Activate your premium subscription today
Thursday, Mar 6, 2025
Feb 15, 2025
ഉത്തേജക പരിശോധനയിൽ പരാജയപ്പെട്ട ഇറ്റാലിയൻ ടെന്നിസ് താരം യാനിക് സിന്നർക്ക് മൂന്നു മാസം വിലക്ക്. കഴിഞ്ഞ വർഷം ലോക ഉത്തേജക വിരുദ്ധ ഏജൻസി നടത്തിയ രണ്ട് ടെസ്റ്റുകളിൽ സിന്നർ പരാജയപ്പെട്ടിരുന്നു. ഫെബ്രുവരി ഒൻപതു മുതൽ മേയ് നാലാം തീയതി വരെയായിരിക്കും സിന്നറുടെ വിലക്ക്. ഫിസിയോ തെറപ്പിസ്റ്റിന്റെ നിർദേശ പ്രകാരമാണ് നിരോധിക്കപ്പെട്ട ക്ലോസ്റ്റബോൾ അടങ്ങിയ മരുന്ന്
Jan 28, 2025
മെൽബൺ∙ തലയ്ക്കു മുകളിൽ തൂങ്ങിക്കിടക്കുന്ന ‘വിലക്കു ഭീഷണിയുമായി’ ഇറ്റലിയിൽ നിന്നെത്തിയ സ്വർണമുടിക്കാരനാണ്, ഇത്തവണ മെൽബണിൽനിന്ന് ഓസ്ട്രേലിയൻ ഓപ്പൺ ടെന്നിസ് കിരീടവുമായി മടങ്ങുന്നത്. പുരുഷ സിംഗിൾസിൽ ഏറ്റവും കൂടുതൽ ഗ്രാൻസ്ലാം കിരീടങ്ങൾ നേടുന്ന ഇറ്റാലിയൻ താരമെന്ന വിശേഷണത്തോടെയാണ്, ഇരുപത്തിമൂന്നുകാരൻ യാനിക് സിന്നറിന്റെ കിരീടധാരണം.
Jan 26, 2025
മെൽബൺ∙ ഗ്രാൻസ്ലാം ടൂർണമെന്റിൽ രണ്ടാം സ്ഥാനക്കാരനിൽനിന്ന് ഒന്നാം സ്ഥാനത്തേക്ക് കയറാനുള്ള ജർമൻ താരം അലക്സാണ്ടർ സ്വരേവിന്റെ കഠിനപ്രയത്നം തുടർച്ചയായ മൂന്നാം ഫൈനലിലും വിഫലം. കന്നിക്കിരീടം ലക്ഷ്യമിട്ട് മൂന്നാം ഗ്രാൻസ്ലാം ഫൈനലിന് ഇറങ്ങിയ ലോക രണ്ടാം നമ്പർ താരത്തിന് ഇത്തവണയും തോൽവി. ലോക ഒന്നാം നമ്പർ താരവും നിലവിലെ ചാംപ്യനുമായ ഇറ്റലിയുടെ ഇരുപത്തിമൂന്നുകാരൻ താരം യാനിക് സിന്നറാണ്, സ്വരേവിന്റെ കന്നി കിരീടമെന്ന മോഹം ഇത്തവണ തകർത്തത്. ആവേശകരമായ കലാശപ്പോരിൽ നേരിട്ടുള്ള സെറ്റുകൾക്കാണ് സിന്നർ സ്വരേവിനെ വീഴ്ത്തിയത്. സ്കോർ: 6–3, 7–6 (7–4), 6–2.
കൊച്ചി ∙ അഖിലേന്ത്യാ റാങ്കിങ് ടെന്നിസിൽ പുരുഷവിഭാഗത്തിൽ അട്ടിമറി വിജയവുമായി ബംഗാളിന്റെ നിതിൻകുമാർ സിൻഹ. ഫൈനലിൽ ഒന്നാം സീഡും ഏഷ്യൻ ഗെയിംസ് വെങ്കല മെഡൽ ജേതാവുമായ തെലങ്കാനയുടെ ജെ.വിഷ്ണുവർധനെ 6–3,6–4നു നിതിൻ കീഴടക്കി. വനിതകളിൽ ടോപ് സീഡ് മഹാരാഷ്ട്രയുടെ പൂജ ഇങ്ക്ലെ തെലങ്കാനയുടെ ലക്ഷ്മി ശ്രീദണ്ഡുവിനെ 6–4, 6–1ന് ഫൈനലിൽ തോൽപിച്ചു. നൗഷാദ് മേത്തർ മെമ്മോറിയൽ ട്രോഫിയും പ്രൈസ്മണിയും ഇരുവർക്കും സമ്മാനിച്ചു. കേരള ടെന്നിസ് അസോസിയേഷൻ ജനറൽ സെക്രട്ടറി ജോണി നെച്ചൂപ്പാടം, നുറൂദീൻ മേത്തർ ,സുനൈനി മേത്തർ എന്നിവർ ട്രോഫികൾ നൽകി.
Jan 25, 2025
മെൽബൺ∙ ഓസ്ട്രേലിയൻ ഓപ്പൺ വനിതാ സിംഗിൾസ് കിരീടം യുഎസിന്റെ മാഡിസൻ കീസിന്. വാശിയേറിയ പോരാട്ടത്തിൽ നിലവിലെ ചാംപ്യൻ അരീന സബലേങ്കയെ വീഴ്ത്തിയാണ് യുഎസ് താരത്തിന്റെ കന്നി കിരീടനേട്ടം. ഹാട്രിക് കിരീടം ലക്ഷ്യമിട്ടെത്തിയ ബെലാറൂസ് താരം അരീന സബലേങ്കയ്ക്ക് ഫൈനലിൽ പിഴച്ചു. സ്കോർ 6–3, 2–6, 7–5.
പ്രായത്തെയും ശരീരത്തെയും വെല്ലുവിളിച്ചുള്ള അപരാജിത കുതിപ്പിൽ നൊവാക് ജോക്കോവിച്ചിന് ഇത്തവണ അടിതെറ്റി. ഓസ്ട്രേലിയൻ ഓപ്പൺ പുരുഷ സിംഗിൾസ് സെമിഫൈനലിനിടെ ഇടതു കാലിനു പരുക്കേറ്റ മുപ്പത്തിയേഴുകാരൻ സെർബിയൻ താരം മത്സരം പൂർത്തിയാക്കാതെ പിൻമാറി. ഇതോടെ 25–ാം ഗ്രാൻസ്ലാം കിരീടം എന്ന സ്വപ്നനേട്ടത്തിനായി ജോക്കോ ഇനിയും കാത്തിരിക്കേണ്ടിവരും.
