Activate your premium subscription today
ക്രൂരതയുടെയും അപമാനങ്ങളുടെയും തുടരനുഭവങ്ങൾ നേരിട്ടുകൊണ്ടിരിക്കുന്ന പെൺമ ആവശ്യപ്പെടുന്നത് ഈ നാട്ടിൽ അന്തസ്സോടെ ജീവിക്കാനുള്ള സാഹചര്യമാണ്. അതുകൊണ്ടുതന്നെ, സ്ത്രീകൾക്കു ഭർതൃവീട്ടിൽ ശരീരാധിക്ഷേപം ഉണ്ടായാൽ (ബോഡി ഷെയ്മിങ്) അതു ഗാർഹിക പീഡനമാണെന്നു ഹൈക്കോടതി കഴിഞ്ഞദിവസം വ്യക്തമാക്കിയപ്പോൾ ഇത്രയും കാലം പലരും നിശ്ശബ്ദം സഹിച്ച കൊടിയ അപമാനത്തിനുള്ള കർശനമായ മറുപടി കൂടിയായി അത്.
2022 ഫെബ്രുവരിയിൽ ആരംഭിച്ച റഷ്യ – യുക്രെയ്ൻ യുദ്ധം 1000 ദിവസം പിന്നിട്ടു. ഇരുരാജ്യങ്ങളിലുമായി ലക്ഷക്കണക്കിനാളുകൾ ദുരിതത്തിലായെങ്കിലും കൂടുതൽ കെടുതികൾ യുക്രെയ്ൻ ഭാഗത്ത്.
അയ്യപ്പദർശന പുണ്യംതേടി ശബരിമലയിലേക്കു തീർഥാടകപ്രവാഹം തുടങ്ങിക്കഴിഞ്ഞു. യാത്രാക്ലേശവും നീളുന്ന കാത്തുനിൽപിന്റെ കഷ്ടപ്പാടുമെല്ലാം തീർഥാടകർ മറക്കുന്നത് അയ്യപ്പദർശനത്തിലാണ്. അതുകൊണ്ടുതന്നെ, ഭക്തലക്ഷങ്ങൾക്കു സുഗമദർശനം ഉറപ്പുവരുത്തുന്നതിൽ ഒരു കുറവും വന്നുകൂടാ.
ഓരോ ഫയലും ഓരോ ജീവിതമാണെന്ന് ഭരണമേൽക്കുമ്പോൾ പറഞ്ഞ മുഖ്യമന്ത്രി പിണറായി വിജയന്റെ മൂക്കിനു താഴെ, സെക്രട്ടേറിയറ്റിൽ മാത്രം മൂന്നു ലക്ഷത്തിലേറെ ഫയലുകൾ കെട്ടിക്കിടക്കുന്നുണ്ടെന്നതു നിർവികാരമായല്ല കേരളം കേൾക്കുന്നത്.
ഈ 2കെ ചിൽഡ്രൻസ് എന്താണു കണ്ടുപിടിച്ചിട്ടുള്ളത്? കംപ്യൂട്ടർ കണ്ടുപിടിച്ചത് അവരല്ല. മൊബൈൽ ഫോൺ കണ്ടുപിടിച്ചത് അവരല്ല. ഞങ്ങളുടെ തലമുറയിൽപ്പെട്ട ആളുകൾ കണ്ടുപിടിച്ച സാധനങ്ങൾ ഉപയോഗിക്കാൻവേണ്ടി ഒരു വർഗം. അതാണ് ന്യൂ ജെൻ. ‘ഗയ്സ് ഇവിടെ നല്ല ചായ കിട്ടും ഗയ്സ്, ഉണ്ടംപൊരി കിട്ടും ഗയ്സ്’ എന്നല്ലാതെ ഈ തലമുറ എന്താണു കണ്ടുപിടിച്ചിട്ടുള്ളത്?
വയനാട്ടിൽ ഉരുൾപൊട്ടൽ ദുരന്തമുണ്ടായ മുണ്ടക്കൈ– ചൂരൽമല മേഖലയിലേക്കുള്ള സഹായപദ്ധതിയുടെ കാര്യത്തിൽ കേന്ദ്ര സർക്കാർ വീണ്ടും ഉരുണ്ടുകളിക്കുന്നതു വ്യാപകമായ പ്രതിഷേധത്തിനു കാരണമായിരിക്കുന്നു. ഉരുൾപൊട്ടലുണ്ടായി പതിനൊന്നാം ദിവസം ഈ മേഖലയിൽ പ്രധാനമന്ത്രി നരേന്ദ്ര മോദി നടത്തിയ സന്ദർശനത്തെയും സഹായവാഗ്ദാനത്തെയും ഏറെ പ്രതീക്ഷയോടെയാണ് ഈ മേഖല കണ്ടതെങ്കിലും അനിശ്ചിതത്വമാണ് ഇപ്പോൾ ബാക്കിയാവുന്നത്.
മൊറീഷ്യസിന്റെ പ്രധാനമന്ത്രിയായി നവീൻ റാംഗുലാം കഴിഞ്ഞദിവസം വീണ്ടും തിരഞ്ഞെടുക്കപ്പെട്ടപ്പോൾ ഇന്ത്യയ്ക്കും അഭിമാനം. 1896ൽ ഇപ്പോഴത്തെ ബിഹാറിലെ ഭോജ്പുർ ജില്ലയിൽനിന്നു മൊറീഷ്യസിലേക്കു കുടിയേറിയ മൊഹിത് റാംഗുലാമിന്റെ ചെറുമകനും പ്രഥമ പ്രധാനമന്ത്രി സീവോസാഗർ റാംഗുലാമിന്റെ മകനുമാണ്.
