്ഷൻ ജെ.പി.നഡ്ഡ വിളിക്കുന്നത്. തമിഴ്നാട്, ആന്ധ്രപ്രദേശ് ഈ രണ്ട് സംസ്ഥാനങ്ങളിലെ ഏത് സീറ്റിൽ മത്സരിക്കാനാണ് ആഗ്രഹം എന്നായിരുന്നു ചോദ്യം. ഒരാഴ്ചയെടുത്ത് ആലോചിച്ച ശേഷം എവിടെ നിന്നും മത്സരിക്കാൻ താൽപര്യമില്ലെന്ന മറുപടിയാണ് നിർമല നൽകിയത്. എന്തുകൊണ്ട് ഇങ്ങനെ ഒരു തീരുമാനമെടുത്തത് എന്നതിനുള്ള മറുപടിയും കേന്ദ്ര ധനമന്ത്രി വൈകാതെ മാധ്യമങ്ങളോട് പറഞ്ഞു. തിരഞ്ഞെടുപ്പിൽ ചെലവഴിക്കാനുള്ള ഭാരിച്ച തുക തന്റെ കൈവശം ഇല്ലാത്തതാണ് മത്സരത്തിന് ഇറങ്ങാതിരിക്കാനുള്ള പ്രധാന കാരണം. തിരഞ്ഞെടുപ്പിലെ ജയപരാജയ സാധ്യതകൾക്കും മുകളിൽ കേന്ദ്ര ധനമന്ത്രിയുടെ കണ്ണുകൾ എന്തുകൊണ്ടാവും തിരഞ്ഞെടുപ്പ് ചെലവിൽ പതിഞ്ഞത്? ഒരുപക്ഷേ ഇതിനുള്ള ഉത്തരമാണ് 3456.22 കോടി രൂപയുടെ കണക്ക്. 2019ല്‍ ഇന്ത്യയിൽ നടന്ന പൊതു തിരഞ്ഞെടുപ്പിൽ കേന്ദ്ര തിരഞ്ഞെടുപ്പ് കമ്മിഷൻ നടത്തിയ പരിശോധനയിൽ രേഖകളില്ലാതെ കണ്ടെടുത്ത പണം, മദ്യം, ലഹരിമരുന്ന്, സ്വർണം തുടങ്ങിയവയുടെ മൊത്തം മൂല്യമാണിത്. ഇതിൽ മറ്റൊരു കൗതുകവുമുണ്ട്. 2014ൽ രാജ്യത്ത് പൊതു തിര‍ഞ്ഞെടുപ്പ് നടത്താൻ സർക്കാരിന് ചെലവായ തുകയുടെ 90 ശതമാനത്തിന് തുല്യമാണിത്. ഓരോ സ്ഥാനാർഥിയും തിരഞ്ഞെടുപ്പ് പ്രചാരണത്തിന് ചെലവഴിക്കേണ്ട തുകയ്ക്ക് മണ്ഡലങ്ങളുടെ അടിസ്ഥാനത്തിൽ മുൻകൂട്ടി പരിധി നിശ്ചയിച്ചിട്ടുണ്ടെങ്കിലും (95 ലക്ഷം രൂപ) ആ തുക ഒന്നിനും തികയില്ലെന്നത് ഏവർക്കും അറിയാവുന്ന രഹസ്യമാണ്.
മഞ്ഞളൊഴിച്ച് തെളിവ് മായ്ക്കാൻ പാർട്ടി റെഡി; ബോംബിനെ പടക്കമാക്കുന്ന കണ്ണൂരിലെ ‘പ്രത്യേക ആക്‌ഷൻ’

എത്ര നിർവീര്യമാക്കിയാലും പൊട്ടിത്തെറിക്കുകയാണു കണ്ണൂരിലെ നാടൻ ബോംബുകൾ. ചോറ്റുപാത്രങ്ങളിലും ഐസ്ക്രീം ബോളുകളിലും വരെ വെടിമരുന്നു കുത്തിനിറച്ചു പൊട്ടിച്ച കക്ഷിരാഷ്ട്രീയം ഇരകളാക്കിയവരിൽ, രക്തസാക്ഷികളെന്നു മലയാളത്തിൽ പറയാൻ പോലുമറിയാത്ത അതിഥിത്തൊഴിലാളികളുണ്ട്. കൈകാലുകൾ നഷ്ടപ്പെട്ടവരിലും കണ്ണു നഷ്ടപ്പെട്ടവരിലും പിഞ്ചു കുഞ്ഞുങ്ങളുണ്ട്. 1998 മുതൽ 2024 വരെയുള്ള കണക്കെടുത്താൽ, നിർമാണത്തിനിടെ നാടൻ ബോംബ് പൊട്ടിത്തെറിച്ച് 10 പേരാണു കണ്ണൂരിൽ കൊല്ലപ്പെട്ടത്. നിഷ്കളങ്കരുടെ ജീവനും ജീവിതവുമെടുത്ത്, സ്റ്റീൽ മൊന്തകളിലും ഐസ്ക്രീം ബോളുകളിലുമെല്ലാം ‘ഒളിച്ചിരുന്ന്’ പൊട്ടിത്തെറിക്കുകയാണ് നാടൻ ബോംബുകൾ. ആക്രി പെറുക്കി ജീവിച്ചവർ മുതൽ, പ്ലാസ്റ്റിക് ബോൾ പന്താണെന്നു കരുതി തട്ടിക്കളിച്ച പിഞ്ചു കുഞ്ഞുങ്ങൾ വരെ ഇരകളായിട്ടുമുണ്ട് ബോംബ് രാഷ്ട്രീയത്തിന്. 2021ൽ ഇരിട്ടിയിൽ പന്താണെന്നു കരുതി നാടൻ ബോംബ് തട്ടിക്കളിക്കുന്നതിനിടെ പൊട്ടിത്തെറിച്ചു സാരമായി പരുക്കേറ്റത് അന്ന് അഞ്ചും ഒന്നരയും വയസുള്ള 2 കുട്ടികൾക്കാണ്. അക്കൊല്ലം നവംബറിൽ പാലയാട് നരിവയലിനു സമീപം ‘ഡയറ്റ്’ ലേഡീസ് ഹോസ്റ്റൽ വളപ്പിൽ കളിക്കുന്നതിനിടയിൽ കിട്ടിയ ഐസ്ക്രീം ബോംബ് പന്ത് ആണെന്നു കരുതി എറിഞ്ഞപ്പോൾ പൊട്ടിത്തെറിച്ച് 12 വയസ്സുകാരനു പരുക്കേറ്റു. വിവാഹപ്പാർട്ടികളെയും ബോംബ് വിട്ടില്ല.
25,000 ടൺ! ഇന്ത്യൻ വീടുകളിൽ ‘സ്വർണഖനി’; ഇനിയും വില കൂടും; ‘കരുതലോടെ’ കേന്ദ്രവും; ആരാണീ വിലയിടുന്നത്?

‘എങ്ങോട്ടാ ഈ പോക്ക് എന്റെ പൊന്നേ!’ അടിക്കടി കയറുന്ന സ്വർണവില കണ്ട് മലയാളി തലയിൽ കൈവച്ചു ചോദിക്കുന്ന ചോദ്യമാണിത്. ഒരു പവൻ സ്വർണത്തിന് 52,000 രൂപയും കടന്നു കുതിക്കുകയാണ് സ്വർണവില. ഏപ്രിൽ 6ന് സ്വർണ നിരക്ക് ഗ്രാമിന് 6535 രൂപയും പവന് 52,280 രൂപയുമായിരുന്നു. ഏപ്രിൽ 8ന് ഗ്രാമിന് 6565 രൂപയായിരിക്കുന്നു, പവന് 52,520 രൂപയും. എന്തുകൊണ്ടാണ് സ്വർണത്തിന് പെട്ടെന്ന് ഇത്രയും കുതിപ്പ്? രാജ്യാന്തര വിപണിയിൽ സ്വർണവിലയിലുണ്ടാകുന്ന വർധനയാണ് അതിനു കാരണമായി പറയുന്നത്. രാജ്യാന്തര വിപണിയിൽ സ്വർണവില ട്രോയ് ഔൺസിന് 2328 ഡോളറിൽ എത്തിയപ്പോഴാണ് കേരളത്തിൽ പവന് 52,000 രൂപ കടന്നത്. കഴിഞ്ഞ ഒരു വർഷത്തിനിടെ സ്വർണവിലയിൽ 17% വർധനയാണുണ്ടായത്. 2023 ഏപ്രിൽ 6ന് ഗ്രാമിന് 5590 രൂപയും പവന് 44,720 രൂപയുമായിരുന്നു. ഒരു വർഷത്തിനിടെ വർധിച്ചത് പവന് 7560 രൂപയും ഗ്രാമിന് 945 രൂപയും. രാജ്യാന്തര സ്വർണവിലയിൽ ഇക്കാലയളവിൽ 350 ഡോളറിലധികം വർധനയുണ്ടായി. രൂപയുടെ വിനിമയ നിരക്കിലും ഒരു രൂപയ്ക്കടുത്ത് ഇടിവുണ്ടായി. എല്ലാ തരത്തിലും സുരക്ഷിത നിക്ഷേപമായി മാറുകയാണോ സ്വർണം? വില എത്ര വരെ കൂടാനാണ് സാധ്യത?
മോദി സർക്കാരിനെ വീഴ്ത്താൻ ‘5 ന്യായം’; ഇത്രയും ലക്ഷം കോടി കോണ്‍ഗ്രസ് എവിടെനിന്നുണ്ടാക്കും? മറന്നോ, മൻമോഹൻ പറഞ്ഞത്!

ലോക്സഭാ തിരഞ്ഞെടുപ്പിൽ ജയിച്ച് എങ്ങനെയും അധികാരം തിരിച്ചുപിടിക്കണമെന്നാഗ്രഹിക്കുന്ന കോൺഗ്രസിന്റെ പ്രകടനപത്രിക കഴിഞ്ഞദിവസം ഡൽഹിയിൽ പുറത്തിറക്കി. 10 വർഷമായി അധികാരത്തിനു പുറത്തുനിൽക്കുന്ന പാർട്ടിക്ക് ഭൂരിപക്ഷമോ, അതു പറ്റിയില്ലെങ്കിൽ ശക്തമായ പ്രതിപക്ഷമെന്ന നിലയിൽ നരേന്ദ്ര മോദിയുടെയും അമിത് ഷായുടെയും കടന്നാക്രമണത്തെ പ്രതിരോധിക്കാൻ വേണ്ടത്ര സീറ്റുകളോ കിട്ടിയേ തീരൂ. അതിനുവേണ്ടി പരമാവധി വോട്ടർമാരെ ആകർഷിക്കുന്നതിന് അൽപസ്വൽപം അതിരുവിട്ട വാഗ്ദാനങ്ങളും ക്ഷമിച്ചുകളയാം. പക്ഷേ, അതാണോ ഈ പ്രകടനപത്രികയിലുള്ളത്? രാജ്യത്തിന്റെ സാമ്പത്തികസ്ഥിതിയും വിഭവശേഷിയും കണക്കിലെടുത്താണോ രാഹുൽ ഗാന്ധിയും പാർട്ടി അധ്യക്ഷൻ മല്ലികാർജുൻ ഖർഗെയും മുൻ ധനമന്ത്രികൂടിയായ പി.ചിദംബരവും അത് വോട്ടർമാർക്കു മുന്നിൽ വയ്ക്കുന്നത്? അത്യാകർഷകങ്ങളായ 25 വാഗ്ദാനങ്ങളാണ് കോൺഗ്രസ് നേതൃത്വം വോട്ടർമാർക്ക് മുന്നിൽ വയ്ക്കുന്നത്. ഇവ കർഷക ന്യായം, തൊഴിലാളി ന്യായം, സമത്വ ന്യായം, യുവന്യായം, വനിതാ ന്യായം എന്നിങ്ങളെ 5 വിഭാഗങ്ങളിലായി സംഗ്രഹിച്ചിരിക്കുന്നു. ഹിന്ദിയിലെ ന്യായത്തിന് മലയാളത്തിൽ നീതി എന്ന് പറയാം. ഈ വിഭാഗങ്ങളോടു നീതിപുലർത്തി വോട്ടുപെട്ടി നിറച്ചാൽ അധികാരത്തിൽ തിരിച്ചെത്താമെന്ന് പാർട്ടി പ്രത്യാശിക്കുന്നു.
ബോണ്ടിൽ വീഴാത്ത ‘ഇടതൻമാർ’; മോദി പറഞ്ഞ രണ്ടക്കമെത്ര?; എങ്ങനെ മറക്കും ആ കുഞ്ഞെഴുതിയത്!

തിരഞ്ഞെടുപ്പിലേക്ക് അടുക്കുന്തോറും രാഷ്ട്രീയ ചർച്ചകൾ പുതിയ ഉയരം തേടുകയാണ്. രണ്ടുപേർ തമ്മിൽ കണ്ടാൽ പോലും ആദ്യം സംസാരിക്കുന്നത് ചൂടിനെ കുറിച്ചും നാട്ടിലെ രാഷ്ട്രീയത്തെ കുറിച്ചുമാവും. ഇതുകൊണ്ടാവാം വാർത്തകളുടെ വായനയിലും രാഷ്ട്രീയ വിഷയങ്ങൾ മുന്നിൽ നിൽക്കുന്നത്. ഇത്തരം വാർത്തകളിൽ അഭിപ്രായങ്ങൾ രേഖപ്പെടുത്തുന്നവരും അതിന് മറുപടി നൽകുന്നവരും ഏറെയാണ്. കഴിഞ്ഞയാഴ്ച മനോരമ ഓൺലൈൻ പ്രീമിയത്തിൽ ദേശീയ രാഷ്ട്രീയത്തെ കുറിച്ചും കേരളരാഷ്ട്രീയത്തെ കുറിച്ചുമുള്ള റിപ്പോർട്ടുകൾക്ക് മികച്ച സ്വീകാര്യതയാണ് ലഭിച്ചത്. ഇലക്ടറൽ ബോണ്ടിൽ എന്തുകൊണ്ടാണ് ഇടതുപാർട്ടികളുടെ പേരുകള്‍ വരാതിരുന്നത് മറ്റു വഴികളിലൂടെ സംഭാവനകൾ ഇടത് പാർട്ടികൾക്ക് ലഭിക്കുന്നുണ്ടോ എന്ന റിപ്പോർട്ടിന് വായനക്കാരുടെ ഭാഗത്ത് നിന്നും മികച്ച പ്രതികരണമാണുണ്ടായത്. ഇതുപോലെ വയനാട് മണ്ഡലത്തിൽ എൻഡിഎ സ്ഥാനാർഥിയായി എത്തിയ ബിജെപി സംസ്ഥാന അധ്യക്ഷനുമായി നടത്തിയ അഭിമുഖവും പ്രീമിയം പ്രസിദ്ധീകരിച്ചിരുന്നു. കേരളത്തിൽ ബിജെപി ലക്ഷ്യം വയ്ക്കുന്ന കാര്യങ്ങളിലേക്കും അഭിമുഖത്തിൽ കെ. സുരേന്ദ്രൻ മനസ്സുതുറന്നിരുന്നു.
‘ഭായി’മാരെ ഭയന്ന് ടിടിഇമാർ, പിഴപ്പണമെണ്ണി സന്തോഷിച്ച് റെയില്‍വേ; ശുചിമുറിയിൽ പലകയുമായി ഒരുമിച്ച് 5 പേർ!

തൃശൂരിൽ ഇതരസംസ്ഥാന തൊഴിലാളി ടിക്കറ്റ് പരിശോധകൻ (ടിടിഇ) കെ. വിനോദിനെ ട്രെയിനിൽനിന്ന് തള്ളിയിട്ട് കൊലപ്പെടുത്തിയത് അറിഞ്ഞപ്പോൾ ഞെട്ടാതിരുന്നത് ടിടിഇമാരാണെന്ന് പറഞ്ഞാൽ ആരെങ്കിലും വിശ്വസിക്കുമോ? ഇന്നല്ലെങ്കിൽ നാളെ ഈ അവസ്ഥയുണ്ടാവുമെന്ന് പ്രതീക്ഷിച്ചാണ് കഴിഞ്ഞ കുറച്ച് വർഷങ്ങളായി ഇവർ ജോലി ചെയ്യുന്നത്. 2000ത്തിന്റെ ആദ്യ നാളുകളിൽ ഭയന്ന കണ്ണുകളുമായി ട്രെയിനിൽ ആലുവ സ്റ്റേഷൻ ലക്ഷ്യമാക്കി എത്തിയ ‘ഭായി’മാരല്ല ഇന്നുള്ളത്. സംഘങ്ങളായി ലഹരിയിൽ മയങ്ങി എത്തുന്നവർ ട്രെയിനുകളിൽ ഉണ്ടാക്കുന്ന പ്രശ്നങ്ങൾ ചില്ലറയല്ല. എന്നാൽ ഇവർ ടിക്കറ്റ് എടുക്കാതെ യാത്ര ചെയ്യാൻ ആഗ്രഹിക്കുന്നവരല്ലെന്നും ഒരു വിഭാഗം ടിടിഇമാർ പറയുന്നു. ജനറൽ കോച്ചിലെ ടിക്കറ്റുമായി സ്ലീപ്പറിൽ കയറുന്ന ഭായിമാരെ പിഴ ഈടാക്കി പിഴിഞ്ഞെടുക്കുന്ന റെയിൽവേ ആ പണത്തിൽ കണ്ണുവയ്ക്കുമ്പോൾ മറക്കുന്ന ചിലതുണ്ട്. ആഴ്ചകൾക്കു മുൻപേതന്നെ ടിക്കറ്റെടുത്ത് സുഖയാത്ര പ്രതീക്ഷിച്ച് എത്തുന്ന യാത്രക്കാരെയും, അവർക്ക് മികച്ച സേവനം നൽകാൻ നിയോഗിച്ചിട്ടുള്ള ടിടിഇമാരെയും അവരുടെ സുരക്ഷയേയും.
മോദിയുടെ സന്ദർശനം, ബിജെപിയുടെ ‘മഹാ’ തന്ത്രം: ആ ചിഹ്നം പാർട്ടി മാറി: ഒരൊറ്റ സീറ്റിന് എന്തിനിത്ര പോര്?