കൊച്ചി ∙ദേശീയ റാങ്കിങ് ടെന്നിസ് ചാംപ്യൻഷിപ്പിൽ ഇന്നു ഫൈനൽ. കടവന്ത്ര രാജീവ്ഗാന്ധി ഇൻഡോർ സ്റ്റേഡിയത്തിൽ പുരുഷ വിഭാഗത്തിൽ ഒന്നാം സീഡും ഡേവിസ് കപ്പ് താരവുമായ തെലങ്കാനയുടെ വിഷ്ണു വർധൻ ബംഗാളിന്റെ നിതിൻകുമാർ സിൻഹയെ നേരിടും. രണ്ടാം സീഡാണ് നിതിൻ. വിഷ്ണു ഒഡീഷയുടെ കബീർഹാൻസിനെ 7–5, 6–1 നും നിതിൻകുമാർ ഡൽഹിയുടെ പാർത്ഥ് അഗർവാളിനെ 7–6, 6–2നും സെമിയിൽ തോൽപിച്ചു. വനിതാ ഫൈനലിൽ ടോപ്പ് സീഡ് മഹാരാഷ്ട്രയുടെ പൂജ ഇങ്ക്ലെ തെലങ്കാനയുടെ ലക്ഷ്മി ശ്രീദണ്ഡുവിനെ നേരിടും. പുരുഷ ഡബിൾസിൽ ഫൈസൽ ഖമർ –ജഗ്മീത് സഖ്യവും വനിത ഡബിൾസിൽ പൂജ–ഈശ്വരി അനന്ത് സഖ്യവും ജേതാക്കളായി. രാവിലെ 9ന് വനിതാ ഫൈനലോടെ മത്സരങ്ങൾ ആരംഭിക്കും.
Jan 24, 2025
മെൽബൺ∙ ഓസ്ട്രേലിയൻ ഓപ്പണിൽ തുടർച്ചയായ രണ്ടാം ഗ്രാൻഡ്സ്ലാം കിരീടം ലക്ഷ്യമിട്ട് ഇറ്റാലിയൻ താരം യാനിക് സിന്നർ ഫൈനലിൽ കടന്നു. ഓസ്ട്രേലിയന് ഓപ്പൺ പുരുഷ സിംഗിൾസ് ഫൈനലിൽ അലക്സാണ്ടർ സ്വരേവും നിലവിലെ ചാംപ്യൻസ് യാനിക് സിന്നറും ഏറ്റുമുട്ടും. ഞായറാഴ്ചയാണു ഫൈനൽ പോരാട്ടം. സെമി ഫൈനലിൽ യുഎസിന്റെ ബെൻ ഷെല്ട്ടനെ 7–6 (7–2), 6–2, 6–2 എന്ന സ്കോറിനാണ് സിന്നർ തോൽപിച്ചത്.
കൊച്ചി ∙ 2010 ഗ്വാങ്ചൗ ഏഷ്യൻ ഗെയിംസിനുള്ള ഇന്ത്യൻ ടെന്നിസ് ടീമിലേക്കു തിരഞ്ഞെടുക്കപ്പെടുമ്പോൾ 22 വയസ്സായിരുന്നു ഹൈദരാബാദുകാരൻ ജെ.വിഷ്ണുവർധന്. ഇടത്തരം കുടുംബം. ഒന്നര ലക്ഷം രൂപയെങ്കിലും വേണം ഒരുക്കങ്ങൾക്ക്. സഹായത്തിനായി ടെന്നിസ് അസോസിയേഷനു മുന്നിൽ കൈനീട്ടി. സഹായമൊന്നും കിട്ടിയില്ല. മനസ്സു മടുക്കാതെ മത്സരിച്ച് ഗ്വാങ്ചൗവിൽ ഇരട്ടമെഡലുകൾ സ്വന്തമാക്കി. മിക്സ്ഡ് ഡബിൾസിൽ സാനിയ മിർസയ്ക്കൊപ്പം വെള്ളി. പുരുഷ ടീം ഇനത്തിൽ വെങ്കലം. മെഡലുകളുമായി വിമാനത്താവളത്തിലിറങ്ങുമ്പോൾ പുഷ്പ ഹാരങ്ങളുമായി നിൽക്കുന്നു അസോസിയേഷൻ പ്രതിനിധികൾ.
ഓസ്ട്രേലിയൻ ഓപ്പൺ പുരുഷ സിംഗിൾസിൽ ജർമൻ താരം അലക്സാണ്ടർ സ്വരേവ് ഫൈനലിൽ കടന്നു. സെർബിയൻ സൂപ്പർ താരം നൊവാക് ജോക്കോവിച്ച് ആദ്യ സെറ്റ് പൂർത്തിയായതിനു പിന്നാലെ മത്സരം മതിയാക്കി മടങ്ങിയതോടെയാണ് ജർമൻ താരത്തിന് ഫൈനലിലേക്ക് ‘വാക്കോവർ’ ലഭിച്ചത്.
Jan 23, 2025
ഓസ്ട്രേലിയൻ ഓപ്പൺ വനിതാ സിംഗിൾസ് ഫൈനലിൽ നിലവിലെ ചാംപ്യൻ അരീന സബലേങ്കയും യുഎസ് താരം മാഡിസൻ കീസും ഏറ്റുമുട്ടും. വ്യാഴാഴ്ച നടന്ന രണ്ടാം സെമി ഫൈനലില് പോളണ്ടിന്റെ ഇഗ സ്വാതെകിനെയാണ് യുഎസ് താരം കീഴടക്കിയത്. സ്കോർ 5–7, 6–1, 7–6 (10–8). ശനിയാഴ്ചയാണ് വനിതാ സിംഗിൾസിലെ കലാശപ്പോരാട്ടം.
കേരള ടെന്നിസ് അസോസിയേഷന്റെ നേതൃത്വത്തിൽ കടവന്ത്ര റീജനൽ സ്പോർട്സ് സെന്ററിൽ നടക്കുന്ന അഖിലേന്ത്യാ റാങ്കിങ് ടെന്നിസിൽ ഇന്ന് ക്വാർട്ടർ പോരാട്ടങ്ങൾ. ഒന്നാം സീഡ് തെലങ്കാനയുടെ വിഷ്ണുവർധൻ ഡൽഹിയുടെ സാർത്ഥക് സുദനെ 6–3, 6–1ന് തോൽപിച്ച് ക്വാർട്ടറിൽ കടന്നു.
