Activate your premium subscription today
Thursday, Apr 17, 2025
വാഷിങ്ടൻ ∙ ഇറാന്റെ ആണവകേന്ദ്രങ്ങൾ ആക്രമിക്കാനുള്ള ഇസ്രയേൽ നീക്കം യുഎസ് പ്രസിഡന്റ് ഡോണൾഡ് ട്രംപ് തടഞ്ഞതായി ന്യൂയോർക്ക് ടൈംസ് റിപ്പോർട്ട് ചെയ്തു. ആണവപദ്ധതികളിൽ നിയന്ത്രണം വരുത്തുന്നതിന് ഇറാനുമായി യുഎസ് നടത്തുന്ന ചർച്ചകളിൽ മേൽക്കോയ്മ ലഭിക്കുന്നതിനാണ് ട്രംപിന്റെ നീക്കമെന്നും റിപ്പോർട്ടിലുണ്ട്.
വത്തിക്കാൻ സിറ്റി ∙ ശ്വാസകോശ അണുബാധയെത്തുടർന്നുള്ള ചികിത്സയ്ക്കുശേഷം വിശ്രമത്തിൽ കഴിയുന്ന ഫ്രാൻസിസ് മാർപാപ്പ ഇന്നലെ റോമിലെ റജീന ചേലി ജയിൽ സന്ദർശിച്ച് തടവുകാർക്ക് ഈസ്റ്റർ ആശംസ നേർന്നു. വത്തിക്കാൻ സിറ്റിയിൽനിന്ന് 5 മിനിറ്റ് കാർയാത്ര ദൂരമേയുള്ളൂ ജയിലിലേക്ക്. വീൽചെയറിലെത്തിയ മാർപാപ്പയെ ഹർഷാരവത്തോടെ സ്വീകരിച്ചു. 70 തടവുകാരു‌ടെ സംഘവുമായി അദ്ദേഹം സംസാരിക്കുകയും അവർക്കുവേണ്ടി പ്രാർഥിക്കുകയും ചെയ്തു.
ജറുസലം ∙ ഗാസയിൽ വ്യാഴാഴ്ച ഇസ്രയേൽ നടത്തിയ ആക്രമണത്തിൽ ഒരു കുടുംബത്തിലെ 10 പേർ ഉൾപ്പെടെ 23 പേർ കൊല്ലപ്പെട്ടു. ഖാൻ യൂനിസിലായിരുന്നു പ്രധാനമായും ആക്രമണം നടത്തിയത്. ആറാഴ്ചയായി മേഖലയിലേക്ക് ഭക്ഷണവും അവശ്യസാധനങ്ങളും തടഞ്ഞുള്ള ഇസ്രയേൽ ഉപരോധത്തിനെതിരെ ഐക്യരാഷ്ട്ര സംഘടന മുന്നറിയിപ്പ് നൽകി.
വാഷിങ്ടൻ∙ ഹാർവഡ് സർവകലാശാലയ്‌ക്കെതിരെ കടുത്ത നടപടിയുമായി യുഎസ് പ്രസിഡന്റ് ഡോണൾഡ് ട്രംപ്. നയമാറ്റങ്ങളുമായി ബന്ധപ്പെട്ട നിർദേശങ്ങൾ പാലിച്ചില്ലെങ്കിൽ വിദേശ വിദ്യാർഥികളെ പഠിപ്പിക്കാനുള്ള അനുമതി നിഷേധിക്കുമെന്ന് യുഎസ് ഹോംലാൻഡ് സെക്യൂരിറ്റി വകുപ്പ് (ഡിഎച്ച്എസ്) ബുധനാഴ്ച വ്യക്തമാക്കി. ഡിഎച്ച്എസ് സെക്രട്ടറി ക്രിസ്റ്റി നോം, ഹാർവഡിന് കൈമാറിയ കത്തിൽ ഏപ്രിൽ 30നകം വിദേശ വിദ്യാർത്ഥികൾ ഉൾപ്പെട്ട അക്രമാസക്തമായ പ്രവർത്തികളുടെ രേഖകൾ വകുപ്പിന് കൈമാറണമെന്നും ആവശ്യപ്പെട്ടിട്ടുണ്ട്.
വാഷിങ്ടൻ∙ 2025ലെ ഏറ്റവും സ്വാധീനമുള്ള ലോകനേതാക്കളുടെ പട്ടികയിൽ മുന്നിലെത്തി ബ്രിട്ടിഷ് പ്രധാനമന്ത്രി കെയർ സ്റ്റാർമർ. മെക്സിക്കയുടെ വനിതാ പ്രസിഡന്റ് ക്ലൗദിയ ഷെയിൻബോം, യുഎസ് പ്രസിഡന്റ് ഡോണൾഡ് ട്രംപ് എന്നിവരാണ് യഥാക്രമം രണ്ടും മൂന്നും സ്ഥാനങ്ങളിൽ. ടൈം മാഗസിനാണ് പട്ടിക പുറത്തുവിട്ടത്.
