കോട്ടയം ജില്ലയിൽ ഇന്ന് (30-04-2024); അറിയാൻ, ഓർക്കാൻ

ഇന്ന് 
നാളെ ബാങ്ക് അവധിയാകയാൽ ഇടപാടുകൾ ഇന്നു നടത്തുക.

കാലാവസ്ഥ
സംസ്ഥാനത്ത് ഭൂരിഭാഗം സ്ഥലങ്ങളിലും ഉയർന്ന ചൂട്.പാലക്കാട്, തൃശൂർ, കൊല്ലം, കോഴിക്കോട്, കോട്ടയം, ആലപ്പുഴ, എറണാകുളം, മലപ്പുറം ജില്ലകളിലുള്ളവർ കൂടുതൽ ജാഗ്രത പാലിക്കണം.

വാഹനഗതാഗതം നിരോധിച്ചു
വൈക്കം ∙  വൈപ്പിൻ പടി-ടിവിപുരം റോഡിലെ വട്ടയിൽ ജംക്‌ഷനിൽ ക്രോസ് ഡ്രെയിൻ ജോലികൾ നടക്കുന്നതിനാൽ ഇതുവഴിയുള്ള വാഹനഗതാഗതം ഒന്നു മുതൽ  ഇനിയൊരു അറിയിപ്പ് ഉണ്ടാകുന്നതുവരെ പൂർണമായി നിരോധിച്ചു. യാത്രക്കാർ മൂത്തേടത്തുകാവ് റോഡ് ഉപയോഗിക്കണമെന്ന് വൈക്കം പൊതുമരാമത്ത് നിരത്തുവിഭാഗം അസിസ്റ്റന്റ് എൻജിനീയർ അറിയിച്ചു.

വൈദ്യുുതി മുടക്കം
അതിരമ്പുഴ ∙ മറ്റം കവല, ഷോപ്പിങ് കോംപ്ലക്സ്, മാർക്കറ്റ്, തേൻകുളം ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 5 വരെ ഭാഗികമായി വൈദ്യുതി മുടങ്ങും.
കുമരകം ∙ പള്ളിച്ചിറ, എസ്എൻ കോളജ്, ചക്രംപടി, കവണാറ്റിൻകര ട്രാൻസ്ഫോമറുകളുടെ പരിധിയിൽ ഇന്ന് 9 മുതൽ 5 വരെ ഭാഗികമായി വൈദ്യുതി മുടങ്ങും.
പാലാ ∙ ശാന്തിനഗർ, പാലക്കാട് കുരിശുപള്ളി, പാലക്കാട് പള്ളി ട്രാൻസ്ഫോമറുകളുടെ പരിധിയിൽ ഇന്ന് 8 മുതൽ 5 വരെ ഭാഗികമായി വൈദ്യുതി മുടങ്ങും.

കോഴ്‌സുകൾ
കോട്ടയം ∙ എൽബിഎസ് സെന്റർ ഫോർ സയൻസ് ആൻഡ് ടെക്‌നോളജിയുടെ ഏറ്റുമാനൂർ ഉപകേന്ദ്രത്തിൽ മേയ് 8ന് ആരംഭിക്കുന്ന സർക്കാർ അംഗീകൃത ഡിസിഎഫ്എ, ടാലി കോഴ്‌സുകളിലേക്ക് അപേക്ഷ നൽകാം. യോഗ്യത: പ്ലസ്ടു. മേയ് 7നകം അപേക്ഷിക്കണം. ഫോൺ: 9497818264.
കോട്ടയം ∙ എൽബിഎസിന്റെ പാമ്പാടി ഉപകേന്ദ്രത്തിലെ 4 മാസം ദൈർഘ്യമുള്ള ഡേറ്റ എൻട്രി ആൻഡ് ഓഫിസ് ഓട്ടമേഷൻ (ഇംഗ്ലിഷ്, മലയാളം) കോഴ്‌സിലേക്ക് അപേക്ഷ ക്ഷണിച്ചു. യോഗ്യത: എസ്എസ്എൽസി. ഫോൺ: 9895041706.

അധ്യാപക ഒഴിവ്
പാമ്പാടി ∙ കെജി കോളജിൽ സ്വാശ്രയ വിഭാഗത്തിൽ ബിബിഎയിൽ അധ്യാപക ഒഴിവുണ്ട്. താൽപര്യമുള്ള ഉദ്യോഗാർഥികൾ മേയ് 12നു 3ന് മുൻപ് അപേക്ഷ സമർപ്പിക്കണം. ഫോൺ; 04812505212.