Jan 22, 2025
മെൽബൺ∙ ഓസ്ട്രേലിയൻ ഓപ്പണിലെ ആദ്യ സെമിഫൈനലിന് തയാറെടുക്കുന്ന യുഎസ് താരം ബെൻ ഷെൽട്ടന്, നിലവിലെ ചാംപ്യൻ യാനിക് സിന്നർ എതിരാളി. ഇന്നു നടന്ന അവസാന ക്വാർട്ടറിൽ ആതിഥേയ താരം അലക്സ് ഡി മിനോറിനെ നേരിട്ടുള്ള സെറ്റുകൾക്ക് വീഴ്ത്തിയാണ് സിന്നർ സെമിഫൈനലിന് ടിക്കറ്റെടുത്തത്. ഏറെക്കുറെ ഏകപക്ഷീയമായി മാറിയ മത്സരത്തിൽ 6–3, 6–2, 6–1 എന്ന സ്കോറിനാണ് യാനിക് സിന്നറിന്റെ വിജയം. വെള്ളിയാഴ്ചയാണ് സിന്നർ – ബെൻ ഷെൽട്ടൻ സെമി പോരാട്ടം.
മെൽബൺ∙ ഓസ്ട്രേലിയൻ ഓപ്പൺ ടെന്നിസിൽ വനിതാ വിഭാഗം സിംഗിൾസിൽ സെമി ലൈനപ്പ് പൂർണം. ആദ്യ സെമിയിൽ ബെലാറൂസ് താരം അരീന സബലേങ്ക സ്പെയിനിന്റെ പൗല ബഡോസയെയും, രണ്ടാം സെമിയിൽ പോളണ്ടിന്റെ ഇഗ സ്വാതെക് യുഎസ് താരം മാഡിസൻ കീസിനെയും നേരിടും. ഇന്നു നടന്ന ക്വാർട്ട പോരാട്ടങ്ങളിൽ ഇഗ സ്വാതെക് യുഎസ് താരം എമ്മ നവാരോയെയും യുഎസിന്റെ മാഡിസൻ കീസ് യുക്രെയ്ന്റെ എലീന സ്വിറ്റോലിനയെയും തോൽപ്പിച്ചു. നാളെയാണ് ഇരു സെമിഫൈനൽ മത്സരങ്ങളും നടക്കുക.
കൊച്ചി ∙ അഖിലേന്ത്യാ റാങ്കിങ് ടെന്നിസിൽ ഒന്നാം സീഡ് തെലങ്കാനയുടെ വിഷ്ണുവർധനും വനിതകളിലെ ടോപ് സീഡ് മഹാരാഷ്ട്രയുടെ പൂജ ഇങ്ക്ലെയും പ്രീക്വാർട്ടറിൽ. വിഷ്ണുവർധൻ ഹരിയാനയുടെ സുനിൽകുമാറിനെ 6–3, 6–4നും പൂജ തെലങ്കാനയുടെ ശ്രീനിധി റെഡ്ഡിയെ 6–4, 6–1നും തോൽപിച്ചു.
Jan 21, 2025
അഖിലേന്ത്യ റാങ്കിങ് ടെന്നിസ് ചാംപ്യൻഷിപ് രാജീവ് ഗാന്ധി ഇൻഡോർ സ്റ്റേഡിയത്തിൽ നാവികസേന റിയർ അഡ്മിറൽ ശ്രീനിവാസ് മദുല്ല ഉദ്ഘാടനം ചെയ്തു. നൗഷാദ് മേത്തർ മെമ്മോറിയൽ ട്രോഫിക്കു വേണ്ടി കേരള ടെന്നിസ് അസോസിയേഷന്റെ നേതൃത്വത്തിൽ എറണാകുളം ജില്ലാ ടെന്നിസ് അസോസിയേഷന്റെ സഹകരണത്തോടെയാണ് ചാംപ്യൻഷിപ്.
ഓസ്ട്രേലിയൻ ഓപ്പൺ മിക്സഡ് ഡബിള്സ് ക്വാർട്ടർ ഫൈനലിൽ ഇന്ത്യൻ താരം രോഹന് ബൊപ്പണ്ണയ്ക്കും ചൈനയുടെ സാങ് ഷ്വായ്ക്കും തോൽവി. ഓസ്ട്രേലിയയുടെ ജോൺ പിയേഴ്സ്– ഒലിവിയ ഗഡെക്കി സഖ്യത്തോടാണ് ഇന്ത്യ– ചൈന സഖ്യം തോൽവി സമ്മതിച്ചത്. സ്കോർ 2–6, 6–4, 11–9. രണ്ടാം റൗണ്ടിൽ വാക്കോവർ ലഭിച്ചാണ് ബൊപ്പണ്ണ– സാങ് സഖ്യം ക്വാർട്ടറിൽ കടന്നത്.
ഓസ്ട്രേലിയൻ ഓപ്പൺ ക്വാർട്ടർ ഫൈനലിൽ യുഎസ് താരം കൊക്കോ ഗോഫിനു തോൽവി. വനിതാ സിംഗിൾസിൽ സ്പാനിഷ് താരം പൗല ബഡോസയോടാണ് ഗോഫ് തോറ്റത്. 11–ാം സീഡായ പൗല 7–5, 6–4ന് ഗോഫിനെ തോൽപിച്ചാണു സെമി ഫൈനലിലേക്കു മുന്നേറിയത്. സ്പാനിഷ് താരം ആദ്യമായാണ് ഒരു ഗ്രാൻഡ്സ്ലാം സെമി ഫൈനലിലെത്തുന്നത്.
മെൽബൺ ∙ ഓസ്ട്രേലിയൻ ഓപ്പണിൽ ഏവരും ആകാക്ഷയോടെ കാത്തിരുന്ന ആവേശപ്പോരാട്ടത്തിൽ യുവത്വത്തിന്റെ ചോരത്തിളപ്പിനു മേൽ ആധിപത്യം ഉറപ്പിച്ച് പരിചയസമ്പത്തിന്റെ കരുത്ത്! ആവേശം വാനോളമുയർന്ന പുരുഷ വിഭാഗം സിംഗിൾസ് ക്വാർട്ടറിൽ യുവതാരം സ്പെയിനിന്റെ കാർലോസ് അൽകാരസിനെ വീഴ്ത്തി സെർബിയൻ സൂപ്പർതാരം നൊവാക് ജോക്കോവിച്ച് സെമിഫൈനലിൽ കടന്നു. 3 മണിക്കൂറും 38 മിനിറ്റും നീണ്ട പോരാട്ടത്തിൽ ഒന്നിനെതിരെ മൂന്നു സെറ്റുകൾക്കാണ് ജോക്കോവിച്ചിന്റെ വിജയം. സ്കോർ: 4-6, 6-4, 6-3, 6-4.