കോടതിയുടെ റോൾ സർക്കാർ ഏറ്റെടുക്കേണ്ടതില്ലെന്നു കഴിഞ്ഞദിവസം സുപ്രീം കോടതി പറഞ്ഞപ്പോൾ അതു രാജ്യമാകെ പ്രതിധ്വനിക്കുന്നു. കുറ്റാരോപിതരെ കുറ്റക്കാരെന്നു ‘വിധിയെഴുതി’ ബുൾഡോസർ ഉപയോഗിച്ചു വീട് ഇടിച്ചുനിരത്താൻ അനുവദിക്കില്ലെന്നു വ്യക്തമാക്കിയാണ് കോടതിയുടെ നിർണായക ഇടപെടൽ. കേസിൽപെട്ടതുകൊണ്ടോ കുറ്റം സ്ഥിരീകരിച്ചതുകൊണ്ടോ ആരുടെയും വീട് തകർക്കാനാകില്ലെന്നു പറഞ്ഞതിനൊപ്പം കയ്യേറ്റം ഒഴിപ്പിക്കലിനു രാജ്യമാകെ ബാധകമാകുന്ന മാർഗരേഖകൂടി സുപ്രീം കോടതി പുറപ്പെടുവിച്ചു.
സംസ്ഥാനത്തിന്റെ ടൂറിസം പ്രതീക്ഷകളിലേക്ക് ഉയർന്നുപറക്കാനൊരുങ്ങുകയാണ് സീപ്ലെയ്ൻ പദ്ധതി. ഉപതിരഞ്ഞെടുപ്പിനു തൊട്ടുമുൻപു കേരളത്തിന്റെ വികസനമോഹങ്ങളിലേക്കു കൊട്ടിഘോഷിച്ച് സീപ്ലെയ്ൻ പറത്തിവിട്ടത് വോട്ട് ലക്ഷ്യമാക്കി, താൽക്കാലിക കയ്യടിക്കു വേണ്ടിയല്ലെന്നു തെളിയിക്കേണ്ട ബാധ്യത തീർച്ചയായും സംസ്ഥാന സർക്കാരിനുണ്ട്. ബോൾഗാട്ടി – മാട്ടുപ്പെട്ടി സർവീസിന്റെ പരീക്ഷണപ്പറക്കൽ മാത്രമാണു തിങ്കളാഴ്ച നടന്നതെന്നതിനാൽ കേന്ദ്രാനുമതിയടക്കം ഈ പദ്ധതി ഇനിയും പിന്നിടാനിരിക്കുന്ന കടമ്പകൾ പലതുണ്ടെന്നിരിക്കെ വിശേഷിച്ചും.
ചേലക്കരയിൽ ആകെ നടന്ന 14 തിരഞ്ഞെടുപ്പിൽ എട്ടു തവണ സിപിഎം ജയിച്ചു; ആറു തവണ കോൺഗ്രസും. ഇതിൽ 5 തവണ കെ.രാധാകൃഷ്ണനും 4 തവണ കെ.കെ.ബാലകൃഷ്ണനുമായിരുന്നു വിജയികൾ. 1965ൽ 61,298 വോട്ടർമാരാണ് മണ്ഡലത്തിലുണ്ടായിരുന്നത്. ഇപ്പോൾ 2,13,103
ഒരു മിനി ഒളിംപിക്സിന്റെ ആരവത്തിനൊപ്പമായിരുന്നു കഴിഞ്ഞ ഒരാഴ്ചക്കാലം കേരളത്തിന്റെ കായികമനസ്സ്. വടംവലി മുതൽ ജൂഡോയും ഫെൻസിങ്ങും വരെ, ഒരുമയുടെയും വൈവിധ്യങ്ങളുടെയും സമന്വയമായി കൊച്ചിയിൽ സമാപിച്ച സംസ്ഥാന സ്കൂൾ കായികമേള. ഒളിംപിക്സ് മാതൃകയിൽ ആദ്യമായി നടത്തിയ മേള നമ്മുടെ കൗമാരക്കരുത്തിന്റെ ശക്തിപ്രകടന വേദിയായി. കയ്യടിക്കാനും ഒപ്പം കണ്ണുതുറക്കാനും ഒട്ടേറെ കാര്യങ്ങൾ ബാക്കിവച്ചാണ് മേളയ്ക്കു കൊടിയിറങ്ങിയത്.
പഴയ നല്ല പാട്ടുകളൊക്കെ ഇപ്പോൾ റീൽസിൽ കേൾക്കാറുണ്ട്. ഞാൻ ടീനേജിലൊക്കെ കേട്ട പ്രണയഗാനങ്ങൾ റീൽസിൽ തിളയ്ക്കുന്ന മീൻകറിക്ക് അകമ്പടിയായി കേൾക്കുമ്പോൾ പാട്ടിനെ അടുപ്പിൽവച്ചു കത്തിച്ചു കറിയാക്കുവാണല്ലോ ദൈവമേ എന്നോർക്കും. പിന്നെ അങ്ങനെയെങ്കിലും ആ പാട്ടുകൾ കേൾക്കാനാകുന്നല്ലോ എന്ന് ആശ്വസിക്കും.
