ദേശീയപാത 66 നിർമാണം: യൂണിവേഴ്സിറ്റി റോഡിലേക്കുള്ള പ്രവേശനം നിർത്തി; ഗതാഗത നിയന്ത്രണം

കോഴിക്കോട്∙ ദേശീയപാത 66ന്റെ നിർമാണ പ്രവർത്തി നടക്കുന്നതിനാൽ, മലപ്പുറം-കോഴിക്കോട് ജില്ലാ അതിർത്തിയായ നിസരി ജംക്‌ഷനിൽ യൂണിവേഴ്സിറ്റി റോഡിലേക്കുള്ള പ്രവേശനം നിർത്തി. മീഞ്ചന്ത ഭാഗത്തുനിന്ന് യൂണിവേഴ്സിറ്റിയിലേക്ക് പോകണ്ട യാത്രക്കാർ, രാമനാട്ടുകരയിൽനിന്നും എയർപോർട്ട് റോഡ് വഴി, രാമനാട്ടുകര ഫ്ലൈ ഓവറിന്റെ അടിയിൽ നിന്നും വലത്തോട് തിരിഞ്ഞ് സർവീസ് റോഡ് വഴി യൂണിവേഴ്സിറ്റി റോഡിലേക്ക് പോകേണ്ടതാണ്. മീഞ്ചന്ത ഭാഗത്തുനിന്നു തൃശൂർ, എറണാകുളം ഭാഗത്തേക്ക് പോകേണ്ട യാത്രക്കാർ ഫറോക്ക് കരുവൻതിരുത്തി വഴിയോ കോട്ടക്കടവ് വഴിയോ പോകണം.