Jan 20, 2025
ഓസ്ട്രേലിയൻ ഓപ്പൺ പുരുഷ സിംഗിൾസിൽ ഇറ്റാലിയൻ താരം യാനിക് സിന്നർ ക്വാർട്ടർ ഫൈനലിൽ. നാലാം റൗണ്ട് പോരാട്ടത്തിൽ ഡെൻമാർക്കിന്റെ ഹോൾഗർ റൂണിനെയാണ് നിലവിലെ ചാംപ്യനായ സിന്നർ കീഴടക്കിയത്. സ്കോർ 6–3, 3–6, 6–3,6–2.
സെമിഫൈനലിലോ ഫൈനലിലോ കാണാമെന്ന് ആരാധകർ കൊതിച്ചിരുന്ന നൊവാക് ജോക്കോവിച്ച്– കാർലോസ് അൽകാരസ് പോരാട്ടം ഓസ്ട്രേലിയൻ ഓപ്പൺ ടെന്നിസിൽ ഇത്തവണ അൽപം നേരത്തേയാണ്! പ്രീക്വാർട്ടർ മത്സരങ്ങൾ അനായാസം ജയിച്ച ഇരുവരും നാളെ നടക്കുന്ന പുരുഷ സിംഗിൾസ് ക്വാർട്ടർ ഫൈനലിൽ നേർക്കുനേർ മത്സരിക്കും.
Jan 19, 2025
ഓസ്ട്രേലിയൻ ഓപ്പൺ പുരുഷ സിംഗിൾസ് നാലാം റൗണ്ട് പോരാട്ടത്തിൽ സെർബിയൻ താരം നൊവാക് ജോക്കോവിച്ചിനു വിജയം. ചെക് റിപ്പബ്ലിക്കിന്റെ ജിറി ലെഹെക്ചയെ തോൽപിച്ചാണ് ജോക്കോവിച്ച് ക്വാർട്ടറിൽ കടന്നത്. സ്കോർ– 6–3, 6–4, 7–6 (7–4). ക്വാർട്ടര് ഫൈനലിൽ സ്പാനിഷ് താരം കാർലോസ് അൽകാരസാണ് ജോക്കോയുടെ എതിരാളി.
മെൽബൺ ∙ ആവേശകരമായ പോരാട്ടം പ്രതീക്ഷിച്ച് റോഡ് ലേവർ അരീനയിൽ എത്തിയവരെ കാത്തിരുന്നത് ഇഗ സ്യാംതെക്കിന്റെ വൺ ‘വുമൻ’ ഷോ! യുഎസ് ഓപ്പൺ മുൻ ചാംപ്യൻ ബ്രിട്ടന്റെ എമ്മ റഡുകാനുവിനെ നിർദാക്ഷിണ്യം തോൽപിച്ചാണ് (6–1, 6–0) ലോക രണ്ടാം നമ്പർ പോളണ്ടിന്റെ ഇഗ സ്യാംതെക് ഓസ്ട്രേലിയൻ ഓപ്പൺ ടെന്നിസ് വനിതാ സിംഗിൾസിൽ പ്രീക്വാർട്ടറിൽ കടന്നത്. 70 മിനിറ്റ് മാത്രം ദൈർഘ്യമുണ്ടായ പോരാട്ടത്തിൽ ഇഗയുടെ ഫോർഹാൻഡ് ഷോട്ടുകൾക്കു മുന്നിൽ എമ്മയ്ക്ക് മറുപടിയുണ്ടായിരുന്നില്ല. ബ്രിട്ടിഷ് താരത്തിന്റെ ബാക്ക് ഹാൻഡ് ദൗർബല്യം മുതലെടുത്ത ഇഗ ക്രോസ് കോർട്ട് ഷോട്ടുകളിലൂടെ അനായാസം പോയിന്റ് വാരിക്കൂട്ടി. ടൂർണമെന്റിൽ ഒരു സെറ്റ് പോലും നഷ്ടപ്പെടാതെയാണ് ഇഗ പ്രീക്വാർട്ടർ വരെ എത്തിയത്. ജർമനിയുടെ ഇവ ലൈസാണ് ഇഗയുടെ അടുത്ത എതിരാളി.
Jan 18, 2025
മെൽബൺ ∙ മുൻ ലോക ഒന്നാം നമ്പർ താരത്തെ അട്ടിമറിച്ചാൽ എങ്ങനെ ആഘോഷിക്കണം? വിയറ്റ്നാം വംശജനായ യുഎസ് താരം ലേണർ ടിയെൻ ഇന്നലെ മെൽബണിൽ ആ സ്വപ്നനേട്ടം ആഘോഷിച്ചത് ഒരു പീറ്റ്സ കഴിച്ചാണ്! ഓസ്ട്രേലിയൻ ഓപ്പൺ പുരുഷ സിംഗിൾസ് രണ്ടാം റൗണ്ടിൽ റഷ്യൻ താരം ഡാനിൽ മെദ്വദേവിനെ തോൽപിച്ച പത്തൊൻപതുകാരൻ ടിയെൻ മത്സരശേഷം മാധ്യമസമ്മേളനത്തിനെത്തിയത് ഒരു പീറ്റ്സ ബോക്സും കയ്യിൽ പിടിച്ചാണ്.
Jan 17, 2025
മെൽബൺ ∙ ഓസ്ട്രേലിയൻ ഓപ്പൺ ടെന്നിസ് വനിതാ സിംഗിൾസ് മൂന്നാം റൗണ്ടിൽ തന്നെ സൂപ്പർ പോരാട്ടങ്ങൾക്ക് അരങ്ങൊരുങ്ങി. രണ്ടാം സീഡ് ഇഗ സ്യാംതെക്കും മുൻ യുഎസ് ഓപ്പൺ ചാംപ്യൻ എമ്മ റഡുകാനുവും തമ്മിലാണ് ഒരു മത്സരം. നാലാം സീഡ് ജാസ്മിൻ പവോലീനി മുൻ ലോക മൂന്നാം നമ്പർ താരം എലെന സ്വിറ്റോലിനയെ നേരിടും.
