ബിരുദം മാത്രം മതി, പ്രായം 30 കവിയരുത്; 274 ഒാഫിസർ ഒഴിവിൽ നിങ്ങൾക്ക് അവസരം
Mail This Article
പൊതുമേഖലയിലെ നാഷനൽ ഇൻഷുറൻസ് കമ്പനിയിൽ അഡ്മിനിസ്ട്രേറ്റിവ് ഓഫിസർ അവസരം. 274 ഒഴിവ്. സ്കെയിൽ–1 കേഡർ തസ്തികയാണ്. ജനുവരി 22 വരെ ഓൺലൈനിൽ അപേക്ഷിക്കാം. ശമ്പളം: 50,925-96,765.
ജനറലിസ്റ്റ് വിഭാഗത്തിൽ 132 ഒഴിവുണ്ട്. സ്പെഷലിസ്റ്റ് വിഭാഗത്തിൽ ഫിനാൻസ് (30), ഡോക്ടർ (28 ഒഴിവ്), ഹിന്ദി (രാജ്ഭാഷ) ഓഫിസർ (22), ലീഗൽ (20), ഐടി (20), ഓട്ടമൊബീൽ എൻജിനീയർ (20), ആക്ച്വേറിയൽ (2) എന്നിങ്ങനെയാണ് മറ്റവസരം.
ജനറലിസ്റ്റ് തസ്തികയുടെ വിശദാംശങ്ങൾ:
∙യോഗ്യത: ഏതെങ്കിലും വിഷയത്തിൽ ബിരുദം അല്ലെങ്കിൽ ബിരുദാനന്തര ബിരുദം അല്ലെങ്കിൽ തത്തുല്യം. ഏതെങ്കിലും ഒരു യോഗ്യത 60% മാർക്കോടെ നേടിയിരിക്കണം. (പട്ടികവിഭാഗത്തിനും ഭിന്നശേഷിക്കാർക്കും 55%).
∙പ്രായം (01.12.2023 ന്): 21–30 (പട്ടികവിഭാഗത്തിന് അഞ്ചും ഒബിസിക്കു മൂന്നും ഭിന്നശേഷിക്കാർക്കു പത്തും വർഷം ഇളവ്. വിമുക്തഭടന്മാർക്കും ഡിപ്പാർട്മെന്റൽ അപേക്ഷകർക്കും ഇളവുണ്ട്).
∙തിരഞ്ഞെടുപ്പ്: ഓൺലൈൻ എക്സാം, ഇന്റർവ്യൂ എന്നിവയുണ്ടാകും. പ്രിലിമിനറി, മെയിൻ പരീക്ഷകളുണ്ട്. പ്രിലിമിനറി പരീക്ഷയ്ക്ക് എറണാകുളം, കോഴിക്കോട്, തിരുവനന്തപുരം എന്നിവിടങ്ങളിൽ കേന്ദ്രമുണ്ട്.
∙അപേക്ഷാഫീസ്: 1000 രൂപ (പട്ടികവിഭാഗത്തിനും ഭിന്നശേഷിക്കാർക്കും 250). ഓൺലൈനായി അടയ്ക്കണം.
ഓൺലൈൻ റജിസ്ട്രേഷനും വിജ്ഞാപനത്തിന്റെ വിശദവിവരങ്ങളും www.nationalinsurance.nic.co.in എന്ന വെബ്സൈറ്റിൽ.