വാഷിങ്ടൻ∙ പകരച്ചുങ്കം പ്രഖ്യാപനത്തിനു ശേഷം ചൈനീസ് ഉൽപന്നങ്ങൾക്കു യുഎസ് 245 ശതമാനം ഇറക്കുമതി തീരുവ ചുമത്തുന്നുണ്ടെന്ന് വൈറ്റ് ഹൗസ്. നേരത്തെ 145 ശതമാനം തീരുവ ചുമത്തിയിരുന്ന സ്ഥാനത്തു നിന്നാണ് ഇത്രയും വലിയ വർധന. ഒറ്റയടിക്ക് തീരുവയിൽ സംഭവിച്ച 100 ശതമാനം വർധനവ് രാജ്യാന്തര വ്യാപാര മേഖലയിൽ വലിയ ആശയക്കുഴപ്പങ്ങളാണ് സൃഷ്ടിച്ചിരിക്കുന്നതെന്നാണ് വിലയിരുത്തൽ.
വാഷിങ്ടൻ ∙ അനധികൃത കുടിയേറ്റക്കാർ സ്വയം ഒഴിഞ്ഞുപോകാനായി യുഎസ് പ്രസിഡന്റ് ഡോണൾഡ് ട്രംപിന്റെ ‘ആകർഷകമായ’ പദ്ധതി. നാ‌ട്ടിലേക്കു മ‌ടങ്ങാൻ ആഗ്രഹിക്കുന്ന അനധികൃത കുടിയേറ്റക്കാർക്ക് വിമാന ടിക്കറ്റും കുറച്ചു പണവും നൽകുന്ന പദ്ധതിയാണ് ചാനൽ അഭിമുഖത്തിൽ പ്രഖ്യാപിച്ചത്.
ജറുസലം ∙ ഗാസ, ലബനൻ, സിറിയ എന്നിവിടങ്ങളിൽ വിന്യസിച്ചിട്ടുള്ള സൈന്യത്തെ നിലനിർത്തുമെന്ന് ഇസ്രയേൽ പ്രതിരോധമന്ത്രി ഇസ്രയേൽ കാട്സ് പ്രഖ്യാപിച്ചു. ഇസ്രയേൽ ജനതയുടെ സുരക്ഷിതത്വത്തിനു വേണ്ടിയാണിതെന്ന് അദ്ദേഹം വ്യക്തമാക്കി. 2023 ഒക്ടോബർ ഏഴിനു കിഴക്കൻ ഇസ്രയേലിൽ ഹമാസ് ആക്രമണം നടത്തി 1200 പേരെ കൊല്ലുകയും 251 പേരെ ബന്ദികളാക്കുകയും ചെയ്തതിനു സമാനമായ ആക്രമണങ്ങൾ ആവർത്തിക്കാതിരിക്കാനുള്ള മുൻകരുതലാണിതെന്നും പറഞ്ഞു.
ജനീവ ∙ കോവിഡ് മഹാമാരിയിൽനിന്ന് പാഠമുൾക്കൊണ്ട് പകർച്ചവ്യാധി പ്രതിരോധത്തിന് ലോകാരോഗ്യ സംഘടനയിൽ അംഗങ്ങളായ രാജ്യങ്ങൾ നയരേഖ രൂപീകരിച്ചു. 3 വർഷമായി നടക്കുന്ന ചർച്ചകൾക്കൊടുവിലാണ് വികസിത രാജ്യങ്ങളിൽനിന്ന് ദരിദ്ര രാജ്യങ്ങൾക്ക് വാക്സീൻ കൈമാറുന്നതുൾപ്പടെയുള്ള തീരുമാനങ്ങൾ അംഗീകരിച്ചത്. അടുത്തമാസം നടക്കുന്ന വേൾഡ് ഹെൽത്ത് അസംബ്ലിയിലെ ചർച്ചയിലാകും തീരുമാനങ്ങൾ അന്തിമമാക്കുക. ലോകാരോഗ്യ സംഘടനയിൽ നിന്ന് പിന്മാറാനുള്ള തീരുമാനം പ്രസിഡന്റ് ഡോണൾഡ് ട്രംപ് പ്രഖ്യാപിച്ചതിനെ തുടർന്ന് യുഎസ് പ്രതിനിധികൾ ചർച്ചയിൽ പങ്കെടുത്തിരുന്നില്ല.
വാഷിങ്ടൻ ∙ യുഎൻ സമാധാനസേനയ്ക്കുള്ള ധനസഹായം നിർത്താൻ യുഎസിലെ ട്രംപ് ഭരണകൂടം നീക്കം തുടങ്ങി. ഇതിനുള്ള നിർദേശം വൈറ്റ്ഹൗസ് ബജറ്റ് ഓഫിസ് സമർപ്പിച്ചു. മാലി, ലബനൻ, ഡെമോക്രാറ്റിക് റിപ്പബ്ലിക് ഓഫ് കോംഗോ എന്നിവിടങ്ങളിലെ സമാധാനസേനയുടെ പ്രവർത്തനം തൃപ്തികരമല്ലെന്നു പറഞ്ഞാണിത്. യുഎൻ സമാധാനസേനയുടെ 560 കോടി ഡോളറിന്റെ ബജറ്റിന്റെ 27% നൽകുന്നത് യുഎസാണ്. നിർദേശം സ്റ്റേറ്റ് ഡിപ്പാർട്മെന്റ് അംഗീകരിച്ച് പാർലമെന്റിന്റെ അനുമതി നേടിയാൽ ഒക്ടോബർ 1 മുതൽ സഹായം നിലയ്ക്കും.
Results 1-10 of 3698
You can always sign back in at any time.
You have reached the maximum number of saved items. Please remove some items.