2024 ജനുവരി ആദ്യവാരം. അപ്രതീക്ഷിതമായി ലക്ഷദ്വീപിൽ പ്രധാനമന്ത്രി നരേന്ദ്ര മോദിയുടെ സന്ദര്‍ശനം. കടൽക്കാറ്റേറ്റ് ഇരിക്കുന്ന ഒരു ചിത്രത്തിനൊപ്പം അദ്ദേഹം ഏതാനും വരികളും സമൂഹമാധ്യമത്തിൽ കുറിച്ചു: ‘എന്തു മനോഹരമാണ് ഈ ദ്വീപസമൂഹം’! ലക്ഷദ്വീപിന്റെ മനോഹാരിതയിൽ മയങ്ങിയിരിക്കുന്ന മോദിയുടെ ചിത്രത്തിനു പിന്നാലെ വിവാദം പൊട്ടിപ്പുറപ്പെട്ടത് അങ്ങ് മാലദ്വീപിലായിരുന്നു. നയതന്ത്ര ബന്ധം ഉലഞ്ഞതോടെ ‘ഇനിയാരും മാലദ്വീപിലേക്കു പോകരുത് പകരം ലക്ഷദ്വീപിലേക്ക് വരൂ’ എന്ന് മോദി ഇന്ത്യക്കാരോട് പറയാതെ പറഞ്ഞതായിരുന്നു ആ പോസ്റ്റ് എന്ന അഭിപ്രായവും ഉയർന്നു. മോദിയെ വിമർശിച്ച മാലദ്വീപ് മന്ത്രിമാരുടെ സ്ഥാനം വരെ തെറിച്ചു. ഇത്തരത്തിൽ ലക്ഷദ്വീപിൽനിന്നുയര്‍ന്ന ‘തിര’ ആഞ്ഞടിച്ചത് മാലദ്വീപിലായിരുന്നെങ്കില്‍, മറ്റൊരു സൂനാമി ഈ ദ്വീപസമൂഹത്തിലെ ഒരു വിഭാഗത്തിനെ കാത്തിരിപ്പുണ്ടായിരുന്നു. ആ സൂനാമിയുടെ പ്രഭവ കേന്ദ്രം മഹാരാഷ്ട്രയായിരുന്നു. അതിനു ചുക്കാൻ പിടിച്ചതാകട്ടെ ബിജെപിയും. അവിടെ എന്‍സിപിയെ ബിജെപി പിളർത്തി ശരദ് പവാർ, അജിത് പവാർ വിഭാഗങ്ങളാക്കിയപ്പോൾ ഞെട്ടിയത് ലക്ഷദ്വീപിലെ എൻസിപി പ്രവർത്തകരായിരുന്നു. അവിടുത്തെ എൻസിപിയുടെ സിറ്റിങ് എംപിക്ക് സ്വന്തം ചിഹ്നം പോലും നഷ്ടമാകുന്ന വിധത്തിലായിരുന്നു മഹാരാഷ്ട്രയിലെ തിരിച്ചടി.
‘ആ പെൺകുട്ടിക്ക് മുന്നിൽ അയാളുടെ നോട്ടം മാറി’: എന്നവസാനിക്കും ‘ജനറൽ കോച്ച്’ ദുരന്തം? ടിടിഇക്കു പോലുമില്ല സുരക്ഷ

പതിമൂന്ന് വർഷങ്ങൾക്കു മുൻപൊരു വൈകുന്നേരം. കൃത്യമായി പറഞ്ഞാൽ 2011 ഫെബ്രുവരി ഒന്ന്. എറണാകുളത്തുനിന്നു സൗമ്യ എന്ന ഇരുപത്തിമൂന്നുകാരി എറണാകുളം - ഷൊർണൂർ പാസഞ്ചർ ട്രെയിനിൽ കയറി. പിറ്റേന്ന് നടക്കേണ്ട പെണ്ണുകാണൽ ചടങ്ങിനപ്പുറം ഭാവി ജീവിതം സ്വപ്നം കണ്ടൊരു യാത്ര. ആ യാത്രയ്ക്ക് ഒടുവിൽ ട്രെയിൻ ഷൊർണൂർ സ്റ്റേഷനിലേയ്ക്ക് എത്തുമ്പോൾ ആളൊഴിഞ്ഞ ലേഡീസ് കംപാർട്ട്‌മെന്റിൽ അവശേഷിച്ചത് അവളുടെ മുടിയിഴയിൽ നിന്ന് കൊഴിഞ്ഞുവീണ രണ്ടു ക്ലിപ്പുകൾ മാത്രം. നടുക്കത്തിന്റെ ആറു നാളുകൾക്കപ്പുറം അവൾ വീട്ടിലേക്കെത്തുമ്പോൾ ഉയർന്നത് കൂട്ടനിലവിളിയായിരുന്നു. മാസങ്ങൾക്കപ്പുറം കതിർമണ്ഡപത്തിലേയ്‌ക്കു കാലെടുത്ത വയ്‌ക്കേണ്ട അവൾ ചേതനയറ്റ് എത്തിയത് ഉറ്റവരോട് അവസാനയാത്ര പറയാനായിരുന്നു. കേരളത്തിൽ കോളിളക്കം സൃഷ്ടിച്ച സൗമ്യകേസിനു ശേഷം റെയിൽവേ പാഠം പഠിച്ചോ? പഠിച്ചിരുന്നെങ്കിൽ സമാനമായൊരു നിലവിളി മഞ്ഞുമ്മൽ മൈത്രി നഗറിൽ നിന്ന് ഇന്നലെ ഉയരില്ലായിരുന്നു. ടിക്കറ്റില്ലായാത്ര തടഞ്ഞപ്പോൾ യാത്രക്കാരൻ ട്രെയിനിൽ നിന്ന് തള്ളിയിട്ട് കൊലപ്പെടുത്തിയ ടിടിഇ കെ.വിനോദും ഒരു കുടുംബത്തിന്റെ അത്താണി ആയിരുന്നു. ഏപ്രിൽ രണ്ടിന് വൈകിട്ട് 6.45ന് എറണാകുളം– പട്ന എക്സ്പ്രസിലായിരുന്നു സംഭവം. ടിക്കറ്റ് ചോദിച്ച ടിടിഇയെ തൃശൂർ മുളങ്കുന്നത്തുകാവ് സ്റ്റേഷനു സമീപം പ്രതി ട്രെയിനിനു പുറത്തേയ്ക്കു തള്ളിയിടുകയായിരുന്നു. പ്രതി ഒഡീഷ ഗഞ്ചാം ബഡഗോച്ച സ്വദേശി രജനികാന്ത രണജിത്തിനെ (42) കസ്റ്റഡിയിലെടുത്തെങ്കിലും ബാക്കിയാകുന്ന ചോദ്യങ്ങൾ ഏറെ. യാത്രക്കാർക്കും സ്വന്തം ജീവനക്കാർക്കും പോലും സുരക്ഷ ഒരുക്കാനാകാത്ത നിലയിലാണോ റെയിൽവേ?
അരികിൽ നിന്ന് അരങ്ങത്തേയ്ക്ക് ‘സിഎം മാഡം’: അതിഷി ‘വെളിപ്പെടുത്തിയത്’ കേജ്‌രിവാളിന്റെ പിൻഗാമിയെ?

‘താങ്ക് യു സുനിത, ഫോർ ആൾവേയ്സ് ബീയിങ് ദേർ’– 2015 ഫെബ്രുവരി 10ന് ഇന്ന് എക്സ് ആയി മാറിയ അന്നത്തെ ട്വിറ്ററിൽ ഡൽഹി മുഖ്യമന്ത്രി അരവിന്ദ് കേജ്‌രിവാൾ കുറിച്ചു വച്ച വാക്കുകളാണിത്. ഡൽഹി നിയമസഭാ തിര‍ഞ്ഞെടുപ്പിൽ 70 സീറ്റുകളിൽ 67ഉം നേടിയ ആം ആദ്മി പാർട്ടിയുടെ വിജയത്തിന് ശേഷമായിരുന്നു ഭാര്യയോടുള്ള കേജ്‌രിവാളിന്റെ നന്ദി പ്രകടനം. ഡൽഹിയുടെ രാഷ്ട്രീയ ലോകത്തേക്ക് ഭാര്യ സുനിതയെ കേജ്‌രിവാൾ ഔദ്യോഗികമായി പരിചയപ്പെടുത്തിയതും അങ്ങനെയായിരുന്നു. ആ നന്ദിപ്രകാശനം നടത്തിയിട്ട് ഇന്ന് 9 വർഷം കഴിഞ്ഞിരിക്കുന്നു. ആം ആദ്മി പാർട്ടിയിലും മുഖ്യമന്ത്രിപദത്തിലും കേജ്‌രിവാളിനു പകരം പറഞ്ഞു കേൾക്കുന്ന പേരുകളിൽ ഇന്നു സുനിതയുമുണ്ട്. കേജ്‌രിവാളിനു ജയിലിൽനിന്നു ഭരണം സാധ്യമല്ല എന്ന് ഭരണഘടനപ്രകാരം ഒരു വിധി വന്നാൽ ഡൽഹിയുടെ അടുത്ത സാധ്യതകൾ നീണ്ടു ചെല്ലുന്നത് സുനിതയിലേക്കാണ്. ‘‘കേജ്‌രിവാൾ ഒരു സിംഹമാണ്. അദ്ദേഹത്തെ അധികകാലം ജയിലിൽ ഇടാനാകില്ല’’ എന്നാണ് സുനിത കേജ്‌രിവാൾ ഇന്ത്യ മുന്നണിയുടെ പ്രതിഷേധ യോഗത്തിൽ പ്രസംഗിച്ചത്.
ചങ്കിടിപ്പിച്ച് കേന്ദ്രത്തിന്റെ കത്ത്: നിങ്ങളുടെ വളർത്തു നായയെ ഉപേക്ഷിക്കേണ്ടി വരുമോ? വരുമാനവും ഇടിയും

‘‘എന്തിനു വേണ്ടിയാണ് ഇങ്ങനെയൊരു തീരുമാനം?’’ ആ വാർത്ത കേട്ട നായ പ്രേമികൾ ഉൾപ്പെടെ പരസ്പരം ചോദിച്ചത് ഇങ്ങനെയാണ്. റോട്ട്‌വെയ്‌ലർ, പിറ്റ്ബുൾ ടെറിയർ, അമേരിക്കൻ ബുൾഡോഗ് തുടങ്ങിയ പരിചിത ഇനങ്ങൾ ഉൾപ്പെടെ ഇരുപതിലധികം നായകളുടെ ഇറക്കുമതിയും വിൽപനയും നിരോധിക്കാൻ കേന്ദ്ര സർക്കാർ നിർദേശം നൽകിയതായിരുന്നു വാർത്ത. ഈ വിഭാഗത്തിൽപ്പെട്ട നായകൾക്കു തദ്ദേശ സ്ഥാപനങ്ങൾ ലൈസൻസ് നൽകരുതെന്നും നിർദേശിച്ചിട്ടുണ്ട്. ഇതു സംബന്ധിച്ച് സംസ്ഥാനങ്ങൾക്ക് കത്തും അയച്ചു കേന്ദ്രം. എന്തുകൊണ്ടാണ് ഇത്തരത്തിലൊരു തീരുമാനം? അതന്വേഷിച്ചു പോയാൽ സംഭവം ‘കോടതി കയറും’. മനുഷ്യജീവന് അപകടമാകുന്ന നായകളെ നിരോധിക്കണമെന്ന ആവശ്യത്തിൽ തീരുമാനം എടുക്കാൻ കേന്ദ്ര സർക്കാരിനോട് ഡൽഹി ഹൈക്കോടതി നിർദേശിച്ചിരുന്നു. തുടർന്ന് കേന്ദ്ര മൃഗപരിപാലന കമ്മിഷണർ അധ്യക്ഷനായി ഒരു വിദഗ്ധ സമിതി രൂപീകരിച്ചു. ആ സമിതിയുടെ ശുപാർശ പ്രകാരമാണ് ഇപ്പോഴത്തെ നടപടി. നായകളുടെ ആക്രമണത്താൽ പൊതുജനങ്ങൾക്ക് പരുക്കേൽക്കുന്നതും മനുഷ്യർ മരിക്കുന്നതും വർധിച്ചതായി കണക്കിലെടുത്താണ് തീരുമാനമെന്നും കേന്ദ്രം സംസ്ഥാനങ്ങൾക്കയച്ച കത്തിൽ വ്യക്തമാക്കുന്നു. ഈ വാർത്ത പുറത്തുവന്നതോടെ മാനസിക പിരിമുറുക്കത്തിലായത് നായകളെ മക്കളെപ്പോലെ കരുതുന്ന അരുമപ്രേമികളാണ്. ഇവരിൽ ഭൂരിപക്ഷവും പ്രായമായവരുമാണ്. നാട്ടിൽ ഒറ്റയ്ക്ക് താമസിക്കുന്ന മുതിർന്ന പൗരന്മാരുടെ സുരക്ഷയ്ക്കും കവലിനും മിക്കവാറും വീടുകളിൽ ഉണ്ടാവുക റോട്ട്‌വെയ്‌ലർ ആയിരിക്കും. അതുകൊണ്ടുതന്നെ റോട്ട്‌വെയ്‌ലറിന്റെ നിരോധനം അക്ഷരാർഥത്തിൽ ഞെട്ടിച്ചത് അത്തരക്കാരെയാണ്. ‘എന്റെ കൊച്ചിനെ ഉപേക്ഷിക്കേണ്ടി വരുമോ’ എന്നു വേവലാതിപ്പെട്ട് നായ പരിപാലന മേഖലയുമായി ബന്ധപ്പെട്ടവരെ വിളിക്കുന്നവരുടെ എണ്ണവും ഏറുകയാണ്. യഥാർഥത്തിൽ ഇത്തരമൊരു നിരോധനം ഇന്ത്യയിൽ പ്രായോഗികമാണോ? സംസ്ഥാനങ്ങൾക്ക് ഇക്കാര്യത്തിൽ ഒന്നും ചെയ്യാനാകില്ലേ? എന്തെല്ലാമാണ് മറ്റു നിരോധനങ്ങൾ? വിശദമായറിയാം.
നരബലി തടയാമായിരുന്നു: എങ്ങനെ മറക്കും ആ കുഞ്ഞ് എഴുതിയത്: ലൈംഗിക കുറ്റവാളികളെ ‘തുറന്നു വിട്ടത്’ ആരാണ്?

കോഴിക്കോട് പേരാമ്പ്രയിൽ അനു എന്ന ഇരുപത്തിയാറുകാരിയെ മുട്ടറ്റംമാത്രം വെള്ളമുള്ള തോട്ടിൽ മരിച്ചനിലയിൽ കണ്ടത്തിയത് 2024 മാർച്ച് 11നാണ്. സംഭവം കൊലപാതകമാണെന്ന് സ്ഥിരീകരിച്ച പൊലീസ് ഒരാഴ്ചയ്ക്കുള്ളിൽ പ്രതിയെ പിടികൂടി. മലപ്പുറം വാഴക്കാട് സ്വദേശി മുജീബ് റഹ്മാൻ. ലിഫ്റ്റ് വാഗ്ദാനം ചെയ്ത് അനുവിനെ ബൈക്കിൽ കയറ്റിയ പ്രതി വഴിയിൽവച്ച് തോട്ടിലേയ്ക്ക് തള്ളിയിട്ട് വെള്ളത്തിൽ ചവിട്ടിത്താഴ്ത്തുകയായിരുന്നു. മരിച്ചെന്നുറപ്പിച്ചശേഷം അനുവിന്റെ ആഭരണങ്ങളുമായി പ്രതി കടന്നു. ഇയാളെ അറസ്റ്റുചെയ്ത ശേഷം മറ്റൊരു കാര്യം കൂടി പ‌ൊലീസ് പറഞ്ഞു. കൊലപാതകമുൾപ്പെടെ അൻപതിലേറെ കേസുകളിൽ പ്രതിയാണ് മുജീബ് റഹ്മാൻ. സ്ഥിരം കുറ്റവാളി! മുജീബ് റഹ്മാനിൽ തീർന്നില്ല, 2023ൽ ആലുവയിൽ അഞ്ചുവയസ്സുള്ള കുഞ്ഞിനെ ക്രൂരമായി പീഡിപ്പിച്ച് കൊലപ്പെടുത്തിയ കേസിലെ പ്രതി അസ്‌ഫാക് ആലം, തിരുവനന്തപുരം പേട്ടയിൽനിന്ന് രണ്ടുവയസ്സുകാരിയെ തട്ടിക്കൊണ്ടുപോയ ഹസൻകുട്ടി, ഇലന്തൂർ നരബലിക്കേസ് പ്രതി മുഹമ്മദ് ഷാഫി, 2023ൽ ആലുവയിൽ എട്ടുവയസ്സുകാരിയെ പീഡിപ്പിച്ച കേസിലെ പ്രതി തിരുവനന്തപുരം സ്വദേശി ക്രിസ്റ്റിൽ രാജ് തുടങ്ങിയ ഒട്ടേറെപ്പേർ പതിവ് കുറ്റവാളികളാണെന്ന് പൊലീസ് തന്നെ സാക്ഷ്യപ്പെടുത്തുന്നു. ഗുരുതര സ്വഭാവമുള്ള കുറ്റകൃത്യങ്ങൾ പതിവാക്കിയ ഇവർ വീണ്ടും വീണ്ടും തെറ്റുചെയ്യുന്നത് എന്തുകൊണ്ട് നമുക്ക് തടയാനാവുന്നില്ല? ഉത്തരം ലളിതമാണ്.
തിയറ്ററില്‍ ആടുജീവിതം, പുറത്ത് പൊള്ളുന്ന 'വോട്ടുജീവിതം'; ഫലം കണ്ട അഗ്നിയും 'സമരാഗ്നിയും'

ഏറെ കാത്തിരിപ്പിനൊടുവിൽ ചുട്ടുപൊള്ളിക്കുന്ന മണൽക്കാഴ്ചകളിലെ നജീബിന്റെ ജീവിതം സിനിമയായി തിയറ്ററിൽ നിറഞ്ഞോടുമ്പോൾ, സംവിധായകൻ ബ്ലസിയുടെ ഷൂട്ടിങ് ഓർമകൾ മനോരമ ഓൺലൈൻ പ്രീമിയം പ്രിയ വായനക്കാർക്ക് മുന്നിലെത്തിച്ചു. ആടുജീവിതം റിലീസ് ചെയ്ത ദിവസമാണ് ദൃശ്യവിരുന്നിന് പൂർണതയേകാനുള്ള ബ്ലസിയുെട പരിശ്രമങ്ങൾ പറഞ്ഞ പ്രീമിയം റിപ്പോർട്ട് പതിനായിരങ്ങളെ ആകർഷിച്ചത്. തിയറ്ററിനുള്ളിൽ ആടുജീവിതം പ്രേക്ഷകരെ കരയിപ്പിക്കുമ്പോൾ പുറത്ത് വിവിധ രാഷ്ട്രീയ പാർട്ടികളിലെ പ്രവർത്തകരും സ്ഥാനാർഥികളും വേനൽ ചൂടിൽ വിയർക്കുകയാണ്. പോയവാരം ഇന്ത്യൻ രാഷ്ട്രീയത്തിലേയും കേരള രാഷ്ട്രീയത്തിലും പ്രധാന സംഭവങ്ങൾ പ്രീമിയത്തിൽ സ്ഥാനം പിടിച്ചു. ഇവയിൽ ഏറ്റവും പ്രധാനം കേജ്‌രിവാളിന്റെ അറസ്റ്റിനെ തുടർന്നുണ്ടായ സംഭവങ്ങളാണ്. ഡൽഹിയിലെ രാഷ്ട്രീയം അറിയാൻ മലയാളികൾക്ക് താൽപ്പര്യം ഏറെയുണ്ടെന്ന് തെളിയിക്കുന്നതായിരുന്നു പ്രീമിയത്തിലെ റിപ്പോർട്ടുകൾക്ക് ലഭിച്ച സ്വീകാര്യത.
സുനിതയ്ക്കു പിന്നിലെ ചിത്രങ്ങളിൽ ‌നിർണായക സൂചന; കേജ്‌രിവാളിന് വീട്ടുതടങ്കൽ? ‘239എബി’ ആയുധമാക്കുമോ ബിജെപി?