Jan 16, 2025
മെൽബൺ ∙ ഗ്രാൻസ്ലാം ടെന്നിസിലെ മറ്റൊരു ലോക റെക്കോർഡ് കൂടി സ്വന്തമാക്കി ഓസ്ട്രേലിയൻ ഓപ്പൺ ടെന്നിസിൽ നൊവാക് ജോക്കോവിച്ച് കുതിപ്പ് തുടരുന്നു. പോർച്ചുഗലിൽ നിന്നുള്ള ഇരുപത്തൊന്നുകാരൻ ജയ്മി ഫാരിയയെ തോൽപിച്ച് മൂന്നാം റൗണ്ടിലേക്കു മുന്നേറിയ (6-1,6-7,6-3, 6-2) ജോക്കോ, ഗ്രാൻസ്ലാം ടെന്നിസിലെ തന്റെ 430–ാം മത്സരത്തിനാണ് ഇന്നലെ ഇറങ്ങിയത്.
Jan 14, 2025
മെൽബൺ ∙ ഓസ്ട്രേലിയൻ ഓപ്പൺ കോർട്ടിൽ ഇന്നലെ ഒരു യുഎസ് താരത്തിനൊപ്പമായിരുന്നു ടെന്നിസ് ആരാധകരുടെ മനസ്സ്. പുരുഷ സിംഗിൾസ് ഒന്നാം റൗണ്ടിൽ നൊവാക് ജോക്കോവിച്ചിനെ വിറപ്പിച്ച ഇന്ത്യൻ വംശജൻ നിശേഷ് ബസവറെഡ്ഡിക്കൊപ്പം. സെർബിയൻ ഇതിഹാസത്തിനെതിരെ ആദ്യ സെറ്റ് സ്വന്തമാക്കിയ പത്തൊൻപതുകാരൻ നിശേഷ് വലിയൊരു അട്ടിമറിയുടെ സൂചന ഉയർത്തി.
Jan 13, 2025
മെൽബൺ ∙ ഓസ്ട്രേലിയൻ ഓപ്പണിൽ തുടർച്ചയായ മൂന്നാം കിരീടം ലക്ഷ്യമിട്ടെത്തിയ ഒന്നാം സീഡ് അരീന സബലേങ്കയ്ക്ക് വെല്ലുവിളിയുയർത്താൻ യുഎസിന്റെ സ്ലൊയേൻ സ്റ്റീഫൻസിനായില്ല. മുൻ യുഎസ് ഓപ്പൺ ചാംപ്യൻ കൂടിയായ സ്ലൊയേനെ ആദ്യ മത്സരത്തിൽ അനായാസം കീഴടക്കിയ സബലേങ്ക (6–3, 6–2) കിരീടത്തിലേക്കുള്ള കുതിപ്പ് തുടങ്ങി.
Jan 11, 2025
മെൽബൺ∙ പുരുഷ ഡബിൾസിൽ നിലവിലെ ചാംപ്യനായ ഇന്ത്യയുടെ രോഹൻ ബൊപ്പണ്ണയ്ക്ക് ഇത്തവണ പുതിയ കൂട്ട്. ബൊപ്പണ്ണയും ഓസ്ട്രേലിയയുടെ മാത്യു എബ്ദനും ചേർന്നുള്ള സഖ്യമാണ് കഴിഞ്ഞവർഷം ഇവിടെ കിരീടം നേടിയതെങ്കിൽ ഇത്തവണ കൊളംബിയയുടെ നിക്കൊളാസ് ബാറിയെന്റോസാണ് ബൊപ്പണ്ണയുടെ പങ്കാളി.
മെൽബൺ ∙ നേർക്കുനേർ നിന്ന് വെല്ലുവിളിച്ചു തുടങ്ങിയ ‘ന്യൂജെൻ പയ്യൻമാരെ’ നേരിടാൻ നൊവാക് ജോക്കോവിച്ചിന് ഒരു കൂട്ടുകിട്ടിയിരിക്കുന്നു; പഴയ എതിരാളിയായ ആൻഡി മറെ! നാളെ തുടങ്ങുന്ന ഓസ്ട്രേലിയൻ ഓപ്പണിൽ മുൻ ബ്രിട്ടിഷ് താരം ആൻഡി മറെയെ പരിശീലകനാക്കിയാണ് സെർബിയൻ താരം ജോക്കോ ഇറങ്ങുന്നത്. കഴിഞ്ഞ സീസണിൽ ടെന്നിസിനോടു വിടപറഞ്ഞ മറെയ്ക്ക്, ഇത്തവണ 25–ാം ഗ്രാൻസ്ലാം കിരീടം ലക്ഷ്യമിടുന്ന മുപ്പത്തിയേഴുകാരൻ ജോക്കോയെക്കാൾ ഒരാഴ്ച മാത്രമാണ് പ്രായക്കൂടുതൽ.
മെൽബൺ ∙ ഞെട്ടിപ്പിക്കുന്ന വെളിപ്പെടുത്തലുമായി ഓസ്ട്രേലിയൻ ഓപ്പണിനു മുൻപ് വിവാദത്തിന് തിരികൊളുത്തി നൊവാക് ജോക്കോവിച്ച്. 2022ൽ ഓസ്ട്രേലിയൻ ഓപ്പണിൽ മത്സരിക്കാനെത്തിയ തനിക്ക് വിഷം കലർന്ന ഭക്ഷണം നൽകിയെന്നാണ് മാഗസിൻ അഭിമുഖത്തിൽ ജോക്കോവിച്ച് ആരോപിച്ചത്. കോവിഡ് വാക്സീൻ സ്വീകരിക്കാത്തതിന്റെ പേരിൽ ഓസ്ട്രേലിയയിൽ തന്നെ തടഞ്ഞുവച്ച സമയത്താണ് ഈ ഭക്ഷണം ലഭിച്ചത്.
Jan 10, 2025
ഹാപ്പി സ്ലാം എന്നൊരു വിളിപ്പേരുകൂടിയുണ്ട് പുതുവർഷത്തിലെ ആദ്യ ഗ്രാൻസ്ലാം ടൂർണമെന്റായ ഓസ്ട്രേലിയൻ ഓപ്പണ്. നവവത്സരത്തിൽ നവോന്മേഷത്തോടെ എത്തുന്ന താരങ്ങൾക്ക് മികച്ച മത്സരാന്തരീക്ഷമൊരുക്കുന്ന ടൂർണമെന്റിന് സ്വിസ് ഇതിഹാസം റോജർ ഫെഡറർ നൽകിയ പേരാണത്. ഫെഡറർക്കു പിന്നാലെ റാഫേൽ നദാലും വിരമിച്ചശേഷമുള്ള ആദ്യ ഗ്രാൻസ്ലാം ടൂർണമെന്റിൽ നൊവാക് ജോക്കോവിച്ചിന്റെ സാധ്യതകളെങ്ങനെ ? ആരാകും വനിതാ സിംഗിൾസ് ജേതാവ്? 12ന് ആരംഭിക്കുന്ന ഓസ്ട്രേലിയൻ ഓപ്പണിലെ ജേതാക്കളെ പ്രവചിക്കുകയാണ് മുൻ ഇന്ത്യൻ ടെന്നിസ് താരം സാനിയ മിർസ.
