കശ്മീരിൽ മലയാളി സംഘത്തിന്റെ വാഹനം അപകടത്തിൽപ്പെട്ടു; യുവാവ് മരിച്ചു, 14 പേർക്ക് പരുക്ക്
Mail This Article
കോഴിക്കോട് ∙ ജമ്മു കശ്മീരിലുണ്ടായ വാഹനാപകടത്തിൽ മലയാളി യുവാവ് മരിച്ചു. കോഴിക്കോട് നാദാപുരം ഇയ്യങ്കോട് പുത്തൻപീടികയിൽ സഫ്വാൻ (23) ആണു മരിച്ചത്. നാട്ടിൽനിന്നു വിനോദയാത്ര പോയപ്പോഴായിരുന്നു അപകടം. തിരുവനന്തപുരത്തെ ഐടി കമ്പനിയിൽ ജീവനക്കാരനാണ്.
വിനോദയാത്രാ സംഘം സഞ്ചരിച്ച വാഹനം ബെനിഹാളിലാണ് അപകടത്തിൽപ്പെട്ടത്. 14 പേർക്ക് പരുക്കേറ്റു. ഇവരിൽ 12 പേർ മലയാളികളാണ്. പരുക്കേറ്റവരിൽ 6 പേരുടെ നില ഗുരുതരമാണെന്നാണ് വിവരം. മലപ്പുറം ജാമിയ സലഫിയ ഫാര്മസി കോളജിലെ പൂർവ വിദ്യാര്ഥികളാണ് അപകടത്തില്പെട്ടവരിൽ ആറുപേര്.
ബുധനാഴ്ച വൈകിട്ടോടെ ജമ്മുവിൽനിന്ന് ശ്രീനഗറിലേക്ക് വരികയായിരുന്ന ടെംപോ ട്രാവലർ ബനിഹാളിലെ ഷബൻബാസ് മേഖലയിൽ ട്രക്കുമായി കൂട്ടിയിടിക്കുകയായിരുന്നു. കേരളത്തിൽ നിന്നുള്ള 12 വിനോദസഞ്ചാരികളടക്കം 16 യാത്രക്കാരാണ് വാഹനത്തിലുണ്ടായിരുന്നത്.