അഴിമതിക്കെതിരെ രംഗത്തുവന്ന ആം ആദ്മി പാർട്ടിയുടെ (എഎപി) വളർച്ച അതിവേഗത്തിലായിരുന്നു. 2013 ഡിസംബറിൽ ആദ്യമായി അധികാരത്തിലെത്തിയ എഎപി 10 വർഷത്തിനുള്ളിലാണ് ദേശീയപാർട്ടി പദവി നേടിയെടുത്തത്. ഇന്നു ഡൽഹിയിലും പഞ്ചാബിലും ഭരണത്തിൽ. ഗോവ, ഗുജറാത്ത് തുടങ്ങിയ സംസ്ഥാനങ്ങളിൽ ശക്തമായ സാന്നിധ്യം. പക്ഷേ, അതികഠിനമായ ഒരു പ്രതിസന്ധിക്കു മുന്നിൽ പകച്ചു നിൽക്കുകയാണ് പാർട്ടി ഇന്ന്. നേതൃനിരയിലെ പ്രധാനപ്പെട്ട 3 പേരാണ് ജയിലിൽ. ജനങ്ങൾക്കിടയിൽ ആവേശം ജനിപ്പിക്കാൻതക്ക കരുത്തുറ്റ നേതാവ് ഇപ്പോൾ പാർട്ടിയിലില്ല. മദ്യനയക്കേസിൽ അകപ്പെട്ട മുഖ്യമന്ത്രി അരവിന്ദ് കേജ്‌രിവാളിന്റെ കസ്റ്റഡി ഏപ്രിൽ ഒന്നു വരെ നീട്ടിയിരിക്കുകയാണ് കോടതി. നിലവിൽ ജയിലിൽനിന്നാണ് അദ്ദേഹത്തിന്റെ ‘ഭരണം’. എന്നാൽ അതു സമ്മതിക്കില്ലെന്നും ഡല്‍ഹിയിൽ രാഷ്ട്രപതി ഭരണം ഏർപ്പെടുത്തുമെന്നുമുള്ള സൂചന നല്‍കിക്കഴിഞ്ഞു ലഫ്. ഗവർണർ വിനയ് കുമാർ സക്‌സേന. മുഖ്യമന്ത്രി സ്ഥാനവും കേജ്‌രിവാളിന്റെ ആവേശപ്രസംഗങ്ങളുമില്ലാതെ ലോക്സഭാ തിരഞ്ഞെടുപ്പുകാലത്ത് എഎപി എങ്ങനെ മുന്നോട്ടു പോകും? ഈ പ്രതിസന്ധിയെ മറികടക്കാൻ പാർട്ടിക്കു സാധിക്കുമോ?
നടപ്പാകില്ലെന്നറിഞ്ഞിട്ടും ബിജെപി എന്തിന് വ്യാജ വാഗ്ദാനം നൽകി? ത്രീ ഇഡിയറ്റ്സ് ‘നായകന്‍’ പറയുന്നു: അമിത് ഷായും സഹായിച്ചില്ല

താപനില മൈനസ് പത്തിലും താഴ്ന്നിട്ടും ലഡാക്കിന്റെ അന്തരീക്ഷത്തിൽ പ്രസരിക്കുന്നത് പ്രതിഷേധത്തിന്റെ ചൂടാണ്. കടുത്ത തണുപ്പിലും വിറയ്ക്കാതെ, ലഡാക്കിന്റെ നഷ്ടപ്പെട്ട ജനാധിപത്യവും പരിസ്ഥിതിയും തിരിച്ചുപിടിക്കാനായി മാര്‍ച്ച് ആറുമുതല്‍ 21 ദിവസത്തെ ‘കാലാവസ്ഥാ നിരാഹാര’ സമരത്തിലായിരുന്നു മഗ്‌സസേ പുരസ്‌കാര ജേതാവും കാലാവസ്ഥാ, വിദ്യാഭ്യാസ, സാമൂഹിക പ്രവര്‍ത്തകനുമായ സോനം വാങ്ചുക്. ‘ത്രീ ഇഡിയറ്റ്‌സെ’ന്ന ബോളിവുഡ് സിനിമയില്‍ ആമിര്‍ ഖാന്‍ അവതരിപ്പിച്ച ഫുന്‍സുക് വാങ്ഡു, തമിഴിലെ നന്‍പന്‍ സിനിമയിലെ വിജയുടെ കൊസാക്കി പസപുഗള്‍ എന്നീ കഥാപാത്രങ്ങള്‍ക്ക് പ്രചോദനമായ ഈ അന്‍പത്തിയേഴുകാരൻ നടത്തിയ നിരാഹാര സമരത്തിന് ലഡാക്കിൽ മാത്രമല്ല രാജ്യത്തുടനീളം പിന്തുണയുണ്ട്. സമുദ്രനിരപ്പിന് 3500 അടി ഉയരത്തില്‍... ഈ എല്ലു മരവിപ്പിക്കുന്ന തണുപ്പില്‍ എന്തിനുവേണ്ടിയാണ് വാങ്ചുക് നിരാഹാരമനുഷ്ഠിച്ചത്? പ്രധാനമായും രണ്ട് കാര്യങ്ങളാണ് വാങ്ചുക്കും ലഡാക്ക് ജനതയും കേന്ദ്രസര്‍ക്കാരിനോടും ലോകത്തോടും ആവശ്യപ്പെടുന്നത്. ഒന്ന് ലഡാക്ക് ജനതയുടെ ജനാധിപത്യ അവകാശങ്ങള്‍ സംരക്ഷിക്കുക. രണ്ട്, ലഡാക്കിന്റെ ദുർബലമായ പരിസ്ഥിതി സംരക്ഷിക്കുക. 2019ല്‍ ജമ്മുകശ്മീരിന്റെ പ്രത്യേകപദവി റദ്ദാക്കി കശ്മീരിനെയും ലഡാക്കിനെയും രണ്ട് കേന്ദ്രഭരണപ്രദേശങ്ങളാക്കി വിഭജിച്ചതിനുശേഷം തങ്ങളുടെ ജനാധിപത്യ അവകാശങ്ങള്‍ ഹനിക്കപ്പെട്ടതായി ലഡാക്ക് ജനത ആരോപിക്കുന്നു. ജനാധിപത്യ സംരക്ഷണത്തിനായി നാല് ആവശ്യങ്ങളാണ് വാങ്ചുക്കും കൂട്ടരും മുന്നോട്ടുവയ്ക്കുന്നത്.
‘ആപ്’ എംഎൽഎമാരെ മറുകണ്ടം ചാടിക്കാൻ ബിജെപി? കേജ്‌രിവാളിന്റെ പ്രതിച്ഛായ തകർത്ത ‘പ്രതികാരം’

ആദർശ രാഷ്ട്രീയത്തിന്റെ ബിംബമായി തിളങ്ങിയ ഡൽഹി മുഖ്യമന്ത്രി അരവിന്ദ് കേ‌ജ്‌രിവാളിനെ എൻഫോഴ്സ്മെന്റ് ഡയറക്ടറേറ്റ് (ഇഡി) അഴിമതിക്കേസിൽ അറസ്റ്റ് ചെയ്ത് ജയിലിലടച്ചിരിക്കുന്നു. പാർലമെന്റ് തിരഞ്ഞെടുപ്പു നടപടികൾ ആരംഭിച്ചതിനു ശേഷവും കേ‌ജ്‌രിവാളിനെ വേട്ടയാടാൻ കേന്ദ്ര കുറ്റാന്വേഷണ ഏജൻസികൾ കാട്ടിയ ഈ അത്യുത്സാഹം സാധാരണക്കാരെപ്പോലും അമ്പരപ്പിക്കുന്നതാണ്. ബിജെപിയുമായി താരതമ്യം ചെയ്യുമ്പോൾ ‘കുഞ്ഞൻ’ പാർട്ടിയായ ‘ആപി’നെ ഈ വിധം ചവിട്ടി കൂമ്പൊടിക്കാൻ ശ്രമിക്കുന്നതിനു പിന്നിലെ ദീർഘകാല ലക്ഷ്യം മനസ്സിലാക്കിയാലേ ഇതുമായി ബന്ധപ്പെട്ട ചോദ്യങ്ങൾക്ക് ഉത്തരം കിട്ടൂ. രാജ്യതലസ്ഥാനമായ ഡൽഹിയും അയൽസംസ്ഥാനമായ പഞ്ചാബും ഭരിക്കുന്ന ആം ആദ്മി പാർട്ടി (എഎപി) ബിജെപിയും കോൺഗ്രസും കഴിഞ്ഞാൽ ഇന്ത്യയിൽ ഒന്നിലേറെ സംസ്ഥാനങ്ങളിൽ ഭരണംനടത്തുന്ന ഒരേയൊരു കക്ഷിയാണ്. അതിനു പുറമേ ഗുജറാത്തിലും ഗോവയിലും സാന്നിധ്യമറിയിച്ചിട്ടുള്ള എഎപിയെ ഇന്ത്യയിലെ മൂന്നാമത്തെ പ്രധാന രാഷ്ട്രീയ പാർട്ടി എന്നു വിശേഷിപ്പിക്കുന്നതിൽ തെറ്റില്ല. മമത ബാനർജിയും ഇടതുപാർട്ടികളും ഹിന്ദി മേഖലയിലെ യാദവ സോഷ്യലിസ്റ്റുകളുമെല്ലാം ഒരൊറ്റ സംസ്ഥാനത്തു മാത്രം ഒതുങ്ങിനിൽക്കുന്നു. അഥവാ, അടിത്തറ വിപുലമാക്കി ദേശീയ പാർട്ടിയായി വളരണമെന്ന ഇവയുടെ മോഹം സഫലമായില്ല.
രാഹുലിന് കിട്ടിയത് 21ന്റെ ശാപം? ‘പ്രിയങ്കതന്നെ വേണം’: ആ 2 മണ്ഡലം കൈവിട്ടാൽ കോൺഗ്രസിന് നഷ്ടം എന്നന്നേയ്ക്കും

ലോക്സഭാ തിരഞ്ഞെടുപ്പിനുള്ള സ്ഥാനാർഥികളെ നിശ്ചയിക്കാനുള്ള യോഗങ്ങൾ കോൺഗ്രസ് ദേശീയ ആസ്ഥാനത്ത് തുടരുമ്പോൾ, പാർട്ടിക്കുള്ളിൽ ഏറ്റവും ചർച്ചയാകുന്ന ചോദ്യമിതാണ് – ഉത്തർ പ്രദേശിലെ അമേഠിയിലും റായ്ബറേലിയിലും ആരു മത്സരിക്കും? കഴിഞ്ഞ തിരഞ്ഞെടുപ്പ് വരെ കോൺഗ്രസ് ഏറ്റവുമാദ്യം സ്ഥാനാർഥികളെ നിശ്ചയിച്ചിരുന്ന മണ്ഡലങ്ങളാണിവ; അമേഠിയിൽ രാഹുൽ ഗാന്ധിയും റായ്ബറേലിയിൽ സോണിയ ഗാന്ധിയും. ഗാന്ധി കുടുംബത്തിന്റെ പരമ്പരാഗത സീറ്റുകളിൽ ആരു മത്സരിക്കണമെന്നു തീരുമാനിക്കാൻ മുൻപ് ചർച്ചയുടെ ആവശ്യം പോലുമില്ലാതിരുന്ന കോൺഗ്രസ്, ഇക്കുറി ഇരു മണ്ഡലങ്ങളെയും കുറിച്ച് തലപുകയ്ക്കുകയാണ്.
നമ്മുടെ നാട് സ്വർഗമല്ലേ! അഞ്ചിരട്ടിയായി വോട്ടർമാർ; ജെസ്ന കൊണ്ടുപോയ ആ പുസ്തകം; തുടങ്ങി ഐപിഎൽ പൂരം

നാട്ടിലെങ്ങും ഉത്സവമാണ്. ആഘോഷത്തിന്റെ നാളുകളിൽ നമ്മൾ ഒത്തുകൂടുമ്പോൾ ചർച്ചചെയ്യുന്ന വിശേഷങ്ങൾ എന്തൊക്കെയാണ്. ലോക്സഭ തിരഞ്ഞെടുപ്പും ഐപിഎലും– പോയ വാരം രാജ്യത്ത് ഈ രണ്ട് വലിയ പൂരങ്ങൾക്കാണ് കൊടിയേറിയത്. കുറച്ച് കാത്തിരുന്ന ശേഷമാണ് ഇക്കുറി തിരഞ്ഞെടുപ്പ് തീയതി വന്നത്. ഇൻഫോഗ്രാഫിക്സിലൂടെ രാജ്യത്തെ തിരഞ്ഞെടുപ്പിന്റെ 73 വർഷത്തെ പ്രത്യേകതകൾ വോട്ടു കണക്കുകളിലൂടെ അവതരിപ്പിച്ച പ്രീമിയം വാർത്ത വലിയ ശ്രദ്ധ നേടി. ഇന്ത്യയിൽ ഇതുവരെ മത്സരിച്ച പാർട്ടികൾ, സ്ഥാനാർഥികൾ, പോളിങ് സ്റ്റേഷനുകൾ, പോളിങ് ശതമാനം ഈ വിവരങ്ങളെല്ലാം ഈ റിപ്പോർട്ടിൽ സമഗ്രമായി ഉൾപ്പെടുത്തിയിരുന്നു.
ആ ‘സർവേ’ ഫലിച്ചു; കേജ്‌രിവാൾ അന്നേ അറിഞ്ഞു‌ ഇഡി നീക്കം; ഭാര്യയോ അതിഷിയോ സൗരഭോ... ആരു ‌വരും ‘തലവന്’ പകരം?

എഎപി ദേശീയ കൺവീനറും ഡൽഹി മുഖ്യമന്ത്രിയുമായ അരവിന്ദ് കേജ്‌രിവാൾ മദ്യനയവുമായി ബന്ധപ്പെട്ട അഴിമതിക്കേസിൽ അറസ്റ്റിലായതോടെ ബാക്കിയാകുന്ന ഒരു വലിയ ചോദ്യമുണ്ട്. ഇനി ആരു നയിക്കും ആം ആദ്മി പാർട്ടിയെ (എഎപി). പല പേരുകളും ഉയരുന്നുണ്ട്; അവരാരും കേജ്‌രിവാളിനോളമെത്തില്ലെങ്കിലും. എഎപിയുടെ ഓരോ പ്രവർത്തകനും അരവിന്ദ് കേജ്‌രിവാളാണെന്നു കരുതി പ്രവർത്തിക്കണമെന്നാണ് അറസ്റ്റിനു പിന്നാലെ നേതാക്കൾ അണികളെ ആശ്വസിപ്പിക്കുന്നത്. പക്ഷേ അന്തിമമായ ഒരുത്തരം ആരും നൽകുന്നില്ല. അതുകൊണ്ടുതന്നെയാകണം, അറസ്റ്റ് ചെയ്തതിനു തൊട്ടുപിന്നാലെ ‘ജയിലിൽ കിടന്ന് കേജ്‌രിവാൾ ഭരിക്കും’ എന്ന് എഎപി നേതാക്കൾക്കു പ്രഖ്യാപിക്കേണ്ടി വന്നതും. പക്ഷേ, ഭരണം മാത്രമല്ല കേജ്‌രിവാളിനു മുന്നിലുള്ളത്. എഎപിയുടെ താരപ്രചാരകനായി ജനങ്ങൾക്കിടയിലേക്ക് ഇനി അദ്ദേഹത്തിനു പകരം ആരിറങ്ങും? സജീവ രാഷ്ട്രീയത്തിലില്ലെങ്കിലും കേജ്‌രിവാളിന്റെ ഭാര്യ സുനിത, മന്ത്രിമാരായ അതിഷി സിങ്, സൗരഭ് ഭരദ്വാജ്, എഎപി വക്താവും രാജ്യസഭാംഗവുമായ രാഘവ് ചദ്ദ എന്നിവരുടെ പേരുകളാണ് ഏറ്റവും സാധ്യതയുള്ളതായി ഉയർന്നു കേൾക്കുന്നത്. വരുന്നത് ആരാണെങ്കിലും കാത്തിരിക്കുന്നത് വലിയ വെല്ലുവിളിയാണ്. ഒന്നാമത് ഡൽഹി ഭരണംതന്നെ, രണ്ടാമതായി, തൊട്ടടുത്തെത്തിയിരിക്കുന്ന ലോക്സഭാ തിരഞ്ഞെടുപ്പും. കോൺഗ്രസിനൊപ്പം സഖ്യമായാണ് ഇത്തവണ എഎപി ഡൽഹിയിൽ ബിജെപിയെ നേരിടുന്നത്. 2019ൽ ഡൽഹിയിലെ ഏഴ് ലോക്സഭാ മണ്ഡലങ്ങളും ബിജെപി സ്വന്തമാക്കിയെങ്കിലും ഇത്തവണ ആഞ്ഞുപിടിച്ചാൽ ഡൽഹി സ്വന്തമാക്കാമെന്ന ‘ഇന്ത്യ’ സഖ്യത്തിന്റെ കണക്കുകൂട്ടൽ കൂടിയാണ് കേജ്‌രിവാളിന്റെ അറസ്റ്റോടെ പാളം തെറ്റിയിരിക്കുന്നത്.
‘ഇന്ത്യ’യുമായി ചേർന്നത് കേജ്‌രി‌വാളിന്റെ തന്ത്രം? ഡൽഹി മുഖ്യനെ പത്തിൽ പൂട്ടി ഇഡി, രാജ്യത്ത് ആദ്യം; ഇനിയെന്ത്?

എന്നുമുതലാണ് അരവിന്ദ് കേജ്‍രിവാളിനെ ആദ്യമായി കാണുകയോ ആ പേര് കേൾക്കുകയോ ചെയ്തത്? 2011ൽ ന്യൂഡൽഹിയിൽ നടന്ന ജൻ ലോക്പാൽ ബില്ലിനു വേണ്ടിയുള്ള സമരത്തെ കുറിച്ചുള്ള റിപ്പോർട്ടുകളിലാകും കൂടുതൽ പേരും ഇദ്ദേഹത്തെ ആദ്യമായി കാണുന്നത്. അന്ന് അഴിമതി വിരുദ്ധ സമരനായകൻ എന്ന വിശേഷണം സ്വന്തമാക്കിയ അണ്ണാ ഹസാരെയെ ചുറ്റിപ്പറ്റിയുള്ള അനേകം പേരിൽ ഒരാൾ മാത്രമായിരുന്നു കേജ്‍രിവാൾ. സമരം കഴിഞ്ഞപ്പോൾ അന്ന് ഒത്തുകൂടിയവർ പലവഴിക്ക് പോയി. പക്ഷേ, കേജ്‍രിവാൾ അവിടെത്തന്നെ നിന്നു. കയ്യിൽ ഒരു ചൂലെടുത്ത് അഴിമതി തുടച്ചു നീക്കാനായി ആം ആദ്മി പാർട്ടി (എഎപി) രൂപീകരിച്ചു, അതിവേഗം, രാജ്യതലസ്ഥാനം സ്ഥിതി ചെയ്യുന്ന ഡൽഹിയുടെ അധികാരം തിരഞ്ഞെടുപ്പിലൂടെ നേടി, ഒന്നല്ല മൂന്ന് വട്ടം. എന്തിനെതിരെയാണോ കേജ്‍രിവാൾ ചൂൽ പടവാളാക്കിയത് അതേ അഴിമതി കാരണമാണ് ഡൽഹി മുഖ്യമന്ത്രി ഇപ്പോൾ അറസ്റ്റിലായിരിക്കുന്നത്. ലോക്സഭാ തിരഞ്ഞെടുപ്പിന്റെ പടിവാതിൽക്കൽ വച്ച് കേജ്‍രിവാൾ അറസ്റ്റിലാകുമ്പോൾ അതിലെ രാഷ്ട്രീയം ആർക്കാവും അനുകൂലമാവുക? ഒൻപത് വട്ടം സമൻസ് അയച്ചിട്ടും ഹാജരാകാതിരുന്ന ഡൽഹി മുഖ്യനെ പത്താം സമൻസിൽ കയ്യോടെ കൊണ്ടുപോയതിലൂടെ ഇഡി നേടിയ പുതിയ ‘അധികാരം’ എന്തായിരിക്കും? ഡൽഹിയിലെ അറസ്റ്റ് സ്വതന്ത്ര ഇന്ത്യയിൽ ഇതുവരെ സംഭവിക്കാത്തതാണ്. അതിന്റെ അലയൊലികൾ ഇഡി അന്വേഷണം നേരിടുന്ന, ഇനി നേരിടാൻ സാധ്യതയുള്ള വിവിധ സംസ്ഥാനങ്ങളിലെ നേതാക്കൾക്ക് നല്‍കുന്ന പാഠമെന്താണ്? വിശദമായി പരിശോധിക്കാം.
അന്ന് ആകാശത്ത് ഭയന്നു നിലവിളിച്ച ‘മരുമകൾ’: സോണിയ പറഞ്ഞു, ഇവൾ ബാധ്യതയാകും: പകയുടെ, പോരാട്ടത്തിന്റെ മേനക