വിദ്യാഭ്യാസ മേഖലയിലെ പ്രവർത്തനത്തിൽ മത–ഭാഷാ ന്യൂനപക്ഷങ്ങൾ‍ക്കു ഭരണഘടന ഉറപ്പുനൽകുന്ന അവകാശങ്ങൾ സംബന്ധിച്ചു കൂടുതൽ വ്യക്തത വരുത്തിയുള്ളതാണ് അലിഗഡ് മു‌സ്‌ലിം സർവകലാശാല (എഎംയു) കേസിൽ സുപ്രീം കോടതിയുടെ ഏഴംഗ ഭരണഘടനാ ബെഞ്ച് നൽകിയിരിക്കുന്ന വിധി. ഭരണഘടനാപരമായ സംരക്ഷണം ന്യൂനപക്ഷങ്ങൾക്ക് ആത്മവിശ്വാസം പകരാൻ വിഭാവനം ചെയ്യപ്പെട്ടതാണെങ്കിലും, അവയുടെ ആവശ്യകതയെക്കുറിച്ചു ചില കേന്ദ്രങ്ങളിൽനിന്നു സംശയമുയരുന്ന കാലമാണെന്നതിനാൽ‍കൂടി ഇന്നലത്തെ വിധിയുടെ പ്രസക്തി ഏറെയാണ്.
അക്കാദമിക അറിവു മുതൽ സാമൂഹികപ്രതിബദ്ധത വരെ പല തലത്തിൽ വിലയിരുത്തി ആറ്റിക്കുറുക്കിയെടുത്താണ് ഇന്ത്യൻ സിവിൽ സർവീസിലേക്കുള്ള തിരഞ്ഞെടുപ്പ്. അങ്ങനെ തിരഞ്ഞെടുക്കപ്പെടുന്നവരുടെ കഴിവിനെക്കുറിച്ചും വ്യക്‌തിത്വത്തെക്കുറിച്ചും സമൂഹത്തിനുള്ള വലിയ വിശ്വാസം ഇന്ത്യൻ സിവിൽ സർവീസിലെ ഭൂരിഭാഗം പേരും എക്കാലത്തും നിലനിർത്തിയിട്ടുമുണ്ട്. ആ വിശ്വാസ്യതയാണു പ്രതിസന്ധിവേളകളിൽ ശക്തമായ തീരുമാനങ്ങളെടുക്കാൻ ആ ഉദ്യോഗസ്ഥരെ പ്രാപ്തരാക്കുന്നതും. അതുകൊണ്ടാണ് സർദാർ വല്ലഭ്ഭായ് പട്ടേൽ സിവിൽ സർവീസിനെ രാഷ്ട്രത്തിന്റെ ഉരുക്കു ചട്ടക്കൂട് എന്നു വിശേഷിപ്പിച്ചത്.
വീട്ടുകാര്യങ്ങൾ നോക്കേണ്ടതിനാൽ ഇന്ത്യയിൽ പകുതിയിലേറെ സ്ത്രീകളും തൊഴിലിൽനിന്നു വിട്ടുനിൽക്കുന്നു. എന്നാൽ, രാജ്യത്തെ പുരുഷന്മാരിൽ ഒരു ശതമാനം മാത്രമാണ് തൊഴിൽ ഉപേക്ഷിച്ചു വീട്ടുകാര്യങ്ങളിൽ ഏർപ്പെട്ടിരിക്കുന്നത്. രാജ്യാന്തര തൊഴിൽ സംഘടന (ഐഎൽഒ) പ്രസിദ്ധീകരിച്ച കണക്കിലാണ് ഈ വിവരങ്ങളുള്ളത്.
എറണാകുളം ജില്ലയിൽ, വൈപ്പിൻ ദ്വീപിന്റെ വടക്കേയറ്റത്തുള്ള മുനമ്പത്ത് കുടിയിറക്കു ഭീഷണി നേരിടുന്നവരുടെ മനുഷ്യാവകാശം സംരക്ഷിക്കണമെന്നാവശ്യപ്പെട്ടുള്ള മുന്നേറ്റത്തിൽ രാഷ്ട്രീയകക്ഷികളും ഇതര സംഘടനകളും ഒത്തുചേരുകയാണിപ്പോൾ. എന്നാൽ, അവിടത്തെ തീരദേശ ജനതയുടെ അവകാശങ്ങൾ സംരക്ഷിക്കാനും അവരുടെ ആധി തീർക്കാനും ഉത്തരവാദിത്തമുള്ള സംസ്ഥാന സർക്കാർ ഈ വിഷയത്തിൽ എത്രത്തോളം ആത്മാർഥത കാണിക്കുന്നുണ്ടെന്ന ചോദ്യമാണിപ്പോൾ ഉയരുന്നത്.
ചരിത്രപരമാണ് യുഎസ് പ്രസിഡന്റ് സ്ഥാനത്തേക്കുള്ള ഡോണൾഡ് ട്രംപിന്റെ മടക്കം. നാലു വർഷം മുൻപത്തെ തോൽവിയെ ഗംഭീര വിജയംകൊണ്ടു മായ്ച്ചുകളഞ്ഞ്, ലോകത്തെ ഏറ്റവും കരുത്താർന്ന ഭരണാധിപക്കസേരയിലേക്ക് അദ്ദേഹമെത്തുമ്പോൾ പ്രതീക്ഷയ്ക്കൊപ്പം ചില തലങ്ങളിൽ ആശങ്കയ്ക്കുകൂടി വഴിയൊരുങ്ങുന്നു; വാക്കിലെയും പ്രവൃത്തിയിലെയും അസാധാരണത്വമാണ് ട്രംപിന്റെ മുഖമുദ്രയെന്നതിനാൽ വിശേഷിച്ചും.
ഉപതിരഞ്ഞെടുപ്പിനു കള്ളപ്പണം കൊണ്ടുവന്നെന്ന് ആരോപിച്ച്, പാലക്കാട്ടെ ഹോട്ടലിൽ കോൺഗ്രസിന്റെ വനിതാ നേതാക്കൾ താമസിച്ച മുറിയിലേക്കു പൊലീസ് അർധരാത്രി ഇടിച്ചുകയറി പരിശോധന നടത്തിയതിൽ വ്യാപക പ്രതിഷേധമുയരുകയാണ്.