Nov 21, 2024
30 വർഷമായി ജലസ്പർശമേൽക്കാത്ത ഈജിയൻ തൊഴുത്ത് വൃത്തിയാക്കിയത് ഉൾപ്പെടെ താൻ കൽപിച്ച ദുഷ്കരദൗത്യങ്ങളെല്ലാം പൂർത്തീകരിച്ചുവന്ന ഹെർക്കുലീസിനെ ഇനിയെന്തു ജോലിയേൽപ്പിക്കും എന്ന് യുരിസ്തിയൂസ് രാജാവ് ആലോചിച്ചു നിന്നു എന്ന് ഗ്രീക്ക് പുരാണത്തിൽ കഥയുണ്ട്. 21–ാം നൂറ്റാണ്ടിലായിരുന്നെങ്കിൽ യുരിസ്തിയൂസിന് അത്ര ചിന്തിച്ചു നിൽക്കേണ്ടി വരില്ലായിരുന്നു. പകരം നിസ്സംശയം ആജ്ഞാപിക്കാം:
മലാഗ (സ്പെയിൻ) ∙ വിജയത്തോടെ ടെന്നിസിനോടു വിടപറയാമെന്ന റാഫേൽ നദാലിന്റെ മോഹം സഫലമായില്ല. ഡേവിസ് കപ്പ് മത്സരത്തിലെ തോൽവിയോടെ മുപ്പത്തിയെട്ടുകാരൻ നദാൽ പ്രഫഷനൽ ടെന്നിസിൽനിന്നു വിരമിച്ചു. ഡേവിസ് കപ്പ് ക്വാർട്ടർ ഫൈനലിൽ നെതർലൻഡ്സിനു വേണ്ടി സ്പെയിനിന്റെ ആദ്യ സിംഗിൾസ് മത്സരത്തിനിറങ്ങിയ നദാൽ ഇരുപത്തിയൊൻപതുകാരൻ ബോട്ടിക് വാൻ ഡെ സാൻഡ്ഷുൽപിനു മുന്നിലാണ് തോൽവിയറിഞ്ഞത്. സ്കോർ: 6–4,6–4.
Nov 20, 2024
‘സ്വപ്നങ്ങൾ പിന്തുടരുന്ന ഒരു കുട്ടിയിൽനിന്ന്, ആഗ്രഹിച്ചതിനേക്കാൾ കൂടുതൽ നേട്ടങ്ങൾ സ്വന്തമാക്കിയ’ താരമെന്നു സ്വയം വിശേഷിപ്പിച്ച് ടെന്നിസ് കോർട്ടിലെ അവസാന പോരാട്ടവും പൂർത്തിയാക്കി കരിയർ അവസാനിപ്പിച്ച് ഇതിഹാസ താരം റാഫേൽ നദാൽ. ‘‘എന്റെ കിരീടങ്ങൾ, അവയുടെ എണ്ണം എല്ലാം ഇവിടെയുണ്ടാകും. പക്ഷേ മയോർക്കയെന്ന ഗ്രാമത്തിലെ ഒരു നല്ല മനുഷ്യനായി അറിയപ്പെടാനാണു ഞാന് ആഗ്രഹിക്കുന്നത്. ഞാൻ സ്വപ്നം കണ്ടതിലും അധികം നേട്ടങ്ങൾ സ്വന്തമാക്കിക്കഴിഞ്ഞു.
സ്പാനിഷ് ഇതിഹാസ താരം റാഫേൽ നദാൽ ടെന്നിസ് കരിയർ അവസാനിപ്പിച്ചു. കരിയറിലെ അവസാന ടൂർണമെന്റായ ഡേവിഡ് കപ്പിൽ തോൽവിയോടെയാണ് നദാലിന്റെ മടക്കം. ക്വാർട്ടർ ഫൈനലിൽ നെതർലൻഡ്സിനെതിരെ സ്പെയിനിന്റെ ആദ്യ സിംഗിൾസ് മത്സരത്തിനിറങ്ങിയ മുപ്പത്തിയെട്ടുകാരൻ നദാൽ ഇരുപത്തിയൊൻപതുകാരൻ ബോട്ടിക് വാൻ ഡെ സാൻഡ്ഷുൽപിനോടാണ് പരാജയം സമ്മതിച്ചത്.
വിരമിക്കൽ ചാംപ്യൻഷിപ്പിലെ ആദ്യ മത്സരത്തിൽ സ്പാനിഷ് താരം റാഫേൽ നദാലിനു തോൽവി. ഡേവിസ് കപ്പ് ക്വാർട്ടർ ഫൈനലിൽ നെതർലൻഡ്സിനെതിരെ സ്പെയിനിന്റെ ആദ്യ സിംഗിൾസ് മത്സരത്തിനിറങ്ങിയ മുപ്പത്തിയെട്ടുകാരൻ നദാൽ ഇരുപത്തിയൊൻപതുകാരൻ ബോട്ടിക് വാൻ ഡെ സാൻഡ്ഷുൽപിനോടാണ് പരാജയം സമ്മതിച്ചത്. സ്കോർ: 6–4, 6–4.
Oct 11, 2024
മുംബൈ∙ ടെന്നിസ് ഇതിഹാസം റാഫേൽ നദാൽ പ്രഫഷനൽ കരിയറിന് വിരാമമിടുന്നതായി പ്രഖ്യാപിച്ചതിനു പിന്നാലെ, അദ്ദേഹത്തെക്കുറിച്ച് മുൻ ഇന്ത്യൻ ക്രിക്കറ്റ് ടീം ക്യാപ്റ്റൻ മഹേന്ദ്രസിങ് ധോണി നടത്തിയ പരാമർശങ്ങൾ ശ്രദ്ധേയമാകുന്നു. 2017ൽ ഒരു ചടങ്ങിൽ പങ്കെടുക്കുമ്പോഴാണ് നദാലിനോടുള്ള തന്റെ ഇഷ്ടം ധോണി വെളിപ്പെടുത്തിയത്.