മാർച്ച് രണ്ടിനാണ് ഉത്തർ പ്രദേശിലേയ്ക്കുള്ള 80 ലോക്സഭാ സ്ഥാനാർഥികളിൽ 51 പേരുടെയും പേര് ബിജെപി പുറത്തുവിട്ടത്. പ്രധാനമന്ത്രി നരേന്ദ്രമോദി വീണ്ടും വാരാണസിയിൽനിന്ന് മത്സരിക്കുമെന്ന് അതോടെ വ്യക്തമായി. പക്ഷേ, അതിനേക്കാളുമേറെ ആകാംക്ഷയോടെ ബിജെപി പ്രവർത്തകരും പ്രതിപക്ഷവും കാത്തിരുന്ന രണ്ടു പേരുകൾ ആ പട്ടികയിൽ ഇല്ല. ഒരാൾ മേനക ഗാന്ധി, രണ്ടാമത്തെയാൾ മകൻ വരുൺ ഗാന്ധി. വരുണിന്റെ മണ്ഡലമായ പിലിബിത്തിൽ ഒന്നാം ഘട്ടത്തിൽ, ഏപ്രിൽ 19നാണ് തിരഞ്ഞെടുപ്പ്. മേനകയുടെ സുൽത്താൻപുരിൽ ആറാം ഘട്ടമായ മേയ് 25നും. സ്ഥാനാർഥികൾ വരും, വൈകില്ല എന്ന് ബിജെപി പറയുമ്പോഴും എന്തുകൊണ്ടാണ് മേനകയുടെയും വരുണിന്റെ കാര്യത്തിൽ മുൻപെങ്ങുമില്ലാത്ത ഈ അനിശ്ചിതാവസ്ഥ? 2019ൽ സുൽത്താൻപുരിൽ നിന്ന് പതിനായിരത്തിലേറെ വോട്ടുകളുടെ ഭൂരിപക്ഷത്തിനാണ് ബിഎസ്പി സ്ഥാനാർഥിയെ മേനക തോൽപിച്ചത്. പക്ഷേ രണ്ടാം മോദി സർക്കാരിൽ മേനകയെയോ വരുണിനെയോ മന്ത്രിസഭയിലേയ്ക്കു പരിഗണിച്ചില്ല. അതോടെ കേന്ദ്രത്തെയും യുപിയിലെ യോഗി സർക്കാരിനെയും വിമർശിക്കുന്നവരുടെ മുൻനിരയിലേയ്ക്ക് പ്രതിപക്ഷത്തോടൊപ്പം പലപ്പോഴും ഇരുവരും കയറിവന്നു. അതു പലപ്പോഴും അതിരുവിടുകയും ചെയ്തു. അതോടെ പാർട്ടിയുടെ കണ്ണിലെ കരടായും അമ്മയും മകനും മാറി. 1984ൽ രാജീവ് ഗാന്ധിക്കെതിരെ സ്വതന്ത്രയായി മത്സരിച്ചാണ് മേനക ഗാന്ധിയുടെ തിരഞ്ഞെടുപ്പ് പോരാട്ട ചരിത്രം ആരംഭിക്കുന്നത്. അന്ന് അമേഠിയിൽ തോറ്റെങ്കിലും സ്വതന്ത്ര സ്ഥാനാർഥിയായി മത്സരിച്ച് വിജയിച്ച പിലിബിത്ത് പിന്നീട് മൂന്നു പതിറ്റാണ്ട് മേനകയുടെ വിലാസമായി. സഞ്ജയ് ഗാന്ധിയുടെ പിൻഗാമി താനാവണം എന്ന നിശ്ചയത്തിൽ പ്രധാനമന്ത്രി ഇന്ദിരയുടെ വസതിയിൽ നിന്ന് വഴക്കിട്ടിറങ്ങുമ്പോൾ മേനകയ്ക്ക് 25 വയസ്സാണ് പ്രായം. ഇന്ന്, അറുപത്തിയേഴാം വയസ്സിലെത്തി നിൽക്കുമ്പോൾ, ഒരേസമയം ഇന്ത്യയുടെയും ഗാന്ധി കുടുംബത്തിന്റെയും തിരഞ്ഞെടുപ്പ് ചരിത്രത്തോടൊപ്പം ചേർത്തു വയ്ക്കാവുന്ന പേരായി മാറിയിരിക്കുന്നു മേനകയുടേത്. വെല്ലുവിളികളും വിവാദങ്ങളും വിജയങ്ങളും പരാജയങ്ങളും പകയുമെല്ലാമായി സംഭവബഹുലമാണ് ആ രാഷ്ട്രീയ ജീവിതം.
ജെസ്നയെടുത്ത പുസ്തകത്തിൽ എന്തായിരുന്നു? ‘ആ സുഹൃത്തുക്കളിൽ ഒരാൾക്കെതിരെ കേസ്’: വെളിപ്പെടുത്തി കെ.ജി.സൈമൺ

‘ആ സുഹൃത്തുക്കളിൽ ഒരാൾക്ക് കേസുണ്ടായിരുന്നു’. ജെസ്ന കേസ് അന്വേഷണത്തിന് നേതൃത്വം നൽകിയ സംഘങ്ങളിൽ ഒന്നിന്റെ തലവനായിരുന്ന മുൻ എസ്പി കെ.ജി.സൈമൺ ഓർത്തെടുത്തു. ‘‘ജെസ്നയുടെ സുഹൃത്തുക്കളെ മാത്രമല്ല സുഹൃത്തുക്കളുടെ സുഹൃത്തുക്കളെയും അവരുടെ സുഹൃത്തുക്കളെയും ഞങ്ങൾ അന്വേഷിച്ചിരുന്നു. ജെസ്നയെ കാണാതായത് സംബന്ധിച്ച് ഞങ്ങൾക്ക് ചില സംശയങ്ങളുണ്ടായിരുന്നു. ആ സംശയങ്ങൾ ദുരീകരിക്കുന്നതിനാണ് നാലഞ്ച് തട്ടിലുള്ള സുഹൃത്തുക്കൾ, അവരുടെ ഫോൺ കോളുകൾ എന്നിവ അന്ന് ഞങ്ങൾ അന്വേഷിച്ചത്.’’ ഷെർലക് ഹോംസിന്റെ കുറ്റാന്വേഷണ കഥകൾ വായിച്ചു വളർന്ന മലയാളികൾ ഹോംസിന്റെ കേരള പൊലീസ് പതിപ്പുകൾക്കായി ചുറ്റും അന്വേഷണം നടത്തുന്നത് പതിവായിരുന്നു. അവരുടെ മുന്നിലേക്കാണ് പോളക്കുളം കൊലക്കേസ് അന്വേഷണവുമായി രാധാ വിനോദ് രാജു എന്ന സിബിഐ ഉദ്യോഗസ്ഥൻ പ്രത്യക്ഷപ്പെട്ടത്. സിബിഐ ഡയറിക്കുറിപ്പിലെ മമ്മൂട്ടിയുടെ സേതുരാമയ്യർ എന്ന കഥാപാത്രം രാധാ വിനോദ് രാജുവിന്റെ പ്രവർത്തന രീതി സിനിമയിൽ പകർത്തി. തെളിയാത്ത കേസുകൾ സിബിഐയെ അന്വേഷിക്കണമെന്ന് ജനം ആവശ്യപ്പെട്ട കാലം. സിബിഐക്ക് വെല്ലുവിളി ഉയർത്തി കേരള പൊലീസിലെ ഏതാനും ഉദ്യോഗസ്ഥർ കുറ്റാന്വേഷണ രംഗത്ത് മികവ് തെളിയിച്ചു.
അൾട്രാ വയലറ്റ് വെളിച്ചത്തിൽ തെളിഞ്ഞു കേന്ദ്രം ഒളിപ്പിച്ച 'ബോണ്ട്‌ രഹസ്യം': പൂനം ചോദിച്ചു, ഇത് ആരെ നിരീക്ഷിക്കാൻ?

"The only compromise made in the [Electoral bond] scheme was that companies/their sponsors would not be required to disclose which party they had made contributions to. This would, he [Arun Jaitley] argued, build confidence in companies as no one would know whom they had given donations to." 2017ൽ ധനമന്ത്രി അരുൺ ജെയ്റ്റ്‍ലിയുടെ കേന്ദ്ര ബജറ്റിലാണ് 'ഇലക്ടറൽ ബോണ്ട്' എന്ന പദ്ധതിയുടെ ജനനം. പ്രതീക്ഷിച്ചതുപോലെ തന്നെ പ്രഖ്യാപനം വൻവിവാദമായി. കൃത്യം 5 മാസം കഴിഞ്ഞ് നടന്ന ഒരു യോഗത്തിൽ പദ്ധതിയെ ന്യായീകരിച്ചുള്ള ജെയ്റ്റിലിയുടെ വാചകങ്ങളാണ് മുകളിൽ. അന്നത്തെ ധനസെക്രട്ടറി സുഭാഷ് ചന്ദ്ര ഗാർഗിന്റെ 'We Also Make Policy' എന്ന പുസ്തകത്തിലെ 'Untrustworthy Electoral Bonds' എന്ന അധ്യായത്തിലാണിത് പരാമർശിക്കുന്നത്. തങ്ങൾ പണം കൊടുത്തത് ഏത് പാർട്ടിക്കാണെന്ന കാര്യം ആരും അറിയില്ലെന്നത്, കമ്പനികൾക്ക് സ്കീമിനോടുള്ള വിശ്വാസം വർധിപ്പിക്കുമെന്നായിരുന്നു ജെയ്റ്റ്‍ലിയുടെ ആത്മവിശ്വാസം. നിലവിലുണ്ടായിരുന്ന സംഭാവനാ മാർഗങ്ങളേക്കാൾ ഭേദമാണെങ്കിലും, ഇതാണ് ഏറ്റവും മികച്ച മാർഗമെന്ന് ജെയ്‍റ്റ്ലിയും കരുതിയിരുന്നില്ലെന്ന് സുഭാഷ് ഗാർഗ് പുസ്തകത്തിൽ പറയുന്നു. സംഭാവനകളുടെ വിവരങ്ങൾ സ്വകാര്യമായിരിക്കുമെന്ന വിശ്വാസത്തിൽ കെട്ടിപ്പടുത്ത ഇലക്ടറൽ ബോണ്ട് സ്കീമിനെ വിശ്വസിച്ചാണ് കോർപറേറ്റുകളും വ്യക്തികളും 2018 മുതൽ ഇലക്ടറൽ ബോണ്ടുകളിലേക്ക് കോടികൾ ഒഴുക്കിയത്.
അദാനിയെ ലങ്കന്‍ ‘വിമാനത്താവളത്തിൽ’ ഇറക്കി കേന്ദ്ര നീക്കം? ചൈനയുടെ ‘സ്ട്രിങ് ഓഫ് പേൾസ്’ തകരും; കണ്ണുവച്ച് റഷ്യയും

വിവാദങ്ങളും ആരോപണങ്ങളും ഒരു ഭാഗത്ത് നടക്കുമ്പോഴും ഇന്ത്യയുടെ വ്യവസായ സമ്രാട്ട് ഗൗതം അദാനി ഉയരങ്ങളിലേക്ക് കുതിക്കുകയാണ്. ഇന്ത്യയ്ക്ക് പുറത്ത് കൂടുതൽ സജീവമാകാനാണ് അദാനി ഗ്രൂപ്പിന്റെ ലക്ഷ്യം. ചൈനീസ് നീക്കങ്ങളെ പ്രതിരോധിക്കാൻ ശ്രീലങ്കയിൽ കടലും ആകാശവും കീഴടക്കി കൂടുതൽ പദ്ധതികളുമായി മുന്നോട്ടുപോകാനാണ് അദാനി ഗ്രൂപ്പിന്റെ നീക്കം. ഇന്ത്യയിലെ മുൻനിര വിമാനത്താവളങ്ങളെല്ലാം ഏറ്റെടുത്തു നടത്തുന്ന അദാനി ഗ്രൂപ്പ് ഇന്ത്യയ്ക്ക് പുറത്തുള്ള രാജ്യാന്തര വിമാനങ്ങളും ഏറ്റെടുത്ത് നടത്താൻ പോകുകയാണ്. ഇതിന്റെ തുടക്കമെന്നോണം ശ്രീലങ്കയിൽ മൂന്ന് വിമാനത്താവളങ്ങളാണ് അദാനി ഗ്രൂപ്പ് ഏറ്റെടുത്ത് നടത്താൻ പോകുന്നത്. ലങ്കയിൽ ശക്തമായ പ്രതിഷേധങ്ങൾക്കിടെയാണ് അദാനി ഗ്രൂപ്പ് പുതിയ പദ്ധതികളുമായി മുന്നോട്ട് പോകുന്നത്. ശ്രീലങ്കയ്ക്ക് പുറമെ ബംഗ്ലദേശ്, ഇന്തൊനീഷ്യ എന്നിവിടങ്ങളിലും ചില ആഫ്രിക്കൻ രാജ്യങ്ങളിലും കൂടുതൽ പദ്ധതികൾ ഏറ്റെടുക്കാൻ നീക്കം നടക്കുന്നുണ്ട്. ചൈനയുടെ ബെൽറ്റ് ആൻഡ് റോഡ് പദ്ധതികളുടെ സുതാര്യത ചോദ്യം ചെയ്യപ്പെട്ടുക്കൊണ്ടിരിക്കുന്ന സമയത്താണ് അദാനി ഗ്രൂപ്പ് വ്യാമയാന മേഖലയിലും ചുവടറുപ്പിക്കുന്നത്. എന്തു ലക്ഷ്യമിട്ടാണ് ശ്രീലങ്കയിലെ മൂന്ന് വിമാനത്താവളങ്ങൾ അദാനി ഗ്രൂപ്പ് ഏറ്റെടുക്കുന്നത്? ഇതുകൊണ്ട് ഇന്ത്യയ്ക്ക് എന്താണു നേട്ടം?
ഇന്ധനവില കൂട്ടുന്നത് എണ്ണക്കമ്പനി, ‘കുറയ്ക്കുന്നത്’ മോദി സർക്കാർ! 22 മാസം അനങ്ങിയില്ല; കേരളത്തിലും ഇല്ല ‘ആശ്വാസം’

തിരഞ്ഞെടുപ്പ് വരുമ്പോൾ ജനത്തെ കയ്യിലെടുക്കാൻ ഇന്ധന വിലയെ കൂട്ടുപിടിക്കുന്ന തന്ത്രം കഴിഞ്ഞ കുറേ വർഷങ്ങളായി കേന്ദ്രം ഭരിക്കുന്ന ബിജെപി സർക്കാർ പയറ്റിക്കൊണ്ടിരിക്കുകയാണ്. ഏകദേശം രണ്ടു വർഷത്തോളം, കൃത്യമായി പറഞ്ഞാൽ‌ 22 മാസം മാറ്റമില്ലാതെ നിന്ന ഇന്ധന വില ലോക്സഭാ തിരഞ്ഞെടുപ്പ് പടിവാതിക്കൽ നിൽക്കേ കുറച്ചുകൊണ്ട് ഇത്തവണയും സർക്കാർ പതിവു തെറ്റിച്ചിട്ടില്ല. ഇന്ധനവില കൂട്ടുമ്പോൾ എണ്ണക്കമ്പനികളുടെ തീരുമാനം എന്നു പറഞ്ഞു മാറി നിൽക്കുന്ന കേന്ദ്രം വില കുറയ്ക്കുമ്പോൾ അതിനെ സർക്കാരിന്റെ നേട്ടമായി എടുത്തു കാട്ടാനും മടിക്കാറില്ല. തിരഞ്ഞെടുപ്പ് പ്രഖ്യാപനം പടിവാതിക്കൽ വന്നുനിന്ന സമയത്ത്, മാർച്ച് 8ന് വനിതാദിനത്തിൽ, വീട്ടമ്മമാർക്കുള്ള സമ്മാനമായാണ് എൽപിജി ഗാർഹിക സിലിണ്ടറിന്റെ വിലയിൽ 100 രൂപയുടെ കുറവു വരുത്തുമെന്നു പ്രധാനമന്ത്രി നരേന്ദ്ര മോദി പ്രഖ്യാപിച്ചത്. തൊട്ടടുത്ത ദിവസം വില പ്രാബല്യത്തിൽ വന്നു. അങ്ങനെ ആറു മാസമായി മാറ്റമില്ലാതെ തുടർന്നിരുന്ന ഗാർഹിക സിലിണ്ടർ നിരക്ക് തിരഞ്ഞെടുപ്പിനു തൊട്ടു മുൻപായി കുറഞ്ഞു. 2023 ഓഗസ്റ്റ് 30ന് ആണ് ഇതിനു മുൻപ് ഗാർഹിക സിലിണ്ടർ നിരക്കു കുറയ്ക്കുന്നത്. രക്ഷാബന്ധൻ, ഓണസമ്മാനമായി എൽപിജി പാചകവാതക ഗാർഹിക സിലിണ്ടറിന് അന്ന് ഒറ്റയടിക്ക് 200 രൂപ കുറച്ചപ്പോൾ രണ്ടു വർഷങ്ങൾക്കു ശേഷമുണ്ടായ വിലക്കുറവ് ആയിരുന്നു അത്. പിന്നെയും ആറുമാസം കാക്കേണ്ടി വന്നു അടുത്ത വിലക്കുറവിനായി.
‘ഭാവി’ പറഞ്ഞ് പുട്ടിൻ; അഭിനന്ദിച്ചവരിൽ മോദി, ഷി, ‌കിം...; ബാലറ്റില്‍ ഭർത്താവിന്റെ പേരെഴുതി യൂലിയ; ഇനിയും വരുമോ യുദ്ധം?