ശമ്പളത്തിന് ആനുപാതികമായി ഉയർന്ന ഇപിഎഫ് പെൻഷൻ അനുവദിക്കണമെന്ന സുപ്രീം കോടതി വിധി വന്ന് രണ്ടു വർഷം കഴിഞ്ഞിട്ടും രാജ്യത്തെ അപേക്ഷകരിൽ ഒരു ശതമാനത്തിനുപോലും പെൻഷൻ ലഭിച്ചിട്ടില്ല. കേരളത്തിലും രണ്ടു ശതമാനത്തോളം അപേക്ഷകർക്കു മാത്രമാണ് ഇതുവരെ ഉയർന്ന പെൻഷൻ കിട്ടിയിട്ടുള്ളത്. പരമോന്നത നീതിപീഠത്തിന്റെ അനുകൂലവിധി ലക്ഷക്കണക്കിനാളുകളുടെ ജീവിതത്തിൽ എത്രയുംവേഗം ആശ്വാസലേപനമായിത്തീരുമെന്നാണു കരുതിയതെങ്കിലും അതിപ്പോഴും ബഹുഭൂരിപക്ഷംപേർക്കും ദൂരസ്വപ്നം മാത്രം.
ഇത്തവണ നടക്കുന്നത് 60-ാം പ്രസിഡന്റ് - വൈസ് പ്രസിഡന്റ് ചതുർവത്സര തിരഞ്ഞെടുപ്പാണ്. ജനകീയ വോട്ടെടുപ്പ് 2024 നവംബർ 5നു നടന്നു. ഇലക്ടറൽ കോളജിലെ വോട്ടെടുപ്പ് ഡിസംബർ 17നും നടക്കും. 2025 ജനുവരി 6 ന് സെനറ്റ് പ്രസിഡന്റ് കൂടിയായ വൈസ് പ്രസിഡന്റിന്റെ അധ്യക്ഷതയിൽ കോൺഗ്രസിന്റെ സംയുക്ത സമ്മേളനത്തിൽ ഇലക്ടറൽ കോളജ് വോട്ടെണ്ണി ഫലം പ്രഖ്യാപിക്കും. ജനുവരി 20ന് പുതിയ പ്രസിഡന്റും വൈസ് പ്രസിഡന്റും അധികാരമേൽക്കും. ഇത്രയും കടമ്പകളൊക്കെ കടക്കണമെങ്കിലും അടുത്ത പ്രസിഡന്റ് ആരാണെന്ന് പോളിങ്ങിന്റെ അടുത്ത ദിവസം തന്നെ അറിയാം.
ചട്ടങ്ങളും നയങ്ങളും ലംഘിച്ചുള്ള ഉപയോഗം മൂലം കഴിഞ്ഞ സെപ്റ്റംബറിൽ വാട്സാപ് വിലക്കിയത് 85.84 ലക്ഷം അക്കൗണ്ടുകൾ. ഇതിൽ 16.58 ലക്ഷം അക്കൗണ്ടുകൾ വിലക്കിയത് ഉപയോക്താക്കളിൽനിന്നു പരാതിപോലും ലഭിക്കുംമുൻപ്. ദുരുപയോഗം തടയാനും സുരക്ഷിതത്വം ഉറപ്പുവരുത്താനും കമ്പനി കൈക്കൊള്ളുന്ന നടപടികളുടെ ഭാഗമാണിത്. മെഷീൻ ലേണിങ് അടക്കം ഉപയോഗപ്പെടുത്തിയാണ് സംശയാസ്പദമായ അക്കൗണ്ടുകൾ കണ്ടെത്തുന്നതും വിലക്കേർപ്പെടുത്തുന്നതും.
ലോക ടെസ്റ്റ് ചാംപ്യൻഷിപ്പിലും ഏകദിന ലോകകപ്പിലും ഫൈനലിസ്റ്റുകൾ, ട്വന്റി20 ലോകകപ്പിൽ ജേതാക്കൾ. കഴിഞ്ഞ കുറച്ചു വർഷങ്ങളായി ഉന്നതങ്ങളിലായിരുന്നു ഇന്ത്യൻ ക്രിക്കറ്റ് ടീം. എന്നാൽ ഏത് ഉയർച്ചയിലും മതിമറന്നു പോകരുതെന്ന് ഇക്കഴിഞ്ഞ ന്യൂസീലൻഡ് പരമ്പര ഇന്ത്യൻ ക്രിക്കറ്റ് ടീമിനെ പഠിപ്പിച്ചു.
ഒരാൾക്കു പല തന്ത’ എന്നതു നടപ്പുള്ള കാര്യമല്ല. ഒരേസമയം ഒന്നിലേറെ വണ്ടികളിൽ സഞ്ചരിക്കുമെന്നു വാശിപിടിക്കുന്നതും കഷ്ടമാണ്. ശാസ്ത്രം അത്രകണ്ടു വളരാത്തതുകൊണ്ടാണ്. ദയവുചെയ്ത് സുരേഷ് ഗോപി കുറച്ചു ക്ഷമ കാണിക്കണം. ഇതൊക്കെ നടപ്പാവുന്ന കാലം വന്നുകൂടായ്കയില്ല.
യുഎസ് പ്രസിഡന്റ് തിരഞ്ഞെടുപ്പിൽ ഇത്തവണ കടുത്ത മത്സരം. സർവേകൾ ഡോണൾഡ് ട്രംപിനും കമല ഹാരിസിനും ജയം പ്രവചിക്കുന്നു. ജനകീയ വോട്ടിൽ മുന്നിലെത്തിയാൽ മാത്രം ജയം ഉറപ്പിക്കാൻ കഴിയില്ല. ഇലക്ടറൽ വോട്ടിൽ മേൽക്കൈ നേടണം.
