ഇളം ചുണ്ടുകളിലെ പുഞ്ചിരി – ഡോ. സതി ഗോപാലകൃഷ്ണന്‍ എഴുതിയ കവിത

ആകാശത്തിനപ്പുറം

ഭൂമിക്കപ്പുറം

സമുദ്രത്തിന്റെ ആഴത്തിനപ്പുറം

മൃദുവായ മഴയ്ക്ക് അപ്പുറം

സ്നിഗ്ധസ്നേഹം സുഗന്ധവാഹിനി 

ഗംഗയായി ഒഴുകുന്നു ഹൃദയത്തിൽ
 

മൈലാഞ്ചിചുവപ്പ് ആകാശത്ത്

ആ വസന്തത്തിന്റെ മുഴുവൻ സൗന്ദര്യവും 

മിഴി നിറയെ കൊണ്ട് വന്നു തന്നു

ഏറ്റവും ധനികനാകാനുള്ള 

ആഗ്രഹവും പൂവണിഞ്ഞു
 

സുസ്മിതംകുഞ്ഞു ചുണ്ടുകളിൽ 

അനുഗ്രഹീതമായ മധുര സംഗീതം പോലെ

അത് ദൃശ്യമായപ്പോൾ, ഞങ്ങളുടെ മുറ്റം 

പുളകം കൊണ്ടു.

സ്വഭാവം ശുദ്ധമാകട്ടെ, എന്നും 

പ്രാർഥനകളുമായി ഇവിടെയുണ്ട് ഞങ്ങൾ..