മെട്രോയ്ക്ക് മുന്നിൽ ചാടിയയാളെ രക്ഷപ്പെടുത്തി

ബെംഗളൂരു ∙ മെട്രോ ജ്ഞാനഭാരതി സ്റ്റേഷനിൽ ട്രെയിനിനു മുന്നിൽ ചാടി ജീവനൊടുക്കാൻ ശ്രമിച്ച ബിഹാർ സ്വദേശിയെ രക്ഷപ്പെടുത്തി. പർപ്പിൾ ലൈനിൽ 17 മിനിറ്റ് നേരം സർവീസ് തടസ്സപ്പെട്ടു. ഇന്നലെ ഉച്ചയ്ക്കു രണ്ടിനാണ് യുവാവ് രണ്ടാം പ്ലാറ്റ്ഫോമിൽ നിന്ന് ട്രെയിനിന് മുന്നിലേക്ക് ചാടിയത്.

ഇതു കണ്ട സുരക്ഷാ ജീവനക്കാരി എമർജൻസി ബട്ടൺ അമർത്തി ട്രാക്കിലേക്കുള്ള വൈദ്യുതി ബന്ധം വിഛേദിച്ചു. ട്രെയിനിനും പാളത്തിനും ഇടയിൽപെട്ട് യുവാവിനെ സുരക്ഷ ജീവനക്കാരുടെ നേതൃത്വത്തിൽ പരുക്കുകളില്ലാതെ പുറത്തെത്തിച്ചു. മൈസൂരു റോഡ്–ചല്ലഘട്ട റീച്ചിൽ നിർത്തിവച്ച ട്രെയിൻ സർവീസ് 2.30ന് ശേഷം പുനരാരംഭിച്ചു.