കലയും കടലും കാലവും സാക്ഷി: മലയാള മനോരമ കോഴിക്കോട്ട് ഒരുക്കിയ ‘ഹോർത്തൂസ്’ കലാസാഹിത്യോത്സവം കേരളത്തിനൊരു മായാമുദ്ര ചാർത്തി സമാപിച്ചിരിക്കുന്നു. ചരിത്രസ്മൃതികളുടെ തിരച്ചാർത്തേറ്റുകിടക്കുന്ന കോഴിക്കോട് കടപ്പുറം നിത്യസുഗന്ധിയായ ഈ സുന്ദരോദ്യാനത്തിന്റെ ഓർമയും ഓളവും എന്നും ഹൃദയത്തിൽ സൂക്ഷിക്കും.
നിലപാടുകളുടെ കണിശതകൊണ്ടും മനസ്സിലെ ആർദ്രതകൊണ്ടും വിശ്വാസിസമൂഹം ഹൃദയത്തിൽ ഉൾക്കൊണ്ട ശ്രേഷ്ഠ ബസേലിയോസ് തോമസ് പ്രഥമൻ കാതോലിക്കാ ബാവാ കാലമൊഴിഞ്ഞുപോകുമ്പോൾ ആ നഷ്ടം യാക്കോബായ സഭയ്ക്കു മാത്രമല്ല, കേരള സമൂഹത്തിനാകെത്തന്നെയാണ്.
ഇന്ത്യയിലെ കമ്യൂണിസ്റ്റുകാർ ഇന്ത്യയെ സ്നേഹിച്ചിട്ടുണ്ടോ? ലെനിൻ, മാവോ തുടങ്ങിയവരുടെ കൃതികളിൽ എപ്പോഴും കാണാനാവുക മഹത്തായ റഷ്യൻ ജനത, ചൈനീസ് ജനത അല്ലെങ്കിൽ മഹത്തായ റഷ്യൻ സംസ്കാരം, ചൈനീസ് സംസ്കാരം എന്നെല്ലാമാണ്. ഇന്ത്യയിലെ കമ്യൂണിസ്റ്റുകാരുടെ ഭാഷയിൽ ഒരിക്കലും അങ്ങനെയുള്ള പ്രയോഗങ്ങൾ കാണാനാവില്ല.
കേരളത്തിൽ ലോക്സഭാ–നിയമസഭാ ഉപതിരഞ്ഞെടുപ്പുകൾ ഒരുമിച്ചു നടക്കുന്നതു രണ്ടാംതവണ. 1973 ജനുവരി 22നു മഞ്ചേരി ലോക്സഭാ മണ്ഡലത്തിലും നീലേശ്വരം, പറവൂർ നിയമസഭാ മണ്ഡലങ്ങളിലും ഒരുമിച്ച് ഉപതിരഞ്ഞെടുപ്പ് നടന്നു.
അഴകിന്റെ ജലച്ചായംകൊണ്ടു കൺനിറയെ കാഴ്‌ചകൾ ചാലിച്ചു സന്ദർശകരുടെ മനംനിറയ്‌ക്കുന്ന അഷ്ടമുടിക്കായൽ കൊല്ലത്തിന്റെ മാത്രമല്ല, കേരളത്തിന്റെതന്നെ മുഖമുദ്രകളിൽ പ്രധാനമാണ്. പക്ഷേ, നഷ്‌ടമാവുകയാണ് ആ സൗന്ദര്യവും സൗഭാഗ്യവും. മാലിന്യവും കയ്യേറ്റവും കായലിന്റെ ജീവനെടുത്തുതീർക്കുന്നു. കഴിഞ്ഞ തിങ്കളാഴ്ച മലയാള മനോരമയിൽ പ്രസിദ്ധീകരിച്ച ചിത്രം കേരളത്തെ നടുക്കുന്നതായി. അഷ്ടമുടിക്കായലിൽ കൂട്ടത്തോടെ ചത്തുപൊങ്ങിയ മീനുകൾ കുഴിച്ചിടാനായി ശേഖരിക്കുന്നതിന്റെ ചിത്രമായിരുന്നു അത്. അഷ്ടമുടിക്കായൽ അഭിമുഖീകരിക്കുന്ന കടുത്ത മാലിന്യഭീഷണിയെക്കുറിച്ചുള്ള മറ്റൊരു മുന്നറിയിപ്പാണ് ഈ ചിത്രം.
പതിറ്റാണ്ടുകളായി നാടിന്റെ പ്രതിഛായതന്നെ തകർത്തുകൊണ്ടിരിക്കുകയും വികസനത്തിന് ഇടങ്കോലിടുകയും ജനസമാധാനം കെടുത്തുകയും ചെയ്യുന്ന നോക്കുകൂലി വിലക്കുകളുടെ കുടത്തിൽനിന്ന് ഇടയ്ക്കിടെ പുറത്തുചാടുന്നതു കണ്ടുകൊണ്ടിരിക്കുകയാണു കേരളം.
ഇറച്ചിക്കടയ്ക്കു മുന്നിൽ പട്ടികൾ നിൽക്കുന്നതുപോലെ’യാണ് മാധ്യമപ്രവർത്തകർ പാലക്കാട്ട് സിപിഎം വിടാൻ തുനിഞ്ഞിറങ്ങിയ അബ്ദുൽ ഷുക്കൂറിന്റെ വീടിനുമുന്നിൽ നിന്നത് എന്നാണ് പാർട്ടി നേതാവ് എൻ.എൻ.കൃഷ്ണദാസിന്റെ നിരീക്ഷണം. മേൽപടിയാൻ എന്തോ വേണ്ടാത്തതു പറ‍ഞ്ഞു എന്നാണ് പിന്നീടു കോലാഹലം.