‘പ്രതീക്ഷിച്ചതു’ പോലെത്തന്നെ എല്ലാം സംഭവിച്ചു. റഷ്യയുടെ പ്രസിഡന്റായി വീണ്ടും വ്ളാഡിമിർ പുട്ടിൻ തിരഞ്ഞെടുക്കപ്പെട്ടിരിക്കുന്നു. പുട്ടിനു ലഭിച്ചത് 87 ശതമാനത്തോളം വോട്ട്. ആകെ വോട്ട് ചെയ്തവരിൽ 7.6 കോടി പേരും പിന്തുണച്ചത് പുട്ടിനെ. ഇന്നേവരെ അദ്ദേഹത്തിനു ലഭിച്ചതിൽവച്ച് ഏറ്റവും വലിയ വോട്ടുനില. പ്രതിപക്ഷവും മിക്ക പാശ്ചാത്യ രാജ്യങ്ങളും പുട്ടിന്റെ വിജയത്തെ അപലപിക്കുകയാണുണ്ടായത്. ‌രാജ്യത്ത് തനിക്കെതിരെ ഉയരുന്ന ശബ്ദങ്ങളെല്ലാം, പ്രതിപക്ഷ നേതാവിനെ വരെ, അടിച്ചമർത്തിയ പുട്ടിന് വിജയം ഉറപ്പാണെന്നത് വ്യക്തമായിരുന്നു. എന്നാൽ ഇത്രയേറെ വലിയ വിജയമുണ്ടായത് അദ്ദേഹത്തിന്റെ ജനപിന്തുണ വ്യക്തമാക്കുന്നുവെന്നാണ് ചൈനീസ് പ്രസിഡന്റ് ഷി ചിൻപിങ് പറഞ്ഞത്. ഉത്തര കൊറിയൻ ഏകാധിപതി കിം ജോങ് ഉന്നും പുട്ടിനെ പ്രശംസിച്ചു, ആശംസകളറിയിച്ചു. ഇരു രാജ്യങ്ങളും തമ്മിൽ വരാനിരിക്കുന്ന, ദീർഘകാലത്തേയ്ക്കുള്ള നയതന്ത്രപരമായ ബന്ധത്തിൽ പ്രതീക്ഷ അർപ്പിക്കുന്നെന്നാണ് പ്രധാനമന്ത്രി നരേന്ദ്ര മോദി പറഞ്ഞത്. പുട്ടിനെ അദ്ദേഹം ‘എക്സി’ലെ പോസ്റ്റിൽ അഭിനന്ദിക്കുകയും ചെയ്തു. മാർച്ച് 15,16,17 തീയതികളിലായി നടന്ന തിരഞ്ഞെടുപ്പിന്റെ പ്രാഥമിക ഫലം പുറത്തുവന്നപ്പോൾ 87.28 ശതമാനം വോട്ടു നേടിയാണ് പുട്ടിൻ പ്രസിഡന്റ് സ്ഥാനം നിലനിർത്തിയത്. പുട്ടിൻ തന്നെ കൊണ്ടുവന്ന ഭരണഘടനാ ഭേദഗതി അനുസരിച്ച് ഇനി ആറു വർഷം കൂടി അധികാരത്തിൽ തുടരാം. അതോടെ ജോസഫ് സ്റ്റാലിനു ശേഷം ഏറ്റവും കൂടുതൽ കാലം റഷ്യയുടെ ഭരണാധികാരിയായ വ്യക്തി എന്ന ബഹുമതിയും പുട്ടിനു സ്വന്തമാകും. ഇത് അഞ്ചാം തവണയാണ് എഴുപത്തിയൊന്നുകാരനായ പുട്ടിൻ അധികാരത്തിലെത്തുന്നത്.
തമിഴ്‌നാട്ടിലേക്ക് മോദി കണ്ണെറിയുന്നത് വെറുതെയല്ല; ആരു ഭരിക്കണമെന്ന് ഈ 5 സംസ്ഥാനങ്ങൾ തീരുമാനിക്കും; ലക്ഷ്യം ‘ 249’

പതിനെട്ടാം ലോക്‌സഭാ തിരഞ്ഞെടുപ്പിൽ രാജ്യത്ത് വോട്ടു ചെയ്യുക 98 കോടി വോട്ടർമാരാണെന്നാണ് കണക്ക്. ആദ്യ തിരഞ്ഞെടുപ്പിന് ഏഴ് പതിറ്റാണ്ട് പിന്നിടുമ്പോൾ അഞ്ചിരട്ടിയാണ് വോട്ടർമാരുടെ എണ്ണത്തിലെ വർധന. എല്ലാ പൗരന്മാർക്കും വോട്ടവകാശത്തിൽ തുല്യ പ്രാധാന്യമെന്നത് ശരിയാണെങ്കിലും ഇന്ത്യ ആരാണ് ഭരിക്കേണ്ടത് എന്ന ചോദ്യത്തിന് ഉത്തരം നൽകുന്ന ചില നിർണായക സംസ്ഥാനങ്ങളുണ്ട്. ഏറ്റവും അധികം ലോക്‌സഭാ സീറ്റുകളുള്ള രാജ്യത്തെ അഞ്ചു സംസ്ഥാനങ്ങൾ. ആകെ സീറ്റിൽ 45.8 ശതമാനവും (249 എണ്ണം) ഈ അഞ്ചിടത്താണ്. ബിജെപിയാണെങ്കിലും ‘ഇന്ത്യ’ മുന്നണിയാണെങ്കിലും ഈ അഞ്ചു സംസ്ഥാനങ്ങളിലെ സീറ്റുകൾ ഭദ്രമാണെന്ന് ഉറപ്പാക്കിയതിനു ശേഷം മാത്രമേ മറ്റിടങ്ങളെപ്പറ്റി ആലോചിക്കുക പോലുമുള്ളൂവെന്നതാണു യാഥാർഥ്യം. ദക്ഷിണേന്ത്യയിലേയ്ക്ക് വഴിയടഞ്ഞിട്ടും രാജ്യം ഭരിക്കാൻ ബിജെപിക്ക് എന്തുകൊണ്ടു കഴിഞ്ഞു എന്ന ചോദ്യത്തിന്റെ കൂടി ഉത്തരമാണ് ഈ അഞ്ച് സംസ്ഥാനങ്ങളിൽ നാലെണ്ണവും. രാജ്യത്തിന് ഇതേവരെ 8 പ്രധാനമന്ത്രിമാരെ സമ്മാനിച്ച ഉത്തർപ്രദേശാണ് നിർണായക സംസ്ഥാനങ്ങളിൽ ആദ്യത്തേത്. 80 ലോക്സഭാ സീറ്റുകളാണ് ഉത്തർപ്രദേശിലുള്ളത്. തൊട്ടുപിന്നാലെ മഹാരാഷ്ട്ര, പശ്ചിമ ബംഗാൾ, ബിഹാർ, തമിഴ്നാട് എന്നീ സംസ്ഥാനങ്ങളും. തമിഴ്‌നാട് മാത്രമാണ് ഇക്കൂട്ടത്തിൽ ദക്ഷിണേന്ത്യയിൽനിന്നുള്ളത്. തമിഴ്‌നാടും തൊട്ടടുത്ത കേരളവും ഇത്തവണ ബിജെപിയുടെ ഉൾപ്പെടെ നിർണായക ലക്ഷ്യമാകുന്നതും വെറുതെയല്ല. ജാതിസമവാക്യങ്ങളും തൊഴിലില്ലായ്മയും അഴിമതിയും വിഷയമാകുന്ന തിരഞ്ഞെടുപ്പിൽ ഈ അഞ്ച് സംസ്ഥാനങ്ങളിലെ സീറ്റ് നില ബിജെപിക്കും ഇന്ത്യ മുന്നണിക്കും നിർണായകമാകും. എന്താണ് ഓരോ സംസ്ഥാനങ്ങളിലെയും രാഷ്ട്രീയ ചിത്രം? വിശദമായി പരിശോധിക്കാം...
ഇന്ദിര അന്ന് ക്ഷുഭിതയായി: 'നിങ്ങളും കള്ളം പറഞ്ഞു തുടങ്ങിയോ': കോൺഗ്രസിന് 'അനുഗ്രഹമായ' കൈപ്പത്തി

മലയാളത്തിലെ പ്രശസ്തമായ ‘സ്ഥാനാർഥി സാറാമ്മ’ എന്ന ചിത്രത്തിൽ ഒരു ഗാന രംഗമുണ്ട്. പ്രേം നസീറിന്റെയും ഷീലയുടെയും കഥാപാത്രങ്ങൾ തമ്മിൽ മത്സരിക്കുന്ന തിരഞ്ഞെടുപ്പിൽ പ്രചാരകനായി എത്തുന്ന അടൂർ ഭാസിയുടെ ഗായക കഥാപാത്രമാണു പാടുന്നത്. സ്ഥാനാർഥി സാറാമ്മയുടെ ചിഹ്നം കുരുവിയും പ്രേംനസീറിന്റെ കഥാപാത്രം മത്സരിക്കുന്നത് കടുവ ചിഹ്നത്തിലുമായതിനാലാണ് ഇങ്ങനെ ഒരു പാട്ട്. ഇന്ത്യയ്ക്കു സ്വാതന്ത്ര്യം ലഭിച്ച ശേഷം 1951 ഒക്ടോബർ 25 മുതൽ 1952 ഫെബ്രുവരി 21വരെയുള്ള കാലഘട്ടത്തിലാണ് ലോക്സഭയിലേക്കുള്ള ആദ്യ തിരഞ്ഞെടുപ്പു നടന്നത്. തിരഞ്ഞെടുപ്പിനു മുന്നോടിയായി എല്ലാ രാഷ്ട്രീയ പാർട്ടികൾക്കും തിരഞ്ഞെടുപ്പു കമ്മിഷൻ പ്രത്യേകം ചിഹ്നങ്ങൾ അനുവദിച്ചിരുന്നു. ചിഹ്നത്തിനനുസരിച്ച് ബാലറ്റ് പെട്ടികളും ഏർപ്പെടുത്തിയിരുന്നു. ഏതു പാർട്ടിക്കാണോ വോട്ട് ചെയ്യുന്നത് അതിന്റെ ചിഹ്നത്തിന്റെ പടം പതിച്ച പെട്ടിയിലായിരുന്നു ബാലറ്റ് പേപ്പർ ഇടേണ്ടിയിരുന്നത്. അങ്ങനെ വോട്ടു ചെയ്യാനാണ് ആളുകളെ പരിശീലിപ്പിച്ചിരുന്നത്. ‌‌‌ഉദാഹരണത്തിന് ഒരു പാർട്ടിയുടെ ചിഹ്നം ആനയാണെങ്കിൽ ബാലറ്റ് പേപ്പർ ഇടേണ്ടത് ആ ചിഹ്നം പതിച്ച പെട്ടിയിലാണ്. ഇപ്പോഴും അത്തരം രീതികൾ നിലവിലുണ്ട്. ചിഹ്നം ആളുകളുടെ മനസ്സിൽ‌ പതിപ്പിക്കുകയാണു പ്രധാനം. അതിനെക്കുറിച്ചു സൂചന തരുന്നതാണ് സ്ഥാനാർഥി സാറാമ്മയിലെ ഈ ഗാനം. ബാലറ്റ് പെട്ടികൾ അനുവദിച്ചതിനു പിന്നിലെ കാരണം ജനങ്ങളുടെ സാക്ഷരതാ നിലവാരമായിരുന്നു.
73 വർഷത്തിനു ശേഷം വീണ്ടും ലോക്‌സഭാ വോട്ടെടുപ്പിൽ വമ്പൻ ദൈർഘ്യം, ‘44ന്’ രണ്ടാം സ്ഥാനം; അന്ന് 17 കോടി, ഇന്ന് അഞ്ചിരട്ടി

കണക്കുകൾ എങ്ങനെയെല്ലാം കൂട്ടിയാലും കുറച്ചാലും ലോക്സഭാ തിരഞ്ഞെടുപ്പിന് ഒരൊറ്റ ലക്ഷ്യമേയുള്ളൂ; എന്തു വില കൊടുത്തും ഇന്ത്യയിലെ അധികാരം പിടിക്കുക. അതിനു വേണ്ടിയുള്ള അതിശക്തമായ കണക്കുകൂട്ടലിലാണ് രാഷ്ട്രീയ പാർട്ടികൾ. അതിനിടെ, ലോകത്തിലെ ഏറ്റവും വലിയ ജനാധിപത്യ രാജ്യത്തിലെ തിരഞ്ഞെടുപ്പു മഹോത്സവത്തിന് വിളംബരമായിരിക്കുന്നു. 2024 ഏപ്രിൽ 19 മുതൽ ജൂൺ ഒന്നു വരെ ഏഴു ഘട്ടങ്ങളിലായിട്ടാണ് ഇത്തവണ വോട്ടെടുപ്പ്; ഏപ്രിൽ 19ന് ഒന്നാം ഘട്ടം, 26ന് 2, മേയ് 7ന് 3, മേയ് 13ന് 4, മേയ് 20ന് 5, മേയ് 25ന് 6, ജൂൺ 1ന് ഏഴാം ഘട്ടം എന്നിങ്ങനെ. കേരളത്തിൽ രണ്ടാം ഘട്ടത്തിലാണ് വോട്ടെടുപ്പ്– ഏപ്രിൽ 26ന്. ജൂൺ നാലിന് ഫലപ്രഖ്യാപനം. 1951ൽ ആരംഭിച്ചതാണ് ഇന്ത്യയുടെ ലോക്സഭാ മാമാങ്കം. അതായത് ഇന്ത്യയുടെ നിലവിലെ പ്രധാനമന്ത്രി നരേന്ദ്ര മോദിക്ക് ഒരു വയസ്സുള്ളപ്പോൾ. 1950 സെപ്റ്റംബർ 17നാണ് മോദിയുടെ ജനനം. ആദ്യ ലോക്സഭാ തിരഞ്ഞെടുപ്പു നടക്കുന്നതാകട്ടെ 1951 ഒക്ടോബർ മുതൽ 1952 ഫെബ്രുവരി വരെയും. പിന്നെയും 20 വർഷം കഴിഞ്ഞാണ് കോൺഗ്രസ് നേതാവ് രാഹുൽ ഗാന്ധി ജനിക്കുന്നത്. 1970 ജൂൺ 19ന്. അദ്ദേഹത്തിന് ഒരു വയസ്സാകാൻ ഏതാനും മാസങ്ങൾ ബാക്കി നില്‍ക്കെയായിരുന്നു ഇന്ത്യയുടെ അഞ്ചാമത്തെ പൊതു തിരഞ്ഞെടുപ്പ്. 1971 മാർച്ചിൽ! മോദിയുടെ പതിനൊന്നാം പിറന്നാളിനും രാഹുലിന്റെ ഒന്നാം പിറന്നാളിനും ഇന്ത്യയിൽ എത്ര ലോക്സഭാ വോട്ടർമാരുണ്ടായിരുന്നെന്ന് അറിയാമോ? അവിടെയും തീരുന്നില്ല കണക്കിലെ കൗതുകം. ലോക്‌സഭാ തിരഞ്ഞെടുപ്പിലെ ആ വോട്ടുകൗതുകങ്ങളിലേക്കാണിനി...
Top Five

മൃതദേഹം മടക്കി പെട്ടിയിലാക്കി; ആ ആന ആക്രമിക്കും; ‘ഐടി കമ്പനി ഫ്രം ജംഗിൾസ്!’ മോദിയുടെ ‘മാസ്റ്റർ പ്ലാൻ’

ഒന്നിന് പിന്നാലെ മറ്റൊന്നായി ബ്രേക്കിങ് ന്യൂസുകൾ വരുമ്പോൾ അത് എങ്ങനെ സംഭവിച്ചുവെന്നും, നാട്ടിൽ എന്ത് മാറ്റമാണ് വരുന്നതെന്നും അറിയാൻ മലയാളികൾക്ക് താൽപര്യമേറെയാണ്. പക്ഷം ചേരാത്ത വിശകലനങ്ങൾ വാർത്തകൾക്കപ്പുറത്തേക്ക് യാത്ര ചെയ്യാനും ചിന്തിപ്പിക്കാനും മനോരമ ഓൺലൈൻ പ്രീമിയം വായനക്കാരെ സഹായിക്കുന്നു. ലോക്സഭാ തിരഞ്ഞെടുപ്പ് അടുത്തിരിക്കെ കേന്ദ്ര സർക്കാർ കൊണ്ടുവന്ന പൗരത്വ ഭേദഗതി നിയമം എങ്ങനെയാണ് കേരളത്തെ ബാധിക്കുക. ഇവിടെ ഉയർന്നുനിന്ന വിവാദങ്ങളെയും മറ്റ് വിഷയങ്ങളെയും തിരശ്ശീലയ്ക്കു പിന്നിലേയ്ക്കു മറയ്ക്കാനുള്ള ശക്തി ഇതിനുണ്ടോ എന്ന് പരിശോധിച്ച പോഡ്കാസ്റ്റ് മികച്ച പ്രതികരണമാണ് നേടിയത്. കട്ടപ്പനയിൽ നാടിനെ ഞെട്ടിച്ച ഇരട്ടക്കൊലപാതകം കേരളം ഒന്നായി ചർച്ച ചെയ്ത വിഷയമായിരുന്നു.
നിഷ പറയുന്നു: ‘റാങ്ക് ലിസ്റ്റിൽ പേരുണ്ടായിട്ടും കാര്യമില്ല, പിഎസ്‌സി ജോലി വേണ്ടവർ മറക്കരുത് ഇക്കാര്യം’

2014 ജനുവരിയിലാണ് കൊല്ലം ചവറ സ്വദേശി നിഷ ബാലകൃഷ്ണൻ തന്റെ ജീവിതത്തിലെ മൂന്നാമത്തെയും അവസാനത്തെയും എൽഡി ക്ലാർക്ക് പരീക്ഷ എഴുതിയത്. 2015 ഏപ്രിലിൽ റാങ്ക് ലിസ്റ്റ് വന്നു. നിഷയുടെ പേരുണ്ട്. റാങ്ക് 696. സന്തോഷംകൊണ്ട് മതിമറന്ന നിമിഷം. പക്ഷേ മൂന്നു വർഷം അതിവേഗം കടന്നു പോയി. 2018 മാർച്ച് 31ന് ലിസ്റ്റിന്റെ കാലാവധി തീരുമെന്ന അവസ്ഥ. ഇതുവരെ നിയമനമായിട്ടില്ല. ഇനിയെന്തു ചെയ്യുമെന്ന ചോദ്യം നിഷയുടെ കണ്ണുകളിൽ വേദനയുടെ നീർച്ചാലുകൾ തീർത്ത നാളുകൾ. എറണാകുളം ജില്ലയിലെ എൽഡി ക്ലാർക്ക് റാങ്ക് ലിസ്റ്റിലായിരുന്നു നിഷ. റാങ്ക് ലിസ്റ്റിൽ പേരു വന്നെന്നു പറഞ്ഞ് വീട്ടിൽ വെറുതെ ഇരിക്കുകയല്ല അവർ ചെയ്തത്. ലിസ്റ്റിലുള്ളവരുമായി ചേർന്ന് ഒരു ഗ്രൂപ്പുണ്ടാക്കി. അതിലെ അംഗങ്ങൾക്കൊപ്പം ആഴ്ചയിലൊരിക്കലോ രണ്ടാഴ്ച കൂടുമ്പോഴോ തിരുവനന്തപുരത്തേയ്ക്കു യാത്ര ചെയ്തു. ഓരോ വകുപ്പിലെയും ഒഴിവുകൾ ഓഫിസുകൾ കയറിയിറങ്ങി കണ്ടെത്തി അത് നഗര വികസന ഡയറക്ടറേറ്റിൽ എത്തിച്ചു. അവിടെനിന്ന് പിഎസ്‌സിക്ക് കൃത്യമായി റിപ്പോർട്ട് ചെയ്യുന്നുണ്ടെന്ന് ഉറപ്പാക്കുകയും ചെയ്തു. അങ്ങനെയാണ് കൊച്ചി കോർപറേഷൻ ഓഫിസിലുണ്ടായിരുന്ന ഒരൊഴിവ് കണ്ടെത്തിയത്. 2018 മാർച്ച് 28നുതന്നെ ആ ഒഴിവ് നഗര വികസന ഡയറക്ടറേറ്റിലേയ്ക്ക് അറിയിച്ചു. പിഎസ്‌സിക്ക് അത് റിപ്പോർട്ട് ചെയ്യണമെന്ന് ഡയറക്ടറേറ്റിലെ ഒരുദ്യോഗസ്ഥനോട് അഭ്യർഥിക്കുകയും ചെയ്തു. പല തവണ വിളിച്ചും പറഞ്ഞു. എന്നാൽ ആ ഉദ്യോഗസ്ഥൻ ഒഴിവ് റിപ്പോർട്ട് ചെയ്തത് 2018 മാർച്ച് 31ന് അർധരാത്രി 12ന്. ആ ഇ–മെയിൽ പിഎസ്‌സി ഓഫിസിൽ എത്തിയതാകട്ടെ 12.04നും! ആ നാലു സെക്കൻഡിന്റെ പേരിൽ നിഷയ്ക്ക് നഷ്ടമായത് ആറു വർഷങ്ങൾ!
വർധന 300%: ഒരു ‘കോയിന്‍’ കയ്യിലുണ്ടെങ്കില്‍ മൂല്യം 60 ലക്ഷം രൂപയ്ക്കും മുകളിൽ; ഇന്ത്യയ്ക്കും സന്തോഷിക്കാം

