ഹയർ സെക്കൻഡറി സ്ഥലംമാറ്റം: അപ്പീൽ നൽകില്ല
Mail This Article
×
തിരുവനന്തപുരം : ഹയർ സെക്കൻഡറി അധ്യാപക സ്ഥലംമാറ്റ പട്ടിക റദ്ദാക്കിയ കേരള അഡ്മിനിസ്ട്രേറ്റീവ് ട്രൈബ്യൂണൽ (ക്യാറ്റ്) വിധിക്കെതിരെ സർക്കാർ അപ്പീൽ നൽകില്ല. വിധി അനുസരിച്ച് ഇതര ജില്ലാ സർവീസ് വെയ്റ്റേജ് കണക്കാക്കിയുള്ള പുതിയ സ്ഥലംമാറ്റ പട്ടിക പ്രസിദ്ധീകരിക്കാൻ പൊതു വിദ്യാഭ്യാസ വകുപ്പ് നടപടി ആരംഭിച്ചു. ജൂൺ ഒന്നിനു സ്കൂൾ തുറക്കും മുൻപ് തന്നെ അധ്യാപകർക്ക് പുതിയ സ്കൂളുകളിൽ ജോലിക്കു കയറാൻ കഴിയും വിധം സ്ഥലംമാറ്റ പട്ടിക പ്രസിദ്ധീകരിക്കണമെന്നാണു ക്യാറ്റ് വിധി. അപ്പീൽ നൽകുന്നതിനു സർക്കാർ നിയമോപദേശം തേടിയെങ്കിലും അനുകൂലമായിരുന്നില്ലെന്നാണ് സൂചന. ക്യാറ്റിന്റെ മുൻ ഉത്തരവ് പാലിക്കാതെ പട്ടിക തയാറാക്കിയതിന് പൊതുവിദ്യാഭ്യാസ ഡയറക്ടർക്കെതിരെ കോടതിയലക്ഷ്യ നടപടികളും ആരംഭിച്ചിരിക്കുന്ന സാഹചര്യത്തിലാണ് സർക്കാർ വിധി നടപ്പാക്കാൻ തീരുമാനിച്ചത്.
English Summary:
No Appeal Against CAT Verdict, New Teacher Transfer List Prioritizes District Service
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