ചൈനയുമായുള്ള അതിർത്തിത്തർക്കത്തിലെ മഞ്ഞുരുക്കം ഇന്ത്യയ്ക്കു നയതന്ത്രതലത്തിലും പ്രതിരോധതലത്തിലും ആഘോഷിക്കാവുന്ന വിജയം തന്നെയാണ്. കിഴക്കൻ ലഡാക്കിലെ നിയന്ത്രണരേഖയിൽ (എൽഎസി) 2020ലെ ഗൽവാൻ തർക്കത്തിനു മുൻപുള്ള സ്ഥിതിയിൽ പട്രോളിങ് പുനരാരംഭിക്കാനാണു ധാരണ.
കേരളത്തോടുള്ള റെയിൽവേ അവഗണന തുടർക്കഥയായിട്ടും അതു പരിഹരിക്കാൻ കേന്ദ്രസർക്കാരോ കേരളമോ ക്രിയാത്മകനടപടികൾ എടുക്കുന്നില്ലെന്നതു കേരളത്തിന്റെ വികസനസ്വപ്നങ്ങൾക്കുമേൽ കരിനിഴലായി വീണുകിടക്കുന്നു. മറ്റെല്ലാ സംസ്ഥാനങ്ങളിലും പുതിയ റെയിൽവേ ലൈനുകൾ വന്നുകൊണ്ടിരിക്കുമ്പോൾ കേരളത്തിൽ മാത്രം എന്നു തീരുമെന്നു രൂപമില്ലാതെ ഇഴയുന്ന ചില പാത ഇരട്ടിപ്പിക്കലുകളും സർവേ പ്രഖ്യാപനമായി തുടരുന്ന ഏതാനും പദ്ധതികളും മാത്രമാണുള്ളത്.
ബ്രിക്സ് 16–ാം ഉച്ചകോടി റഷ്യയിലെ കസാനിൽ നാളെ സമാപിക്കും. പ്രധാനമന്ത്രി നരേന്ദ്ര മോദിയടക്കം നേതാക്കൾ പങ്കെടുക്കുന്നു.
ഒരേ ദിവസം സുപ്രീം കോടതിയിൽനിന്നുണ്ടായ രണ്ടു സുപ്രധാന ഇടപെടലുകൾ മതനിരപേക്ഷതയ്ക്കും മൗലികാവകാശങ്ങൾക്കുമുള്ള അഭിവാദ്യങ്ങളായി മാറുന്നു; രാജ്യത്തെ പരമോന്നത നീതിപീഠം ജനങ്ങൾക്കൊപ്പമെന്നും ജനാധിപത്യവും ഭരണഘടനയും അവയുടെ അടിസ്ഥാനമൂല്യങ്ങളും സംരക്ഷിക്കാൻ മുന്നിൽനിൽ‍ക്കുന്നുവെന്നുമുള്ള വിശ്വാസം വീണ്ടും ഉറപ്പിക്കുകയും ചെയ്യുന്നു.
നമ്മുടെ വ്യോമയാന മേഖലയെയാകെ ഉലയ്ക്കുന്നവിധം വ്യാജ ബോംബ് ഭീഷണികൾ തുടർച്ചയായി ഉണ്ടാകുന്നതു വലിയ ആശങ്കയായിരിക്കുന്നു. അ‍ജ്ഞാത കേന്ദ്രങ്ങളിൽനിന്നുള്ള ഭീഷണിസന്ദേശങ്ങൾ ദിവസങ്ങളായി ആഭ്യന്തര സർവീസുകൾക്കൊപ്പം പല രാജ്യാന്തര സർവീസുകളുടെയും താളംതെറ്റിച്ചിരിക്കുകയാണ്.
മുഴുവൻചൂൽ തേഞ്ഞു തീരാറാകുമ്പോഴാണ് സമഗ്രസംഭാവന കണക്കിലെടുത്ത് ‘കുറ്റിച്ചൂൽ’ പദവി സമ്മാനിക്കാറുള്ളത്. യജമാനരായ മനുഷ്യർ ശതാഭിഷേകവും നവതിയുമൊക്കെ കൊണ്ടാടുന്നതുപോലെ ജീവിതസായന്തനത്തിൽ തങ്ങൾക്കും ഇരിക്കട്ടെ ബഹുമതി എന്നേ ചൂലുകളും വിചാരിച്ചിട്ടുണ്ടാവാൻ ഇടയുള്ളൂ. തൂക്കാനും തുടയ്ക്കാനും അത്യാവശ്യം തല്ലു കൊടുക്കാനും നല്ലതാണെന്നതിനാൽ നിത്യജീവിതത്തിൽ നെടുംചൂലിനാണ് കുറ്റിയെക്കാൾ പ്രയോജനവും പ്രസക്തിയും.
