ലയൺസ് ക്ലബ് റോമാ കേരള ലയൺസ് ക്ലബ് ഇറ്റലി റോമായുടെ ഭാഗമായി
Mail This Article
റോം ∙ ലയൺസ് ക്ലബ് റോമാ കേരള ഔദ്യോഗികമായി ലയൺസ് ക്ലബ് ഇറ്റലി റോമായുടെ 108L ഭാഗമായിത്തീർന്നു. റോമിൽ നടന്ന ചടങ്ങിൽ ലയൺസ് ക്ലബ് ഇറ്റലി റോമിന്റെ ഗവർണർ മിക്കലെ മർത്തല്ല ലയൺസ് ക്ലബ് റോമാ കേരളയുടെ പ്രസിഡന്റ് ജിന്റോ കുര്യാക്കോസിന് പുതിയ ക്ലബ്ബിന്റെ ചാർട്ടർ കൈമാറി.
തുടർന്ന് ലയൺസ് ക്ലബ് റോമാ അഗസ്റ്റസ് പ്രസിഡന്റ് അന്തോനല്ല മക്കനിയെല്ലോയുടെ സാന്നിധ്യത്തിൽ പ്രസിഡന്റ് ജിന്റോ കുര്യാക്കോസ് പരിപാടി ഔദ്യോഗികമായി ഉദ്ഘാടനം ചെയ്തു. ചടങ്ങുകൾക്ക് ലയൺസ് ക്ലബ് റോമാ കേരളയുടെ സെക്രട്ടറി ഗോപകുമാർ നന്ദി അറിയിച്ചു. സിജു മാത്യു, ആൽബിൻ കുര്യാക്കോസ് , ബിനോയി എബ്രഹാം എന്നിവരുടെ സജീവസാന്നിധ്യം ഉണ്ടായിരുന്നു. തുടർന്ന് ഫാമിലിമീറ്റിങ്ങും നടത്തപ്പെടുകയുണ്ടായി.കുട്ടികളുടെ വിവിധ കലാപരിപാടികളും, സ്നേഹ വിരുന്നോടു കൂടി മീറ്റിങ് അവസാനിച്ചു.