അനിശ്ചിതത്വത്തിന്റെയും തിരസ്കാരത്തിന്റെയും എണ്ണപ്പെട്ട ദിനങ്ങൾ. പൊളിഞ്ഞുപോകുമെന്നു ലോകരാജ്യങ്ങളും സാമ്പത്തിക വിദഗ്ധരും കാര്യകാരണസഹിതം വിധിയെഴുതിയ സമയം. നിയമങ്ങളും ചട്ടക്കൂടുകളും നിർമിച്ച് ചങ്ങലയ്ക്കിടാൻ ശ്രമിച്ചിട്ടും, ഇടപാടുകൾക്ക് ഉയർന്ന നികുതി ചുമത്തിയിട്ടും ക്രിപ്റ്റോ വിപണി അതിശയിപ്പിച്ചുകൊണ്ട് തേരോട്ടം നടത്തുകയാണ്. പൊളിഞ്ഞു പാളീസായ നിക്ഷേപകർ ഒരു വശത്ത്. 300 ശതമാനത്തിലേറെ നേട്ടമുണ്ടാക്കിയവർ മറ്റൊരു ഭാഗത്ത്. ശരിക്കും സാമ്പത്തിക ലോകം ക്രിപ്റ്റോ വിപണിയെ നോക്കി അതിശയപ്പെടുകയാണ്: ‘‘എനിക്കു ശരിക്കും മനസ്സിലാകുന്നില്ല മിസ്റ്റർ നിങ്ങളെ...’’ ക്രിപ്റ്റോ വിപണിയിലെ രാജാവെന്നു വിളിക്കുന്ന ബിറ്റ്‌കോയിന്റെ മൂല്യം കഴിഞ്ഞ ദിവസം റെക്കോർഡ് നിലവാരമായ 73,000 ഡോളർ (ഏകദേശം 60.47 ലക്ഷം രൂപ) കടന്നിരിക്കുന്നു. ഈ ബുൾ റൺ തുടരുമോ എന്ന സംശയം വ്യാപകമായുണ്ടെങ്കിലും നിക്ഷേപകർ മടിച്ചു മാറിനിൽക്കുന്നില്ല. വ്യാപകമായി വാങ്ങിക്കൂട്ടുകയാണ്. യുഎസിൽ ബിറ്റ്‌കോയിൻ അധിഷ്ഠിത എക്സ്ചേഞ്ച്- ട്രേഡഡ് ഫണ്ടിന് (ഇടിഎഫ്) പച്ചക്കൊടി ലഭിച്ചതാണ് ഈ തേരോട്ടത്തിന്റെ മുഖ്യകാരണമായി വിലയിരുത്തുന്നത്.
സംഘർഷം, പ്രതിഷേധം, നിരാശ, കണ്ണുനീർ; കലയിൽ കലങ്ങിയത് ലക്ഷങ്ങൾ; കലോത്സവ വേദിയിലെ ‘കലയല്ലാ’ കാഴ്ചകൾ

കേരള സർവകലാശാല യുവജനോത്സവത്തിന്റെ പ്രാരംഭ മത്സരമായിരുന്ന തിരുവാതിരയുടെ ഫലം മുതൽ തുടങ്ങിയ തമ്മിൽത്തല്ല് സമാപന ഇനമായിരുന്ന സംഘനൃത്ത വേദി വരെ തുടർന്നു. ഒടുവിൽ പരിഹാരമാർഗമെന്ന നിലയിൽ, വൈസ് ചാൻസലർ കലോത്സവംതന്നെ പിരിച്ചുവിട്ടു. അതും എസ്എഫ്ഐ നേതൃത്വം നൽകുന്ന സംഘാടക സമിതിയുടെ ഒത്താശയോടെ. ഇതിനിടയിൽ പൊലീസുകാർക്ക് പണിയുണ്ടാക്കിയവരിൽ വിദ്യാർഥികൾ മാത്രമല്ല, വിധികർത്താക്കളുമുണ്ട്. കേരള സർവകലാശാലയുടെ ചരിത്രത്തിലെ ഏറ്റവും വലിയ നാണക്കേടും പേറിയാണ് കലോത്സവത്തിന് തിരശ്ശീലവീണത്. അതും അവസാന ഇനം അരങ്ങിലെത്തുന്നതിന് തൊട്ടുമുൻപ്. മാസങ്ങൾ നീണ്ട തയാറെടുപ്പ്, ലക്ഷങ്ങൾ ചെലവഴിച്ചുള്ള വസ്ത്രങ്ങളും ആടയാഭരണങ്ങളും, അവസരംകാത്തുനിന്ന മണിക്കൂറുകൾ... കലോത്സവത്തിലെ അവസാന ഇനമായി നിശ്ചയിച്ചിരുന്ന സംഘനൃത്തത്തിൽ പങ്കെടുക്കാൻ വിവിധ ജില്ലകളിൽ നിന്നെത്തിയ വിദ്യാർഥികൾക്ക് നഷ്ടമായത് ഇതെല്ലാമാണ്. വൈസ് ചാൻസലറിന്റെ ഒറ്റ കത്തിന്റെ പേരിൽ പാതിവഴിയിൽ ‘കനലടങ്ങിയ’ കലോത്സവ വേദികളിൽ നിന്നുള്ള കാഴ്ചകളിലേയ്ക്ക്...
ആരുമറിയാതെ കൊന്നു മുങ്ങുന്ന ‘ടൂറിസ്റ്റ്’; മരിക്കാതെ പ്രിഗോഷിന്റെ ചെകുത്താൻ സേന; ഉഗ്രരൂപത്തിൽ റഷ്യൻ ചാരസംഘം

ചാര ഏജൻസികളുടെ പലവിധ പ്രശ്നങ്ങളിലൊന്ന്, എത്ര വലിയ വിജയം രാജ്യത്തിനായി നേടിയാലും മിണ്ടാനോ ആഘോഷിക്കാനോ മേനി നടിക്കാനോ സാധിക്കില്ല എന്നതാണ്. ‘അ‍ത് ഞാനാണ്’ അഥവാ ‘ഞങ്ങളാണ് ചെയ്തത്’ എന്ന് എങ്ങും പറയാനൊക്കില്ല; ചാരപ്പണിയുടെ അകത്തേത്തളങ്ങളിൽ പോലും. അതിന് ഒരു ഗുണപരമായ വശവുമുണ്ട്; ചാര ഓപറേഷനുകൾ പാളീസായാലും മിണ്ടണ്ട, ആരും അറിയില്ല എന്നതുതന്നെ. റഷ്യയുടെ യുക്രെയ്ൻ ഓപറേഷൻ പൊളിഞ്ഞതും രണ്ടു കൊല്ലമായി ഊരാൻ പറ്റാത്തവിധം കുടുക്കിലായതും എന്തുകൊണ്ടാണ്? റഷ്യയുടെ മൃഗീയ ശക്തിയുടെ ഏഴയലത്തു വരാത്ത ചെറിയ രാജ്യമാണ് ആ വമ്പന്‍ സൈന്യത്തോട് ‘അടിച്ചു’ നിൽക്കുന്നത്. റഷ്യ പൊളിഞ്ഞതിനു പിന്നിൽ ഇന്റലി‍ജൻസ് പരാജയമായിരുന്നു. ഇസ്രയേൽ രണ്ടാം ലോകമഹായുദ്ധത്തിനു ശേഷം നേരിട്ട ഏറ്റവും വലിയ ആക്രമണത്തിനു പിന്നിലും ചാര ഏജൻസികളുടെ പരാജയം തന്നെ. യുക്രെയ്നിൽ പക്ഷേ റഷ്യയുടെ എഫ്എസ്ബി, എസ്‌വിആർ, ജിആർയു എന്നീ ഏജൻസികളെല്ലാം ഒരു ഘട്ടത്തിൽ പരാജയപ്പെട്ടു പോയി. പിന്നീട് ഇവർക്ക് തിരിച്ചു വരാൻ സാധിച്ചോ? എന്താണ് യഥാർ‌ഥത്തിൽ ഈ ചാരസംഘടനകൾ ചെയ്യുന്നത്?
‘മകൾക്ക് പ്രത്യേക ശക്തി’: മൃതദേഹം മടക്കി പെട്ടിയിലാക്കി: നാട്ടുകാർ സംശയിച്ചു, വാടകവീട്ടിൽ എന്തിന് ഇത്രയേറെ കർട്ടൻ?

രണ്ടുപേർ ചേർന്ന് കളവിനിറങ്ങുന്നു, പിടിക്കപ്പെടുന്നു... തുടർന്ന് ചുരുളഴിയുന്നത് നാടിനെ ഞെട്ടിച്ച ഇരട്ടക്കൊലപാതകത്തിന്റെ കഥ. മോഷണക്കേസിൽ പിടിയിലായ 2 പ്രതികളെ ചോദ്യം ചെയ്തപ്പോഴാണ് നിഗൂഢമായ ഇരട്ടക്കൊലപാതകങ്ങളുടെ വിവരം പുറംലോകം അറിയുന്നത്. മാർച്ച് 2ന് പുലർച്ചെ കട്ടപ്പന ഓക്സീലിയം സ്കൂൾ ജംക്‌ഷനു സമീപത്തെ വർക്‌ഷോപ്പിൽ നിന്ന് ഇരുമ്പ് – ഉരുക്ക് സാധനങ്ങൾ കവർച്ച നടത്താൻ ശ്രമിക്കുന്നതിനിടെയാണ് കാഞ്ചിയാർ കക്കാട്ടുകട നെല്ലാനിക്കൽ വിഷ്ണു വിജയൻ(27), സഹായി പുത്തൻപുരയ്ക്കൽ നിതീഷ് (രാജേഷ്-31) എന്നിവർ പൊലീസിന്റെ പിടിയിലാകുന്നത്. ഇവർ മോഷണം നടത്താൻ എത്തിയ സമയത്ത് അവിടെ യാദൃച്ഛികമായി എത്തിയ സ്ഥാപന ഉടമ വേലായുധന്റെ മകൻ പ്രവീണും സുഹൃത്ത് തോംസണും ഇവരെ കാണാൻ ഇടയായതോടെയാണ് നാടിനെ ‍ഞെട്ടിച്ച സംഭവങ്ങളുടെ തുടക്കം. വർക്‌ഷോപ്പിലെ ഇരുമ്പ് സാധനങ്ങൾ മോഷ്ടിച്ചു കടത്താൻ ശ്രമിച്ച പ്രതികളെ പ്രവീണും തോംസണും ചേർന്നു തടഞ്ഞു. എന്നാൽ, പ്രതികൾ ഇവരെ ആക്രമിച്ച് രക്ഷപ്പെടാൻ ശ്രമിച്ചതോടെ അടിപിടിയുണ്ടായി.
ടോൾ പ്ലാസകളെ പൂട്ടിക്കാൻ ജിപിഎസ്, വാഹന മോഷ്ടാക്കളെ കുടുക്കും, തുടങ്ങി പരീക്ഷണം

ഒരു വഴിക്കു പുറപ്പെടുമ്പോൾ എല്ലാവരുടെയും ആഗ്രഹം ലക്ഷ്യസ്ഥാനം വരെ തടസ്സമില്ലാത്ത യാത്രയാവും. ദൂരയാത്ര പുറപ്പെടുമ്പോൾ വഴിയിലെ ഒരു ചെറിയ തടസ്സം മതി നമ്മൾ അസ്വസ്ഥരാവാൻ. തടസ്സങ്ങൾ മാറ്റി യാത്രകൾ സുഗമമാക്കാനാണ് ഇന്ന് രാജ്യത്താകമാനം മികച്ച രീതിയിൽ ദീർഘദൂര റോഡുകൾ നിർമിക്കുന്നത്. റോഡ് നിർമാണം ചെലവേറിയതായതോടെ അതിനുള്ള ഫണ്ട് കണ്ടെത്താൻ തുടങ്ങിയ ‘ടോൾ പിരിവി’ന് മൂന്ന് പതിറ്റാണ്ട് തികയുമ്പോൾ പുതിയ രീതിയിലേക്ക് മാറാൻ ഒരുങ്ങുകയാണ് രാജ്യം. ടോൾ പിരിവിനൊപ്പം യാത്രികർക്ക് സുരക്ഷയും ഉറപ്പാക്കുന്ന മാറ്റമാണ് ഇനി വരുന്നത്.
അന്ന് അബോർഷന് വധശിക്ഷ; ഇന്ന് ഫ്രാന്‍സ് ലോകത്തിന് മാതൃക; ‘ഭേദഗതി’ വന്നിട്ടും ഇന്ത്യ മാറിയോ?

അബോർഷൻ‌ സ്ത്രീകളുടെ ഭരണഘടനാപരമായ അവകാശമാക്കി പ്രഖ്യാപിക്കുന്ന ലോകത്തെ ആദ്യ രാജ്യമെന്ന നിലയിൽ ഫ്രാൻസ് ചരിത്രം സൃഷ്ടിച്ചത് 2024 മാർച്ചിലാണ്. രാജ്യാന്തര വനിതാ ദിനത്തിന് ദിവസങ്ങൾ മാത്രം ശേഷിക്കെയായിരുന്നു ആ പ്രഖ്യാപനം. പക്ഷേ, ആ വഴിയിലേക്ക് ഫ്രാൻസ് നടന്നെത്തിയത് ഒരുപാട് സ്ത്രീകളുടെ പോരാട്ടവും മരണവും ചേരുന്ന ഓർമ്മകളിൽ ചവിട്ടിയാണെന്നതും ചരിത്രം. അബോർഷനും ഗർഭനിരോധന മാർഗങ്ങളും ക്രിമിനൽവൽക്കരിച്ചു കൊണ്ട് ഫ്രാൻസ് ആദ്യത്തെ നിയമം പാസാക്കിയത് 1920ലാണ്. ജീവനെതിരെയാണ് അത്തരം ചെയ്തികൾ എന്നായിരുന്നു വാദം. രണ്ടാം ലോക മഹായുദ്ധത്തിന്റെ കാലമായമായപ്പോഴേക്കും ഫ്രാൻ‌സിൽ വധശിക്ഷ വരെ കിട്ടാവുന്ന കുറ്റമായി അബോർഷൻ മാറിയിരുന്നു. അൻപതുകളിലും അറുപതുകളിലും ഈ വിഷയങ്ങൾ സംബന്ധിച്ച് വലിയ ചർച്ചകളും സമരങ്ങളും നടന്നു. ഒടുവിൽ 1967ലാണ് ഗർഭനിരോധനം എന്നത് ഫ്രാൻസിൽ നിയമവിധേയമാകുന്നത്. എപ്പോൾ പ്രസവിക്കണം എന്ന് സ്വയം തീരുമാനമെടുക്കാൻ കുറച്ചു പേർക്കെങ്കിലും അത് അവസരമൊരുക്കി. പക്ഷേ, അബോർഷൻ നിയമവിധേയമാക്കണം എന്നാവശ്യപ്പെട്ടുള്ള സമരങ്ങൾ തുടർന്നു. 1971ൽ വിവിധ മേഖലകളിൽപ്പെട്ട സ്ത്രീകളുടെ സമരം ഫ്രാൻസിനെ പിടിച്ചു കുലുക്കി.
30-ാം വയസ്സിൽ എംപി; 2.95 ലക്ഷം ഭൂരിപക്ഷം; എന്നിട്ടും മമതയ്ക്ക് മിമിയെ മതിയായി; താരത്തെ ജയിപ്പിച്ച ജനത്തിന് കിട്ടിയത്

വോട്ട് അഭ്യർഥിച്ച് നേതാവ് എത്തിയപ്പോൾ കാണാനെത്തിയ വോട്ടർമാരെ പിരിച്ചുവിട്ടത് പൊലീസിന്റെ ലാത്തിച്ചാർജിലൂടെ. ഇങ്ങനെ ഒരു സംഭവം കേട്ടിട്ടുണ്ടോ? 2017 യുപി അസംബ്ലി തിരഞ്ഞെടുപ്പിലാണ് ഇതുണ്ടായത് . ബിജെപിയുടെ എംപിയും ബോളിവുഡിലെ താരറാണിയുമായ ഹേമമാലിനിയെ കാണാനാണ് യുപിയിലെ ബാഗ്പത്തിൽ ജനം തിക്കും തിരക്കും കൂട്ടിയത്. വോട്ടവകാശത്തിന്റെ മൂല്യം പോലും താരത്തിന് മുന്നില്‍ അടിയറ പറയുന്ന പൗരൻമാരെ വിരട്ടിയോടിക്കാൻ പൊലീസിന് ലാത്തിപ്രയോഗം മാത്രമേ അന്ന് മുന്നിലുണ്ടായിരുന്നുള്ളു. രാഷ്ട്രീയത്തിൽ താരങ്ങളെ ഇറക്കിയാൽ പാർട്ടികൾക്കുള്ള ഗുണം എന്താണെന്ന് പറയാൻ വേണ്ടി മാത്രമാണ് ഈ സംഭവം സൂചിപ്പിച്ചത്. കേരളത്തിലടക്കം തിരഞ്ഞെടുപ്പിൽ സിനിമാതാരങ്ങളെ രാഷ്ട്രീയ പാർട്ടികൾ മത്സര രംഗത്ത് ഇറക്കുന്നത് പിന്നിലും താരങ്ങൾക്ക് ലഭിക്കുന്ന ജനകീയ പിന്തുണയാവും കാരണം. 2019ലെ ലോക്സഭ തിരഞ്ഞെടുപ്പിലും ഒട്ടേറെ രാഷ്ട്രീയ പാർട്ടികൾ സിനിമ, കായിക താരങ്ങളെ മത്സര രംഗത്തേയ്ക്ക് കൊണ്ടുവന്നു. താരങ്ങളിൽ പത്തിലധികം പേർ വിജയിച്ച് എംപിമാരാവുകയും ചെയ്തു.
ഫോണില്‍ പോലും കേജ്‍രിവാളുമായി സംസാരമില്ല, കേരള സർക്കാർ അഴിമതിയുടെ ചെളിക്കുണ്ടിൽ: പ്രശാന്ത് ഭൂഷൺ

ഭരണകൂടത്തിനെതിരെയും കോർപ്പറേറ്റുകൾക്കെതിരെയും പടവെട്ടി വിജയം നേടിയ ചരിത്രമാണ് മുതിർന്ന അഭിഭാഷകനും ആക്ടിവിസ്റ്റുമായ പ്രശാന്ത് ഭൂഷന്റേത്. യുപിഎ സർക്കാരിന്റെ അവസാനകാലത്ത് മൻമോഹൻസിങ്ങിന്റെ മന്ത്രിസഭയെ വെള്ളംകുടിപ്പിച്ച പ്രശാന്ത് ഭൂഷൺ ഇലക്ട്രൽ ബോണ്ട് വിഷയത്തിൽ മോദി സർക്കാരിനു നൽകിയതും കനത്തപ്രഹരം. ആക്ഷേപങ്ങൾക്കു മുന്നിൽ തലകുനിക്കാതെ സ്വന്തം അഭിപ്രായം ഉച്ചത്തിൽ വിളിച്ചുപറയുന്ന പ്രശാന്ത് ഭൂഷൺ പൊതുതിരഞ്ഞെടുപ്പ് അടുത്തുനിൽക്കെ മനോരമ ഓൺലൈൻ പ്രീമിയത്തിൽ സംസാരിക്കുന്നു...
ആ പെൺകുട്ടി മുഖ്യപ്രതി, അധ്യാപകരെങ്ങനെ നിശബ്ദരായി; 90 ദിവസം 9129 കോടി നിക്ഷേപം, പേയ്ടിഎമ്മിൽ പേടിക്കണോ?