രാജ്യത്തെ കായികരംഗത്തിനു പുതിയ കുതിപ്പു നൽകുകയെന്ന പ്രഖ്യാപിത ലക്ഷ്യത്തോടെയാണു കേന്ദ്രസർക്കാർ ഈയിടെ ദേശീയ കായിക നയത്തിന്റെയും തൊട്ടുപിന്നാലെ ദേശീയ കായിക ഗവേണൻസ് ബില്ലിന്റെയും കരട് അവതരിപ്പിച്ചത്. മുഖ്യമായും ഭരണപരമായ പ്രതിസന്ധികൾ മറികടക്കാൻ ഉദ്ദേശിച്ചുള്ള കായിക ഗവേണൻസ് ബില്ലിൽ കായികമേഖലയിലെ തർക്കപരിഹാരത്തിനു സ്പോർട്സ് ട്രൈബ്യൂണൽ കൊണ്ടുവരിക, കായിക ഫെഡറേഷനുകളുടെ മേൽനോട്ടത്തിനായി സ്പോർട്സ് റഗുലേറ്ററി ബോർഡ് ഓഫ് ഇന്ത്യ (എസ്ആർബിഐ) രൂപീകരിക്കുക തുടങ്ങി പല നിർദേശങ്ങളും ഉൾപ്പെടുന്നു.
അമാന്യമായ ഭാഷ ഹിംസയാണ്; അതുകൊണ്ടുതന്നെ ജനാധിപത്യവിരുദ്ധവും. ജനാധിപത്യത്തിന്റെ ആത്യന്തികലക്ഷ്യം ഓരോ മനുഷ്യജീവിയുടെയും അന്തസ്സാണ്. ഹീനമായ ഭാഷ ഉപയോഗിക്കുമ്പോൾ തരംതാഴുന്നതു കേൾക്കുന്നവനല്ല, പറയുന്നവനാണ്. ഒരാൾ എന്നത് അയാളുടെ ഭാഷയാകുന്നു.
കഴിഞ്ഞ ദിവസം വാട്സാപ്പിൽ ഫോർവേഡ് ചെയ്തുകിട്ടിയ ചിത്രമാണ് ഇവിടെ ചേർത്തിട്ടുള്ളത്. ഇൗ മനോഹര ചിത്രത്തിനൊപ്പം വന്ന കുറിപ്പ് ഇങ്ങനെ: ‘‘ദക്ഷിണാഫ്രിക്കയിൽനിന്നുള്ള അഞ്ചു വയസ്സുകാരി. ഏകയായ പാവപ്പെട്ട സ്ത്രീയുടെ ഒറ്റ മകൾ... അവളുടെ അമ്മ അവളെ റൊട്ടി വാങ്ങാൻ കടയിലേക്ക് അയച്ചു. റൊട്ടിയുമായി മടങ്ങുമ്പോൾ അപരിചിതൻ അവളുടെ ഫോട്ടോ എടുത്തു.
അഡിഷനൽ ഡിസ്ട്രിക്ട് മജിസ്ട്രേട്ട് (എഡിഎം) കെ.നവീൻ ബാബു ജീവനൊടുക്കിയ സംഭവത്തിൽ ആരോപണവിധേയയായ പി.പി.ദിവ്യയെ കണ്ണൂർ ജില്ലാ പഞ്ചായത്ത് പ്രസിഡന്റ് സ്ഥാനത്തുനിന്നു സിപിഎം പുറത്താക്കിയതു ഗത്യന്തരമില്ലാതെയാണെന്നതിൽ സംശയമില്ല. സർക്കാരിന്റെയും സിപിഎമ്മിന്റെയും മാനുഷികബോധ്യവും രാഷ്ട്രീയ മൂല്യബോധവും പൊതുസമൂഹത്തിൽ ചോദ്യം ചെയ്യപ്പെട്ട് മൂന്നാം ദിവസംമാത്രമാണു പാർട്ടിനടപടിയുണ്ടായത്; അതും ദിവ്യയ്ക്കെതിരെ പൊലീസ് ആത്മഹത്യാപ്രേരണക്കുറ്റം ചുമത്തി കേസെടുത്തതിനു പിന്നാലെ മാത്രം.
എൻഡിഎ (മഹായുതി): ബിജെപി, ശിവസേനാ ഷിൻഡെ പക്ഷം, എൻസിപി അജിത് പവാർ വിഭാഗം ഇന്ത്യാമുന്നണി (മഹാ വികാസ് അഘാ‍ഡി): കോൺഗ്രസ്, എൻസിപി ശരദ് പവാർ പക്ഷം, ശിവസേനാ ഉദ്ധവ് വിഭാഗം
ദൈവത്തിന്റെ സ്വന്തം നാടിന്റെ അപൂർവസൗന്ദര്യം സഞ്ചാരികൾക്കു കാണാനുള്ള കണ്ണുകളാണു ഹൗസ് ബോട്ടുകൾ. ഒഴുകുന്ന സ്വപ്‌നംതന്നെയായി നമ്മുടെ ഹൗസ് ബോട്ടുകൾ ദേശവിദേശങ്ങളിൽ പേരെടുത്തു. എന്നാൽ, ഈ മേഖല ഇപ്പോൾ കടന്നുപോകുന്നത് ആഴമേറിയ പ്രതിസന്ധിയിലൂടെയാണ്. ഇതിനിടയിൽ, ഹൗസ്ബോട്ട് ഓപ്പറേറ്റർമാർക്കു കനത്ത ആഘാതമായി വൻതുകയുടെ ജിഎസ്ടി കുടിശിക നോട്ടിസുകളും എത്തിയിരിക്കുന്നു.
എന്നാൽ കാണിച്ചുതരാം’ എന്നു ഗവർണർ ആരിഫ് മുഹമ്മദ് ഖാൻ പറഞ്ഞതിന് ‘വയസ്സായതുകൊണ്ട് ഒന്നും കാണിക്കാതിരിക്കുന്നതാണ് നല്ലത്’ എന്നായിരുന്നു സിപിഎം സംസ്ഥാന സെക്രട്ടറി എം.വി.ഗോവിന്ദന്റെ മറുപടി. ഒറ്റക്കാര്യത്തിനും ഗവർണർക്കു മറുപടി കൊടുക്കില്ല, ഡിജിപിയോടും ചീഫ് സെക്രട്ടറിയോടും ചോദിച്ചു മനസ്സിലാക്കാമെന്നുവച്ചാൽ അവരെക്കാണാനും സമ്മതിക്കില്ല എന്നാണ് മുഖ്യമന്ത്രി പിണറായി വിജയന്റെ കടുംപിടിത്തം.
