കെ–ടെറ്റ്: മുന്നാക്ക സമുദായങ്ങളിലെ പിന്നാക്കക്കാർക്കു മാർക്ക് ഇളവില്ല

അധ്യാപകനിയമന യോഗ്യതാപരീക്ഷയായ കെ–ടെറ്റിൽ മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്നവർക്ക് (ഇഡബ്ല്യുഎസ്) മാർക്ക് ഇളവ് അനുവദിക്കേണ്ടെന്നു സംസ്ഥാന സർക്കാർ തീരുമാനിച്ചു.

പട്ടികജാതി/പട്ടികവർഗ വിഭാഗങ്ങൾക്കും മറ്റു പിന്നാക്കവിഭാഗങ്ങൾക്കും നിലവിൽ 5% ഇളവ് അനുവദിക്കുന്നുണ്ട്. ഇതേ ആനുകൂല്യം ഇഡബ്ല്യുഎസ് വിഭാഗത്തിനും നൽകണമെന്ന് ആവശ്യപ്പെട്ടു ഹൈക്കോടതിയിൽ ഫയൽ ചെയ്ത ഹർജികളിൽ അന്തിമതീരുമാനമെടുക്കാൻ കോടതി സർക്കാരിനോടു നിർദേശിച്ചിരുന്നു. കേന്ദ്ര സിലബസ് സ്കൂളുകളിലെ അധ്യാപക യോഗ്യതാ പരീക്ഷയായ സി–ടെറ്റിൽ ഇഡബ്ല്യുഎസ് വിഭാഗക്കാർക്ക് ഇളവ് നൽകുന്നില്ല എന്നതു കണക്കിലെടുത്താണ് കെ–ടെറ്റിലും ഇളവ് അനുവദിക്കേണ്ടെന്ന തീരുമാനം.