മനോരമ ഓൺലൈൻ പ്രീമിയത്തിൽ കഴിഞ്ഞ ഒരാഴ്ച പ്രധാനമായും ചർച്ച ചെയ്യപ്പെട്ടത് പൂക്കോട് ക്യാംപസിലെ ദാരുണ സംഭവവുമായി ബന്ധപ്പെട്ട വാർത്തകളാണ്. മലയാളികളുടെ മനസ്സിൽ ആഴത്തിൽ മുറിവേൽപ്പിച്ച സിഥാർഥന്റെ മരണം. സിഥാർഥൻ അവശേഷിപ്പിച്ച ചോദ്യങ്ങൾക്ക് ഉത്തരം തേടി മനോരമ ഓൺലൈൻ പ്രീമിയം പ്രതിനിധികൾ പൂക്കോട് ക്യാംപസിലും സിഥാർഥന്റെ അച്ഛന്റെ അരികിലും ചെന്നു. പൂക്കോട് ക്യാംപസിൽ കണ്ട കാഴ്ചകളും ചിത്രങ്ങളും ഞെട്ടിപ്പിക്കുന്നതായിരുന്നു. മകൻ നഷ്ടപ്പെട്ട വേദനയോടെ സിഥാർഥന്റെ അച്ഛൻ പറഞ്ഞ വാക്കുകൾ ഹൃദയത്തിൽ തൊടുന്നതും. ഈ രണ്ടു വാർത്തകളും വായിച്ച വായനക്കാരിൽ ഒട്ടേറെപ്പേർ തങ്ങളുടെ ആശങ്കകളും ദുഃഖവും രോഷവും അഭിപ്രായമായി രേഖപ്പെടുത്തി.
വയനാട് യാത്ര വേറെ ലെവൽ, ഇനി ഒരു ചുരത്തിലും കുടുങ്ങില്ല; കരാറിന് അടൽ ടണൽ നിർമിച്ചവരും

ഒരു പഞ്ചായത്ത് റോഡുപോലും മര്യാദയ്ക്ക് പണിയാൻ സാധിക്കാത്തവർ എങ്ങനെ തുരങ്കപാത ഉണ്ടാക്കും? വയനാടിനെ ബന്ധിപ്പിക്കാനുള്ള തുരങ്കപാതയെ കുറിച്ച് കേൾക്കുമ്പോൾ ഇങ്ങനെ ചോദിക്കുന്നവർ ധാരാളമുണ്ടായിരുന്നു. അവരെ കുറ്റം പറയാൻ കഴിയില്ല, താഴെ നിന്നു നോക്കിയാൽ ആകാശം മുട്ടി നിൽക്കുന്ന മല എങ്ങനെ തുരക്കാനാണ്? പക്ഷേ ഒരു ബദൽ റോഡ് ആവശ്യമാണ് താനും. കാരണം 14 കിലോമീറ്റര്‍ നീളമുള്ള അടിവാരം മുതൽ ലക്കിടി വരെയുള്ള പാതയിലൂടെ ദിവസവും കടന്നുപോകുന്നത് നാൽപ്പതിനായിരത്തോളം വാഹനങ്ങൾ. ഒരുവശം പാറക്കെട്ടും മറുവശം കൊക്കയുമായ രണ്ടുവരിപ്പാതയിലൂടെ പോകുമ്പോൾ ഡ്രൈവർമാരുടെ നെഞ്ചിടിപ്പ് വല്ലാതെ ഉയരും. യാത്രയിൽ ഒരു ഓട്ടോറിക്ഷ കേടായാൽ മതി മണിക്കൂറുകളോളം ഗതാഗതം സ്തംഭിക്കാൻ. അടിവാരത്തെത്തിക്കഴിഞ്ഞാൽ വയനാട്ടിലേക്ക് പോകാൻ വള്ളിയിൽ തൂങ്ങിക്കയറണം എന്ന് പറഞ്ഞ് വയനാട്ടുകാരെ മറ്റു ജില്ലക്കാർ ഇപ്പോഴും കളിയാക്കാറുണ്ട്. തമാശയായിട്ടാണ് ഇതു പറയുന്നതെങ്കിലും അതിൽ യാഥാർഥ്യമുണ്ട്.
'കൈ'യ്യിൽ കിട്ടി ആവോളം; എന്നിട്ടും ഈ മുഖ്യന്മാർ 'പദ്മം' തേടിയതെന്തിന്? കൂടുമാറ്റം ആരെ തുണയ്ക്കും?

അടുത്തത് ആര്? കോൺഗ്രസ് പാർട്ടിക്കുള്ളിലും രാഷ്ട്രീയ നിരീക്ഷകർക്കിടയിലും ഇപ്പോൾ ഏറ്റവും സജീവമായ ചോദ്യമാണിത്. ഓരോ ദിവസം പിന്നിടുമ്പോഴും രാജ്യത്തിന്റെ ഏതെങ്കിലും ഒരു ഭാഗത്തുനിന്ന് കോൺഗ്രസ് പാർട്ടിയിലെ പ്രമുഖ നേതാക്കളിൽ ആരെങ്കിലും ബിജെപി പാളയത്തിലേക്ക് ചേക്കേറി എന്ന വാർത്തയാണ് പുറത്തുവന്നുകൊണ്ടിരിക്കുന്നത്. മറ്റ് സംസ്ഥാനങ്ങളിൽ ഈ പ്രവണത ആരംഭിച്ചിട്ട് പലവർഷങ്ങളായെങ്കിലും കേരളത്തിന്റെ ഇതിന്റെ അലകൾ വീശിത്തുടങ്ങിയത് അടുത്തകാലം മുതലാണ്. ഒരുകാലത്ത് കേരളത്തിലെ കോൺഗ്രസ് പാർട്ടിയുടെ മുഖങ്ങളും സംസ്ഥാന മുഖ്യമന്ത്രിമാരും ആയിരുന്ന കെ.കരുണാകരന്റെയും എ.കെ.ആന്റണിയുടെയും മക്കളാണ് ഇവിടെ നിന്ന് ബിജെപിയിലേക്ക് ചേക്കേറിയവരിൽ പ്രമുഖർ. ആന്റണിയുടെ മകൻ അനിൽ കുറച്ചു മുന്നേ പേയപ്പോൾ കരുണാകരന്റെ മകൾ പത്മജയുടെ കൂടുമാറ്റം ലോക്സഭ തിരഞ്ഞെടുപ്പിന് ആഴ്ചകൾമാത്രം അവശേഷിക്കുകയാണെന്ന വ്യത്യാസം മാത്രമാണുണ്ടായത്. കേരളത്തിൽ നിന്ന് മുൻ മുഖ്യമന്ത്രിമാരുടെ മക്കളാണ് ബിജെപി പാളയത്തിലേക്ക് ചേക്കേറിയതെങ്കിൽ, മറ്റ് പല സംസ്ഥാനങ്ങളിൽ നിന്നും മുൻ കോൺഗ്രസ് മുഖ്യമന്ത്രിമാർ തന്നെയാണ് ബിജെപിയിലേക്ക് ചുവടുമാറ്റിയത്. അഞ്ച് പതിറ്റാണ്ടിലേറെ നീണ്ട പാർട്ടിപ്രവർത്തനം അവസാനിപ്പിച്ച് അധികാരത്തിനായി പാർട്ടിയെ പിന്നിൽ നിന്നു കുത്തിയവർ മുതൽ, സിബിഐയെയും ഇഡിയെയും വിട്ട് ബിജെപി വിലയ്ക്ക് വാങ്ങിയവർ വരെയുണ്ട് അക്കൂട്ടത്തിൽ. ഈ കൂറുമാറ്റങ്ങളിൽ കോൺഗ്രസിന് നഷ്ടപ്പെട്ടത് ആ നേതാക്കളെ മാത്രമല്ല, ചിലയിടങ്ങളിൾ ആ സംസ്ഥാനം ഒട്ടാകെയാണ്. ബിജെപിക്കൊപ്പം പോയ മുഖ്യമന്ത്രിമാർ ആരൊക്കെയാണ്? പരിശോധിക്കാം, വിശദമായി...
നീറ്റ് 2024: റജിസ്ട്രേഷൻ അവസാനിക്കാന്‍ മണിക്കൂറുകൾ മാത്രം; വിദ്യാർഥികളെ വലച്ച് ഒടിപി, വിദേശത്തും പ്രശ്നം

എംബിബിഎസ് പ്രവേശനത്തിനുള്ള ദേശീയ മെഡിക്കൽ പ്രവേശനപരീക്ഷയായ നീറ്റിന് അപേക്ഷ നൽകാൻ കഴിയാതെ ഉദ്യോഗാർഥികൾ. പരീക്ഷയ്ക്ക് റജിസ്റ്റർ ചെയ്യാനുള്ള സമയപരിധി മാർച്ച് 9ന് വൈകിട്ട് 5ന് അവസാനിക്കാനിരിക്കെയാണ് വെബ്സൈറ്റിലെ സാങ്കേതിക തകരാർ തിരിച്ചടിയാകുന്നത്. മേയ് 5ന് നടക്കുന്ന പരീക്ഷയുടെ റജിസ്ട്രേഷന്റെ അവസാന മണിക്കൂറുകൾ ആയതിനാൽ തന്നെ രാജ്യത്തിനകത്തും പുറത്തും നിന്നുള്ള ആയിരങ്ങളാണ് ഇപ്പോൾ അപേക്ഷിക്കാൻ ശ്രമിക്കുന്നത്. എന്നാൽ, ഒടിപി ലഭിക്കാത്തത് ഉൾപ്പെടെയുള്ള ഒട്ടേറെ സാങ്കേതിക പ്രശ്നങ്ങളാണ് മിക്കവർക്കും ഇപ്പോൾ നേരിടേണ്ടി വരുന്നത്. കഴിഞ്ഞ വർഷം വരെ നീറ്റ്–യുജി റജിസ്ട്രേഷന് ഉപയോഗിച്ചിരുന്ന വെബ്സൈറ്റ് അല്ല (https://neet.ntaonline.in/) ദേശീയ പരീക്ഷാ ഏജൻസി (എൻടിഎ) ഇത്തവണ ക്രമീകരിച്ചിരിക്കുന്നത്. ഇത് തന്നെയാണ് പ്രശ്നങ്ങൾക്ക് പിന്നിലെ പ്രധാന കാരണവും. നീറ്റ് 2024 റജിസ്ട്രേഷന് സംഭവിച്ചതെന്ത്? വിദ്യാർഥികൾ നേരിടുന്ന പ്രധാന പ്രശ്നങ്ങളെന്തെല്ലാം? പരിശോധിക്കാം, വിശദമായി...
ഒന്നേ ഉണ്ടായിരുന്നുള്ളു! റോഡിലിറങ്ങിയ 'അനക്കോണ്ടയെ' ചുട്ടുകൊന്നതാര്? ചാരമായത് പരീക്ഷണത്തിന് അയച്ച വെസ്‌റ്റിബ്യൂൾ

മ്യൂസിയത്തില്‍ വച്ചാല്‍ ജനലക്ഷങ്ങള്‍ കാണാന്‍ വരും! മുഖ്യമന്ത്രിയെയും മന്ത്രിമാരെയും വഹിച്ചു കേരള പര്യടനം നടത്തിയ ബസ് വാർത്തകളിൽ നിറഞ്ഞപ്പോൾ സിപിഎം നേതാവ് എ.കെ.ബാലൻ പറഞ്ഞ വാക്കുകൾ. ബസിലെ ശുചിമുറിയും ലിഫ്റ്റും വാർത്തകളിൽ നിറഞ്ഞ സമയമായിരുന്നു അദ്ദേഹത്തിന്റെ ഈ പ്രതികരണം. നവകേരള ബസ് മ്യൂസിയത്തിൽ പ്രദർശിപ്പിച്ചിരുന്നെങ്കിൽ അതിനൊപ്പം സ്ഥാനം പിടിക്കേണ്ട ഒരു ബസ് കൂടിയുണ്ടായിരുന്നു. കേരളത്തിലെ ഒരേയൊരു 'വെസ്‌റ്റിബ്യൂൾ ബസ്'. എന്നാൽ അത്തരമൊരു ആദരത്തിനു കാത്തുനിൽക്കാതെ ഡ്യൂട്ടിക്കിടയിൽ കത്തിച്ചാരമായി മാറിയിരിക്കുകായാണ് കെഎസ്ആർടിസിയുടെ അമൂല്യമായ 'നീളൻ ഇരട്ടബസ്'. കാഴ്ചക്കാരിൽ പാളങ്ങളില്ലാതെ റോഡിലൂടെ ഓടുന്ന ചെറു ട്രെയിനിനെപ്പോലെ തോന്നിക്കുമായിരുന്ന 'വെസ്‌റ്റിബ്യൂൾ ബസ്' വിഎസ് സർക്കാരിന്റെ കാലത്താണ് തിരുവനന്തപുരത്ത് അവതരിപ്പിച്ചത്. എന്നാൽ തലസ്ഥാനത്തിന്റെ അഭിമാനമായ നീളൻ ബസിനെ പിന്നീട് മറ്റു ജില്ലകളിലേക്കു മാറ്റി, ക്രമേണ പട്ടണങ്ങളിലേക്ക് കൈമാറി അധികാരികൾ കൈയ്യൊഴിഞ്ഞു. ഇതിനിടെയാണ് കായംകുളത്ത് വച്ച് ഫെബ്രുവരി 23ന് വെസ്‌റ്റിബ്യൂൾ ബസ് കത്തിയമർന്നത്. കെഎസ്ആർടിസി ബസുകളെ ആനവണ്ടി എന്നു വിളിച്ച് സ്നേഹിക്കുന്നവരുടെ വികാരമായിരുന്ന 'വെസ്‌റ്റിബ്യൂൾ ബസ്'.
സ്കൂൾ പ്രവേശനത്തിന് ‘ബ്ലൂ ആധാർ കാർഡ്’ വേണോ? കാർഡുണ്ടെങ്കിൽ ഈ ഗുണങ്ങൾ; അറിയേണ്ടതെല്ലാം

ജനന തീയതിയോ പൗരത്വമോ തെളിയിക്കുന്ന രേഖയായി ആധാറിനെ സ്വീകരിക്കേണ്ടതില്ലെന്ന് കേന്ദ്ര സർക്കാർ വ്യക്തമാക്കിയത് 2024 ജനുവരിയിലാണ്. പുതുതായി നൽകുന്ന ആധാർ കാർഡുകളിൽ, ‘‘ഇത് തിരിച്ചറിയൽ രേഖ മാത്രമാണ്. പൗരത്വമോ ജനന തീയതിയോ തെളിയിക്കുന്ന രേഖ’’യല്ലെന്ന് ഒരു വരി കൂടി വ്യക്തമായി എഴുതിച്ചേർക്കുകയും ചെയ്യും. ആധാറിന്റെ ആധികാരികത സംബന്ധിച്ച് ആധാറിന്റെ തുടക്കകാലം മുതൽ തന്നെ നിലവിലുള്ള കേസുകൾക്കാവട്ടെ, അവസാനവുമായിട്ടില്ല. ആധാർ വീണ്ടും ചർച്ചയിൽ വന്നപ്പോൾ, 5 വയസ്സിൽ താഴെയുള്ള കുട്ടികളുടെ ‘ബ്ലൂ ആധാർ കാർഡ്’ സംബന്ധിച്ച ചർച്ചകൾ സർക്കാർ വീണ്ടും സജീവമാക്കുകയാണ്. നവജാതശിശുക്കൾക്ക് മുതൽ ബ്ലൂ ആധാർ കാർഡ് എടുക്കാം. എത്ര വയസ്സ് വരെയാണ് ഈ കാർഡിന് സാധുത? സ്കൂൾ പ്രവേശനത്തിനുൾപ്പെടെ ഈ കാർഡ് നിർബന്ധമാക്കുമോ? എങ്ങനെയാണ് ബ്ലൂ ആധാർ കാർഡ് എടുക്കുക? എന്തൊക്കെയാണ് നടപടി ക്രമങ്ങൾ? വിശദമായി അറിയാം.
ജ്യേഷ്ഠന്റെ നിഴലായി വന്നു; വീടിന്‌ ഇന്ത്യയിലെ പേര്; പ്രധാനമന്ത്രിയായി ഷഹബാസിനെ 'പട്ടാളം' തിരഞ്ഞെടുത്തതെന്തിന്?

തിരഞ്ഞെടുപ്പ് ചിഹ്നമായ ബാറ്റില്ലാതെ മത്സരത്തിന് ഇറങ്ങിയിട്ടും ഇമ്രാൻ ഖാന്റെ പാർട്ടി അടിച്ചെടുത്തത് 93 സീറ്റുകൾ. ഇതോടെ പതിവുപോലെ കളികണ്ടിരുന്ന പട്ടാളത്തിന് കളത്തിലിറങ്ങി വിയർക്കേണ്ടി വന്നു. പ്രതീക്ഷിച്ചതുപോലെ നവാസ് ഷെരീഫിന് പാക്കിസ്ഥാൻ പ്രധാനമന്ത്രി ആകാൻ കഴിഞ്ഞില്ലെങ്കിലും അദ്ദേഹത്തിന്റെ കുടുംബത്തിന് പ്രധാനമന്ത്രിയെ ലഭിച്ചു. പാക്കിസ്ഥാന്റെ പ്രധാനമന്ത്രി സ്ഥാനത്ത് വീണ്ടും ഷഹബാസ് ഷെരീഫ് എത്തി. മൂന്നു വട്ടം പ്രധാനമന്ത്രിയായിരുന്ന നവാസ് ഷെരീഫിന്റെ ഇളയ സഹോദരനും പിഎംഎൽ (എൻ) പ്രസിഡന്റുമായ ഷഹബാസ് നാഷനൽ അസംബ്ലിയിൽ നിന്നു 201 വോട്ടിന്റെ ഭൂരിപക്ഷത്തോടെയാണു പ്രധാനമന്ത്രി പദത്തിലേക്കെത്തിയത്.
TOP FIVE

മരണക്കിടക്കയിൽ നിന്ന് ബ്ലാസ്റ്റേഴ്സിന്റെ മടങ്ങിവരവ്; ‘കെണി’ വച്ചത് പ്രതിഭയും മകനും?; കാട്ടാനയും പന്നിയും ‘പറപറക്കും’

വാർത്തകൾ അറിയുക എന്നതിലുപരി, വാർത്തകൾക്കപ്പുറത്തേക്ക് യാത്ര ചെയ്യുക എന്നത് മലയാളിയുടെ ശീലമാക്കിമാറ്റിയ മനോരമ ഓൺലൈൻ പ്രീമിയത്തിൽ കഴിഞ്ഞ ഒരാഴ്ചയിൽ ചർച്ച ചെയ്തത് ഒട്ടേറെ വാർത്തകൾ. തുടർതോൽവികളുടെ മരണക്കയത്തിൽ നിന്ന് കരകയറിയ കേരള ബ്ലാസ്റ്റേഴ്സിന്റെ തന്ത്രങ്ങൾ അറിയാനും പിന്തുണ അറിയിക്കാനും പതിനായിരക്കണക്കിന് ആരാധകർ മനോരമ ഓൺലൈൻ പ്രീമിയത്തിൽ സമയം ചെലവഴിച്ചു. ഗുജറാത്തിന്റെയും കേരളത്തിന്റെയും സാമ്പത്തിക മോഡലുകൾ ചർച്ച ചെയ്യാനും കലങ്ങിമറിയുന്ന ഹിമാചൽ പ്രദേശ് രാഷ്ട്രീയത്തിന്റെ ഉള്ളുകള്ളികൾ തേടിയും ഒട്ടേറെപ്പേർ പ്രീമിയത്തിലേക്കെത്തി. വന്യമൃഗ ശല്യത്തിൽ പൊറുതിമുട്ടിയ കർഷക പ്രശ്നങ്ങളും അവയുടെ പരിഹാരമാർഗങ്ങളും തേടുന്നതിനൊപ്പം കേരളത്തിലെ ക്യാംപസുകളിലെ അക്രമ രാഷ്ട്രീയത്തിന്റെ കാണാപ്പുറങ്ങൾ തേടിയും പ്രീമിയം വായനക്കാർ മനോരമ ഓൺലൈനിലേക്കെത്തി.
സ്ഥാനമോഹം അധ്യാപകരെ നിശബ്ദരാക്കി; പൂക്കോട് ‘എല്ലാവരും’ എസ്എഫ്ഐക്കാർ! 'സോഷ്യലിസം' മദ്യപാനത്തിൽ

കെജിഎഫ് സിനിമയില്‍ കാണിക്കുന്നതു പോലെ മറ്റൊരു ലോകമാണ് പൂക്കോട് ക്യാംപസ്. ഇതു വെറുതെ പറയുന്നതല്ല. ഇവിടെ എന്തു നടക്കണമെന്നത് ഒരുകൂട്ടം വിദ്യാര്‍ഥികളാണു തീരുമാനിക്കുന്നത്. അധ്യാപകരും അധികൃതരും നിസ്സഹായര്‍. ഭൂരിപക്ഷം പേര്‍ക്കും പാര്‍ട്ടിയോടുള്ള വിധേയത്വം കുട്ടികളോടുള്ള നിലപാടിലും പ്രതിഫലിക്കും. മറ്റുള്ളവര്‍ക്കു ഭയമോ കരിയറില്‍ ഉയര്‍ച്ചയുണ്ടാകില്ലെന്ന ആശങ്കയോ ആണ്. അതിനാൽ ഒരു കൂട്ടം വിദ്യാർഥികളുടെ തേർവാഴ്ചയാണ് ഈ ക്യാംപസ്. വാസ്തവത്തിൽ സിദ്ധാര്‍ഥന് ക്രൂരപീഡനമേല്‍ക്കുന്ന ദിവസം ക്യാംപസില്‍ സ്ഥാനക്കയറ്റത്തെക്കുറിച്ചുള്ള ചര്‍ച്ചയായിരുന്നു ചില അധ്യാപകര്‍ക്കിടയില്‍. സ്ഥാനക്കയറ്റം തീരുമാനിക്കുന്ന ദിവസങ്ങളില്‍ വിമതസ്വരം ഉയര്‍ത്തുന്നതു കരിയറിനെ ബാധിക്കുമെന്നതിനാല്‍ ചിലതെല്ലാം അവര്‍ കണ്ടില്ലെന്നു നടിച്ചുകാണണം- പേരു വെളിപ്പെടുത്തരുതെന്ന മുഖവുരയോടെ പൂക്കോട് വെറ്ററിനറി സര്‍വകലാശാലയിലെ ഒരു അധ്യാപകന്‍ പറഞ്ഞു.
കൈയിലെ കാശ് പോകാതെ നോക്കാം: മാർച്ച് 15ന് ശേഷം വൻ മാറ്റം: ശ്രദ്ധിക്കണം ഈ 6 കാര്യങ്ങൾ