കൊടുംദുരന്തത്തിന്റെ ആഘാതത്തിൽനിന്നു മുണ്ടക്കൈ – ചൂരൽമല പ്രദേശത്തെ കരകയറ്റാനുള്ള കേന്ദ്രസഹായം ഇപ്പോഴും ലഭ്യമാകാത്തതു കേരളത്തെയാകെ വിഷമത്തിലാഴ്ത്തുന്നു. ഉരുൾപൊട്ടലുണ്ടായി പതിനൊന്നാം ദിവസം ഈ മേഖലയിൽ പ്രധാനമന്ത്രി നരേന്ദ്ര മോദി നടത്തിയ സന്ദർശനത്തെയും സഹായവാഗ്ദാനത്തെയും ഏറെ പ്രതീക്ഷയോടെയാണു നാട് കണ്ടതെങ്കിലും ഇതുവരെ തുടർനടപടിയുണ്ടായിട്ടില്ല.
രത്തൻ ടാറ്റ യാത്രയാകുമ്പോൾ ബാക്കിയാവുന്നത് കർമധന്യമായൊരു പൂർണജീവിതത്തിന്റെ ശോഭ. ലോകമാകെ തിളങ്ങിയ ആ ഇന്ത്യൻ രത്നത്തിന് ഇനി നിത്യത. വ്യവസായ സാമ്രാജ്യത്തിന്റെ അതിരുകൾ വലുതാക്കിക്കൊണ്ടിരിക്കുമ്പോഴും ചില്ലകൾ പടർത്തിക്കൊണ്ടിരുന്ന കാരുണ്യത്തിന്റെ മഹാവൃക്ഷം കൂടിയായിരുന്നു അദ്ദേഹം. സമ്പത്തിലോ അധികാരത്തിലോ പ്രശസ്തിയിലോ അല്ല യഥാർഥ സന്തോഷമെന്നും മറ്റുള്ളവരെ ചേർത്തുപിടിക്കുന്നതിലാണെന്നും വിശ്വസിച്ച ഒരാളുടെ വേർപാടാണിത്; എത്ര ഉയരത്തിലേക്കു പറന്നുപോകുമ്പോഴും ജീവിതമൂല്യങ്ങൾ കൈമോശം വരാതെ സൂക്ഷിച്ചൊരാളുടെ വിയോഗം.
സമഭാവനയുടെ സന്നിധിയാണു ശബരിമല. വ്രതശുദ്ധിയുടെ വൃശ്ചികം പിറന്നാൽ ദർശനപുണ്യം തേടി ഭക്തസഹസ്രങ്ങളാണു ശബരിമലയിലേക്ക് എത്തുക. തിരക്കു നിയന്ത്രണത്തിനായി കർശന നടപടികളാണ് ഇത്തവണ സർക്കാർ പ്രഖ്യാപിച്ചിട്ടുള്ളത്.
നിർണായക പ്രാധാന്യമുള്ളതാണ് രണ്ടു തിരഞ്ഞെടുപ്പുഫലങ്ങളും. ജമ്മു കശ്മീരിന്റെ പ്രത്യേകപദവിയും സംസ്ഥാനപദവിയും എടുത്തുകളഞ്ഞശേഷം നടത്തുന്ന ആദ്യ നിയമസഭാ തിരഞ്ഞെടുപ്പിൽ ബിജെപിയെ പിന്നിലാക്കിയാണു നാഷനൽ കോൺഫറൻസ്– കോൺഗ്രസ് സഖ്യം ജനാധിപത്യത്തിനു കിരീടം ചാർത്തുന്നത്. ഹരിയാനയിലാവട്ടെ, പത്തു വർഷത്തെ തുടർഭരണത്തോടുള്ള ജനവിരുദ്ധവികാരം തോൽവിയിലേക്കു വഴികാണിക്കുമെന്ന പ്രവചനങ്ങൾ തെറ്റിച്ചാണു ബിജെപിയുടെ ഹാട്രിക് വിജയം.
രാജ്യത്തു കർഷകർ നേരിടുന്നതു വൻചൂഷണമെന്ന് റിസർവ് ബാങ്ക് പ്രവർത്തനരേഖ. പച്ചക്കറി, പഴം ഉൽപന്നങ്ങൾക്ക് ആഭ്യന്തര വിപണിയിൽ ഉപഭോക്താക്കൾ നൽകുന്ന വിലയുടെ മൂന്നിലൊന്നു മാത്രമാണ് കർഷകർക്കു ലഭിക്കുന്നത്. ഇടനിലക്കാരും ചില്ലറ വിൽപനക്കാരും ബാക്കി തുക പോക്കറ്റിലാക്കുന്നു.
ഏതു യുദ്ധവാർഷികവും ദുഃഖവാർഷികം കൂടിയാണ്. യുദ്ധത്തെ ദുഃഖം എന്നു മാറ്റിവിളിച്ചത് വിഖ്യാത എഴുത്തുകാരൻ ഒ.വി.വിജയനാണ്. വീണ്ടുമൊരു വലിയ ദുഃഖം ഒരു വർഷം പിന്നിട്ട് കനത്ത നാശനഷ്ടങ്ങളായി പെയ്യുകയാണിപ്പോൾ.
Results 1-50 of 5981
