കക്കയം ഹൈഡൽ ടൂറിസം സെന്റർ ഇന്നു തുറക്കും

കൂരാച്ചുണ്ട് ∙ കക്കയത്ത് കൃഷിയിടത്തിൽ കർഷകനെ കാട്ടുപോത്ത് ആക്രമിച്ചു കൊലപ്പെടുത്തിയതിനെ തുടർന്ന് മാർച്ച് 6 മുതൽ അടച്ചിട്ട കക്കയം ഹൈഡൽ ടൂറിസം സെന്റർ ഇന്നു മുതൽ പ്രവർത്തിക്കും. വിനോദ സഞ്ചാരികൾക്കുള്ള ബോട്ടിങ് ഉൾപ്പെടെ ഇന്ന് ആരംഭിക്കുമെന്ന് ഹൈഡൽ ടൂറിസം മാനേജർ ശിവദാസ് ചെമ്പ്ര അറിയിച്ചു. ടൂറിസം സെന്റർ തുറക്കുന്നത് നീണ്ടതോടെ ജീവനക്കാരെ വയനാട് ഹൈഡൽ ടൂറിസം സെന്ററിലേക്ക് തൽക്കാലം മാറ്റിയിരുന്നു. വനം വകുപ്പിന്റെ ഇക്കോ ടൂറിസം സെന്റർ തുറക്കുന്നതിൽ തീരുമാനമായിട്ടില്ല. ജനുവരി 20 മുതൽ ഇക്കോ ടൂറിസം സെന്റർ അടച്ചിട്ടിരിക്കുകയാണ്.