മഡ്രിഡ് ∙ കെട്ടിയൊതുക്കിയ തലമുടി, ചിട്ടയായ അനുഷ്ഠാനങ്ങൾക്കു ശേഷമുള്ള സെർവ്, ഓരോ ഷോട്ടിനും അകമ്പടിയായുള്ള മുരൾച്ച, കോർട്ടിനെ ഉഴുതു മറിച്ചുള്ള നീക്കങ്ങൾ... ലോക ടെന്നിസിലെ ഏറ്റവും ‘ലൈവ്’ ആയ ദൃശ്യങ്ങളിലൊന്നിന്റെ തൽസമയ സംപ്രേഷണം അവസാനിക്കുന്നു! രണ്ടു പതിറ്റാണ്ടിലേറെ നീണ്ട കരിയറിനു ശേഷം സ്പാനിഷ് ടെന്നിസ് താരം റാഫേൽ നദാൽ വിരമിക്കുമ്പോൾ അവസാനിക്കുന്നത് ടെന്നിസിലെ ഇതിഹാസകാലം കൂടിയാണ്.
Oct 10, 2024
നാവിൽ വെള്ളിക്കരണ്ടിയുമായല്ല, സ്വർണക്കരണ്ടിയുമായാണു റാഫേൽ നദാൽ സ്പെയിനിലെ മയ്യോർക്കയിൽ ജനിച്ചുവീണത്. ഇൻഷുറൻസ് കമ്പനി ഉടമയും ഗ്ലാസ് നിർമാണ വ്യവസായിയുമായിരുന്നു പിതാവ് സെബാസ്റ്റ്യൻ നദാൽ. തന്റെ സാമ്രാജ്യം നോക്കിനടത്താൻ റാഫേലിനെ സെബാസ്റ്റ്യൻ പരുവപ്പെടുത്തി. പക്ഷേ, ടെന്നിസ് റാക്കറ്റ് കയ്യിൽപ്പിടിച്ചതോടെ
മഡ്രിഡ്∙ കാളക്കൂറ്റന്റെ കരുത്തോടെ ഒന്നര പതിറ്റാണ്ടിലധികം ടെന്നിസ് ലോകം അടക്കിവാണ ഇതിഹാസതാരം റാഫേൽ നദാൽ കളമൊഴിയുന്നു. ഈ വർഷം നവംബറിൽ നടക്കുന്ന ഡേവിസ് കപ്പ് ഫൈനൽസോടെ സജീവ ടെന്നിൽനിന്ന് വിരമിക്കുമെന്ന് സ്പാനിഷ് താരമായ നദാൽ പ്രഖ്യാപിച്ചു. 22 ഗ്രാൻസ്ലാം കിരീടങ്ങളുമായി ചരിത്രത്തിന്റെ ഭാഗമായി മാറിയ ഐതിഹാസിക കരിയറിനാണ് നദാൽ തിരശീലയിടുന്നത്. ആരാധകർക്കായി പുറത്തുവിട്ട പ്രത്യേക വിഡിയോ സന്ദേശത്തിലൂടെയാണ് പ്രഫഷനൽ ടെന്നിസിൽനിന്ന് വിരമിക്കുന്നതായി നദാൽ പ്രഖ്യാപിച്ചത്.
Sep 27, 2024
ഭിന്നശേഷിക്കാർക്കുള്ള ടെന്നിസിന്റെ ലോക വേദിയിൽ ഇന്ത്യൻ സാന്നിധ്യമറിയിച്ച് മലയാളി കൗമാര താരം. ഫ്രാൻസിൽ നടന്ന ഭിന്നശേഷിക്കാരുടെ ലോക ടെന്നിസ് ടൂർണമെന്റിലാണു 15 വയസ്സുകാരൻ ആരോൺ അജിത് കേരളത്തിന്റെ അഭിമാനമായത്. ഇന്റലക്ച്വൽ ഡിസെബിലിറ്റി (ഐഡി) വിഭാഗം ടെന്നിസിൽ ദേശീയ ചാംപ്യനാണ് ആരോൺ. ഇതേ വിഭാഗത്തിൽ ഏഷ്യയിൽ രണ്ടാം റാങ്കും ലോക റാങ്കിങ്ങിൽ 23–ാം സ്ഥാനവുമുണ്ട്. ഈ വർഷമാദ്യം സംസ്ഥാന ഭിന്നശേഷി ടെന്നിസ്, ടേബിൾ ടെന്നിസ് ചാംപ്യൻഷിപ്പുകളിലും മാർച്ചിൽ ഡൽഹിയിൽ നടന്ന സ്പെഷൽ ഒളിംപിക്സ് ടെന്നിസ് ചാംപ്യൻഷിപ്പിലും സ്വർണം നേടിയിരുന്നു.ടെന്നിസ് ടൂർണമെന്റുകളിലെ കഴിഞ്ഞ 8 മാസത്തെ പ്രകടനങ്ങളുടെ അടിസ്ഥാനത്തിലാണു ഭിന്നശേഷിക്കാരുടെ ലോക ടെന്നിസ് വേദിയിൽ ഇന്ത്യയെ പ്രതിനിധീകരിക്കാൻ ആരോണിനു ക്ഷണം ലഭിച്ചത്.
Sep 25, 2024
സൂപ്പർ താരങ്ങളായ റാഫേൽ നദാലിനെയും കാർലോസ് അൽകാരസിനെയും ഉൾപ്പെടുത്തി ഡേവിസ് കപ്പ് ടെന്നിസിനുള്ള ടീമിനെ സ്പെയിൻ പ്രഖ്യാപിച്ചു. ഇതോടെ മുപ്പത്തിയെട്ടുകാരനായ നദാലും ഇരുപത്തിയൊന്നുകാരൻ അൽകാരസും ഒരിക്കൽ കൂടി ഡബിൾസിൽ ഒന്നിക്കാനുള്ള സാധ്യതയേറി.
Sep 24, 2024
ബർലിൻ ∙ സ്പാനിഷ് താരം കാർലോസ് അൽകാരസിന്റെ മികച്ച പ്രകടനത്തിൽ ടീം യൂറോപ്പ് ലേവർ കപ്പ് ജേതാക്കൾ. ടീം വേൾഡിനെതിരെ 13–11 എന്ന സ്കോറിനാണ് യൂറോപ്പിന്റെ ജയം. ശനിയാഴ്ച നടന്ന ഡബിൾസ് പോരാട്ടം ജയിച്ചതോടെ ടീം വേൾഡ് 8–4 എന്ന നിലയിൽ ലീഡ് നേടിയിരുന്നു. എന്നാൽ ഞായറാഴ്ച യൂറോപ് ശക്തമായി തിരിച്ചടിച്ചതോടെ ചാംപ്യൻഷിപ്പിന്റെ വിധി അൽകാരസ്–ടെയ്ലർ ഫ്രിറ്റ്സ് സിംഗിൾസ് മത്സരത്തിലായി. ഉജ്വലമായ എയ്സുകളിലൂടെ മത്സരം 6–2, 7–5നു സ്വന്തമാക്കിയ അൽകാരസ് യൂറോപ്പിന് സമ്മാനിച്ചത് അഞ്ചാം ലേവർ കപ്പ്.