കടയിൽനിന്നു സാധനം വാങ്ങി ഇറങ്ങുമ്പോൾ നമ്മളിൽ പലരും ചോദിച്ചിരുന്ന ഒരു ചോദ്യമുണ്ട്. 'ചേട്ടാ, പേയ്ടിഎം ഉണ്ടോ?' യുപിഐ ഉണ്ടോയെന്നാണ് ചോദ്യമെങ്കിലും, പലരും ഉപയോഗിച്ചിരുന്ന വാക്ക് പേയ്ടിഎം തന്നെ. ഗൂഗിൾ പേയും ഫോൺപേയും നാട്ടിൽ വ്യാപകമാകുന്നതിനു മുൻപ് ഓൺലൈൻ പേയ്മെന്റ് എന്നാൽ എല്ലാവർക്കും പേയ്ടിഎം ആയിരുന്നു. അത്രമേൽ ചിരപരിചിതമായൊരു ബ്രാൻഡ്. നെറ്റ്‌ബാങ്കിങ് ശക്തമായതിനു പിന്നാലെ, ഏതെങ്കിലുമൊരു തരത്തിൽ ഈ ബ്രാൻഡുമായി ആഴ്ചയിൽ ഒരിക്കലെങ്കിലും ഇടപെടാത്തവർ അപൂർവമായിരിക്കും. യുപിഐ, വോലറ്റ്, ബാങ്ക്, എൻസിഎംസി കാർഡ്, പിഒഎസ് മെഷീൻ, ക്യുആർ, പേയ്മെന്റ് ഗേറ്റ്‍വേ അങ്ങനെ എന്തിലുമേതിലും പേയ്ടിഎം ഉണ്ട്. ഗൂഗിൾപേ ഉപയോഗിക്കുന്നവർ പോലും കടകളിൽ പണമടച്ചിരുന്നത് പേയ്ടിഎം ക്യുആർ സൗണ്ട്ബോക്സ് വഴിയായിരിക്കാം. അല്ലെങ്കിൽ, ഓൺലൈൻ പേയ്മെന്റിനായി ഉപയോഗിച്ചിരുന്നത് പേയ്ടിഎം പേയ്മെന്റ്സ് ഗേറ്റ്‍വേ ആകാം. അതുമല്ലെങ്കിൽ, കാർഡ് സ്വൈപ് ചെയ്തത് പേയ്ടിഎമിന്റെ പിഒഎസ് മെഷീനിലാകാം! എന്നാൽ കുറച്ചുനാളുകളായി പേയ്ടിഎമിനെക്കുറിച്ചുള്ള വാർത്തകൾ ഭൂരിഭാഗവും നെഗറ്റീവാണ്. ഒടുവിലത് 2024 ജനുവരിയിലെ റിസർ‌വ് ബാങ്കിന്റെ കർശന നടപടിയിൽ വരെ എത്തിനിൽക്കുന്നു.
‘കെണി’ വച്ചത് പ്രതിഭയും മകനും? ഹിമാചലിലെ ആ ‘ചതി’ കോൺഗ്രസ് അറിഞ്ഞില്ലേ; പാളയത്തിൽ പട തകർത്തത് ‘ഡികെ സംഘം’

രണ്ടു പകലും ഒരു രാത്രിയും കോൺഗ്രസിനെ മുൾമുനയിൽ നിർത്തിയ ശേഷമാണ് ഹിമാചൽ പ്രദേശിലെ രാഷ്ട്രീയ നാടകങ്ങൾക്ക് താൽക്കാലികമായെങ്കിലും തിരശ്ശീല വീണത്. കോൺഗ്രസിന്റെ ആറ് എംഎൽഎമാർ മറുകണ്ടം ചാടി രാജ്യസഭാ തിരഞ്ഞെടുപ്പിൽ ബിജെപി സ്ഥാനാർഥിക്ക് വോട്ടുചെയ്ത് ജയിപ്പിച്ചു. ഉത്തരേന്ത്യയിൽ കൈപ്പിടിയിലുള്ള അവസാന തരി മണ്ണും ‘കൈ’ വിട്ടുപോകാൻ തുടങ്ങുന്നുവെന്ന് തോന്നിപ്പിച്ച മണിക്കൂറുകൾ. സുഖ്‌വിന്ദർ സിങ് സുഖു സർക്കാർ രാജിവെച്ചൊഴിയുന്നുവെന്ന അഭ്യൂഹം. തൊട്ടുപിന്നാലെയെത്തിയ നിഷേധക്കുറിപ്പ്. ഏറ്റവുമൊടുവിൽ അട്ടിമറി നീക്കം പരാജയപ്പെടുത്തി സഭ ബജറ്റ് പാസാക്കി പിരിഞ്ഞുവെന്ന പ്രഖ്യാപനത്തോടെ കോൺഗ്രസിന് താൽക്കാലിക ആശ്വാസം. ‌ പാർട്ടി വിപ് ലംഘിച്ച് ബിജെപിക്കു വോട്ടു ചെയ്ത ആറ് എംഎല്‍എമാരെയും സ്പീക്കര്‍ കുൽദീപ് സിങ് പഥാനിയ അയോഗ്യരാക്കി. തങ്ങളുടെ ഭാഗം വിശദീകരിക്കാൻ സ്പീക്കറോട് 7 ദിവസം സമയം തേടിയിരുന്നെങ്കിലും ആറു പേരെയും അയോഗ്യരാക്കുകയായിരുന്നു. അതിനിടെ, പ്രതിസന്ധി തീർക്കാൻ കർണാടക ഉപമുഖ്യമന്ത്രി ഡി.കെ.ശിവകുമാർ, ഹരിയാന മുൻ മുഖ്യമന്ത്രി ഭൂപീന്ദർ സിങ് ഹൂഡ, ഛത്തീസ്ഗഡ് മുൻ മുഖ്യമന്ത്രി ഭൂപേഷ് ബാഗേൽ എന്നിവർ ഷിംലയിലെത്തി എംഎൽഎമാരുമായി കൂടിക്കാഴ്ച നടത്തിയിരുന്നു. എന്താണ് ഇത്തരമൊരു രാഷ്ട്രീയ ആശങ്കയിലേക്ക് ഹിമാചലിന് എത്തിച്ചത്? എന്താണ് ഹിമാചൽ പ്രദേശിൽ സംഭവിച്ചത്? ആത്മവിശ്വാസത്തോടെ തുടരാൻ വേണ്ട ഭൂരിപക്ഷമുണ്ടായിട്ടും കോൺഗ്രസിന് പിഴച്ചതെവിടെയാണ്‌? ഉത്തരേന്ത്യയിലെ ഏക തുരുത്തായിരുന്നു കോൺഗ്രസിന് ഹിമാചൽ പ്രദേശ്.
പല്ലില്ലാത്ത ‘ഭീകരന്‍’ ആദ്യം ‘സ്ക്യൂസ് കേജിൽ’; വയ‘നാടിളക്കിയ’ കടുവയ്ക്ക് ഇനി തൃശൂരിൽ സുഖവാസം

നാടിളക്കിയ കടുവയ്ക്ക് ഇനി മൃഗശാലയിൽ സുഖവാസം. വയനാട് ജില്ലയിലെ ജനവാസ മേഖലയിൽ ഇറങ്ങുകയും വളർത്തുമൃഗങ്ങളെ കെ‍ാല്ലുകയും ചെയ്യ്ത കടുവ വനംവകുപ്പ് ഉദ്യോഗസ്ഥരുടെ പിടിയിലായെങ്കിലും ആരോഗ്യ സ്ഥിതി അത്ര മികച്ചതായിരുന്നില്ല. അതിനാൽ, രണ്ടു ദിവസമായി കടുവ സുൽത്താൻ ബത്തേരി കുപ്പാടിക്കു സമീപമുള്ള വനം വകുപ്പിന്റെ അനിമൽ പാലിയേറ്റീവ് കെയർ യൂണിറ്റിലായിരുന്നു. പരിപാലന കേന്ദ്രത്തിൽ ചികിത്സയിലിരിക്കെ പ്രത്യേകം സജ്ജീകരിച്ച വാഹനത്തിലാണു തൃശൂരിലെത്തിച്ചത്. ആദ്യം ‘സ്ക്യൂസ് കേജിൽ’ പാർപ്പിച്ച കടുവയെ പിന്നീട് അനിമൽ ഹൗസിലേക്കു മാറ്റി. പിടികൂടുന്ന കടുവകളെയും പുലികളെയും പ്രാഥമിക ചികിത്സയ്ക്കായി ആദ്യം പാർപ്പിക്കുന്നതു സ്ക്യൂസ് കേജ് എന്നറിയപ്പെടുന്ന പ്രത്യേക തരം കൂടുകളിലാണ്. പല്ലുകൾ നഷ്ടപ്പെട്ട കടുവയ്ക്ക് ഇര പിടിക്കാൻ ബുദ്ധിമുട്ടുണ്ടെന്നു വയനാട്ടിലെ പ്രാഥമിക പരിശോധനയിൽ കണ്ടെത്തിയിരുന്നു. ശരീരത്തിൽ മുറിവുകളുണ്ടെങ്കിലും ഇവ സാരമുള്ളതല്ല. കടുവയെ തിരികെ കാട്ടിലേക്കു വിട്ടാലും ഇരപിടിക്കാൻ സമയമെടുക്കുമെന്നാണു കണ്ടെത്തൽ. എന്നാൽ നൽകുന്ന ഭക്ഷണം കഴിക്കുന്നതിനു ബുദ്ധിമുട്ടില്ല. ആറിനും എട്ടിനും ഇടയിലാണ് ആൺ കടുവയുടെ ഏകദേശ പ്രായം കണക്കാക്കിയിരിക്കുന്നത്. പേര് തീരുമാനിച്ചിട്ടില്ല. വയനാട്ടിൽ നിന്നു തൃശൂരിലെത്തിക്കുന്ന മൂന്നാമത്തെ കടുവയാണിത്.
ജൂണിൽ ‘ദളപതി’ക്ക് 50; ലക്ഷ്യം ആ 20–30% വോട്ട്? പരാജയമാകുമോ വിജയ്? രാഷ്ട്രീയത്തിൽ ‘തിരക്കഥ’ മുഖ്യം ബിഗിലേ!

തമിഴ്നാട്ടിലെ ചലച്ചിത്ര–രാഷ്ട്രീയ ബന്ധം ഒരു സിനിമയാക്കിയാൽ അതൊരു മൾട്ടി സ്റ്റാർ ചിത്രമായിരിക്കും. എംജിആർ മുതൽ ശിവാജി ഗണേശൻ വരെയും ജയലളിത മുതൽ ഖുഷ്ബുവരെയും അതിൽ കഥാപാത്രങ്ങളായി വരും. അതിൽ ചിലർ വെള്ളിത്തിരയിലെ സൂപ്പർ പരിവേഷം രാഷ്ട്രീയ തട്ടകത്തിലും നിലനിർത്തിയപ്പോൾ മറ്റു ചിലർ സഹ നടന്മാരുടെ റോളിലേക്ക് ഒതുങ്ങി. ജൂനിയർ ആർട്ടിസ്റ്റ് വേഷംകൊണ്ട് തൃപ്തിപ്പെടേണ്ടി വന്നവരുമുണ്ട്. തമിഴകത്ത് സിനിമയും രാഷ്ട്രീയവും തമ്മിലുള്ള ഈ പാമ്പും കോണിയും കളിയിലേക്കാണ് ജോസഫ് ചന്ദ്രശേഖർ വിജയ് എന്ന ആരാധകരുടെ ദളപതി റിലീസാകുന്നത്. തമിഴക വെട്രി കഴകം എന്ന പാർട്ടി പ്രഖ്യാപിച്ച് വിജയ് രാഷ്ട്രീയ പ്രവേശനം പ്രഖ്യാപിച്ച് ആഴ്ചകൾ കഴിഞ്ഞിട്ടും അതുമായി ബന്ധപ്പെട്ട തുടർ ചലനങ്ങൾ തമിഴ്നാട്ടിൽ നിലച്ചിട്ടില്ല. മരുതൂർ ഗോപാലൻ രാമചന്ദ്രൻ എന്ന എംജിആറിനെപ്പോലെ രാഷ്ട്രീയത്തിരയിലും സൂപ്പർ നായകനാകാൻ വിജയ്‌ക്കു കഴിയുമോ? അതോ രാഷ്ട്രീയ പരീക്ഷണത്തിനിറങ്ങിയ നൂറായിരം സിനിമാക്കാരിലൊരാളായി മാത്രം ദളപതിയുടെ ശ്രമവും അവസാനിക്കുമോ?. തമിഴക രാഷ്ട്രീയം ഫ്ലാഷ് ബാക്കടിക്കുമ്പോൾ രണ്ടിനുമുള്ള സാധ്യതകളും തെളിഞ്ഞുവരുന്നുണ്ട്.
അമ്മയുടെയും കുഞ്ഞിന്റെയും ജീവനെടുക്കുന്ന ‘യുട്യൂബ് ഡോക്ടർ’: ആ 4 മിനിറ്റ് നിർണായകം: ഷമീറ നമ്മോട് പറയുന്നത്...

മൂന്നു തവണ സിസേറിയൻ കഴിഞ്ഞ സ്ത്രീക്ക് വീട്ടിൽ പ്രസവിക്കാമോ? തീർച്ചയായും സാധിക്കുമെന്ന അക്യുപംക്ചർ ചികിത്സകന്റെ വാക്കു വിശ്വസിച്ചതാണ് തിരുവനന്തപുരം നേമത്ത് മുപ്പത്തിയാറുകാരിയായ ഷമീറ ബീവിയുടെയും നവജാത ശിശുവിന്റെയും മരണത്തിൽ കലാശിച്ചത്. മാതൃമരണനിരക്ക് പിടിച്ചു നിർത്തുന്നതിൽ പാശ്ചാത്യ രാജ്യങ്ങളോടു കിടപിടിക്കുന്ന കേരളത്തിൽ ഇത്തരം മരണങ്ങൾ ഒറ്റപ്പെട്ട സംഭവങ്ങളല്ലാതായി മാറുകയാണ്. ആശാവർക്കർമാരുടെയും ആരോഗ്യപ്രവർത്തകരുടെയും നിരന്തര ബോധവൽക്കരണം ഉണ്ടായിട്ടു പോലും അശാസ്ത്രീയമായ ചികിത്സാ രീതികളിൽപ്പെട്ട് മരണപ്പെടുന്ന കേരളത്തിലെ അവസാനത്തെയാളാണ് ഷമീറ. യുട്യൂബ് നോക്കിയായിരുന്നു ഷമീറയുടെ പ്രസവം. ഇത്തരം പ്രസവം എടുക്കലുകൾ വ്യാപകമാകുന്നത് അത്യന്തം ആശങ്കയോടെ കാണേണ്ടതുണ്ടെന്ന് ആരോഗ്യപ്രവർത്തകർ പറയുന്നു. പ്രസവത്തിൽ ഏത് നിമിഷവും സങ്കീർണതകൾ പ്രതീക്ഷിക്കേണ്ടതുണ്ട് എന്നതുതന്നെ കാരണം. അശാസ്ത്രീയ ചികിത്സാ രീതികൾക്കു പിന്നാലെ പോകുന്നവർ അറിയേണ്ട ആ സങ്കീർണതകൾ എന്തൊക്കെയാണ്? വൈദ്യസഹായം ഉറപ്പുവരുത്താതെ നടക്കുന്ന പ്രസവങ്ങളിൽ അമ്മയ്ക്കൊപ്പം കുഞ്ഞിനെയും കാത്തിരിക്കുന്നത് എന്തെല്ലാം അപകടങ്ങളാണ്?
പിണറായിയുടെ ‘നികൃഷ്ട ജീവി’ സുധാകരന്റെ ‘ചെത്തുകാരനിൽ’ മുങ്ങിയോ? ‘വിശ്വവിഖ്യാത’മായി മൈക്ക്!

‘വാ വിട്ട വാക്കും കൈ വിട്ട ആയുധവും പിന്നെ തിരിച്ചെടുക്കാനാകില്ല’– ആറാം തമ്പുരാൻ സിനിമയിൽ വലിയ കയ്യടി കിട്ടിയ ജഗന്നാഥന്റെ (മോഹൻലാൽ) ഡയലോഗ്. രാഷ്ട്രീയത്തിൽ നേതാക്കളുടെ വാ വിട്ട വാക്കുകൾക്ക് അണികളുടെ കയ്യടി ചിലപ്പോഴെങ്കിലും കിട്ടാറുണ്ട്. എന്നാൽ പ്രതിപക്ഷ നേതാവ് വി.ഡി.സതീശനെതിരെ കെപിസിസി പ്രസിഡന്റ് കെ.സുധാകരൻ ആലപ്പുഴയിലെ വാർത്താ സമ്മേളന വേദിയിൽ നടത്തിയ വാക് പ്രയോഗത്തിന് അണികളുടെയും കയ്യടിയില്ല. ഇരുവരും ഒരുമിച്ചു ചേർന്നു ജാഥ നയിക്കുകയെന്ന തീരുമാനമെടുത്തതു തന്നെ ഇരുവരും ഒരുമിച്ചാണെന്ന് അണികളെ ബോധ്യപ്പെടുത്താനായിരുന്നു. എന്നാൽ ഇഴച്ചു കെട്ടിയ ആ കൂട്ടുകെട്ട് പൊട്ടിച്ചെറിയുന്നതിനു തുല്യമായി സുധാകരന്റെ വാ വിട്ട വാക്ക് വടക്കുനിന്നുള്ള പല നേതാക്കളും നാടൻ ശൈലിയിൽ പ്രസംഗിക്കുന്നവരാണ്. ഇ.കെ.നായനാരെപ്പോലെ ചിലർ ആ ശൈലികൊണ്ട് ആരാധകരെയുണ്ടാക്കിയിട്ടുണ്ട്. എന്നാൽ വടക്കൻ ശൈലിയെന്ന പേരു പറഞ്ഞു നടത്തുന്ന വാക് പ്രയോഗങ്ങൾകൊണ്ടു വിവാദമുണ്ടാക്കിയവരാണു പുതിയതലമുറയിലെ പല നേതാക്കളും. അസഭ്യ പ്രയോഗങ്ങൾക്കു വടക്കിനു മാത്രമായി ഒരു ശൈലിയുമില്ല. പ്രയോഗത്തിന്റെ വ്യാകരണമോ രീതിശാസ്ത്രമോ അതുണ്ടാക്കുന്ന ഫലമോ ചിന്തിക്കാതെ വാക്കുകൾ തൊടുത്തുവിടുന്നതിൽ മുൻപിലാണു സുധാകരൻ. മനസ്സിൽ ഒന്നും വയ്ക്കാതെ തുറന്നു പറയുന്നതു ഗുണമായി കാണുന്ന സുധാകരന്, ഈ ഗുണം പലതവണ ദോഷമായി മാറിയിട്ടുണ്ട്.

Results 1-100 of 518

Today's Epaper

MANORAMA APP

News +

our sites

about

QUICK LINKS

EXPERIENCE MANORAMA ONLINE PREMIUM

Our Sites