Sep 11, 2024
‘ഇറ്റലിയിൽ നിന്നുള്ള ഒരു ടെന്നിസ് കളിക്കാരൻ’– യാനിക് സിന്നർ എന്ന ഇരുപത്തിമൂന്നുകാരന്റെ സോഷ്യൽ മീഡിയ ഹാൻഡിലുകളിൽ പേരിനൊപ്പം ചേർത്തിരിക്കുന്ന വിശേഷണം ഇപ്രകാരമാണ്. എന്നാൽ, യുഎസ് ടെന്നിസ് പുരുഷ സിംഗിൾസ് ഫൈനൽ മത്സരം കഴിഞ്ഞതിനു പിന്നാലെ ആരാധകർ അതൽപം പരിഷ്കരിച്ചു– യുഎസ് ഓപ്പൺ സിംഗിൾസ് വിജയിയാകുന്ന ആദ്യ ഇറ്റാലിയൻ പുരുഷ താരം!
Sep 8, 2024
ന്യൂയോര്ക്ക്∙ യുഎസ് ഓപ്പൺ പുരുഷ സിംഗിൾസ് കിരീടം ഇറ്റാലിയൻ താരം യാനിക് സിന്നറിന്. ഫൈനൽ പോരാട്ടത്തിൽ യുഎസിന്റെ ടെയ്ലർ ഫ്രിറ്റ്സിനെ 6–3,6–4, 7–5 എന്ന സ്കോറിനാണ് സിന്നർ തോൽപിച്ചത്. സിന്നറുടെ രണ്ടാം ഗ്രാൻഡ് സ്ലാം കിരീടമാണിത്. ഈ വര്ഷം ആദ്യം ഓസ്ട്രേലിയൻ ഓപ്പൺ കിരീടവും 23 വയസ്സുകാരനായ താരം വിജയിച്ചിരുന്നു.
ന്യൂയോർക്ക്∙ യുഎസ് ഓപ്പണിനായി വിവാഹം തന്നെ മാറ്റിവച്ച യുക്രെയ്ൻ താരം ല്യുഡ്മില കിഷ്നോക്കിന്റെ തീരുമാനം വെറുതെയായില്ല; വനിതാ വിഭാഗം ഡബിൾസിൽ ലാത്വിയൻ താരം യെലേന ഓസ്റ്റപെങ്കോയ്ക്കൊപ്പം കിഷ്നോക്കിന് ഗ്രാൻസ്ലാം കിരീടത്തിന്റെ തിളക്കം. വിവാഹം നീട്ടിവച്ച് രണ്ടാം ദിവസമാണ് കിഷ്നോക്, യെലേനയ്ക്കൊപ്പം കിരീടം ചൂടിയത്.
Sep 7, 2024
ന്യൂയോർക്ക്∙ കഴിഞ്ഞ വർഷം ഫ്ലഷിങ് മഡോസിലെ ഹാർഡ് കോർട്ടിൽ വീണ തന്റെ കണ്ണീർ, ഇന്നലെ ഒരു നിറപുഞ്ചിരിയോടെ അരീന സബലേങ്ക തുടച്ചുനീക്കി. യുഎസ് ഓപ്പൺ വനിതാ സിംഗിൾസ് ഫൈനലിലെ സൂപ്പർ പോരാട്ടത്തിൽ യുഎസ്എയുടെ ജെസിക്ക പെഗുലയെ നേരിട്ടുള്ള സെറ്റുകൾക്ക് (7–5, 7–5) കീഴടക്കിയ ബെലാറൂസ് താരം സബലേങ്കയ്ക്ക് മൂന്നാം ഗ്രാൻസ്ലാം കിരീടം. കഴിഞ്ഞ വർഷത്തെ ഫൈനലിൽ യുഎസിന്റെ യുവതാരം കൊക്കോ ഗോഫിനെതിരെ ആദ്യ സെറ്റ് ആധികാരികമായി നേടിയ ശേഷമാണ് അടുത്ത രണ്ടു സെറ്റും കിരീടവും ഇരുപത്തിയാറുകാരി സബലേങ്ക കൈവിട്ടത്.
ന്യൂയോർക്ക്∙ യുഎസ് ഓപ്പൺ ടെന്നിസിൽ ഇത്തവണ ഇറ്റലിയുടെ യാനിക് സിന്നറും യുഎസ് താരം ടെയ്ലർ ഫ്രിറ്റ്സും ഏറ്റുമുട്ടും. ആവേശകരമായ സെമിപോരാട്ടങ്ങളിൽ ഇറ്റലിയുടെ ലോക ഒന്നാം നമ്പർ താരം യാനിക് സിന്നർ, 25–ാം സീഡായ ബ്രിട്ടിഷ് താരം ജാക്ക് ഡ്രേപ്പറിനെയും 12–ാം സീഡ് ടെയ്ലർ ഫ്രിറ്റ്സ് സ്വന്തം നാട്ടുകാരനായ 20–ാം സീഡായ ഫ്രാൻസസ് ടിഫോയിയെയുമാണ് തോൽപ്പിച്ചത്. ഇരുവരുടെയും ആദ്യ യുഎസ് ഓപ്പൺ ഫൈനലാണിത്.
Sep 6, 2024
ന്യൂയോർക്ക്∙ യുഎസ് ഓപ്പൺ വനിതാ സിംഗിൾസ് ഫൈനലില് ബെലാറൂസ് താരം അരീന സബലേങ്കയും യുഎസിന്റെ ജെസിക്ക പെഗുലയും ഏറ്റുമുട്ടും. സെമി ഫൈനലിൽ യുഎസിന്റെ തന്നെ എമ്മ നവാരോയെയാണ് സബലേങ്ക തോൽപിച്ചത്. സ്കോർ 3–6, 6–7 (2–7).
Results 1-50 of 837
You can always sign back in at any time.
You have reached the maximum number of saved items. Please remove some items.
